రాజ్ కపూర్ భార్య కన్నుమూత

11:08 - October 2, 2018

అలనాటి ప్రముఖ బాలీవుడ్ కథానాయకుడు రాజ్ కపూర్ సతీమణి కృష్ణరాజ్ కపూర్ (87), కార్డియాక్ అరెస్ట్ కారణంగా సోమవారం‌ ఉదయం తన స్వగృహంలో కన్నుమూసారు..
కార్డియాక్ అరెస్ట్‌తోపాటు, వయసు పైబడడం వలన అమ్మ సోమవారం‌ తెల్లవారుజామున పరమపదించారు.. ఆమె మరణం మా కుటుంబానికి తీరనిలోటు అంటూ ఆమె తనయుడు రణధీర్ కపూర్ విచారం వ్యక్తంచేశారు.. 1946లో రాజ్ కపూర్, కృష్ణరాజ్ కపూర్‌ల‌ వివాహం జరిగింది.. వీరికి రిషి కపూర్, 
రణధీర్ కపూర్, రాజీవ్ కపూర్, రీతూ నందా, రీమా కపూర్ అయిదుగురు సంతానం.. కరిష్మా కపూర్, కరీనా కపూర్, రణబీర్ కపూర్‌లు కృష్ణరాజ్ కపూర్ మనవలు... అమితాబ్ బచ్చన్, అనిల్ కపూర్, కరణ్ జోహార్ వంటి బాలీవుడ్ సినీ ప్రముఖులు ఆమె భౌతికకాయాన్ని సందర్శించి నివాళులర్పించారు..
అనుపమ్ ఖేర్, రవీనా టాండన్, సోహా అలీఖాన్ ఆమె మృతిపట్ల సోషల్ మీడియాలో సంతాపం తెలియచేసారు.. 


 
 
 

Don't Miss