అనుష్క

12:55 - February 16, 2018

బాలీవుడ్ లో టాప్ పొజిషన్ లో ఉన్న హీరోయిన్ ఒక్కసారిగా డిఫెరెంట్ రోల్ లో కనిపించింది. ఆడియన్స్ ని ఎంటర్టైన్ చెయ్యడంలో ముందుండే ఈ టాప్ హీరోయిన్ ఇప్పుడు ఆన్ స్క్రీన్ మీద భయపెట్టడానికి రెడీ అయింది. తన అందంతో అభినయం తో ఆకట్టుకునే బాలీవుడ్ హీరోయిన్స్ లో ఒకరు 'అనుష్క శర్మ'. ఎలాంటి పాత్ర అయిన తన గ్లామర్ తో స్క్రీన్ కి అందాన్ని తెస్తుంది ఈ బాలీవుడ్ బ్యూటీ. 'అల్లరి దెయ్యం' గా 'అనుష్క' అలరించింది. గ్లామర్ కి మాత్రమే కాదు స్టోరీకి కూడా 'అనుష్క శర్మ' ఇంపార్టెంట్ ఇస్తుంది.

ప్రెసెంట్ 'అనుష్క శర్మ' ఒక హారర్ కాన్సెప్ట్ తో రాబోతుంది. 'పారి అనే హారర్' సినిమా తో 'అనుష్క' ఈ సారి సీరియస్ దెయ్యంలా కనిపించబోతుంది. తనలో ఇంత యాక్టింగ్ ఉందా అని 'పారి' సినిమా ట్రైలర్ చూస్తే అర్ధం అవుతుంది. ఇన్ని రోజులు గ్లామర్ డాల్ గా కనిపించిన 'అనుష్క' ఇప్పుడు వొళ్ళు గొగుర్పొడిచే హారర్ సినిమా లో కనిపిస్తుంది. మరి అలరిస్తుందా ? లేదా ? అనేది చూడాలి. 

18:54 - January 26, 2018

అరుంధతి, రుద్రమదేవి, పంచాక్షరి లాంటి లేడీ ఓరియంటెడ్‌ సినిమాలతో ఆకట్టుకున్న 'అనుష్క' లీడ్‌ రోల్‌ లో తెరకెక్కిన థ్రిల్లర్‌ మూవీ 'భాగమతి’. యూవీ క్రియేషన్స్ నిర్మాణ సారధ్యంలో రూపొందిన ఈ సినిమా ఇవాళ ప్రపంచవ్యాప్తంగా విడుదలైంది. జయరామ్, ఆషాశరత్ లు కూడా ఈ చిత్రంలో నటించారు. మరి ఈ సినిమా ఎలా ఉంది ? నటీ నటుల ఫెర్మామెన్స్ ఎలా ఉంది ? టెన్ టివి ఇచ్చే రేటింగ్ కోసం వీడియో క్లిక్ చేయండి. 

19:47 - December 17, 2017

రెడియో మిర్చీలో బ్రేకింగ్ న్యూస్ గా పేరొందిన 'కిరణ్' 'మళ్లీ రావా' సినిమాతో అలరించారు. సుమంత్..ఆకాంక్ష సింగ్ జంటగా నటించిన ఈ సినిమా ఇటీవలే విడుదలైంది. ఈ సందర్భంగా డైలాగ్ రైటర్, యాక్టర్, రెడియో 'మిర్చి' కిరణ్ తో టెన్ టివి ముచ్చటించింది. చలన చిత్ర విశేషాలు..జీవిత విషయాలు..ఇతరత్రా వాటిపై ఆయన మాట్లాడారు. చిన్పప్పటి నుండి తనకు సినిమాలంటే ఆసక్తి ఉందని, ఎప్పటికైనా సినిమాల్లోనే ఉండాలని అనిపించిందన్నారు. రెడియో 'మిర్చీ'లో జాయిన్ అయి...రైటర్..సీరియల్స్ నటన..ఇలా కొనసాగిందన్నారు. 'అనుష్క’ తనకు ఎంతో ఇష్టమైన నటి అని తెలిపారు.'రుద్రమదేవి' సినిమా ప్రమోషన్ లో ఆమెను కలవడం జరిగిందని, ఎంతో సంతోషం కలిగిందన్నారు. 'కాశీ' అంటే తనకు ఎంతో ఇష్టమైన ప్లేస్ అని తెలిపారు. 

