అందం

11:41 - May 18, 2018

కూరగాయాల్లో రాజా వంకాయ. పండ్లల్లో రాజా మామిడిపండు. మరి పువ్వుల్లో రాజా(ణీ) ఎవరు అంటే ఠక్కున గుర్తుకు వచ్చేది ఆ పువ్వే. ఎన్నో రకాల రంగులు. ఆ పువ్వును చూడగానే మనసు పవరశిస్తుంది. ప్రేమికులకు ఆరాధ్యం ఆ పువ్వే. తమ ప్రేమను తెలపాలన్నా..తన స్నేహానికి గుర్తుగా ఇవ్వాలన్నా..పరిచయాలకు..ఆహ్వానాలకు ప్రధమస్థానంలో వుండేది ఆ పువ్వే..ఆదేనండీ రోజా పువ్వు. పువ్వుల్లో రోజా సొగసుకు, రాజసానికి, నిండుతనానికి,తాజాదనానికి మారుపేరుగా కనిపించే రోజా కేవలం అందంలోనే కాదు ఔషధగుణాల్లో కూడా రాజా అని నిపుణులు చెబుతున్నారు. అందంలోనే కాదు ఆరోగ్యానికి కూడా రోజా రాజాలాంటిదంటున్నారు వైద్యులు..సాధారణంగా చాలామంది రోజా పువ్వు రేకులను తింటుంటారు. అదేమంటే మంచిద! అంటుంటారు. ఇంకా శరీరం మంచిరంగు కూడా వస్తుందట! అంటుంటారు. మరి ఆ మంచి ఏమిటో..ఆ ఆరోగ్య ప్రయోజనాలేమిటో చూద్దాం...

టీజేజర్లకు రోజా..
టీనేజ్ లో కలిగే హార్మోన్ల ప్రభావంతో యువతకు మొహంపై మొటిమలు, తద్వారా ఏర్పడే నల్లమచ్చలను పోగొట్టడంలో రోజా రేకులు సమర్థవంతంగా పనిచేసాటయట.అదెలాగో చూద్దాం..రేకులను వేడినీటిలో బాగా మరిగించి..రేకులను బైటకు తీసి ముద్దగా నూరి..దానికి ముల్తానీ మట్టి కలిపి మిశ్రమంగా చేసుకుని వారంలో ఒక్కసారి మొహంపై రాసుకుంటే ముఖం నిగారింపుగా మారుతుంది. మెటిమల వల్ల ఏర్పడే నల్లమచ్చలు క్రమేపీ తగ్గిపోతాయి. రోజా రేకులతో తయారు చేసే కషాయం ఆరోగ్యానికి చాలా మంచి చేస్తుంది. మార్కెట్లలో లభించే ఔషధాల కంటే కూడా ఇది మేలు కలిగిస్తుంది. చర్మానికి మెరుపునివ్వటమే మంచి నిగారింపును కూడా ఇస్తుంది.

మనసిక ప్రశాంతతకు రోజా..
శాస్త్రీయ పరిశోధనల రీత్యా చూస్తే రోజూ రోజా రేకులను గుప్పెడు తింటే శరీరంలోని దోషాలను పోగొట్టి తద్వారా రక్తశుద్ధి జరుగుతుందని తెలుస్తోంది. రోజా పూల నుండి వచ్చే సువాసనను ఆస్వాదిస్తే..శారీరకంగానే కాదు మనసుకు కూడా ప్రశాంతత చేకూరుతుంది. ఒత్తిడి నుండి ఉపశమనం కలిగిస్తుంది. వేడి నీటిలో రోజా రేకులతో పాటు కొంత బాత్ సాల్ట్‌ని కలిపి పీల్చితే ఒత్తిడి నుండి రిలీఫ్ కలగటమేకాక మనస్సు, శరీరం చురుగ్గా తయారవుతుంది.

నాజూకు రోజా..శరీరానికి తాజా..
రోజా రేకుల్లో ఉండే పదార్థాలు శరీరానికి నాజూకుతనం ఇవ్వటంతో పాటు ఉత్సాహాన్ని కూడా కలిగిస్తాయి. రోజా రేకులతో కాచిన కషాయాన్ని తాగితే రోజా రేకులు జీవక్రియను మెరుగుపరచటంతో..శరీరంలో పేరుకున్న కొవ్వు కరిగి బరువు తగ్గుతారని నిపుణులు తెలుపుతున్నారు. కాబట్టి మీరు రోజా పువ్వును కేవలం తలలోకి..అలంకణలోకే కాక ఆరోగ్యానికి కూడా ఉపయోగించి అందంతోపాటు ఆరోగ్యం కూడా పెంపొందించుకునే సదుపాయాన్ని ప్రకృతి మనకు రోజా పువ్వులను ఇచ్చింది. మరి ప్రకృతి కల్పించి ఈ అవకాశాన్ని అందరం ఉపయోగించుకుని అందంతోపాటు ఆరోగ్యాన్ని, ఉల్లాసాన్ని,ఉత్సాహాన్ని పెంపొందించుకుని ఒత్తిడిని దూరం చేసుకుని మానసిక, శారరక ఆనందాన్ని పొందాలని ఆశిద్దాం..


