National News

ఢిల్లీ : కొండంత భరోసాతో తమకు ఒక అండ..ఒక ధైర్యం, ఒక భద్రతో కూడిన ఆశ్రయం దొరుకుతుందనే ఆశతో వచ్చినవారికి షెల్టర్‌ హోం మరింతగా జరుగుతున్న అకృత్యాలతో తల్లడిల్లిపోతున్నారు బాలికలు. ముజఫర్‌పూర్‌ షెల్టర్‌ హోంలో జరిగిన లైంగిక వేధింపుల అకృత్యాలు వెలుగుచూడటంతో బిహార్‌ ప్రభుత్వం అలర్ట్‌ అయింది. అయినాసరే తగిన  చర్యలు తీసుకోవడంలో నిర్లక్ష్యం వహించింది.  దీంతో 110 షెల్టర్‌ హోంలలో 17 హోంలలో మైనర్లపై జరుగుతున్న అరాచకాలు, లైంగిక వేధింపులపై విచారణ చేపట్టే బాధ్యతలను సర్వోన్నత న్యాయస్థానం సుప్రీంకోర్టు సీబీఐకి అప్పగించింది. కాగా ఈ కేసుల కేసుల దర్యాప్తును సీబీఐకి గానీ ఏ ఇతర విచారణ సంస్థలకు , ఇతర విచారణ సంస్థలకు బదలాయించవద్దన్న బిహార్‌ ప్రభుత్వ విజ్ఞప్తిని సుప్రీంకోర్టు కొట్టిపారేసింది. 

షెల్టర్‌ హోంలలో జరుగుతున్న దారుణాలపై విచారణను బిహార్‌ పోలీసుల నుంచి సీబీఐకి సుప్రీంకోర్టు బుధవారం  అంటే నవంబర్ 28న తేదీన బదలాయించింది. జస్టిస్‌ మదన్‌ బీ లోకుర్‌ నేతృత్వంలోని జస్టిస్‌ ఎస్‌ఏ నజీర్‌, జస్టిస్‌ దీపక్‌ గుప్తాలతో కూడిన ధర్మాసనం తీర్పు వెలువరించింది. మరో 10 రోజులు సమయం అడిగిన బిహార్‌ ప్రభుత్వ విజ్ఞప్తిని ధర్మాసనం తోసిపుచ్చింది. డిసెంబర్‌ 7 నాటికి సీబీఐ తమ చార్జిషీట్‌ సమర్పిస్తుందని కోర్టు అభిప్రాయపడింది. 
17 షెల్టర్‌ హోంలలో మైనర్లపై లైంగిక దాడులు జరుగుతున్నాయని టాటా ఇనిస్టిట్యూట్‌ ఆఫ్‌ సోషల్‌ సైన్సెస్‌ నివేదికతో ఈ అకృత్యాలు వెలుగులోకొచ్చాయి.  దీంతో ఒక్కసారిగా ముజఫర్‌పూర్‌ షెల్టర్‌ హోంలో జరిగిన దారుణాలపై కేసు నమోదు చేసి విచారణ చేపట్టిన బిహార్‌ పోలీసుల పనితీరు నచ్చని కారణంగా సీబీఐ లాంటి దర్యాప్తు సంస్థకు కేసు అప్పగించాలని సుప్రీంకోర్టు భావించింది. ముజఫర్‌పూర్‌తో పాటు ఆరోపపణలు వచ్చిన మరో 16 షెల్టర్‌ హోంలలో దారుణాలపై సీబీఐని విచారణ చేపట్టాలని ఆదేశించింది. మరి ఇకనైనా..బాధితులకు న్యాయం జరిగేనా? నిందితులకు, బాధ్యలకు శిక్ష పడేనా అనే అంశం స్పష్టం కావాలంటే ముజఫర్ షెల్డర్ హోమ్స్ లో జరుగుతున్న అరాచకాలపై పూర్తిస్థాయి విచారణ జరిగాల్సిన అవసరముంది. 
 

నెల్లూరు : పీఎస్ఎల్వీ-సీ43 రాకెట్ ప్రయోగం విజయవంతం అయింది. పీఎస్ఎల్వీ-సీ43 రాకెట్ నింగిలోకి దూసుకెళ్లింది. ఉదయం 9.58 గంటలకు పీఎస్ఎల్వీ-సీ43 రాకెట్ ప్రయోగం జరిగింది. శ్రీహరికోట రాకెట్‌ ప్రయోగ కేంద్రం నుంచి ఉదయం 9.58 గంటలకు రాకెట్ ను ఇస్రో నింగిలోకి పంపింది. పీఎస్ఎల్వీ-సీ43 రాకెట్ 31 ఉపగ్రహాలను నింగిలోకి తీసుకెళ్లింది. ఒకేసారి 31 ఉపగ్రహాలను నింగిలోకి మోసుకెళ్లింది. భారత్ కు చెందిన హైసిస్ ను పీఎస్ఎల్ వీ-సీ43 రాకెట్ కక్ష్యలోప్రవేశపెట్టింది. భూఉపరితల పరిశీలనలో హైసిస్ కీలకంగా వ్యవహరించనుంది. అడవులు, సముద్రగర్భంలోని పరిస్థితులను హైసిస్ పరిశీలించనుంది. ప్రయోగానికి ముందుగా నిర్వహించే కౌంట్‌డౌన్‌ ప్రక్రియ నిన్న ఉదయం 5.58 గంటలకు ప్రారంభమైంది. ఇది నిరంతరాయంగా 28 గంటలపాటు కొనసాగాక రాకెట్ నింగిలోకి దూసుకెళ్లింది. 
పీఎస్‌ఎల్‌వీ సి-43 ద్వారా నింగిలోకి 31 ఉపగ్రహాలు  
పీఎస్‌ఎల్‌వీ-సి43 ద్వారా మన దేశానికి చెందిన హైపవర్‌ స్పెక్ట్రల్‌ ఇమేజింగ్‌(హెచ్‌వైఎస్‌ఐఎస్‌)ఉపగ్రహంతోపాటు విదేశాలకు చెందిన 30 ఉపగ్రహాలను కక్ష్యలో ప్రవేశపెట్టారు. యూఎస్‌కు చెందిన 23 ఉపగ్రహాలు, ఆస్ట్రేలియా, కెనడా, కొలంబియా, ఫిన్‌లాండ్‌, మలేషియా, నెదర్లాండ్స్‌, స్పెయిన్‌ దేశాలకు చెందిన ఒక్కొక్క ఉపగ్రహంతో కలిపి 261.5 కిలోల బరువున్న 30 ఉపగ్రహాలను కక్ష్యలో ప్రవేశ పెట్టనున్నారు. ఇందులో ఒక మైక్రో, 29 నానో ఉపగ్రహాలు ఉన్నాయి. ఈ ఉపగ్రహాలను వేర్వేరు కక్ష్యల్లో పీఎస్‌ఎల్‌వీ ప్రవేశ పెట్టనుంది. ఇందుకుగాను రాకెట్‌లోని నాలుగో దశను రెండుసార్లు మండించారు. మన దేశానికి చెందిన హైపవర్‌ స్పెక్ట్రల్‌ ఇమేజింగ్‌ ఉపగ్రహం(హెచ్‌వైఎస్‌ఐఎస్‌) బరువు 380 కిలోలు. ‘ఆప్టికల్‌ ఇమేజింగ్‌ డిపెక్టర్‌ ఆరె చిప్‌’ ఇందులో ఉంది. దీన్ని భారత అంతరిక్ష పరిశోధన సంస్థలో ప్రధాన విభాగమైన అహ్మదాబాద్‌లోని స్పేస్‌ అప్లికేషన్‌ సెంటర్‌ వారు రూపొందించారు. ఆ తర్వాత చండీగఢ్‌లోని సెమికండక్టర్‌ ప్రయోగశాల తయారు చేశారు. 
630 కిమీ దూరం నుంచి భూమిపై రంగురంగుల చిత్రాలు.. 
630 కిలోమీటర్ల దూరం నుంచి భూమిపై రంగురంగుల చిత్రాలను తీసే అవకాశం ఉంది. ఈ ఉపగ్రహం వ్యవసాయం, అటవీ ప్రాంతాలు, తీర మండలాల అంచనా, లోతైన నీటి, మట్టి, ఇతర భూగర్భ పరిసరాలకు సంబంధించి అనేక రకాల అనువర్తనాలకు సేవలందిస్తుంది. 

శ్రీకాకుళం : శ్రీహరికోటలో విషాదం చోటు చేసుకుంది. సతీశ్ ధావన్ స్పేస్ సెంటర్‌లో నవంబర్ 29వ తేదీ గురువారం పీఎస్ఎల్‌వీ-సి43 ప్రయోగం జరుగుతోంది. ఈ ప్రయోగం సక్సెస్ కావడంతో శాస్త్రవేత్తలు సంతోషం వ్యక్తం చేశారు. కానీ అంతలోనే తీవ్ర విషాదం చోటు చేసుకుంది. రాకెట్ ప్రయోగాన్ని కవర్ చేయడానికి దూరదర్శన్ రిపోర్టర్ రాజేంద్రన్ చెన్నై నుండి వచ్చారు. బుధవారం రాత్రికి కేటాయించిన గదిలో నిద్రపోయాడు. గురువారం ఉదయం తోటి రాజేంద్రన్ బయటకు రాలేదు. అతనిని లేపడానికి తోటి మిత్రులు ప్రయత్నించారు. చివరకు గుండెపోటుతో కన్నుమూసినట్లు తేలింది. 
ఉదయం 9.58కి పీఎస్ఎల్‌వీ-సీ43 నింగిలోకి దూసుకెళ్లింది. భారతదేశానికి చెందిన హైపవర్ స్పెక్ట్రల్ ఇమేజింగ్ ఉపగ్రహంతో పాటు విదేశాలకు చెందిన 30 ఉపగ్రహాలను కక్ష్యలో ప్రవేశపెట్టనున్నారు. ఇందులో ఒక మైక్రో, 29 నానో ఉపగ్రహాలున్నాయి. ఈ ఉపగ్రహాలను వేర్వేరు కక్ష్యల్లో పీఎస్ఎల్‌వీ ప్రవేశపెట్టనుంది. 

