వచ్చే ఏడాది కొరటాల - చిరు సినిమా...

15:55 - October 14, 2018

హైదరాబాద్ : మెగాస్టార్ చిరంజీవి ‘సైరా నరసింహారెడ్డి’ చిత్రం షూటింగ్ కొనసాగుతోంది. స్వాతంత్ర సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా చిత్రం తెరకెక్కుతున్న సంగతి తెలిసిందే. కొణిదెల ప్రొడ‌క్షన్స్ ప‌తాకంపై రూపొందుతోన్న ఈ సినిమాను సురేందర్ రెడ్డి దర్శకత్వం వహిస్తున్నారు. ఖైదీ నెంబర్ 150 అనంతరం నటిస్తున్న చిత్రంపై భారీ అంచనాలు నెలకొన్నాయి. ఇది షూటింగ్‌లో ఉండగానే మరో చిత్రానికి చిరు కన్ఫామ్ చేసినట్లు వార్తలు వెలువడుతున్నాయి. 
మ్యాట్నీ ఎంటర్‌టైన్‌మెంట్ బ్యానర్‌లో కొణిదెల ప్రొడక్షన్స్‌ కంపెనీ పతాకంపై రామ్‌చరణ్‌ మరలా ఈ సినిమాను నిర్మించనున్నారు. కొరటాల శివ దర్శకత్వంలో రూపొందే సినిమా ప్రధానంగా రైతులు..వ్యవసాయ నేపథ్యంలో సాగుతుందని ప్రచారం జరుగుతోంది. వచ్చే ఏడాది ప్రారంభమయ్యే ఈ చిత్రంలో చిరంజీవి సరసన అనుష్క లేదా తమన్నాలతో నటింప చేయాలని చిత్ర యూనిట్ భావిస్తోందని సమాచారం. ఇక ఈ సినిమాకు ‘రైతు’ అనే టైటిల్ పెట్టాలని దర్శక, నిర్మాతలు భావిస్తున్నారని తెలుస్తోంది. దీనిగురించి మరిన్ని వివరాలు తెలియాల్సి ఉంది. 

Don't Miss