హైకోర్టు విభజనపై సుప్రీం తాజా ఉత్తర్వులు

15:18 - November 5, 2018

ఢిల్లీ: ఉమ్మడి హైకోర్టు విభజన సమస్య ఓ కొలిక్కి వచ్చింది. ఏపీలో హైకోర్టుకు మౌలిక వసతులు కల్పన పూర్తయితే నోటిఫికేషన్ జారీ చేస్తామని జస్టిస్ ఏకే సిక్రీ, జస్టిస్ అశోక్ భూషణ్ తో కూడిన ధర్మాసనం స్పృష్టం చేసింది. డిసెంబర్ 15నాటికి అమరావతిలో హైకోర్టు తాత్కాలిక భవనం పూర్తవుతుందని ఏపీ ప్రభుత్వం సుప్రీం కోర్టుకు ఇచ్చిన నివేదికలో పేర్కొంది. ఏపీ ప్రభుత్వం సమర్పించిన అఫిడవిట్ పై  సుప్రీంకోర్టు సంతృప్తి వ్యక్తం చేసింది. అమరావతిలో జస్టిస్ సిటీ నిర్మాణం కొనసాగుతున్నందున జడ్జిల నివాసం అద్దె భవనాల్లో ఏర్పాటు చేయాలని సుప్రీం కోర్టు ఏపీ ప్రభుత్వానికి సూచించింది. ఏపీ ప్రభుత్వ ప్రతిపాదనలపై  ఏపీకి వెళ్లే  హై హైకోర్టు న్యాయమూర్తులుకూడా సంతృప్తి చెందారని కోర్టు స్పృష్టం చేసింది. జనవరి 1 నుంచి కొత్త రాజధానిలో హైకోర్టు ప్రారంభం అవుతుందని ఆశిస్తున్నట్లు సుప్రీం కోర్టు పేర్కొంది. మౌలిక సదుపాయాల కల్పన పూర్తయ్యాక హైకోర్టు విభజన పూర్తి స్ధాయిలో జరుగుతుందని సుప్రీం కోర్టు ఉత్తర్వుల్లో పేర్కోంది. 

Don't Miss