21:53 - December 11, 2017

ఇటలీ : అవును టీం ఇండియా కెప్టెన్ విరాట్ కోహ్లీ పెళ్లి బాలీవుడ్ నటి అనుష్కతో పెళ్లి జరిగినట్టు అనుష్క ట్విట్టర్ ద్వారా ట్వీట్ చేశారు. విరాట్, అనుష్కల ఈ రోజే జరిగినట్టు తెలుస్తోంది. వీరి పెళ్లి అత్యంత సన్నిహితుల మధ్య ఈరోజు అనగా సోమవారం ఇటలీ దేశంలోని టస్కలీలో జరిగింది. ప్రపంచలో అత్యంత ఖరీదైన హాలిగే స్పాట్ లో విరాట్, అనుష్కల పెళ్లి జరిగింది. ఈ పెళ్లికి బీసీసీఐ పెద్దలు, సచిన్, యువరాజ్, అమీర్ ఖాన్, షారుఖ్ ఖాన్ అను ఆహ్వానించారు.

06:46 - December 9, 2017

ఎన్నాళ్లో వేచిన కల నెరవేరబోతుంది. ప్రేమ పేరుతో చెట్టాపట్టాలేసుకుని తిరిగిన జంట ఒక్కటి కాబోతుంది. విరాట్‌ కోహ్లీ-అనుష్క శర్మల పెళ్లిపై ఎంతో కాలంగా పుకార్లు షికార్లు చేస్తున్నా.. తాజాగా వారిద్దరి హడావుడి చూస్తుంటే.. కల్యాణ ఘడియలు దగ్గర పడినట్లు కనిపిస్తోంది. ఈనెల 12న ఈ జంట ఒక్కటి పెళ్లి చేసుకోవడంతో... కోహ్లీ, అనుష్కతో పాటు వాళ్ల కుటుంబ సభ్యులంతా ఇటలీలోని మిలాన్‌కు పయనమైనట్లు తెలుస్తోంది. భారత క్రికెట్‌ కెప్టెన్‌ విరాట్‌ కోహ్లీ, బాలీవుడ్‌ స్టార్‌ అనుష్క శర్మల వివాహ సందడి ప్రారంభమైంది. అయితే.. అధికారికంగా వీరి పెళ్లిపై ఇరు వర్గాల నుంచి ఎలాంటి సమాచారం లేకపోయినా... జరుగుతున్న పరిణామాలు చూస్తుంటే ఈనెల 12న వీరి వివాహం జరుగుతున్నట్లు తెలుస్తోంది. ఈ ప్రేమ జంట ఇప్పటికే స్విట్జర్జాండ్‌ మీదుగా ఇటలీలోని మిలాన్‌కు చేరుకున్నట్లు సమాచారం. వీరి వివాహం అక్కడి ప్రఖ్యాత వైన్‌యార్డులో జరుగుతున్నట్లు తెలుస్తోంది.

పెళ్లి కోసం అనుష్క తన తల్లిదండ్రులు, సోదరుడితో కలిసి ముంబై నుంచి స్విస్‌ ఎయిర్‌వేస్‌లో ఇటలీకి ప్రయాణమైంది. మీడియా కంటపడిన అనుష్కను పెళ్లి గురించి ప్రస్తావించకుండా సమాధానం చెప్పకుండానే వెళ్లిపోయింది. ఇక కోహ్లీ మాత్రం ఢిల్లీ నుంచి బయల్దేరాడు. తనను ఎవరూ గుర్తుపట్టకుండా ఉండేందుకు ముఖానికి మాస్క్‌ ధరించాడు. కోహ్లీ ఫ్యామిలీ, సన్నిహితులు కూడా మిలాన్‌కు బయల్దేరినట్లు తెలుస్తోంది. ఇక సెలెబ్రిటీ డిజైనర్ సవ్యసాచి ముఖర్జీ అనుష్క వివాహ దుస్తులను డిజైన్‌ చేయగా,.. మేకప్‌ ఆర్టిస్టులు, వెడ్డింగ్‌ ఫొటోగ్రాఫర్లను కూడా మిలాన్‌కు తీసుకెళ్తున్నారు. అనుష్క కుటుంబ పూజారి మహరాజ్‌ అనంత బాబా కూడా వీరితో పాటు... మిలాన్‌ వెళ్లారు. మొత్తానికి ఎన్నో రోజులుగా కోహ్లీ-అనుష్కలు పెళ్లి చేసుకుంటున్నారని ప్రచారం జరుగుతుండగా... తాజాగా వారిద్దరూ ఒకటి కాబోతున్నారు. 

