Yadadri

21:21 - October 21, 2017

హైదరాబాద్ : దేశ వ్యాప్తంగా పోలీసు అమరవీరుల సంస్మరణ దినోత్సవం ఘనంగా జరిగింది. పోలీసు అమరవీరులకు తెలుగు రాష్ట్రాల్లో ఘన నివాళులు అర్పించారు. పోలీసు ఉన్నతాధికారులు అమరులైన పోలీసు కుటుంబాలను పరామర్శించారు. అమరులైన పోలీసులకు నివాళులు అందించారు. పోలీసు అమరవీరుల సంస్మరణ దినోత్సవం తెలంగాణ రాష్ట్రంలో ఘనంగా నిర్వహించారు. హైదరాబాద్ గోషామహల్‌లో నిర్వహించిన పోలీసు సంస్మరణ వేడుకల్లో హోంమంత్రి నాయిని నర్సింహారెడ్డి, డీజీపీ అనురాగ్ శర్మ, కమిషనర్లతో పాటు పోలీసు ఉన్నతాధికారులు పాల్గొన్నారు.

హైదరాబాద్ గచ్చిబౌలి సైబరాబాద్ కమిషనరేట్ పరిధిలో పోలీసు అమరవీరులకు సైబరాబాద్ సీపీ సందీప్ శాండిల్య ఘన నివాళులు అర్పించారు. వ్యాస రచన పోటీల్లో ప్రతిభ కనబరిచిన విద్యార్ధులకు బహుమతులు అందించారు. సరూర్‌నగర్‌లో పోలీసు అమరవీరుల దినోత్సవం సందర్భంగా మెగా బ్లడ్ డొనేషన్ క్యాంప్ ఏర్పాటు చేశారు. ఈ కార్యక్రమంలో పోలీసులతో పాటు ప్రజలు స్వచ్ఛందంగా ముందుకు వచ్చి రక్తదానం చేశారు.

పోలీసు అమరుల త్యాగాలు వెలకట్టలేనివన్నారు మంత్రి జగదీష్‌రెడ్డి. నల్లగొండ పోలీస్ హెడ్ క్వార్టర్స్‌లో జరిగిన పోలీసు అమరవీరుల దినోత్సవంలో పాల్గొన్న మంత్రి పోలీసు అమరవీరులకు ఘన నివాళులు అర్పించారు. వికారాబాద్‌లో పోలీసు అమరవీరుల దినోత్సవం సందర్భంగా మంత్రి మహేందర్‌రెడ్డితో కలిసి పోలీసు ఉన్నతాధికారులు అమరవీరుల స్థూపం వద్ద నివాళులు అర్పించారు. జగిత్యాల జిల్లా కోరుట్ల పోలీస్ స్టేషన్‌లో అమరవీరుల దినోత్సవం సందర్భంగా పోలీసు అధికారులు విద్యార్ధినీ, విద్యార్ధులకు ఆయుధాలపై అవగాహన సదస్సు నిర్వహించారు. నిర్మల్ జిల్లా ఖానాపూర్ పోలీస్‌ స్టేషన్ సర్కిల్‌లో అమరవీరుల దినోత్సవంలో పలువురు పోలీసు అధికారులు పాల్గొన్నారు. నిజామాబాద్ పోలీస్ పరేడ్ గ్రౌండ్స్‌లో పోలీస్ అమరవీరుల స్థూపానికి పూలమాలలు వేసి నివాళులు అర్పించారు. పోలీసు అమరవీరుల దినోత్సవం సందర్భంగా సిద్దిపేట డిగ్రీ కాలేజ్ గ్రౌండ్స్‌లో సాయుధ బలగాలు ప్రత్యేక కవాతు నిర్వహించాయి. ఖమ్మం నగరంలోని పెవిలియన్ గ్రౌండ్‌ నుంచి పోలీస్ పరేడ్ గ్రౌండ్‌లోని అమరవీరుల స్థూపం వరకూ క్యాండిల్‌ ర్యాలీ నిర్వహించారు. భద్రాద్రి కొత్తగూడెం జిల్లా ఇల్లందు పోలీస్ స్టేషన్‌లో డీఎస్పీ ప్రకాష్‌రావ్ ఆధ్వర్యంలో పోలీసు అమరవీరులను స్మరించుకుంటూ మౌనం పాటించారు. పెద్దపల్లి జిల్లా గోదావరిఖనిలోని రామగుండం కమిషనరేట్ ఆధ్వర్యంలో రక్తదాన శిబిరం నిర్వహించారు.

