బ్రహ్మోస్ ప్రయోగశాల వద్ద పాక్ గూఢచారి అరెస్టు

19:51 - October 8, 2018

న్యూఢిల్లీ: దేశ జాతీయ భద్రతలోని డొల్లతనం మరోసారి బయటపడింది. పాకిస్థాన్‌కు చెందిన ఐఎస్ఐ ఏజంటు ఒకరు అత్యంత భద్రత నడుమ రహస్యంగా చేపడుతున్న బ్రహ్మోస్ మిసైల్ ప్రయోగశాల వద్ద తచ్చాడుతూ కనిపించడం జాతీయ భద్రతపై అధికారులు ఎంత నిర్లక్ష్యంగా ఉన్నారో తెలియజేస్తోంది. మహరాష్ట్రలోని నాగ్‌పూర్‌లో బ్రహ్మోస్ మిసైల్ తయారీ కేంద్రం వద్ద నిషాంత్ అగర్వాల్ అనే పాకిస్థాన్ గూఢచారి తచ్చాడుతుండగా పోలీసులు అరెస్టు చేశారు. మహారాష్ట్ర, ఉత్తరప్రదేశ్‌కు చెందిన ఉగ్రవాద కార్యకలాపాల నిరోధక శాఖ అధికారులు జరిపిన సంయుక్త ఆపరేషన్‌‌లో నిషాంత్ పట్టుబడ్డట్టు నిఘా వర్గాలు పేర్కొన్నాయి.


గత కొంతకాలంగా పోలీసులు నిషాంత్ కదలికలపై నిఘా పెట్టారు. ఈ నిఘాను శనివారం నుంచి పెంచారు. కీలకమైన సాంకేతిక సమాచారాన్ని ఐఎస్ఐకు నిషాంత్ చేరవేస్తున్నాడని తెలుస్తోంది. పాకిస్థాన్‌తో పాటు ఇతర గూఢచార సంస్థలకు చేరవేస్తున్నట్టు సమాచారం.

Don't Miss