అత్యాచారం

16:14 - September 15, 2018

హైదరాబాద్ : నిర్భయలాంటి ఎన్ని చట్టాలొచ్చినా మహిళలు, బాలికలపై అఘాయిత్యాలు ఆగడం లేదు. అనునిత్యం ఆడపిల్లలపై లైంగిక వేధింపులు, అత్యాచారాలు జరుగుతూనే ఉన్నాయి. కామాంధులు చిన్నపిల్లలను సైతం వదలం లేదు. రోజు రోజుకూ మానవత్వం మంటగలిసి పోతోంది. హైదరాబాద్ లో దారుణం జరిగింది. కామంతో కళ్లు మూసుకుపోయినా ఓ కామపిశాచి బాలికపై అత్యాచారానికి పాల్పడ్డాడు. నగరంలోని ఆజాన్ ఇంటర్నేషన్ స్కూల్ లో ఐదేళ్ల బాలికపై స్కూల్ ఉద్యోగి జిలానీ అత్యాచారం చేశాడు. బాలిక తల్లిదండ్రులు పోలీసులు ఫిర్యాదు చేశారు. బాలికను నీలోఫర్ ఆస్పత్రికి తరలించారు. స్కూల్ ఎదుట బాలిక బంధువులు ఆందోళనకు దిగారు. నిందితున్ని ఉరితీయాలంటూ ఆందోళన చేపట్టారు.  

 

10:57 - August 24, 2018

రంగారెడ్డి : మానవత్వం మంటగలిసిపోతుంది. వావివరసలు లేకుండా అత్యాచారాలకు పాల్పడుతున్నారు. రక్షించే తండ్రే భక్షించాడు. కాపాడాల్సిన తండ్రే కాటేశాడు. కన్నతండ్రే కామాంధుడయ్యాడు. స్వంత కూతుళ్లపై కన్నేశాడు. జిల్లాలోని శంషాబాద్‌లో దారుణం చోటు చేసుకుంది. సభ్య సమాజం తలదించుకునే ఘటన చోటుచేసుకుంది. ఏడాదిగా ఇద్దరు కూతుళ్లపై తండ్రి అత్యాచారానికి పాల్పడుతున్నాడు. హైమద్‌నగర్‌లోని ఓ అపార్ట్‌మెంట్‌లో సెక్యూరిటీ గార్డుగా పని చేస్తున్న తండ్రి రాజ్‌బహదూర్‌.. అప్పుడప్పుడు ఇంటికి వచ్చినప్పుడు ఈ అఘాయిత్యానికి పాల్పడినట్లు తల్లి చెబుతోంది. దీనిపై ఎయిర్‌పోర్ట్‌ పోలీసులకు తల్లి ఫిర్యాదు చేసింది. నిందితుడిని పోలీసులు అదుపులోకి తీసుకున్నట్లు తెలుస్తోంది. మరిన్ని వివరాలను వీడియోలో చూద్దాం.... 

 

21:07 - August 23, 2018

అనంతపురం : సమాజంలో మానవత్వం మంటగలిసిపోతోంది. మరోపక్క మానవ విలువలు, మానవ సంబంధాలు అడుగంటిపోతున్నాయి. వావి వరుసలు మరచిపోయి పశువుల్లా ప్రవర్తిస్తున్న సందర్భాలు సమాజంలో వెలుగు చూస్తున్నాయి. కన్న కుమార్తెలపై..స్వంత అక్క చెల్లెళ్లపై అత్యాచారానికి పాల్పడి కామాంధులు సభ్యసమాజాన్ని తలదించుకునేలా చేస్తున్నాయి. ఈ నేపథ్యంలో కన్నతల్లిలా భావించాల్సిన వదినపై మరిది అత్యాచారానికి యత్నించాడు. దీంతో షాక్ తిన్న ఆమె తీవ్రంగా ప్రతిఘటించింది. ఈ విషయం బైటకు చెబుతుందనే భయంతో వదిన గొంతు కోసాడు. ఆపై తాను కూడా మణికట్టు కోసుకుని ఆత్మహత్యకు యత్నించాడు. ఇద్దరి పరిస్థితి విషమంగా వుండటంతో స్థానికి ఇద్దరిని ఆసుపత్రికి తరలించి చికిత్సనందిస్తున్నారు. ఈ ఘటన ఆదర్శనగర్ లో చోటుచేసుకుంది.

