రాహుల్‌గాంధీని కలిసిన గద్దర్

15:14 - October 12, 2018

ఢిల్లీ : తాను ఏ పార్టీలో చేరడం లేదని ప్రజా గాయకుడు గద్దర్ స్పష్టం చేశారు. తాను ఏ పార్టీ సభ్యుడిని కాదన్నారు. ఢిల్లీలో ప్రజా గాయకుడు గద్దర్ రాహుల్ గాంధీని కలిశారు. అనంతరం గద్దర్ మీడియాతో మాట్లాడారు. సోనియమ్మను చూడటానికే ఢిల్లీకి వచ్చానని తెలిపారు. ప్రస్తుతం ప్రజాస్వామ్యం ప్రమాదంలో పడిందని... సెక్యులర్ శక్తులన్నీ ఏకం కావాలన్నారు. గజ్వేల్ నియోజకవర్గంలో అక్కడి ప్రజలు, రాజకీయ పార్టీలు కేసీఆర్‌పై పోటీ చేయాలని కోరితే తాను పోటీ చేస్తానని చెప్పారు. నయా ఫ్యూడలిజాన్ని తగ్గించేందుకు పోటీ చేస్తానని పేర్కొన్నారు. రాజకీయాల్లో ఏ పార్టీలోనైనా ఉండవచ్చన్నారు. ఓటు.. రాజకీయ విప్లవమన్నారు. 

Don't Miss