కోతిని మింగిన కొండచిలువ..బయటకు తీసిన స్థానికులు

15:32 - October 7, 2018

ఖమ్మం : జిల్లాలోని కారేపల్లి మండల కేంద్రంలోని పెద్దచెరువు సమీపంలో శనివారం పశువుల కాపరులు భారీ కొండచిలువను పట్టుకున్నారు. చెరువు పక్కనే ఉన్న నల్లవాగు పొదల్లో గత కొంతకాలంగా కొండచిలువ సంచరిస్తున్నట్లు స్థానిక రైతులు గుర్తించారు. పశువులను మేతకు తోలుకెల్లగా వాగుపొదల్లో కొండచిలువ కోతిని మింగుతుండటాన్ని కాపరులు చూసి స్థానికులకు సమాచారం అందించారు. దీంతో గాంధీనగర్‌కు చెందిన కొంత మంది యువకులు అక్కడకు చేరుకొని కొండచిలువను పట్టుకున్నారు. అది సుమారు 15 అడుగుల పొడవు, 60 కేజీల బరువు ఉన్నట్లు యువకులు తెలిపారు. మింగిన కోతిని బయటకు తీసిన అనంతరం.. కొండచిలువను కారేపల్లి ఫారెస్ట్‌ రేంజ్ అధికారులకు అప్పగించగా దాన్ని భద్రాద్రి కొత్తగూడెం జిల్లా టేకులపల్లి అటవీప్రాంతంలో వదిలిపెట్టారు.

 

Don't Miss