11:03 - August 23, 2018

కర్నూలు : కామాంధులు రెచ్చిపోతున్నారు. వావి వరసలు మరవడం..మానవత్వం లేకుండా ప్రవర్తించడం చేస్తున్నారు. ఏమి తెలియని బాలికలపై మృగాళ్లు దారుణంగా ప్రవర్తిస్తున్నారు. తాజాగా ఓ 51 ఏళ్ల వ్యక్తి బాలిక (14) పై అత్యాచారానికి పాల్పడుతూ వస్తున్నాడు. ఫలితంగా ఆమె గర్భవతి కావడంతో వ్యవహారం బయటకొచ్చింది. ఆ వ్యక్తి కానిస్టేబుల్ భర్త కావడం ఇక్కడ గమనార్హం. రామలింగేశ్వర్ నగర్ లో కానిస్టేబుల్ భర్త శివరామిరెడ్డి నివాసం ఉంటున్నాడు. ఇతని ఇంట్లో ఓ బాలిక పని చేస్తోంది. ఈమెపై కన్నేసిన శివరామిరెడ్డి తరచూ అత్యాచారానికి పాల్పడుతూ వస్తున్నాడు. మత్తు మందు కలిపిన బిస్కెట్లు ఇచ్చి అత్యాచారం చేశాడు. మృగంలా ప్రవర్తించాడు. బాలిక ప్రస్తుతం రెండు నెలల గర్భవతి. మత్తు బిస్కెట్లు ఇచ్చి శారీరకంగా..మానసికంగా.. హింసిస్తున్నాడని కుటుంబసభ్యులు ఫిర్యాదు చేస్తున్నారు. గత ఐదారు నెలలుగా ఈ ఘోరం జరుగుతోందని...విషయం బయటకు చెబితే ఏమవుతుందోనని బాలిక తల్లిదండ్రులు యోచించినట్లు సమాచారం. చివరకు డీసీపిని తల్లిదండ్రులు ఆశ్రయించారు. పోలీసులు నిందితున్ని అదుపులోకి తీసుకున్నారు. 

 

10:07 - August 9, 2018

మధ్యప్రదేశ్‌ : సాధారణంగా అత్యాచారం కేసుల్లో సంవత్సరాల తరబడి జాప్యం జరగటం..ఈలోగా నిందితులు చట్టంలో వున్న బలహీనతలను..లొసుగులను ఆసరాగా చేసుకుని తప్పించుకుంటుంటారు. దీంతో నిందితులు హాయిగా సభ్య సమాజంలో తిరగుతు..మరిన్ని నేరాలకు పాల్పడుతున్నారు. ఇటువంటి జాప్యం తగదనీ..నిందుతులపై సమగ్ర విచారణ జరిపి కఠిన శిక్షలను అమలు చేయాలని మహిళా సంఘాలు, స్వచ్ఛంధ సంస్థలు డిమాండ్ చేస్తునే వున్నాయి, పోరాడుతునే వున్నాయి. మహిళలపై నేరాలకు పాల్పడుతున్నవారు..ముఖ్యంగా బాలికలపై..యువతులు..మహిళలపై అత్యాచారాలకు పాల్పడుతున్న కేసులు వేలాది పెండింగ్ లో వున్న దాఖలాలు కోకొల్లలుగా వున్నాయి. మహిళలపై జరుగుతున్న నేరాల విషయంలో ఫాస్ట్ ట్రాక్ కోర్టులను నియమించి విచారణ వేగవంతం చేస్తే నిందితులు తప్పించుకునే అవకాశం వుండదు..పైగా శిక్షలను కూడా వెంటనే అమలు చేయటంతో సమాజంలో ఒక భయం అనేది ఏర్పడి నేరాల సంఖ్య నియంత్రించే అవకాశం కూడా లేకపోలేదు. విచారణలో సమగ్రత..శిక్షల అమలులో చిత్తశుద్ది కలిగి వుండాల్సిన అవసరం ఎంతైనా వుంది. ఆరేళ్ల పసిమొగ్గపై అత్యాచారానికి పాల్పడిన ఓ పశువును కేవలం మూడు రోజుల్లో విచారణ చేసి జీవిత ఖైదును విధించి సంచలన తీర్పునిచ్చింది న్యాయస్థానం.
కేవలం మూడు రోజుల్లోనే అత్యాచార నిందితుడికి జీవిత ఖైదు..
దేశ చరిత్రలో బహుశా ఇదే అత్యంత వేగవంతమైన తీర్పు అయివుండవచ్చు. కేసును విచారించిన కోర్టు కేవలం మూడు రోజుల్లోనే శిక్ష విధించింది. ఆరేళ్ల బాలికపై అత్యాచారం కేసులో నిందితుడిని దోషిగా తేల్చిన కోర్టు జీవితకాల శిక్ష విధించింది. మరణించే వరకు అతడిని జైల్లోనే ఉంచాలని న్యాయస్థానం ఆదేశించింది. మధ్యప్రదేశ్‌లోని దాతియా కోర్టు ఈ సంచలన తీర్పును వెలువరించింది.
వివాహానికి వచ్చిన బాలికకు మాయమాటలు చెప్పి అత్యాచారం..

