అనారోగ్యం

11:39 - January 27, 2018

తూర్పుగోదావరి : కాలుష్యం ఆ గ్రామాలను కమ్మేస్తోంది. గాలి, నీరు, కాలుష్యమయమవుతోంది. చెరువులు, కుంటలు, పంట పొలాలు నాశనమవుతున్నాయి. అభాగ్యుల ప్రాణాలు గాలిలో కలిసిపోతున్నాయి. ఎన్ని ఫిర్యాదులు చేసినా ప్రజాప్రతినిధులకు కానీ... అధికారుల కళ్లకు కనిపించడం లేదు. పశ్చిమగోదావరి జిల్లాలో సీతానగరం చుట్టుపక్కల గ్రామాలను కమ్మేస్తున్న గోద్రెజ్‌ కాలుష్యంపై 10టీవీ ప్రత్యేక కథనం.
పచ్చని పల్లెలపై పగబట్టిన కాలుష్యం
పచ్చని పల్లెలపై పగబట్టిన కాలుష్యం. తాగేనీటిలో కలుస్తున్న పరిశ్రమల వ్యర్థాలు. అంతు చిక్కని రోగాలతో అవస్థలు పడుతున్న ప్రజలు. ఎన్నిసార్లు ఫిర్యాదు చేసినా పట్టించుకోని ప్రజాప్రతినిధులు, అధికారులు. పశ్చిమగోదావరి జిల్లా అంటే.. పచ్చని పొలాలకు పుట్టినిల్లు. కానీ.. పారిశ్రామికీకరణ పేరుతో పల్లెల్లో పరిశ్రమలు పెడుతూ గ్రామస్తుల ప్రాణాలతో చెలగాటమాడుతున్నారు. పశ్చిమగోదావరి జిల్లా చింతలపూడి మండలం సీతానగరంలో కొన్నేళ్ల క్రితం గోద్రెజ్‌ ఫామాయిల్‌ ఫ్యాక్టరీని ఏర్పాటు చేశారు. ఆ ఫ్యాక్టరీలో ప్రతి రోజు వేల లీటర్ల నీటిని వాడుతుంటారు. వాడిన నీటిని శుద్ది చేసి చెరువుల మాదిరి ట్యాంక్‌లు ఏర్పాటు చేసి.. ఇంకిపోయేలా చేయాలి. కానీ ఫ్యాక్టరీ నిర్వాహకుల వాటినేమీ పట్టించుకోకుండా... వ్యర్థాలను పైపుల ద్వారా బయటకు వదులుతున్నారు. దీంతో వ్యర్థాలన్నీ సమీపంలోని చెరువుల్లో కలుస్తున్నాయి. ఆ చెరువులు నిండి.. ఇతర చెరువుల్లోకి వ్యర్థాలు చేరుతున్నాయి. 
ఫ్యాక్టరీ నుండి విడుదలయ్యే వ్యర్థాలు 
ఆ ఫ్యాక్టరీ నుండి విడుదలయ్యే వ్యర్థాలు నల్లగా ఉంటాయి. ఆ వ్యర్ధాలు చెరువుల్లో కలవడంతో... నీరంతా నల్లగా మారుతున్నాయి. దీంతో ఆ నీళ్లు ఎందుకు పనికిరాకుండా పోతున్నాయి. అంతేకాకుండా.. చెరువుల్లో ఆ వ్యర్ధాలు కలవడం వల్ల సమీప ప్రాంతాల్లోని భూగర్భ జలాలు కూడా కలుషితమవుతున్నాయి. ఇప్పటివరకు ఇక్కడ ఒక్కటే పరిశ్రమ ఉండేదని.. ఇప్పుడు మరో యూనిట్‌ ప్రారంభించేందుకు సన్నాహాలు జరుగుతున్నాయని గ్రామస్తులంటున్నారు. ఇప్పటికే ఫ్యాక్టరీ విడుదల చేస్తున్న వ్యర్థాలతో అనేక ఇబ్బందులు ఎదుర్కొంటున్నామని.. మరో యూనిట్‌ ఏర్పాటు చేస్తే తమ పరిస్థితి ఏంటని గ్రామస్తులు ఆవేదన వ్యక్తం చేస్తున్నారు. తమ సమస్యలపై ప్రజాప్రతినిధులకు, అధికారులకు ఎన్నిసార్లు ఫిర్యాదు చేసినా పట్టించుకునే నాధుడే లేడని గ్రామస్తులంటున్నారు. ఈ వ్యర్ధాల వల్ల తాము అంతుచిక్కని రోగాల బారిన పడడమే కాకుండా.. కొందరు ప్రాణాలు కోల్పోయిన పరిస్థితి కూడా ఉందంటున్నారు. 
పచ్చని గ్రామాల్లో కాలుష్యపు పడగ 
ఒక్క నీళ్లే కాదు.. దుర్గంధం, పొగతో గ్రామస్తులు నానా అవస్థలు పడుతున్నారు. అంతుచిక్కని రోగాలతో ప్రాణాలు వదులుతున్నారు. ఇప్పటివరకు ఒక్క యూనిట్‌ మాత్రమే ఉండగా... తాజాగా మరో యూనిట్‌ను ప్రారంభిస్తుండడంతో గ్రామస్తులు ఆందోళన చెందుతున్నారు. గోద్రెజ్‌ ఫామాయిల్‌ ఫ్యాక్టరీ విడుదల చేస్తున్న వ్యర్ధాలే కాకుండా.. పొగ, దుర్గంధంతో అనేక ఇబ్బందులు దుర్కొంటున్నామని గ్రామస్తులంటున్నారు. భూగర్బ జలాలన్నీ కలుషితం కావడంతో రోగాల బారిన పడుతున్నామని ఆవేదన వ్యక్తం చేస్తున్నారు. వర్షాకాలంలో పరిస్థితి ఇంకా దారుణంగా ఉంటుందని గ్రామస్తులంటున్నారు. 
దుర్గంధం, పొగతో ఇబ్బందులు పడుతున్న గ్రామస్తులు 
ఫ్యాక్టరీ నుంచి వెదజల్లే దుర్గంధం, పొగతో అనేక ఇబ్బందులు పడుతున్నామంటున్నారు గ్రామస్తులు. వాసన పీల్చడం ద్వారా అనేక రోగాలు వస్తున్నాయంటున్నారు. మొత్తం ఈ ఫ్యాక్టరీ విడుదల చేసే కాలుష్యం వల్ల పశ్చిమగోదావరి జిల్లాలోని ఐదు గ్రామాలు, తెలంగాణలోని ఖమ్మంజిల్లాలో నాలుగు గ్రామాల ప్రజలు ఇబ్బందులు పడుతున్నారు. అంతుచిక్కని రోగాలతో విజయవాడ లాంటి ప్రాంతాలకు వెళ్లి వైద్యం చేయించుకోవాల్సి వస్తుందంటున్నారు. ఇక ఈ కాలుష్యం ప్రజలనే కాదు... చెట్లు, పంట పొలాలను కూడా నాశనం చేస్తున్నాయి. ఫ్యాక్టరీ సమీపంలోని కోకో, మొక్కజొన్న మామిడి పంటలన్నీ నాశనమవుతున్నాయని వ్యవసాయదారులు ఆవేదన వ్యక్తం చేస్తున్నారు.  
గ్రామాల ప్రజలు ఆగ్రహం 
తాజాగా మరో యూనిట్‌ ఏర్పాటు చేయడం పట్ల పలు గ్రామాల ప్రజలు ఆగ్రహం వ్యక్తం చేస్తున్నారు. తమ అభిప్రాయం సేకరించకుండా పనులు చేస్తున్నారని ఆరోపిస్తున్నారు. ఎవరైనా అడిగినా... పోరాటం చేసినా అణిచివేస్తున్నారంటున్నారు. మీడియాను కూడా రానీయకుండా అడ్డుకుంటున్నారంటున్నారు. ఇప్పటికైనా ప్రభుత్వం తమ అవస్థలు చూసి ఫ్యాక్టరీ నుండి వెలువడుతున్న విషతుల్యం నుండి కాపాడాలని గ్రామస్తులు కోరుతున్నారు. 

