National News

కేరళ : ‘మీటూ’ ఉద్యమం అన్ని రంగాలలోను ప్రకంపనలు పుట్టిస్తోంది. బాధితులు తమ గళాన్ని వినిపిస్తుంటే ఆరోపణలు ఎదుర్కొనేవారు వాదన వేరేగా వుంటోంది. ఈ నేపథ్యంలో మీటూ ఉద్యమంపై మాలీవుడ్ సూపర్ స్టార్ మోహన్ లాల్ వివాదాస్పద వ్యాఖ్యలు చేశారు. ‘మీ టూ’ ఉద్యమంపై మోహన్ లాల్ స్పందిస్తు..మీటూ ఉద్యమం మూణ్ణాళ్ల ముచ్చటేనని వ్యాఖ్యానించారు. మలయాళ యాక్టర్స్‌ ఛారిటీ కార్యక్రమంలో పాల్గొనేందుకు మోహన్ లాల్ దుబాయ్  చేరుకున్న సందర్భంగా మోహన్ లాల్ ఈ వ్యాఖ్యలు చేశారు. లైంగిక వేధింపులు అన్నవి ప్రతిచోటా ఉంటాయి. అవి కేవలం  సినీ పరిశ్రమలోనే ఉంటాయనుకోవడం కరెక్ట్ కాదు. అయినా మీటూ ఆరోపణలు చేయడమన్నది ఓ ఫ్యాషన్ గా మారిపోయింది. ఇలాంటివి ఎక్కువకాలం నిలబడవు. మూణ్ణాళ్ల ముచ్చటగానే అవుతాయ’ని మోహన్ లాల్ పేర్కొన్నారు. 
సినీ పరిశ్రమలో లైంగిక వేధింపులపై మొదలైన మీటూ ఉద్యమం కలకలం రేపిన సంగతి తెలిసిందే. ఈ ఉద్యమం దెబ్బకు బాలీవుడ్ నటులు నానా పటేకర్, అలోక్ నాథ్, దర్శకుడు సాజిద్ ఖాన్, సుభాష్ ఘయ్ ల జాతకాలు మారిపోయాయి. పలు కీలక ప్రాజెక్టులు వీరి నుంచి చేజారిపోటమే కాదు వారికుండే గౌరవాభిమానలపై దెబ్బతినటం..మరోపక్క వారి సినీ భవిష్యత్తు కూడా ప్రశ్నార్థకంగా మారిన పరిస్థితులు నెలకొన్న విషయం తెలిసిందే.
 

 

కర్నాటక : రూపాయికే ఉల్లిగడ్డ..ఎక్కడ వంద రూపాయలకు మూడు కిలోలు ఇస్తున్నారు...రూపాయికే కిలో ఉల్లిగడ్డనా...ఎక్కడ ? వెళ్లి ఓ సంచుడు ఉల్లి తెచ్చుకుంటాం..అని అనుకుంటున్నారా...అయితే మీరు కర్ణాటకు వెళ్లాల్సిందే...ఎందుకంటే అక్కడ రూపాయికే కిలో ఉల్లిగడ్డ అమ్ముతున్నారు. అక్కడ ఉల్లి ధరలు అమాతం పడిపోవడంతో రైతులు కన్నీళ్లు పెడుతున్నారు. 
Image result for karnataka onion farmersమార్కెట్‌ని తరలించిన ఉల్లి గడ్డను వెనక్కి తీసుకరాలేక..కిలో రూపాయికే విక్రయిస్తున్నారు. మార్కెట్‌‌లో ఎగుమతులు జరగాలంటే ఇంకొన్ని రోజులు వేచి చూడాల్సిందేనని, అప్పటివరకు ఏమి చేయలేమని హుబ్లి వ్యాపారి ఒకరు వాపోతున్నారు. 
గత వారంలో క్వింటాలు ధర రూ. 650 ధర పలికింది. ఈ వారం ప్రారంభంలో రూ. 250కి పడిపోయింది. బుధవారం ఉదయం రూ. 175 ధర పలికింది. సాయంత్రానికి రూ. 100కి పతనమైంది. ఒక్కసారిగా ధరలు పడిపోవడంతో హుబ్బళ్లిలోని వ్యవసాయ విపణి (ఏపీఎంసీ)లో రైతులు తీవ్ర ఆందోళన వ్యక్తం చేస్తున్నారు. ఈ ధరలపై గురువారం వ్యాపారులు - రైతులతో ఓ సమావేశం నిర్వహిస్తారని తెలుస్తోంది. 

 

శ్రీనగర్: ప్రభుత్వాన్ని ఏర్పాటు చేయాలని ప్రతిపక్ష పార్టీల కూటమి ప్రయత్నిస్తున్న తరుణంలో గవర్నర్ సత్యపాల్ మాలిక్ జమ్మూ కాశ్మీర్‌ అసెంబ్లీని రద్దుచేస్తున్నట్టు ప్రకటించి షాకిచ్చారు. తన అధికారాలను ఉపయోగించి రాజ్యాంగంలోని సెక్షన్ 53 ప్రకారం అసెంబ్లీని రద్దుచేస్తున్నట్టుగా గవర్నర్ ఆదేశాలు జారీచేశారు.  
పీడీపీ ఆద్వర్యంలోని ప్రతిపక్ష పార్టీల కూటమి ప్రభుత్వాన్ని ఏర్పాటు చేయాలని ప్రయత్నాలు చేస్తుండగా గవర్నర్ అసెంబ్లీని రద్దుచేయడం విమర్శలకు దారితీసింది. గవర్నర్ నిర్ణయాన్ని నిరసిస్తూ పీడీపీ నేత మాజీ ముఖ్యమంత్రి మహబూబూ ముఫ్తీ గవర్నర్‌కు లేఖ రాశారు. తమ పార్టీకి 29 ఎమ్మెల్యేల మద్దతు ఉందని.. కాంగ్రెస్, నేషనల్ కాంగ్రెస్ మద్ధతు ఇస్తామని ప్రకటించాయని... ఈ నేపథ్యంలో అసెంబ్లీని రద్దుచేయడం సరైన చర్యకాదని మహబూబా పేర్కొన్నారు. తమ పార్టీ మద్ధతు ఇచ్చే ఎమ్మెల్యేల సంఖ్య 56 ఉందని పేర్కొంటూ మహబూబా ముక్తీ లేఖ రాశారు.

 

చెన్నై: గత వారం తమిళనాడును గజగజలాడించిన గజ తుఫాను భారీ బీభత్సాన్ని సృష్టించింది. 45 మంది మరణించగా వేలాదిమంది ప్రజలు తమ ఆస్తులను కోల్పోయి నిరాశ్రయులయ్యారు. ఈ తుఫాను బీభత్సానికి సంబంధించి ఒక వీడియో తమళనాడులో హల్ చల్ సృష్టించింది. రాకాసి అలలు రామేశ్వరం నుండి పంబన్ దీవులకు వెళ్లే దారిలో ఉండే పంబన్ బ్రిడ్జి వద్ద సముద్రంలో ఉవ్వెత్తున లేచిపడటం ఆ వీడియోలో కనిపిస్తోంది. ఇదే వీడియో ముంబయిలోని బంద్రా-వర్లీ  సముద్రతీరంలో తుఫాను సంభవించినప్పుడు కూడా మీడియాలో వైరల్ అయ్యింది. అందిన సమాచారం ప్రకారం ఈ వీడియో మొదటిసారిగా ఆగస్టు 2017లో య్యూట్యూబ్‌లో అప్‌లోడ్ అయినట్టు గుర్తించారు. ఈ వీడియో ఫుటేజీ లక్షద్వీప్ తీరంలో సముద్ర అలలకు సంబంధించినదే కాని గజ తుఫానుకు సంబంధించింది కాదని తేల్చారు. 
 

