National News

ఉత్తరప్రదేశ్ : అయోధ్యలోని బాబ్రీ మసీదుపై వివాదాలు ఎంతకీ వీడటంలేదు. ఎట్టి పరిస్థితుల్లోను రామమందిరం నిర్మాణం జరగాల్సిందేనని శివసేన పట్టును వీడటంలేదు. ఈ నేపథ్యంలో శివసేన సీనియర్ నేత సంజయ్ రౌత్ వివాదాస్పద వ్యాఖ్యలు చేశారు. 17 నిమిషాల్లోనే బాబ్రీ మసీదును కూల్చేశామని ఆయన పేర్కొన్నారు. శివసేన చీఫ్ ఉద్ధవ్ థాకరే అయోధ్యకు వెళుతున్న నేపథ్యంలో, మీడియాతో రౌత్ మాట్లాడుతూ ఈ వ్యాఖ్యలు చేశారు. అయోధ్యలో రాముడి ఆలయం నిర్మించాల్సిందేనని ఆయన స్పష్టం చేశారు. 
 యూపీలో, కేంద్రంలో బీజేపీ అధికారంలో ఉందని... ఆలయాన్ని నిర్మిస్తామని గత ఎన్నికల్లో తాము హామీ ఇచ్చామని..అయినప్పటికీ ఆలయ నిర్మాణంలో జాప్యం ఎందుకు జరుగుతోందని సంజయ్ రౌత్ మండిపడ్డారు. మసీదును కూల్చేందుకు రామభక్తులకు 17 నిమిషాలు పడితే... ఆలయాన్ని నిర్మించేందుకు ఏళ్లకు ఏళ్లు ఎందుకు పడుతోందని ఆయన అసహనం వ్యక్తం చేశారు. సంజయ్ రౌత్ వ్యాఖ్యలు ప్రస్తుతం రాజకీయవర్గాల్లో వేడిని పుట్టిస్తున్నాయి. 
 

రాజస్థాన్ : రాష్ట్రంలో రాజకీయాలు రసవత్తరంగా కొనసాగుతున్నాయి. అసెంబ్లీ ఎన్నికలు జరుగుతున్న నేపథ్యంలో అధికా బీజేపీ పార్టీలో అంతర్గత పోరు ప్రారంభమైనట్లుగా రాజకీయ వర్గాల సమాచారం. అసెంబ్లీ టిక్కెట్ ఆశించిన నేతలు బీజేపీని వీడుతున్నారు. మరోపక్క మరికొందరు నేతలు తిరుగుబాటుదారులుగా మారి పార్టీకి సరికొత్త తలనొప్పులు తీసుకొస్తున్నారు. దీంతో బీజేపీ అగ్రనేతలు ఎన్నికల సమయం దగ్గరకొస్తున్న నేపథ్యంలో రెబల్ గా మారిన నేతలను బుజ్జగించేందుకు యత్నిస్తున్నారు. అయినా వినకపోవటంతో వారిపై బీజేపీ అధిష్టానం క్రమశిక్షణా చర్యలకు సిద్ధమైంది.  ఈ క్రమంలో 11 మంది రెబల్స్‌ను పార్టీ నుంచి సస్పెండ్‌ చేసింది. వీరిలో నలుగురు మంత్రులు కూడా ఉండటం గమనార్హం.
వీరంతా తమ నామినేషన్లు వెనక్కి తీసుకునేందుకు ఒప్పుకోకపోవడంతో భాజపా ఈ నిర్ణయం తీసుకోక తప్పలేదు. ఈ మేరకు 11 మంది సీనియర్‌ నేతలను ఆరు సంవత్సరాల పాటు పార్టీ ప్రాథమిక సభ్యత్వం నుంచి తొలగిస్తున్నట్లు గురువారం భాజపా ఓ ప్రకటన విడుదల చేసింది. శాసనసభ ఎన్నికల్లో పార్టీ వీరికి టికెట్‌ ఇచ్చేందుకు నిరాకరించింది. దీంతో అసంతృప్తి చెందిన వీరు రెబల్స్‌గా నామినేషన్లు దాఖలు చేశారు.

ఎన్నికల ప్రక్రియ మొదలైనప్పటి నుంచే భాజపాకు ఈ రెబల్స్‌ సమస్య మొదలైంది. ఇప్పటికే కొందరు సిట్టింట్‌ ఎమ్మెల్యేలు టికెట్‌ రాకపోవడంతో కాంగ్రెస్‌లో చేరారు. భాజపా నుంచి కాంగ్రెస్‌లో చేరిన తిరుగుబాటు ఎమ్మెల్యే మానవేంద్ర సింగ్‌ రాష్ట్ర ముఖ్యమంత్రి వసుంధరా రాజే నియోజకవర్గమైన ఝల్రాపఠాన్‌ స్థానం నుంచి బరిలోకి దిగారు. ఒక్క భాజపాకే కాదు.. అటు కాంగ్రెస్‌కు కూడా రెబల్స్‌ సమస్య ఎదురవుతోంది. కాంగ్రెస్‌లోనూ 40 మంది తిరుగుబాటుదారులున్నారు. వీరిలో మాజీ మంత్రులు కూడా ఉన్నారు. ఇలా భాజపా, కాంగ్రెస్‌, ఆయా పార్టీల తిరుగుబాటుదారులతో ఈసారి రాజస్థాన్‌ ఎన్నికలు రసవత్తరంగా మారాయి. రాష్ట్రంలో డిసెంబరు 7న ఎన్నికలు జరగనున్నాయి. డిసెంబరు 11న ఓట్ల లెక్కింపు చేపట్టనున్నారు. ఈ క్రమంలో రాజస్థాన్ లో గెలుపు కోసం అటు అధికార బీజేపీ, ఇటు ప్రతిపక్ష కాంగ్రెస్ పార్టీలు మమ్మరంగా ప్రచారం చేస్తున్నాయి. మరి గెలుపు ఎవరిని వరించనుందో వేచి చూడాల్సిందే.
 

న్యూఢిల్లీ : సెల్ఫీ మోజు, అతివేగం ఇద్దరు మెడికోలను బలితీసుకున్నాయి. న్యూఢిల్లీలోని హిందూరావ్ మెడికల్ కాలేజీలో చదువుతున్న సత్య విజయ్ శంకరన్, చంద్రశేఖర్‌లు ఈ మధ్యనే ప్రారంభించిన సిగ్నేచర్ బ్రిడ్జిపై..  బైక్‌ను అతి వేగంతో నడపడమే కాకుండా, సెల్ఫీ కూడా తీసుకోవాలని ప్రయత్నించారు. ఆక్రమంలో అదుపుతప్పి, వంతెన పైనుంచి బైక్‌తో  పాటు కిందికి పడిపోయారు. ఘటన స్థలంలోనే ఇద్దరూ ప్రాణాలు వదిలారు. ఇంజినీరింగ్ అద్భుతంగా భావిస్తోన్న ఈ వంతెన ప్రారంభించాక ప్రమాదం జరగడం ఇదే తొలిసారి. వంతెనపై సెల్ఫీలు తీసుకోవడం, దీనికోసం, వంతెనకు చెందిన సస్పెన్షన్ కేబుల్స్ ఎక్కడం యువతకు పరిపాటిగా మారింది. ఈ ప్రమాదం నేపథ్యంలో, అధికారులు, వంతెనపై ఆంక్షలను అమలు చేసే యోచనలో ఉన్నారు. 

న్యూడిల్లీ: రెండేళ్లపాటు శ్రమించి సంక్లిష్టమైన, అసాధారణ గుండె జబ్బుతో బాధపడుతున్న పాకిస్థాన్‌కు చెందిన 14 నెలల పాపను ఢిల్లీకి చెందిన వైద్య బృందం కాపాడింది. ఆ పాపకు ఢిల్లీలోని సర్ గంగారామ్ ఆసుపత్రిలో 2016లో ఆపరేషన్ చేశారు. రెండేళ్లపాటు వైద్యం అందించిన వైద్యులు పాప ఆరోగ్యం కుదుటపడిందని తెలిపారు. ఈ కేసును వైద్య విద్యలో కీలక అధ్యాయంగా పబ్లిష్ చేసి అధ్యయనం చేసేందుకు అంగీకరించారు. ఈ పాపను అతిపెద్ద గుండె కలిగిఉండటంతో పాకిస్థాన్ నుంచి ఢిల్లీలోని గంగారామ్ అసుపత్రికి తరలించారు. నాలుగు గుండె గదుల్లోని ఒక భాగంలో అతిపెద్ద ఎడమ ఆర్టియం కలిగిఉండటంతో సమస్య వచ్చిందని డాక్టర్లు తెలిపారు. సాధారణంగా ఉండే సైజుకంటే నాలుగు రెట్లు అధికంగా ఉందని... దీంతొ పక్కన ఉండే గాలీతీసుకొనే తిత్తులు సైతం వత్తిడికి గురవుతున్నాయని.. దీంతోపాటు గుండె కింద గదులవద్ద పెద్ద రంధ్రం సైతం ఉందని..గమనించారు. మైట్రల్ వాల్వ్ కూడా లీకు అవుతుండటంతో పాప ఆరోగ్యం సంక్లిష్టంగా మారింది. ఆహారం తీసుకోవడంలో ఇబ్బందులు, ఒక్కొక్కసారి శ్వాస తీసుకోవడంలో తీవ్ర ఇబ్బందులు పడుతోందని.. శరీర ఎదుగుదల కూడా కోల్పోయిందని డాక్టర్ జోషీ వివరించారు. అంతపెద్ద ఎడమ ఆర్టియం ఆ వయసులో ఉండటం ప్రపంచంలో ఎక్కడా నమోదు కాలేదని వైద్యులు పేర్కొన్నారు.

