అమరావతి

21:41 - April 23, 2018

అమరావతి : 2014లో టీడీపీతో పొత్తు వల్ల బీజేపీ చాలా నష్టపోయిందన్నారు ఆ పార్టీ శాసనసభా పక్ష నేత విష్ణుకుమార్‌ రాజు. పొత్తు లేకుండా ఉంటే.. ఇరవై ఎమ్మెల్యే, పది ఎంపీ సీట్లు గెలిచేవాళ్ళమన్నారు. టీడీపీ ఓ కుటుంబ పార్టీ అని విమర్శించారు. తెలుగుదేశం 2019లో అధికారంలోకి వచ్చే అవకాశమే లేదన్నారు. మే15 తరువాత టీడీపి నుంచి వైసీపీలోకి వలసలు ఉంటాయన్నారు విష్ణుకుమార్‌ రాజు. 

16:09 - April 23, 2018

అమరావతి : పోలవరం ప్రాజెక్టును సీఎం చంద్రబాబు పరిశీలించారు. ఈ నేపథ్యంలో మీడియాతో మాట్లాడుతు.. 2019 డిసెంబర్ కల్లా పోలవరాన్ని పూర్తి చేయాలనే లక్ష్యంతో ఎన్ని ఇబ్బందులొచ్చినా ముందుకు పోతున్నామని చంద్రబాబు ధీమా వ్యక్తం చేశారు. ఈ సంవత్సరం 200ల టీఎంసీల గోదావరి నీరు ఉపయోగించుకునేలా చర్యలు తీసుకున్నామన్నారు. పోలవరం ప్రాజెక్టు ఇస్తానన్న నిధులు కేంద్ర ఇచ్చి తీరాలని డిమాండ్ చేశారు. ఎన్డీయే ప్రభుత్వం నుండి బైటకొచ్చారని పోలవరం నిధులు నిలిపివేస్తే నిరసనలతో హక్కులను సాధించుకునేందుకు అన్ని విధాలా చర్యలు తీసుకుంటామన్నారు. డ్రోన్ల సహాయంతో వ్యవసాయంలో చీడపీడల నుండి కాపాడుకునేందుకు చర్యలు తీసుకుంటున్నామని సీఎం చంద్రబాబు తెలిపారు.

14:38 - April 23, 2018

అమరావతి : కరవు లేని రాష్ట్రంగా ఏపీని తీర్చిదిద్దాలనేదే నా లక్ష్యం అని సీఎం చంద్రబాబు పేర్కొన్నారు. పోలవరంలో సీఎం చంద్రబాబు పర్యటన సందర్భంగా రైతులతో ముఖాముఖి కార్యక్రమాన్ని నిర్వహించారు. ఈ సందర్భంగా ఆయన మాట్లాడుతు..రాష్ట్రంలో వున్ రెండు కోట్ల ఎకరాలను వ్యవసాయం కోసం ఉపయోగించేంత నీటి భద్రతను ఇచ్చేందుకు ఆధునిక టెక్నాలజీని వినియోగించేలా చర్యలు తీసుకుంటున్నామని తెలిపారు. నదుల అనుసంధానంతో నీటి ఎద్దడిని లేకుండా తగిన చర్యలు తీసుకోవాల్సిన అవుసరముందన్నారు. పోలవరం వంటి ప్రాజెక్టును ఇకముందు చూడలేరన్నారు. ఈ ప్రాజెక్టుకు సంబంధించి ఇప్పటికే 52.85 శాతం పనులను పూర్తయ్యాయని చంద్రబాబు తెలిపారు. వచ్చే నెలలలో అండర్ గ్రౌండ్ డ్యామ్ పని పూర్తవుతుందీన..స్పిల్ బేస్ కు ఈరోజు కాంక్రీట్ పనులు ప్రారంభించామని తెలిపారు. వ్యవసాయానికి పుష్కలంగా నీరుంటే బంగారం పండించే రైతులున్నారని రైతులను చంద్రబాబు అభినందించారు. ఇటు పోలవరం ప్రాజెక్టు, అటు నదుల అనుసంధానం జరిగితీరాలని అప్పుడే రాష్ట్రం అభివృద్ది చెందుతుందన్నారు. తిరుమల వెంకన్న సాక్షిగా కేంద్ర ప్రభుత్వం ఏపీ విభజన సమయంలో ఇచ్చిన హామీలను అమలు చేయాలని సీఎం చంద్రబాబు డిమాండ్ చేశారు. తిరుపతి వెంకన్నకు మీరు సమాధానం చెప్పాల్సిన బాధ్యత మీకుందని చంద్రబాబు పేర్కొన్నారు. రాష్ట్రంలో నీటి భద్రతనిస్తామని రైతులకు చంద్రబాబు హామీ ఇచ్చారు. వ్యవసాయంలో ఆధునీకరణను ప్రవేశపెట్టామన్నారు. 

