అభిమానులు

17:32 - February 28, 2018

ముంబై : ప్రముఖ సినీనటి శ్రీదేవి భౌతికకాయం విలే పార్లేలోని హిందూ స్మశానవాటికకు చేరుకుంది. అంతకముందు ముంబై సెలబ్రేషన్ స్పోర్ట్స్ క్లబ్ నుంచి అంతిమయాత్ర ప్రారంభం అయింది. దాదాపు 6 కి.మీ అంతిమయాత్ర కొనసాగింది. అంతిమయాత్రలో బాలీవుడ్, టాలీవుడ్, కోలీవుడ్, మాలీవుడ్ చిత్ర ప్రముఖులు పాల్గొన్నారు. టాలీవుడ్ హీరోస్ చిరంజీవి, వెంకటేష్, నాగార్జున, సినీ నటుడు ప్రకాశ్ రాజ్, బాలీవుడ్ హీరోయిన్ రాణిముఖర్జీతోపాటు తదితర నటులు శ్రీదేవి పార్ధివదేహాన్ని సందర్శించి, శ్రద్ధాంజలి ఘటించారు. కాసేపట్లో విలే పార్లేలోని హిందూ స్మశానవాటికలో అంత్యక్రియలు నిర్వహించనున్నారు. అధికార లాంచనాలతో శ్రీదేవి అంత్యక్రియలు జరుగనున్నాయి. అంత్యక్రియలకు ఏర్పాట్లు చేశారు. అతిలోక సుందరి శ్రీదేవిని కడసారి చూసేందుకు భారీగా అభిమానులు తరలివచ్చారు. సినీ, రాజకీయ ప్రముఖులు, అభిమానులు శ్రీదేవికి కడసారి వీడ్కోలు పలికారు. పోలీసులు భారీ భద్రతా ఏర్పాటు చేశారు. మరిన్ని వివరాలను వీడియోలో చూద్దాం... 

06:32 - February 28, 2018

ముంబై : ఎదురుచూపులకు తెరపడింది. నాలుగు రోజులపాటు తీవ్ర ఉత్కంఠ రేపిన శ్రీదేవి మృతి కేసు ముగిసింది. ఎట్టకేలకు మృత దేహం ఇంటింకి చేరింది. ఆమె హఠాన్మరణమే తీవ్ర దిగ్భ్రాంతికి గురిచేయగా మృతికి కారణాలపై వచ్చిన కథనాలు క్షణక్షణం సంచలం రేపాయి. ఎన్నోమలుపులు.. మరెన్నో ఎన్నో అనుమానాలు.. చివరకు శ్రీదేవిది ప్రమాదవశాత్తు జరిగిన మరణమేనని దుబాయ్‌ ప్రాసీక్యూషన్‌ అధికారులు తేల్చేశారు. మృతి ఉదంతంలో ఎలాంటి కుట్రకోణం లేదని కేసును క్లోజ్‌చేయంతో.. పార్థివదేహాన్ని భారత్‌కు తరలించారు.

శనివారం రాత్రి 11.30 గంటలకు శ్రీదేవి మృతి చెందినట్టు తెలియాగానే భారత్‌లో సంచలన రేపింది. తొలుత ఆమె గుండెపోటుతో మృతిచెందారన్న కుటుంబసభ్యుల ప్రకటన.. అనంతరం బాత్‌టబ్‌లో మునిగి ఊపిరాడక చనిపోయారన్న దుబాయ్‌ పోలీసుల ప్రకటనతో కేసులో తీవ్ర గందరగోళం ఏర్పడింది. అయితే.. దుబాయ్‌లోని పబ్లిక్‌ ప్రాసిక్యూషన్‌ అధికారులు కేసును నిశితంగా పరిశీలించిన మీదట శ్రీదేవి డెత్‌లో ఎలాంటి మిస్టరీ లేదని తేల్చివేశారు. దీంతో మృతదేహాన్ని రసాయనాలతో శుభ్రపరిచే ఎంబామింగ్‌ ప్రక్రియ పూర్తి చేసిన అనంతరం దుబాయ్‌లోని విమానాశ్రయానికి తరలించారు.

