Yadadri

16:03 - September 18, 2017
19:12 - September 15, 2017

యాదాద్రి : మదర్‌ డైరీకి సరఫరా చేస్తున్న పాలకు లీటర్‌కు నాలుగు రూపాయల ప్రోత్సాహకాన్ని ఇవ్వాలంటూ యాదాద్రి జిల్లా భువనగిరిలో రైతులు చలో ప్రగతి భవన్‌ చేపట్టారు. ఈ నిరసనకు సీపీఎం, ఆ పార్టీ అనుబంధ సంఘాలు, రైతు సంఘం, కుల వివక్ష వ్యతిరేక పోరాట సంఘం, యువ తెలంగాణ అధినేత జిట్టా బాలకృష్ణా రెడ్డి మద్దతు పలికారు. విజయ డైరీలో చెల్లిస్తున్నట్లుగా పాడి రైతులకు ప్రోత్సాహకం ఇవ్వాలని డిమాండ్ చేశారు.. నిరసనలో భాగంగా వినాయక నగర్‌ చౌరస్తా నుంచి ర్యాలీగా బయలుదేరిన సీపీఎం జిల్లా కార్యదర్శి జహంగీర్‌తో పాటు పాడి రైతుల్ని పోలీసులు అరెస్ట్ చేశారు.. 

16:38 - September 12, 2017

యాదాద్రి : జిల్లాలోని మోత్కూరు మండలం కేంద్రంలో ఓ విద్యార్థి ఆత్మహత్యయత్నం చేశాడు. జెడ్ పీహెచ్ ఎస్ పాఠశాలలో పదో తరగతి చదువుతున్న కొంపెల్లి నవీన్‌ ప్రాణాలు తీసుకోబోయాడు. ఇది గమనించిన స్థానికులు నవీన్‌ను భువనగిరి ఆస్పత్రికి తరలించారు. కాగా ఇంగ్లీషు టీచర్‌ సత్యనారాయణ వేధింపులే దీనికి కారణమని ఆరోపిస్తున్నారు. మరిన్ని వివరాలను వీడియోలో చూద్దాం...

 

18:12 - September 9, 2017

యాదాద్రి : వైద్యంకోసం వచ్చిన మహిళలపై అత్యాచారం చేసిన డాక్టర్‌పై చర్యలు తీసుకోవాలంటూ గ్రామస్తులంతా ఒక్కటయ్యారు. యాదాద్రి భువనగిరి జిల్లా బొమ్మలరామారం తహసిల్దార్‌ కార్యాలయం ముందు ఆందోళనకు దిగారు. స్థానికంగా నర్సింగ్‌ హోం నిర్వహిస్తున్న అజీజ్‌ పాషా ఆగడాలకు అడ్డుకట్ట వేయాలని డిమాండ్ చేశారు. వైద్యం కోసం వచ్చిన రోగుల నుంచి భారీగా డబ్బులు వసూలు చేస్తున్నాడని... ఆపరేషన్‌ అవసరం లేకపోయినా డబ్బుకోసం చేస్తున్నాడని మండిపడ్డారు. మహిళా రోగులపై అత్యాచారం చేస్తున్న డాక్టర్‌పై వెంటనే చర్యలు తీసుకోవాలని తహశిల్దార్‌ను కోరారు. 

15:49 - September 6, 2017

యాదాద్రి భువనగిరి : జిల్లా ఆలేరులో దారుణం జరిగింది. ఓ యువకుడు, అతని తల్లి బంధువులమని చెప్పి ఓ బాలికను గురుకుల కళాశాల నుంచి ఇంటికి తీసుకెళ్ళాడు. బాలిక తల్లి హాస్టల్‌కు ఫోన్‌చేయడంతో విషయం బయటపడింది. బాలిక తల్లి పోలీసులకు ఫిర్యాదు చేయడంతో.. నిందితుడు జేమ్స్‌, అతని తల్లి రూబీని పోలీసులు అరెస్టు చేశారు. వీరిపై కిడ్నాప్‌, అత్యాచారం, నిర్భయ సెక్షన్ల కింద కేసు నమోదు చేసి దర్యాప్తు చేస్తున్నారు. 