ఇండోర్: రాబోయే 2019 పార్లమెంటు ఎన్నికల్లో పోటీచేయట్లేదని కేంద్ర విదేశాంగ శాఖ మంత్రి సుష్మా స్వరాజ్  ప్రకటించారు. ఆరోగ్యకారణాలవల్లే తాను ఎన్నికల్లో పోటీ చేయకూడదని నిర్ణయించుకున్నట్టు ఆమె వెల్లడించారు. అయినప్పటికీ తన నిర్ణయాన్ని భారతీయ జనతా పార్టీ అంగీకరించాల్సి ఉంటుందని సుష్మా పేర్కొన్నారు. మధ్యప్రదేశ్‌లోని ఇండోర్‌లో ఈ ప్రకటన చేశారు. 

పార్లమెంటు సభ్యురాలిగా సుష్మా స్వరాజ్ ఎన్నో సంవత్సరాలు సేవలు అందించారు. ఢిల్లీ ముఖ్యమంత్రిగా ఆక్టోబర్ 13 నుంచి డిసెంబర్ 3, 1998 లో పనిచేశారు. ఆమె ఢిల్లీకి మొట్టమొదటి ముఖ్యమంత్రిగా గుర్తింపు పొందారు. మధ్యప్రదేశ్ లోని విదీషా నుంచి పార్లమెంటుకు రెండుసార్లు ఎన్నికైన సుష్మా స్వరాజ్ చాలా ముఖ్యమైన పోర్టిఫోలియోలను నిర్వహించారు.  

 

తమిళనాడు : జనసేనాని పవన్ కళ్యాణ్ విశ్వనాయకుడు కమల్ హాసన్ తో భేటీ కానున్నారు. దేశ రాజకీయ పరిణామాలపై చర్చించేందుకే పవన్ కమల్ తో భేటీకానున్నట్లుగా సమాచారం. ఈ నేపథ్యంలో నవంబర్ 21 బుధవారం ఉదయం  చెన్నై చేరుకున్న జనసేన అధ్యక్షుడు పవన్ కల్యాణ్ నేరుగా విలక్షణ నటుడు, మక్కల్ నీది మయ్యమ్ పార్టీ అధినేత కమలహాసన్ ఇంటికి బయలుదేరాకగ. మరికాసేపట్లో ఆయన కమల్ తో ప్రత్యేకంగా భేటీ కానున్నారు. దేశ రాజకీయ పరిణామాలపై వీరిద్దరూ చర్చిస్తారని తెలుస్తోంది. 

ఇప్పటికే ఏపీ రాజకీయాల్లో క్రియాశీలకంగా ఉన్న ఆయన, తనకు అభిమానులున్న తమిళనాడు, కర్ణాటక రాష్ట్రాల్లోనూ ప్రభావం చూపే క్రమంలో పొరుగు రాష్ట్రాల్లో పర్యటించాలని నిర్ణయించుకున్నారు. కాగా, ఈ మధ్యాహ్నం పవన్ కల్యాణ్, హోటల్‌ కన్నెమెరాలో మీడియాతో ప్రత్యేకంగా మాట్లాడతారు. ఈ సమావేశంలో పవన్‌ కీలక ప్రకటన చేస్తారని ఆ పార్టీ వర్గాలు అంటున్నాయి. కాగా పవన్ కొన్ని రోజుల క్రితం యూపీ మాజీ సీఎం, బీఎస్పీ అధినేత మాయావతితో భేటీ అయ్యేందుకు యూపీ వెళ్లిన విషయం తెలిసిందే.కాగా అనివార్య కారణాలతో వీరి భేటీ సాధ్యం కాలేదు. మరి కమల్ తో పవన్ భేటీపై సర్వత్రా ఆసక్తి నెలకొంది. 

ఒడిశా : రాష్ట్రంలోతీ కటక్‌లో పెను విషాదం చోటు చేసుకుంది. మరో ట్రావెల్స్ బస్ ప్రమాదానికి గురైంది. మహానది వంతెనపై నుంచి వెళ్తున్న ట్రావెల్స్‌ బస్సు అదుపుతప్పి నదిలో పడిపోయింది. 50 మంది ప్రయాణికులతో వెళ్తున్న బస్సు అనుగుల్‌ జిల్లా తాల్చేరు ప్రాంతం నుంచి కటక్‌ బయలుదేరిన జగన్నాథ ట్రావెల్స్ కు చెందిన ప్రైవేట్ బస్సుకు మహానది వంతెన వద్ద గేదె అడ్డం వచ్చింది. దానిని ఢీకొన్న బస్సు అదుపు తప్పి వంతెన పైనుంచి నదిలోపలికి సుమారు 50 అడుగుల కిందకు పడిపోయింది. ఏసీ బస్సు కావడం.. అద్దాలు మూసి ఉండడంతో ప్రయాణికులు బయటకు రాలేకపోయారు. సమాచారం అందుకున్న వెంటనే రెస్క్యూ సిబ్బంది, అగ్నిమాపక సిబ్బంది, పోలీసులు ఘటనా స్థలానికి చేరుకుని సహాయక చర్యలు చేపట్టారు. అంబులెన్స్‌లను సైతం వంతెన వద్ద సిద్ధంగా ఉంచారు. బస్సు నుంచి బయటకు తీసిన వారికి చికిత్స అందిస్తున్నారు. డ్రైవర్ నిర్లక్ష్యం కారణంగానే ప్రమాదం జరిగిందని పోలీసులు భావిస్తున్నారు. బస్సులో నుంచి 12 మంది మృతదేహాలను సహాయక సిబ్బంది వెలికితీశారు. మరో 20 మంది క్షతగాత్రులను ఆసుపత్రికి తరలించారు. బస్సులో చిక్కుకున్న వారిని బయటకు తీస్తున్నారు. కాగా, బస్సు ప్రమాద ఘటనపై ఒడిశా సీఎం నవీన్ పట్నాయక్ దిగ్భ్రాంతి వ్యక్తం చేశారు.  
 

 

ఉత్తర్‌ప్రదేశ్‌ : రాష్ట్రంలోని ఓ రైల్వే స్టేషన్‌లో ఓ పాప రైల్వే ఫ్టాట్ ఫారం నుంచి రైల్వే ట్రాక్‌పై పడిపోవడంతో ఆమె పై నుంచి రైలు వెళ్లింది. పాపకు ఎలాంటి ప్రాణ హాని జరగలేదు. అయితే పాప సురక్షితంగా ప్రాణాలతో బయటపడింది. అదృష్టవశాత్తూ పాపకి ఎటువంటి గాయాలు కాకపోవడంతో అందరూ ఊపిరిపీల్చుకున్నారు. ఇందుకు సంబంధించిన వీడియో మీడియాకు లభ్యమైంది. 

వీడియో ఆధారంగా వివరాల్లోకి వెళితే... ఫ్లాట్ ఫారం పై నుంచి పాప ఒక్కసారిగా పట్టాలపై పడిపోయింది. అంతలోనే ఓ రైలు ఆమె మీదుగా వెళ్లింది. దీంతో ఆ స్టేషన్‌లో ఈ దృశ్యాన్ని చూసిన వారంతా కంగారు పడ్డారు. ఆ రైలు వెళ్లగానే రైల్వే ట్రాకుపైకి దిగిన ఇతర ప్రయాణికులు ఆ పాపను తిరిగి ఫ్లాట్‌ ఫారమ్‌ మీదకు తీసుకొచ్చారు. ఆమెకు గాయాలు కాలేదని తెలిపారు.