ఉత్తరప్రదేశ్‌లోని ఝాన్సీకి చెందిన మోతిల్ అతిర్వార్ అనే 24 సంవత్సరాల మృగాడు ఈ ఏడాది మే 29న ఆరేళ్ల బాలికపై అత్యాచారానికి పాల్పడ్డాడు. మధ్యప్రదేశ్ లోని దాతియా పట్టణానికి ఓ వివాహ కార్యక్రమానికి బంధువులతో కలిసి వచ్చిన చిన్నారిపై పువ్వులు ఇస్తానని చెప్పి నమ్మించిన అతిర్వార్ సమీపంలోని ప్రభుత్వ స్కూలులోకి తీసుకెళ్లి అత్యాచారానికి పాల్పడ్డాడు. దీంతో ఆ చిన్నారి అపస్మారక స్థితిలోకి వెళ్లిపోయింది. కుమార్తె కనిపించక తల్లడిల్లిన తల్లిదండ్రులు వెతగ్గా..వెతగ్గా..బాలిక జాడ తెలిసింది. కుమార్తెను ఆ స్థితిలో చూసిన ఆ తల్లిదండ్రుల గుండెలు అవిసేలా రోదించారు. వెంటనే ఆసుపత్రికి తరలించగా చిన్నారిపై అత్యాచారం జరిగినట్టు వైద్యులు తెలపటంతో పోలీసులు ఆ విషయాన్ని దృవీకరించారు. ఈ విషయాన్ని దాతియా సూపరింటెండెంట్ ఆఫ్ పోలీస్ మయాంక్ అవస్థి అధికారికంగా వెల్లడించారు.
తల్లిదండ్రుల ఫిర్యాదుతో కేసు నమోదు..అరెస్ట్..విచారణ..శిక్ష..
కుమార్తెకు జరిగిన అన్యాయాన్ని, హింసను తట్టుకోలేని ఆ తల్లిదండ్రులు ఆవేదన చెందారు. నిందితుడికి కఠినంగా శిక్షించాలని డిమాండ్ చేస్తు.. ఫిర్యాదు చేసారు. కేసు నమోదు చేసుకున్న పోలీసులు 24 గంటల్లోనే నిందితుడిని అదుపులోకి తీసుకున్నారు. పోస్కో చట్టం కింద అతడిపై కేసు నమోదు చేశారు. ఈ కేసును విచారించిన కోర్టు కేవలం మూడు రోజుల్లోనే విచారణ పూర్తిచేసి దోషికి శిక్ష విధించింది.
పోలీస్ శాఖ..న్యాయశాఖ సమన్వయంతో నేరాలను అరికట్టే చర్యలు..
పోలీసులు..న్యాయస్థానం చిత్తశుద్ధి వుంటే ఇటువంటి కేసులను తక్కువ వ్యవధిలోనే ఛేదించవచ్చు..అందునా ఇప్పుడు అందుబాటులో వుండే టెక్నాలజీతో మరింత సమర్థవంతంగా..ఈజీగా కేసులను ఛేదించవచ్చు. విచారణలో చిత్తశుద్ధి..వేగవంతం..శిక్షలు వేయటంలో నిబద్ధత వుంటే నేరాల సంఖ్యల తగ్గుతుందటంలే సందేహం లేదు..అదే విచారణలో చిత్తశుద్ధి..నేరస్థుల పట్ల కఠిన వైఖరి వుంటే భారత్ లో మహిళలపై జరుగుతున్న నేరాలు సంఖ ఇంత దారుణంగా పెరిగే అవకాశం వుండదని న్యాయ నిపుణులు కూడా అభిప్రాయపడుతున్నారంటే అది ఎంతటి వాస్తవమో అర్థం చేసుకోవచ్చు. కాగా ఇప్పటికైనా పోలీసు యంత్రాంగా..న్యాయస్థానాలు సమన్వయంతో..చిత్తశుద్ధితో వ్యవహరిస్తే..ఇటువంటి చిన్నారులు జీవితాలు మొగ్గలోనే వసివాడకుండా అరికట్టవచ్చు..మరోవైపు రాజకీయ నాయకులు తమ అధికారాలను వినియోగించి నిందితులను తప్పించే ఆలోచనలను మానుకోవాలి..ప్రజలతో ఎన్నుకోబడిన నాయకులు ఆ ప్రజలకు జరుగుతున్న అన్యాయాలను..వారిపై జరుగుతున్న అఘాయితాలకు బాధ్యత వహించాలనే రాజ్యాంగ స్ఫూర్తిని అలవరచుకోవాల్సిన అవసరముంది.