ఢిల్లీ : భారతీయ స్టేట్ బ్యాంకు ఖాతాదారులకు ఓ శుభవార్తను చెప్పింది. ఫిక్స్‌డ్ డిపాజిట్లపై వడ్డీ రేట్లను పెంచుతున్నట్టు ప్రకటించింది. మెచ్యూరిటీలపై 5 నుంచి 10 బేసిస్ పాయింట్లను పెంచింది. కోటి రూపాయల వరకు ఉన్న ఫిక్స్‌డ్ డిపాజిట్లపై ప్రస్తుతం ఉన్న6.7 శాతం వడ్డీ రేటును 6.8 శాతానికి,  సీనియర్‌ సిటిజన్ల ఫిక్స్‌డ్‌ డిపాజిట్లపై వడ్డీరేటును 7.2 నుంచి 7.3శాతానికి పెంచినట్టు తెలిపింది. అంతేకాదు సాధారణ పౌరులకు ఇచ్చే వడ్డీ రేటు కంటే వయోవృద్ధుల డిపాజిట్లపై 0.50 శాతం వడ్డీ ఎక్కువ ఇవ్వనున్నట్టు తెలిపింది. పెంచిన వడ్డీ రేట్లు బుధవారం అంటే నవంబర్ 28వ తేదీ నుండే అమల్లోకి వచ్చినట్టు ఎస్పీబీఐ తెలిపింది. ఇటీవల ప్రైవేటు రంగ బ్యాంకులు ఫిక్స్‌డ్ డిపాజిట్ల వడ్డీ రేట్లను సవరించడంతో ఎస్‌బీఐ ఈ నిర్ణయం తీసుకుంది. మరి ఎస్పీబీఐ ఖాతాదారులకు ఈ శుభవార్తతో ఆనందమేనకదా..
 

ఢిల్లీ : దేశ రాజధానిలో రైతన్నలు కదం తొక్కనున్నారు. గతంలో లాంగ్ మార్చ్ చేసిన రైతులు కేంద్ర..రాష్ట్ర ప్రభుత్వాల పాలనను ఎండగట్టారు. దేశంలో వ్యవసాయ సంక్షోభం..రైతుల సమస్యలు అధికంగా ఉన్నాయని..తమ సమస్యలను పరిష్కరించాలంటూ రైతులు డిమాండ్ చేస్తున్నారు. 207 రైతు సంఘాలతో అఖిల భారత రైతు ఉద్యమ సమన్వయ కమిటీ (ఎఐకెఎస్‌సిసి) ఏర్పాటైంది. ఈ సంఘ నేతృత్వంలో నవంబర్ 29-30 తేదీల్లో లక్షలాది మంది రైతులు లాంగ్ మార్చ్ నిర్వహించనున్నారు. 
Image result for AIKS farmers' long march in Delhiకిసాన్ ముక్తి మార్చ్...
ఈ లాంగ్ మార్చ్‌కి ‘కిసాన్ ముక్తి మార్చ్’ అంటూ పేరు పెట్టారు. ప్రధానంగా ఉన్న 15 సమస్యలను పరిష్కరించాలనే డిమాండ్‌తో ఈ కార్యక్రమం నిర్వహంచనున్నారు. ఢిల్లీ పరిసర ప్రాంతాల నుండి లాంగ్ మార్చ్ మొదలు కానుంది. ఈ మార్చ్ సాయంత్రానికి రాంలీలా మైదానానికి చేరుకుంటుంది. అక్కడ కిసాన్ నైట్ పేరిట ఓ కార్యక్రమం నిర్వహించి నవంబర్ 30వ తేదీ ఉదయం పార్లమెంట్ వరకు లాంగ్ మార్చ్ నిర్వహంచనున్నారు. 
లాంగ్ మార్చ్‌కు మద్దతు...
దేశంలోని అన్ని రాష్ట్రాల నుండి రైతులు ఢిల్లీకి చేరుకున్నారు. మహారాష్ట్ర, పంజాబ్, కర్నాటక, తమిళనాడు, పశ్చిమ బెంగాల్ రాష్ట్రాల నుండి రైతులు భారీగా తరలివచ్చారు. వీరు చేపడుతున్న లాంగ్ మార్చ్‌కు పలు సంఘాలు..మేథావులు..రచయితలు..ఇతరులు మద్దతు తెలిపారు. 

నెల్లూరు : నేడు పీఎస్ఎల్వీ-సీ43 రాకెట్ నింగిలోకి దూసుకెళ్లనుంది. ఉదయం 9.58 గంటలకు పీఎస్ఎల్వీ-సీ43 రాకెట్ ప్రయోగం జరుగనుంది. శ్రీహరికోట రాకెట్‌ ప్రయోగ కేంద్రం నుంచి గురువారం ఉదయం 9.58 గంటలకు రాకెట్ ను నింగిలోకి పంపేందుకు ఇస్రో ఏర్పాట్లు చేసింది. పీఎస్ఎల్వీ-సీ43 రాకెట్ 31 ఉపగ్రహాలను నింగిలోకి తీసుకెళ్లనుంది. ప్రయోగానికి ముందుగా నిర్వహించే కౌంట్‌డౌన్‌ ప్రక్రియ నిన్న ఉదయం 5.58 గంటలకు ప్రారంభమైంది. ఇది నిరంతరాయంగా 28 గంటలపాటు కొనసాగాక రాకెట్ నింగిలోకి దూసుకెళ్లనుంది. 
పీఎస్‌ఎల్‌వీ సి-43 ద్వారా నింగిలోకి 31 ఉపగ్రహాలు  
పీఎస్‌ఎల్‌వీ-సి43 ద్వారా మన దేశానికి చెందిన హైపవర్‌ స్పెక్ట్రల్‌ ఇమేజింగ్‌(హెచ్‌వైఎస్‌ఐఎస్‌)ఉపగ్రహంతోపాటు విదేశాలకు చెందిన 30 ఉపగ్రహాలను కక్ష్యలో ప్రవేశపెట్టనున్నారు. యూఎస్‌కు చెందిన 23 ఉపగ్రహాలు, ఆస్ట్రేలియా, కెనడా, కొలంబియా, ఫిన్‌లాండ్‌, మలేషియా, నెదర్లాండ్స్‌, స్పెయిన్‌ దేశాలకు చెందిన ఒక్కొక్క ఉపగ్రహంతో కలిపి 261.5 కిలోల బరువున్న 30 ఉపగ్రహాలను కక్ష్యలో ప్రవేశ పెట్టనున్నారు. ఇందులో ఒక మైక్రో, 29 నానో ఉపగ్రహాలు ఉన్నాయి. ఈ ఉపగ్రహాలను వేర్వేరు కక్ష్యల్లో పీఎస్‌ఎల్‌వీ ప్రవేశ పెట్టనుంది. ఇందుకుగాను రాకెట్‌లోని నాలుగో దశను రెండుసార్లు మండించనున్నారు. మన దేశానికి చెందిన హైపవర్‌ స్పెక్ట్రల్‌ ఇమేజింగ్‌ ఉపగ్రహం(హెచ్‌వైఎస్‌ఐఎస్‌) బరువు 380 కిలోలు. ‘ఆప్టికల్‌ ఇమేజింగ్‌ డిపెక్టర్‌ ఆరె చిప్‌’ ఇందులో ఉంది. దీన్ని భారత అంతరిక్ష పరిశోధన సంస్థలో ప్రధాన విభాగమైన అహ్మదాబాద్‌లోని స్పేస్‌ అప్లికేషన్‌ సెంటర్‌ వారు రూపొందించారు. ఆ తర్వాత చండీగఢ్‌లోని సెమికండక్టర్‌ ప్రయోగశాల వారు తయారు చేశారు. 630 కిలోమీటర్ల దూరం నుంచి భూమిపై రంగురంగుల చిత్రాలను తీసే అవకాశం ఉంది. ఈ ఉపగ్రహం వ్యవసాయం, అటవీ ప్రాంతాలు, తీర మండలాల అంచనా, లోతైన నీటి, మట్టి, ఇతర భూగర్భ పరిసరాలకు సంబంధించి అనేక రకాల అనువర్తనాలకు సేవలందిస్తుంది. 