ఈ ఘటన మథుర రైల్వే స్టేషన్‌లోని ఫ్లాట్‌ ఫారమ్‌ నంబరు 1 వద్ద ఈ రోజు ఉదయం చోటు చేసుకున్నట్లు సమాచారం. ఆ పాప తల్లిదండ్రులు ఆ సమయంలో అక్కడే ఉన్నారు. ఆ పాప చేతిని పట్టుకుని ఆమె తల్లి నిలబడి ఉంది. అయితే, ఒక్క సారిగా ఆమెను ఎవరో కదిలించగా ఆమె తన పాపకు తగిలింది. దీంతో ఆ చిన్నారి రైల్వే ట్రాక్‌పై పడిపోయినట్లు తెలుస్తోంది. ఇందుకు సంబంధించిన వీడియోను ఓ ప్రయాణికుడు తన స్మార్ట్‌ఫోన్‌లో రికార్డు చేశాడు. వీడియో మీడియాకు లభ్యమైంది. 

 

ఉత్తరప్రదేశ్‌ : మంచినీటి కోసం వెళ్లిన ఓ బాలికపై యువకుడు అత్యాచారానికి పాల్పడ్డాడు. యువకుడు బాలికను కిడ్నాప్ చేసి ఆమెపై అత్యాచారం చేయడమే కాకుండా ఆ పైశాచికత్వాన్ని మరో యువకు చేత వీడియో తీయించాడు.

పోలీసుల కథనం ప్రకారం.. ఉత్తరప్రదేశ్‌ ముజఫర్ నగర్‌ జిల్లాలోని ఓ గ్రామానికి చెందిన బాలిక (16)  సోమవారం నీళ్ల కోసం దగ్గరలోని చేతిపంపు దగ్గరకు వెళ్లింది. ఆమె ఒంటరిగా ఉండటాన్ని గమనించిన యువకుడు బాలికను కిడ్నాప్ చేసి ఆమెపై అత్యాచారం చేయడమే కాకుండా ఆ పైశాచికత్వాన్నంతా మరో యువకుడి చేత వీడియో తీయించాడు. 

మంచినీటి కోసం చేతిపంపు దగ్గరకు వెళ్లిన తన సోదరిని కిడ్నాప్ చేసి ఆపై అత్యాచారానికి పాల్పడ్డారని బాధితురాలి సోదరుడు భోపా స్టేషన్ హౌస్ ఆఫీసర్ వీపీ సింగ్ పోలీసులకు ఫిర్యాదు చేశాడు. ఈ మేరకు పోలీసులు అత్యాచారానికి పాల్పడిన యువకుడిపై, వీడియో తీసిన యువకుడిపై కూడా కేసు నమోదు చేసి, దర్యాప్తు చేపట్టారు.

 

ఢిల్లీ : ఆస్ట్రేలియాతో తొలి టీ20 మ్యాచ్‌‌కు భారత తుది జట్టును బీసీసీఐ ఇవాళా ప్రకటించింది. తొలి టీ20 కోసం 12 మంది సభ్యుల బృందాన్ని ఎంపిక చేసినట్లు బీసీసీఐ పేర్కొంది. యువ క్రికెటర్ రిషబ్ పంత్‌ను వికెట్ కీపర్‌గా ఎంపిక చేశారు. సీనియర్ వికెట్ కీపర్, బ్యాట్స్‌మన్ దినేశ్ కార్తీక్‌ను మిడిలార్డర్‌కు తీసుకున్నారు. టీ20ల నుంచి మాజీ కెప్టెన్ మ‌హేంద్ర సింగ్ ధోనీకి విశ్రాంతినివ్వ‌డంతో పంత్‌కు వికెట్ కీప‌ర్ బాధ్య‌త‌లు చేప‌ట్టే గొప్ప అవ‌కాశం వ‌చ్చింది. 
ఆస్ట్రేలియాతో రేపు తలపడనున్న భారత్
ఆస్ట్రేలియాతో తొలి టీ20లో విరాట్ కోహ్లీ సారథ్యంలోని భారత జట్టు గబ్బా స్టేడియంలో రేపు తలపడనుంది. వెస్టిండీస్‌తో టీ20 సిరీస్‌కు విశ్రాంతి తీసుకున్న రెగ్యులర్ కెప్టెన్ కోహ్లీ.. మనీశ్ పాండే స్థానంలో జట్టులోకి వచ్చాడు. రోహిత్ శర్మ, శిఖర్ ధావన్ ఓపెనర్లుగా బరిలో దిగనున్నారు. విరాట్ నంబర్.3లో.. కేఎల్ రాహుల్ నంబర్ 4లో బ్యాటింగ్‌కు రానున్నారు. ఆ తర్వాత రిషబ్ పంత్.. దినేశ్ కార్తీక్ మిడిలార్డర్‌లో బరిలో దిగనున్నారు. విండీస్‌తో సిరీస్‌లో అరంగేట్రం చేసి, అద్భుతంగా రాణించిన కృనాల్ పాండ్యకు టీమ్‌లో చోటు దక్కింది. 
భారత జట్టు..
విరాట్ కోహ్లీ(కెప్టెన్), రోహిత్ శర్మ(వైస్ కెప్టెన్), శిఖర్ ధావన్, కేఎల్ రాహుల్, రిషబ్ పంత్(వికెట్ కీపర్), దినేశ్ కార్తీక్, కృనాల్ పాండ్య, కుల్దీప్ యాదవ్, భువనేశ్వర్ కుమార్, జస్ప్రిత్ బుమ్రా, ఖలీల్ అహ్మద్, యుజువేంద్ర చాహల్.

 

ఢిల్లీ : బ్యాంకులకు సెలవులొస్తున్నాయంటే చాలు ఎక్కడ డబ్బుకు ఇక్కట్లు వస్తాయోనని ముందే విత్ డ్రాలు చేసి ఇంట్లో పెట్టేసుకుంటాం. అలాగే ఏటీఎంలకెళ్లి నగదును డ్రా చేసుకుని తెచ్చేసుకుంటాం. మరి అటువంటి అవసరం మరోసారి వచ్చింది. ఎందుకంటే ఈ వారంలో మిగిలిన ఆరు రోజుల్లో 4 రోజుల పాటు బ్యాంకులకు సెలవులు. ఇంకా చెప్పాలంటే.. మంగళవారం అంటే నవంబర్ 20 మినహాయిస్తే.. ఒక గురువారం మాత్రమే బ్యాంకులు పనిచేస్తాయి. ఆ రోజు కూడా కుదరకపోతే లేకపోతే సోమవారం వరకు ఆగాల్సిందే. దీంతో ఏటీఎంలలోనూ నగదు కొరత ఏర్పడే ప్రమాదం ఉంది. సరిపడేంత నగదు విత్‌డ్రా చేసుకొని పెట్టుకోవడం ఉత్తమం. 

బుధ, శుక్ర, శనివారాల్లో బ్యాంకులు మూతపడనున్నాయి. బుధవారం నవంబరు 21 ఈద్‌-ఇ-మిలాద్‌-ఉల్‌-నబీ కాగా, శుక్రవారం నవంబరు 23 గురునానక్‌ జయంతితో పాటు కార్తీక పౌర్ణమి కూడా ఉంది. ఇక వారాంతమైన 24, 25 తేదీలు ఎలాగూ నాలుగో శనివారం, ఆదివారం సెలవు దినాలనే విషయం తెలిసిందే. దీంతో జనం ఉరుకులు పరుగులు పెడుతున్నారు. 

