అక్రమాస్తులు

10:30 - May 10, 2018

కర్నూలు : ఏపీలో లంచగొండి అధికారులు పెరిగిపోతున్నారు. ఏసీబీ అధికారులు దాడులు చేస్తూ లంచాలు తీసుకుంటున్న...అక్రమ ఆస్తులు కలిగి ఉన్న వారిని కటకటాల్లోకి నెడుతున్నా ఇతరుల్లో మార్పు రావడం లేదు. తాజాగా ఎండోమెంట్ ఈవో నివాసంపై ఏసీబీ అధికారులు దాడులు నిర్వహించారు. నంద్యాల ప్రాంతంలో ఎండోమెంట్ ఈవోగా పనిచేస్తున్న వీరయ్య అక్రమాస్తులు కలిగి ఉన్నట్లు ఏసీబీ అధికారులకు సమాచారం అందింది. దీనితో గురువారం ఆయన నివాసంపై దాడులు జరిపారు. అంతేగాకుండా ప్రకాశం, కడప జిల్లాలో కూడా దాడులు నిర్వహిస్తున్నారు. భారీగా బంగరాం స్వాధీనం చేసుకున్నట్లు సమాచారం. సుమారు రూ. 8 కోట్ల మేర ఆస్తులున్నట్లు తెలుస్తోంది. వీరయ్యకు బినామీగా భార్య..బంధువులున్నట్లు ఏసీబీ అధికారులు నిర్ధారించారు. 

13:34 - May 2, 2018

నెల్లూరు : అతను చేసేది అటెండర్ ఉద్యోగం... కూడబెట్టింది కోట్ల రూపాయల ఆస్తులు... రావాణాశాఖలో కేవలం అటెండర్ గా పనిచేస్తున్న వ్యక్తి రూ.80కోట్లు అక్రమాస్తులను కూడగట్టాడు. కానీ ఏసీబీ అధికారులకు పక్కాగా దొరికిపోయాడు. ఇవాళ నెల్లూరులో ఏసీబీ దాడులు కొనసాగుతున్నాయి. కో..ఆపరేటివ్ బ్యాంకులోని రెండు లాకర్లను అధికారులు తెరిచారు. భారీ మొత్తంలో బంగారం గుర్తింపు, విలువు కోట్లలో ఉంటుందని గుర్తించారు. రవాణా శాఖ అటెండర్ నరసింహారెడ్డి ఇంటిపై నిన్న ఏసీడీ దాడులు చేసింది. అతని ఆస్తులు చూస్తే మాత్రం ఎవరికైనా షాక్‌ తగలాల్సిందే. ఒకటి కాదు.. రెండు కాదు.. ఏకంగా 80 కోట్లకుపైగా అక్రమ ఆస్తులు కూడబెట్టాడు. నెల్లూరు జిల్లా ఉప రవాణాశాఖలో పని చేస్తున్న నరసింహారెడ్డి ఇంటిపై ఏసీబీ అధికారులు దాడులు చేశారు. నెల్లూరులోని నివాసంతో పాటే.. ఆరు ప్రాంతాల్లో ఏక కాలంలో దాడులు చేశారు. తనిఖీల్లో 80 కోట్లకు పైగా ఆస్తులు గుర్తించారు. 50 ఎకరాల భూమికి సంబంధించిన డాక్యుమెంట్లు, 18 ప్లాట్లు, రెండి కిలోల బంగారం, ఏడున్నర లక్షల నగదు గుర్తించారు. నరసింహారెడ్డి భార్య పేరుపై కూడా అనేక ఆస్తులున్నట్లు గుర్తించారు. నరసింహారెడ్డికి గత కొంతకాలంగా ప్రమోషన్లు వచ్చినా... వెళ్లకుండా అక్కడే అటెండర్‌గా కొనసాగుతున్నాడు. అయితే.. ఇందులో బినామీ ఆస్తులు ఉండవచ్చని అధికారులు భావిస్తున్నారు. 