 

13:02 - March 9, 2018
  • పకోడీ..సమోసాలు రుచికరంగా...కరకరలాడుతూ రావాలంటే...కొద్దిగా పాలు పోసి పిండి కలుపుకుని..ఆ తరువాత చిటికెడు ఉప్పు వేసి నూనెలో వేయించుకురని చూడండి.
  • వేపుడు కూరలు చేసుకుంటున్నారా ? అయితే రుచికరంగా ఉండడం లేదా ? మీ సమస్య ఇదే అయితే వేపు కూర దించే ముందు కొద్దిగా శనగపిండి చల్లి చూడండి.
  • పాలు మరిగే సమయంలో విరగకుండా ఉండాలంటే కొద్దిగా తేనే..లేదా సోడా వేయవచ్చు.
  • బియ్యం పురుగులు పట్టకుండా ఉండాలంటే అందులో కరివేపాకు ఆకులు బియ్యంలో వేస్తే సరిపోతుంది.
  • కూరలు రుచిగా ఉండాలంటే దించే ముందు కొత్తిమీర తురుము, ధనియాల పొడి చల్లి దించితే కూర రుచిగా ఉంటుంది.
  • కూరగాయ ముక్కల్లో క్రిములు..దుమ్ము ఉంటుంటాయి. కూరగాయ ముక్కలు కడిగే సమయంలో నీళ్లలో పసుపు వేసి కడిగి చూడండి.
  • నెయ్యి త్వరగా పేరుకుపోకుండా ఉండాలంటే మీగడ కట్టేటప్పుడు కొద్దిగా నీళ్లు చల్లాలి.
08:30 - March 9, 2018
13:00 - March 7, 2018

జీన్స్...యువతకు ఫ్యాషన్. మగవారే కాకుండా యువతులు కూడా జీన్స్ వేసుకోవడానికి ఆసక్తి కనబరుస్తుంటారు. ఎంతో సౌకర్యంగా ఉంటుందని భావిస్తూ జీన్స్ వేసుకుంటుంటారు. కానీ ఇంట్లో వారికి జీన్స్ ఉతకాలంటే పెద్ద గగనం అని అనుకుంటుంటారు. కొన్ని జీన్స్ ఉతకగానే కలర్స్ పోవడం..షేడ్ అయిపోవడం అవుతుంటాయి. కొన్ని చిట్కాలు పాటిస్తే జీన్స్ పాడు కాకుండా ఉంటాయి.

  • జీన్స్ ఉతికే సమయంలో కొంతమంది బ్రష్ చేస్తుంటారు. ఇలా చేయడం వల్ల జీన్స్ తొందరగా చినిగిపోయే అవకాశం ఉంది. బ్రష్ తో గట్టిగా రుద్దకోవడం మేలు.
  • ముందుగా జీన్స్ ను డిటర్జెంట్ లో పది నిమిషాల పాటు నానబెట్టాలి. అనంతరం రెండు లేదా మూడు సార్లు జాడించాలి. దీనివల్ల ప్యాంట్ కు ఉన్న నురగ పోతుంది.
  • డిటర్జెంట్ పౌడర్ మంచి నాణ్యతతో కూడినది..ఘాటు తక్కువగా తేలికగా ఉండే పౌడర్ ను ఉపయోగించాల్సి ఉంటుంది.
  • ఇక జీన్స్ ఉతకగానే దానికి కండీషనర్ వాడితే చక్కటి ప్రయోజనం ఉంటుంది. క్లాత్ మెత్తగా ఉండడమే కాకుండా రంగు పోకుండా ఉండే అవకాశం ఉంది.
  • ఒక వేళ తెలుపు రంగు జీన్స్ ఉంటే వెనిగర్, అమెనియా, బేకింగ్ సోడాలు వాటర్ లో కలపాలి. ఈ నీటిలో జీన్స్ ప్యాంట్ ను 15 నిమిషాల సేపు నానబెట్టాలి. అనంతరం సబ్బుతో రుద్దాలి. ప్యాంట్‌ ను చేతులతో ఉతకడం మంచిది.
  • జీన్స్ ను ఐరన్‌ చేసుకోవడం మంచిది. ఇలా చేయడం వల్ల క్లాత్‌ మీద ఉండే బ్యాక్టీరియా పోతుంది.
  • ఇక జీన్స్ ఉతికిన అనంతరం పిండకుడా అలాగే ఆరవేయాలి. 
12:45 - March 7, 2018