అయితే.. శుక్రవారం మాత్రం కొన్ని ప్రైవేట్ బ్యాంకులు పనిచేస్తున్నాయి. హైదరాబాద్‌తో పాటు ఢిల్లీ, మహారాష్ట్ర, రాంచీ, రాయ్‌పూర్‌, శ్రీనగర్‌, డెహ్రాడూన్‌, జమ్మూల్లో బుధ, శుక్ర, శనివారాలు బ్యాంకులకు సెలవు ప్రకటించారు. ఇక భోపాల్‌, బెంగళూరు, అహ్మదాబాద్‌, చెన్నై నగరాల్లోని బ్యాంకులకు కేవలం బుధ, శనివారాల్లో మాత్రమే సెలవులు ఇచ్చారు. ఏదేమైనా.. నేరుగా బ్యాంకుల్లో ఏదైనా పని ఉన్నవారు మంగళవారం సాయంత్రంలోగా పూర్తి చేసుకోవడం ఉత్తమమని నిపుణులు సూచిస్తున్నారు. లేదంటే 26వ తేదీ వరకు ఆగాల్సిందే.

న్యూఢిల్లీ: ఢిల్లీ ముఖ్యమంత్రి అరవింద్ కేజ్రీవాల్‌పై ఓ వ్యక్తి కారంపొడి చల్లేందుకు ప్రయత్నించాడు. ఈ సంఘటన ఢిల్లీ సచివాలయంలో మంగళవారం (నవంబర్ 20) చోటుచేసుకుంది. ఈ సందర్భంగా అనిల్ కుమార్ అనే వ్యక్తిని అదుపులోకి తీసుకొని ప్రశ్నిస్తున్నారు. ముఖ్యమంత్రి భోజనం కోసం బయటకు వెళుతుండగా మూడో అంతస్తులోని సీఎం చాంబర్‌కు అత్యంత సమీపంలో ఈ దాడి చేసినట్టు అధికారులు పేర్కొన్నారు. ఇది దారుణమైన దాడిగా పేర్కోంటూ ఆమ్ ఆద్మీ పార్టీ ఒక ట్వీట్ ను పోస్టు చేసింది. ‘‘ఇది ఢిల్లీ పోలీసుల తీవ్రమైన భధ్రతా లోపం. ముఖ్యమంత్రికే రక్షణ కరువైంది.’’ అంటూ వ్యాఖ్యానించింది. గతంలో కేజ్రీవాల్ మీద ఒకసారి ఇంకు దాడి జరగగా మరోసారి ఎన్నికల ప్రచారంలో ఉండగా ఆయన మీద చేయిచేసుకున్న సందర్భాలూ ఉన్నాయి.

కేరళ : సుప్రీంకోర్టు తీర్పును అమలు చేస్తామని హామీ ఇచ్చిన కేరళ సర్కార్ ఇప్పుడు చిక్కుల్లో పడింది. రాజ్యాంగబద్దంగా సుప్రీంకోర్టు ఇచ్చిన తీర్పుని అమలు చేయాలా? లేదా హైకోర్టు చీవాట్లకు తల వొగ్గాలో తెలీక కేరళ సర్కార్ మల్లగుల్లాలు పడుతోంది. శబరిమల ఆలయంలో మహిళల ప్రవేశం ఏమో గానీ కేరళ సర్కార్ కు సుప్రీంకోర్టు నిర్ణయం తలనొప్పిలా తయారయ్యింది. ఒకవైపు దేశ అత్యున్నత న్యాయస్థానం తీర్పు..మరోవైపు స్థానికంగా తలెత్తుతున్న శబరిమల వివాదాలతో కేరళ సీఎం పినరాయి విజయన్ సర్కార్ కు ఇరుకునపడింది. 

Image result for sabarimalaనవంబర్ 19వ తేదీన ఆదివారం అర్థరాత్రి శబరిమల ఆలయంలో దాదాపు 70 మంది భక్తులను అరెస్ట్ చేయించింది. దీంతో మరోసారి కేరళ వ్యాప్తంగా ఆందోళనలు, నిరసనలు మొదలయ్యాయి. తిరువనంతపురంలోని కేరళ సీఎం పినరయి విజయన్ నివాసంతోపాటు అలప్పూజ, కొచ్చి, అలువా, కోజికోడ్ తదితర ప్రాంతాల్లో బీజేపీ, ఆర్ఎస్ఎస్ కార్యకర్తలు, హిందూ సంఘాలు ఆదివారం భారీ ఆందోళన చేపట్టారు. ఈ నేపథ్యంలో, అదుపులోకి తీసుకున్నవారిని విడుదల చేయాలంటూ నిరసన తెలపడమే కాదు, ప్రభుత్వ చర్యలను నిరసిస్తూ హైకోర్టును ఆశ్రయించారు. ఈ పిటిషన్‌పై విచారించిన కేరళ హైకోర్టు పినరయి ప్రభుత్వానికి చివాట్లు పెట్టింది. ప్రశాంతతకు మారుపేరైన శబరిమల అయ్యప్ప ఆలయ పరిసరాలను ప్రభుత్వం రణరంగంగా మార్చివేసిందని అభిప్రాయపడింది. 

Image result for sabarimalaస్వామి దర్శనానికి వస్తున్న భక్తులను బందిపోట్లలా చూస్తున్నారని ఆగ్రహం వ్యక్తం చేసిన ధర్మాసనం, ఆలయం వద్ద 144 సెక్షన్ అవసరమేంటని నిలదీసింది. వారిపై వాటర్ క్యాన్లను ప్రయోగించడం ఏంటని ప్రశ్నించిన న్యాయమూర్తులు, యాత్రికులకు ప్రత్యేకించిన ప్రదేశాల్లో పోలీసులు వారి శిబిరాలకు మాత్రమే పరిమితం కావాలని సూచించింది. భక్తుల అరెస్ట్‌పై తీవ్ర అసంతృప్తిని వ్యక్తం చేసిన న్యాయస్థానం, నెయ్యాభిషేకం టికెట్‌లను కొనుగోలు చేసిన భక్తులను రాత్రిపూట సన్నిధానంలో ఉండనివ్వాల్సిందేనని స్పష్టం చేసింది. సన్నిధానం వద్ద నియమించిన పోలీసుల అనుభవానికి సంబంధించిన వివరాలు సమర్పించాలని ఆదేశించింది. 

Image result for sabarimalaమరోవైపు, ఈ వ్యవహారంపై స్పందించిన ముఖ్యమంత్రి పినరయి విజయన్, ఆందోళనకారులంతా ఆర్ఎస్ఎస్ కార్యకర్తలేనని, వారు కావాలనే ఆలయం వద్దకు వచ్చి ఉద్రిక్తతలను సృష్టిస్తున్నారని ఆరోపించారు. భక్తులంటే తమకు ఎంతో గౌరవం ఉందని వ్యాఖ్యానించారు. శబరిమలలో ఉద్రిక్తతలను సృష్టించడమే వారి ప్రధాన లక్ష్యమని, గతంలో శ్రీచిత్ర తిరునాళ్ ఉత్సవం సందర్భంలోనూ అయ్యప్ప సన్నిధానంలో ఇలాగే వ్యవహరించారని అన్నారు. నెయ్యాభిషేకం టిక్కెట్లు కొనుగోలుచేసిన భక్తులను సన్నిధానం నుంచి వెళ్లిపోవాలంటూ పోలీసులు హుకుం జారీచేయడంతో భక్తులు పెద్ద ఎత్తున నిరసనలు తెలిపారు. దీంతో పోలీసులు వారిని అరెస్ట్ చేయడం వివాదానికి కారణమైంది. 
 