12:02 - September 6, 2017

యాదాద్రి భువనగిరి : జిల్లాలో ప్రమాదం చోటు చేసుకుంది. యాదగిరిగుట్ట నల్లపోచమ్మ వాడలో ఈ ఘటన చోటు చేసుకుంది. భువనగిరి జిల్లా సెంట్ ఆన్ స్కూల్ కు చెందిన మినీ బస్సులో కొంతమంది విద్యార్థులు వెళుతున్నారు. స్కూల్ సమీపిస్తుందనగా టర్నింగ్ పాయింట్ వద్ద వెనుకనుండి వచ్చిన డీసీఎం బస్సును ఢీకొంది. దీనితో వర్షిత అనే(5) విద్యార్థిని మృతి చెందింది..నలుగురు చిన్నారులకు గాయాలయ్యాయి..వీరిని ఆసుపత్రికి తరలించి చికిత్స అందిస్తున్నారు. 

09:51 - September 4, 2017

యాదాద్రి భువనగిరి : జిల్లాలోని భువనగిరి మండలం రాయగిరిలో అర్ధరాత్రి ఓ ఇంట్లో పేలుడు కలకలం సృష్టించింది. ఈ ఘటనలో సోదరులైన వెంకట్‌రెడ్డి, ప్రభాకర్‌రెడ్డిలు మృతి చెందగా... వారి తల్లి గాలమ్మ తీవ్రంగా గాయపడింది. ఒక్కసారిగా పేలుడు సంభవించడంతో స్థానికులు భయాందోళనలకు గురయ్యారు. అయితే... గ్యాస్‌ సిలిండర్‌ పేలుడు వల్లే ప్రమాదం జరిగిందని పోలీసులు ప్రాథమికంగా అంచనా వేశారు. సంఘటనాస్థలాన్ని డీసీపీ, ఏసీపీలు పరిశీలించారు. పేలుడుకు ఇతర కారణాలు ఏమైనా ఉన్నాయా ? అనే కోణంలో కూడా దర్యాప్తు చేస్తున్నారు. 

 

12:34 - September 3, 2017

యాదాద్రి భువనగిరి : యాదాద్రి ఆలయ విస్తరణ పనులు శరవేగంగా సాగుతున్నాయి. కాకతీయుల నైపుణ్యం ఉట్టిపడేలా శిల్పకళతో ఆలయాన్ని నిర్మిస్తున్నారు. మరో ఏడు నెలల్లో ప్రధాన ఆలయాన్ని పూర్తి చేయాలనే కృత నిశ్చయంతో అధికారులున్నారు. 

దక్షిణ భారతదేశంలోనే యాదగిరి గుట్టను సుందర ఆధ్యాత్మిక కేంద్రంగా తీర్చిదిద్దేదుకు తెలంగాణ ప్రభుత్వం సిద్ధమవుతోంది. ఈ మేరకు యాదగిరి గుట్ట దేవస్థానం అభివృద్ధి పనులపై ప్రత్యేక దృష్ఠి సారించింది. అందులో భాగంగానే 1975 జీవో 47 ప్రకారం యాదగిరిగుట్ట టెంపుల్‌ డెవలప్‌మెంట్‌ అథారిటీని ఏర్పాటు చేసి, చట్టపరమైన హోదా కల్పించింది. స్వయంగా ముఖ్యమంత్రే ఈ అథారిటీకి అధ్యక్షులుగా ఉన్నారు. ఆలయ అభివృద్ధి కోసం అథారిటీ 1800 కోట్లతో ప్రణాళిక రూపొందించింది. రాష్ట్ర ప్రభుత్వం ఇప్పటికే సుమారు 300 కోట్ల రూపాయలతో ప్రత్యేక ప్యాకేజీని ప్రకటించిది. ముఖ్యమంత్రి, చిన్నజీయర్‌ స్వామితో కలిసి ఆలయ నిర్మాణానికి మాస్టర్‌ ప్లాన్‌ రూపొందించారు. అగమశాస్త్రం ప్రకారం ఆలయ నిర్మాణం చేసేలా పేరొందిన శిల్పులను రప్పించి దేవాలయ అధునాతన డిజైన్‌ను తయారు చేశారు. చారిత్రక, ధార్మిక, సాంస్కృతిక ఔన్నత్యం కోసం రాష్ట్ర ప్రభుత్వం ప్రత్యేక ప్రణాళికలు సిద్ధం చేసింది. 