శ్రీదేవి భౌతిక కాయంతో దుబాయ్ నుంచి ప్రత్యేక విమానం మంగళవారం రాత్రి 10 గంటలకు ముంబైకి చేరుకుంది. శ్రీదేవి భౌతికకాయంతో పాటు పదిమంది కుటుంబ సభ్యులు విమానంలో వచ్చారు. ఇక అప్పటికే అనిల్‌కపూర్, సోనమ్ కపూర్, ఇతర కుటుంబ సభ్యులు, అనిల్ అంబానీ, టీనా అంబానీ.. ఛత్రపతి అంతర్జాతీయ విమానాశ్రయానికి చేరుకున్నారు. ఎయిర్‌పోర్టుకు అభిమానులు భారీ సంఖ్యలో చేరుకోవడంతో ముంబయి పోలీసులు పటిష్ట బందోబస్తును ఏర్పాటు చేశారు. అక్కడ ఎయిర్‌పోర్టు ప్రొసిజర్స్ అనంతరం.. లోఖండ్‌వాలాలోని గ్రీన్ ఏకర్స్‌లో ఉన్న శ్రీదేవి నివాసానికి అంబులెన్స్‌లో పార్థీవదేహాన్ని తరలించారు. అంతకు ముందు తమ అభిమాన నటిని కడసారి చూసేందుకు అభిమానులు శ్రీదేవి నివాసం వద్దకు భారీగా తరలి వచ్చారు.

అభిమానుల సందర్శనార్థం పార్థీవదేహాన్ని కంట్రీక్లబ్‌లో ఉంచారు. ఇవాళ ఉదయం 9.30 నుంచి మధ్యాహ్నం 12.30 వరకు శ్రీదేవి భౌతిక కాయాన్ని అభిమానుల సందర్శనార్థం ఉంచుతారు. అనంతరం మధ్యాహ్నం 2గంటలకు శ్రీదేవి అంతిమయాత్ర ప్రారంభం అవుతుంది. మధ్యాహ్నం 3.30 గంటలకు అంత్యక్రియలు ముగియనున్నాయి. ఈనెల 24న దుబాయ్‌కి దేవతలా వెళ్లిన శ్రీదేవి .. దేహంగా మాత్రమే తిరిగి రావడం అభిమానుల గుండెల్లో తీరని బాధను మిగిల్చింది. 

10:45 - January 10, 2018

హైదరాబాద్ : ఇవాళ ప్రపంచ వ్యాప్తంగా అజ్ఞాతవాసి రిలీజ్‌తో థీయేటర్ల వద్ద అభిమానుల కోలాహలం కనిపిస్తోంది. తిరుపతిలో పవన్ అభిమానులు సందడి చేస్తున్నారు. ఏపీలో 7షోలు, తెలంగాణలో 5షోలకు అనుమతి లభించడంతో పవన్‌ అభిమానులకు పండగలా మారింది. పవర్‌స్టార్‌ మూవీ రికార్డులపై దృష్టి పెట్టింది. ప్రపంచవ్యాప్తంగా 2700 థియేటర్లలో రిలీజ్‌ కానుంది. ఓవర్సీస్‌లో 576 థియేటర్లలో విడుదల అజ్ఞాతవాసి కానుంది. 
మరిన్ని వివరాలను వీడియోలో చూద్దా..

11:49 - December 30, 2017

చెన్నై : ఐదో రోజు అభిమానులతో సూపర్ స్టార్ రజనీకాంత్ సమావేశం అయ్యారు. ఈ సందర్భంగా ఆయన మాట్లాడుతూ 2.0, కాలా చిత్రాల తర్వాత దేవుడే తన భవిష్యత్ నిర్ణయిస్తాడని తెలిపారు. ఏప్రిల్ లో 2.0 చిత్రం, రెండు నెలల తర్వాత కాలా చిత్రం విడుదల అవుతాయని పేర్కొన్నారు. తాను సినీ రంగానికి రావడానికి తన మిత్రుడు రాజ బహదూర్ కారణమన్నారు. గురువు బాలాచందర్ లేకపోతే రజనీకాంత్ ఉండేవాడు కాదని చెప్పారు. తాను నిరుపేద కుటుంబంలో జన్మించానని తెలిపారు. 