10:55 - October 4, 2017

టాలీవుడ్ సత్తా ఏంటో..చూపెట్టిన చిత్రాల్లో 'బాహుబలి', 'బాహుబలి-2' ఒకటి. ఈ సినిమాల్లో నటించిన 'ప్రభాస్' పేరు అంతర్జాతీయస్థాయిలో మారుమోగింది. కొన్ని సంవత్సరాల పాటు ఈ సినిమాలకే 'ప్రభాస్' అంకితమయ్యాడు. 'బాహుబలి 2' రిలీజైన అనంతరం సుజీత్ దర్శకత్వంలో తెరకెక్కుతున్న 'సాహో' చిత్రంలో 'ప్రభాస్' నటిస్తున్నాడు. ఇటీవలే షూటింగ్ కూడా మొదలెట్టేశారు. కానీ చిత్రానికి సంబంధించిన ఏ విషయాలు బయటకు పొక్కడం లేదు.

ఇదిలా ఉంటే 'ప్రభాస్', 'అనుష్క' మధ్య ప్రేమ ఉందని టాలీవుడ్ లో రకరకాల వార్తలు వస్తున్న సంగతి తెలిసిందే. దీనిని వారిద్దరూ ఖండించినా అభిమానులు మాత్రం వారివురూ వివాహం చేసుకుంటారని అనుకుంటుంటారు. ఈ నేపథ్యంలో ప్రముఖ ఫిలిం క్రిటిక్ ఉమైర్ సింధు ట్విట్టర్ లో చేసిన ట్వీట్ కలకలం రేపుతోంది. 'ప్రభాస్' ఫ్యాన్స్ కి బ్రేకింగ్ న్యూస్ అని ట్వీట్ చేశారు. డిసెంబర్ లో 'ప్రభాస్', 'అనుష్క'లు ఎంగేజ్ మెంట్ చేసుకుంటారని...వారిద్దరి మధ్య ప్రేమ ఉందనే వార్త నిజమని పేర్కొన్నాడు.

ప్రస్తుతం 'ప్రభాస్' సాహో చిత్రంలో...'అనుష్క'...'భాగమతి' చిత్రాల్లో నటిస్తున్నారు. 'అనుష్క' కేవలం ఒక్క సినిమాలో మాత్రమే నటిస్తోంది. మిగతా చిత్రాలేవీ ఒప్పుకోవడం లేదని టాక్. పెళ్లి నేపథ్యంలోనే చిత్రాలు ఒప్పుకోవడం లేదని పుకార్లు షికారు చేస్తున్నాయి. మరి ఉమైర్ సింధు చెప్పిన విషయాల్లో నిజం ఉందా ? లేదా ? అనేది తెలుసుకోవాంటే వెయిట్ చేయాల్సిందే. 

10:55 - September 7, 2017

టాలీవుడ్ లో వివాదస్పదంగా మారిన 'అర్జున్ రెడ్డి' సినిమాపై ఇతర నటులు స్పందిస్తున్నారు. పలువురు విమర్శలు చేస్తుండగా మరికొందరు కితాబునిస్తున్నారు. తాజాగా దీనిపై టాలీవుడ్ స్వీటీ 'అనుష్క' కూడా స్పందించారు. విజయ్ దేవరకొండ- షాలినీ పాండే హీరో హీరోయిన్లుగా 'అర్జున్ రెడ్డి' సినిమా తెరకెక్కింది. సందీప్ రెడ్డి వంగ దర్శకత్వంలో రూపొందిన ఈ సినిమా ఇటీవలే విడుదలై కలెక్షన్ల వర్షం కురిపిస్తోంది. టీజర్‌ లో బూతు డైలాగ్స్ ఉండడం సంచలనం సృష్టించింది. సినిమా రిలీజైన తర్వాత సినిమాలో ఎన్నో అభ్యంతరకరమైన దృశ్యాలు వున్నాయనే ఫిర్యాదులు అందాయి.