దేవాలయం ప్రాంతంలో అభివృద్ధి కోసం కొండపై ఉన్న సుమారు 14 ఎకరాల స్థలంలో ఆలయ విస్తరణ చేయనున్నారు. కొండపై రిటెయినింగ్‌ వాల్‌ ఇతర సివిల్‌ పనులు చేసేందుకు ఇప్పటికే మెన్సర్‌ సన్‌ షైన్‌ సంస్థతో అథారిటీ ఒప్పందం కుదుర్చుకుంది. దేవాలయం పునర్‌నిర్మాణంలో ఆగమ శాస్త్రం, వాస్తు శాస్త్రం, పంచరాత్రాగమ శాస్త్రాలతో గుడి డిజైన్లకు రూపకల్పన చేశారు. శిల్ప, కళా ఖండాల చట్టం విధివిధానాలకు అనుగుణంగా ప్రముఖ ఆర్ట్‌ డైరెక్టర్‌ మెన్సర్స్‌ ఈవెంట్‌ ప్రతినిధి అనంత సాయి ప్రత్యేక డిజైన్‌ను రూపొందించారు. రీడిజైనింగ్‌ పనులు ప్రారంభించిన తర్వాత స్వామి వారికి నిత్యం పూజలు నిర్వహించేందుకు బాల ఆలయాన్ని ఏర్పాటు చేశారు. 

ఆలయ నిర్మాణంలో గోపురాలకు సంబంధించి బృహత్‌ నిర్మాణ పనులు ఇప్పటికే పూర్తి కావచ్చాయి. గుంటూరు చరిజెపల్లి క్యారీకి చెందిన నల్ల రాయితీతో అల్వారీ మండప నిర్మాణం పనులు చేస్తున్నారు. మరో రెండు నెలల్లో మండపానికి సంబంధించిన కళా ఖండాల రూపకల్పన పూర్తికానుంది. దేవాలయ ప్రాంగణంలో 7 రాజగోపురాలు, ఆల్వార్‌ మండపంతో పాటు దేవాలయ ప్రాంగణంలో నరసింహుడి చరిత్ర తెలిపేలా ప్రధాన ఘట్టాలను ఏర్పాటు చేస్తున్నారు. ఇందుకోసం 500 మంది కళాకారులను నియమించారు. 8 నెలల కాలంలో 24 పిల్లర్ల నిర్మాణం చేపట్టారు. 

ప్రముఖ శిల్పి సుందర్ రాజన్‌ నేతృత్వంలో కళాకారులు...ఆల్వారీ మండపాల నిర్మాణం దాదాపుగా పూర్తి చేశారు. ఆరు నెలల్లో దేవాలయ ప్రధాన కళాఖండాల నిర్మాణం పూర్తికానుంది. భక్తులకు ఎలాంటి ఇబ్బందులు ఏర్పడకుండా ప్రత్యేక ఏర్పాట్లను చేస్తున్నారు. ఇందుకోసం 800 ఎకరాలను సేకరించారు. మొదటి దశలో భాగంగా 250 ఎకరాల్లో టెంపుల్‌ అథారిటీ కాటేజీల నిర్మాణం పూర్తి చేసింది. మరో 250 ఎకరాల్లో 200 విఐపీ కాటేజీలు నిర్మించబోతోంది. టెంపుల్‌ సిటీలో కాటేజీల నిర్మాణం కోసం దేవస్థానం డోనర్‌ పథకాన్ని ఆహ్వానించింది. కాటేజీ నిర్మాణంలో భాగస్వాములైన వారిని అథారిటీ నియమ నిబంధనల ప్రకారం కాటేజీ నిర్మాణ, నిర్వాహణా బాధ్యతలను అప్పగించనుంది. 