22:15 - April 22, 2018

అమరావతి : టీడీపీ ఎమ్మెల్యే అనిత సంచలన నిర్ణయం తీసుకున్నారు. తిరుమల తిరుపతి దేవస్థానం మెంబర్‌గా తన నియామకాన్ని వెనక్కు తీసుకోవాలంటూ సిఎం చంద్రబాబుకు లేఖ రాశారు. తన కారణంగా ప్రభుత్వానికి చెడ్డపేరు తీసుకురావడం ఇష్టం లేదని లేఖలో రాశారు. తాను హిందువునని, తన ఇష్టదైవం వేంకటేశ్వర స్వామి అని ఆమె స్పష్టం చేశారు. అయితే తన నియామకం ... వివాదాస్పదం కావడం తనకు ఇష్టం లేదన్నారు. తన నియోజకవర్గ అభివృద్ధి, పార్టీకి సమయం కేటాయించాల్సి ఉన్నందున.. తన టీటీడీ సభ్యత్వం నియామకాన్ని వెనక్కు తీసుకోవాలని లేఖలో చంద్రబాబును కోరారు.

22:11 - April 22, 2018

అమరావతి : ప్రత్యేక హోదా, విభజనచట్టంలోని అంశాలు అమలు చేయాలన్న డిమాండ్‌తో.. మాజీ మంత్రి పిన్నమనేని వెంకటేశ్వరరావు ఆధ్వర్యంలో విజయవాడలోని బందర్‌రోడ్డులో ధర్నా నిర్వహించారు. మంత్రి దేవినేని ఉమామహేశ్వరరావు, బందర్ ఎంపీ కొనకళ్ళ నారాయణరావు ధర్నాలో పాల్గొని ప్రసంగించారు. తెలుగుజాతి గౌరవాన్ని ప్రపంచానికి చాటిచెప్పిన గొప్పవ్యక్తి నందమూరి తారకరామారావు అని మంత్రి దేవినేని ఉమా అన్నారు. మైలవరం చెరువులో నీళ్ళు లేవని జగన్ చెప్పడం విడ్డూరంగా ఉందన్నారు. ప్రత్యేక హోదా, విభజన చట్టంలోని హమీల అమలు చేయాలంటూ సీఎం 29 సార్లు ఢిల్లీవెళ్ళినా అమలు చేయకపోవడం దుర్మార్గమన్నారు.  

17:15 - April 21, 2018

విజయవాడ : తనతో విరోధం పెట్టుకోవడానికి ధైర్యం కావాలని, వేరే పార్టీతో లాలూచీ పడి తనతో బీజేపీ విరోధం పెట్టుకుందని ఏపీ సీఎం చంద్రబాబు నాయుడు పేర్కొన్నారు. అమరావతిలో సాధికార మిత్రలతో బాబు ముఖాముఖి నిర్వహించారు. ఈ సందర్భంగా ఆయన మాట్లాడుతూ...పోరాడి సాధించి హక్కులు సాధించుకోవాలని నిర్ణయించుకోవడం జరిగిందని, అందులో భాగంగా తాను ధర్మ దీక్ష చేయడం జరిగిందన్నారు. ఈనెల 30వ తేదీన తిరుపతిలో నిర్వహించే సభలో గతంలో మోడీ ఇచ్చిన హామీలు విజువల్స్, ప్రసంగాల క్యాసెట్లను ప్రదర్శిస్తామన్నారు. ఇక రాబోయే ఎన్నికల్లో ఏపీలో బీజేపీకి ఒక్కసీటు కూడా రాదని జోస్యం చెప్పారు. మోసం చేసిన బీజేపీకి ఏపీ ప్రజలు ఓట్లు వేయరని, వైసీపీ లాలూచీ వల్లే మోడీ ప్రభుత్వం రాష్ట్రానికి ద్రోహం చేసిందన్నారు. 

10:01 - April 17, 2018

అమరావతి : ఏపీకి ప్రత్యేక హోదా తమ వంతు పోరాటం చేస్తామన్న తెలుగువారు కేంద్ర ప్రభుత్వాన్ని హెచ్చరించారు. ప్రత్యేక హోదా ఇవ్వకుంటే కర్నాటక ఎన్నికల్లో తెలుగువారి సత్తా చూపిస్తామని హెచ్చరికలు జారీ చేశారు. ఏపీకి ప్రత్యేక హోదా ఇచ్చి తీరాలని తెలుగువారు డిమాండ్ చేస్తున్నారు. తెలుగు వారు ఎక్కడ వున్నా వారి రాష్ట్ర శ్రేయస్సును మరచిపోరనే వాస్తవం ఈ ఘటనతో మరోసారి రుజువయింది. తాము వున్నది పొరుగు రాష్ట్రమైన కర్ణాటకలోనైనా ఏపీకి ప్రత్యేక హోదా ఇవ్వాలని దానికోసం సీఎం చంద్రబాబుకు తమ మద్ధతును తెలిపారు కర్ణాటకలోని తెలుగువారు. ప్రత్యేక హోదా కోసం సీఎం ముఖ్యమంత్రి చంద్రబాబు చేస్తున్న పోరాటంలో కర్ణాటకలో ఉన్న తెలుగువారు మద్దతిచ్చారు. సచివాలయంలో చంద్రబాబును కలిసి సంఘీభావం తెలిపారు. 