న్యూజెర్సీ (అమెరికా): హిందు దేవతల బొమ్మలను అవమానిస్తూ అనేక సంఘటనలు చోటు చేసుకుంటూనే ఉన్నాయి. అలాగే జాతి వివక్ష జాడ్యం అమెరికన్లను వెంటాడుతూనే ఉంది. తాజాగా న్యూజెర్సీలోని ఓ నైట్‌క్లబ్ వాష్‌రూములో వేలాడదీసిన దేవతా చిత్రాలపై ఓ భారత సంతతి మహిళ తీవ్రంగా స్పందించింది.  ఆ మహిళ  అంకితా మిశ్రా బ్రూక్‌లిన్ లోని ‘హౌజ్ ఆఫ్ ఎస్’ అనే నైట్‌క్లబ్‌కు వెళ్ళినప్పుడు అక్కడ దేవతా విగ్రహాల బొమ్మలను టాయిలెట్ వద్ద చూసి ఆ క్లబ్ ఓనర్లకు రాసిన లెటర్‌లో క్లాస్ పీకింది. ‘‘మీ టాయిలెట్ డెకార్‌ను మార్చండి అనిచెబుతూనే తనకున్న విలువలు, ఆత్మగౌరవంపై వివరిస్తూ వారికి దిమ్మతిరిగేలా సమాధానం చెప్పింది.
ఇదే విషయాన్ని ‘బ్రౌన్‌గర్ల్’ అనే మ్యాగజైనులో ప్రస్తావిస్తూ అంకిత మిశ్రా ఓ కథనం రాసింది. ‘‘నేను ఆ నైట్‌క్లబ్‌కు తరచూ వెళుతుంటాను. ఓసారి వెళ్లినప్పుడు అక్కడ వాష్‌రూమ్‌లో పేపర్ న్యాప్‌కిన్ కోసం వెతుకుతుండగా నాకు నగలు ధరించిన హిందూ దేవతల చిత్రాలు కనిపించాయి. అందులో శివుడు, వినాయక, సరస్వతి, బ్రహ్మ, రాధా కృష్ణ చిత్రాలు టాయిలెట్ పైన వేళ్లాడఃదీసి ఉన్నాయి.  అవి చూసి సైలంట్ గా ఉండలేకపోయా..అందుకే పబ్ ఓనర్లకు హిందువులు తమ సంస్కృతిని వారు ఎక్కడ ఉన్నా ఎంత బాగా పూజిస్తారో..గౌరవిస్తారో తెలియచెప్పా చాలా స్సష్టంగా.’’ అంటూ ఆ కథనంలో వివరించింది. 
 

 

ఢిల్లీ : బీజేపీ సీనియర్ నేత, కేంద్ర మంత్రి సుష్మా స్వరాజ్ ఈరోజు ఓ సంచలన ప్రకటన చేశారు. పాలిటిక్స్ లో అపార అనుభవమున్న సుష్మా స్వరాజ్య వచ్చే ఏడాది జరగనున్న పార్లమెంట్ ఎన్నికలలో తాను పోటీ చేయడం లేదని  మీడియా సమావేశంలో ప్రకటించారు. వచ్చే ఎన్నికలలో పోటీ చేయాలా.. వద్దా.. అనేది పార్టీ నిర్ణయిస్తుందని కానీ, ఆరోగ్య పరమైన కారణాల వలన పోటీ చేయకూడదని ఓ నిర్ణయానికి వచ్చినట్లు ఆమె ఈ సందర్భంగా తెలిపారు. కాగా, ప్రస్తుతం సుష్మా విదిషా లోక్ సభ నియోజకవర్గం నుండి ప్రాతినిధ్యం వహిస్తున్నారు.
కాగా భారతీయ జనతా పార్టీకి చెందిన మహిళా నేతలలో అగ్రగణ్యురాలైన సుష్మాస్వరాజ్ 1952, ఫిబ్రవరి 14న హర్యానా లోని అంబాలా కంటోన్మెంటులో జన్మించారు. కేంద్రమంత్రిగాను, ఢిల్లీ ముఖ్యమంత్రిగాను పనిచేసిన సుష్మాస్వరాజ్ వర్తమాన భారతదేశపు మహిళా రాజకీయ నేతలలో ప్రముఖురాలు. 1970లో రాజకీయ రంగప్రవేశం చేసిన సుష్మా విద్యార్థి సంఘం నాయకురాలిగా ఉంటూ ఇందిరాగాంధీ ప్రభుత్వానికి వ్యతిరేకంగా ఉద్యమాలు చేపట్టి 1977లో తొలిసారిగా హర్యానా రాష్ట్ర శాసనసభలో కాలుపెట్టారు. అదే సంవత్సరంలో కేంద్రంలో ఏర్పాటైన జనతా ప్రభుత్వంలో స్థానం సంపాదించారు. 1996, 98లలో వాజపేయి మంత్రివర్గంలలో కూడా ఈమెకు చోటు లభించింది. 1998లో ఢిల్లీ ముఖ్యమంత్రిగా బాధ్యతలు చేపట్టారు. 2014 మే 26 నాడు నరేంద్రమోడి కేబినెట్‌లో కేంద్రమంత్రిగా నియమితులైనారు. సుష్మాస్వరాజ్ భర్త స్వరాజ్ కౌశల్‌ ప్రముఖ న్యాయవాది మరియు మిజోరాం గవర్నరుగా పనిచేశారు. ప్రస్తుతం ఎన్డీయే కేబినెట్ లో విదేశాంగశాఖామంత్రిగా పనిచేస్తున్న సుష్మా స్వరాజ్ నిర్ణయం బీజేపీలో సంచలన నిర్ణయమనే చెప్పవచ్చు.
 

నగడా (మధ్యప్రదేవ్): మథ్యప్రదేశ్ లోని నగడాలో ఎన్నికల ప్రచారానికి వెళ్లిన భారతీయ జనతా పార్టీ అభ్యర్థికి చేదు అనుభవం ఎదురైంది. బీజేపీ ఎమ్మెల్యే దిలీప్ షెకావత్ ఎన్నికల ప్రచారం సందర్భంగా అనుచరులతో నడిచి వెళుతూ అందరికి వంగి వంగి దండాలు పెడుతూ వెళుతున్నాడు. ఒక చోట వరండాపై కొంతమంది పెద్దలు బీజేపీ నేతకు దండాలుపెట్దేందుకు సిద్ధంగా ఉండటంతో షెకావత్ వారి వద్దకు వెళ్ళాడు. ఇద్దరు వ్యక్తులు అభివాదం చేయగా.. మూడో వ్యక్తి వయసుమీరిన ఓ పెద్దాయన అక్కడే ఉన్న చెప్పుల దండను షెకావత్‌కు వేశాడు. ఇది గమనించిన షెకావత్ పక్కనున్న అనుచరుడు దాన్ని కిందకి విసిరేసాడు. ఆ ముసలాయన్ని తిడుతూ నిష్ర్కమించడం వీడియోలో రికార్డయ్యింది. ఈ వీడియో మీరూ చూడండి!
 

మథుర (ఉత్తర్‌ప్రదేశ్): ‘‘ఇక్కడ ఏనుగులకు వైద్యం చేయబడును’’ అంటూ ఉత్తరప్రదేశ్ లోని మథుర జిల్లాలో ఓ ఆసుపత్రిని ప్రారంభించారు. గాయపడ్డ, అనారోగ్యం పాలైన అలాగే వయసు మీరంటంతో వచ్చే ఆరోగ్యసమస్యలకు వైద్యం అందించేందుకు ఆగ్రా డివిజన్‌లో ఈ ఆసుపత్రిని ప్రారంభించారు. ఎస్ఓఎస్ అనే స్వచ్ఛంద సంస్థ ఈ ఆసుపత్రిని రాష్ట్ర ప్రభుత్వ అటవీ శాఖ సహకారంతో ఏర్పాటు చేసింది. ఇక్కడ అన్ని టెస్టులకు సంబంధించిన వైద్య పరికరాలు అందుబాటులో ఉన్నాయి. ఇక్కడ ఏనుగులకు హైడ్రోథెరపీ, వైర్‌లెస్ డిజిటల్ ఎక్స్-రే, అల్ట్రాసోనోగ్రఫీ వసతులు కల్పించారు. మథుర జిల్లాలోని చుర్మూర గ్రామంలో ఈ ఏనుగుల ఆసుపత్రిని నిర్మించారు. 


