యువతిపై మేనమామ నాలుగేళ్లుగా అత్యాచారం

22:14 - October 2, 2018

ఢిల్లీ : దేశ రాజధాని ఢిల్లీలో దారుణ ఘటన వెలుగు చూసింది. యువతిపై మేనమామ అఘాయిత్యానికి పాల్పడ్డాడు. జాతకంలో దోషం ఉందంటూ ఓ యువతిపై ఆమె మేనమామ నాలుగేళ్లుగా అత్యాచారానికి పాల్పడ్డాడు. యువతికి వివాహం జరిగాక కూడా నిందితుడు ఈ అఘాయిత్యాన్ని ఆపలేదు. దీంతో విషయాన్ని యువతి తన బంధువులకు చెప్పడంతో వారు పోలీసులను ఆశ్రయించారు. 

ఆ దోషం సరి చేసుకోకపోతే తండ్రి చనిపోతాడని చెప్పి నిందితుడు బాధితురాలిని లొంగదీసుకున్నట్లు పోలీసులు తెలిపారు. మేనకోడలు అని కూడా చూడకుండా 23 ఏళ్ల యువతిపై గత నాలుగేళ్లుగా లెక్కలేనన్ని సార్లు అత్యాచారం జరిపాడని వెల్లడించారు. యువతిని ఢిల్లీలోని మహిళా సంరక్షణ గృహానికి తరలించి కౌన్సెలింగ్‌ ఇచ్చారు. నరేలా ప్రాంత పోలీసులు నిందితుడిని అరెస్టు చేశారు. 

 

Don't Miss