తిరుమలలో ఒక్క రోజులో 5.13 లక్షల లడ్డు అమ్మకాలు

19:19 - October 1, 2018

తిరుమల: లడ్డూ విక్రయాల్లో తిరుమల శ్రీ వేంకటేశ్వర స్వామి దేవాలయం అరుదైన రికార్డును స్వంతం చేసుకొంది. సెప్టంబర్ నెలాఖరులో విపరీతమైన రద్దీ ఏర్పడంటంతో తిరుమల కొండ కిటకిటలాడింది. పవిత్ర తమిళ ప్రేస్థాసి మాసం ప్రారంభం కావడంతో తిరుమలకు భక్తులు పోటెత్తారు. సెప్టెంబరు 30 వతేదీ తెల్లవారుఝామున 3 గంటల నుంచి అక్టోబరు 1వ తేది ఉదయం 3 గంటల మధ్య (24 గంటల్లో) 5 లక్షల 13 వేల 566 లడ్డూల అమ్మకాలు జరిగినట్టు తిరుమల తిరుపతి దేవస్థానం (తితిదే) ప్రకటించింది.

గతంలో అత్యధికంగా 4 లక్షల 64 వేల 152 లడ్డూ ప్రసాదం అక్టోబరు 10, 2016 సంవత్సరంలో పంపిణీకాగా ఆ రికార్డు ఈ ఏడాది అధికమించినట్టు దేవస్థానం అధికారులు ప్రకటించారు. ఈ ఏడాది మే నెలలో 4 లక్షల 32 వేల 745 లడ్డూల అమ్మకాలు జరిగాయి. ఇదే స్థాయిలో 4 లక్షల 14 వేల 987 లడ్డూలు ఈ ఏడాదే మే నెల 19 వతేదీన దేవస్థానం విక్రయించింది. దీని తర్వాత 4 లక్షల 11 వేల 943 లడ్డూల అమ్మకాలు 2017 సంవత్సరం జూన్ 11న జరిగాయి. ఈ సందర్భంగా లడ్డూ పోటు సిబ్బందిని దేవస్థానం అధికారులు అభినందించారు.

Don't Miss