ఎండలు..ముఖం నల్లబడితే....

12:45 - March 7, 2018

ఎండలు అప్పుడే మండిపోతున్నాయి. దీనితో ఆరోగ్యం పట్ల శ్రద్ధ తీసుకోవాల్సినవసరం ఏర్పడుతుంది. ప్రధానంగా చర్మం పట్ల జాగ్రత్తగా ఉండాలని నిపుణులు సూచిస్తున్నారు. ఎండలో తిరగడం వల్ల చర్మం కమిలిపోవడం..డీ హైడ్రైట్ అవడం జరుగుతుంటాయి. ముఖం నల్లగా మారిపోతుండడంతో పలువురు ఎన్నో క్రీములు..ఇతర సౌందర్య సాధనాలను వాడుతుంటారు. కానీ ముఖాని కోమలంగా తయారు చేసుకోవాలంటే..కాంతివంతంగా ఉండాలంటే కొన్ని చిట్కాలు..

  • ఒక చెంచా టమాట గుజ్జు తీసుకోవాలి. అందులో ఒక చెంచా నిమ్మరసం కలుపుకోవాలి. ఈ మిశ్రమాన్ని ముఖానికి పట్టించాలి. ఒక 20 నిమిషాల అనంతరం చల్లటి నీటితో కడుక్కోవాలి.
  • కలబంద గుజ్జును రాత్రి పడుకొనే ముందు పెట్టుకోవాలి. పెట్టుకోకముందే అందులో గులాబీ నీళ్లను కొద్దిగా కలుపుకోవాలి. ఈ మిశ్రమాన్ని ముఖానికి రాసుకుని పడుకోవాలి. ఉదయం లేచిన తరువాత చల్లటి నీటితో కడుక్కోవాలి.
  • పచ్చిపాలల్లో కొద్దిగా తేనె, నిమ్మరసం కలిపి ముఖానికి పట్టించాలి. పది నిమిషాల అనంతరం శుభ్రమైన చేతులతో కొద్దిసేపు రుద్ది ఆ తరువాత చల్లటి నీటితో కడుక్కోవాలి.
  • ఇలా చేయడం వల్ల ముఖంపై ఉన్న మురికి తొలగిపోతుంది. దాంతో పాటు చర్మం మృదువుగా, కాంతివంతంగా తయారవుతుంది.

Don't Miss