 

భూపాల్ : మధ్యప్రదేశ్, మిజోరాం రాష్ట్రాల్లో పోలింగ్ ప్రశాంతంగా ముగిసింది. చెదురుమదురు ఘటనలు మినహా పోలింగ్‌ ప్రశాంతంగా కొనసాగింది. మధ్యప్రదేశ్ లోని 230 అసెంబ్లీ స్థానాలకు, మిజోరంలో 40 అసెంబ్లీ స్థానాలకు పోలింగ్ జరిగింది. మధ్యప్రదేశ్‌ శాసనసభ ఎన్నికల్లో సాయంత్రం 6 గంటల వరకు 74.61 శాతం పోలింగ్‌ నమోదైంది. మధ్య ప్రదేశ్ లో చాలా చోట్ల ఈవీఎంలు మోరాయించడంతో పోలింగ్ ఆలస్యం అయింది. పోలింగ్ ఆలస్యంగా ప్రారంభమైన చోట సమయాన్ని పొడిగించారు. 104 సం.రాల వృద్ధురాలు ఓటు హక్కును 
వినియోగించుకుంది. డిసెంబర్ 11న కౌంటింగ్ జరుగనుంది.  
మధ్య ప్రదేశ్ లో.. 
రాష్ట్ర వ్యాప్తంగా చాలా నియోజకవర్గాల్లో ఈవీఎంలు మొరాయించడంతో వాటిని మార్చి వాటి స్థానంలో కొత్త వాటిని వినియోగించారు. చెదురుమదురు ఘటనలు మినహా పోలింగ్‌ ప్రశాంతంగా కొనసాగింది. నిర్ణీత సమయంలోపు పోలింగ్‌ కేంద్రాలకు వచ్చి లైన్లలో నిలబడ్డ వారికి ఓటు వేసే అవకాశం ఇచ్చారు. దీంతో పోలింగ్‌ మరింత పెరిగింది. 2013 ఎన్నికల్లో ఆ రాష్ట్రంలో 72.69 శాతం పోలింగ్‌ నమోదైంది. గతంలో కంటే ఈ సారి పోలింగ్‌ శాతం అధికంగా నమోదైంది. చాలా నియోజక వర్గాల్లో ఓటింగ్‌ యంత్రాల్లో సాంకేతిక లోపాల గురించి ఫిర్యాదులు అందడంతో రాష్ట్ర వ్యాప్తంగా మొత్తం 883 బ్యాలట్‌ యూనిట్లు, 881 కంట్రోల్‌ యూనిట్లు, 2,126 వీవీపీఏటీలను మార్చి, వాటి స్థానంలో కొత్తవాటిని అమర్చామని అధికారులు వివరించారు.

రాష్ట్రంలో మొత్తం 230 శాసనసభ స్థానాలు ఉన్నాయి. అధికారులు ముందుగా నిర్ణయించిన సమయం ప్రకారం.. బుధవారం ఉదయం 8 గంటల నుంచి సాయంత్రం 5 గంటల వరకు 227 స్థానాల్లో పోలింగ్‌ జరగాలి. మిగతా మూడు స్థానాలు మావోయిస్టు ప్రభావిత ప్రాంతాలు కావడంతో ఆయా ప్రాంతాల్లో ఉదయం 7 గంటల నుంచి మధ్యాహ్నం 3 గంటల వరకు పోలింగ్ కొనసాగింది. అయితే, ఓటింగ్‌ యంత్రాల్లో లోపాల కారణంగా పలు ప్రాంతాల్లో ఓటింగ్‌ ప్రక్రియ ఇంకా కొనసాగింది. అలాగే, సాయంత్రం 5 గంటలలోపు పోలింగ్‌ కేంద్రాలకు వచ్చి క్యూల్లో నిలబడ్డవారికి కూడా ఓటు వేసే అవకాశం కల్పించారు. 

రాష్ట్ర ఎన్నికల ప్రధానాధికారి వీఎల్‌ కాంతారావ్‌ మీడియాతో మాట్లాడుతూ.. రాష్ట్రంలో 2.5 శాతం ఓటింగ్ యంత్రాలను మార్చి కొత్త వాటిని వినియోగించినట్లు తెలిపారు. ‘ఈ ఎన్నికల్లో విధులు నిర్వహిస్తున్న అధికారుల్లో ముగ్గురు కార్డియాక్‌ అరెస్ట్ కారణంగా మృతి చెందారు. భింద్‌ జిల్లా గధ్‌పురాలో ఎన్నికల నేపథ్యంలో జరిగిన ఓ ఘర్షణలో ఒక వ్యక్తికి గాయాలయ్యాయి’ అని ఆయన తెలిపారు. మరికొన్ని చోట్ల స్వల్ప ఘర్షణలు చోటు చేసుకున్నాయి.
మిజోరంలో 
మిజోరంలో శాసనసభ ఎన్నికల పోలింగ్‌ ప్రశాంతంగా ముగిసింది. మొత్తం 40 నియోజకవర్గాలకు నేడు పోలింగ్‌ జరిగింది. ఉదయం 7 గంటలకు మొదలైన పోలింగ్‌ సాయంత్రం 4 గంటల వరకు కొనసాగింది. ఈ ఎన్నికల్లో 209 మంది అభ్యర్థుల భవితవ్యం ఈవీఎంలలో నిక్షిప్తమైంది. మొత్తం 70శాతం పోలింగ్‌ నమోదైనట్లు ఎన్నికల అధికారులు వెల్లడించారు.

మిజోరం ఎన్నికల్లో యువత నుంచి వయోవృద్ధుల వరకు ఉత్సాహంగా తమ ఓటు హక్కును వినియోగించుకున్నారు. ఉదయం నుంచే పోలింగ్‌ కేంద్రాల వద్ద బారులు తీరి ఓటేశారు. 100ఏళ్లు దాటిన బామ్మలు, తాతయ్యలు కూడా ఓటు వేశారు. ఐజ్వాల్‌ ఈస్ట్‌ -1 నియోజకవర్గంలో 108ఏళ్ల తాత రొచింగా ఓటు హక్కు వినియోగించుకుని యువతకు ఆదర్శంగా నిలిచారు. రొచింగా కర్ర సాయంతో నడుచుకుంటూ వచ్చి ఓటేయడం విశేషం. హచెక్‌ నియోజకవర్గంలో 106ఏళ్ల దరోహ్‌నుని ఓటు వేశారు. తన మునిమనవరాలితో కలిసి వచ్చి దరోహ్‌నుని ఓటు హక్కు వినియోగించుకున్నారు.

ఒడిషా : పురుషుల హాకీ ప్రపంచ కప్ 2018 టోర్నమెంట్ లో భారత్ బోణి కొట్టింది. భారత హాకీ జట్టు శుభారంభం చేసింది. అద్భుతమైన ప్రదర్శనతో అదరగొట్టింది. ప్రారంభ మ్యాచ్‌లో దక్షిణాఫ్రికాపై విజయం సాధించింది. దక్షిణాఫ్రికాపై 5-0 గోల్స్ తేడాతో భారత్ గెలుపొందింది.

భువనేశ్వర్ లోని కలింగ స్టేడియంలో దక్షిణాఫ్రికా, భారత్ మధ్య హాకీ తొలి మ్యాచ్ జరిగింది. టీమిండియాకు సఫారీలు ఏ దశలోనూ పోటీ ఇవ్వలేకపోయారు. బంతి దాదాపుగా భారత్‌ నియంత్రణలోనే ఉంది. సిమ్రన్‌ జీత్‌ 3 నిమిషాల వ్యవధిలో (43 నిమిషాలు, 46 నిమిషాలు) రెండు గోల్స్‌ కొట్టి అదరగొట్టాడు. ఆట ప్రారంభమైన పదో నిమిషంలోనే మన్‌దీప్‌ సింగ్‌ గోల్‌ చేశాడు. మరో రెండు నిమిషాల్లోనే ఆకాశ్‌దీప్‌ గోల్‌ కొట్టి స్కోర్ ను 2-0కు తీసుకెళ్లాడు. సిమ్రన్‌ జీత్‌, లలిత్‌ వెంటవెంటనే 3 గోల్స్‌ చేయడంతో భారత్‌ 5-0తో నిలిచింది. ఆ తర్వాత దక్షిణాఫ్రికాకు అవకాశాలు రాలేదు.

అహ్మదాబాద్: ఆశారాం బాపూ.. పెద్దగా పరిచయం అక్కర్లేని పేరు. బాలికపై అత్యాచారం కేసులో దోషిగా జీవిత ఖైదు అనుభవిస్తున్న వివాదాస్పద ఆథ్యాత్మిక గురువు. ఆశ్రమం ముసుగులో ఆయన చేసిన అరాచకాలు వెలుగులోకి వచ్చాయి. దీంతో జనాలు ఆశారాం బాపూని చీదరించుకుంటున్నారు. అతడిని కఠినంగా శిక్షించాలని డిమాండ్ చేస్తున్నారు. ప్రస్తుతం ఈ బాబా జైల్లో ఉన్నారు.
కాగా మరోసారి ఆశారాం బాపూ పేరు వెలుగులోకి వచ్చింది. ఇందుకు కారణం గుజరాత్ రాష్ట్రం అహ్మదాబాద్‌లో ఏర్పాటు చేసిన పుస్తక ప్రదర్శనే. అహ్మదాబాద్ మున్సిపల్ కార్పొరేషన్ ఆధ్వర్యంలో బుక్ ఫెయిర్ ఏర్పాటు చేశారు. ఇందులో పలు స్టాళ్లు ఏర్పాటు చేసిన అన్ని రకాల పుస్తకాలు ఉంచారు. ఇంతవరకు ఓకే కానీ.. ఇక్కడ ఓ స్టాల్ మాత్రం వివాదానికి దారితీసింది. దీనికి కారణం ఆశారాం బాపూ పేరున స్టాల్ ఉంచి ఆయన రాసిన పుస్తకాలను విక్రయానికి ఉంచడమే. ఆ స్టాల్‌లో ఆశారాం బాపూకి సంబంధించిన పుస్తకాలను, సాహిత్యాన్ని, పెద్ద పెద్ద ఫొటోలను ప్రదర్శనకు ఉంచారు. ఆశారాం బాపూ సాహిత్యానికి సంబంధించి సుమారు 250 పేర్లతో పుస్తకాలను ఉంచి వాటిని విక్రయిస్తున్నారు. అవన్నీ గుజరాతీ, హిందీ భాషలో ఉన్నాయి. అంతేకాదు అక్కడ ఓ టీవీ ఏర్పాటు చేసి అందులో ఆశారాం బాపూ ప్రవచనాలను వినిపిస్తున్నారు. పుస్తక ప్రదర్శనకు వచ్చే సందర్శకులకు ఆశారాం బాపూ అనుచరులు ఆయన గొప్పదనాన్ని వివరిస్తుండటం విశేషం.
ఆశారాం బాపూ పేరుతో స్టాల్‌ ఏర్పాటు చేయడం, ఆయన పుస్తకాలను విక్రయానికి ఉంచడంపై తీవ్ర విమర్శలు వ్యక్తమవుతున్నాయి. అత్యాచారం కేసులో జైల్లో శిక్ష అనుభవిస్తున్న వ్యక్తి పుస్తకాలను ప్రదర్శనకు ఉంచడం ఏంటని సందర్శకులు మండిపడుతున్నారు. ఓ రేపిస్ట్ బాబా పుస్తకాలను విక్రయాలకు ఉంచి సభ్య సమాజానికి ఏం మేసేజ్ ఇద్దామని అనుకుంటున్నారు? అని నిలదీస్తున్నారు.
ఈ విషయాన్ని వారు అధికారులు దృష్టికి తీసుకెళ్లారు. వెంటనే ఆ స్టాల్‌ను తొలగించాలని డిమాండ్ చేశారు. దీనిపై స్పందించిన అధికారుల.. అసలు ఆ స్టాల్ విషయాలేవీ తమకు తెలియదన్నారు. అన్ని ఏర్పాట్లు ఆన్‌లైన్ లోనే జరిగిపోయాని వివరించారు. తమకు ఎలాంటి సంబంధం లేదని బదులిచ్చారు.
2013 ఆగస్టు 15 రాత్రి తనపై ఆశారాం బాపూ ఆశ్రమంలో లైంగిక దాడికి పాల్పడినట్టు 16 సంవత్సరాల బాలిక పోలీసులకు ఫిర్యాదు చేశారు. ఈ కేసులో జోథ్‌పూర్‌ కోర్టు ఈ ఏడాది ఏప్రిల్‌ 25న ఆశారాంను దోషిగా నిర్ధారిస్తూ జీవిత ఖైదు విధించిన విషయం విదితమే.