ఏపీలో..
అటు ఆంధ్రప్రదేశ్‌లో పోలీసు అమరవీరుల సంస్మరణ దినోత్సవం ఘనంగా జరిగింది. విజయవాడ ఇందిరాగాంధీ మున్సిపల్ స్టేడియంలో జరిగిన పోలీసు అమరవీరుల సంస్మరణ దినోత్సవంలో డిప్యూటీ సీఎం చినరాజప్ప, డీజీపీ సాంబశివరావు పోలీసు అమర వీరులకు నివాళులు అర్పించారు. ఈ సందర్భంగా పోలీసుల సేవలను డిప్యూటీ సీఎం ప్రశంసించారు.

తూర్పుగోదావరి జిల్లా కాకినాడలో పోలీసుల కుటుంబాలకు బట్టల పంపిణీ చేశారు. విద్యార్ధులకు బహుమతులు అందజేసారు. అనంతపురం జిల్లా పుట్టపర్తి అర్బన్ పోలీస్‌ స్టేషన్‌లో విద్యార్ధులతో కలిసి పోలీసులు మానవహారం నిర్వహించారు. శ్రీకాకుళం జిల్లా పోలీస్ కార్యాలయంలో మంత్రి అచ్చెన్నాయుడు స్ధానిక ఎమ్మెల్యేలు, ప్రజా ప్రతినిధులు పాల్గొన్నారు. కడప జిల్లా పోలీస్ కార్యాలయంలోని పరేడ్ గ్రౌండ్స్‌లో పోలీసు అమరవీరుల సంస్మరణ దినోత్సవం ఘనంగా జరిగింది. వారంరోజులుగా నిర్వహించిన పలు పోటీల్లో విజేతలైన విద్యార్ధులకు బహుమతులు అందజేశారు. విశాఖ సాగరతీరంలో పోలీసు సంస్మరణ దినోత్సవం జరిగింది. జిల్లా కలెక్టర్ ప్రవీణ్‌కుమార్‌, పోలీస్ కమిషనర్ యోగానంద్‌తో పాటు విశాఖ ఎంపీ హరిబాబు ఈ కార్యక్రమానికి హాజరయ్యారు. ప్రకాశం జిల్లా పోలీసు అమరవీరుల దినోత్సవ వేడుకల్లో మంత్రి శిద్దా రాఘవరావు, జిల్లా కలెక్టర్ వినయ్ చంద్‌లతో పాటు పోలీసు ఉన్నతాధికారులు పాల్గొన్నారు. నెల్లూరు జిల్లాలో పోలీస్ పరేడ్ గ్రౌండ్‌ నుండి గాంధీ బొమ్మ సెంటర్ వరకూ పోలీసులు ర్యాలీ నిర్వహించారు. కర్నూలులో వారంరోజులుగా పోలీసు అమరవీరుల సంస్మరణ వారోత్సవాలు నిర్వహించారు. అమరవీరుల కుటుంబసభ్యులను కలిసి వారి సమస్యలు అడిగి తెలుసుకున్నారు.

16:18 - October 17, 2017
13:55 - October 16, 2017

యాదాద్రి : ఇది యాదాద్రి జిల్లా చొల్లేరు గ్రామంలోని తోళ్ల పరిశ్రమ. యాదాద్రి దేవస్థానానికి 5 కిలోమీటర్ల దూరంలోనే ఇది ఉంది. ఈ తోళ్ల శుద్ధి కర్మాగారంతో ఇక్కడి ప్రజలు తీవ్ర అవస్థలు పడుతున్నారు. పరిశ్రమను మూసివేయాలని అధికారులకు ఎన్ని సార్లు విజ్ఞప్తి చేసినా పట్టించుకోవడంలేదని వారు ఆవేదన చెందుతున్నారు. పరిశ్రమ నుండి వచ్చే దుర్వాసనతో చుట్టూ ఉన్న 5 గ్రామాలలో అనారోగ్య సమస్యలు తలెత్తుతున్నాయని వారు వాపోతున్నారు. వ్యర్థ రసాయనాలు చెరువులలో, వాగులలో కలవడం వల్ల ఆ నీటిని తాగిన పశువులు గర్భం కోల్పోతున్నాయని, పంటపొలాలు కూడా నాశనమవుతున్నాయని గ్రామస్తులు ఆవేదన వ్యక్తం చేస్తున్నారు.

తోళ్ల పరిశ్రమ వ్యతిరేక పోరాట కమిటీ ఏర్పాటు
అయితే తమ సమస్యను తీర్చాలని ఎన్ని ఉద్యమాలు చేసినా అధికారులు స్పందించలేదు. దీంతో గ్రామస్తులంతా కలిసి సమష్టిపోరాటానికి సిద్ధమయ్యారు. గ్రామసభను ఏర్పాటు చేసుకొని 21 మందితో కలిసి తోళ్ల పరిశ్రమ వ్యతిరేక పోరాట కమిటీని ఏర్పాటు చేసుకున్నారు. ఈ పరిశ్రమ వల్ల ఎదురయ్యే సమస్యల పట్ల ప్రజలను చైతన్యం చేస్తూ ఈ పరిశ్రమను మూసేంతవరకు పోరాటం చేస్తామన్నారు. ఇప్పటికైనా అధికారులు పట్టించుకుని తోళ్ల పరిశ్రమను తొలగించాలని లేదంటే ఉద్యమాన్ని ఉధృతం చేస్తామని గ్రామస్తులు హెచ్చరిస్తున్నారు. 