19:39 - August 2, 2018

బీహార్ : ముజఫర్‌పూర్‌ బాలికల వసతి గృహంలో జరిగిన అత్యాచారాలకు నిరసనగా వామపక్షాలు బిహార్‌ బంద్‌కు  పిలుపు ఇచ్చాయి. ఈ బంద్‌కు ఆర్జేడీ, కాంగ్రెస్‌ కూడా మద్దతు తెలిపాయి. వామపక్షాలు చేపట్టిన బంద్‌ రాష్ట్రవ్యాప్తంగా  తీవ్ర ప్రభావం చూపింది. బిహార్‌లో స్కూళ్లు, కాలేజీలు, షాపులు మూతపడ్డాయి. జహానాబాద్‌, గయ, నలందా తదితర ప్రాంతాల్లో సిపిఐఎం కార్యకర్తలు రైలురోకో నిర్వహించారు.  ప్రభుత్వానికి వ్యతిరేకంగా నినాదాలు చేశారు. చిన్నారులపై లైంగిక దాడి ఘటనకు బాధ్యత వహిస్తూ ముఖ్యమంత్రి నితీష్‌ కుమార్‌ రాజీనామా చేయాలని విపక్షాలు డిమాండ్‌ చేశాయి. వామపక్షాల కార్యకర్తలను పోలీసులు అడ్డుకున్నారు. ముజఫర్‌పూర్‌కు చెందిన ఎన్జీవో సేవా సంకల్ప్‌ ఇవాం వికాస్‌ సమితి నిర్వహిస్తున్న వసతి గృహంలో 34 మంది బాలికలపై అత్యాచారాలు జరగడం దేశవ్యాప్తంగా సంచలనం సృష్టించింది.  నిర్వాహకులు, అధికారులు, పలువురు నేతలు బాలికలకు మత్తుమందు ఇచ్చి అత్యాచారం జరిపారు. జూన్‌లో ముంబైకి చెందిన టాటా ఇనిస్టిట్యూట్‌ ఆఫ్‌ సోషల్‌ సైన్సెస్‌ సంస్థ చేపట్టిన సామాజిక ఆడిట్‌లో ఈ దారుణం వెలుగుచూసింది. 

