బాబు..రాహుల్ భేటీపై లక్ష్మీ పార్వతి మౌన దీక్ష...

13:38 - November 3, 2018

హైదరాబాద్ : టీడీపీ జాతీయ అధ్యక్షుడు చంద్రబాబు నాయుడు కాంగ్రెస్ అధినేత రాహుల్ గాంధీని కలవడంపై రాజకీయాలు రసవత్తరంగా మారుతున్నాయి. ఈ భేటీపై పలు పార్టీల నేతలు తీవ్ర విమర్శలు గుప్పిస్తున్నారు. ఆనాడు కాంగ్రెస్ ను విమర్శించిన బాబు నేడు కలవడం వెనుక ఆంతర్యం ఏంటని ప్రశ్నిస్తున్నారు. దీనిపై వైసీపీ నేత లక్ష్మీపార్వతి స్పందించారు. శనివారం ఏకంగా ఎన్టీఆర్ ఘాట్ కు వచ్చి మౌనదీక్ష చేపట్టారు. 
తెలుగుదేశం పార్టీ కాంగ్రెస్ కు వ్యతిరేకంగా పుట్టిందని, కానీ బాబు సొంత ప్రయోజనాల కోసం తాకట్టు పెడుతున్నారని విమర్శించారు. ప్రస్తుతం జరుగుతున్న పరిణామాలు తనకు తీవ్ర ఆవేదన కలిగిస్తున్నాయని, నాలుగేళ్లపాటు బీజేపీ ప్రభుత్వంతో అంటకాగి, ఎన్నికల ముందు కాంగ్రెస్ తో జతకట్టడం ప్రజలను మోసం చేయడమేనన్నారు. కేవలం అవినీతిని కప్పిపుచ్చుకొనేందుకే ఆయన కాంగ్రెస్ తో పొత్తు పెట్టుకుంటున్నారని, దీనిపై న్యాయపోరాటం చేసే అవకాశాలుంటే పరిశీలిస్తానన్నారు. 

Don't Miss