Yadadri

08:11 - August 14, 2018
21:21 - August 12, 2018

హైదరాబాద్ : తెలుగు రాష్ట్రాల్లో భారీ వర్షపాతం నమోదవుతోంది. రెండు రోజులుగా కురుస్తున్న వర్షాలతో నదులు, చెరువుల్లోకి భారీగా వరద నీరు వచ్చి చేరుతోంది. బంగాళాఖాతంలో ఏర్పడిన ఉపరితల ఆవర్తనం ప్రభావంతో మరో 24 గంటల పాటు వర్షాలు కురుస్తాయని వాతావరణ శాఖ తెలిపింది. ఎడతెరపిలేకుండా కురుస్తున్న వర్షాలతో హైదరాబాద్‌ తడిసి ముద్దైంది. వర్షం నీరు రోడ్డుపై నిలిచిపోవడంతో పలు ప్రాంతాల్లో రాకపోకలకు అంతరాయం ఏర్పడింది. భారీ వర్షాల కారణంగా ఆదిలాబాద్‌ జిల్లాలోని లోతట్టు ప్రాంతాలు జలమయమయ్యాయి. ప్రజలను సురక్షిత ప్రాంతాలకు తరలించాలని జిల్లా కలెక్టర్‌ దివ్య సంబంధిత అధికారులను ఆదేశించారు. జిల్లా కేంద్రంలోని ఖానాపూర్‌‌ చెరువు సమీప నివాస ప్రాంతాలను కలెక్టర్ సందర్శించారు.

ఉమ్మడి ఆదిలాబాద్ జిల్లాలో రెండు రోజులుగా కురుస్తున్న భారీ వర్షాలకు జన జీవనం స్తంభించింది. పలు గ్రామాల్లో ఇళ్లలోకి నీరు వచ్చి చేరింది. వాగులు, వంకలు ఉప్పొంగి ప్రవహిస్తుండటంతో.. రాకపోకలు నిలిచిపోయాయి. మంచిర్యాల జిల్లా జన్నారం మండలం ఇందనపల్లి, జన్నారం సమీపంలో నిర్మిస్తున్న నూతన వంతెనల వద్ద రాకపోకల కొరకు నిర్మించిన అప్రోచ్ రోడ్లు వరద ఉధృతికి తెగిపోయి రవాణా వ్యవస్థ స్తంభించింది. వర్షం ధాటికి నిర్మల్ జిల్లా కడెం ప్రాజెక్ట్‌లోకి భారీగా వరదనీరు చేరుతోంది. ఇప్పటికే 13 గేట్లు ఎత్తి వరద నీటిని గోదావరిలోకి వదిలారు అధికారులు.

మంచిర్యాల జిల్లా చెన్నూరు మండలంలోని లింగంపల్లి గ్రామంలో వర్షం ధాటికి 104 గొర్రెలు మృతి చెందాయి. ఇవి తెలంగాణ ప్రభుత్వం సబ్సీడీ కింద అంజేసిన గొర్రెలు కావడంతో గొర్రెల కాపరులు ఆందోళన చెందుతున్నారు. సుమారు 5 లక్షల నష్టం వాటిళ్లిందని ఆవేదన చెందుతున్నారు.

కొత్తగూడెం జిల్లాలో కురుస్తున్న వర్షాలకు సింగరేణి ఓపెన్‌ కాస్ట్‌లో బొగ్గు ఉత్పత్తి పనులకు ఆటంకం ఏర్పడింది. గనుల్లో భారీగా వర్షం నీరు వచ్చి చేరడంతో మోటార్ల సాయంతో నీటిని తోడేస్తున్నారు. భారీ వర్షాల కారణంగా భద్రాద్రిలో క్రమంగా గోదావరి నీటిమట్టం పెరుగుతోంది. చత్తీస్‌గఢ్‌లో కురుస్తున్న భారీ వర్షాలకు తాలిపెరు ప్రాజెక్టుకు భారీగా వరద ఉధృతి పెరిగింది. దీంతో 15 గేట్లు ఎత్తి 51వేల క్యూసెక్కుల నీటిని దిగువకు విడుదల చేశారు.

