అంబేద్కర్

11:17 - July 21, 2018

ఢిల్లీ : ఏపీకి ప్రత్యేక హోదా కల్పించాలంటూ మళ్లీ ఆందోళనలు ప్రారంభమయ్యాయి. పార్లమెంట్ లో అవిశ్వాస తీర్మానం వీగిన సంగతి తెలిసిందే. ప్రత్యేక హోదా కల్పించాలని..కేంద్ర, ఏపీ రాష్ట్ర ప్రభుత్వాల వైఖరిని నిరసిస్తూ సీపీఐ, కాంగ్రెస్, ప్రత్యేక హోదా సాధన సమితి నేతలు నిరసన వ్యక్తం చేస్తున్నారు. శనివారం ఢిల్లీలోని ఏపీ భవన్ లోని అంబేద్కర్ విగ్రహం ఎదుట బైఠాయించారు. ఏపీ పీసీసీ చీఫ్ రఘువీరా, సీపీఐ రాష్ట్ర కార్యదర్శి రామకృష్ణ ప్రత్యేక హోదా సాధన సమితి నేతలు, కార్యకర్తలు నిరసన తెలియచేస్తున్నారు.

ఈ సందర్భంగా ఏపీ సీపీఐ కార్యదర్శి రామకృష్ణ టెన్ టివి ముచ్చటించింది. గత నాలుగేళ్లుగా మోడీ వ్యవహారం ఉందని..ఈసారి మరింత బరి తెగించారని విమర్శించారు. ఎన్నికల సమయంలో వాగ్ధానాలు ఇచ్చారని..తిరుపతిలో ప్రత్యేక హోదా..విభజన హామీలను ప్రస్తావించారని గుర్తు చేశారు. కానీ నిధుల కేటాయింపు..విభజన హామీలు..ప్రత్యేక హోదా విషయంలో విఫలమయ్యారని తెలతిపారు. ఐదు సార్లు బంద్..ఎన్నో ఆందోళనలు..నిరసనలు తెలియచేయడం జరిగిందని, కానీ అవిశ్వాస తీర్మానంలో కొన్నింటినైనా అమలు చేస్తారని ప్రజలు ఆశించారని తెలిపారు. ఏపీపై కేంద్రానికి వ్యతిరేకత ఉందని, దీనిని ప్రజల్లో ఎండగడుతామన్నారు. ప్రభుత్వం యొక్క వైఫల్యాలు..హామీలపై పార్లమెంట్ లో చర్చ జరిగిందని..కానీ కేంద్రం సానుకూలంగా స్పందించలేదన్నారు. నిరంకుశంగా...తాము చేయ్యం..ఏం చేస్తారో చేసుకోవాలని పేర్కొంటున్నారని..ఇది మోడీకి తగదన్నారు. మంగళవారం నాడు బంద్ కు మద్దతు తెలియచేయాలని వైసీపీ కోరడం జరిగిందని, వామపక్ష నేతలు..జనసేన పార్టీలతో సంప్రదించిన అనంతరం తాము స్పందిస్తామన్నారు. 

09:41 - June 22, 2018
13:30 - June 10, 2018

యాదాద్రి భువనగిరి : రాజ్యాంగ నిర్మాత, భారతరత్న డాక్టర్‌ బీఆర్‌ అంబేద్కర్‌కు అవమానం జరిగింది. యాదాద్రి భువనగిరి జిల్లాలో అంబేద్కర్‌ విగ్రహానికి నల్లరంగు టీషర్ట్‌ను చుట్టారు. దీంతో దళిత, గిరిజన ప్రజాసంఘాలు ఘటనాస్థలంలో ఆందోళనకు దిగారు. సీసీ ఫుటేజీ ద్వారా నిందితులను గుర్తించి.. అరెస్ట్‌ చేయాలని డిమాండ్‌ చేశారు. 12 గంటల్లో నిందితులను అరెస్ట్‌ చేస్తామని ఏసీపీ హామీ ఇవ్వడంతో ప్రజా సంఘాల నేతలు ఆందోళన విరమించారు.