 

15:24 - July 23, 2018

బీహార్ : అభం శుభం తెలియని చిన్నారులు..అమ్మ వెచ్చని ఒడినుండి అప్పుడప్పుడే సమాజంలోకి అడుగిడిన నినులేత పసిమొగ్గలు వారు. సమాజం అంటే ఏమిటో..దానిలోవుండే మంచి చెడ్డలంటే ఏమిటో..మంచి ఏమిటో చెడు ఏమిటో తెలియని అమాయకులు వారు. అమ్మ పెట్టిన బువ్వ తిని నాన్న చేయి పట్టుకుని జీవితం అంటే ఏమిటో తెలుసుకోవాల్సిన సమయంలోనే వారు ఓ ఘోరకలికి బలైపోయారు. పసి మొగ్గలను చిదిమేసిన రాక్షసుల కబంధ హస్తాలకు బలైపోయారు. తమపై జరిగిన దారణాన్ని కూడా అర్థం చేసుకోలేని ఆ చిన్నారులు భరించలేని హింసకు బలైపోయారు. విధిలేని పరిస్థితుల్లో..దిక్కు తోచని దుస్థితిలో సంరక్షాణాలయం అనే ఓ నరకంలో చేరుకుని ఊహించని హింసకు గురవతున్నారు ఆ చిన్నారులు..తలచుకుంటేనే ఒళ్లు గగుర్పొడిచే వాస్తవాలకు కొందరు సజీవ సాక్షులుగా మిగిలితే..మరికొందరు నిర్జీవులుగా మారిపోయారు. దీనికి కారణం ఎవరు? నేతలా? సమాజమా? కుళ్లిపోతున్న మానవత్వమా?  దీనికి బాధ్యలు ఎవరనేది పక్కన పెడితే వారి జీవితాలను కాలరాసే హక్కు ఎవరిచ్చారు? బాలికాభ్యుదయం, మహోభ్యుదయం అని జబ్బలు చరుచుకునే పాలకులు ఈ ఘోరకలికి బాధ్యత వహిస్తారా?..

బాధితులపై ఉపాధ్యాయురాలి అరాచకం..
ఉత్తరప్రదేశ్ లోని ముజఫర్ పూర్ లో ఉన్న అత్యాచార బాధితుల సంరక్షణా కేంద్రంలో ఓ కేసును ఛేదించేందుకు వెళ్లిన పోలీసులకు షాక్ కలిగించే ఘోరకలి వెలుగు చూసింది. షెల్టర్ హోంలో అత్యాచారానికి గురైన అమ్మాయిల మృతుల కేసును ఛేదించేందుకు వెళ్లిన పోలీసులకు మరిన్ని షాకింగ్ నిజాలు తెలిశాయి. గత కొంతకాలంగా 40 మంది మైనర్ బాలికలు ఆశ్రయం పొందుతున్నారు. వారిపై అకృత్యాలకు పాల్పడుతున్న సంఘటనలు వెలుగులోకి వచ్చాయి. దీంతో పోలీసులు సైతం షాక్ కి గురయ్యారు. అత్యాచార బాధిత బాలికలను బలవంతంగా బట్టలూడదీయించి, నగ్నంగా పడుకోబెడుతున్న ఘోర సంఘటనలు వెలుగులోకి వచ్చాయి. వారు నిద్ర పోవాలంటే బట్టలు విప్పితేగానీ నిద్రపోనివ్వటంలేదని పోలీసుల విచారణలో గుర్తించారు. అక్కడ పనిచేసే కిరణ్ అనే ఉపాధ్యాయురాలు ఈపని చేయిస్తోందని, ఆమె కూడా వారితోపాటు నగ్నంగా నిద్రిస్తోందని పోలీసు వర్గాలు వెల్లడించాయి.

అత్యాచార బాధిత బాలిక హత్య..

సంరక్షణాలయం అధికారులకు సహకరించలేదన్న ఆగ్రహంతో ఓ బాధితురాలిని కొట్టి చంపారన్న ఆరోపణలపై సోదాలకు వెళ్లిన పోలీసులకు షెల్డర్ హోంలో ఆశ్రయం పొందుతున్న అమ్మాయిలు భయంకర వాస్తవాలను వివరించటంతో పోలీసులు ఆశ్చర్యపోయారు. ఓ అమ్మాయిని చంపి మృతదేహాన్ని అదే ప్రాంతంలో నాలుగ్గోడల మధ్య పాతి పెట్టారనే సమాచారంతో పోలీసులు విచారణ ప్రారంభించారు. ఈ నేపథ్యంలో హెల్డర్ హోంలో పలువురిని అరెస్ట్ చేసి విచారణ ముమ్మరం చేశారు.