హైదరాబాద్ మహానగరం మరో భారీ ఎక్స్‌పోకి వేదిక కానుంది. ఆసియాలోనే అతిపెద్ద ఎంటర్‌టైన్‌మెంట్ ఎక్స్‌పో హైదరాబాద్‌లో జరగనుంది. ఇండియాజాయ్-2018 పేరుతో హైటెక్స్‌లోని హెచ్‌ఐసీసీలో ఈ ఎక్ప్‌పో నిర్వహించనున్నారు. డిసెంబర్ 2 నుంచి 6వ తేదీ వరకు ఐదు రోజుల పాటు ఈ ఎక్ప్‌పో జరగనుంది. యానిమేషన్, గేమింగ్, డిజిటల్ మీడియా, వీఎఫ్ఎక్స్, కామిక్స్, సినిమా రంగాలకు సంబంధించి ప్రదర్శనలు ఇవ్వనున్నారు. ఈ ఎక్ప్‌పో నూతన అధ్యయనం కానుందని నిర్వాహకులు తెలిపారు. సుమారు 25వేల మంది డెలిగేట్లు హాజరవుతారని.. టాలెంట్‌ను ప్రోత్సహించడానికి, నేర్చుకోవడానికి ఇది మంచి అవకాశం అని నిర్వాహకులు తెలిపారు. దీనికి హాజరయ్యే విద్యార్థులకు డిజిటల్, మీడియా కంటెంట్ గురించి అవగాహన కల్పిస్తామన్నారు. 30 దేశాల నుంచి నిపుణులు వస్తారని చెప్పారు. ప్రపంచవ్యాప్తంగా యానిమేషన్, గేమింగ్, వీఎఫ్‌ఎక్స్ రంగాల పరిధి పెరుగుతోందని, ఈ రంగాల్లో ఉద్యోగ అవకాశాలు పెరగనున్నాయని నిర్వాహకులు వెల్లడించారు.

న్యూఢిల్లీ: మధ్యప్రదేశ్, మిజోరంలో జరిగిన అసెంబ్లీ ఎన్నికలు ప్రశాంతంగా ముగిసాయి. మద్యప్రదేశ్‌లో 230 స్థానాలకు జరిగిన ఎన్నికల్లో 65.5 శాతం ఓటింగ్ నమోదు కాగా మిజోరంలో 40 స్థానాలకు జరిగిన ఎన్నికల్లో 71 శాతం మంది తమ ఓటు హక్కును వినియోగించుకున్నారు. 
కొన్ని చోట్ల ఈవీఎం యంత్రాలు మొరాయించగా... కొన్ని చోట్ల రాజకీయ పార్టీ కార్యకర్తలు ఘర్షణ పడిన సంఘటనలు చోటుచేసుకొన్నాయి. మిజోరంలో మధ్యాహ్నం 3 గంటలకు 65 శాతం ఓట్లు నమోదుకాగా, మధ్యప్రదేశ్‌లో 2 గంటలకు కేవలం 34.99 శాతం పోలింగ్ మాత్రమే నమోదయ్యింది. 23 పోలింగ్ బూతుల్లో ఎవీఎంల పనిచేయకపోవడంతో పోలింగ్ అక్కడ ఆలస్యం అయ్యింది.
 

 

ఈ రోజుల్లో మొబైల్ ఫోన్ ఒక నిత్యవసర వస్తువు అయిపోయింది. చిన్న, పెద్ద.. పేద, ధనిక అనే తేడా లేదు.. దాదాపు అందరి చేతుల్లోనూ స్మార్ట్ ఫోన్లు దర్శనమిస్తున్నాయి. రానున్న రోజుల్లో ఈ సంఖ్య మరింత గణనీయంగా పెరగనుందని గణాంకాలు చెబుతున్నాయి. భారత దేశంలో స్మార్ట్‌ఫోన్ వినియోగదారుల సంఖ్య ఏకంగా 142 కోట్లకు చేరనుందని, వీరిలో 4జీ కస్టమర్ల వాటా 80శాతంగా ఉండనుందని ఎరిక్‌సన్ మొబిలిటీ తన నివేదికలో అంచనా వేసింది.
ఆరేళ్లలో 100 కోట్లు:
ఎరిక్సన్ మొబిలిటీ ఇంకా పలు విస్తుపోయే విషయాలు వెల్లడించింది. ప్రస్తుతం దేశంలో 56 కోట్లుగా ఉన్న స్మార్ట్‌ఫోన్‌ వినియోగదారుల సంఖ్య మరో ఆరేళ్లలో(2024) 100 కోట్లకు చేరుకోవచ్చని,  అలాగే నెలవారీగా సరాసరి డేటా సేవల వినియోగం 14శాతం వృద్ధి నమోదు చేసుకోనుందని తెలిపింది. 2018లో 6.8 జీబీ స్థాయి నుంచి 2024 నాటికి 15 జీబీకి చేరుకోవచ్చని అంచనా వేసింది. వచ్చే ఆరేళ్లలో ఇంటర్నెట్‌ ఆఫ్‌ థింగ్స్‌ (ఐఓటీ) ఆధారిత స్మార్ట్‌ఫోన్లు 400 కోట్ల స్థాయిని అధిగమించవచ్చని అంచనా కట్టారు.
2022 నాటికి దేశంలో 5జీ సేవలు అందుబాటులోకి వచ్చినప్పటికీ వినియోగం పెరిగేందుకు రెండేళ్లు పట్టొచ్చని అంచనా వేశారు. 2024 నాటికి 5జీ కస్టమర్ల సంఖ్య 3.8 కోట్లుగా ఉండే అవకాశం ఉందని, మొత్తంగా అంచనా వేసిన కస్టమర్లలో వీరి వాటా కేవలం 2.7 శాతంగా ఉండనుందని నివేదికలో తెలిపింది. 5జీ సేవలతో మొబైల్‌ ద్వారా సెకనుకు ఒక గిగాబైట్‌ వేగంతో ఇంటర్నెట్‌ను యాక్సెస్‌ చేసే వీలుంటుందన్నారు.
5జీ యూజర్లు @ 150కోట్లు:
2024 ఆఖరు నాటికి ప్రపంచ జనాభాలో దాదాపు 150 కోట్ల మంది 5జీ వినియోగదారులు ఉంటారని ఎరిక్సన్‌ మొబిలిటీ పేర్కొంది. 5జీ వినియోగంలో ఉత్తర అమెరికా, ఈశాన్య ఆసియా ప్రాంత దేశాలు ముందు వరుసలో ఉంటాయని తెలిపింది. 2024 నాటికి ప్రపంచవ్యాప్త 5జీ సేవల వినియోగదారుల్లో ఉత్తర అమెరికా వాటా 55 శాతం, ఈశాన్య ఆసియా వాటా 43 శాతంగా ఉండవచ్చని అంచనా కట్టింది. భారత్‌లో మరికొన్నాళ్ల పాటు 4జీ సేవలదే హవా కొనసాగవచ్చని తెలిపింది. ప్రపంచవ్యాప్తంగా ఈ ఏడాది మూడో త్రైమాసికంలో మొబైల్‌ కనెక్షన్ల సంఖ్య 12 కోట్ల మేర పెరగ్గా.. ఇందులో భారత్‌ వాటా 3.1 కోట్లుగా ఉందని తెలిపారు. కొత్త సబ్‌స్క్రయిబర్స్‌ విషయంలో ఎరిక్సన్‌ నివేదిక ప్రకారం డ్రాగన్ కంట్రీ చైనా 3.7 కోట్ల మంది కొత్త యూజర్లతో నెంబర్ 1 ప్లేస్‌లో ఉంది. మొత్తంగా ప్రపంచవ్యాప్తంగా మొబైల్ వినియోగదారుల సంఖ్య గణనీయంగా పెరగనుండటం విశేషం.