 

13:26 - January 31, 2018
07:33 - November 9, 2017

సీఎం చంద్రబాబుకు వైసీపీ అధినేత జగన్ సవాల్ విసిరారు. జిల్లాలో జరుగుతున్న పాదయాత్ర సందర్భంగా ఆయన మాట్లాడారు. తనకు విదేశాల్లో నల్లధనం ఉందని రుజువు చేస్తే రాజకీయాల నుండి తప్పుకుంటానని జగన్ అన్నారు. నల్లధనం లేదని రుజువు చేస్తే చంద్రబాబు ముఖ్యమంత్రి పదవికి రాజీనామా చేయాలని జగన్ డిమాండ్ చేశారు. ఈ అంశంపై టెన్ టివిలో జరిగిన చర్చా వేదికలో చందు సాంబశివరావు (టిడిపి), రమేష్ (వైసీపీ) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి. 

21:16 - October 23, 2017

విజయవాడ : అసెంబ్లీ సమావేశాలను బాయ్‌కాట్‌ చేసేందుకు వైసీపీ యోచిస్తోంది. ఆగస్టులో అసెంబ్లీ వర్షాకాల సమావేశాలు నిర్వహించాల్సినప్పటికీ... పాదయాత్రను అడ్డుకోవాలనే ఉద్దేశంతోనే అధికార పార్టీ ఇలాంటి కుట్ర పన్నుతుందని వైసీపీ నేతలంటున్నారు. అసెంబ్లీ సమావేశాల్లో ఎలాగూ ప్రతిపక్షానికి మాట్లాడే సమయం ఇవ్వరు కాబట్టి.. అధికారపక్ష అక్రమాలను పాదయాత్ర చేస్తూ ఎండగంటాలనుకుంటోంది వైసీపీ. ఈ సమావేశంలో అసెంబ్లీ సమావేశాలకు వెళ్లకూడదనే అభిప్రాయాన్ని వ్యక్తం చేశారు వైసీపీ నేతలు. అసెంబ్లీ వర్షాకాల సమావేశాలు ఆగస్టులోనే నిర్వహించాల్సినప్పటికీ ప్రభుత్వం దిగజారుడుతనంతో... పాదయాత్ర తేదీలు ప్రకటించిన తర్వాత నిర్వహిస్తుందని వైసీపీ నేతలు అభిప్రాయపడ్డారు. పాదయాత్రను మొదటినుండి అడ్డుకునేందుకు కుట్ర పన్నుతున్న టీడీపీ... కనీసం అసెంబ్లీ సమావేశాలతోనైనా వాయిదా వేసేలా చూడాలనుకుంటుందని వైసీపీ అంటోంది. దీంతో... అధికార పార్టీ కుట్రను తిప్పికొట్టేందుకు వైసీపీ వ్యూహాలు రచిస్తోంది. ఎట్టి పరిస్థితుల్లోనూ పాదయాత్ర వాయిదా వేసే ప్రసక్తే లేదని వైసీపీ సంకేతాలిస్తోంది. అవసరమైతే అసెంబ్లీ సమావేశాలను బాయ్‌కాట్‌ చేయాలని వైసీపీ యోచిస్తోంది.

ఇక ఈ సమావేశంలో పార్టీ ఫిరాయింపులపై కూడా చర్చ జరిగింది. పార్టీ మారిన 21 మంది ఎమ్మెల్యేలను అనర్హులుగా ప్రకటించకుండా ప్రభుత్వం, స్పీకర్‌ కలిసి ప్రజాస్వామ్యాన్ని ఖూనీ చేస్తున్నారన్నారు వైసీపీ నేతలు. రాజ్యాంగానికి వ్యతిరేకంగా పార్టీ మారిన నలుగురు ఎమ్మెల్యేలకు మంత్రి పదవులు కట్టబెట్టడంపై వైసీపీ సీరియస్‌గా ఉంది. పార్టీ మారిన ఎమ్మెల్యేల సభ్యత్వాలను రద్దు చేసి, మంత్రులను బర్తరఫ్‌ చేసి.. ప్రజాసమస్యలను చర్చించేందుకు ప్రభుత్వం సిద్దంగా ఉంటేనే అసెంబ్లీ సమావేశాలకు వెళ్దామని నేతలు జగన్‌కు సూచించినట్లు తెలుస్తోంది.

