ఓటర్ల జాబితా ప్రకటనకు హైకోర్టు గ్రీన్ సిగ్నల్

19:14 - October 11, 2018

హైదరాబాద్ : తెలంగాణలో ఓటర్ల జాబితాపై ఉత్కంఠకు తెరపడింది. ఓటర్ల జాబితా ప్రకటనకు హైకోర్టు గ్రీన్ సిగ్నల్ ఇచ్చింది. ఓటర్ల జాబితా విడుదలకు ఎన్నికల కమిషన్ సిద్ధమవుతోంది. ఓటర్ల జాబితా ప్రింట్‌కు హైకోర్టు ఆమోదం తెలపడంతో జాబితాను రేపు విడుదల చేసేందుకు ఈసీ ఏర్పాట్లు చేస్తోంది.

 రాష్ట్రంలో ఓటు హక్కు కోసం మొత్తం 33 లక్షల 14 వేల 6 దరఖాస్తులు వచ్చాయి. వీటిలో కొత్తగా ఓటు హక్కు కోసం 22 లక్షల 36 వేల 677 దరఖాస్తులు వచ్చాయి. అయితే 30 లక్షల 872 దరఖాస్తులకు ఈసీ ఆమోదం తెలిపింది. 3 లక్షల 12 వేల 335 దరఖాస్తులను తిరస్కరించింది. రేపు ఓటర్ల తుది జాబితా ప్రకటిస్తామని తెలంగాణ రాష్ట్ర ఎన్నికల ప్రధాన అధికారి రజత్‌కుమార్‌ తెలిపారు. లోపాలు లేకుండా ఓటరు జాబితా ప్రకటిస్తామని ఆయన చెప్పారు. 

 

Don't Miss