అత్యవసర సమయాల్లో అవరమైతే ఏనుగులను ఎత్తి పడుకోబెట్టడానికి క్రేన్లు, పాథాలజీ లాబరెటరీలు, ఏనుగుల బరువును తూచేందుకు డిజిటల్   వెయ్యింగ్ మెషీన్లు, అలాగే ఏనుగులను ప్రశాంత వాతావరణంలో ఉంచి ట్రీట్‌మెంటు ఇచ్చేందుకు షెల్టర్లు ఏర్పాటు చేశారు. వెటర్నరీ విద్యార్థులు ఏనుగుల వైద్య విధానాలను తెలుసుకోనేందుకు వీలుగా ఇక్కడ ఏర్పాట్లు చేశారు.

దేశవ్యాప్తంగా సరైన వైద్య సహకారం లేక గజరాజులు ఆరోగ్య సమస్యలు ఎదుర్కొంటున్నాయని.. వాటికి అంధత్వం, కుంటితనం, తీవ్ర వృధ్యాప్యపు బాధలతో ఇబ్బందులు పడుతున్నాయని..ఈ ఆసుపత్రిలో క్రిటికల్ కేర్ ట్రీట్‌మెంట్ చేసేందకు అన్ని సదుపాయాలు కల్పించామని ఆగ్రా అటవీశాఖ డైరక్టర్ బజ్జు రాజ్ వెల్లడించారు.

చెన్నై: తమిళనాడు మాజీ ముఖ్యమంత్రి జయలలిత మరణానికి కారణంపై కొనసాగుతున్న వివాదం మరో మలుపు తిరిగింది. ఆమె మరణంపై విచారించేందుకు నియమించబడ్డ కమీషన్ జయలలిత ట్రీట్‌మెంట్ తీసుకున్న అపోలో ఆసుపత్రి క్రిటికల్ కేర్ యూనిట్‌కు చెందిన డైరక్టర్లను విచారించింది. జయలలిత మరణానికి కారణం శ్వాస ఆడటంలో ఇబ్బంది  ఏఆర్డీఎస్ (యాక్యూట్ రెస్పిరేటరీ డిస్ట్రెస్ సిండ్రోమ్) తలెత్తడం వల్లే జరిగిందని..  ఇది హార్ట్ ఎటాక్‌కు దారితీసిందని అపోలో డైరక్టర్లు చెప్పినట్టు తెలుస్తోంది. 
విశ్రాంత న్యాయవాది ఏ ఆర్ముగస్వామి ఆద్యర్యంలో ఏర్పాటైన కమిషన్ డిసెంబర్ 2016లో జయలలిత మరణానికి దారితీసిన పరిస్థితులపై విచారించింది. అపోలో సీసీయూ డైరక్టర్ రామకృష్ణన్ కమిషన్ ముందు దాదాపు రెండు గంటలపాటు వాగ్మూలం ఇచ్చారు.  జయలలిత మరణ దృవీకరణ పత్రంను చూపించిన తర్వాత రెండు గంటలపాటు కమీషన్ ఆయనను ప్రశ్నించినట్టు సమాచారం. 
 

 

మహారాష్ట్ర : దేశంలోనే అతిపెద్ద సైనిక ఆయుధాగారం మహారాష్ట్రలోని వార్దా జిల్లాలో పుల్గావ్ లో భారీ పేలుడు సంభవించింది. ఈ ఘటనలో ఆరుగురు అక్కడికక్కడే మృతి చెందారు. మరో 10 వరకు తీవ్రంగా గాయపడినట్లుగా తెలుస్తోంది. మందుగండు సామగ్రిని నిర్వీర్యం చేస్తుండగా పేలుడు సంభవించినట్లుగా తెలుస్తోంది. గాయపడిన 10మందిలో మరో పలువురి పరిస్థితి విషమంగా ఉంది. మహారాష్ట్రలోని వార్దా జిల్లాలో పుల్గావ్ ఆయుధ గోదాంలో ఈ మంగళవారం అంటే నవంబర్ 20వ తేదీ ఈ ప్రమాదం చోటుచేసుకుంది. 

పేలుడు దాటికి నలుగురు వ్యక్తులు అక్కడికక్కడే ప్రాణాలు విడిచారు. ఆస్పత్రిలో చికిత్స పొందుతూ మరో ఇద్దరు మరణించారు. గడువు తీరిన మందుగుండు సామగ్రిని నిర్వీర్యం చేస్తున్న క్రమంలో ఒక్కసారిగా పేలుళ్లు జరిగినట్లు రక్షణశాఖ అధికారులు తెలిపారు. 
2016లో జరిగిన ప్రమాదం..16మంది మృతి
కాగా పుల్గావ్‌ ఆయుధ గోదాంలో గతంలోనూ ఇలాంటి ఘటనలు చోటుచేసుకున్నాయి. 2016 మేలో ఇదే గోదాంలో జరిగిన భారీ అగ్నిప్రమాదం తీవ్ర విషాదం నింపింది. ఈ ప్రమాదంలో రక్షణ శాఖకు చెందిన 16 మంది సిబ్బంది ప్రాణాలు కోల్పోయారు. పుల్గావ్‌ గోదాం దేశంలో సైన్యానికి చెందిన అతిపెద్ద ఆయుధ గోదాం. బాంబులు, గ్రనైడ్లు, తుపాకులు, ఇతర పేలుడు పదార్థాలను ఇక్కడ నిల్వ చేస్తారు. దేశంలోని పలు ఫ్యాక్టరీల్లో తయారు చేసిన ఆయుధాలను ఇక్కడకు తీసుకొచ్చి భద్రపరుస్తారు. అక్కడి నుంచి ఫార్వర్డ్‌ బేస్‌లకు తరలిస్తుంటారు. ఈ నేపథ్యంలో ఈ ప్రాంతంలో పలు ప్రమాదాలు చోటు చేసుకోవటం జరుగుతోంది. అలాగే పలువురు ప్రాణాలు కూడా గాల్లో కలిసిపోతున్నాయి. దీనిపై అధికారులు తగిన జాగ్రర్త చర్యలు తీసుకోవాల్సిన అవసరం వుంది.
 

న్యూఢిల్లీ: ‘‘ఒక వ్యాపారవేత్తను కేసులోంచి తప్పించేందుకు కేంద్ర బొగ్గు, గనుల శాఖ సహాయ మంత్రి హరిభాయ్ పార్తీభాయ్ చౌధురి కొన్ని కోట్లు లంచంగా తీసుకున్నారు...’’ అంటూ సీబీఐలో రెండో స్థానంలో ఉన్న రాకేస్ ఆస్థానా అవినీతి వ్యవహారంపై దర్యాప్తుచేస్తున్న మనీష్ కుమార్ సిన్హా అనే సీబీఐ అధికారి సుప్రీం కోర్టులో వెల్లడించాడు. 
సిన్హా తనను ఉన్నపళంగా నాగపూర్‌కు బదిలీ చేయడాన్ని వ్యతిరేకిస్తూ కోర్టులో పిటీషన్ ధాఖలు చేశారు.  గత నెలలో సీబీఐలో ఇద్దరు సీనియర్ అధికారుల మధ్య వివాదం సందర్భంగా కొంతమంది అధికారులను మూకమ్మడిగా బదిలీ చేసిన సంగతి తెలిసిందే. మంత్రి లంచం తీసుకున్నట్టుగా తన వద్ద ఆధారాలు ఉన్నాయని సిన్హా కోర్టుకు వివరించాడు. రాకేష్ ఆస్థానా అవినీతి ఆరోపణలపై విచారణను తప్పించేందుకే తనను బదిలీ చేశారని సిన్హా తెలిపాడు. నా వద్దనున్న ఆధారాలు చూస్తే మీరు షాక్ అవుతారని సిన్హా న్యాయవాది పేర్కొనగా.. ప్రధాన న్యాయమూర్తి రంజన్ గొగోయ్ స్పందిస్తూ మాకేమీ షాక్ కాదు అంటూ సిన్హా పిటీషన్‌ని తక్షణం విచారించేందుకు  నిరాకరించారు.