 

12:06 - December 29, 2017

చెన్నై : రాజకీయాల్లోకి రావాలంటే కాలం, సమయం కలసిరావాలని తమిళ సూపర్‌స్టార్‌ రజనీకాంత్‌ అన్నారు. ఇవాళ నాల్గవ రోజు అభిమానులతో రజనీ భేటీ అయ్యారు. కోయంబత్తూరు, ఈరోడ్‌, తిరుప్పూర్‌, వేలూరు జిల్లాల నుంచి అభిమానులు తరలివచ్చారు. మొన్న శివాజీ గణేశన్‌, నిన్న నేను, ఇవాళ మరొకరు... కాలమే అన్నింటికీ సమాధానం చెబుతుందన్నారు. తన నిర్ణయాన్ని ప్రకటించేందుకు ఇంకా రెండు రోజులే మిగిలివుందన్నారు. అభిమాలను మిస్‌ అవుతున్నానని, కాలంతోపాటు వెళ్లకతప్పదని చెప్పారు. ఎంజీఆర్‌ నటుడైనా రాజకీయాల్లో నిబద్ధతతో రాణించిన విషయాన్ని గుర్తు చేశారు. 

 

10:48 - December 29, 2017

చెన్నై : అభిమానులతో సూపర్ స్టార్ రజనీకాంత్ నాల్గోరోజు సమావేశమయ్యారు. తన నిర్ణయాన్ని ప్రకటించేందుకు ఇంకా రెండు రోజులే మిగిలివుందన్నారు. ఎవరైనా కాలంతో ప్రయాణం చేయక తప్పదని పేర్కొన్నారు. దేన్నైనా కాలమే నిర్ణయిస్తుందని చెప్పారు. ఎంజీఆర్ రాజకీయాల్లో నిబద్ధతతో రాణించారని కొనియాడారు. ఎవరికీ ఏదీ శాశ్వతం కాదన్నారు. నిన్న శివాజీ గణేషన్, నేడు నేను, రేపు మరొకరు అంటూ వ్యాఖ్యానించారు. హోదా, సంపాదన ముఖ్యం కాదని పేర్కొన్నారు. 

 

09:31 - December 26, 2017
19:15 - October 7, 2017

హైదరాబాద్ : జనసేన పార్టీపైకానీ, తనపై కానీ ఇతర పార్టీల నేతలు చేసే విమర్శలపై కార్యకర్తలెవరూ స్పందించవద్దని పవన్‌ విజ్ఞప్తి చేశారు. ఈమేరకు ఆయన ట్విట్టర్‌లో ట్వీట్‌ చేశారు. ప్రజాసమస్యల పరిష్కారమే ధ్యేయంగా పనిచేస్తున్న జనసేన దృష్టి మరల్చడానికో, లేక ప్రచారం కోసమో కొంతమంది విమర్శలు చేస్తుంటారని అన్నారు. తనకు అపకీర్తి వచ్చేలా మాట్లాడినా మనం హుందాగా ప్రవర్తిద్దాని కార్యకర్తలకు దిశానిర్దేశం చేశారు. ప్రస్తుత రాజకీయాలకు భిన్నంగా జనసేన సిద్ధాంతాలు, ఆశయాలు ఉన్నాయన్న విషయాన్ని పవన్‌ తన ప్రకటనలో గుర్తు చేశారు. భావి తరాల భవిష్యత్‌, దేశ శ్రేయస్సు కోసం విశాల దృక్పథం కలిగిన రాజకీయాలు అవసరమనేది జనసేన ప్రాథమిక సూత్రమని గుర్తు చేశారు. అందుకే కార్యకర్తలెవరూ ఆవేశపడవద్దని సూచించారు. కార్యకర్తలంతా ప్రజాసేవే పరమావధిగా ముందుకెళ్లాలని లేఖలో పవన్‌ పిలుపునిచ్చారు. ప్రస్తత రాజకీయ వ్యవస్థకు భిన్నంగా, బాధ్యతాయుత రాజకీయాలు పరిఢవిల్లేందుకు కార్యకర్తలంతా కృషి చేయాలని కోరారు.