పలువురు నటులు మాత్రం 'అర్జున్ రెడ్డి' సినిమాను ప్రశంసించారు. ‘అర్జున్ రెడ్డి' సినిమాను కచ్చితంగా చూడండి..నిజాయితీగా తీసిన చిత్రమిందని 'అనుష్క' ఫేస్ బుక్ వేదికగా తన అభిప్రాయాన్ని వ్యక్తపరిచింది. చిత్ర బృందంలోని ప్రతొక్కరికీ హృదయపూర్వక శుభాకాంక్షలు అని పోస్టు చేశారు. ప్రస్తుతం అనుష్క 'భాగమతి' సినిమాలో నటిస్తున్న సంగతి తెలిసిందే. ఇటీవలే ఈ చిత్ర షూటింగ్ ప్రారంభమైంది. 

12:11 - July 13, 2017

ఇండియన్ ఫిలిం అకాడమీ (ఐఫా) వేడుకలకు సర్వం సిద్ధమౌతోంది. జులై 14, 15వ తేదీల్లో మెట్ లైఫ్ స్టేడియంలో జరిగే జరిగే వేడుకను అభిమానులు ఆసక్తిగా ఎదురు చూస్తున్నారు. న్యూయార్క్ లో 18వ ఎడిషన్ కు సంబంధించిన ప్రోగ్రాం జరగనుంది. ఈ షోకు బాలీవుడ్ దర్శకుడు కరణ్ జోహార్ షోని హోస్ట్ చేయ‌నున్నాడు. ఆయ‌న‌కి జ‌త‌గా 'సైఫ్ ఆలీఖాన్' కూడా సంద‌డి చేయ‌నున్నాడు. గ్లామర్..వినోదంతో ఐఫా వేడుక జరుగుతుందని తెలుస్తోంది.
వరుణ్ ధావన్ తొలిసారి ఐఫాలో డెబ్ల్యూ ఫెర్మామెన్స్ ఇవ్వనున్నాడు. వేడుక‌లో బాలీవుడ్ స్టార్స్ స‌ల్మాన్ ఖాన్, అలియా భ‌ట్, క‌త్రినా కైఫ్ , షాహిద్ క‌పూర్, సుశాంత్ సింగ్ రాజ్ పుత్ మ‌రియు కృతి స‌న‌న్, త‌దిత‌రులు లైఫ్ ఫెర్మామెన్స్ ఇవ్వ‌నున్న‌ట్టు తెలుస్తోంది. ఇదిలా ఉంటే బాలీవుడ్ సెల‌బ్రిటీలు గ్రూపులుగా ఐఫాకు చేరుకుంటున్నారు. ఇప్పటికే పలువురు ప్రముఖ సెలబ్రెటీలు చేరుకున్నట్లు తెలుస్తోంది. మిగతా సెలబ్రెటీలు గురువారం పయనం కానున్నారు.
ఐఫా కార్య‌క్ర‌మం పూర్తైన త‌ర్వాతి రోజు అంటే జూలై 16న క్లోజింగ్ పార్టీని నిర్వహించనున్నట్లు, ఇందులో బాలీవుడ్ సినీ ప్రముఖులు పాల్గొననున్నట్లు సమాచారం. ఈ పార్టీకి విరాట్ కోహ్లి, అనుష్క శ‌ర్మ జంట‌గా హాజ‌ర‌వుతార‌ని టాక్.