మొత్తానికి ప్రజాసమస్యలపై అసెంబ్లీలో చర్చ జరగనీయకుండా ప్రభుత్వం అడ్డుపడుతుందని వైసీపీ నేతలు అభిప్రాయపడ్డారు. ఇలాంటి సభకు వెళ్లడం కంటే... పాదయాత్ర చేస్తూ ప్రభుత్వాన్ని ప్రజాక్షేతంలోనే నిలదీయాలని నేతలు జగన్‌కు సూచించారు. ఈ నేపథ్యంలో... వైసీపీ సభకు హాజరవుతుందా ? లేదా అనే దానిపై ఉత్కంఠ నెలకొంది. 

13:19 - August 5, 2017

బెంగళూరు : కర్ణాటక మంత్రి శివకుమార్‌ అక్రమాస్తుల బాగోతం తవ్వేకొద్దీ బయటపడుతూనే ఉంది.. శివకుమార్, అతని బంధువుల ఇళ్లు, కార్యాలయాల్లో ఐటీ సోదాలు కొనసాగుతున్నాయి.. పదుల సంఖ్యలో లాకర్లు, నేలమాళిగల్లో వందల సంఖ్యల స్థిర, చరాస్తులు... ధ్రువీకరణ పత్రాలు, నగదును అధికారులు గుర్తించారు.. భారీ మొత్తంలో బంగారు, వెండి ఆభరణాలను స్వాధీనం చేసుకున్నారు.. 64చోట్ల అధికారులు తనిఖీలు చేస్తున్నారు.. శివకుమార్‌ వ్యాపార భాగస్వామి అనిల్‌కుమార్‌శర్మ ఇంట్లో 16 లాకర్లు, నేల మాళిగను గుర్తించారు.. ఇందులో వందల కోట్ల విలువ చేసే స్థిరాస్తుల పత్రాలను స్వాధీనం చేసుకున్నారు.. శివకుమార్‌ ఆప్తుల ఇంటినుంచి కిలోలకొద్దీ బంగారు, వెండి ఆభరణాలను స్వాధీనం చేసుకున్నారు.. శివకుమార్‌కు విదేశాల్లోకూడా ఆస్తులుఉన్నట్లు అధికారులు భావిస్తున్నారు.. 

09:38 - May 9, 2017

అమరావతి: అవినీతి నిరోధక శాఖ ఆంధ్రప్రదేశ్‌లో దూకుడు పెంచింది....ఇప్పటికే ఎందరో ఉన్నతాధికారుల అవినీతి బాగోతాలను బయటపెట్టిన ఏసీబీ మరో ఉన్నతాధికారి అక్రమాస్తుల చిట్టాను విప్పింది...ఆంధ్రప్రదేశ్‌ రాష్ట్ర ప్రభుత్వ సాధారణ పరిపాలన విభాగం సంయుక్త కార్యదర్శి కరణం వెంకట సాయికిషోర్‌ అక్రమ ఆస్తులు కలిగి ఉన్నారన్న అభియోగంపై దాడులు చేసింది...

ఏకకాలంలో ఎనిమిది చోట్ల సోదాలు..

ఏసీబీ సాయి కిశోర్‌ అక్రమాస్తుల చిట్టాను తయారు చేసి ఏకకాలంలో ఎనిమిది చోట్ల సోదాలు నిర్వహించింది..ఉన్నత స్థానంలో ఉన్న సాయి కుమార్‌ హైదరాబాద్‌లోని ఖైరతాబాద్‌లో నివాసం.. ఉదయం ఆరు గంటల నుంచి ఖైరతాబాద్‌లోని ఆయన ఇంటితో పాటు కడప, గుంటూరు, రాజమహేంద్రవరం, కర్నూలు, బెంగళూరులోని సాయికుమార్‌ బంధువులు, స్నేహితుల ఇళ్లల్లో తనిఖీలు కొనసాగించారు...

గతంలో మంత్రుల వద్ద కార్యదర్శిగా...