కరీంనగర్ జిల్లాలో కురుస్తున్న భారీ వర్షాలకు లోతట్టు ప్రాంతాలు జలమయం అయ్యాయి. రామగుండంలో అత్యధికంగా 13.8 సెంటీమీటర్ల వర్షాపాతం నమోదైంది. రామగుండంలోని సింగరేణి ఓపెన్‌ కాస్ట్‌ గనులపై వర్షం ప్రభావం పడింది. దీంతో నాలుగు ఓపెన్‌ కాస్ట్‌లలో లక్ష టన్నుల బొగ్గు ఉత్పత్తికి విఘాతం ఏర్పడింది. ఎల్లంపల్లి ప్రాజెక్టుకు భారీగా వరద నీరు వచ్చి చేరుతుండడంతో 10 గేట్లను ఎత్తి 519 క్యూసెక్కుల నీటిని దిగువకు విడుదల చేశారు.
ఉమ్మడి వరంగల్‌ జిల్లా వ్యాప్తంగా భారీ వర్షాలు కురుస్తున్నాయి. రహదారులు, లోతట్టు ప్రాంతాలు జలమయమయ్యయి. వాగులు పొంగి పొర్లుతున్నాయి. కొన్ని ప్రాంతాల్లో ఇళ్లల్లోకి వర్షం నీరు వచ్చి చేరడంతో ప్రజలు తీవ్ర ఇబ్బందులు పడుతున్నారు. భూపాలపల్లిలో నిన్నటి నుండి కురుస్తున్న వర్షం కారణంగా కాకతీయ ఓపెన్ కాస్ట్ బొగ్గు గనుల్లోకి భారీగా వరద నీరు వచ్చి చేరింది. దీంతో బొగ్గు ఉత్పత్తికి ఆటంకం ఏర్పడింది. జయశంకర్‌ భూపాలపల్లి జిల్లా మహదేవపూర్‌ మండలం చండ్రుపల్లి వాగు టూరిస్టుల బస్సు చిక్కుకుంది. అన్నారం బ్యారేజీ చూసేందుకు వెళ్తున్న టూరిస్టుల బస్సు వరద నీటిలో చిక్కుకుపోయింది. స్థానికులు స్పందించి బస్సును వరద నీటి నుండి బయటకు తీసుకువచ్చారు. భారీ వర్షాలకు నిజామాబాద్‌ జిల్లా ఆర్మూర్‌ నియోజకవర్గంలోని వాగులు, కుంటలు, చెరువులు వర్షపు నీటితో నిండిపోయాయి. దీంతో ఆయకట్టు రైతులు హర్షం వ్యక్తం చేస్తున్నారు.

భారీ వర్షాలతో విజయవాడలోని ప్రకాశం బ్యారేజ్ జలకళ సంతరించుకుంది. ఎగువ నుంచి వస్తున్న వరద నీటితోపాటు మూడు రోజులుగా కురుస్తున్న వర్షం ధాటికి కృష్ణానది నిండుకుండలా మారింది. వరద నీరు ప్రవాహంతో బ్యారేజీ పోటెత్తడంతో అధికారులు 40 గేట్లు ఎత్తి దిగువకు నీటిని విడుదల చేశారు. తూర్పుగోదావరి జిల్లా విలీన మండలాల్లో భారీ వర్షం కురుస్తుంది. దీంతో విలీన మండలాల్లోని వాగులు, వంకలు పొంగి రహదారులపై ఉధృతంగా ప్రవహిస్తున్నాయి. గిరిజన ప్రాంతాల్లో రాకపోకలకు తీవ్ర అంతరాయం ఏర్పడింది. దక్షిణ ఒరిస్సా ఉత్తర కోస్తాను ఆనుకొని కొనసాగుతోన్న ఉపరితలం ఆవర్తనం ప్రభావంతో కోస్తాంధ్రలో మోస్తరు నుండి భారీ వర్షాలు కురిసే అవకాశం ఉన్నట్లు వాతావరణ అధికారులు తెలిపారు. రానున్న 24 గంటల్లో వాయువ్య బంగాళాఖాతంలో అల్పపీడనం ఏర్పడే అవకాశం ఉంది. 