 

చెన్నై : ఉచిత బియ్యం పంపిణీ పథకంపై మద్రాసు హైకోర్ట్ సంచలన వ్యాఖ్యలు చేసింది. ఇలాంటి పథకాలు, ప్రజలను సోమరులుగా మార్చాయని, దీంతో, ఇక్కడ పనుల కోసం, ఉత్తరాది వారిని అరువు తెచ్చుకోవాల్సిన దుస్థితి తలెత్తిందని కోర్టు అభిప్రాయపడింది. అయితే, ఉచిత బియ్యం పంపిణీకి కోర్టు వ్యతిరేకం కాదని, దారిద్ర్యరేఖకు దిగువన ఉన్న నిరుపేదలకే ఇది అందాలని అభిప్రాయపడింది. బియ్యం అక్రమరవాణా కేసులో తనపై గూండా చట్టం కింద కేసు నమోదు చేయడాన్ని సవాల్ చేస్తూ.. ఓ వ్యక్తి దాఖలు చేసిన హెబియస్ కార్పస్ పిటిషన్‌ను విచారించిన డివిజన్ బెంచ్ జస్టిస్ ఎన్.కృపాకరన్ ఈ వ్యాఖ్యలు చేశారు.

విచారణ సందర్భంగా, 2017-18 ఆర్థిక సంవత్సరానికిగాను బియ్యం పంపిణీ పథకం కింద రూ. 2,110 కోట్లు ఖర్చు చేసినట్లు ప్రభుత్వం తెలిపింది. బీపీఎల్ కింద ఎన్ని కుటుంబాలున్నాయి..? వారికి ఉచిత బియ్యం ఇచ్చేందుకు ఎంత డబ్బు కావాలి అన్న ప్రశ్నలకు అడ్వొకేట్ జనరల్ విజయ్ నారాయణన్ సమయం కోరాడు. దీంతో న్యాయమూర్తి విచారణను నవంబర్ 30కి వాయిదా వేశారు.

న్యూఢిల్లీ : ఏటీఎం వినియోగదారులకు షాకింగ్ న్యూస్. డబ్బు కోసం ఏటీఎంల ముందు మళ్లీ క్యూలు కట్టే రోజులొస్తున్నాయి. వచ్చే మార్చి నెల నుంచే ఈ పరిస్థితి రాబోతోంది. రిజర్వ్ బ్యాంక్ ఆఫ్ ఇండియా (ఆర్‌బీఐ) కఠినతర నిబంధనల దెబ్బకు.. ప్రజలంతా మళ్లీ డీమానిటైజేషన్ రోజులను గుర్తు చేసుకోక తప్పని స్థితి ఎదురవబోతోంది. 

ఏటీఎంలను మరింత సురక్షితం చేసేందుకు, ఆర్బీఐ సరికొత్త నిబంధనలను జారీ చేసింది. క్యాసెట్ స్వాపింగ్ పద్ధతితో పాటు, ఏటీఎం మెషీన్‌లో డబ్బు అయిపోగానే, తక్షణమే భర్తీ చేసేందుకు వీలుగా ఏటీఎంలను తీర్చిదిద్దాలని ఆర్బీఐ ఆదేశించింది. దీంతో ఏటీఎంలలో సాఫ్ట్‌వేర్, హార్డ్‌వేర్‌ల మార్పిడి అనివార్యమవుతోంది. దీంతో, ఏటీఎంల నిర్వహణదారులు కనీసం రూ.4,800 కోట్లు అదనంగా భరించాల్సి వస్తుందని కాన్ఫెడరేషన్‌ ఆఫ్ ఏటీఎం ఇండస్ట్రీ (కాట్‌మీ) ఆందోళన వ్యక్తం చేస్తోంది. ఇక ఏటీఎంలను మూసివేయడం ఒక్కటే దిక్కని కాట్‌మీ డైరెక్టర్ వి.బాల సుబ్రమణియన్ స్పష్టం చేశారు. 

ప్రస్తుతం దేశంలో 2.38 లక్షల ఏటీఎం మిషన్‌లున్నాయి. ఆర్బీఐ తన ఉత్తర్వులను వెనక్కి తీసుకోబోనని స్పష్టం చేసిన నేపథ్యంలో కనీసం లక్షా 20వేల ఏటీఎం మిషన్‌లను తొలగించాలని కాట్‌మీ నిర్ణయించింది. వచ్చే మార్చి నుంచి, దేశవ్యాప్తంగా కేవలం లక్ష ఏటీఎం మిషన్‌లే అందుబాటులో ఉంటాయి. దీంతో, ప్రజలు ఏటీఎంల నుంచి డబ్బు విత్‌డ్రా చేసుకునేందుకు.. ఇకపై భారీగా బారులు తీరక తప్పని పరిస్థితి కనిపిస్తోంది. ఇక, గ్రామీణ ప్రాంతాల్లో ఏటీఎం సేవలు దాదాపుగా నిలిచిపోయే పరిస్థితి కనిపిస్తోంది. ప్రధానమంత్రి జన్‌ ధన్ యోజనపై దీని ప్రభావం ఎక్కువగా పడే అవకాశం ఉంది. 

పోర్ట్ బ్లెయిర్: నిషేధిత అండమాన్ దీవిలోకి వెళ్లి అక్కడి ఆదివాసీల చేత చంపబడ్డ అమెరికన్ టూరిస్టు జాన్ ఎలెన్ చౌ శవాన్ని బయటకు తెచ్చే మార్గాన్ని ప్రఖ్యాత సామాజిక శాస్త్రవేత్త (ఆంత్రోపాలజిస్టు) టీఎన్ పండిట్ కొన్ని సూచనలు చేస్తున్నారు. నవంబర్ 14న  మత ప్రచారం కోసం 27 ఏళ్ల జాన్ ఎలెన్ చౌ అనే అమెరికన్ జాతీయుడు అండమాన్ నికోబార్ దీవుల్లోకి వెళ్లి అక్కడ ఆదిమ జాతి ఆదివాసుల చేతికి ఒంటరిగా చిక్కాడు. ఆదివాసీలు జాన్‌ను విల్లంబులు, బాణాలతో హతమార్చిన సమాచారాన్ని స్థానికి మత్స్యకారులు పోలీసులకు తెలిపిన సంగతి తెలిసిందే. 


83 ఏళ్ల  పండిట్ 1991-1966 మధ్య కాలంలో మొదటిసారి ఈ దీవిలో అడుగుపెట్టిన తొలి పరాయి వ్యక్తిగా పేర్కొంటారు. 
ఈ దీవిలోని ఆదివాసీలను మచ్చిక చేసుకోవడానికి తాను కొన్ని కొబ్బరి కాయలు, ఇనుప ముక్కలు తీసుకెళ్లినట్టు పండిట్ తన జ్ఞాపకాలను పంచుకున్నారు. ఆంత్రోపాలిజికల్ సర్వే ఆఫ్ ఇండియా ఎక్స్‌పెడిషన్లలో భాగంగా పలుమార్లు సెంటినెల్ దీవికి వెళ్లి అక్కడి ఆదివాసీలను మచ్చిక చేసుకొన్నట్టు పండిట్ వివరించారు. 
ఆదివాసీలు సముద్రంలో చేపలవేటకు వెళ్లని సందర్భాలను తెలుసుకొని వారు సాయంత్రం వేళల్లో చిన్న వేడుకల్లో ఉన్నప్పుడు వారికి కొబ్బరికాయలు, ఇనుప చువ్వలు బహుమతిగా ఇచ్చినట్టు పండిట్ తెలిపారు. దీనికోసం స్థానిక మత్స్యకారుల సహకారం తీసుకున్నట్టు.. అందుకు తగిన ఆధారాలుగా 1991లో తీసిన ఫోటోలను చూపించారు. 
2015 వరకు గిరిజన వ్యవహారాల మంత్రిత్వ శాఖ ప్రతినిధిగా ఉన్న పండిట్ తాను వెళ్లినప్పుడు దాదాపు 80-90 మంది ఆదివాసీలను తాను చూసినట్టు పండిట్ వివరించారు. 


మొదటిసారి సెంటినెల్ దీవికి వెళ్లినప్పుడు ఆదివాసీల నివాస ప్రాంతాలను చూసే అవకాశం కలిగిందని.. అక్కడ 18 వరకు గుడిసెలు కనిపించాయని.. వారి వద్ద, విల్లంబులు, బాణాలతో పాటు బరిశెలు కూడా ఉన్నాయని పండిట్ గుర్తు చేసుకున్నారు. అక్కడ వారికి దొరకని కొబ్బరికాయలు వదిలివచ్చామని.. వారు బాణాలు చివరన కోసుగా ఉంచుకొనేందుకు కొన్ని ఇనప ముక్కలు కూడా బహుమతిగా ఇచ్చినట్టు పండిట్ చెప్పారు. చిన్నగా పండిట్‌ను ఆయన సహచరులను ఆదివాసీలు నమ్మడం ప్రారంభించారని.. నేరుగా తమ వద్దనుండి కొబ్బరికాయలు స్వయంగా తీసుకొనే వారని పండిట్ తెలిపారు. 
సెంటినిలీస్ ఆదివాసీలు జాన్‌ను చంపారంటే నమ్మలేకపోతున్నానని పండిట్ ఆశ్చర్యం వ్యక్తం చేశారు. కోపంతో ఒకసారి మోకాళ్ల లోతు నీళ్లలో తనను వదిలేసి  వెళ్లిపోయారని.. వాళ్లలో ఉన్న చిన్న బాలుడు తన నల్లకళ్లజోడు లాక్కున్నట్టు పండిట్ గుర్తుచేసుకొన్నారు. కళ్లజోడును తిరిగి తీసకొనే ప్రయత్నం తాను చేయగా ఆదివాసీలు తనను కత్తితో బెదిరించారని పండిట్ వివరించారు. జాన్ మరణంలో ఆదివాసీలను నిందించడం తగదని పండిట్ పేర్కోంటూ.. బయట ప్రపంచం వారు అక్కడికి పోతే వారికి కొత్త వ్యాధులు అంటించిన వారమవుతామని వారి రెసిస్టెన్స్ పవర్ తగ్గి వ్యాధులు విజృంభించే ప్రమాదం లేకపోలేదని పండిట్ ఆందోళన వ్యక్తం చేశారు. 

