సరికొత్తగా హ్యుండయ్ శాంట్రో

18:25 - October 9, 2018

ముంబయి:  గత కొద్ది ఏళ్లగా వినియోగదారులకు దూరమైన హ్యుండయ్ శాంట్రో మోడల్ కారు..మళ్లీ త్వరలో మార్కెట్‌లోకి రాబోతోంది.  కొత్తగా రాబోయే శాంట్రో హ్యుండయ్ ఇయాన్, హ్యుండయ్ గ్రాండ్ ఐ10 మధ్య మోడల్‌గా విడుదల చేసేందుకు హ్యుండయ్ సన్నాహాలు చేస్తోంది. గతంలో తమ మొదటి కారుగా కొనుక్కున్న శాంట్రో వినియోగదారులు.. కొత్త మోడల్ కోసం ఎంతో కాలంగా ఎదురుచూస్తున్నారు.
గతంలో మార్కెట్‌లో రిలీజ్ అయిన శాంట్రో మోడల్ కంటే రాబోయే మోడల్ కొన్ని మార్పులు, చేర్పులతో విడుదల చేస్తున్నారు. ఎక్సటీరియర్, ఇంటీరియర్ లుక్స్‌లో భారీ మార్పులు చోటుచేసుకున్నాయి. అలాగే సరికొత్త ఫీచర్లతో శాంట్రో వస్తోంది. ప్రధానంగా కొత్త ఇంజన్, పెట్రోల్, డీజిల్ మోడళ్లతో పాటు ఆటోమేటిక్ గేర్‌బాక్స్ మరికొన్ని ఫీచర్లు ఉండబోతున్నాయి.  దీని ధర రూ 46 లక్షల మధ్య ఉండే అవకాశం ఉంది. ఈ కారు ఈ నెల 23న విడుదల చేస్తున్నట్టు హ్యుండయ్ కంపెనీ వెల్లడించింది. 

 

Don't Miss