ఎంఎస్ఎంఈలకు ప్రధాని మోదీ దీపావళి కానుక

08:43 - November 3, 2018

ఢిల్లీ చిన్నతరహా, మధ్యతరహా వ్యాపార సంస్థలకు ప్రధాని నరేంద్ర మోదీ దీపావళి కానుక ప్రకటించారు. ఎంఎస్ఎంఈలకు 1 కోటి వరకు రుణాన్ని  కేవలం 59 నిమిషాల్లో ఇచ్చే ఏర్పాటు చేస్తున్నట్లు మోదీ వెల్లడించారు. జిఎస్‌టి పోర్టల్‌ నుంచి కూడా లోన్‌ లభిస్తుందన్నారు. సూక్ష్మ, చిన్న, మధ్య తరహా వ్యాపార సంస్థలకు సహకరిస్తూ, చేరువయ్యే ఎంఎస్ఎంఈ కార్యక్రమాన్ని  ప్రధాని ఢిల్లీలోని విజ్ఞాన్‌భవన్‌లో ప్రారంభించారు. ఈ రంగాన్ని బలోపేతం చేయడానికి 12 నిర్ణయాలు తీసుకున్నట్లు మోది చెప్పారు. ఎంఎస్ఎంఈలకు రుణ పరపతిని పెంచేందుకు, ఉపాధి అవకాశాలను సృష్టించేందుకు ఈ విధానాలు దోహదపడతాయన్నారు.  ఈ పథకం దేశంలోని 100 జిల్లాల్లో 100 రోజులపాటు అమలవుతుందని పేర్కొన్నారు.

 

Don't Miss