టీడీపీ పార్లమెంటరీ పార్టీ సమావేశం

20:42 - October 6, 2018

అమరావతి. కేంద్రంలోని  బీజేపీ  కుట్ర రాజకీయాలతో  చిన్న చిన్న పార్టీలను అణగదొక్కాలని చూస్తోందని, ఇష్టానుసారం వ్యవహరిస్తూ  ప్రాంతీయ పార్టీలను ఇబ్బందులకు గురిచేస్తోందని టీడీపీ ఎంపీ సుజనాచౌదరి అన్నారు.  టీడీపీ పార్లమెంటరీ పార్టీ మీటింగ్ ఆ పార్టీ జాతీయ అధ్యక్షుడు చంద్రబాబునాయుడు అధ్యక్షతన శనివారం అమరావతిలో జరిగింది. అనంతరం  జరిగిన విలేకరుల సమావేశంలో సుజనాచౌదరి  పార్లమెంటరీ పార్టీ సమావేశం వివరాలు తెలియ చేస్తూ కేంద్రంలో బీజేపీ వ్యవహరిస్తున్న తీరును అరికట్టటానికి జాతీయ స్ధాయిలో భావసారూప్యం ఉన్న ఎన్డీయే వ్యతిరేక పార్టీలతో కొత్త కూటమి ఏర్పాటుకు ప్రయత్నం చేస్తామని చెప్పారు. దేశంలో మేకిన్ ఇండియా కాస్త, మైక్ ఇన్ ఇండియాగా మారిందని వ్యాఖ్యనించారు.  దేశంలో ఎరువుల రేట్లు,పెట్రోల్ రేట్లు పెరిగిపోయి డాలర్ రేటు పడిపోయిందని ఆయన అన్నారు. కేంద్రం తీసుకుంటున్న నిర్ణయాలు సామాన్యుడి పాలిట గుదిబండలా మారుతున్నాయని వచ్చే ఎన్నికల్లో బీజీపీకి వ్యతిరేకంగా కొత్త కూటమి ఏర్పాటుకు కృషి చేస్తామని సుజనాచౌదరి చెప్పారు. 

Don't Miss