12:30 - June 10, 2018

 

విశాఖపట్టణం : జస్టిస్ అనే పదం అంబేద్కర్ వాడారని, ఇందుకు మూడు న్యాయాలు కావాలని చెప్పారని బిఎల్ ఎఫ్ తెలంగాణ రాష్ట్ర కన్వీనర్ తమ్మినేని వీరభద్రం తెలిపారు. ఆదివాసీ బహుజనుల ఐక్యత, భిన్న ధృక్పథాలపై సమావేశం జరిగింది. సఫాయి కర్మచారి ఆందోళన జాతీయ కన్వీనర్ బెజవాడ విల్సన్ హాజరయ్యారు. ఈ సమావేశంలో పాల్గొన్న తమ్మినేని మాట్లాడుతూ...రిజర్వేషన్లు కొన్ని హక్కులకు మాత్రమే పరిమితమయ్యాయని తెలిపారు. ఆర్థిక న్యాయం, సామాజిక న్యాయం, రాజకీయ న్యాయం కావాలని అంబేద్కర్ చెప్పడం జరిగిందన్నారు. కానీ ఇవన్నీ ఏం జరుగలేదన్నారు. రాజకీయ స్వాతంత్రం ఓటు హక్కు ద్వారా వచ్చిందని, ఓటు విలువలో మాత్రం సమానమని..ఆస్తి విలువలో తేడా ఉంటుందని అంబేద్కర్ పేర్కొన్నారని తెలిపారుర. సామాజిక హోదాలో ఆ తేడా ఉందని..ఆర్థిక అంతస్తులో తేడా ఉంటుందని...సామాజిక, ఆర్థిక న్యాయాన్ని సాధించుకోలేకపోతే రాజకీయ హక్కు కూడా పోతుందని అంబేద్కర్ హెచ్చరించారని గుర్తు చేశారు. 

21:47 - May 11, 2018

తూర్పుగోదావరి : జిల్లా ఐ.పొలవరం మండలంలో ఉద్రిక్త పరిస్థతి ఏర్పడింది. కేశనకుర్రు గ్రామంలో గతనెల 18న జరిగిన అంబేద్కర్‌ విగ్రహ ధ్వంసం ఘటన చిలికి చిలికి గాలివానగా మారింది. కొత్త విగ్రహాన్ని.. విగ్రహం ధ్వంసం అయిన ప్రాంతంలో కాకుండా మరో ప్రాంతంలో ఏర్పాటు చేయడాన్ని వ్యతిరేకిస్తూ.. స్థానిక దళిత సంఘాలు ఛలో కేశనకుర్రుకు పిలుపునిచ్చాయి. గ్రామంలో భారీగా పోలీసులను మోహరించినప్పటికి, దళితులంతా ఒక్కసారిగా ఘటనాస్థలికి చేరుకోవడంతో.. పోలీసులు అడ్డుకునేందుకు ప్రయత్నించగా పోలీసులకు, దళితులకు మధ్య వాగ్వాదం జరిగింది. పోలీసులు దళిత మహిళలను, యువకులను అరెస్ట్‌ చేయడంతో గ్రామంలో ఉద్రిక్త పరిస్థితి నెలకొంది.

17:59 - April 14, 2018

గుంటూరు : రాజ్యాంగ నిర్మాత బీ.ఆర్‌.అంబేద్కర్‌ 127 జయంతి సందర్భంగా ఏపీ సీఎం చంద్రబాబు ఘనంగా నివాళులర్పించారు. ఈ సందర్బంగా చంద్రబాబు అంబేద్కర్ స్మృతివనం ఆకృతిని సీఎం చంద్రబాబు ఆవిష్కరించారు. శాఖమూరులో 20 ఎకరాలలో రూ.100కోట్లతో అంబేద్కర్ స్ఫూర్తిని చాటేలా అంబేద్కర్ స్మృతివనం ఆకృతిని నిర్మాణం చేపడతామని చంద్రబాబు తెలిపారు. రాజ్యాంగస్ఫూర్తిని అనుసరిస్తూ దేశంలో పాలన సాగాల్సిన అవసరం ఉందన్నారు. అంబేద్కర్‌ గొప్పతనం భావితరాలకు తెలియాలనే రాజధాని అమరావతిలో అంబేద్కర్‌ స్మృతివనం నిర్మిస్తున్నామని చంద్రబాబు తెలిపారు. 

10:34 - April 14, 2018

హైదరాబాద్ : బలహీన వర్గాలకు మోడీ ప్రభుత్వం తీవ్రమైన అన్యాయం చేస్తోందని సీపీఎం పొలిట్ బ్యూరో సభ్యులు రాఘవులు పేర్కొన్నారు. లిబర్టి వద్దనున్న ట్యాంక్ బండ్ విగ్రహానికి సీపీఎం నేతలు ఘనంగా నివాళులర్పించారు. ఈ సందర్భంగా రాఘవులు, సీపీఎం తెలంగాణ రాష్ట్ర కార్యదర్శి తమ్మినేని వీరభద్రంలు మీడియాతో మాట్లాడారు. దేశంలో దళితులు, మైనార్టీలు, మహిళలు వారి ఆత్మగౌరవాన్ని కోరుకొనే వారు మతోన్మాద సంఘ్ పరివార్ శక్తులతో పోరాడాల్సినవసరం ఉందని తెలిపారు. బహుజనులకు రాజ్యాధికారం సాధిస్తే అప్పుడే అంబేద్కర్ కు అసలైన నివాళి అని తమ్మినేని పేర్కొన్నారు. తెలంగాణ రాష్ట్రంలో బహుజనులు రాజ్యాధికారం సాధించేందుకు బిఎల్ఎఫ్ కృషి చేస్తోందన్నారు. 

