అనంతపురం

18:22 - June 16, 2018

అనంతపురం : రాజకీయంగా పరిటాల కుటుంబాన్ని ఎదుర్కోలేకనే ప్రత్యర్దులు తనపై అసత్య ప్రచారం చేస్తున్నారని తెలుగుదేశం యువనాయకుడు పరిటాల శ్రీరాం మండిపడ్డారు. వారి కుట్రలో భాగంగానే తనను ఓ ఫ్యాక్షనిస్టుగా, కబ్జాదారునిగా చిత్రీకరిస్తున్నారని.. తన ఫ్యామిలీకి అత్యంత సన్నిహితుడైన చమన్‌ చనిపోతే కూడా తామే చంపామంటూ ఆరోపణలు చేయడం తీవ్రంగా కలిచివేసిందని అన్నారు. 

16:49 - June 14, 2018

అనంతపురం : జీవో 151ను అమలు చేయాలని డిమాండ్ చేస్తూ కార్మిక సంఘాల నాయకులు అనంతపురం కార్పొరేట్‌ కార్యాలయం ఎదుట నిరసన చేపట్టారు. మున్సిపల్ కార్మికుల సమస్యలను ప్రభుత్వం వెంటనే పరిష్కరించాలని డిమాండ్ చేస్తూ ఆందోళన నిర్వహించారు. ప్రభుత్వం అనేక హామీలను విస్మరించిందని సీపీఎం నాయకులు మండిపడ్డారు. ఆందోళనకారులను పోలీసులు అరెస్టు చేశారు. పోలీసుల లాఠీచార్జీలో ఇద్దరు మహిళలు అసుపత్రిలో చికిత్స పొందుతున్నారని కార్మికులు ఆవేదన వ్యక్తం చేశారు. కార్మికులపై దాడి చేస్తే పెద్ద ఎత్తున ఉద్యమాలు చేస్తామని కార్మిక సంఘాల నేతలు ప్రభుత్వాన్ని హెచ్చరించారు. 

16:41 - June 13, 2018

అనతంపురం : జిల్లాలోని మడకశిర నియోజకవర్గంలో మంత్రి లోకేశ్ పర్యటించారు. ఈ సందర్భంగా ఆయన మాట్లాడుతు..రైతన్నలకు బీమా కల్పించిన ఘనత టీడీపీదేనని లోకేశ్ తెలిపారు. 16వేల కోట్ల లోటు బడ్జెట్ తో ఏపీని విభజించారని లోకేశ్ పేర్కొన్నారు. ఇంత లోటులో వున్నాగానీ రుణమాఫీని చేసిన ఘనత సీఎం చంద్రబాబు నాయుడిగారిదేనన్నారు. టీడీపీ అధికారంలోకి వచ్చాక పెన్షన్లను కూడా రూ.200ల నుండి రూ.1000కి పెంచామన్నారు. పెట్టుబడి సాగుచేస్తే..ఎకరానికి మిగిలేంత నగదును పెన్షన్ రూపంలో టీడీపీ ప్రభుత్వం ఇస్తోందన్నారు. స్వాతంత్ర్యం వచ్చిన తరువాత లేని విధంగా పంచాయితీరాజ్ వ్యవస్థ ద్వారా అభివృద్ది చేశామని మంత్రి లోకేశ్ తెలిపారు.  