ముంబయి: ఓ 13 ఏళ్ల చిన్నారి స్టేజీ మీద డ్యాన్స్ చేస్తూనే మధ్యలో కుప్పకూలి మరణించింది. ముంబయిలో బీజేపీ కార్పోరేటర్ కమలేశ్ యాదవ్ నిర్వహించిన డ్యాన్సు ఈవెంట్‌లో పాల్గొనేందుకు 7 వ తరగతి చదువుతున్న అనీషా శర్మ అనే బాలిక ముందుకొచ్చింది. నాట్యం ప్రారంభించిన 10 నిమిషాలకే స్టేజీ మీద అనీషా కిందపడిపోయింది. దగ్గరలోని ఆసుపత్రికి తరలించగా అనీషా మరణించిందని వైద్యులు దృవీకరించారు. మరణానికి కారణం తెలుసుకొనేందుకు ఆమె శరీరాన్ని పోస్టుమార్టమ్ నిమిత్తం ప్రభుత్వ ఆసుపత్రికి తరలించారు.  
 

 

భోపాల్: ఏనుగు చచ్చినా, బతికినా ఒకటే అన్న చందంగా మనిషి బతికినా.. మరణించినా డబ్బులే డబ్బులు అంటున్నాడు అస్తిపంజరాలను స్మగ్లింగ్ చేసే ఓ వ్యక్తి. అనుమానంతో బీహార్‌లోని శారన్ ప్రాంతంలో ఒక వ్యక్తిని పోలీసులు మంగళవారం చాప్రా రైల్వేస్టేషన్‌లో అదుపులోకి తీసుకున్నారు. ఆ వ్యక్తిని సంజయ్ ప్రసాద్‌గా గుర్తించారు. అతను బల్లియా-సీల్డా ఎక్స్‌ప్రెస్‌లో ప్రయాణిస్తుండగా అనుమానంతో అదుపులోకి తీసుకోగా అతని వద్ద దాదాపు 50 మానవ అస్తిపంజరాలు లభించాయి. ఉత్తరప్రదేశ్ రాష్ట్రంలోని బాలీయా ప్రాంతం నుంచి అస్తిపంజరాలను కొనుగోలు చేసి వాటిని భూటాన్ ద్వారా చైనాకు స్మగ్లింగ్ చేస్తున్నారు. ఈ అస్తిపంజరాలు హిమాలయ ప్రాంతంలో ఉండే తాంత్రికులకు సరఫరా చేస్తామని సంజయ్ ప్రసాద్ పోలీసులకు వివరించాడు. ప్రసాద్ అస్తిపంజరాల స్మగ్లింగ్ చేసే ముఠాలోని వ్యక్తిగా పోలీసు విచారణలో తేలింది. ప్రసాద్ మొబైల్ ఫోను డాటాను పరిశీలించగా అతనికి భూటాన్, నేపాల్‌కు చెందిన వారితో సంబంధాలు ఉన్నట్టు తేలింది. హిమాలయాల్లో జరిగే తాంత్రిక పూజలకు ఈ అస్తిపంజురాలను వాడతారని ప్రసాద్ పోలీసులకు విచారణలో చెప్పినట్టు తెలుస్తోంది. 
అయితే.. ఈ ముఠాలోని ఇతర వ్యక్తులను అదుపులోకి తీసుకొనేందుకు ప్రయత్నిస్తున్నారు. ప్రసాద్ వద్ద భూటాన్ కరెన్సీ నోట్లు, నేపాల్ సిమ్ కార్డులు లభించాయని పోలీసులు తెలిపారు. 
శారన్ పోలీసులు 2009లో ఒక బస్సులో ప్రయాణిస్తున్న వ్యక్తి వద్దనుంచి 67 మానవ అస్తిపంజరాలను స్వాధీనం చేసకోగా.. 2004 లో దాదాపు 100 మానవ పుర్రెలను ఉత్తరప్రదేశ్ లోని గయ ప్రాంతంలో స్వాధీనం చేసుకున్నారు. దీన్నిబట్టి మానవ పుర్రెలకు, అస్తిపంజరాలకు చైనాలో భారీ డిమాండ్ ఉన్నట్టు అర్థమవుతోందని బీహార్ పోలీసు అధికారులు భావిస్తున్నారు.
 

 

భోపాల్: మధ్యప్రదేశ్ లో ఎన్నికలు  ప్రశాంతంగా జరుగుతున్న వేళ విషాదం చోటుచేసుకుంది. ఎన్నికల విధుల్లో ఉన్న సిబ్బంది ముగ్గురు వేర్వేరు చోట్ల గుండెనొప్పితో మరణించారు. ఇండోర్ లో ఇద్దరు, గుణలో ఒక్కరు గుండెనొప్పితో మరణించినట్లు ఎన్నికలసంఘం తెలిపింది. మరణించిన వారికి సంతాపం తెలిపిన ఎన్నికలసంఘం మరణించిన ఒక్కొక్కరి కుటుంబానికి 10 లక్షల రూపాయలు ఏక్స్ గ్రేషియా ప్రకటించింది. 

న్యూఢిల్లీ: వాహనాలు వెదజల్లే ఉద్గారాల వల్ల దేశ రాజధాని కాలుష్య కాసారంగా మారింది. ఈ కాలుష్యం కోరల్లోంచి బయటపడేందుకు చేసిన ప్రయత్నాలు ఎవీ ఫలించేలా లేవు. దీంతో ఢిల్లీ రోడ్లపై నడిచే మొత్తం వాహనాలల్లో కనీసం 25 శాతం విద్యుత్‌తో నడిచే వెహికల్స్ ఉండాలని ఢిల్లీ సర్కార్ మంగళవారం ఆర్డినెన్స్ జారీ చేసింది. దీనికి సంబంధించి ఢిల్లీ ఎలక్ట్రికల్ వెహికల్ పాలసీ - 2018 ను రూపొందించింది. 
ఈ విధానం ఈవీ (ఎలక్ట్రికల్ వెహికల్స్) వాహనాల అమలుకు కొత్త మార్గదర్శకాలకు రూపకల్పన చేసేందుకు ఉపయోగపడుతుంది. ఇక కొత్త వాహనాల రిజిస్ట్రేషన్లలో 25 శాతం ఈవీ వాహనాలు ఉండాలని ప్రభుత్వం ఆదేశించింది. ఢిల్లీలో దుమ్ము, ధూళీ అధికం కావడంతో కాలుష్యం విజృంభించి దారుణమైన పరిస్థితులు ఏర్పడుతున్నాయి. ఇందులో 30 శాతం వాహనాల నుంచి వెలువడే కాలుష్యం వల్లేనని నివేదికలు తెలుపుతున్నాయి. జీరో ఎమిషన్‌తో నడిచే విద్యుత్ వాహనాలను రోడ్లపైకి తీసుకురాగలిగితే పరిస్థితి కొంత అదుపులోకి రావచ్చు. విద్యుత్ వాహనాల అమలుకు కొంత కార్పస్ ఫండ్‌ను సైతం కేజ్రీవాల్ ప్రభుత్వం ఏర్పాటు చేసింది.
 

 

న్యూఢిల్లీ:  మనం కొత్త ప్రాంతానికి వెళుతున్నప్పుడు దారి తెలుసుకోవడానికో.. లేదా ఎదన్నా దగ్గరలో రెస్టారెంట్‌లు, పబ్‌లు ఏమన్నా ఉన్నయేమో అని తెలుసుకోవడానికి గూగుల్‌ మ్యాపును ఆశ్రయిస్తాం. కానీ ఒక ట్విట్టర్ వినియోగదారుడు గూగుల్‌ మ్యాపులో ‘‘బిచ్చెస్ నియర్ మీ’’ అని టైపు చేస్తే తన ప్రాంతంలో ఉన్న గర్ల్స్ హాస్టళ్లు, పేయింగ్ గెస్టులు కనిపించడంతో ఒక్కసారి షాక్ అయ్యాడు. 
దీన్ని స్క్రీన్ షాట్ తీసి తన ట్విట్టర్‌ అకౌంటులో పోస్టుచేయడంతో వైరల్ అయ్యింది. 
ఇది ఒక ప్రాంతానికో, సిటీకో పరిమితం కాలేదు.. ప్రపంచం యావత్తూ ఇదే ఫలితాలను గూగుల్ మ్యాపు చూపించడం గమనార్హం. బాలికల పాఠశాలను గూగుల్ ఎలా చూపిస్తుందో చూద్దామని చేసిన ప్రయత్నంతో ఇది బయటపడింది. బిచ్చెస్ అనే పదం పూర్తిగా మహిళలను అగౌరవసూచికంగా భావిస్తారు. అయతే గూగుల్ ఈ తప్పును సరిదిద్దుకుంది. ఇది ఒక బగ్ వల్ల ఇలా వచ్చిందని భావిస్తున్నారు. అయితే దీనికి సంబంధించి గూగుల్ దగ్గరనుంచి ఎటువంటి స్పందనా రాలేదు.

