అక్రమాస్తులు

12:46 - January 18, 2017

ప్రకాశం : ఏసీబీ కి మరో అవినీతి తిమింగళం చిక్కింది... ప్రకాశం జిల్లా చీరాలలో డీఎస్పీ దుర్గాప్రసాద్‌ ఇంటిపై ఏసీబీ అధికారులు దాడులు చేశారు.. ఆదాయానికిమించి ఆస్తులున్నాయన్న ఆరోపణలతో 13చోట్ల ఏకకాలంలో దాడులుచేశారు.. చీరాలతోపాటు దుర్గాప్రసాద్‌ బంధువులున్న విజయవాడ.... గుంటూరులోకూడా సోదాలు జరుపుతున్నారు.. గుంటూరులో లెక్కకుమించి ఆస్తులున్నట్లు అధికారులు గుర్తించారు.. తవ్వేకొద్ది బయటకొస్తున్న ఆస్తులుచూసి ఏసీబీ అధికారులే ఆశ్చర్యపోతున్నారు.. దాదాపు 200కోట్ల రూపాయల విలువైన ఆస్తులున్నట్లు అధికారులు గుర్తించారు.. భారీగా ఆదాయాన్ని సంపాదించిన దుర్గాప్రసాద్‌ కొద్దిరోజుల్లో దుబాయ్‌ వెళ్లేందుకు ప్లాన్‌ చేసుకున్నారని తెలుస్తోంది.. దుర్గాప్రసాద్‌ ఒంగోలు పోలీస్‌ ట్రైనింగ్‌ కాలేజీకి డీఎస్‌పీగా పనిచేస్తున్నాడు..  ఏసీబీ అధికారులు మొత్తం 11 బృందాలు సోదాలు నిర్వహిస్తున్నట్లు చెప్పారు. 13 ప్రాంతాల్లో విచారణ చేస్తున్నట్లు, దుర్గా ప్రసాద్‌ బినామీలపై కూడా దాడులు చేస్తున్నట్లు చెప్పారు.

14:49 - January 12, 2017

నల్గొండ : మరో అవినీతి చేపను పట్టేశారు ఏసీబీ అధికారులు... నల్లగొండలో లక్ష రూపాయలు లంచం తీసుకుంటూ విజిలెన్స్, ఎన్‌ఫోర్స్‌మెంట్‌ ఎస్పీ భాస్కర్‌ రావు ఏసీబీ కి చిక్కాడు.. ఆదాయానికిమించి ఆస్తులున్నాయన్న ఆరోపణలతో నల్లగొండ, హైదరాబాద్‌లోని భాస్కర్‌ రావు ఇళ్లలో అధికారులు సోదాలు చేస్తున్నారు..

21:34 - January 11, 2017

నెల్లూరు : టీడీపీ ఎమ్మెల్సీ సోమిరెడ్డి చంద్రమోహన్‌రెడ్డికి విదేశాల్లో ఆస్తులున్నాయని ఆరోపిస్తూ.. వైసీపీనేత కాకాణి గోవర్దన్‌రెడ్డి చూపిన పత్రాలన్నీ నకిలీవేనని పోలీసులు తేల్చారు. కాకాణి ఆరోపణలతో సోమిరెడ్డి పోలీసులను ఆశ్రయించారు. కాకాణి చూపించిన డాక్యుమెంట్లలో నిజానిజాలను వెలికి తీయాలని ఫిర్యాదు చేశారు. దీనిపై విచారణ చేపట్టిన పోలీసులు కాకాణి చూపిన పత్రాలు నకిలీవని తేల్చారు. నకిలీ డాక్యుమెంట్ల తయారీలో ప్రమేయమున్న చిత్తూరు జిల్లాకు చెందిన మణిమోహన్‌ అలియాస్‌ చిరంజీవి, పి. వెంకటకృష్ణన్‌, హరిహరన్‌ను అరెస్ట్‌ చేశారు. నకిలీ పత్రాల తయారీకి ఉపయోగించిన ల్యాప్‌టాప్‌, రబ్బరుస్టాంప్స్‌, సెల్‌ఫోన్స్‌ను పోలీసులు స్వాధీనం చేసుకున్నారు.