 

12:25 - December 31, 2017

వెల్లుల్లిలో సల్ఫర్ పుష్క‌లంగా ఉంటుంది. స‌ల్ఫ‌ర్‌ రక్తనాళాల్లో గార (ప్లాక్) పేరుకుపోకుండా చూస్తుంది. ఆజోయేన్ రక్తం గడ్డ కట్టకుండా చేస్తుంది. దీనివ‌ల్ల గుండె జ‌బ్బులు రాకుండా ఉంటాయి. ఇందులోని అలిసిన్ రోగ‌కార‌క సూక్ష్మకిముల‌పై పోరాడుతుంది.
జ‌లుబు, శ్వాస‌కోస స‌మ‌స్య‌ల నుంచి ఉప‌శ‌మ‌నం క‌లుగుతుంది. వెల్లుల్లిని రోజూ తింటే శ‌రీరంలో ఉండే వాపులు, నొప్పులు త‌గ్గుతాయి. ఆలీల్ సల్ఫయిడ్లు కొన్ని రకాల క్యాన్సర్ల నివారణకూ తోడ్పడతాయి. దీని వ‌ల్ల క్యాన్స‌ర్ల నుంచి ర‌క్ష‌ణ ల‌భిస్తుంది. శ‌రీరంలో ఐర‌న్ చేర‌డంతో పాటు వాపులు, నొప్పులు తగ్గుతాయి. ప్ర‌తి రోజూ నేరుగా లేదా కూర‌లో వేసుకుని వెల్లుల్లిని తిన‌వ‌చ్చు. గ్యాస్ స‌మ‌స్య‌తో బాధ‌ప‌డేవారు ఇని త‌గ్గించి తినాలి. వెల్లుల్లిని రోజూ తింటే డిప్రెష‌న్ నుంచి బ‌య‌ట ప‌డ‌వ‌చ్చు. మానసిక ప్ర‌శాంత‌త క‌లుగుతుంది.