 

ఢిల్లీ: దేశీయ మొబైల్ తయారీ సంస్ధ డీటెల్ ఇప్పుడు అతి తక్కువధరకు తమ ఎల్సీడీ టీవీని మార్కెట్లోకి విడుదల చేసింది. ఇంతవరకు చౌక ధరకు మొబైల్ ఫోన్లను అందించిన సంస్ద రూ.3,999 లకే 19 అంగుళాల టీవీని వినియోగదారులకు అందిస్తోంది. డీ1 పేరుతో మార్కెట్ లో లభ్యమయ్యే టీవీ ప్రపంచంలోనే అత్యంత తక్కువ ధర కలిగిన ఎల్ సీడీ టీవీ అని సంస్ధ ప్రకటించింది. పెరుగుతున్నటీవీ మార్కెట్లో చౌకైన టీవీలకు ఉన్న డిమాండ్ ను గుర్తించి డీ1 టీవీని తీసుకువచ్చినట్లు సంస్ధ ఎండీ యోగేష్ భాటియా చెప్పారు. 
డీ1 టీవీ విశేషాలు
భారతదేశంలో అత్యంత తక్కువ ధరకు లభిస్తున్న డీ1 టీవీ 48.3 సెం.మీ లు లేదా 19 అంగుళాల డిస్ ప్లే  ఉంటుంది. దీని పిక్చర్ రిజల్యూషన్ 1366x768 కాగా కాంట్రాస్ట్ రేషియో 300000 గా ఉంది.  టీవీలో  కంప్యూటర్ తో  కనెక్టివిటీ కోసం ఒక హెచ్డీఎమ్ఐ, ఒక యూఎస్బీపోర్టు అమర్చారు.
ఎలా కొనాలి?
వినియోగదారులు  ప్రస్తుతం డీ1 టీవీని  డీటెల్ యాప్ ద్వారా, బీ2బీ అడ్డా.కామ్ ద్వారా కొనుగోలు చేయవచ్చని, వచ్చేసంవత్సరం జనవరి  నుంచి ఫ్లిప్ కార్ట్, ఆమేజాన్ వంటి ఆన్ లైన్ సంస్ధలలోనూ టీవీ కొనుగోలు చేయవచ్చని సంస్ధ తెలిపింది.

చిత్తూరు : రిలయెన్స్ అధినేత ముఖేష్ అంబానీ ఇంట్లో త్వరలో భాజాభజంత్రీలు మోగనున్నాయి. ఆయన కుమార్తె ఈషా అంబానీ వివాహం డిసెంబర్ 12న జరుగనున్న సంగతి తెలిసిందే.  పిరామల్‌ ఇండస్ట్రీస్‌ ఛైర్మన్‌ అజయ్‌ పిరామల్‌ కుమారుడు ఆనంద్‌‌తో ఈషా వివాహం జరుగనుంది. ఇప్పటి నుండే పెళ్లి ఏర్పాట్లలో అంబానీ ఫ్యామీలీ బిజీబిజీగా ఉంది. అత్యంత ఖరీదైన పెళ్లికార్డును అతిథులకు అంబానీ దంపతులు అందచేస్తున్నారు.
Image result for Isha Ambani's Wedding Cardఈ సందర్భంగా పెళ్లికార్డును తిరుమల శ్రీవారి చెంత ఉంచేందుకు ముఖేష్ అంబానీ, కుమారుడు అనంత్ అంబానీలు తిరుమలకు విచ్చేశారు. నవంబర్ 27వ తేదీ ఉదయం వచ్చిన వీరు మహాద్వారం ద్వారా శ్రీవారి ఆలయంలోకి ప్రవేశించారు. అనంతరం వీరు అర్చన సేవలో పాల్గొన్నారు. వివాహ ఆహ్వాన పత్రికను శ్రీవారి పాదాల చెంత ఉంచి టీటీడీ అర్చకుల ఆశీస్సులు తీసుకున్నారు. అనంతరం రంగనాయకుల మండపంలో పండితులు వేదాశీర్వచనం పలికి శేషవస్త్రంతో సత్కరించారు. స్వామివారి తీర్థప్రసాదాలను అందజేశారు. డిసెంబరు 8, 9 తేదీల్లో ఈషా వివాహ వేడుకలు అత్యంథ ఘనంగా నిర్వహించేందుకు ఏర్పాట్లు పూర్తి చేస్తున్నారు. అక్టోబరులో ఇటలీలోని లేక్‌ కోమోలో ఆనంద్‌-ఈషా నిశ్చితార్థం వేడుక అట్టహాసంగా జరిగిన సంగతి 

-నిట్ విద్యార్థి అభ్యర్థనను తోసిపుచ్చిన కోర్టు
ఛండీగడ్: కురుక్షేత్రలోని నేషనల్ ఇనిస్టిట్యూట్ ఆఫ్ టెక్నాలజీ (నిట్)లో ఇంజనీరింగ్ చదువుతున్న విద్యార్థి కంపార్టుమెంటు పరీక్షలకు తనను అనుమతించాలని చేసిన అభ్యర్థనను చంఢీగఢ్ కోర్టు కొట్టివేసింది. 
ఆ విద్యార్థి గత తోమ్మిదేళ్లలో 17 కాంపార్టమెంటు పరీక్షలలో ఫెయిల్ అయ్యాడు. చివరిసారిగా తనకు పరీక్షలు రాసే అవకాశం ఈ ఏడాది ఇవ్వాలని కోర్టును అభ్యర్థించాడు. ఈ పిటీషన్‌పై స్పందించిన కోర్టు ఆ విద్యార్థిని మందలించింది. ‘‘దయచేసి ఇంజనీరింగ్ విద్యను వదిలేసి దేశాన్ని కాపాడండి’’ అంటూ చురకలు అంటించింది. 
తన డిగ్రీ చదువుకోసం ప్రభుత్వ సొమ్ము వృధా చేస్తున్నందుకు విద్యార్థి తీరును తప్పబడుతూ, ప్రధాన న్యాయమూర్తి కోర్టు సమయాన్ని కూడా వృధా చేయవద్దు అంటూ ఘాటుగా విమర్శించింది. తొమ్మిదేళ్లలో 17 సార్లు పరీక్షలు ఉత్తీర్ణత కాలేనివాడివి ఈఏడాది ఒకేసారి ఎలా పాస్ అవుతావని ప్రశ్నించింది.
 

ఢిల్లీ: మధ్యప్రదేశ్,మిజోరం రాష్ట్రాల శాసనసభ ఎన్నికల పోలింగ్ బుధవారం ఉదయం ప్రారంభమైంది. మధ్యప్రదేశ్ లో 230 అసెంబ్లీ స్ధానాలకు మిజోరంలో 40 స్ధానాలకు ఈరోజు పోలింగ్ నిర్వహిస్తున్నారు.ఒకే విడతలో ఈ రెండు రాష్ట్రాల్లో పోలింగ్  జరుగుతుంది.  
మధ్యప్రదేశ్ లో  ఉదయం 8 గంటలనుంచి సాయంత్రం 5 గంటలవరకు, మిజోరంలో  ఉదయం 7 గంటలనుంచి సాయంత్రం 4 గంటల వరకు పోలింగ్  జరుగుతుంది. 
మధ్యప్రదేశ్ లో 230 స్ధానాలకు 2,899 మంది అభ్యర్ధులు పోటీలో ఉండగా, మొత్తం 5,04.95.251 మంది ఓటర్లు తమ ఓటు హక్కును వినియోగించుకుంటున్నారు. నక్సల్స్ ప్రభావిత ప్రాంతాలైన బాలాఘాట్, లంజీ,బైహార్, పరస్వాద్ లలో  మధ్యాహ్నం 3గటలవరకే పోలింగ్ జరుగుతుంది.  17 పోలింగ్ కేంద్రాలను సమస్యాత్మక కేంద్రాలుగు గుర్తించి అక్కడ భద్రత పెంచారు.  పోలింగ్ కోసం 3 లక్షల మంది ప్రభుత్వ ఉద్యోగులు విధుల్లో ఉన్నారు.  2లక్షలమంది పోలీసులతో పోలింగ్ కేంద్రాల వద్ద  భద్రత ఏర్పాటు చేశారు.   4వ సారి అధికారం  కోసం బీజేపీ  ప్రయత్నిస్తుండగా, 15 ఏళ్ల  తర్వాత అధికారం చేజిక్కించుకోవాలని కాంగ్రెస్ ప్రయత్నిస్తోంది. 
> అధికార బీజేపీ 230 స్ధానాలకు 
> కాంగ్రెస్ 229స్ధానాలకు 
>లోక్ తాంత్రిక్ జనతాదళ్ 1
>227 బీస్పీ
>51 సమాజ్ వాది పార్టీ
>ఆమ్ ఆద్మీ 208 స్ధానాల్లో పోటీ చేస్తున్నాయి.
మిజోరంలో  7.7 లక్షల మంది ఓటర్లు ఈరోజు తమ ఓటు హక్కు వినియోగించుకుంటున్నారు.  2008 , 2013 లో అధి కారంలోకి వచ్చిన కాంగ్రెస్ ఈ సారి కూడా అధికారాన్ని  చేజిక్కించుకోవాలని యత్నిస్తోంది. మిజోరంలో 40 అసెంబ్లీ  స్ధానాలకు 209 మంది అభ్యర్ధులు బరిలో ఉండగా  కాంగ్రెస్, మిజో నేషనల్  ఫ్రంట్ మధ్య  పోటీ నెలకొని ఉంది. 