నెల రోజుల క్రితం వెలుగులోకి వచ్చిన ముజఫర్ పూర్ ఘటన..
దాదాపు నెల రోజుల క్రితం ముజఫర్ పూర్ షెల్టర్ హోమ్ ఉదంతం వెలుగులోకి వచ్చింది. దీంతో ప్రభుత్వ ఆదేశాల మేరకు కేసు పెట్టిన పోలీసులు హోమ్ స్టాఫ్ మెంబర్స్, ప్రభుత్వ ఉద్యోగులు సహా మొత్తం 10 మందిని ఇప్పటివరకూ అరెస్ట్ చేశారు. అక్కడున్న బాధితులను వేరే జిల్లా షెల్టర్లకు తరలించారు. గత మార్చి నుంచి ముజఫర్ పూర్ షెల్టర్ హోమ్ లోని 40 మంది మైనర్ బాలికలను రాజకీయ నాయకులు, అధికారులు వాడుకున్నారని..వారిలో కొందరు బాలికలకు అబార్షన్లు కూడా చేయించారని..కానీ వారిపై ఎలాంటి చర్యలూ తీసుకోలేదనే ఆరోపణలకు కూడా వస్తుండటం మరో ఘోరకలికి నిదర్శనంగా కనిపిస్తోంది. 

18:50 - July 17, 2018

చెన్నై : మైనర్ బాలికపై అత్యాచారం చేసిన నిందితులను పోలీసులు చెన్నై కోర్టులో ప్రవేశపెట్టారు. నిందితులపై న్యాయవాదులు దాడికి పాల్పడ్డారు. దీంతో కోర్టులో ఉద్రిక్తత వాతావరణం నెలకొంది. చెన్నైలో 13 ఏళ్ల అంగవైకల్యం గల బాలికపై 7 నెలలుగా 18 మంది అత్యాచారానికి పాల్పడుతున్నారు. బాలికకు మత్తు మందు ఇచ్చి... లిఫ్టులు, బాత్‌రూమ్‌లలో ఈ అఘాయిత్యానికి పాల్పడ్డారు. బాలిక అనారోగ్యానికి గురి కావడంతో విషయం బయటపడింది. దీంతో తల్లిదండ్రులు పోలీసులకు ఫిర్యాదుచేశారు. 17 మంది నిందితులను పోలీసులు అదుపులోకి తీసుకుని విచారిస్తున్నారు. అత్యాచారానికి పాల్పడిన వారిలో సెక్యూరిటీ గార్డులు, ఇళ్లల్లో పని చేసే వాళ్లు ఉన్నారు. 

17:31 - July 17, 2018

చెన్నై : ఐనవరంలో దారుణం జరిగింది. 13 ఏళ్ల అంగవైకల్యం గల బాలికపై 7 నెలలుగా 18 మంది అత్యాచారానికి పాల్పడుతున్నారు. బాలికకు మత్తు మందు ఇచ్చి... లిఫ్టులు, బాత్‌రూమ్‌లలో ఈ అఘాయిత్యానికి పాల్పడ్డారు. బాలిక అనారోగ్యానికి గురి కావడంతో విషయం బయటపడింది. దీంతో తల్లిదండ్రులు పోలీసులకు ఫిర్యాదుచేశారు. 17 మంది నిందితులను పోలీసులు అదుపులోకి తీసుకుని విచారిస్తున్నారు. అత్యాచారానికి పాల్పడిన వారిలో సెక్యూరిటీ గార్డులు, ఇళ్లల్లో పని చేసే వాళ్లు ఉన్నారు. 

 

19:51 - June 6, 2018

ఖమ్మం : సత్తుపల్లి మండలం రుద్రాక్షపల్లిలో జరిగిన దారుణం ఆలస్యంగా వెలుగులోకి వచ్చింది. క్షుద్ర పూజలు చేసి ఓ ఇంట్లో లంకెబిందెలు తీస్తామని నమ్మించి బాలింతపై అత్యాచారం చేసాడు ఓ మంత్రగాడు... విషయం తెలుసుకున్న స్థానికులు మంత్రగాడు నక్ష్మీనర్సయ్య, అతని అనుచరున్ని కరెంట్‌ పోల్‌కు కట్టేసి దేహశుద్ది చేశారు.

Pages

Don't Miss

Subscribe to RSS - అత్యాచారం