21:20 - December 26, 2016

నెల్లూరు : టిడిపి ఎమ్మెల్సీ సోమిరెడ్డి చంద్రమోహన్ రెడ్డిపై మరోసారి విరుచుకుపడ్డారు కాకాణి గోవర్థన్ రెడ్డి. 30 కోట్ల రూపాయల పెట్టుబడి ఉన్న 'సాగర్ పవర్ ప్రైవేట్ లిమిటెడ్' కంపెనీలో సోమిరెడ్డి భార్య జ్యోతి భాగస్వామి అని విమర్శించారు. ఇప్పటికే మలేషియా, సింగపూర్, హాంకాంగ్, బ్యాంకాక్‌ల లావాదేవీలు ఆధారాలతో సహా బయటపెట్టినా..నకిలీ, ఫోర్జరీ పత్రాలు అనడం దుర్మార్గమన్నారు కాకాణి. తాను బయటపెట్టిన పత్రాలు నిరాధారమైనవి అయితే శాశ్వతంగా ప్రజా జీవితం నుంచి తప్పుకుంటానని సవాల్ విసిరారు. ఇప్పటికైనా అవినీతి చేశానని సోమిరెడ్డి నిజాయితిగా ఒప్పుకోవాలన్నారు.

20:37 - November 29, 2016

ఇంక అంతా తెలుపేనా? నల్లధనం అనేది దేశంలో ఉండదా? నోట్ల రద్దుతో అంతా మారిపోతుందా? అస్సలు నల్లధనం అంతా రూ.1000, రూ.500లుగానే ఉందా? ఇదే నిజమయితే సంతోషమే. కానీ వాస్తవం వేరుగా కనిపిస్తోంది. నల్లదనం నోట్లుగా లేదని, నల్లధనం ఎప్పుడూ చేతులు మార్చుకుని, స్థానం మార్చుకుని పరిపరి విధాలుగా స్థిరపడుతోందని అంచనాలు చెబుతున్నాయి. ఇలాంటి పరిస్థితుల్లో బ్లాక్ మనీ వెలికి తీయడానికి నోట్ల రద్దే మార్గం అంటున్న సర్కార్ తీరును ఎలా అర్థం చేసుకోవాలి? ఇదే అంశం నేటి వైడాంగిల్ విశ్లేషణ చేశారు. మరి మీరూ చూడాలనుకుంటే ఈ వీడియోను క్లిక్ చేయండి..

10:19 - August 5, 2016

హైదరాబాద్ : తన వద్ద ఎలాంటి అక్రమాస్తులు లేవని జీహెచ్ఎంసీ ఖైరతాబాద్ ఏసీపీ అధికారి సంతోష్ వేణు పేర్కొన్నారు. శుక్రవారం ఉదయం ఏసీపీ సంతోష్ బాబు నివాసంపై ఏసీబీ అధికారులు దాడులు నిర్వహించారు. ఆదాయానికి మించి ఆస్తులున్నాయన్న ఆరోపణలతో ఈ సోదాలు నిర్వహించారు. నారాయణగూడ, గుడి మల్కాపూర్, డీడీ కాలనీ, అల్వాల్ లో ఉన్న నివాసాలపై సోదాలు కొనసాగుతున్నాయి. ఇప్పటి వరకు రూ. కోటి వరకు ఆస్తులున్నట్లు గుర్తించారు. ఖైరతాబాద్ సర్కిల్ లో అసిస్టెంట్ సిటీ ప్లానర్ సంతోష్ వేణు పనిచేస్తున్నారు. ఈ సందర్భంగా వేణు మీడియాతో మాట్లాడారు.