 

 

న్యూఢిల్లీ: వసతి గృహాల్లో చిన్నారి బాలికలపై లైంగిక వేధింపులు జరుగుతుంటే నిమ్మకు నీరెత్తినట్టు ఉంటారా.. చర్యలు తీసుకోవడంలో ఇంత నిర్లక్ష్యమా అంటూ బీహార్ పోలీసులపై సుప్రీంకోర్టు ఆగ్రహం వ్యక్తం చేసింది. ముజఫూర్‌నగర్ వసతిగృహంలో షెల్టర్ తీసుకుంటున్న బాలికలపై  లైంగికవేధింపుల కేసును విచారిస్తున్న సుప్రీంకోర్టు మదన్ బి లోకూర్ ఆద్వర్యంలోని ప్రత్యేక బెంచి బీహార్‌లోని వసతి గృహాల్లో ఘోరాలు జరుగుతున్నా ప్రభుత్వం నిర్లక్ష్యంగా వ్యవహరిస్తోందని వ్యాఖ్యానించింది. అన్ని కేసులు సీబీఐకే అప్పజెపితే బాధితులకు సత్వర న్యాయం ఎక్కడ జరుగుతుందని ప్రశ్నించింది. పోలీసుల కేసు నమోదు చేసి విచారణ చేయకపోతే ఇటువంటి దారుణమైన ఘటనల్లో నిజాలు బయటకు రావని కోర్టు వ్యాఖ్యానించింది.
ఐపీసీ సెక్షన్ 377ను ఉపయోగించి ఎన్ని కేసులు నమోదు చేశారో తెలపాలని తూర్పారపట్టింది. రాష్ట్రంలో ఉన్న అన్ని వసతిగృహాల్లో జరిగే అకృత్యాలను మీరు టేకప్ చేస్తారా అంటూ సీబీఐ కౌన్సెల్‌ను కోర్టు ప్రశ్నించింది. 
 

 

సీజనల్ ఫ్రూట్స్ అయిన రేగి పండ్లు తెలుసు కదా.. వగరుగా, తియ్యగా, పుల్ల పుల్లగా ఉంటాయి. రోడ్డు సైడ్ బండి కనిపిస్తే చాలు ఆగి నాలుగు నోట్లో వేసుకుంటాం. ఆరోగ్యానికి మంచిది అని మరో నాలుగు ఇంటికి పట్టుకెళతాం. ఇక్కడి వరకు అయితే పర్వాలేదు.. రేగిపండ్లు తిని డ్రైవింగ్ చేస్తే యమా డేంజర్. పుట్టి బుద్ది ఎరిగాక ఇలా ఎవరూ చెప్పలేదు.. ఎందుకు అంటారా.. అక్కడికే వస్తున్నాం.

రేగిపండ్లు తింటే మిషన్ చెప్పేస్తోంది :
టైటిల్ చూసి షాక్ అవ్వొద్దు.. అమ్మతోడు ఇది నిజం. ఇదెవరో చెప్పింది కాదు.. పోలీస్ స్టేషన్‌లో బ్రీత్ అనలైజర్ టెస్టులో ఓ పోలీస్ చూపించిన నిజం. ఓ పోలీస్‌కు మొదటగా బ్రీత్ అనలైజర్ టెస్టు ద్వారా రీడింగ్ చెక్ చేస్తారు. ఆల్కాహాల్ శాతం జీరో అని వస్తుంది. ఆ తర్వాత ఓ మూడు రేగి పండ్లు తింటాడు ఆ పోలీస్. మిషన్ నోట్లో పెట్టి ఊదుతాడు. అంతే రీడింగ్ 550 చూపిస్తుంది. ఆల్కాహాల్ అస్సలు తీసుకోలేదు.. అయినా రేగిపండ్లు తిన్న తర్వాత మిషన్ రీడింగ్ చూపిస్తున్న వీడియో సోషల్ మీడియాలో వైరల్ అయ్యింది. ఈ వీడియో ఏ పోలీస్ స్టేషన్‌లో తీశారు.. వాళ్లు ఎవరు.. ఎందుకు పరీక్షించారు.. వాళ్లకు ఎందుకు డౌట్ వచ్చింది.. ఇలాంటి సందేహాలు ఎన్నో ఉన్నా.. డ్రంక్ అండ్ డ్రైవ్ బ్రీత్ అనలైజర్ మాత్రం రీడింగ్ చూపిస్తోంది. రేగిపండ్లు తిని బండి తీస్తే.. పోలీసులకు దొరికితే జైలు ఖాయం అని ఈ రీడింగ్ చెబుతోంది.

550 రీడింగ్ ఎలా వస్తుంది ?
రేగిపండ్లు తింటే బ్రీత్ అనలైజర్ ఎందుకు అంత రీడింగ్ చూపిస్తుందీ.. ఆల్కాహాల్ కంటే రేగిపండ్లలో అంత మత్తు పదార్థం ఉందా అనే డౌట్ వస్తుంది. వాస్తవంగా రేగిపండ్లు ఎన్ని తిన్నా మత్తు ఉండదు.. శరీరంలో మాత్రం ఆల్కాహాల్ శాతం ఎలా చూపిస్తుంది అనేది సామాన్యులకు అంతుచిక్కటం లేదు. ఈ వీడియోలో మార్ఫింగ్ చేసింది అనటానికి కూడా ఆస్కారం లేదు.. అంతా పక్కాగా అనిపిస్తోంది. నాలుగు బీర్లు, ఫుల్ బాటిల్ కొడితే వచ్చేంత రీడింగ్.. మూడు రేగి పండ్లు తింటే ఎలా వచ్చింది అనే క్వశ్చన్లతో నెటిజన్లు ప్రశ్నలు సంధిస్తున్నారు. ఇది ఫేక్ అయ్యి కూడా ఉండొచ్చనే అనుమానాలు వ్యక్తం అవుతున్నాయి.

550 రీడింగ్ అంటే జైలుకే..:
రేగిపండ్లు తిని బండి తీస్తే.. పోలీసుల డ్రంక్ అండ్ డ్రైవ్‌కు దొరికితే మాత్రం నేరుగా జైలుకి వెళ్లటం ఖాయం. ఎందుకంటే 35 దాటితేనే జైలు అంటున్నారు.. అలాంటిది 500 చూపిస్తే ఊరుకుంటారా.. ఓ నెల రోజులు అయినా జైల్లో ఉండాల్సిందే.. సో.. బీ కేర్ ఫుల్ రైడర్స్... ఇది నిజమా.. అబద్దమా అనేది తెలియలేదు. ఎవరికి వాళ్లు నెటిజన్లు షేర్లు చేసేస్తున్నారు. సోషల్ మీడియాలో వైరల్ అయిపోయింది. దీనిపై క్లారిటీ ఇవ్వాల్సింది పోలీసులే. లేకపోతే అప్పటి వరకు ఇది తిరుగుతూనే ఉంటుంది..

ఢిల్లీ : త్వరలో పార్లమెంట్ ఎన్నికలు జరగనున్న నేపథ్యంలో మాజీ ఐఏఎస్ అధికారణి బీజేపీ పార్టీలో చేరారు. 1994 బ్యాచ్ ఒడిశా క్యాడర్ ఐఏఎస్ అధికారిణి అపరాజిత..ఢిల్లీలో అమిత్ షా సమక్షంలో పార్టీలో చేరారు. నవంబర్ 16న వాలంటరీ రిటైర్మెంట్ కోసం అప్లై చేసుకున్నారు. ఆమె దరఖాస్తును అంగీకరించిన బీజేపీ ప్రభుత్వం ఆమె రిటైర్మెంట్ ను ఆమోదించింది. కాగా విధులు నిర్వహణలో అపరాజిత  మహత్మాగాంధీ జాతీయ గ్రామీణ ఉపాధి హామీ చట్టం జాయింట్‌ సెక్రటరీగాను..ఒడిశా రాజధాని భువనేశ్వర్‌ మున్సిపల్‌ కార్పొరేషన్‌ కమిషనర్‌ గా పనిచేశారు. అపరాజితను అమిత్ షా వద్దకు ఒడిశా బీజేపీ అధ్యక్షుడు బసంత్ పాండా  ఆధ్వర్యంలో ఆమె బీజేపీలో చేరారు.
 

 

కురుక్షేత్ర: హర్యానాలోని కురుక్షేత్ర సమీపంలో  మంగళవారం తెల్లవారుఝూమున కల్కాహౌరా ఎక్స్ ప్రెస్ రైలు బోగీలో మంటలు చెలరేగాయి. ఇంజన్ వెనుక వున్న బోగీలో మంటలు గమనించిన రైల్వేసిబ్బంది వెంటనే రైలును ఆపి మంటలు అదుపులోకితెచ్చారు. ఈఘటనలో ఎవరూ గాయపడలేదు. ప్రయాణికులందరూ సురక్షితంగా ఉన్నారు. పొగ వలన ఇద్దరికి శ్వాస తీసుకోవటంలో ఇబ్బంది ఏర్పడటంతో వారిని ఆసుపత్రికి తరలించి చికిత్స అందించారు. రైలు యధావిధిగా నడుస్తోంది. షార్ట్ సర్క్యూట్ వల్ల మంటలు సంభవించి ఉంటాయని, ఘటనపై విచారణ జరిపిస్తామని రైల్వే అధికారులు తెలిపారు. 