ఎండలు అప్పుడే మండిపోతున్నాయి. దీనితో ఆరోగ్యం పట్ల శ్రద్ధ తీసుకోవాల్సినవసరం ఏర్పడుతుంది. ప్రధానంగా చర్మం పట్ల జాగ్రత్తగా ఉండాలని నిపుణులు సూచిస్తున్నారు. ఎండలో తిరగడం వల్ల చర్మం కమిలిపోవడం..డీ హైడ్రైట్ అవడం జరుగుతుంటాయి. ముఖం నల్లగా మారిపోతుండడంతో పలువురు ఎన్నో క్రీములు..ఇతర సౌందర్య సాధనాలను వాడుతుంటారు. కానీ ముఖాని కోమలంగా తయారు చేసుకోవాలంటే..కాంతివంతంగా ఉండాలంటే కొన్ని చిట్కాలు..

  • ఒక చెంచా టమాట గుజ్జు తీసుకోవాలి. అందులో ఒక చెంచా నిమ్మరసం కలుపుకోవాలి. ఈ మిశ్రమాన్ని ముఖానికి పట్టించాలి. ఒక 20 నిమిషాల అనంతరం చల్లటి నీటితో కడుక్కోవాలి.
  • కలబంద గుజ్జును రాత్రి పడుకొనే ముందు పెట్టుకోవాలి. పెట్టుకోకముందే అందులో గులాబీ నీళ్లను కొద్దిగా కలుపుకోవాలి. ఈ మిశ్రమాన్ని ముఖానికి రాసుకుని పడుకోవాలి. ఉదయం లేచిన తరువాత చల్లటి నీటితో కడుక్కోవాలి.
  • పచ్చిపాలల్లో కొద్దిగా తేనె, నిమ్మరసం కలిపి ముఖానికి పట్టించాలి. పది నిమిషాల అనంతరం శుభ్రమైన చేతులతో కొద్దిసేపు రుద్ది ఆ తరువాత చల్లటి నీటితో కడుక్కోవాలి.
  • ఇలా చేయడం వల్ల ముఖంపై ఉన్న మురికి తొలగిపోతుంది. దాంతో పాటు చర్మం మృదువుగా, కాంతివంతంగా తయారవుతుంది.
15:58 - February 7, 2018
13:13 - November 9, 2017

ఉల్లి..తల్లి చేయని మేలు ఉల్లి చేస్తుందని పెద్దలు అంటుంటారు. ఈ ఉల్లిని కూరగాయాల్లోకి వాడుతుంటారు. వీటిని ఆహారంలో తీసుకోవడం వల్ల ఆరోగ్యానికి మేలు జరుగుతుంది. శరీరంలో మంచి కొవ్వు నిల్వ ఉండడం..నిద్రలేమి సమస్య దూరం కావడం..తదితర లాభాలున్నాయి. ఇక ఉల్లి ఆరోగ్యానికే కాకుండా చర్మ సౌందర్యాన్ని కూడా ఉపయోగించుకోవచ్చు.

మొటిమల సమస్యలున్న వారు ఆలివ్ ఆయిల్..ఉల్లి రసాన్ని సమపాళ్లలో తీసుకుని ముఖానికి పట్టించాలి. ఇలా చేయడం వల్ల మచ్చలు త్వరగా పోయే అవకాశం ఉంది. ఉల్లిపాయను సన్నగా తరిగి పెరుగులో రోజు ఉదయం వేళ్లలో తీసుకుంటే కిడ్నీలో ఉన్న రాళ్లు కరిగిపోతాయి. ఉల్లిపాయ రసాన్ని తేనేలో కలుపుకుని తీసుకుంటే వీర్యకణాల సంఖ్య పెరుగుతుంది. ఉల్లి రసం మాడుకు పట్టించడం వల్ల చుండ్రు సమస్య తీరే అవకాశం ఉంది. మాడుకు రక్త ప్రసరణ పెరుగుతుంది. ఫలితంగా జుట్టు పెరగడానికి దోహదం చేస్తుంది. 

12:18 - October 11, 2017

మహిళలు అవాంఛిత రోమాలతో బాధ పడుతుంటారు. ఈ సమస్య నుండి బయటపడటానికి చాలా డబ్బును కూడా ఖర్చు చేస్తుంటారు. కానీ కొన్ని చిట్కాలతో అవాంఛిత రోమాల నుండి బయటపడవచ్చని పలువురు సూచిస్తున్నారు. తిరిగి పెరుగుతున్న జుట్టు నుండి సహజ రెమెడీలున్నాయి. బొప్పాయి..శనగపిండి..పసుపు మూడు పదార్థాలను కలుపుకోవాలి. అవాంఛిత రోమాలున్న చోట రాసి స్నానం చేయాలి. అలోవెరా..శనగపిండి కూడా సహాయ పడుతుంది. ఎందుకంటే వీటిని వాడడం వల్ల చర్మం ఆరోగ్యంగా ఉంచడంతో పాటు చర్మం మెరుపు దనం వచ్చే అకాశం ఉంది. పచ్చి బొప్పాయిలో ఒక శక్తివంతమైన ఎంజైమ్ ఉంది. నిరంతరం ఉపయోగించడం వల్ల అవాంఛిత రోమాలను అరికట్టవచ్చు. ట్రై చేసి చూడండి. 