 

 

ఢిల్లీ : పెట్రోల్,డీజిల్ ధరలు రోజు రోజుకు తగ్గుతు సామాన్యుడికి ఊరట కలిగిస్తున్నాయి. దీంతో నిత్యావసర వస్తువులపై పడి అధిక ఆర్థిక భారం కూడా తగ్గే అవకాశం వుండటంతో కూరగాయల నుండి నిత్యావసర వస్తువుల ధరలపై కూడా కాస్తో కూస్తో తగ్గుదల వుంటుంది. అంతర్జాతీయంగా ముడిచమురు ధరలు మరింత తగ్గడంతో.. దేశీయంగా కూడా పెట్రోలు, డీజిల్ ధరలు శుక్రవారం అంటే నవంబరు 23న కూడా  మరోసారి తగ్గాయి. దీంతో దేశ రాజధాని ఢిల్లీలో 40 పైసలు తగ్గిన లీటర్ పెట్రోలు ధర రూ.75.95 కి చేరింది. డీజిల్ ధర 41 పైసలు తగ్గి రూ.70.56 కి చేరింది. ఇక వాణిజ్య రాజధాని ముంబయిలో 40 పైసలు తగ్గిన పెట్రోలు ధర రూ.81.10 కి చేరగా.. డీజిల్ ధర 43 పైసలు తగ్గి రూ. 73.91 కి చేరింది. అంతర్జాతీయ మార్కెట్‌లో బ్రెంట్ క్రూడ్ ఆయిల్ ధర మరింత దిగజారి బ్యారెల్‌‌ 61.64 డాలర్ల వద్ద ఉండగా.. డబ్ల్యూటీఐ క్రూడాయిల్ ధర 53.01 డాలర్ల వద్ద కొనసాగుతోంది. 
ఇక తెలుగు రాష్ట్రాల విషయానికొస్తే..
హైద‌రాబాద్‌లో లీట‌ర్ పెట్రోల్ ధర 43 పైసలు తగ్గి రూ.80.12 ఉండగా.. డీజిల్ ధర 45 పైసలు తగ్గి రూ.76.77 గా ఉంది. విజయవాడలో పెట్రోల్‌ ధర రూ.79.43 ఉండగా.. డీజిల్‌ ధర రూ.75.65 వద్ద కొనసాగుతోంది. 
 
నవంబరు 23న దేశవ్యాప్తంగా ప్రధాన నగరాల్లో పెట్రోలు, డీజిల్ ధరలు:
నగరం          పెట్రోలు ధర (లీటర్)         డీజిల్ ధర (లీటర్)
ఢిల్లీ              రూ. 75.57                 రూ.70.56
ముంబయి     రూ. 81.10                  రూ. 73.91
కోల్‌కతా        రూ. 77.53                 రూ 72.41
చెన్నై            రూ. 78.46                రూ. 74.55
బెంగళూరు    రూ. 76.17               రూ. 70.93
హైదరాబాద్    రూ. 80.12         రూ. 76.77
విజయవాడ   రూ. 79.43        రూ. 75.65
 

హైదరాబాద్ : ఎన్నికల్లో ఓటు వేయటం ఎంత ముఖ్యమో..ఓటు వేసిన తరువాత ఓటరు చూపుడు వేలుకి ఎన్నికల అధికారులు ఇంక్ చుక్క గుర్తుగా పెట్టటం సర్వసాధారణం. మరి ఓటరుకు అనివార్య కారణాల వలన చూపుడు వేలు లేకుంటే? మరి అధికారులు ఇంక్ గుర్తను ఏ వేలుకు పెడతారు? అనే ప్రశ్నత తలెత్తకమానదు. ఎన్నికల్లో ఓటు వేసిన తరువాత, గుర్తుగా ఎడమచేతి చూపుడు వేలుకు సిరా గుర్తును అధికారులు పెడతారన్న సంగతి అందరికీ తెలిసిందే. ఈ ఇంక్ అంత త్వరగా చెరిగిపోదు. మరోమారు ఓటు వేయకుండా చూసేందుకే ఇటువంటి జాగ్రత్తలు చూసుకుంటారు అధికారులు. ఇక, ఒకవేళ ఎవరికైనా చూపుడు వేలు లేకుంటే ఏం చేస్తారో తెలుసా? అటువంటి పరిస్థితి వస్తే ఏం చేయాలన్న విషయమై ఈసీ కొన్ని నియమాలతో ఓ మార్గాన్ని నిర్దేశించింది. 

ఎవరికైనా చూపుడు వేలు లేకుంటే మధ్యవేలికి ఇంక్ మార్క్ వేయవచ్చు. మధ్యవేలు కూడా లేకుంటే ఉంగరపు వేలు, అది కూడా లేకపోతే చిటికెన వేలు... ఇలా బొటన వేలి వరకూ రావచ్చు. ఒక వేళ ఎడమ చెయ్యి మొత్తం లేకుంటే, కుడి చేతికి ఇదే నిబంధనలతో కూడిన క్రమాన్ని పాటించాల్సి వుంటుంది. రెండు చేతులకూ వేళ్లు లేకుంటే మధ్యభాగంపై, అసలు చేతులే లేకుంటే భుజాలపై, అవి కూడా లేకుంటే ఎడమ చెంపపై సిరా వేయాలని ఈసీ నిబంధనలు చెబుతున్నాయి.

పోర్ట్‌బ్లెయిర్ : అండమాన్ నికోబార్ దీవుల్లోని సెంటినలీస్ ఆదివాసీల బాణాలకు గురై అమెరికన్ టూరిస్టు మరణించి ఆరు రోజులు గడిచిపోయింది. ఆ దీవి నుంచి అతని శవాన్ని ఎలా బయటకు తీసుకురావాలి అన్నది ప్రధాన సమస్యగా మారింది. మత ప్రచారం కోసం 27 ఏళ్ల జాన్ ఎలెన్ చౌ అనే అమెరికన్ జాతీయుడు అండమాన్ నికోబార్ దీవుల్లోకి వెళ్లి అక్క ఆదిమ జాతి ఆదివాసుల చేతికి ఒంటరిగా చిక్కాడు. ప్రపంచాన్ని ఇప్పటివరకూ చూసి ఎరుగని ఆ ఆదివాసీలు జాన్‌ను బాణాలు, విల్లంబులతో వేటాడి చంపడం ప్రపంచాన్ని నివ్వెరపరిచింది. ఈ సంఘటన జరిగేంతవరకు ఆ ఆదివాసీల జాడ ప్రపంచానికి పూర్తిగా తెలియదనే చెప్పాలి. 

Tribespeople on North Sentinel Island, where Chau died.ఇప్పుడు అంతర్జాతీయంగా భారత్‌పై వత్తిళ్లు పెరగడంతో జాన్ శవాన్ని వారి కుటుంబ సభ్యులకు అప్పగించడం పెద్ద సమస్యగా మారింది. జాన్ శవాన్ని కనిపెట్టేందుకు రెక్కీ టీమ్స్ దీవి చుట్టూ హెలికాప్టర్లలో, సముద్రతీరంలో దూరం నుంచి వీక్షించారు. అయినా జాన్ బాడీ గురించిన సమాచారం అందలేదు. 
జాన్ కొందరు మత్స్యకారుల సహకారంతో వారికి రూ 25 వేలు చెల్లించి నవంబర్ 14న ఉత్తర సెంటినెల్ దీవిలో ఉన్న ఆదివాసీలను కలిసేందకు బోట్‌లో అక్కడికి చేరుకున్నాడు. ఆ మరునాడు జాన్ ఓ చిన్న బోట్ లో ఆదివాసీలకు ఇచ్చేందుకు కొన్ని బహుమతులు చేపలు, ఫుట్‌బాల్ బంతులు తీసుకొని సెంటినల్ దీవిలోకి వెళ్లినట్టు సమాచారం. మత్స్యకారులు జాన్‌ను దూరం నుంచే గమనిస్తూ అతనికి కావాల్సిన ఆహారాన్ని రెండు రోజులపాటు అందించారని పోలీసులు తెలిపారు. ఆహారం కోసం మత్స్యకారులను నవంబర్ 16న కలిసిన జాన్ అతను గాయపడి ఉన్నట్టు గమనించారు. అయినప్పటికీ అతను వెనక్కి తిరిగి వచ్చేందుకు నిరాకరించినట్టు మత్స్యకారులు ఇచ్చిన సమాచారం మేరకు తెలుస్తోంది. 
అయితే జాన్‌ను ఆదివాసీలు బాణాలతో చంపి శవాన్ని సముద్ర తీరంలోని ఇసుక తిన్నెల్లో సగం వరకు కప్పి పూడ్చివేసినట్టు మత్స్యకారులు వెల్లడించారు. జాన్ డైరీని సైతం వారు స్థానికి పోలీసులకు అందించారు. ‘‘నేను ఆదివాసీల చేతులో మరణించినా ఆగ్రహించవద్దు’’ అంటూ జాన్ రాసిన నోట్ అందర్నీ కలిచివేసింది. 

Image result for sentinel island
ఈ పరిస్థితుల్లో ఆదివాసీలను ఇబ్బంది కలిగించే ప్రయత్నాలు చేయకూడదని ఆంత్రోపాలజిస్టుల సూచనల మేరకు..పోలీసులు జాన్ శవాన్ని దీవినుంచి తెచ్చేందుకు మల్లగుల్లాలు పడుతున్నారు. 
ఈ సంఘటనకు సంబంధించి జాన్‌కు సహకరించిన 5గురు మత్స్యకారులను, మరో ఇద్దరిని పోలీసులు అదుపులోకి తీసుకున్నారు. అయితే జాన్ కుటుంబ సభ్యులు మత్స్యకారులను విడుదల చేయాల్సిందిగా ఇన్‌స్టాగ్రామ్ పోస్టులో కోరారు. జాన్ తన ఇష్టపూర్వకంగానే దీవిలోకి వెళ్లినట్టు అలాగే జాన్‌ను చంపిన ఆదివాసీలను సైతం తాము క్షమిస్తున్నామని ఆ పోస్టులో స్పష్టం చేశారు. 