08:02 - August 5, 2018
18:17 - August 2, 2018

యాదాద్రి : జిల్లాలోని యాదగిరి గుట్టలోని అనురాధ నర్సింగ్‌ హోంపై ఎస్వోటీ పోలీసులు సోదాలు నిర్వహించారు. 48 ఆక్సిటోసిన్‌ ఇంజక్షన్‌లతో పాటు శాంపిల్స్‌ను స్వాధీనం చేసుకున్నారు. బాలికలకు ఆక్సిటోసిన్‌ హార్మోన్‌ను ఇచ్చి వ్యభిచారంలోకి దింపేందుకు నిర్వహకులు ప్రయత్నిస్తుంటారు. వ్యభిచార నిర్వహకులకు సహకరిస్తున్న ఆర్‌ఎంపీ డాక్టర్‌ను పోలీసులు అదుపులోకి తీసుకొని విచారిస్తున్నారు. 

 

12:13 - July 31, 2018

యాదాద్రి భువనగిరి : బాలికలను అక్రమంగా రవాణా చేసి వ్యభిచారకూపంలోకి దింపుతున్నారని రాజకొండ సీపీ మహేశ్ భగవత్ తెలిపిన విషయం తెలిసిందే. ఈ నేపథ్యంలో యాదాద్రి భువనగిరి జిల్లాలో బాలికలను కొనుగోలు చేసి బలవంతంగా వారితో వ్యభిచారం చేయిస్తున్న ముఠా గుట్టును పోలీసులు రట్టుచేశారు. యాదగిరి గుట్టలో షీటీం, ఐసీడీఎస్ తనిఖీల్లో ఈ దారుణం వెలుగులోకి వచ్చింది. పక్కా సమాచారం అందుకున్న రాచకొండ పోలీసులు వెంటనే రంగంలోకి దిగి ఈ ముఠాను అదుపులోకి తీసుకున్నారు. ఈ క్రమంలో 11మంది బాలికలను అధికారులు గుర్తించి రక్షించారు. అనంతరం 8 మంది వ్యభిచార గృహ నిర్వాహకులను అరెస్ట్ చేశారు. లోకి దించేందుకు యత్నిస్తున్న ముఠాను అధికారులు అరెస్ట్ చేశారు. దీనికి సంబంధించి రాచకొండ సీపీ మహేశ్ భగవత్ ప్రెస్ మీట్ పెట్టి పూర్తి వివరాలను తెలపనున్నారు. 

15:17 - July 26, 2018

హైదరాబాద్ : రేపు సంపూర్ణ చంద్రగ్రహణం కారణంగా యాదాద్రి శ్రీలక్ష్మీనరసింహస్వామి ఆలయంతో పాటు అనుబంధ ఆలయమైన పాత గుట్ట శ్రీలక్ష్మీ నరసింహ స్వామి ఆలయాన్ని రేపు మధ్యాహ్నం నుంచి మూసివేస్తున్నట్టు యాదాద్రి ఆలయ ఈవో గీతారెడ్డి తెలిపారు. మరుసటి రోజు తెల్లవారుజామున 5గంటలకు ఆలయ ద్వారం తెరిచి సంప్రోక్షణ, శుద్ది చేస్తామన్నారు. శనివారం ఉదయం 9 గంటల నుంచి భక్తులను దర్శనానికి అనుమతిస్తామని చెప్పారు.   