09:44 - April 14, 2018

హైదరాబాద్ : గొర్రెనో..బర్రెనో..ఇస్తే సామాజిక న్యాయం కల్పించినట్లు కాదని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం పేర్కొన్నారు. ట్యాంక్ బండ్ పై అంబేద్కర్ విగ్రహానికి పూలమాలలు వేసి ఘనంగా నివాళులర్పించారు. అనంతరం మీడియాతో మాట్లాడుతూ...ఇవి కేవలం సామాజిక సహాయాలు సంక్షేమాలు మాత్రమేనని, గత ప్రభుత్వాలు అన్ని సంక్షేమ పథకాలు అమలు పరిచాయన్నారు. కొంత లబ్ధి జరిగినా అవి బతుకులు మార్చిన స్కీంలు కాదని, బతుకులు మారాలంటే సామాజిక న్యాయం జరగాలన్నారు. చట్టబద్ధమైన అధికారాలు...రక్షణలు ఉండాలని, రాజ్యాంగపరమైన రక్షణాలుండాలన్నారచు. దేశంలో దళితులపై జరుగుతున్న దాడులు అరికట్టాలని పేర్కొన్నారు. అంతిమంగా అసెంబ్లీలో..పార్లమెంట్ లో బహుజనులందరికీ వారి వారి జనాభాను బట్టి వాటాలు లభించాయని, ఇది నెరవేరినప్పుడే సామాజిక న్యాయం అమలైనట్లు భావించాలన్నారు. సామాజిక న్యాయం అంటూ పెద్ద పెద్ద మాటలు చెబుతున్నారని, 119 అసెంబ్లీ సీట్లలో బీసీలకు ఎన్ని సీట్లు కేటాయిస్తారనే దానిపై చెప్పడం లేదన్నారు. 65-70 తక్కువ కాకుండా బీసీలకు సీట్లు కేటాయిస్తామని ఇప్పటికే ప్రకటించామన్నారు. బీఎల్ఎఫ్ చేస్తున్న పని తీరును గమనించి మద్దతివ్వాలని కోరారు. 

07:03 - April 14, 2018

హైదరాబాద్ : అంటరానివాడని హేళన చేస్తే అక్షరాలపై పట్టును సాధించాడు. అస్పృశ్యుడని గేలి చేస్తే దేశమే గర్వించే కెరటమై ఎగిశాడు. అందుకే ప్రతి నిరుపేద దళితుడి తలరాత అంబేద్కర్‌. ప్రపంచ దేశాలు కీర్తిస్తున్న భారత రాజ్యాంగ నిర్మాత అంబేద్కర్‌. గతాన్ని సమీక్షించుకుని వర్తమానాన్ని దృష్టిలో పెట్టుకుని భవిష్యత్‌ను బేరీజు వేసుకుంటూ సాగిపోయిన అంబేద్కర్‌ జీవితం స్ఫూర్తిదాయకమే కాదు.ఎంతో విలువైనది కూడా. చిన్ననాటి నుంచి ప్రయోజకుడయ్యే వరకు అంబేద్కర్‌ సవర్ణ హిందువుల నుంచి అంటరానివాడిగా అవమానాలు ఎదుర్కొన్నాడు. గ్లాసుడు నీళ్లు తాగేందుకు, తోటి విద్యార్ధులతో కలిసి చదువుకునేందుకు, రోడ్లపై నడిచేందుకు, ఆలయాల్లోకి ప్రవేశించేందుకు ఇలా చెప్పుకుంటూ పోతే ఎన్నో అసమానతలను అంబేద్కర్‌ భరించాడు. అస్పృశ్యుల దీనస్థితికి హిందూమతం, మనువు ధర్మాలేనని బలంగా విశ్వసించాడు. వేదాలు,ఉపనిషత్తులు,ఇతిహాసాలు చదివి మనువు అసలు రూపాన్ని తెలుసుకున్న అంబేద్కర్‌ దురదృష్టవశాత్తూ నేను హిందువుగా పుట్టాను.. కానీ హిందువుగా మాత్రం మరణించను అంటూ సంచలన ప్రకటన చేశారు. అన్నట్లుగానే 1956 అక్టోబర్‌ 14న నాగపూర్‌లో బాబా సాహెబ్‌ అంబేద్కర్‌ బౌద్ధం స్వీకరించారు.