దాదాపు 12 ఏళ్ల తర్వాత సెంటినలీస్ ఆదివాసీలు బయట ప్రపంచానికి చెందిన వారిని బలితీసుకున్నారు. 2006లో ఇద్దరు మత్స్యకారులు చట్టవ్యతికేకంగా క్రాబ్‌ (పీతలు) లను వేటాడేందుకు సెంటినెల్ దీవికి వెళ్లగా వారిని ఆదివాసీలు మట్టుపెట్టినట్టు స్థానికులు చెబుతున్నారు. 
సెంటినెల్ ఆదివాసీలు ఎక్కడివారు?
సెంటినల్ దీవిలో నివాసం ఉంటున్న ఆదివాసీలు దాదాపు 70 వేల ఏళ్ల క్రితం తూర్పు ఆఫ్రికా నుంచి వలస వచ్చినట్టు చరిత్రకారులు పేర్కొంటున్నారు. సాధారణంగా నికోబార్ దీవుల్లో ఉండే ఆదివాసీలు మోంగోలాయిడ్ల తెగకు చెందిన వారిగా పేర్కొంటారు. అలాగే అండమాన్, సెంటినెలీస్‌కు చెందిన ఆదివాసీలు నెగ్రిటో తెగకు చెందిన వారు. అయతే సెంటినెలీస్ తెగవారు రాతియుగానికి పూర్వపు మనుషులుగా చెబుతారు. వీరు ఉత్తర సెంటినెల్ దీవుల్లో దాదాపు 55 వేల సంవత్సరాలుగా జీవిస్తున్నట్టు ఆంత్రోపాలజిస్టులు చెబుతున్నారు. వీరికి బయట ప్రపంచంతో ఎటవంటి సంబంధ బాంధవ్యాలు లేవు. దీవుల్లోని వాతావరణ ప్రభావంతోపాటు జెనటిక్ కారణాల వల్ల వారు చాలా పొట్టిగా ఉంటారని కూడా తెలుస్తోంది. 

 

వాట్సాప్.. ఒకే ఒక్క క్లిక్ తో మన సమాచారాన్ని ప్రపంచానికి చెప్పొచ్చు.. ఇదే అవకాశాన్ని కుట్రలు, కుతంత్రాలు, స్కామ్స్ కు కూడా ఉపయోగిస్తున్నారు సైబర్ నేరగాళ్లు. నవంబర్ 23వ తేదీ శుక్రవారం అద్భుతం, మీ జీవితంలో ఇలాంటి అవకాశం మళ్లీ రాదు.. ఆలసించిన ఆశాభంగం, త్వరపడండీ అంటూ ఓ మెసేజ్ తిరుగుతుంది. అదేంటో తెలుసా.. బ్లాక్ ఫ్రైడే సేల్స్. ఈ పదం మనకు కొత్తగా ఉండొచ్చు కానీ యూకే, ఐర్లాండ్, అమెరికా వాసులకు సుపరిచితం. ఏడాదిలో ఒకటి, రెండు సార్లు బ్లాక్ ఫ్రైడే సేల్స్ అని అక్కడి కంపెనీలు ఆఫర్స్ ప్రకటిస్తాయి. ఆరోజు ఆయా వస్తువులపై 90శాతం వరకు డిస్కొంట్స్ ఇస్తుంటాయి. ఈ బ్లాక్ ఫ్రైడే సేల్స్ కోసం అక్కడి జనం రెండు, మూడు రోజుల ముందు నుంచే క్యూలో నిలుచుంటారు. అక్కడి విషయం ఇప్పుడు ఎందుకు అంటారా.. అలాంటి బ్లాక్ ఫ్రైడే సేల్స్.. ఇండియాలోని ఈ-కామర్స్ సైట్స్ కూడా నిర్వహిస్తున్నాయనే ఓ లింక్ వాట్సాప్ గ్రూప్స్ లో తిరుగుతుంది. ఇది అబద్దం. అందుకే అలర్ట్ చేస్తున్నాం.
ఏంటీ లింక్.. ఎలా వస్తుంది :
బ్లాక్ ఫ్రైడ్ సేల్స్ పేరుతో నకిలీ అమెజాన్ పేజీ నుంచి దీన్ని సృష్టించారు. ఈ లింక్ ఓపెన్ చేస్తే అచ్చం అమెజాన్ సైట్ లుక్ లో ఉంటుంది. అన్ని వస్తువులు కనిపిస్తాయి. భారీ ఆఫర్స్ కూడా ఉంటాయి. వీటిని కొనుగోలు చేయాలి అంటే మీ పర్సనల్ డీటెయిల్స్, షిఫ్టింగ్ ఇన్ఫర్మేషన్ ఇవ్వాలి. వీటితోపాటు మీ డెబిట్ లేదా క్రెడిట్ కార్డు వివరాలు అడుగుతుంది. వీటిని ఎంట్రీ చేస్తే మీ సమాచారం మొత్తం హ్యాకర్స్ చేతిలోకి వెళ్లిపోతుంది. వాస్తవంగా ఈ-కామర్స్ వెబ్ సైట్స్ పేమెంట్ మోడ్ అడుగుతాయి కానీ.. డేట్ ఆఫ్ బర్త్, కుటుంబ సభ్యుల పేరన్లు అడగదు. బ్లాక్ ఫ్రైడే సేల్స్ పేరుతో వస్తున్న లింక్ లో మాత్రం మీ పర్సనల్ డీటెయిల్స్ కూడా నమోదు చేయాలని కోరుతుంది. ఇటీవలే అమెజాన్ బిగ్ బిలియన్ పేరుతో దివాళీ షాపింగ్ సేల్స్ నిర్వహించింది. ఆ సందర్భంగా పెద్ద ఎత్తున వాట్సాప్ ద్వారా లింక్ ను ప్రమోట్ చేసింది. ఇప్పుడు హ్యాకర్స్ సేమ్ టూ సేమ్ అదే తరహాలో బ్లాక్ ఫ్రైడే సేల్స్ లింక్ తయారు చేసి వాట్సాప్ ద్వారా సర్క్యులేట్ చేస్తున్నారు. 
ఇప్పుడు ఏం చేయాలి :
వాట్సాప్ లో వచ్చే బ్లాక్ ఫ్రైడే సేల్స్ లింక్ ఓపెన్ చేయొద్దని ఐటీ నిపుణులు చెబుతున్నారు. ఒక్కసారి ఓపెన్ మీ వాట్సాప్ వివరాలు అన్నీ కూడా హ్యాకర్ల చేతిలోకి వెళ్లే ప్రమాదం ఉందని.. అలాంటి మెసేజ్ లను వెంటనే డిలీట్ చేయాలని కోరుతున్నారు. రూ.5వేలకే ఐఫోన్ అంటూ బురిడీ కొట్టిస్తారని.. ఒక్కసారి ఆర్డర్ ఇస్తే మీ కార్డులోని మొత్తం డబ్బు పోతుందని హెచ్చరిస్తున్నారు. బ్లాక్ ఫ్రైడే పేరుతో ఎలాంటి సేల్స్ నిర్వహించటం లేదని అమెజాన్ కూడా స్పష్టం చేసింది. బీ అలర్ట్ నెటిజన్స్...

శ్రీనగర్‌ : అందాల  కశ్మీరంలో ఉగ్రవాదుల అలజడి సర్వసాధారణంగా మారిపోయింది. ఉగ్రవాదులను మట్టుపెట్టేందుకు భద్రతా దళాలు ఎప్పటికప్పుడు పోరాడుతునేవున్నాయి. ఈ నేపథ్యంలో ఎందరో జవాన్లు  తమ ప్రాణాలను పోగొట్టుకుంటున్న ఘటనలు జరుగుతునే  వున్నా వీర జవాన్లు మాత్ర దేశ భద్రత కోసం ఉగ్రవేటను కొనసాగిస్తునే వున్నారు. గత కొన్ని నెలలుగా జమ్ములో ఉగ్రవాద కార్యకలాపాలు అధికంగా ఉండడంతో భద్రతా దళాలు నిర్బంధ తనిఖీలు చేపట్టి ఉగ్రవాదులను ఏరివేస్తున్న సంగతి తెలిసిందే. మంగళవారం షోపియన్‌ జిల్లా నదిగామ్‌ గ్రామంలో జరిగిన ఎన్‌కౌంటర్‌లో భద్రతా దళాలు నలుగురు ముష్కరులను హతమార్చాయి. ఈ ఘటనలో ఓ జవాను సైతం ప్రాణాలు కోల్పోయాడు.
ఈ క్రమంలో చల్లని..పచ్చని జమ్ము కశ్మీర్ లో అనంత్‌నాగ్‌ జిల్లాలో జరిగిన ఎన్‌కౌంటర్‌లో భద్రతా బలగాలు ఆరుగురు ఉగ్రవాదులను మట్టుబెట్టాయి. శుక్రవారం తెల్లవారు జామున జమ్ము కశ్మీర్‌ పోలీసులు, భద్రతా దళాలు సంయుక్తంగా బిజ్‌భేరా పట్టణంలోని సెకిపోరా ప్రాంతంలో నిర్బంధ తనిఖీల నేపథ్యంలో జరిగిన ఎదురు కాల్పుల్లో ఆరుగురిని హతమార్చినట్లు అధికారులు వెల్లడించారు. వారి నుంచి మారణాయుధాలు, పేలుడు పదార్థాలు స్వాధీనం చేసుకున్నామని, ఆపరేషన్‌ ఇంకా కొనసాగుతోందని పేర్కొన్నారు.
 