17:34 - December 2, 2017

జగిత్యాల : పట్టణంలోని.. పోచమ్మవాడలో దారుణం చోటుచేసుకుంది. అనారోగ్యంతో చనిపోయిన వ్యక్తి మృతదేహాన్ని... ఇంటి యజమాని ఇంట్లోకి రానివ్వలేదు. గత్యంతరం లేక రోడ్డుపైనే అంత్యక్రియలు ఏర్పాట్లు చేశారు. చెప్పులు కుట్టుకుని.. జీవనం సాగించే రామకృష్ణ.. కొంతకాలంగా అనారోగ్యంతో బాధపడుతూ.. కింద పడిపోయాడు. తీవ్రంగా గాయపడిన రామకృష్ణని హైదరాబాద్‌లోని ఆస్పత్రికి తరలించారు. అయితే అక్కడ చికిత్స పొందుతూ మృతి చెందాడు. దీంతో మృతదేహాన్ని తీసుకురాగా.. ఇంట్లోకి పోనివ్వకుండా.. ఇంటి ఓనర్‌ అడ్డుకున్నాడు. దీంతో స్థానికులు.. రోడ్డుపైనే అంత్యక్రియలకు ఏర్పాట్లు చేశారు. చుట్టు పక్కల వాళ్లే డబ్బులు వేసుకుని.. దహన సంస్కారం చేశారు. కాగా.. రామకృష్ణకు ఇద్దరు ఆడపిల్లలు ఉన్నారని.. ప్రభుత్వమే వారిని ఆదుకోవాలని స్థానికులు కోరుతున్నారు.

16:30 - November 14, 2017
11:55 - November 11, 2017

పశ్చిమగోదావరి : ఆ గ్రామానికి జ్వరం వచ్చింది. ఒకరు కాదు.. ఇద్దరు కాదు ఏకంగా గ్రామంలోని 5వందల మంది జ్వరాలతో బాధపడుతున్నారు. గడచిన రెండు నెలల్లో రెండువేల మంది అస్వస్థతకు గురయ్యారు. ఇంతకీ ఏ గ్రామం.. అక్కడ జ్వరాలకు కారణం ఏంటి? విప్పర్రులోని మంచినీటి చెరువులో నీరు కలుషితం కావడంతో గ్రామంలోని 5వందల మందికి విషజ్వరాలు సోకాయి. గడిచిన రెండునెలలుగా ఇదే పరిస్థితి. ఇప్పటి వరకూ 2 వేల మంది జ్వరాల బారిన పడినట్లు తెలుస్తోంది. ఇక చిన్నపిల్లలు సైతం జ్వరాల బారిన పడుతున్నారు. ఆసుపత్రులకు వెళ్తుంటే చికెన్ గున్యా, టైఫాయిడ్, కీళ్ల జ్వరాలుగా డాక్టర్లు గుర్తిస్తున్నారు. గ్రామంలోని కలుషితనీరు తాగడం వల్లే తమకు ఈ పరిస్థితి ఏర్పడిందని గ్రామస్తులు చెబుతున్నారు. గత్యంతరం లేని పరిస్థితిలో చెరువునీరే తాగుతున్నామని ఆవేదన వ్యక్తం చేస్తున్నారు. 

08:23 - November 10, 2017

తామర సమస్య ఎదుర్కొంటున్న వారు వేపాకు రసం కొబ్బరి నూనెలో వేడి చేసి రాయాలి.

వెల్లుల్లిపాయ, ఉప్పు కలిపి నూరాలి. ఈ ముద్దను కట్టుకొంటే కీళ్లనొప్పులు తగ్గుతాయి.