బాబాసాహెబ్‌ అంబేద్కర్ జీవించినంత కాలం అణగారిన వర్గాల అభ్యున్నతి కోసమే జీవించారు. వెలివాడల్లోని దళితులకు సముచిత స్ధానాన్ని కల్పించేందుకు అవిశ్రాంత పోరాటం చేశాడు. తాను నమ్మిన సిద్ధాంతం, తన ప్రతిపాదనలను వైరివర్గానికి సహేతుకంగా వివరించేందుకు నిద్రను త్యాగం చేశాడు. మానవుని కళ్లు విజ్ఞానపు వాకిళ్లని చెప్పిన బాబాసాహెబ్‌ అంబేద్కర్‌ భవిష్యత్‌ తరాలు చరిత్రను పుక్కిట పట్టాల్సిన అవసరాన్ని తన రచనల్లో నొక్కి చెప్పారు. పీడితవర్గాలు ప్రగతి పథంలో నడవాలంటే కుల, వర్గ దోపిడీ లేని రాజ్యం కావాలని అంబేద్కర్‌ ఆశించాడు. అయితే పోరాటాల ద్వారానే ఇది సాధ్యపడుతుందని అంబేద్కర్‌ చెప్పారు. రాజ్యాధికారమే పీడిత, వర్గాల సామాజికాభివృద్ధికి ఏకైక మార్గం, రాజ్యాధికారం లేకుండా దళితుల అభివృద్ధి అసంభవం, అసాధ్యం అని చెప్పిన మహిళల అభివృద్ధి కోసం తపించారు. ప్రతి స్త్రీని శాస్త్ర దాస్యం నుండి విముక్తి చేయాలనే లక్ష్యంతోనే హిందూకోడ్‌ బిల్లును పార్లమెంట్‌లో ప్రవేశపెట్టాడు. అయితే ఆనాటి సనాతన, సాంప్రదాయ అగ్రకుల పాలకులు హిందుకోడ్‌ బిల్లుకు అడ్డుపడ్డారు. ఆ బిల్లు ఆమోదానికి తోడ్పడని ప్రధాని నెహ్రూ వైఖరికి నిరసనగా కేంద్రమంత్రి పదవికే రాజీనామా చేసిన భారతరత్న అంబేద్కర్‌.

మనిషికి, మనిషికి మధ్య ఉన్న అసమానత్వమే బాధలన్నింటికి కారణం. అందుకే డాక్టర్‌ బాబా సాహెబ్‌ అంబేద్కర్‌ క్రూరత్వం కంటే నీచత్వమే హీనమైనదన్నారు. కులం, మతం పునాదుల మీద ఒక జాతిని కాని ఒక నీతిని కాని నిర్మించలేరనే నిజాన్ని నిర్భయంగా చెప్పారు. అందుకే అంబేడ్కర్‌ కులరహిత సమాజాన్ని కాంక్షించేవారికి అనుసరణీయుడు.. సదా స్మరణీయుడు. 

06:59 - April 14, 2018

హైదరాబాద్ : పాశవికంగా దాడి చేసింది. ఎల్లలు దాటి సంపాదించిన ప్రతిభ కులం ముందు నిలువలేకపోయింది. నడుముకు తాటాకులు, మెడకు ముంతలు కట్టిన దుర్భర రోజులు దళితులను నిలువులా తెగనరికాయి. నిండైన ఆత్మవిశ్వాసానికి ప్రతీకగా నిలిచే దళితజాతి మనువు ముందు విలవిలలాడిపోయింది. ఇందుకు అంబేద్కర్‌ ఓ సజీవ సాక్ష్యం.