అన్నింటికీ లెక్కలు చూపిస్తున్నాం - సంతోష్..
తన నివాసంపై ఏసీబీ అధికారులు దాడులు నిర్వహించారని, అధికారులకు సహకారం అందించడం జరుగుతోందని ఏసీపీ సంతోష్ వేణు పేర్కొన్నారు. ఆయన మీడియాతో మాట్లాడారు. డాక్యుమెంట్లు పరిశీలిస్తున్నారని, బినామీ అంటూ ఏమీ లేవని పేర్కొన్నారు. ఇంట్లో దొరికిన బంగారం విషయంలో లెక్కలు చూపిస్తామని, జాయింట్ ఫ్యామిలీ ఉన్నప్పుడు ఆస్తులు ఉండవా అంటూ ప్రశ్నించారు. తనకు ముగ్గురు అన్నదమ్ములు..ఇద్దరు సిస్టర్స్ ఉన్నారని, తన తండ్రి గెజిటెడ్ ఆఫీసర్ అని ఆయనకు రూ. 50 వేల ఫించన్ వస్తోందని తెలిపారు. శేరిలింగంపల్లిలో గతంలో పనిచేయడం జరిగిందని, ఖైరతాబాద్ కు ప్రస్తుతం వచ్చినట్లు, పాత బిల్డింగ్ కు మరమ్మత్తులు చేసుకోవడం జరిగిందన్నారు. హౌజింగ్..తదితర లోన్లకు సంబంధించిన పత్రాలను ఏసీబీ అధికారులకు తెలియచేయడం జరుగుతోందని తెలిపారు.
మరి ఈ అధికారి అక్రమంగా సంపాదించారా ? లేక సక్రమంగానే సంపాదించారా ? విచారణలో తేలనుంది. 

11:57 - June 16, 2016

హైదరాబాద్‌ : నగరంలో భారీ అవినీతి తిమింగలం ఏసీబీ అధికారులకు దొరికింది. మాదాపూర్‌లో డైరెక్టర్‌ ఆఫ్ ఫ్యాక్టరీస్‌ అధికారిగా పనిచేస్తున్న విజయ్‌కుమార్‌ ఇంట్లో ఏసీబీ అధికారులు సోదాలు జరిపారు. విజయ్‌కుమార్‌కు ఆదాయానికి మించి సుమారు 40 కోట్ల అక్రమాస్తులను కూడబెట్టినట్లు అధికారులు గుర్తించారు. హైదరాబాద్‌లోని అలకాపురి, నల్లకుంటలో రెండు ఇండ్లు, మాదాపూర్‌లో ఓ ప్లాటు, హయత్‌నగర్‌లో 2 ఎకరాలు, ఆదిభట్లలో 4 ఎకరాలు, ఇబ్రహీంపట్నంలో 3 ఎకరాల స్థలాలు ఉన్నట్లు ఏసీబీ అధికారులు గుర్తించారు. అంతేకాదు విజయ్‌కుమార్‌ భార్య పేరిట పలు కంపెనీలు కూడా ఉన్నట్లు అధికారులు గుర్తించారు. 

16:10 - January 8, 2016

న్యూఢిల్లీ: తమిళనాడు సీఎం, అన్నాడీఎంకే అధినేత్రిజయలలితకు మరో ఎదురుదెబ్బ తగలింది. అక్రమ ఆస్తుల కేసులో తమిళనాడు సీఎంను నిర్దోషిగా ప్రకటించిన తీర్పును కర్ణాటక ప్రభుత్వం సవాల్ చేసింది. ఈ మేరకు కర్ణాటక ప్రభుత్వం వేసిన పిటిషన్‌ను సుప్రీంకోర్టు శుక్రవారం విచారణకు స్వీకరించింది. ఆదాయానికి మించి అక్రమ ఆస్తులు కూడబెట్టారన్న ఆరోపణల కేసులో జయలలితను నిర్దోషిగా నిర్ణయిస్తూ కర్ణాటక హైకోర్టు ఇచ్చిన తీర్పును కర్ణాటక సర్కారు సుప్రీంకోర్టులో సవాల్ చేసింది. ఈ పిటిషన్‌ను విచారణకు స్వీకరించిన సుప్రీం ధర్మాసనం ఫిబ్రవరి 2 నుంచి విచారణ జరపాలని నిర్ణయించింది. జయ అక్రమ ఆస్తుల కేసులో సుదీర్ఘకాలం పాటు విచారణ ఎదుర్కొని ఇటీవలే నిర్దోషిగా బయటపడ్డారు. కర్ణాటక హైకోర్టు జయలలితకు అనుకూలంగా తీర్పు వెలువరించడంతో ఆమె ఊపిరి పీల్చుకున్నారు. కాగా త్వరలో అసెంబ్లీ ఎన్నికలు జరగనున్న నేపథ్యంలో సుప్రీం నిర్ణయం పురుచ్చిత్తలైవికి ఒకింత ఇబ్బందికర పరిణామంగా మారే అవకాశం ఉంది.