12:07 - July 6, 2017

టాలీవుడ్ యంగ్ రెబల్ స్టార్ 'ప్రభాస్' తాజా చిత్రం 'సాహో' లో హీరోయిన్ గా ఎవరు నటిస్తున్నారు ? అనే దానిపై తెగ చర్చ జరుగుతోంది. దీనిపై పలువురి హీరోయిన్ల పేర్లు ఎన్నో వినిపించాయి. ‘బాహుబలి'..’బాహుబలి-2’.. సినిమాల అనంతరం 'ప్రభాస్' సుజిత్ దర్శకత్వంలో 'సాహో' చిత్రంలో నటిస్తున్న సంగతి తెలిసిందే. ఇప్పటికే ఈ చిత్ర టీజర్ కూడా విడుదల చేసిన సంగతి తెలిసిందే. కానీ హీరోయిన్ విషయంలో చిత్ర యూనిట్ తర్జనభర్జనలు పడుతున్నట్లు సమాచారం.
చివరకు 'అనుష్క'ను ఎంపిక చేశారని ప్రచారం జరుగుతోంది. ఈ విషయాన్ని సినీ విశ్లేషకుడు రమేశ్‌ బాలా ట్వీట్ చేయడం గమనార్హం. కానీ చిత్ర బృందం మాత్రం ఎలాంటి కన్ఫామ్ చేయలేదు. గతంలో ప్రభాస్..అనుష్కలు నటించిన పలు సినిమాలు విజయవంతమైన సంగతి తెలిసిందే. వీరి కాంబినేషన్ బాగుంటుందని అభిమానులు సైతం అనుకుంటుంటారు. గతంలో వీరి కాంబినేషన్‌లో 'బిల్లా', 'మిర్చి', 'బాహుబలి' సినిమాలు వచ్చాయి. మరి అనుష్క నటించనుందా ? లేదా ? అనేది తెలియాల్సి ఉంది.

10:16 - June 30, 2017

మెగాస్టార్ చిరంజీవి దశాబ్దకాలం పాటు వెండి తెరకు దూరంగా ఉండి..'ఖైదీ నెంబర్ 150' ద్వారా రీ ఎంట్రీ ఇచ్చిన అనంతరం ఆయన తదుపరి చిత్రంపై భారీ అంచనాలు నెలకొంటున్నాయి. ఈ సినిమాపై సోషల్ మాధ్యమాల్లో వార్తలు తెగ వచ్చేస్తున్నాయి. సురేందర్ రెడ్డి దర్శకత్వంలో స్వాతంత్ర్య సమర యోధుడు 'ఉయ్యాలవాడ నరసింహారెడ్డి' జీవిత ఆధారంగా ఓ చిత్రాన్ని నిర్మించబోతున్నట్లు..ఇందులో 'చిరంజీవి' పవర్ ఫుల్ పాత్రలో కనిపించబోతున్నారని ప్రచారం జరిగింది. త్వరలోనే చిరంజీవి 151సినిమాను సెట్ మీదకు తీసుకెళ్లనున్నట్లు 'రాంచరణ్' ఇటీవలే పేర్కొన్నారు. పలు భాషల్లో నిర్మాణం చేయాలని..అందుకని ఆయా భాషల్లో పేరొందిన నటులను ఈ సినిమాలో నటింపచేయాలని చిత్ర యూనిట్ భావిస్తున్నట్లు తెలుస్తోంది. 'చిరంజీవి' పక్కన నటించే హీరోయిన్ విషయంలో తర్జనభర్జనలు పడుతున్నట్లు టాక్. ఐశ్వర్యరాయ్..సోనాక్షి సిన్హా..కాజల్..ఇలా ప్రముఖ నటీమణుల పేర్లు వినిపించాయి. తాజాగా 'అనుష్క' పేరు తెరపైకి వచ్చింది. అయితే చిత్ర బృందం ఈ విషయాన్ని ధృవీకరించడం లేదు. ప్రస్తుతం ఆమె చేతిలో పెద్దగా సినిమాలు లేవు కాబట్టి..'చిరు' సినిమాలో నటించేందుకు 'అనుష్క' గ్రీన్ సిగ్నల్ ఇచ్చినట్లు వార్తలు వెలువడుతున్నాయి. మరికొన్ని రోజులు ఆగితే ఈ చిత్రంపై పూర్తి సమాచారం రానుంది. అప్పటి వరకు వేయిట్ అండ్ సీ..

 

Pages

Don't Miss

Subscribe to RSS - అనుష్క