ఢిల్లీ : ఇంజనీరింగ్ విద్య సాంకేతికతతో కూడినది. ఇంజనీరింగ్ పై వుండే క్రేజ్ అంతా ఇంతా కాదు. దీంతో మార్కులతో పాటు పబ్జెక్ట్ కూడా అవసరమే. అప్పుడే ఇంజనీరింగ్ విద్యార్థులు రాణించగలుగుతారు. అలా విద్యార్థులకు సబ్జెక్ట్ అలవరచుకోవటానికి ‘ఇంటర్న్ షిప్’ చాలా ప్రధాన పాత్ర వహిస్తుంది. ప్రాక్టికాలిటీ ఈ ‘ఇంటర్న షిప్’ మెరుగుపడుతుందనటంలో ఎటువంటిసందేహం లేదు. ఈ నేపథ్యంలో ఇంజనీరింగ్ లో  ‘ఇంటర్న షిప్’ ను తప్పనిసరి చేస్తు అఖిల భారత సాంకేతిక విద్యా మండలి (ఏఐసీటీఈ) నిర్ణయం తీసుకుంది. దీంతో నూతన విధానాన్ని ఖరారు చేసింది. బీఈ/బీటెక్ కోర్సులకు 600,700 గంటలు, డిప్లొమా కోర్సలకు 450,500 గంటల ఇంటర్న్ షిప్ ను అమలు చేస్తామని  ఏఐసీటీఈ పేర్కొంది. విద్యార్థులు ‘ఇంటర్న్ షిప్’  దక్కించుకోవడంలో సహాయపడేందుకు ప్రత్యేకంగా ఓ వెబ్ సైట్ ను కూడా రూపొందించినట్లుగా తెలియజేసింది. ఇంజనీరింగ్ డిగ్రీకి, 14,20 క్రెడిట్స్ అంటే 1 క్రెడిట్ అంటే 40,45 గంట పని అన్నమాట. డిప్లొమా కోర్సుకు 10,14 క్రెడిట్స్ ను తప్పనిసరిగా విద్యార్థులు సాధించాల్సి వుంటుంది. ఏఐసీటీఈ గుర్తింపు పొందిన అన్ని విద్యాసంస్థలు ‘ఇంటర్న్ షిప్’ శిక్షణ, ఉద్యోగ అవకావాల సెల్ ను ఏర్పాటు చేయాలని..దానికో అధికారిని కూడా నియమించాలని తెలిపింది. ఈ సెల్  నిర్వాహణకు మొత్తం బడ్జెట్ ఒక్క శాతం నిధులు కేటాయించాలని ఏఐసీటీఈ స్పష్టం చేసింది. ఇంజనీరింగ్ పూర్తి చేసుకున్న విద్యార్థులు  సర్టిఫికెట్ చేత పట్టుకుని ‘గ్రాడ్యుయేట్ ఆప్టిట్యూడ్ టెస్ట్  ఇన్ ఇంజనీరింగ్  అంటే ‘గేట్’ పరీక్ష తప్పని సరికాదని ఏఐసీటీఈ మండలి వైస్ చైర్మన్ సునియా స్పష్టం చేశారు.
 

 

న్యూఢిల్లీ: దేశంలో అన్ని హోటళ్లు, రెస్టారెంట్లపై ఆదాయపు పన్ను శాఖ నిఘాను ఉదృతం చేయబోతోంది. వినియోగదారులను కొన్ని హోటళ్లు, పెద్ద పెద్ద రెస్టారెంట్లలో వినియోగదారుల సేవ పేరుతో వసూలు చేస్తున్న సొమ్ముపై ఐటీ శాఖ దృష్టిసారించింది. వసూలు చేసిన సొమ్ము సేవ అందించిన వారు అంటే సర్వర్లు, చెఫ్‌లు, బేరర్లకు వర్తింప చేస్తున్నారా లేదా అనే దానిపై అన్ని రాష్ట్రాల్లోనూ తనిఖీ చేయాల్సిందిగా ఆదాయాపు పన్ను శాఖ అధికారులకు ఆదేశాలు అందాయి. వినియోగదారుల నుంచి సేవా చార్జి పేరుతో వసూలు చేస్తూ దాన్ని అర్హులైన సిబ్బందికి చెల్లించని పక్షంలో అది ఆదాయపు పన్ను పరిథిలోకి వస్తుందని ఐటీ అధికారులు స్పష్టం చేస్తున్నారు. కాబట్టి ఆ ఆదాయం మీద పన్ను చెల్లింపు తప్పనిసరి కాబట్టి దీనిపై దృష్టి సారించాల్సిందిగా కేంద్ర ప్రత్యక్ష పన్నుల బోర్డు (సీబీడీటీ) ఐటీ శాఖ అధికారులకు ఆదేశాలు జారీ చేసింది. కాబట్టి హోటల్ యజమానులూ తస్మాత్ జాగ్రత్త!
 

 

కేరళ : ఇటీవలి కాలంలో  శబరిమల అయ్యప్ప ఆలయం వివాదం విషయంలో ఆలయ పరిసర ప్రాంతాలలో ఉద్రిక్తతలు నెలకొన్న విషయం తెలిసిందే. ఆలయంలోకి మహిళల ప్రవేశంపై దేశ అత్యున్నత న్యాయస్థానం అయిన సుప్రీంకోర్టు తీర్పు ఇచ్చిన నాటి నుండి ఈ వివాదం కొనసాగుతోంది. కాగా ఆలయంలోకి  10-50 ఏళ్ల మధ్య వయసు బాలికలు, మహిళల ప్రవేశంపై నిషేధం రెండువందల ఏళ్ల క్రితం కూడా అమలులో ఉన్నట్లు బ్రిటిష్‌ కాలం నాటి సర్వే నివేదికలు స్పష్టం చేస్తున్నాయి. 
బెంజమిన్‌ స్వైన్‌, పీటర్‌ ఇరే కానర్‌ అనే ఇద్దరు బ్రిటిష్‌ సైనికాధికారులు ఈ అంశంపై ఐదేళ్లపాటు విస్తృతంగా చేసిన  అధ్యయనంలో ఇది స్పష్టమైనట్లుగా తెలుస్తోంది. 1820లోనే ఆ అధ్యయనానికి సంబంధించిన వివరాలను సంకలనం చేశారు. వృద్ధులైన మహిళలు, చిన్నవయసు బాలికలు ఆలయానికి వెళ్లవచ్చని, రుతుక్రమం కొనసాగుతున్న వయసు మహిళలకు ప్రవేశం నిషిద్ధమని ఆ సైనికాధికారులు నివేదికలో పేర్కొన్నారు. 
ఎం.జి.శశిభూషణ్‌ అనే చరిత్ర కారుడు రెండు సంకలనాలుగా ప్రచురితమైన ఈ నివేదికను కచ్చితమైన చారిత్రక పత్రంగా  పేర్కొన్నారు. 1991లో కేరళ హైకోర్టు ఇచ్చిన తీర్పుతో సదరు నిషేధానికి చట్టబద్ధత లభించినట్లు తెలిపారు. 1994లో ఈ నివేదికలను కేరళ గెజిట్‌ విభాగం తిరిగి ప్రచురించింది. కాగా సైనికాధికారులు తమ పరిశోధన నివేదికలో శబరిమల ఆలయాన్ని చౌరీముల్లా షస్ట అంటే అయ్యప్పగా పేర్కొన్నట్లు 

రాజస్థాన్‌ : ఎన్నికల్లో అప్పుడప్పుడు అద్బుతాలు, ఆసక్తికర పరిణామాలు జరుగుతుంటాయి. అన్నదమ్ములు, మామా-అల్లుళ్లు వేర్వేరు పార్టీల్లో ఉండి ఒకే స్థానం నుంచి పోటీ చేస్తుంటారు. తాజాగా రాజస్థాన్‌ అసెంబ్లీ ఎన్నికల్లోనూ అలాంటిదే చోటుచేసుకుంది. భార్యభర్తలిద్దరూ ఒకే నియోజకవర్గం నుంచి పోటీ చేస్తున్నారు.

త్వరలో జరుగనున్న రాజస్థాన్‌ శాసనసభ ఎన్నికల్లో బికనేర్‌ ఈస్ట్‌ నియోజకవర్గం నుంచి స్వరూప్‌ చంద్‌ గహ్లోత్‌, ఆయన భార్య మంజులత స్వతంత్ర అభ్యర్థులుగా నామినేషన్‌ వేశారు. ఒకే స్కూటర్‌పై వచ్చి వీరిద్దరూ తమ నామినేషన్‌ పత్రాలు దాఖలు చేశారు. ప్రతిక్షణం కలిసి ఉండాలనే ఉద్దేశంతోనే తాము ఒకే నియోజకవర్గం నుంచి నామినేషన్‌ వేసినట్లు ఆ దంపతులు చెబుతున్నారు.

‘మాకు పెళ్లి జరిగి 37 ఏళ్లు అయ్యింది. ఇన్నేళ్లలో మేం చాలా ఆనందంగా ఉన్నాం. మా ముగ్గురు కుమార్తెలకు పెళ్లిళ్లు చేసేశాం. 1988 నుంచి నేను ఎన్నికల్లో పోటీ చేస్తున్నాను. అయితే ప్రతిసారి నేను ప్రచారానికి వెళ్లినప్పుడు నా భార్య ఇంట్లో ఒంటరిగా ఉండాల్సి వస్తోంది. అందుకే ఈసారి ఇద్దరం నామినేషన్‌ వేయాలని నిర్ణయించుకున్నాం. ఇప్పుడు ఇద్దరం కలిసే వెళ్లొచ్చు’ అని స్వరూప్‌ చంద్‌ చెబుతున్నారు. నామినేషన్‌పై మంజులత మాట్లాడుతూ.. ‘మేం ఎల్లప్పుడూ ఒకరికొకరం అండగా నిలుస్తాం. ఒకవేళ నా భర్త గెలిస్తే నేను మద్దతిస్తా. నేను గెలిస్తే ఆయన మద్దతిస్తారు. మా ఇద్దరిలో ఎవరో ఒకరు కచ్చితంగా గెలుస్తారన్న నమ్మకం మాకుంది’ అని చెప్పుకొచ్చారు. ఏదేమైనా ఈ దంపతులు ఇప్పుడు రాజస్థాన్‌ ఎన్నికల్లో ఆసక్తికరంగా మారారు. మరి భార్య గెలుస్తుందో.. భర్త గెలుస్తాడో లేక ఇద్దరు ఓటమి పాలవుతారో...అన్న ఆసక్తి నెలకొంది.