19:32 - June 12, 2018

అనంతపురం : రైతాంగ సమస్యలను పరిష్కారించాలని సీపీఎం ఆధ్వర్యంలో.. రెండు రోజులుగా అనంతపురం జిల్లా కలెక్టర్‌ కార్యాలయం వద్ద చేపట్టిన సత్యాగ్రహం నిరసన ఉద్రిక్తంగా మారింది. ఆందోళనకారులు పోలీసుల మధ్య తోపులాట జరిగింది. జిల్లావ్యాప్తంగా రైతుల నుంచి సేకరించిన లక్ష సంతకాల పత్రాలను జిల్లా కలెక్టర్‌కు నేరుగా అందించేందుకు ఆందోళనకారులు ప్రయత్నించగా పోలీసులు అడ్డుకున్నారు. ఈ నిరసన కార్యక్రమంలో సీపీఎం జిల్లా కార్యదర్శులు రాంభూపాల్‌, ఇంతియాజ్‌ , రాష్ట్ర రైతు సంఘం అధ్యక్షుడు పెద్దిరెడ్డిలు పాల్గొన్నారు. ప్రభుత్వం నుంచి సానుకూలమైన స్పందన రాకపోతే జిల్లా స్తంభనకు పూనకుంటామన్నారు సీపీఎం నేతలు. 

17:05 - June 10, 2018

అనంతపురం : విత్తనాల కోనుగోలుకు రైతుల వద్ద డబ్బు లేదని ప్రభుత్వం అన్నదాతలను ఆదుకోవాలని సీపీఎం జిల్లా కార్యదర్శి రాంభూపాల్‌ డిమాండ్ చేశారు. బకాయిలు విడుదల చేస్తే ప్రతి రైతుకు 75వేల రూపాయలు అందుతాయన్నారు. రైతు రుణమాఫీ చేసి రైతులను ఆదుకోవాలని డిమాండ్ చేశారు. పంటకు గిట్టుబాటు ధర కల్పించడానికి ముందస్తు చర్యలు చేపట్టాలని కోరారు. రేపు, ఎల్లుండి జిల్లా కలెక్టరేట్‌ వద్ద రైతు సత్యాగ్రహం చేపట్టనున్నట్లు రాంభూపాల్ తెలిపారు. 

15:46 - June 5, 2018

అనంతపురం : జిల్లా హిందూపురం మున్సిపల్‌ కార్యాలయం వద్ద కార్మికులు చేపట్టిన ధర్నా ఉద్రిక్తతకు దారి తీసింది. తమ సమస్యలు పరిష్కరించాలని డిమాండ్‌ చేస్తూ సీఐటీయూ ఆధ్వర్యంలో కార్మికులు ధర్నా చేపట్టారు. జీవో నంబర్‌ 279 ను రద్దు చేసి 151 జీవోను వెంటనే అమలు చేయాలని డిమండ్‌ చేశారు. మున్సిపల్‌ కార్యాలయాన్ని ముట్టడించేందుకు కార్మికులు యత్నించడంతో పోలీసులు రంగ ప్రవేశం చేశారు. దీంతో పోలీసులకు ఆందోళన కారులకు మధ్య తోపులాట జరిగింది. కొంత మంది ఆందోళన కారులను పోలీసులు అరెస్ట్‌ చేశారు. శాంతియుతంగా ఆందోళన చేస్తున్న తమపై పోలీసుల దౌర్జన్యాన్ని నిరసిస్తూ సీఐటీయూ నేతలు పోలీస్‌స్టేషన్‌ ముందు ధర్నాకు దిగారు. 

 