ఎన్నో అవమానాలు, మరెన్నో అనుమానాలు అంబేద్కర్‌ను కలిచివేశాయి. నిచ్చెనమెట్ల కుల వ్యవస్ధ భరతం పట్టాలంటే అధ్యయనం అవసరమని గ్రహించి అవిశాంత అధ్యయనం చేశాడు. 32 ఏళ్ల వయస్సులో డా.అంబేద్కర్, కొలంబియా విశ్వవిద్యాలయం నుండి పి.హెచ్.డి. లండన్ విశ్వవిద్యాలయం నుండి డి.ఎస్.సి పట్టాలను పొందాడు. న్యాయశాస్త్రం చదివి తిరుగులేని ఉత్తీర్ణతా శాతంతో పట్టా పొందాడు. ఇక దళిత జాతి కోసం ఏదైనా చేయాల్సిందేనని భావించిన ఆయన మేధస్సునంతా దళిత జాతి అభ్యున్నతి కోసం వినియోగించారు. మూక్‌నాయక్, బహిష్కృత భారతి అనే పత్రికలు స్ధాపించి దళితగొంతుకను నిర్భయంగా విన్పించారు. దళిత జాతి ప్రయోజనాలకోసం వెన్ను చూపని ధైర్యాన్ని ప్రదర్శించిన మహోన్నత వ్యక్తి అంబేద్కర్‌.

దళితులను పంచములుగా, అస్పృశ్యులుగా జంతువుల కంటే హీనంగా పరిగణించడాన్ని తట్టుకోలేకపోయిన అంబేద్కర్‌ కులవ్యవస్ధపై శూలాన్ని ఎక్కుపెట్టాడు. ఇందుకు మనుస్మృతి కారణమని నమ్మిన అంబేద్కర్‌ 1927 డిసెంబర్‌ 25న మనుస్మృతిని బహిరంగంగా తగులబెట్టాడు. మనుధర్మాలను, దళితులను హీనంగా చూసే కట్టుబాట్లను చీల్చి చెండాడాడు.1913లో అమెరికావెళ్ళి నీగ్రోల పరిస్థితిని చూసాడు. ఆఫ్రికాలో పుట్టిన నీగ్రోలను, అమెరికన్లు బానిసలుగా కొనుగోలు చేయటం చూసి సహించలేకపోయాడు. ఇంచుమించు నీగ్రోల పరిస్ధితే అప్పట్లో కులవ్యవస్ధ శాసిస్తున్న భారతదేశంలో దళితజాతికి ఉండేది. అందుకే భారత రాజ్యాంగాన్ని తయారు చేసే బృహత్తర బాధ్యతను భుజాలకెత్తుకున్నాక అంబేద్కర్‌ దళితుల శ్రేయస్సు కోసం ప్రతిక్షణం తపించాడు.

దళితులు అభివృద్ధి చెందాలంటే ప్రత్యేక నియోజకవర్గాలు అవసరమని భావించిన అంబేద్కర్‌ బ్రిటిష్‌ ప్రభుత్వం ముందు సమర్థంగా వాదనలు విన్పించాడు. యావత్‌ దేశం సైమన్‌ గో బ్యాక్‌ అంటూ నినదిస్తుంటే, నిర్భయంగా సైమన్‌ కమిషన్‌ ముందు హాజరై దళితజాతి అనుభవిస్తున్న దుర్భర పరిస్ధితులను కళ్లకు కట్టినట్లు వివరించాడు. దేశద్రోహి అనే నిందలు భరిస్తూనే ఎన్నో రౌండ్‌ టేబుల్‌ సమావేశాల్లో స్పెషల్‌ ఎలక్ట్రోరేట్స్, రిజర్వేషన్‌ ప్రాధాన్యతను వివరించారు. సోదాహరణగా అంబేద్కర్‌ వివరణను విన్న బ్రిటిష్‌ ప్రభుత్వం 1932లో కమ్యూనల్‌ అవార్డును ప్రకటించింది. దళితులకు ప్రత్యేక నియోజకవర్గాలను తీవ్రంగా వ్యతిరేకించిన గాంధీ ఎరవాడ జైలులో ఆమరణ నిరాహారదీక్షకు దిగారు. నా ప్రాణాలు కావాలో లేక దళితులకు ప్రత్యేక నియోజకవర్గాలు కావాలో తేల్చుకోమంటూ అంబేద్కర్‌ను బెదిరించినంత పని చేశాడు. విధిలేని పరిస్ధితుల్లో అంబేద్కర్‌ తీవ్ర మనోవేదనతో 1932లో జరిగిన పూనా ఒడంబడిక పై సంతకం చేశాడు. తన జాతికి ద్రోహం చేస్తున్నాననే బాధతోనే అంబేద్కర్‌.. ఎందరో మహాత్ములు వచ్చారు, వెళ్లారు కానీ అస్ప్రుశ్యులు మాత్రం ఇంకా అంటరాని వారుగానే ఉన్నారని వ్యాఖ్యానించారు.

Pages

Don't Miss

Subscribe to RSS - అంబేద్కర్