భారతదేశంలో పాస్‌పోర్ట్ సేవలు మరింత సులభతరం కానున్నాయి. ఇక ప్రతి పార్లమెంటు నియోజకవర్గ కేంద్రానికీ ఓ పాస్‌పోర్ట్ సెంటర్ రానుంది. అంటే దేశవ్యాప్తంగా 543 చోట్ల పాస్‌పోర్ట్ కేంద్రాలు ఏర్పాటు కానున్నాయన్నమాట. ఈలెక్కన తెలుగు రాష్ట్రాల్లోని 42 పార్లమెంటు నియోజకవర్గాలకూ పాస్‌పోర్ట్ కేంద్రాలు వస్తాయి. ఇప్పటి వరకూ ఏపీ, తెలంగాణల్లో ఓ ఏడెనిమిది చోట్ల మాత్రమే పాస్‌పోర్ట్ సేవా కేంద్రాలున్నాయి. ఇకపై ప్రజలకు 50 నుంచి 60 కిలోమీటర్ల పరిధిలోపే పాస్‌పోర్ట్ సేవా కేంద్రాలు అందుబాటులోకి వస్తాయి. వచ్చే సంవత్సరం మార్చి నాటికి ఈ కేంద్రాలను ఏర్పాటు చేయనున్నారు. వీలైనంత వరకూ, హెడ్ పోస్టాఫీసులనే పాస్‌పోర్ట్ సేవా కేంద్రాలుగా మార్చే యోచనలో కేంద్ర ప్రభుత్వం ఉంది. దేశవ్యాప్తంగా ఇప్పటివరకూ 365 పాస్‌పోర్ట్ సేవా కేంద్రాలున్నాయి. ఇప్పుడీ సంఖ్య గణనీయంగా పెరగనుంది. విదేశాల్లోని భారత రాయబార కార్యాలయాల్లోనూ, పాస్‌పోర్ట్ సేవా కేంద్రాలను ప్రారంభించాలని కేంద్ర ప్రభుత్వం ప్లాన్ చేస్తోంది. 

ముంబయి: కొన్నివేల మంది రైతులు, గిరిజనులు తమ సమస్యలపై పోరాటానికి మరోసారి కదం తొక్కారు. వేల సంఖ్యలో రైతులు తమ నిరసన తెలియజేసేందుకు ముంబయిలోని అజాద్ మైదాన్‌కు గురువారం చేరుకున్నారు. లోక్ సంఘర్ష్ మంచ్ ఆధ్వర్యంలో రైతులు వ్యవసాయరంగంలో ఎదుర్కొంటున్న సమస్యలపై పోరాడేందుకు కదలి వచ్చారు. వీరు తమ డిమాండ్లతో కూడిన వినతి పత్రాన్ని ముఖ్యమంత్రి దేవేంద్ర ఫడ్నవీస్‌కు సమర్పించనున్నారు. జనతా దళ్ (ఎస్),చ ఆమ్ ఆద్మీ పార్టీ, శివసేన లాంటి పార్టీలు రైతులు చేస్తున్న పోరాటానికి మద్ధతు తెలిపాయి. ఇది మహారాష్ట్రలో ఈ ఏడాదిలో జరుగుతున్న మూడో రైతుల నిరసన ఉద్యమం. 
 

మధ్యప్రదేశ్ ఎన్నికల్లో బీజేపీ తరఫున ఒకే ఒక్క ముస్లిం అభ్యర్థి...  అది కూడా ఓ మహిళ బరిలో ఉన్నారు. 230 నియోజకవర్గాలకు గాను, బీజేపీ ఒక్క ముస్లిం అభ్యర్థికే టికెట్ కేటాయించింది. భోపాల్ ఉత్తర నియోజకవర్గం నుంచి.. బీజేపీ తరఫున ఫాతిమా రసూల్ సిద్ధిఖీ బరిలో నిలిచారు. ఈమె కాంగ్రెస్‌ సీనియర్ నేత, మాజీ ఎమ్మెల్యే స్వర్గీయ రసూల్ అహ్మద్ సిద్ధిఖీ కుమార్తె. రసూల్ అహ్మద్ సిద్దిఖీ కాంగ్రెస్ పార్టీకి అత్యంత విశ్వాసపాత్రుడిగా ఉండేవాడు. అయితే, ఫాతిమా తండ్రి బాటను వీడి.. కాషాయగూటికి చేరారు. 
ఈమె కాంగ్రెస్ పార్టీకి చెందిన ఆరిఫ్ అఖీల్ తో తలపడతారు. ఆరిఫ్ ఇదే నియోజకవర్గం నుంచి ఐదు పర్యాయాలుగా ఎమ్మెల్యేగా కొనసాగుతున్నారు. ఇప్పుడు డబుల్ హ్యాట్రిక్ కోసం ప్రయత్నిస్తున్నారు. భోపాల్ ఉత్తర నియోజకవర్గం ఓటర్లలో ముస్లింలు 50 శాతం వరకూ ఉన్నారు. ఈ స్థానాన్ని ఎలాగైనా దక్కించునేందుకు వ్యూహాత్మకంగా ఫాతిమను రంగంలోకి దించారు కమలనాథులు. ప్రస్తుతం ఉన్నది తన తండ్రి పనిచేసినప్పటి కాంగ్రెస్ కాదని, తాను బీజేపీలో చేరాకే, అక్కడ ముస్లింలు ఎంతలా మమేకం అయ్యారో చూసి ఆశ్చర్యపోయానని ఫాతిమా చెప్పుకొచ్చారు. 

మధ్యప్రదేశ్ ఎన్నికల్లో బీజేపీ తరఫున ఒకే ఒక్క ముస్లిం అభ్యర్థి...  అది కూడా ఓ మహిళ బరిలో ఉన్నారు. 230 నియోజకవర్గాలకు గాను, బీజేపీ ఒక్క ముస్లిం అభ్యర్థికే టికెట్ కేటాయించింది. భోపాల్ ఉత్తర నియోజకవర్గం నుంచి.. బీజేపీ తరఫున ఫాతిమా రసూల్ సిద్ధిఖీ బరిలో నిలిచారు. ఈమె కాంగ్రెస్‌ సీనియర్ నేత, మాజీ ఎమ్మెల్యే స్వర్గీయ రసూల్ అహ్మద్ సిద్ధిఖీ కుమార్తె. రసూల్ అహ్మద్ సిద్దిఖీ కాంగ్రెస్ పార్టీకి అత్యంత విశ్వాసపాత్రుడిగా ఉండేవాడు. అయితే, ఫాతిమా తండ్రి బాటను వీడి.. కాషాయగూటికి చేరారు. 

ఫాతిమా కాంగ్రెస్ పార్టీకి చెందిన ఆరిఫ్ అఖీల్తో తలపడతారు. ఆరిఫ్ ఇదే నియోజకవర్గం నుంచి ఐదు పర్యాయాలుగా ఎమ్మెల్యేగా కొనసాగుతున్నారు. ఇప్పుడాయన డబుల్ హ్యాట్రిక్ కోసం ప్రయత్నిస్తున్నారు. భోపాల్ ఉత్తర నియోజకవర్గం ఓటర్లలో 50 శాతం వరకూ ముస్లింలు ఉన్నారు. ఈ స్థానాన్ని ఎలాగైనా దక్కించునేందుకు వ్యూహాత్మకంగా ఫాతిమను రంగంలోకి దించారు కమలనాథులు. ప్రస్తుతం ఉన్నది తన తండ్రి పనిచేసినప్పటి కాంగ్రెస్ కాదని, తాను బీజేపీలో చేరాకే, అక్కడ ముస్లింలు పార్టీతో ఎంతలా మమేకం అయ్యారో చూసి ఆశ్చర్యపోయానని ఫాతిమా చెప్పుకొచ్చారు. మరి భోపాల్ ఉత్తర నియోజకవర్గం నుంచి గెలవాలన్న ఫాతిమా కల, కమలనాథుల కోరిక నెరవేరుతుందా..? వేచి చూడాలి.

ముంబయి: తినే ఆహారాన్ని కల్తీ చేస్తే కలిగే దుష్పరిణామాలు తెలిసినా కొందరు వ్యాపారులు అదే లాభాలను అర్జించిపెట్టే వ్యాపారంగా భావిస్తుంటారు. ఇక ఇటువంటి కల్తీ కింగ్‌లకు చెక్ పెట్టనుంది మహారాష్ట్ర సర్కార్. ఎవరైనా ఆహార కల్తీకి పాల్పడితే.. వారిపై నాన్-బైలబుల్ నేరం కింద కేసు నమోదు చేస్తామని వారికి జీవిత ఖైదు విధించనున్నట్టు మహారాష్ట్ర ఆహార, పౌరసరఫరాల శాఖ మంత్రి గిరీష్ బాపట్ శాసన మండలిలో గురువారం (నవంబర్ 22) ప్రకటించారు.  
దీనికోసం ప్రివెంన్షన్ ఆఫ్ ఫుడ్ అడల్టరేషన్ (మహారాష్ట్ర అమెండమెంట్) చట్టాన్ని సవరించనున్నట్టు మంత్రి వెల్లడించారు. ఓ సభ్యుడు అడిగిన ప్రశ్నకు బదులిస్తూ పాలను ప్రాసెస్ చేసే కంపెనీలు రైతుల నుండి పాలు సేకరించి వాటిని తిరిగి వినియోగదారుల వద్దకు పంపేలోపే అవి విషతుల్యంగా మారుతున్నాయని గిరీష్ తెలిపారు. పాలను నిల్వ ఉంచేందుకు డిటర్జెంట్ పౌడర్, యూరియా, కాస్టిక్ సోడా, గ్లూకోజ్, రిఫైండ్ ఆయిల్, స్టార్చ్ వంటి ఆపాయకర పదార్థాలను ఉపయోగిస్తున్నారని.. ఈ పాలవల్ల ప్రజల ఆరోగ్యం తీవ్రంగా దెబ్బతింటోందని సభలో ఆవేదన వ్యక్తం చేశారు. 
 