11:06 - July 24, 2018

యాదాద్రి భువగిరి : భువనగిరి మున్సిపల్ చైర్‌పర్సన్‌పై కౌన్సిలర్లు ఇవాళ అవిశ్వాసం పెట్టనున్నారు. దీంతో ఎలాంటి అవాంఛనీయ సంఘటనలు జరగకుండా పోలీసులు మున్సిపల్ కార్యాలయం పరిసరాల్లో 144 సెక్షన్‌ను విధించారు. చైర్‌పర్సన్‌ అధికార టీఆర్‌ఎస్‌ పార్టీని వీడి బీజేపీలో చేరడంతో ఎమ్మెల్యే దీన్ని సవాలుగా తీసుకున్నారు. కొన్ని రోజులగా కౌన్సిలర్లతో క్యాంపు రాజకీయం నిర్వహిస్తూ ఇవాళ అవిశ్వాసానికి సిద్ధమయ్యారు. మరో వైపు చైర్‌పర్సన్‌ పీఠం చేజారిపోకుండా బీజేపీ గట్టి ప్రయత్నాలే చేస్తోంది.

 

19:05 - July 18, 2018

యాదాద్రి భువనగిరి : జిల్లా బీబీనగర్‌లో ఘోర రోడ్డు ప్రమాదం తప్పింది. యువకుడిని తప్పించే క్రమంలో డ్రైవర్ బస్సును రాంగ్‌ రూట్‌లోకి తీసుకెళ్లాడు. ఆ బస్సుకు ఎదురుగా ఎలాంటి వాహనం రాకపోవడంతో పెద్ద ప్రమాదం తప్పింది. ఈ ఘటనలో ఎవరికి ఎలాంటి ప్రమాదమూ జరగకపోవడంతో అంతా ఊపిరి పీల్చుకున్నారు. 

 

21:15 - July 16, 2018

హైదరాబాద్ : నైరుతి రుతుపవనాలు, అల్పపీడన ప్రభావంతో తెలుగు రాష్ట్రాలతోపాటు దేశ వ్యాప్తంగా విస్తారంగా వర్షాలు కురుస్తున్నాయి. ప్రాజెక్టుల్లో జలకళ సంతరించుకుంటోంది. నదులు, వాగులు పొంగిపొర్లుతున్నాయి. వరదల కారణంగా పలుప్రాంతాల్లో జనజీవనం స్ధంబించింది. కాగా ఈనెల 19న బంగాళాఖాతంలో మరో అల్పపీడనం ఏర్పడే అవకాశం ఉందని వాతావరణశాఖ తెలిపింది. మరో మూడు రోజులపాటు తెలంగాణ, ఏపీలోని పలుచోట్ల ఒక మోస్తరు నుంచి భారీ వర్షాలు పడే అవకాశం ఉంది.

వాయువ్య బంగాళాఖాతం.. ఉత్తర కోస్తా- ఒరిస్సా ప్రాంతంలో తీవ్ర అల్పపీడనం కేంద్రీకృతమైంది. దీనికి అనుబంధంగా 9.5 కి.మీ ఎత్తువరకూ ఉపరితల ఆవర్తనం కొనసాగుతోంది. దీనికి తోడు జూలై19న మరో అల్పపీడనం ఏర్పడే అవకాశం ఉందని వాతావరణ శాఖ అధికారులు చెబుతున్నారు. అల్పపీడన ప్రభావంతో తెలుగు రాష్ట్రాల్లో జోరుగా వర్షాలు కురుస్తున్నాయి. ఇప్పటికే కొన్ని ప్రాజెక్టుల్లోకి వరద నీరు భారీగా చేరడంతో గేట్లు ఎత్తేస్తున్నారు. దీనికి తోడు ఎగువన కురుస్తున్న భారీ వర్షాలవల్ల గోదావరి, తుంగభద్ర, నాగావళి, వంశధార నదులకు ప్రవాహ ఉధృతి పెరిగింది.