19:08 - October 6, 2017

యాదాద్రికి అతి సమీపంలోని బచ్చన్నపేట మండలం అలింపుర గ్రామంలో 200 ఎకరాల వెంచర్‌లో..26 మలబార్‌, 12 ఎర్రచందనం, 12 శ్రీగంధం చెట్లతో..18 సంవత్సరాల మెయింటెన్స్‌తో గజం కేవలం 500/- లకే అందిస్తున్నారు.ఈ వెంచర్‌ గురించి పూర్తి వివరాలను శ్రీవెన్‌ ఫామ్‌ల్యాండ్స్‌ డైరెక్టర్‌..జైపాల్‌రెడ్డి టెన్ టివికి తెలియచేశారు. వివరాలకు వీడియో క్లిక్ చేయండి. 

16:04 - October 4, 2017
11:44 - October 4, 2017

భువనగిరి యాదాద్రి : క్యుములో నింబస్ మేఘాల ప్రభావంతో తెలంగాణలో భారీవర్షాలు కురుస్తున్నాయి. నల్గొండ, యాదాద్రి, సూర్యాపేట జిల్లాల్లో భారీవర్షాలు కురుస్తున్నాయి. యాదాద్రి జిల్లా వలిగొండ మండలం వెలువర్తిలో నిన్నటి నుంచి కురుస్తున్న వర్షాలకు చెరువు నిండి అలుగుపోస్తోంది. దీంతో రైతులు సంతోషం వ్యక్తం చేస్తున్నారు. 

17:45 - October 3, 2017

యాదాద్రి భువనగిరి : లిగొండ మండలంలో రెండురోజులుగా భారీవర్షాలు కురుస్తున్నాయి. దీంతో మండలంలోని వెలువర్తి చెరువు నిండిపోయి అలుగుపోస్తోంది. దీంతో రైతులు సంతోషం వ్యక్తం చేస్తున్నారు. 

11:04 - October 3, 2017

నల్గొండ : యాదాద్రి జిల్లాలో మూసీ నదికి వరద నీరు పోటెత్తుతోంది. హైదరాబాద్ నుండి పెద్ద ఎత్తున్న వస్తున్న వరదనీటితో పలు కాలనీలు నీట మునిగిపోయాయి. వరదనీరు భారీగా రావడంతో మూసీలో నీటి మట్టం 644.8 అడుగులకు చేరుకుంది. పూర్తిస్థాయి నీటి మట్టం 645గా అడుగులుగా ఉంది. గరిష్టస్థాయికి నీరు చేరడంతో మూడు ఫీట్ల మేర ఐదు గేట్లను ఎత్తివేశారు. దీనితో పోచంపల్లి, భీమనపల్లి తదితర గ్రామాల్లో రాకపోకలు స్తంభించాయి.

 

13:25 - September 26, 2017

యాదాద్రి : జిల్లా యాదగిరి గుట్టలో విషాదం జరిగింది. వెంకటేష్, మహేశ్వరి అనే దంపతులు ఆత్మహత్య చేసుకున్నారు. మూడు రోజుల క్రితమే చనిపోయినట్టు పోలీసులు అనుమానం వ్యక్తం చేస్తున్నారు. కుటుంబ కలహాలే ఆత్మహత్య కారణమని అనుమానిస్తున్నారు. వెంకటేష్ ఉరి వేసుకొని ఆత్మహత్య చేసుకోగా మహేశ్వరి పురుగుల మందు తాగి ఆత్మహత్య చేసుకుంది. వీరి ఇద్దరు పిల్లలున్నారు. వీరి మరణంతో పిల్లలు ఆనాథలుగా మారారు. పూర్తి వివరాలకు వీడియో చూడండి.

21:33 - September 25, 2017

యాదాద్రి :జిల్లా భువనగిరిలోని గ్యాంగ్‌స్టర్‌ నయిం ఇంటికి IT అధికారులు నోటీసులు అంటించారు. బినామీ ఆస్తుల లావాదేవీలపై ఐదుగురు కుటుంబ సభ్యుల పేర్లతో నోటీసులు ఇచ్చారు. అక్టోబర్‌ 3లోగా సమధానం ఇవ్వాలని ఆదేశించారు.. తల్లి తహెర బేగం, సోదరి సలీమా బేగం, హుస్సేన బేగం.. సహైలబేగం... హీనాకౌసర్‌ పేర్లతో నోటీసులు పంపారు.

Pages

Don't Miss

Subscribe to RSS - Yadadri