సిన్హా జాతీయ భద్రత సంస్థ సలహాదారు అజిత్ దోవల్‌పై మరికోన్ని సంచలన వ్యాఖ్యలు చేయడం గమనార్హం. ఆస్థానాపై అవినీతి ఆరోపణలపై విచారణను అజిత్ దోవల్ జోక్యం చేసుకున్నారని.. సోదాలను కూడా నిలుపుదల చేయించారని కోర్టుకు సిన్హా వివరించారు. హైదరాబాద్‌కు చెందిన వ్యాపారి సానా సతీష్ బాబు మంత్రికి లంచం ఇచ్చినట్టుగా తనకు చెప్పాడని సిన్హా కోర్టుకు చెప్పారు. 
 

 

న్యూఢిల్లీ: దేశ రాజధాని ఢిల్లీలో ట్రాఫిక్ మూలంగా వచ్చే కాలుష్యాన్ని తగ్గించేందుకు చేస్తున్న ప్రయత్నాలు ఇప్పటికీ సత్ఫలితాలు ఇవ్వడంలేదు. దాదాపు 50,000 ట్రక్కులు నగరంలోకి ప్రవేశించకుండా ఉండేందుకు కుండ్లీ మానేశ్వర్ పల్‌వాల్ (కేఎంపీ) ఎక్స్‌ప్రెస్‌వే రింగ్ రోడ్డును ప్రధాన మంత్రి నరేంద్రమోదీ సోమవారం (నవంబర్ 19) ప్రారంభించారు.   2009 లో పూర్తి కావాల్సిన రింగ్ రోడ్ ఎన్నో అవాతరాలను దాటుకొని ఈ రోజు ప్రారంభం అయ్యింది. ఈ రోడ్ ద్వారా తూర్పు, దక్షిణం వైపు వెళ్లే వాహనాలు ఢిల్లీ నగరంలోకి ప్రవేశించకుండా ఉండేందుకు వీలుకలుగుతుంది. 
 

 

అహ్మదాబాద్: ధాదాపు 597 అడుగుల ఎత్తున్న ఐరన్ మ్యాన్ సర్దార్ వల్లభాయ్ పటేల్ టిబర్టీ ఆఫ్ స్టాచ్యూ అకాశం నుంచి చూస్తే ఎలా ఉంటుందో కదా.. ఈ దృశ్యాన్ని ఆవిష్కరించేందుకు స్కైలాబ్‌కు చెందిన అమెరికన్ కన్‌స్టెట్టేషన్ ఆఫ్ శాటిలైట్స్ అనే కంపెనీ ప్రపంచంలోనే అత్యంత ఎత్తైన విగ్రహాన్ని స్పేస్ నుంచి తీసిన ఫోటోలను అందించింది. ఈ చిత్రంలో నర్మద నది ఒడ్డున నిర్యించిన విగ్రహం టాప్ ఏంగిల్‌లో ఎలా ఉంటుందో తెలుపుతుంది.  సర్దార్ వల్లభాయ్ పటేల్ విగ్రహాన్ని ప్రధాన మంత్రి నరేంద్ర మోదీ అక్టోబరు 31న కేవదియా ప్రాంతంలో ఆవిష్కరించారు. 
ఈ విగ్రహం ఇప్పటివరకు ప్రపంచంలోని ఎత్తైన చైనాలోని స్పింగ్ ఆలయంలోని బుద్ధుడి విగ్రహం కంటే 177 అడుగులు పొడుగైనది. అమెరికాలోని లిబర్టీ స్టాచ్యూ కంటే రెండింతలు పెద్దది. దీనిని రూ 2989 కోట్లతో గుజరాత్ ప్రభుత్వం నిర్మించింది. 
 

 

న్యూఢిల్లీ: భారతీయ రిజర్వు బ్యాంకు గవర్నర్‌ను ఉద్దేశించి సోమవారం (నవంబర్ 19) కాంగ్రెస్ అధ్యక్షులు రాహుల్ గాంధీ చేసిన ట్వీట్ ప్రస్తుతం మీడియాలో హల్‌చల్ సృష్టిస్తోంది. ఈ ఉదయం ఆర్బీఐ బోర్డు సమావేశం జరుగుతున్న నేపథ్యంలో రాహుల్ చేసిన వ్యాఖ్యలు సంచలనం కలిగించాయు.
‘‘ఆర్బీఐ గవర్నర్ ఉర్జిత్ పటేల్‌ వెన్నుపూస గట్టిగా ఉన్నవాడని.... ప్రధాని నరేంద్ర మోదీకి తన స్థానం ఏంటో చూపిస్తాడని అనుకుంటున్నా’’ అంటూ ఆర్బీఐ బోర్టు సమావేశం ప్రారంభమైన కాసేపటికే రాహుల్ ట్వీఃట్ చేశాడు. 
కేంద్రానికి, ఆర్బీఐకి మధ్య అధికారాల పరిథి అంశంగా కోల్డ్‌వార్ నడుస్తున్న సంగతి తెలిసిందే. కేంద్రం అతి జోక్యాన్ని ఆర్బీఐ గవర్నర్ సుతిమెత్తగా వ్యాఖ్యానించడం ఈ రెండు వ్యవస్థల మధ్య ఆగాధాన్ని సృష్టించింది. ఈ నేపథ్యంలో ఆర్బీఐ బోర్టు కొన్ని కీలక అంశాలపై నిర్ణయం తీసుకుంటుందని భావిస్తున్నారు. ఈ నిర్ణయాలు కేంద్ర ప్రభుత్వానికి మింగుడు పడకపోవచ్చని భావిస్తున్నారు. ఈ అంశంపై రాహుల్ గాంధీ ట్వీట్‌ను ఆర్బీఐ గవర్నర్ ఉర్జిత్ పటేల్ ఎలా తీసుకుంటారు అనేది చర్చనీయాంశంగా మారింది. ఆర్బీఐ స్వతంత్ర ఆదిపత్యాన్ని దెబ్బతీసేవిధంగా కేంద్ర ప్రభుత్వం ప్రయత్నిస్తోందిని కాంగ్రెస్ నేతలు మోదీపై విమర్శనాస్త్రాలను ఎక్కుపెడుతున్నారు. 2019 ఎన్నికలను దృష్టిలో ఉంచుకొని ఆర్బీఐ వద్దనున్న రూ. 9 లక్షల కోట్ల నిధులను అభివృద్ధికి ఉపయోగించాలని కేంద్రం చూస్తోందని కాంగ్రెస్ ఆరోపిస్తున్న సంగతి విదితమే. 