 

హైదరాబాద్: సెల్‌ఫోన్ కస్టమర్లకు షాకింగ్ న్యూస్ ఇది. ఇకపై ఇన్‌కమింగ్ కాల్స్‌కూ డబ్బు కట్టాల్సిన పరిస్థితి వస్తోంది. కొన్నేళ్లుగా వివిధ పరిణామాలను పరిశీలిస్తోన్న టెలికాం రంగం.. రెవిన్యూ లోటును భర్తీ చేసుకునేందుకు.. వినియోగదారులపై భారం మోపాలని చూస్తోంది. ఇందులో భాగంగా.. ఇప్పటివరకూ అందిస్తోన్న ఫ్రీ ఇన్‌కమింగ్ కాల్స్ సౌకర్యాన్ని తీసేయాలన్న నిర్ణయానికి వచ్చింది. 
జియో తెచ్చిన తంటా..!
జియో సంస్థ తీసుకున్న విప్లవాత్మక నిర్ణయాలు,  ఇతర టెలికాం సంస్థల సేవలపై పెను ప్రభావాన్ని చూపాయి. అన్‌లిమిటెడ్ ఫ్రీ వాయిస్ కాల్స్ విధానాన్ని ప్రవేశపెట్టిన జియో, వినియోగదారుల నుంచి డాటా వినియోగానికి మాత్రమే డబ్బులు వసూలు చేస్తామని ప్రకటించింది. డాటా వినియోగానికి తక్కువ మొత్తాన్ని వసూలు చేయడంతో.. వినియోగదారులు పెద్ద సంఖ్యలో జియో వైపు మొగ్గు చూపారు. ఇది.. ఇతర టెలికాం రంగ సంస్థలపై పెద్ద ఎత్తున ప్రభావం చూపింది. 
ఎవరి మీద ప్రభావం..? : 
ఫ్రీ ఇన్‌కమింగ్ కాల్స్‌ను కట్ చేస్తే.. గ్రామీణ ప్రాంతాల్లోని మొబైల్ వినియోగదారులపైనే దీని ప్రభావం ఎక్కువగా పడనుంది. దూర ప్రాంతాల్లోని తమ వారి నుంచి వచ్చే ఇన్‌కమింగ్ కాల్స్ కోసమే గ్రామీణ ప్రాంతాల ప్రజలు.. ఫోన్‌లు ఎక్కువగా వాడుతున్నారు. వీరంతా ఎప్పుడో ఓ సారి.. అది కూడా ఓ పది రూపాయలు పెట్టి  రీచార్జ్ చేయించుకుంటుంటారు. ఫలితంగా, వినియోగదారుడి నుంచి టెలికాం సంస్థలకు వచ్చే సగటు ఆదాయం (ఏఆర్‌పీయూ) బాగా పడిపోయింది. టెలికాం రంగంలో రెవిన్యూ సంక్షోభం కారణంగానే, ఐడియా, వొడాఫోన్ సంస్థలు విలీనమయ్యాయి. ఈ పరిస్థితుల్లో వినియోగదారుడి నుంచి సగటు ఆదాయాన్ని పెంచుకునే దిశగా టెలికాం సంస్థలు ప్రయత్నాలు చేస్తున్నాయి. అందుకే.. ఇన్‌కమింగ్ కాల్స్ ను కట్ చేయాలని నిర్ణయించాయి. 
మూడు ప్లాన్స్ సిద్ధం చేసిన ఎయిర్ టెల్..!
టెలికాం సంస్థలు ఫ్రీ ఇన్‌కమింగ్ కాల్స్  సదుపాయాన్ని తీసేసి.. మినిమం రీచార్జ్ ప్లాన్స్‌తో రానున్నాయి. 28 రోజులకు కనీసం రూ.35లు రీచార్జ్ చేయించాల్సిందేనని ప్రతిపాదిస్తున్నాయి. ఇందులో టాక్‌టైమ్ 26  రూపాయలు, 100 ఎంబీ డాటా అందిస్తామని ప్రతిపాదిస్తున్నాయి ఎయిర్‌టెల్ ఇప్పటికే ఇలాంటి మూడు ప్లాన్స్‌తో కస్టమర్ల ముందుకు వెళ్లేందుకు సిద్ధమైంది. రూ.35, రూ.65, రూ 95 చొప్పున రీచార్జ్ ప్లాన్స్ ను ఎయిర్‌టెల్ సిద్ధం చేసింది. 
ఈ ప్లాన్ సాధ్యమేనా..? 
భారతీయ మొబైల్ వినియోగదారులు.. ఫ్రీ ఇన్‌కమింగ్ కాల్స్‌కి బాగా అలవాటు పడ్డారు. ఉన్నట్టుండి ఈ సౌకర్యాన్ని తీసేస్తామంటే.. కస్టమర్లు ఎలా స్పందిస్తారో అన్న ఆందోళనా టెలికాం రంగంలోని నిపుణులకు లేకపోలేదు. అయితే.. రెవిన్యూ సంక్షోభం నుంచి బయటపడాలంటే ఈ నిర్ణయం అమలు తప్పదని అంటున్నారు. మరి కస్టమర్లు ఎలా స్పందిస్తారో తేలాలంటే.. కొంత కాలం వేచి చూడాలి మరి. 

న్యూఢిల్లీ: గజ తుఫాను సహాయ కార్యక్రమాలను చేపట్టడానికి తక్షణం రూ 15 వేల కోట్ల రూపాయలు విడుదల చేయాలని తమిళనాడు ముఖ్యమంత్రి ఎడప్పడి పళనిస్వామి ప్రధాన మంత్రి నరేంద్ర మోదీని కోరారు. ఢిల్లీలో ప్రధాని నరేంద్ర మోదీని గురువారం (నవంబర్ 22) కలిసిన పళనిస్వామి కేంద్ర రిలీఫ్ ప్రాకేజీ కింద తుఫాను సహాయ కార్యక్రమాలను చేపట్టడానికి ఈ నిధులు కేటాయించాలని కోరారు. 
మోదీని కలిసిన అనంతరం విలేకరులతో మాట్లాడుతూ.. గజ తుఫాను కారణంగా రాష్ట్రంలో భారీ నష్టం జరిగిందని.. కాబట్టి నష్టాన్ని అంచనావేయడానికి కేంద్ర బృందాన్ని పంపాల్సిందిగా ప్రధానిని కోరినట్టు ముఖ్యమంత్రి పళనిస్వామి చెప్పారు. తుఫాను భాధితులకు న్యాయం చేసేందుకు ముఖ్యమంత్రి పళనిస్వామి ఎటువంటి చర్యలు తీసుకోవడంలేదని డీఎంకే నేత స్టాలిన్  విమర్శలు గుప్పించడంతో.. ముఖ్యమంత్రి హడావుడిగా ఢిల్లీ ప్రయాణం పెట్టుకోవడం విశేషం. 
 

 

మిజోరాం : ఈశాన్య రాష్ట్రం అయిన మిజోరాంలో అధికారం కోసం కసరత్తులు కొనసాగుతున్నాయి.  రాష్ట్రంలో ఎన్నికలు జరగనున్న నేపథ్యంలో ప్రచారం ఊపందుకుంటోంది. ఈ నేపథ్యంలో జాతీయ పార్టీలైన కాంగ్రెస్, బీజేపీల మధ్య ప్రచార పోరాటం కొనసాగుతోంది. అధికారాన్ని నిలబెట్టుకోవాలని కాంగ్రెస్ పోరాడుతుంటే..మిజోరాంలో అధికారాన్ని కైవసం చేసుకోవాలని బీజేపీ తాపత్రాయపడుతోంది. ఈ నేపథ్యంలో పార్టీ అధినేతల మధ్య ఎన్నికల వేడి రాజుకుంటోంది. ఈ క్రమంలో రాహుల్ గాంధీ ప్రచారాన్ని ముమ్మరం చేశారు. బీజేపీకి మరోసారి మిజోరాంలో ఓటమి తప్పదని రాహుల్ ధీమా వ్యక్తంచేస్తుంటే..మరోవైపు బీజేపీ మాత్రం అధికారం మాదే అంటోంది. ఇప్పటికే అమిత్ షా ప్రచారంలో కొనసాగుతుంటే గురువారం నుండి అంటే నవంబర్ 22 నుండి ప్రధాని మోదీ ప్రచారంలో పాల్గొననున్నారు. ఈ క్రమంలో రాహుల్ మిజో నేషనల్ ఫ్రంట్ మతతత్వ పార్టీ అయిన బీజేపీతో పొత్తు పెట్టుకోవటం సిగ్గుచేటని..బీజేపీ, అర్ఎస్ఎస్ మిజోరాం సంస్కృతిని దెబ్బతీస్తున్నాయని విమర్శిస్తుంటే..రాష్ట్ర ప్రజల మనోభావాలతో కాంగ్రెస్ చెలగాటమాడుతోందనీ..లౌకికవాదానికి, శాంతికి బీజేపీ కట్టుబడి వుందని అమిత్ షా పేర్కొంటున్నారు. 
 