వారం రోజులుగా కురుస్తున్న వర్షాలతో ఆంధ్రప్రదేశ్‌లో పలు జిల్లాల్లో జోరుగా వర్షాలు కురుస్తున్నాయి. ఉభయ గోదావరి జిల్లాల్లో అత్యధికంగా 12 సెంటిమీటర్ల వర్షపాతం నమోదైంది. ఉష్ణోగ్రతలు సాధారణంకన్నా 6 డిగ్రీల వరకు తక్కువగా నమోదవుతున్నాయి. గాలిలో తేమ బాగా పెరిగింది. వర్షాలకు లోతట్టు ప్రాంతాలు జలమయం అయ్యాయి. గంటకు 50 నుంచి 55 కి.మీ వేగంతో గాలులు వీయనున్నాయని, అలలు కూడా మూడు మీటర్ల పైబడి ఎగిసిపడే అవకాశం ఉన్నందని అధికారులు తెలిపారు. మత్స్యకారులు వేటకు వెళ్లొద్దని హెచ్చరికలు చేశారు. బీచ్‌లోకి నో ఎంట్రీ బోర్డులు పెట్టారు. మరో 3 రోజుల పాటు ఇదే పరిస్థితి ఉండే అవకాశం ఉందంటోంది విశాఖ తుపాన్ హెచ్చరికల కేంద్రం.

మరో వైపు ఏజెన్సీ ప్రాంతంలో వాగులు వంకలు పొంగిపొర్లుతున్నాయి. కొత్తవలస - కిరండూల్‌ రైల్వే లైనులో కొండ చరియలు విరిగి పడటంతో రైళ్ల రాకపోకలకు అంతరాయం ఏర్పడింది. బొర్రా - చిమిడిపల్లి స్టేషన్ల మధ్య 66/2 కి.మీ. సమీపంలో ఉదయం 9.30 గంటల సమయంలో బండరాళ్లు పడి విద్యుత్తు తీగలు తెగిపోయాయి. దీంతో పాసింజరు రైలు చిమిడిపల్లి స్టేషన్‌లోనే నిలిచిపోయింది. వెంటనే రైల్వే సిబ్బంది అక్కడకు చేరుకుని రాకపోకలను పునరుద్ధరించారు.

భద్రాద్రి కొత్తగూడెంజిల్లాలో వాగులు, వంకలు నిండు కుండను తలపిస్తున్నాయి. గుండాల మండలం మల్లన్న, కిన్నెరసాని, ఏడుమెలికల, పొట్టినిమ్మ వాగుల సంగమం, నడిగూడెం వాగులు ఉధృతంగా ప్రవహిస్తున్నాయి. మోదుగుల గూడెం రైతులు తమ పొలాలకు వెళ్ళేందుకు తీవ్ర ఇబ్బందులు పడుతున్నారు. విద్యార్థులు, గర్భిణీలు, చిన్నపిల్లల పరిస్థితి దయనీయంగా ఉంది. సుమారు ఇరవై గ్రామాల్లో ఇదే పరిస్థితి నెలకొని ఉంది.

ఆదిలాబాద్, నిర్మల్, కొమరంభీం, మంచిర్యాల, జగిత్యాల, పెద్దపల్లి, జయశంకర్‌ భూపాలపల్లి, భద్రాద్రి కొత్తగూడెం, ఖమ్మం జిల్లాల్లో ఒకటీ రెండు చోట్ల భారీ వర్షాలు కురిసే అవకాశం ఉంది. ఈరోజు, రేపు తెలంగాణ రాష్ర్టంలో తేలికపాటి నుంచి మోస్తరు వర్షాలు కురిసే అవకాశం ఉంది. రాయలసీమలోనూ రాగల మూడు రోజుల్లో తేలికపాటినుంచి మోస్తరు వర్షాలు కురిసే అవకాశం ఉన్నట్లు వాతావరణ శాఖ తెలిపింది. మొత్తానికి తెలుగు రాష్ర్టాల్లో ఏకధాటిగా కురుస్తున్న వర్షాలతో ప్రజలు తీవ్ర ఇబ్బందులు ఎదుర్కొంటున్నారు.

18:52 - July 14, 2018

Pages

Don't Miss

Subscribe to RSS - Yadadri