గొంతు బొంగురుగా ఉన్న సమయంలో మిర్యాలపొడిని వేడి వేడి పాలలో వేసి తాగాలి.

గొంతు నొప్పి ఉంటే మిర్యాల పొడి..శొంఠి చూర్ణాన్ని తేనెలో కలుపుకుని తీసుకోవాలి. జ్వరంతో బాధ పడుతున్న వారు పైనాపిల్ రసంలో కాస్త తేనె కలుపుకుని తాగాలి.

అరకప్పు పైనాపిల్ రసంలో టీ స్పూన్ ఉసిరి గింజలు..నేరేడు గింజల పొడి కలిపి తీసుకుంటే మధుమేహం తగ్గుతుంది.

కడుపునొప్పి..దగ్గు ఉంటే వాము చక్కటి పరిష్కారం చూపుతుంది. వాములో ఎన్నో ఔషధ గుణాలున్నాయి.

బెల్లంతో శొంఠి పొడి కలిపి భోజనానికి ముందు తింటే అజీర్ణం పోతుంది.

ఉప్పు నీళ్లు తాగినా అజీర్ణం దూరమౌతుంది.

ఎర్రకణాల సంఖ్య పెరగాలంటే చిలకడదుంప తీసుకోవాలి. ఇది తీసుకోవడం వల్ల జీర్ణ సంబంధ సమస్యలు తగ్గుతాయి.

బార్లీ నీళ్లు తాగితే కడుపులో మంట..అసిడిటీ..మలబద్దకం వంటి సమస్యలు దూరమౌతాయి.

బార్లీ నీళ్లు తీసుకొంటే శరీరంలో ఉండే చెడు కొలెస్ట్రాల్ ను కరిగిస్తుంది. 

13:13 - November 9, 2017

ఉల్లి..తల్లి చేయని మేలు ఉల్లి చేస్తుందని పెద్దలు అంటుంటారు. ఈ ఉల్లిని కూరగాయాల్లోకి వాడుతుంటారు. వీటిని ఆహారంలో తీసుకోవడం వల్ల ఆరోగ్యానికి మేలు జరుగుతుంది. శరీరంలో మంచి కొవ్వు నిల్వ ఉండడం..నిద్రలేమి సమస్య దూరం కావడం..తదితర లాభాలున్నాయి. ఇక ఉల్లి ఆరోగ్యానికే కాకుండా చర్మ సౌందర్యాన్ని కూడా ఉపయోగించుకోవచ్చు.

మొటిమల సమస్యలున్న వారు ఆలివ్ ఆయిల్..ఉల్లి రసాన్ని సమపాళ్లలో తీసుకుని ముఖానికి పట్టించాలి. ఇలా చేయడం వల్ల మచ్చలు త్వరగా పోయే అవకాశం ఉంది. ఉల్లిపాయను సన్నగా తరిగి పెరుగులో రోజు ఉదయం వేళ్లలో తీసుకుంటే కిడ్నీలో ఉన్న రాళ్లు కరిగిపోతాయి. ఉల్లిపాయ రసాన్ని తేనేలో కలుపుకుని తీసుకుంటే వీర్యకణాల సంఖ్య పెరుగుతుంది. ఉల్లి రసం మాడుకు పట్టించడం వల్ల చుండ్రు సమస్య తీరే అవకాశం ఉంది. మాడుకు రక్త ప్రసరణ పెరుగుతుంది. ఫలితంగా జుట్టు పెరగడానికి దోహదం చేస్తుంది. 

10:11 - October 17, 2017

మంచి జోష్ మీదున్న యంగ్ హీరో రాజ్‌త‌రుణ్‌ ఎందుకో విషాదంలో మునిగిపోయాడట. కారణం ఏంటో తెలిస్తే ఆశ్చర్యపోక తప్పదు మరి. రాజ్‌త‌రుణ్‌కు కుక్క‌లంటే చాలా ఇష్ట‌మ‌నే సంగ‌తి తెలిసిందే. ఎంతో ఖ‌రీదుతో కొన్న కుక్క‌ల‌నే కాకుండా కొన్ని వీది కుక్క‌ల‌ను కూడా రాజ్‌త‌రుణ్ పెంచుతున్నాడట. ఇప్పుడు రాజ్‌త‌రుణ్ మూడీగా మారిపోవ‌డానికి కార‌ణం త‌న కుక్క‌పిల్ల‌ల్లో ఒక‌టి చ‌నిపోవ‌డ‌మే. రెండ్రోజుల క్రితం ఆ కుక్క పిల్లకు జ‌బ్బు చేసింద‌ట‌. దాంతో వెంట‌నే ఆ కుక్క‌పిల్ల‌ను హాస్పిట‌ల్‌కు తీసుకెళ్లాడ‌ట‌. రెండు ల‌క్ష‌ల రూపాయ‌లు ఖర్చుపెట్టి ఆప‌రేషన్ కూడా చేయించాడ‌ట‌. అయినా ఆ కుక్క పిల్ల బ‌త‌క‌లేదు. దీంతో రాజ్‌త‌రుణ్ విషాదంలో మునిగిపోయాడ‌ట‌.

