రాఫెల్ స్కాం.. మోడీని మళ్లీ టార్గెట్‌ చేసిన రాహుల్‌

09:01 - November 3, 2018

ఢిల్లీ : రాఫెల్ స్కాంపై కాంగ్రెస్ అధ్యక్షుడు రాహుల్ గాంధీ మరోసారి మోది ప్రభుత్వంపై విరుచుకు పడ్డారు. ఈ ఒప్పందంలో అనిల్‌ అంబానీ, మోది మధ్య భాగస్వామ్యం ఉండడం వల్లే ప్రధాని అనిల్‌ అంబానితో డీల్‌ చేశారని ఆరోపించారు. దస్సాల్ట్‌ కంపెనీ డబ్బులతోనే అనిల్ అంబానీ భూమి కొన్నారని రాహుల్‌ తెలిపారు.  అనిల్ అంబానీకి రూ.30,000 కోట్ల డీల్ నరేంద్ర మోదీ కట్టబెట్టారని, దీనిపై దర్యాప్తు జరిపితే మోదీ తప్పించుకోలేరని రాహుల్‌ వెల్లడించారు. ప్రధాని మోదిని రక్షించేందుకు డస్సాల్ట్‌ సిఈఓ అబద్ధాలు చెబుతున్నారని పేర్కొన్నారు. దీనిపై జెపిసితో విచారణ జరపాలని రాహుల్‌ డిమాండ్‌ చేశారు.

 

Don't Miss