హిందూ మతంలోకి మారిన ముస్లీం కుటుంబం

16:18 - October 3, 2018

భాగ్‌పత్ (ఉత్తర్ ప్రదేశ్) : ఒకే కుటుంబానికి చెందిన 13 మంది సభ్యులు ఇస్లాం నుంచి హిందూ మతానికి మారిన ఘటన ఉత్తరప్రదేశ్‌లోని భాగ్‌పత్‌ జిల్లాలో చోటుచేసుకుంది.  

వివరాల్లోకి వెళితే ఓ ముస్లీం కుటుంబం బాదర్క గ్రామం నుంచి నవడా గ్రామానికి వలస వెళ్లారు. వారి కుటుంబంలోని వ్యక్తి ఇటీవల హత్యకు గురయ్యాడు. నిందితులను పట్టుకోవడంలో తమకు ఏ ఒక్కరూ సహాయం అందించకపోవడంతో పాటు తమకు దక్కాల్సిన న్యాయం దక్కనందున మతాన్ని మార్చుకుంటున్నట్టు కుటుంబ పెద్ద ప్రకటించాడు.  పోలీసులు కాని తమ మతానికి చెందిన వారు కాని తమకు ఎటువంటి సహాయ సహకారాలు అందించలేదని.. మతం మారడం వెనక ఎటువంటి తొందరపాటు లేదని తమంత తాముగా ఈ నిర్ణయం తీసుకున్నట్టు కుటుంబ పెద్ద వివరించాడు. దీనికి సంబంధించి కోర్టులో వీరు అఫిడవిట్ దాఖలు చేశారు. ఈ కుటుంబానికి అండగా ఉంటామని యువ హిందూ వాహిని భారత్ నేత యోగేందర్ తోమర్ ప్రకటించారు.

13 మంది గల ఈ కుటుంబం శాస్త్రోక్తంగా అగ్నిగుండం ఏర్పాటు చేసుకొని జపాలతో మతం మారటం విశేషం.

Don't Miss