11:44 - October 9, 2017

ప్రస్తుతం కంప్యూటర్ లేనిదే పని జరగదనే పరిస్థితి వస్తోంది. కంప్యూటర్ ద్వారా పనులు జరుగుతున్నాయి. చాలా మంది కంప్యూటర్స్ ను ఉపయోగిస్తూ పనులు చేస్తున్న సంగతి తెలిసిందే. కానీ కంప్యూటర్ వాడే చాలా మంది కొన్ని అనారోగ్య సమస్యలను ఎదుర్కొంటున్నారు. మరి కంప్యూటర్ వాడుతున్న వారు కొన్ని సూచనలు..సలహాలు పాటిస్తే ఎలాంటి సమస్యలు రావని నిపుణులు పేర్కొంటున్నారు.

గంటల తరబడి కంప్యూటర్ ఎదుట పనిచేయడం వల్ల ఊబకాయం సమస్య వచ్చే అవకాశం ఉందని హెచ్చరిస్తున్నారు. ఎక్కువ సమయం కంప్యూటర్ ముందట కూర్చొకుండ గంటకు ఒక్కసారైనా అటూ..ఇటూ లేచి తిరుగుతుండాలి. కంటిపై రేడియేషన్ ప్రభావాన్ని తగ్గిస్తుంది. కళ్లకి సరైన ఎత్తులో మానిటర్ ఉంచుకోవాలి. అలాగే కీ బోర్డు లేదా మౌస్ తో పనిచేసేటప్పుడు చేతి మణికట్టు కింద ఒక సపోర్టు ఉంచుకుంటే బెటర్. కంటి రెప్పలను అదే పనిగా తెరువకుండా ఎక్కువసార్లు మూయడం..తెరవడం చేయాలి. కంప్యూటర్ పై కూర్చొన్న వారికి ఎదురుగా లైట్ ఉండకుండా జాగ్రత్త పడాలి. ఇలా ఉండడం వల్ల కాంతి కిరణాలు కళ్లపై పడడం వల్ల పలు సమస్యలు వచ్చే అవకాశం ఉంది. ఇలాంటి కొన్ని జాగ్రత్తలు పాటిస్తే అనారోగ్యాల నుండి దూరంగా ఉండవచ్చు. 

12:01 - September 29, 2017

ఎగ్జిమా..దీనినే తామర వ్యాధి అని కూడా అంటారు. మానిపోతుందిలే అని నిర్లక్ష్యం చేస్తే ఇతర సమస్యలు ఏర్పడే అవకాశం ఉంది. ఇదొక చర్మ వ్యాధి. వాతావరణంలో వచ్చే మార్పులు ఈ వ్యాధికి కారణంగా చెప్పవచ్చు. అంతేగాకుండా వంశపారపర్యంగా ఈ వ్యాధి వచ్చే అవకాశం ఉంది. రకరకాలుగా ఈ వ్యాధి ఉంటుంది. కొంతమది శరీరంపై ఎర్రని మచ్చలు ఏర్పడితే..మరికొందరిలో చర్మం కమిలిపోయినట్లు కనిపిస్తుంటుంది. దురద కలిగించే ఆహార పదార్థాలు తీసుకున్నప్పుడు..అలాగే శరీరానికి సరిపడని సబ్బులు ఉపయోగించినప్పుడు దురద ఎక్కువగా వస్తుంటుంది. ఈ దురద వల్ల చిన్న చిన్న పొక్కులుగా మారుతాయి. చర్మం కూడా పొలుసులుగా రాలి పగిలినట్టు కనిపిస్తుంటుంది. చుండ్రు సమస్య అధికంగా ఉన్న వారిలో ఈ వ్యాధి వస్తుంది. రక్త పరీక్షల ద్వారా ఎగ్జిమా ఉందా ? లేదా ? అనేది డిసైడ్ చేస్తారు. ఈ వ్యాధి బారిన పడిన వారు నిర్లక్ష్యం చేయకుండా వెంటనే వైద్యుడిని సంప్రదించి తగిన సూచనలు..సలహాలు పాటిస్తే బెటర్. 

Pages

Don't Miss

Subscribe to RSS - అనారోగ్యం