07:33 - April 17, 2018

అమరావతి : పోలవరం ప్రాజెక్ట్‌ కోసం ఇప్పటి వరకు ఖర్చు పెట్టిన వ్యయంలో కేంద్రం చెల్లించాల్సిన మొత్తాన్ని రాష్ట్ర ప్రభుత్వానికి తిరిగిచ్చేలా కేంద్ర మంత్రులకు లేఖలు రాయాలని ముఖ్యమంత్రి చంద్రబాబు అధికారులను ఆదేశించారు. సచివాలయంలో పోలవరం సహా 53 ప్రాధాన్య ప్రాజెక్టులపై సమీక్ష సమావేశం నిర్వహించారు. ఇప్పటి వరకు పోలవరంకు సంబంధించి 52 శాతం పనులు పూర్తి అయ్యాయని అధికారులు చంద్రబాబుకు తెలిపారు. కుడి ప్రధాన కాలువ పనులు 89 శాతం, ఎడమ ప్రధాన కాలువ పనులు 58 శాతం పూర్తి అయ్యాయని చెప్పారు. లక్ష్యానికి మించి పోలవరం పనులు సాగుతుండడంతో సీఎం చంద్రబాబు అధికారులను అభినందించారు. సమీక్షలో జలవనరుల శాఖ మంత్రి దేవీనేని ఉమామహేశ్వరరావు, నిర్మాణ సంస్థల ప్రతినిధులతో పాటు పలు శాఖల సెక్రటరీలు పాల్గొన్నారు. 

17:59 - April 14, 2018

గుంటూరు : రాజ్యాంగ నిర్మాత బీ.ఆర్‌.అంబేద్కర్‌ 127 జయంతి సందర్భంగా ఏపీ సీఎం చంద్రబాబు ఘనంగా నివాళులర్పించారు. ఈ సందర్బంగా చంద్రబాబు అంబేద్కర్ స్మృతివనం ఆకృతిని సీఎం చంద్రబాబు ఆవిష్కరించారు. శాఖమూరులో 20 ఎకరాలలో రూ.100కోట్లతో అంబేద్కర్ స్ఫూర్తిని చాటేలా అంబేద్కర్ స్మృతివనం ఆకృతిని నిర్మాణం చేపడతామని చంద్రబాబు తెలిపారు. రాజ్యాంగస్ఫూర్తిని అనుసరిస్తూ దేశంలో పాలన సాగాల్సిన అవసరం ఉందన్నారు. అంబేద్కర్‌ గొప్పతనం భావితరాలకు తెలియాలనే రాజధాని అమరావతిలో అంబేద్కర్‌ స్మృతివనం నిర్మిస్తున్నామని చంద్రబాబు తెలిపారు. 

17:45 - April 14, 2018

అమరావతి : ఏపీ విషయంలో కేంద్ర అనుసరిస్తున్న వైఖరికి నిరసనగా ఈ నెల 20న తన పుట్టినరోజున ఒక్కరోజు నిరసన తెలుపుతున్నట్లు ఏపీ సీఎం చంద్రబాబు ప్రకటించారు. ఈనెల 20న తన పుట్టినరోజున ..సాయంత్రం వరకు దీక్ష చేస్తానని... . ఈనెల 30న తిరుపతిలో బహిరంగ సభ ఉంటుందని తెలిపారు. టీడీపీ అంటే ఏంటో కేంద్రానికే కాదు.. మొత్తం దేశానికి తెలిసే విధంగా చేస్తానని చంద్రబాబు స్పష్టం చేశారు. 25 మంది ఎంపీలున్న రాష్ట్రాన్ని బీజేపీ కాదనుకుంటోందని... ఆ 25 ఎంపీ సీట్లను గెలిపిస్తే ఢిల్లీని శాసించేది మనమేనని చంద్రబాబు ఉద్ఘాటించారు. కాగా ఏపీ ప్రత్యేక హోదాపై నిరసనల గళం హోరెత్తుతోంది. ఈ క్రమంలో పార్లమెంట్ సమావేశాల అనతరం హోదాకోసం వైసీపీ ఎంపీలు నిరాహార దీక్ష చేపట్టారు. అలాగే కేంద్రం అవలంభిస్తున్న వైఖరికి ఏపీ వ్యాప్తంగా అన్ని పార్టీలు నిరసనలు వ్యక్తం చేశాయి. ఇదిలా వుండగా..పార్లమెంట్ లో విపక్షాలు వ్యవహరించిన తీరుకు ప్రధాని మోదీ దీక్షచేశారు. ఇప్పుడు తాజాగా సీం చంద్రబాబు నాయుడు కూడా ఈనెల 20 తేదీన తన పుట్టినరోజు నాడు చంద్రంబాబు దీక్ష చేపట్టబోతున్నాను. 

Pages

Don't Miss

Subscribe to RSS - అమరావతి