16:07 - September 2, 2017

పశ్చిమగోదావరి : జనసేన అధినేత పవన్ కల్యాణ్ పుట్టినరోజు సందర్భంగా పశ్చిమగోదావరి జిల్లా పాలకొల్లులో చిరు, పవన్ యూత్ ఆధ్వర్యంలో పలు సేవా కార్యక్రమాలు నిర్వహించారు. మత్తు పదార్ధాలు వాడకండి.. వాడనీయకండి అనే నినాదంతో భారీ ర్యాలీ తీశారు. రక్తదాన శిబిరం ఏర్పాటు చేశారు. మహిళలకు కుట్టుమిషన్లు.. పేదలకు దుప్పట్లు పంచారు. 

12:56 - July 30, 2017

పూరి జగన్నాధ్ తన పైసా వసూల్ సినిమా ట్రైలర్ ని వదిలాడు. అదే పూరి మార్కు సినిమా, పూరి మార్కు డైలాగ్స్ తో బాలకృష్ణ స్టైల్ కొత్తగా అనిపించింది కనిపించింది. బాలయ్య బాబు మూవీ అంటే ఆల్రెడీ ఎక్సపెక్టషన్స్ తో ఉంటుంది అదే ఎక్సపెక్టషన్స్ అందుకున్నాడు పూరి... ఆ వివరాలను చూద్దాం...
బాలయ్య మార్కెట్ పెంచిన గౌతమి పుత్ర శాతకర్ణి 
గౌతమి పుత్ర శాతకర్ణి సినిమా బాలయ్య మార్కెట్ ని పెంచింది. ఆల్రెడీ తన సినిమాల్లో మాస్ ఎలెమెంట్స్ గట్టిగ పెట్టి బిజినెస్ చేసుకునే టాలెంట్ ఉన్న నటుడు బాలయ్య .క్రిష్ డైరెక్షన్ లో రాబోతున్నాడు అంటేనే ఒక డిఫరెంట్ కాంబినేషన్ అని అందరూ ఫీల్ అయ్యారు ..శాతకర్ణి హిట్ తో అటు బాలయ్య ఫాన్స్ లో ఇటు ఆడియన్స్ లో బాలయ్య మీద పాజిటివ్ హోప్ వచ్చింది .హిట్ , ప్లాప్ లతో సంబంధం లేకుండా సినిమా లు చేసే బాలయ్య  డెడికేషన్ ఉన్న నటుడు అని నేమ్ తెచ్చుకున్నాడు.
ఆడియన్స్ ని రీచ్ అయిన ట్రైలర్ 
పూరి డైరెక్షన్ లో తయారవుతున్న బాలయ్య సినిమా పైసవసుల్. ఇద్దరు యువ సూపర్‌స్టార్ల చిత్రాలతో ఢీకొంటోన్న బాలకృష్ణ చిత్రం 'పైసా వసూల్‌' ఫాన్స్‌కి ఇజ్జత్‌ కా సవాల్‌గా మారింది. అద్దిరిపోయే డైలాగ్స్ తో వచ్చిన ఈ పైసవసుల్ సినిమా ట్రైలర్ ఆడియన్స్ ని రీచ్ అయింది. ఈ డైలాగులు కూడా అభిమానుల్ని అలరించేవే. ఈ స్టంపర్ చూస్తే కథేంటన్నది అర్థం కావడం లేదు కానీ.. ఇది పక్కా యాక్షన్ మూవీ అన్నది మాత్రం తెలుస్తోంది. రిచ్ ఫారిన్ లొకేషన్లలో.. భారీగానే సినిమాను తెరకెక్కించినట్లున్నారు. మొత్తానికి ‘పైసా వసూల్’లో బాలయ్యను పూరి తనదైన స్టయిల్లో ప్రెజెంట్ చేసేలా కనిపిస్తున్నాడు ఈ స్టంపర్ చూస్తుంటే.

 

Pages

Don't Miss

Subscribe to RSS - అభిమానులు