న్యూఢిల్లీ: వారం క్రితం ఒక వ్యక్తి కారంపొడి జల్లేందకు ప్రయత్నించగా.. అరెస్టయిన ఘటన మరువక ముందే..తాజాగా మరోవ్యక్తి ముఖ్యమంత్రి అరవింద్ కేజ్రీవాల్‌ను సందర్శకుని ముసుగులో తుపాకి బుల్లెట్ తీసుకొని లోపలికి వెళ్లేందుకు ప్రయత్నించటాన్ని గమనించిన భధ్రతా సిబ్బంది 39 ఏళ్ల వ్యక్తిని అదుపులోకి తీసకున్నారు. పన్నెండు మందిగల మతగురువుల బృందం సోమవారం ముఖ్యమంత్రిని కలిసేందుకు అనుమతి తీసుకుంది. అందులో మహమ్మద్ ఇమ్రాన్ అనే వ్యక్తి కూడా వక్ఫ్ బోర్టు చెల్లించే వేతనాన్ని పెంచాలని కోరేందుకు కేజ్రీవాల్ ఇంటివద్ద జరిగే ఒర్జాంట దర్బారుకు వచ్చాడు. ఇమ్రాన్‌ను పరీక్షిస్తుండగా అతని పర్సులో ఒక బులెట్‌ను గమనించిన భద్రతా సిబ్బంది అతన్ని నిలిపివేశారు. ఒక  మసీదులో సంరక్షకుడిగా పనిచేస్తున్న ఇమ్రాన్‌ను పోలీసులు అదుపులోకి తీసుకొని ప్రశ్నిస్తున్నారు. 
మసీదులో ఉన్న హుండీలో ఎవరో బులెట్‌ను వేశారని అది తన బ్యాగులో పెట్టుకుని మరిచిపోయినట్టు ఇమ్రాన్ పోలీసులకు తెలిపాడు. ఆ బుల్లెట్‌ను యమున నదిలో విసిరేద్దామని అనుకున్నానని కానీ తన బ్యాగులోనే ఉంచుకున్నానని అతను చెప్పాడు. ఈ సంఘటనపై పోలీసులు విచారణ కొనసాగిస్తున్నారు.
 

 

భోపాల్: భారతీయ జనతా పార్టీ 15 ఏళ్లుగా నిర్మించిన మధ్యప్రదేశ్ కోటను బద్దలు కొట్టేందుకు కాంగ్రెస్ ఇతర పార్టీలు హోరాహోరీ పోరుకు తలపడుతున్నాయి. 13 ఏళ్లుగా ముఖ్యమంత్రిగా ఏకచత్రాధిపత్యాన్ని కొససాగిస్తున్న శివరాజ్ సింగ్ చౌహాన్ తన సంక్షేమ పథకాలే తనను నాలుగోసారి ముఖ్యమంత్రి పీఠం అధిరోహించేందుకు దోహదపడతాయని విశ్వసిస్తుంటే.. చౌహాన్‌ను చూసి చూసి జనం మొహం మొత్తిపోయారని గెలుపు తమదే అంటూ కాంగ్రెస్ నేతలు మూకమ్మడిగా ఎదురుదాడికి దిగుతున్నారు. 2003 నుంచి బీజేపీ అధికారంలో ఉన్న రాష్ట్రం మధ్యప్రదేశ్. సోమవారం (నవంబర్ 26)తో ప్రచారం సమాప్తమయ్యింది. బరిలో ఉన్న రాజకీయ పార్టీలు బలాబలాలు తేల్చుకొనేందుకు మొహరించి ఉన్నాయి. దాదాపు 50 లక్షమంది ఓటర్లు 230 అసెంబ్లీ నియోజకవర్గాల్లో 2,907 అభ్యర్థుల భవితవ్యాన్ని నవంబర్ 28 (బుధవారం)న జరిగే ఎన్నికల్లో తేల్చనున్నారు.

ఈ ఎన్నికల్లో బీజేపీ, కాంగ్రెస్‌లతో పాటు బీఎస్పీతో సమాజ్‌వాదీ పార్టీ, గౌండ్వానా గణతంత్ర పార్టీ, ఆమ్ అద్మీపార్టీలతో పొత్తుకుదుర్చుకొని అతిపెద్ద కూటమిగా ఎన్నికల బరిలో నిలిచింది.

2008 అసెంబ్లీ ఎన్నికల్లో పార్టీల లాబలాలు
పార్టీలు సీట్లు ఓటింగ్ శాతం
బీజేపీ 143 38
కాంగ్రెస్ 71 32
ఇతరులు 16 30
మొత్తం సీట్లు 230  
2013 అసెంబ్లీ ఎన్నికల్లో పార్టీల బలాబలాలు
పార్టీలు సీట్లు ఓటింగ్ శాతం
బీజేపీ 165 44.8
కాంగ్రెస్ 58 36.4
ఇతరులు 7 19
మొత్తం సీట్లు 230  

ముఖ్యమంత్రి శివరాజ్ సింగ్ చౌహాన్‌ను ఎదుర్కొనేందుకు విబేధాలను పక్కకు పెట్టి సీనియర్ కాంగ్రెస్ నేతలంతా ఒక్కతాటిపై నిలిచారు. కమలనాథ్, దిగ్విజయ్ సింగ్, జ్యోతిరాధిత్య సింధియా లాంటి నాయకులు మూకమ్మడిగా దాడి చేస్తూ చౌహాన్‌ను నాలుగోసారి ముఖ్యమంత్రి పీఠాన్ని అధిరోహించకుండా అడ్డుకొనేందుకు సర్వశక్తులూ ఒడ్డుతున్నారు. ‘‘చౌహాన్‌కు రాజకీయాలంటే విరక్తి వచ్చిందని.. 13 ఏళ్లు పాలించేసరికి పదవీకాంక్ష పోయిందని..కాబట్టి ఆయన ఇంటికిపోవడం ఖాయం’’ అంటూ  కాంగ్రెస్ నేతలు తమకు తాము బలం తెచ్చుకొనేందుకు అన్ని యుక్తులను ప్రచారంలో ప్రదర్శించారు. ఇక శివరాజ్ సింగ్ బలాలు బలహీనతలు ఇలా ఉన్నాయి

ముఖ్యమంత్రి శివరాజ్ సింగ్ చౌహాన్ బలాలు

  • ఫ్యాక్టరీల్లో పనిచేసే వర్కర్లకోసం సంభల్ పథకం ఇస్తున్న సత్ఫలితాలు
  • పెళ్లిచేసుకునే వారికి ప్రకటించిన నజరానాలు
  • గ్రామీణ రోడ్లకు మహార్దశ
  • వృధ్యాప్య ఫించన్లు
  • వృథ్ధులకు ఒకసారి తీర్థయాత్ర ఖర్చులు చెల్లించడం
  • ప్రతీ ఆడపిల్లకు రూ 6 వేలు 5 ఏళ్ల వయస్సు వచ్చేవరకు ఎన్ఎస్ఎస్ సర్టిఫికెట్లు
  • స్కూలుకు వెళ్లే బాలికలకు ఉచిత సైకిళ్లు
  • ప్రతిభగల బాలికలకు రూ. 5 వేల స్టైఫండ్

ముఖ్యమంత్రి శివరాజ్ సింగ్ చౌహాన్ బలహీనతలు

  • మూడు పర్యాయాలు అధికార పీఠంలో ఉన్నందుకు ప్రభుత్వంపై తీవ్ర వ్యతిరేకత
  • మందాసర్ జిల్లాలో మద్ధతు ధరలకోసం 6 గురు రైతుల ఆత్మహత్యలు
  • ఎస్సీ, ఎస్టీల ప్రమోషన్ల రిజర్వేషన్ల కోసం నిరసన జ్వాలలు
  • పలువురు ఎమ్మెల్యేలపై తీవ్ర వ్యతిరేకత
  • చౌహాన్ సర్కార్‌పై రైతుల, అగ్రవర్ణాల వారి తిరుగుబాటు
  • మోదీపై వ్యతిరేకత చౌహాన్ ప్రభుత్వంపై తీవ్ర ప్రభావం
  • అధ్వాన్నంగా మారిన రాష్ట్ర ఆర్థిక పరిస్థితి

తనపై వస్తున్న వ్యతిరేకతలను గమనించి వాటిని అధిగమించేందుకు గత మూడేళ్లుగా ముఖ్యమంత్రి కొన్ని మార్పులు చేర్పులు తీసుకొచ్చారు. తన వ్యక్తిగత బలంతో 2008లో 143 సీట్లను 2013 నాటికి 165 సీట్లకు చేర్చిన చౌహాన్..సంక్షేమ పథకాల అమలుపై ప్రత్యేక శ్రధ్దపెట్టారు. తన సంక్షేమ పథకాలే తనను నాలుగోసారి ముఖ్యమంత్రి పదవి అలంకరించేలా దోహదపడతాయని చౌహాన్ బలంగా నమ్ముతున్నారు.

ఇప్పటికే కాంగ్రెస్ అధ్యక్షులు రాహుల్ గాంధీ ఈ ఏడాది జూన్ నుంచి ఆరు సార్లు రాష్ట్రంలోని అన్ని ప్రాంతాల్లో పర్యటించి 20 పైగా బహిరంగ సభల్లో, 5-6 ఎన్నికల రోడ్ షోలల్లో పాల్గొన్నారు. జ్యోతిరాధిత్య సింధియా దాదాపు 100 బహిరంగ సభల్లో పాల్గొని ప్రజలను పార్టీకి ఓటువేసేవిధంగా ప్రసంగాలు చేశారు. ఇక ప్రధాని నరేంద్ర మోడీ ప్రచారాన్ని నవంబర్ 16 దాదాపు 30 నియోజకవర్గాలున్న వింధ్య ప్రాంతంలో మాత్రమే పర్యటించి ప్రసంగించారు. కాంగ్రెస్ నాయకుడు రాజ్‌బబ్బర్ రూపాయి - డాలర్ మారకం విలువను మోదీ తల్లి వయస్సుతో పోల్చి చేసిన వ్యాఖ్యలు వివాదాస్పదం అయ్యాయి.  దీంతో మోదీ కాంగ్రెస్ నేతలపై తీవ్ర స్థాయిలో విరుచుకుపడ్డారు.

మధ్యప్రదేశ్ ఎన్నికలు అన్ని పార్టీలకు ప్రతిష్టాత్మకం కావడంతో హోరు పోటాపోటీగా సాగుతోంది. ఓట్ల కౌంటింగ్ డిసెంబరు 11 న జరిగే ఓట్ల లెక్కింపులో పార్టీల భవితవ్యం తేలిపోనుంది.

 

Pages

Don't Miss