ఆడపడుచులకు అండగా ఉంటా - పవన్

16:20 - November 3, 2018

అన్నవరం: డ్వాక్రా సంఘాలను పాలక పక్షాలు తమ రాజకీయ ప్రయోజనాలకు వాడుకోవడాన్ని జనసేన తప్పుపట్టింది. అధికార పార్టీ చెప్పినట్టు వినే వారికే రుణాలు ఇచ్చే పరిస్థితి రావడం దారుణం అని జనసేనాని పవన్ కళ్యాణ్ ఆవేదన వ్యక్తం చేశారు. వచ్చే ఎన్నికల్లో జనసేన ప్రభుత్వం వస్తే ఈ పరిస్థితిలో మార్పు తీసుకొస్తుందన్నారు. తూర్పుగోదావరి జిల్లా అన్నవరంలో డ్వాక్రా సంఘాలతో పవన్ సమావేశం అయ్యారు. ఈ సందర్భంగా వారు ఎదుర్కొంటున్న సమస్యలను తెలుసుకున్నారు. అధికార పార్టీకి అనుకూలంగా లేకపోతే డ్వాక్రా రుణాలు రావడం లేదని మహిళలు ఆవేదన వెలిబుచ్చారు. దీనిపై చలించిన పవన్.. స్వయం సహాయక బృందాలకు ఇలాంటి దుస్థితి దాపురించడం బాధాకరం అన్నారు. జనసేన ప్రభుత్వం వస్తే పార్టీలకు అతీతంగా ఆడపడుచులకు అండగా ఉంటానని జనసేన చీఫ్ పవన్ కళ్యాణ్ హామీ ఇచ్చారు.

Don't Miss