10:57 - October 11, 2017

చిత్ర సీమలోకి వచ్చిన వారు హీరో..హీరోయిన్లుగా చలామణి కావాలని చాలా మంది అనుకుంటుంటారు. కానీ వారికి వయస్సు మీద పడడంతో ఆఫర్స్ వెనక్కి పోతుంటాయి. దీనితో వయస్సు కనబడనీయకుండా పలు జాగ్రత్తలు తీసుకుంటుంటారు. ముఖ్యంగా హీరోయిన్లు అతి జాగ్రత్త వహిస్తుంటారు. అందులో భాగంగా ఎక్సర్ సైజులు, డైట్స్ ఇతరత్రా పాటిస్తుంటారు. యువ హీరోయిన్లకు ధీటుగా వీరు పోటీనిస్తుంటారు. అందులో 'త్రిష' ఒకరు.

త్రిష...అలనాటి అగ్ర హీరోలతో పాటు యంగ్ హీరోలతో నటించారు. థర్టీ ప్లస్ దాటినా యువ హీరోయిన్లకు పోటీనిస్తోంది. స్లిమ్ గా ఉండేందుకు చాలా శ్రమిస్తోందంట. స్లిమ్ గా..గ్లామర్ గా కనిపిస్తేనే అవకాశాలు వస్తాయని భావించి నిత్యం కష్టపడుతోందంట. ఒక్క జిమ్‌తోనే సరిపెట్టకుండా డాన్స్, ఎరోబిక్స్, స్టెప్‌ ఎరోబిక్స్, ఫుడ్‌బాల్‌ ఎరోబిక్స్ వంటివి చేస్తూ స్లిమ్ గా ఉండేందుకు ప్రయత్నిస్తోంది.

తాజాగా ఓ ఫొటోను 'త్రిష' తన ట్విట్టర్‌ ఖాతాలో పోస్టు చేసింది. తాను ఏరోబిక్స్ చేయడం వల్ల ఆరోగ్యంతో పాటు అందంగా కనిపిస్తున్నారంటూ పోస్టు చేసింది. మరి ఈ లుక్ తో ఎలాంటి ఛాన్స్ లు దక్కించుకుంటుందో వేచి చూడాలి. 

12:21 - September 21, 2017

చాలా మంది ముఖం మీద కనపరిచే శ్రద్ధ మెడమీద చూపించరు. మెడ నల్లగా ఉన్నా, ఆపరిశుభ్రంగా ఉన్నా పట్టించుకోరు. ముఖం అందంగా ఉంటే చాలు అని అనుకుంటారు. మెడ శుభ్రం విషయంలో నిర్లక్ష్యంగా ఉండడంతో సమస్య తీవ్రతరమౌతుంది. దీనితో ఇతర మందులు..బ్యూటీషియన్స్ ను సంప్రదిస్తుంటారు. కొన్ని చిట్కాలు పాటిస్తే చాలు..

మెడ మడతలలో మురికి చేరి ఉంటుంది కదా. ఈ మురికి వదిలించుకోవడానికి చాలా సార్లు సబ్బు పెడుతుంటారు. కొద్దిగా పెరుగు తీసుకుని అందులో బియ్యం పిండి వేసి ఆ మిశ్రమాన్ని మెడకు అప్లై చేయండి. అనంతరం గోరు వెచ్చని నీటితో కడుక్కోవాలి.

బేకింగ్ సోడాను నీటిలో మిక్స్ చేసి, ఈ పేస్ట్ ను మీ మెడ మీద అప్లై చేయాలి. 10 నిముషాల తర్వాత దీన్ని శుభ్రం చేసుకోవాలి. రోజ్ వాటర్ తో మెడను శుభ్రం చేసుకుంటే మెడ సౌందర్యం అద్భుతంగా మెరుగుపడుతుంది.

మెడ మీద నలుపును నివారించుకోవడం కోసం నిమ్మరసానికి కొద్దిగా పంచదార మిక్స్ చేసి,దీన్ని మెడచుట్టు అప్లై చేసి 15నిముషాల తర్వాత స్ర్కబ్ చేసి చల్లటి నీటితో శుభ్రం చేసుకోవాలి.

Pages

Don't Miss

Subscribe to RSS - అందం