 

ఛత్తీస్ గఢ్ : బీజేపీ నేతల తీరే వేరేయ అన్నట్లుగా వుంటుంటారు. అవి వివాదాస్ప వ్యాఖ్యల్లో కావచ్చు, చేసే పనులలో కావచ్చు. ఎన్నికలు వస్తున్నాయ్. ఈ ఎన్నికల్లో బీజేపీ అభ్యర్థులు విజయం సాధించటం కోసం చేసే కొన్ని పనులు నవ్వు తెప్పించేలా వున్నాయ్. సాధారణంగా బీజేపీ హిందూత్వానికి పెట్టింది పేరుగా వుంటుంది. ఈ క్రమంలో ఎన్నికల్లో గెలవాలని ఈవీఎంలకు కూడా పూజలు చేసారు ఓ బీజేపీ నేత. 
ఛత్తీస్ గఢ్ లో రెండవ దశ పోలింగ్ జరుగనున్న నేపథ్యంలో ఛత్తీస్‌గఢ్‌ సహకార శాఖ మంత్రి, నవాగఢ్‌ భాజపా అభ్యర్థి దయాళ్‌దాస్‌ బఘేల్‌ పోలింగ్‌ జరిగిన మంగళవారం నాడు అంటే నవంబర్ 20 తేదీన ఉదయాన్నే ఓ పోలింగ్‌ కేంద్రానికి పూజా సామగ్రితో చేరుకున్నారు. ఈవీఎం మిషన్ కు అగరవత్తులు వెలిగించి పూజలు చేశారు. అనంతరం కొబ్బరికాయ తీసుకుని ఈవీఎం యంత్రం ఉంచిన టేబుల్‌ దగ్గరకు వెళ్లి అక్కడి అట్టకు తాకించారు. తర్వాత పోలింగ్‌ కేంద్రం తలుపు వద్దకు వెళ్లి కొట్టారు. ఇదంతా అక్కడున్న కొందరు కెమెరాల్లో రికార్డ్ అయ్యాయి.  ఈ విషయం తెలుసుకున్న ఈసీ వెంటనే అతనికి నోటీసులు జారీ చేసి, సమాధానం ఇవ్వాలని ఆదేశించింది. దయాళ్ దాస్ బాగేల్ నుంచి సమాధానం రాగానే చర్యలు తీసుకుంటామని రాష్ట్ర ముఖ్య ఎన్నికల అధికారి సుబ్రత్ సాహూ వెల్లడించారు.
ఈ విషయమై ప్రతిపక్ష కాంగ్రెస్‌ పార్టీ భాజపాపై తీవ్రస్థాయిలో మండిపడింది. ‘‘ప్రజాస్వామ్యంలో నాయకులు సామాన్యులను, ఓటర్లను ప్రార్థించాలి. ఈవీఎంలను కాదు. భాజపా, రాష్ట్ర మంత్రులు 15 ఏళ్లుగా ప్రజలను పట్టించుకోకుండా పోలింగ్‌ తేదీ నాడు ఈవీఎంలకు పూజలు చేయడం వల్ల ఎలాంటి ప్రయోజనం ఉండదు’’ అని కాంగ్రెస్‌ అధికార ప్రతినిధి శైలేష్‌ నితిన్‌ త్రివేది పేర్కొన్నారు.
 

బెంగళూరు: ప్రభుత్వ పాఠశాలలన్నా, అందులో పని చేసే టీచర్లన్నా చాలామందికి మంచి అభిప్రాయం ఉండదు. స్కూల్‌కి వచ్చామా? టైమ్‌కి తిన్నామా? జీతం తీసుకున్నామా? అన్నట్టు చాలామంది టీచర్ల తీరు ఉంటుంది. కొంతమంది అసలు విధులకు కూడా హాజరుకారు. ఈ కారణంతోనే వారిపై మంచి ఇంప్రెషన్ లేదు. టీచర్ల తీరు కారణంగా తల్లిదండ్రులు తమ పిల్లలను ప్రభుత్వ పాఠశాలలకు పంపేందుకు సాహసం కూడా చేయడం లేదు. సర్కారీ బడి అంటేనే హడలిపోతున్నారు. అయితే అందరు టీచర్లను ఒకేతీరున ఛూడటం కరెక్ట్ కాదు. వారిలోనూ ఉత్తములు, ఆదర్శవంతులు ఉంటారు అని చెప్పడానికి మహదేశ్వర స్వామి అనే హెడ్‌మాస్టర్ నిలువెత్తు నిదర్శనం.
ప్రాథమిక పాఠశాల హెడ్‌మాస్టర్ అయిన మహదేశ్వర స్వామి గురించి ప్రత్యేకంగా చెప్పుకోవాలి. ఎందుకంటే ఈ హెడ్‌మాస్టర్ స్కూల్ టాయిలెట్లను శుభ్రం చేస్తారు. టాయిలెట్లను క్లీన్ చేయడంతోనే ఆయన డ్యూటీ స్టార్ట్ అవుతుంది. హెడ్‌మాస్టర్ అయి ఉండి టాయిలెట్లు క్లీన్ చేయడం ఏంటని సందేహిస్తున్నారా? కానీ ఇది నిజం. కర్నాటక రాష్ట్రం చామరాజనగర్ జిల్లా హొంగహళ్లిలోని ప్రభుత్వ ప్రాథమిక పాఠశాల హెడ్‌మాస్టర్‌గా మహదేశ్వర స్వామి ఉన్నారు. ఈయన పిల్లలకు పాఠాలు చెప్పడమే కాదు వారికి జీవిత పాఠాలు కూడా బోధిస్తున్నారు. 
హెడ్‌మాస్టర్ అయి ఉండి ఎందుకిలా చేస్తున్నారు? అని అడిగితే.. వ్యక్తిగత పరిశుభ్రత గురించి, ఆరోగ్యంగా ఉండటం గురించి పిల్లలకు అవగాహన కల్పించేందుకు తాను ఇలా చేస్తున్నానని చెబుతారు. పరిసరాలను పరిశుభ్రంగా ఉంచుకోవడం ప్రతి పౌరుడి బాధ్యత అంటారాయన. ఎదుటివారికి నీతులు చెప్పడం కాదు.. ముందు మనం ఆచరించి చూపాలని అంటారు. 1988 నుంచి మహదేశ్వర స్వామి ఇలానే చేస్తున్నారు. స్కూల్‌కి రాగానే ముందుగా టాయిలెట్లు శుభ్రం చేస్తారు. ఆ తర్వాత గార్డెన్, తరగతి గదులను కూడా శుభ్రపరుస్తారు. ఇవన్నీ అయ్యాకే పిల్లలకు పాఠాలు చెప్పడం మొదలుపెడతారు. అంతేకాదు ఆటపాటల్లో చురుగ్గా పాల్గొనేలా పిల్లలను ప్రోత్సహిస్తున్నారు. తన సొంత డబ్బుతో పిల్లల కోసం ఓ లైబ్రరీని కూడా నిర్మించారు. 
మహదేశ్వర స్వామిని స్థానికులు, విద్యాశాఖ అధికారులు ప్రశంసలతో ముంచెత్తుతున్నారు. చాలామంది తల్లిదండ్రులు తమ పిల్లలను ఆ స్కూల్‌కి పంపేందుకు ఆసక్తి చూపిస్తున్నారు. ఇవాళ ఈ స్కూల్‌లో 121మంది విద్యార్థులు ఉన్నారంటే దానికి కారణం మహదేశ్వర స్వామి అని చెబుతున్నారు. ఒక ఉపాధ్యాయుడు తలుచుకుంటే సమాజంలో మార్పు తీసుకురావొచ్చని చెప్పడానికి మహదేశ్వ స్వామి నిలువెత్తు నిదర్శనం అని కితాబిస్తున్నారు. అందరూ ఆయనను ఆదర్శంగా తీసుకుంటే ప్రభుత్వ పాఠశాలలపై మంచి అప్రాయం ఏర్పడుతుందని అంటున్నారు. ఉపాధ్యాయులకు ఆదర్శంగా నిలుస్తున్న హెడ్‌మాస్టర్ మహదేశ్వర స్వామి మనమూ హ్యాట్సాఫ్ చెబుదామా..

అండమాన్: క్రైస్తవ మత ప్రచారంకోసం అండమాన్ నికోబార్ దీపుల్లోని ఓ దీవికి వెళ్లిన ఓ అమెరికన్ జాతీయుడిని అక్కడ నివసిస్తున్న సెంటీనల్ అటివికులు బాణాలతో చంపి శవాన్ని భూమిలో సగభాగం పూడ్చిపెట్టినట్టు స్థానికి మత్స్యకారులు గమనించారు. జాన్ అలెన్ చౌ అనే అమెరికన్ క్రైస్తవ మత ప్రచారం చేయాలని భావించి ఈ దీవికి వెళ్లేందుకు అక్కడి మత్స్యకారులకు డబ్బు చెల్లించి వారి పడవల్లో అక్కడికి చేరుకున్నాడు. అయితే జాన్‌ను ఆ దీవి తీర ప్రాంతంలోనే వదిలేసి వారు తిరిగి వచ్చేశారు. అనంతరం అక్కడ ఉన్న ఆటవికులు బాణాలతో జాన్‌ను చంపి సగంలోతు వరకు అతన్ని పాతిపెట్టినట్టు చూశామని మత్స్యకారులు వెల్లడించారు. అక్కడ ఆటవికజాతి అంతరించిపోతున్న దృష్ట్యా ప్రభుత్వం ఆ దీవుల సందర్శనను రద్దు చేసింది. ‘‘అండమాన్ షీఖా’’ అనే స్థానిక పత్రిక ఈ విషయాన్ని వెలుగులోకి తెచ్చింది. 2011 జనాభా లెక్కల ప్రకారం ఆ దీవి జనాభా 40 మందిగా అంచనావేశారు. బయట ప్రపంచంతో కలిసేందుకు అక్కడి ఆటివికులు ఇష్టపడటంలేదని తెలుస్తోంది. 

jarawas-tribe-andaman
విషయం తెలుసుకున్న స్థానికులు అమెరికాలోని మృతుని బంధువులకు సమాచారం అందించగా.. ఇండియన్ ఎంబసీకి వివరాలు కోరుతూ అమెరికన్ ఎంబసీ అధికారులు సంప్రదించారు.  
ఈ సంఘటనకు సంబంధించి ఆ దీవికి వెళ్లేందుకు జాన్‌కు సహకరించిన ఏడుగురు మత్స్యకారులపై అండమాన్ దీవుల అధికారులు కేసు నమోదు చేశారు.  ఈ ఘటనపై చెన్నైలోని అమెరికన్ కన్సులేట్ అధికారి ఒకరు స్పందిస్తూ స్థానిక అధికారులతో విచారిస్తున్నామని తెలిపారు. సెంటినల్ దీవిలోని అటవిక జాతి అక్కడ వేట కొనసాగిస్తూ తమ జీవనాన్ని కొనసాగిస్తారని తెలుస్తోంది. గతంలో కూడా ఇలా బయటవారిని చూసి భయంతో వెళ్లిన వారిని చంపిన ఘటనలు ఉన్నట్టు స్థానిక పత్రికలు పేర్కొంటున్నాయి. 

Pages

Don't Miss