యాదాద్రిలో మొత్తం తొమ్మిది కొండలు ఉన్నాయి. ఇందులో 3 కొండలను పూర్తిగా దేవాలయం పునర్నిర్మాణం కోసం వినియోగిస్తున్నారు. గర్భగుడి ఉన్న కొండను ఏమాత్రం కదల్చకుండా మిగిలిన రెండు గుట్టలపై అభివృద్ధి పనులు నిర్వహిస్తున్నారు. కళ్యాణ మండపం, బస్టాండ్‌, కార్‌ పార్కింగ్‌, సెంట్రల్‌ రిజర్వేషన్‌ ఆఫీస్‌ ఫైర్‌ స్టేషన్‌, స్వామి వారి ఉద్యానవనం, అర్చక అగ్రహారం నిర్మాణాలను 250 ఎకరాల్లో ఏర్పాటు చేయనున్నారు. 

గిరి ప్రదక్షిణుడిగా పేరున్న లక్ష్మీ నరసింహా స్వామి వారి భక్తుల కోసం కొండ చుట్టూ 100 అడుగులతో సర్క్యులర్‌ రోడ్డును ఏర్పాటు చేయనున్నారు. టెంపుల్‌ సిటీలో నీటి ఎద్దడి లేకుండా మిషన్‌ భగీరథ పథకం కింద భారీ ప్రాజెక్టు నిర్మాణం చేస్తున్నారు. సుమారు 5 లక్షల లీటర్ల నీటి ఉత్పత్తికి ప్రాజెక్టును రూపకల్పన చేశారు. నూతన హంగులతో నిర్మిస్తున్న దేవాలయం పునర్‌ నిర్మాణం కావాలంటే మరో 500 కోట్ల బడ్జెట్‌ అవసరమంటున్నారు ఆలయ అధికారులు. వచ్చే ఏడాది యాదాద్రి బ్రహ్మోత్సవాలనాటికి ఆలయ పనులు పూర్తికావస్తాయని దేవాలయ అథారిటీ నిర్వాహకులు చెబుతున్నారు. 

09:43 - September 2, 2017

యాదాద్రి : యాదాద్రి అభివృద్ధి పనులు వేగంగా సాగుతున్నాయి.. దక్షిణ భారత దేశంలో ఎక్కడాలేనివిధంగా ఆళ్లవరం మండపం తయారవుతోంది.. ఇందులో అద్భుతమైన శిల్పాలను శిల్పులు చెక్కుతున్నారు.. మరిన్ని వివరాలకోసం ఈ వీడియోను క్లిక్ చేయండి...

21:39 - August 29, 2017

యాదాద్రి : భువనగిరిలోని ఏఆర్ గార్డెన్స్‌లో టీ.మాస్‌ ఫోరం ఆవిర్భావ సభ జరిగింది. ఈ కార్యక్రమానికి సీపీఎం రాష్ట్ర  కార్యదర్శి తమ్మినేని వీరభద్రం, ప్రజా గాయకుడు గద్దర్‌ ముఖ్య అతిథులుగా హాజరయ్యారు. ఏ లక్ష్యంతో తెలంగాణ ఏర్పడిందో ఆ లక్ష్యాన్ని పాలకులు మరిచిపోయారని నేతలన్నారు. ఈ కార్యక్రమానికి 72 సామాజిక, ప్రజా సంఘాల నేతలతో పాటు.. నాలుగు వేల మంది కార్యకర్తలు హాజరయ్యారు. 

 

Pages

Don't Miss

Subscribe to RSS - Yadadri