17:53 - May 30, 2018

అనంతపురం : టీడీపీ ఎంపీ జేసీ దివాకర్‌రెడ్డి దిష్టి బొమ్మ దహనం చేసేందుకు వైసీపీ ఎస్‌సీ సెల్‌ నాయకులు చేసిన ప్రయత్నం అనంతపురంలో ఉద్రిక్తతలకు దారితీసింది. విజయవాడలో జరిగిన టీడీపీ మహానాడులో వైసీపీ అధినేత జగన్‌పై... దివాకర్‌రెడ్డి చేసిన అనుచిత వ్యాఖ్యలను నిరసిస్తూ క్లాక్‌ టవర్‌ వద్ద జేసీ దిష్టిబొమ్మ దహనం చేసేందుకు వైసీపీ నాయకులు యత్నించారు. దీనిని పోలీసులు అడ్డుకుకోవడంతో ఇరువర్గాలకు మధ్య వాగ్వాదం జరిగి అరెస్టులకు దారితీసింది. కాగా నిన్న మహానాడు వేదికపై నుండి ఎంపీ జేసీ దివాకర్ రెడ్డి జగన్ పై పలు సంచలన వ్యాఖ్యలు చేసిన విషయం తెలిసిందే. ఈ వ్యాఖ్యలపై వైసీపీ భగ్గుమంది. జేసీ దివాకర్‌రెడ్డి దిష్టి బొమ్మ దహనం చేసేందుకు వైసీపీ ఎస్‌సీ సెల్‌ నాయకులు చేసిన ప్రయత్నం అనంతపురంలో ఉద్రిక్తతలకు దారితీసింది. 

06:26 - May 28, 2018

అనంతపురం : నగరంలోని జూనియర్‌ కాలేజీలో విషాదం జరిగింది. ఎగ్జిబిషన్‌లో జేయింట్‌వీల్‌ విరిగి ఆరేళ్ల చిన్నారి అమృత మృతి చెందింది. మరో ఆరుగురికి గాయాలయ్యాయి. వీరిని ఆస్పత్రికి తరలించారు.మరోవైపు అధికారులు దర్యాప్తు చేస్తున్నారు.  

10:00 - May 21, 2018

అనంతపురం : జిల్లాలో సీఎం చంద్రబాబు పర్యటించనున్నారు. రొద్దం మండలం తులకలపట్నం చెరువులో జలహారతి, ప్రత్యేక పూజలు నిర్వహించనున్నారు. అనంతరం, గ్రామంలోని ఎస్సీ కాలనీలో సీసీ రోడ్లకు భూమి పూజ చేస్తారు. ‘రచ్చబండ’ కార్యక్రమంలో పాల్గొన్న ప్రజలతో ముఖాముఖీ మాట్లాడతారు. ఈ సందర్భంగా నిర్వహించే ఓ బహిరంగ సభలో చంద్రబాబు ప్రసంగించనున్నారు. ఈ నేపథ్యంలో టీడీపీ నేతలు, అధికారులు తగిన చర్యలు తీసుకున్నారు. సీఎం రాక సందర్భంగా అధికారులు అన్ని ఏర్పాట్లు చేశారు. ఈ సందర్భంగా జిల్లాలోని అన్ని శాఖల అధికారులతో సమీక్ష నిర్వహించారు మంత్రి కాల్వ శ్రీనివాసులు.  

14:52 - May 20, 2018

అనంతపురం : జిల్లా గుత్తిలో దొంగలు రెచ్చిపోతున్నారు. వరుసగా పలు ఇళ్లల్లో దొంగతనాలకు పాల్పడుతున్నారు. గుత్తి- పత్తికొండ ప్రధాన రహదారి ప్రక్కన నివాసం ఉండే ప్రతాప్ రెడ్డి, నీలావతి ఇంట్లో భారీ చోరీ జరిగింది. ఇంట్లో ఉన్న 8 తులాల బంగారం, 30 వేల నగదును దోచుకెళ్లారు. బసినేపల్లి గ్రామంలోని గుత్తి ఎంపీపీ వీరభద్రయ్య ఇంట్లోనూ 2 తులాల బంగారం, 20 తులాల వెండి , పూజ సామగ్రిని అపహరించుకుపోయారు. ఇక ఆర్ఎస్‌లోని మెయిన్ రోడ్డు పక్కన ఉన్న లోకేష్ ఇంట్లో సుమారు 24 తులాల బంగారం, 2 లక్షల నగదు చోరీకి గురైనట్లు బాధితులు తెలిపారు. వరుస చోరీలతో ప్రజలు భయాందోళనకు గురవుతున్నారు.

Pages

Don't Miss

Subscribe to RSS - అనంతపురం