హైదరాబాద్: రాష్ట్రంలో సీబీఐకు ‘సమ్మతి’ని ఎత్తివేసిన ఆంధ్రప్రదేశ్ ముఖ్యమంత్రి చంద్రబాబు నాయిడుకు బీజేపీ వ్యతిరేక పార్టీలతో దోస్తీ మరింత పెరుగుతోంది. జీవోతో కేంద్ర దర్యాప్తే సంస్థ సీబీఐ రాష్ట్రంలో సోదాలు, దర్యాప్తులు చేయంకుండా నిరోధించడాన్ని పశ్చిమ బెంగాల్ ముఖ్యమంత్రి మమతా బెనర్జీ సమర్ధించడంతో చంద్రబాబుకు మహాకూటమి ఏర్పాటు యోచనకు బలం చేకూరినట్టయ్యింది. ఈ నేపథ్యంలో ఇద్దరు ముఖ్యమంత్రులు సోమవారం సమావేశం కానున్నారు. ప్రాంతీయ పార్టీలను 2019 ఎన్నికలే లక్ష్యంగా ఏకతాటి పైకి తెచ్చేందుకు అనుసరించాల్సిన వ్యూహాలపై ఇద్దరు నేతలు చర్చించనున్నారు.  మధ్యాహ్నం తర్వాత జరిగే ఈ సమావేశం అనంతరం ఇద్దరు నేతలు మీడియా ముందు తదుపరి ప్రణాళికలకు సంబంధించి వివరాలను  ప్రకటించనున్నారు. బీజీపీ వ్యతిరేక పార్టీల కూటిమితో జరిగే సమావేశానికి చంద్రుబాబు దీదీని వ్యక్తిగతంగా ఆహ్యానించనున్నట్టు తెలుస్తోంది. ఈ సమావేశానికి తన ప్రతినిధికి పంపకుండా మమతా బెనర్జీ  స్వయంగా వెళతారని సన్నిహిత వర్గాలు పేర్కొంటున్నాయి. గత మార్చిలో ప్రజావ్యతిరేక విధానలను వ్యతిరేకిస్తూ ఎన్డీఏ కూటమినుంచి చంద్రబాబు నాయుడు బయటకు రావడాన్ని మమతా స్వాగతించిన సంగతి విదితమే. 
 

 

అమృతసర్: బైక్ మీద వచ్చి గ్రెనేడ్ దాడికి పాల్పడ్డ ఇద్దరు నిందితుల సీసీటీవీ ఫుటేజీని పంజాబ్ పోలీసులు విడుదల చేశారు. ఇద్దరు గుర్తుతెలియని వ్యక్తులు అమృతసర్‌కు సమీపంలోని ఆదిల్‌వాల్ గ్రామంలోని నిరాంకరి భవన్‌ వద్ద  గ్రెనేడ్ విసిరిన దాడిలో ముగ్గురు మృతి చెందగా 20 మంది గాయపడ్డారు. ఆదివారం (నవంబర్ 18)న జరిగిన ఈ దాడి నిరంకారి ఆధ్యాత్మిక సంఘానికి చెందిన భక్తులు గుమిగూడి ఉండగా ఈ పేలుడు జరగింది. పల్సర్ బైక్ మీద వచ్చిన ఇద్దరు నిందితులు కాల్పులు జరిపి గ్రెనేడ్‌లను విసిరారు, ఇది టెర్రరిస్టు చర్యగా పోలీసులు అనుమానిస్తున్నారు. నిందితులను పట్టుకొనేందుకు భారీ ఎత్తున  కూంబిగ్ చేపట్టారు. పంజాబ్ డీజీపీ అమృతసర్‌లోనే ఉండి దర్యాప్తును పర్యవేక్షిస్తున్నారు.  
 

 

న్యూఢిల్లీ: గత నెల అమృతసర్ ఘటనలో రైలు ఢీ కొని దసరా వేడుకలను వీక్షిస్తున్న 60 మంది మృత్యవాత పడిన లాంటి సంఘటనలు పునరావృతం కాకుండా రైల్వై శాఖ పకడ్బందీ చర్యలు చేపట్టింది. ఇందులో భాగంగా జనసంచారం ఉండే ప్రాంతాల్లో రైలు పట్టాలపై ప్రజలు సంచరించకుండా ప్రహరీ గోడలను నిర్మించాలని నిర్ణయించింది. దేశవ్యాప్తంగా 3 వేల కిలోమీటర్ల పొడవైన ప్రహరీగోడలను నిర్మించాలని రైల్వే మంత్రి పియూష్ గోయల్ నిర్ణయం తీసుకున్నట్టు సమాచారం. 
ఈ ప్రహరీ గోడల నిర్మాణానికి రూ 2,500 కోట్లు ఖర్చవుతాయని భావిస్తున్నారు. ఈ కాంపౌండ్ వాల్ 2.7 మీటర్ల ఎత్తులో కాంక్రీట్‌తో నిర్మిస్తారు. ఇది సబర్బన్, నాన్ సబర్బన్ ప్రాంతాల్లో రైల్వే ట్రాక్‌లు ఉన్న చోట్ల ఈ నిర్మాణాలు చేపడతారు. ఈ ప్రహరీ గోడల వల్ల మనుషులు కానీ, పశువుకానీ ట్రాక్ మీదకు వచ్చి ప్రాణాలు పోగొట్టుకోకుండా కాపడటమే కాక ట్రాక్స్‌పై చెత్త డంపింగ్‌ను కూడా నివారిస్తుందని భావిస్తున్నట్ట్ రైల్వే బోర్టు సహ్యుడు విశ్వేష్ చౌబే తెలిపారు.ఎక్కడైతే రైళ్ళు 160 కిమీల స్పీడుతో ప్రయాణిస్తాయో ఆ యా ప్రాంతాల్లో ట్రాక్‌ల చుట్టూ కంచెకాని, ప్రహరీగోడకాని నిర్మించాలని నిర్ణయించారు. ఈ ప్రాజక్టు అనుమతులు వచ్చేనెల పూర్తి అయ్యే అవకాశాలు ఉన్నాయి. 
 

 

ఆలీగఢ్ : ఈ మధ్యన చిన్నారుపై టీచర్లు దారుణాలకు తెగబడుతున్నారు. చదవలేదని..ఫీజు కట్టలేదని..లేటుగా వచ్చాడని..ఇతరత్రా కారణాలపై వారిపై దాష్టీకాలకు పాల్పడుతున్నారు. ఏమాత్రం కనికరించకుండా చిన్నారులను ఇష్టమొచ్చినట్లు చావబాదుతున్నారు. తాజాగా ఏడేళ్ల విద్యార్థిపై ఓ ఉపాధ్యాయుడు వ్యవహరించిన తీరు అందర్నీ కలిచివేసింది. అతను పెట్టిన హింస మొత్తం సీసీ టీవీ రికార్డులో నమోదైంది. ఈ ఘటన ఆలీగఢ్‌లో చోటు చేసుకుంది. ఓ టీచర్ ఇంటికి వెళ్లి ట్యూషన్ చెబుతుంటాడు. ఆలీఘడ్‌లో కూడా ఓ ఇంట్లో ట్యూషన్ చెబుతున్నాడు. అతను చెబుతున్న గదిలో సీసీకెమెరా కూడా ఉంది. 
Image result for UP: Aligarh tuition teacher caught on camera beating 7-yearబాలుడిని ఓ కుర్చీలో కూర్చొబెట్టి బాలుడిని నానా రకాలుగా హింసించాడు. బాలుడి జట్టు పట్టుకున్నాడు..చెవులు మెలేశాడు..అంతేగాకుండా చెప్పు తీసుకుని పదే పదే కొట్టాడు. వేళ్లను సైతం కొరకడంతో ఆ బాలుడు ఏడ్చినా కనికరం చూపలేదు. 
బాలుడిని సదరు టీచర్ పదేపదే కొట్టాడు. అతని జుట్టు పట్టుకుని ఈడ్చాడు. చెవులు మెలిబెట్టాడు. చెప్పు తీసుకుని కొట్టాడు. బాలుడు ఏడుస్తున్నా కనికరం చూపలేదు. ఓ గ్లాస్ మంచినీళ్లిచ్చి, నవ్వించే ప్రయత్నం కూడా చేశాడు. టీచర్ చేసిన పనిని చూసిన ఆ తండ్రి ఆగ్రహంతో పోలీసులను ఆశ్రయించాడు. కేసు నమోదు చేసిన అలీగఢ్ పోలీసులు, టీచర్ ను అరెస్ట్ చేసి, హత్యాయత్నం (ఐపీసీ 307) కింద కేసు పెట్టారు.

Pages

Don't Miss