వాయిస్..సాయికిశోర్‌ గతంలో మంత్రుల వద్ద కార్యదర్శిగానూ, ఆదాయం వచ్చే విభాగాల్లో కీలక స్థానంలో విధులు నిర్వర్తించారు.. కొన్ని గంటలపాటు ఏకకాలంలో కొనసాగిన సోదాల్లో కోట్లాది రూపాయల ఆస్తులు బయటపడ్డట్లు తెలుస్తోంది..

16:41 - April 21, 2017

హైదరాబాద్: అక్ర‌మాస్తుల కేసులో సాక్షుల‌ను ప్ర‌భావితం చేసేలా ప్ర‌వ‌ర్తిస్తున్నార‌ని పేర్కొంటూ వైసీపీ అధినేత జ‌గ‌న్మోహ‌న్ రెడ్డికి ఇచ్చిన బెయిల్‌ను ర‌ద్దు చేయాల‌ని సీబీఐ అధికారులు సీబీఐ కోర్టులో పిటిష‌న్ దాఖ‌లు చేసిన విష‌యం తెలిసిందే. ఈ పిటిష‌న్‌పై ఈ రోజు విచార‌ణ జ‌రిపిన న్యాయ‌స్థానం వాదనలు విని, ఈ నెల 28కి తీర్పును వాయిదా వేసింది. అయితే, మ‌రోవైపు న్యూజిలాండ్ వెళ్లేందుకు త‌న‌కు అనుమ‌తి ఇవ్వాల‌ని సీబీఐ కోర్టులో జ‌గ‌న్ పిటిష‌న్ వేశారు. మే 15 నుంచి జూన్ 15 మ‌ధ్య 15 రోజులు వెళ్లేందుకు ఆయ‌న‌ అనుమ‌తి కోరారు. వేస‌వి సెల‌వుల నిమిత్తం కుటుంబంతో క‌లిసి వెళ్లాల‌ని జ‌గ‌న్ పిటిష‌న్ లో పేర్కొన్నారు. అయితే, దీనిపై విచారించిన కోర్టు ప‌లు అభ్యంత‌రాలు తెలుపుతూ త‌మ‌ నిర్ణ‌యం ఈ నెల 28న తెలుపుతామ‌ని చెప్పింది.

18:05 - April 20, 2017

హైదరాబాద్‌ : ఏసీబీ అధికారులకు పట్టబడ్డ ఏపీఈడబ్ల్యూఐడీసీ సీఈ జగదీశ్వర్‌రెడ్డి ఆస్తులు రోజు రోజుకూ బయటపడుతూనే ఉన్నాయి. జగదీశ్వర్‌రెడ్డికి సంబంధించిన బ్యాంకు లాకర్లను ఏసీబీ అధికారులు తెరిపించారు. బాగ్‌ అంబర్‌పేట్‌ ఆంధ్రా బ్యాంక్‌, ఉప్పల్‌ కొటక్‌ మహీంద్రా బ్యాంక్‌లలో ఐదు లాకర్లను తెరిచిన అధికారులు రెండు కోట్ల రూపాయల విలువ చేసే బంగారు ఆభరణాలను గుర్తించారు. 

21:22 - April 8, 2017

విశాఖ : పార్టీ ఫిరాయింపులపై ముఖ్యమంత్రి చంద్రబాబునాయుడు తొలిసారిగా నోరుమెదిపారు. జగన్ తీరు భరించలేని నేతలు టీడీపీలోకి వచ్చారన్నారు. ఆయన విశాఖ లో మాట్లాడుతూ... గతంలో ఫిరాయింపులపై తాను ఫిర్యాదుచేసిన మాట వాస్తవమే కాని అప్పటి పరిస్థితులు.. ఇప్పటి పరిస్థితులకు చాలా తేడా ఉందన్నారు. వైఎస్ హయాంలో ఫిరాయింపులను ప్రోత్సహించలేదా.. ప్రతి సంవత్సరం తన కుటుంబం యొక్క ఆస్తులను వెల్లడిస్తున్నామని.. జగన్‌కు తన ఆస్తులను వెల్లడించే దమ్ముందా అని ప్రశ్నించారు. రాష్ట్రాభివృద్ధికి జగన్ అడ్డుపడుతున్నారని విమర్శించారు.

 

Pages

Don't Miss

Subscribe to RSS - అక్రమాస్తులు