టాస్క్‌ఫోర్స్‌ పోలీసులపై ఎర్రచందనం స్మగ్లర్ల రాళ్ళ దాడి

21:38 - October 27, 2018

చిత్తూరు : జిల్లాలో ఎర్రచందనం దొంగలు బరితెగించారు. కూంబింగ్‌ జరుపుతున్న టాస్క్‌ఫోర్స్‌ పోలీసులపై రాళ్ళతో దాడి చేశారు. చంద్రగిరి మండలం భీమవరం సమీపంలోని ఫారెస్ట్‌లో ఈ ఘటన చోటుచేసుకుంది. లొంగిపోవాలంటూ హెచ్చరించిన పోలీసులపై స్మగ్లర్లు రాళ్ళదాడికి పాల్పడ్డారు. దీంతో పోలీసులు 2 రౌండ్లు గాల్లోకి కాల్పులు జరిపారు. పోలీసులు నలుగురు స్మగ్లర్లను అరెస్ట్‌ చేసి, 23 ఎర్రచందనం దుంగలు స్వాధీనం చేసుకున్నారు. రాళ్ళ దాడిలో ఫారెస్ట్‌ బీట్‌ ఆఫీసర్‌ కోదండంకు గాయాలయ్యాయి. గాయపడ్డ అధికారిని ఆసుపత్రికి తరలించారు.

 

Don't Miss