 

13:25 - January 8, 2016

చెన్నై : తమిళనాడు జనం 'అమ్మ'గా ఆరాధించే అన్నాడీఎంకే అధినేత్రి, తమిళనాడు రాష్ట్ర ముఖ్యమంత్రి జయలలిత అక్రమాస్తుల కేసు సర్వోన్నత న్యాయస్థానం గడప తొక్కింది. అక్రమాస్తుల కేసులో జయలలితను కష్టాలు వీడేలా లేవు. ఈ విషయంలో బెంగళూరు హైకోర్టు తీర్పుపై కర్నాటక ప్రభుత్వం వేసిన పిటిషన్ ను సుప్రీంకోర్టు విచారణకు స్వీకరించింది. ఈ కేసులో జయను దోషిగా తేల్చిన పరప్పణ అగ్రహార ప్రత్యేక కోర్టు ఆమెకు రూ. 100 కోట్ల జరిమాన, నాలుగేళ్ల జైలు శిక్ష విధించిన సంగతి తెలిసిందే. దీనిపై జయలలిత కర్నాటక హైకోర్టుకు వెళ్లింది. ఎలాంటి ఆధారాలు లేవని కేసును కోర్టు కొట్టివేసింది. ఈ తీర్పుపై షాక్ తిన్న కర్నాటక ప్రభుత్వం సుప్రీంకోర్టులో పిటిషన్ దాఖలు చేసింది. ఈ పిటిషన్ ను విచారణకు స్వీకరిస్తూ నిర్ణయం తీసుకుంది. వచ్చే నెల అంటే ఫిబ్రవరి 2వ తేదీ నుండి కేసు విచారణనను ప్రారంభించనున్నట్లు సుప్రీం ప్రకటించింది. 

  • 1991-96 మధ్య జయలలిత సీఎంగా ఉన్న సమయంలో రూ.66 కోట్ల మేర అక్రమాస్తులు సంపాదించినట్లు 1997లో డీఎంకే కేసు పెట్టింది.
  • తదనంతరం జరిగిన పరిణామాల మధ్య ఈ కేసును కర్నాటక స్పెషల్ కోర్టుకు బదిలీ చేశారు.
  • జయలలితకు నాలుగేళ్ల జైలు శిక్ష, రూ.100 కోట్ల జరిమాన విధించిన స్పెషల్ కోర్టు తీర్పును కర్నాటక హైకోర్టు కొట్టివేసింది.
  • దీనితో ఎనిమిది నెలల జైలు శిక్ష తరువాత జయలలిత నిర్దోషిగా బయటపడింది.
  • అనంతరం సీఎంగా జయలలిత బాధ్యతలు స్వీకరించింది.
  • తరువాత ఆర్కే నగర్ లో జరిగిన ఉప ఎన్నికల్లో గెలుపొందారు. 
10:35 - November 27, 2015

విజయవాడ : సీఆర్‌డీఏ ఏడీఎం సాయికుమార్‌ ఇంట్లో మరోసారి ఏసీబీ సోదాలు నిర్వహిస్తోంది. 7 బ్యాంక్‌ అకౌంట్ల పత్రాలు, 4 ఇళ్లకు సంబంధించిన కాగితాలు, 10 లక్షల నగదు స్వాధీనం చేసుకుంది. మూడంతస్థుల భవనం కూడా ఉన్నట్లు అధికారులు గుర్తించారు. ఈ నెల 16వ తేదీన సాయికుమార్‌పై ఏసీబీ దాడులు చేసింది. కేసు కూడా నమోదు చేశారు. అంతే కాకుండా కాసేట్లో ఏసీబీ అధికారులు మీడియా సమావేశం నిర్వహించి పూర్తి వివరాలు వెల్లడించనున్నట్లు సమాచారం.

 

Pages

Don't Miss

Subscribe to RSS - అక్రమాస్తులు