అమెరికా

16:13 - November 18, 2018

హైదరాబాద్ : అమెరికాలో తెలంగాణ వాసి హత్య కలకలం రేపుతోంది. ఓ బాలుడు జరిపిన కాల్పుల్లో మెదక్ జిల్లాకు చెందిన సునీల్ హతమయ్యాుడ. ఆయన తల్లి 95వ జన్మదిన వేడుకల కోసం భారత్‌కు వచ్చేందుకు సిద్ధమవుతున్న సమయంలో ఈ ఘటన జరిగడంతో కుటుంబీకులు కన్నీరుమున్నీరవుతున్నారు. 
Image result for telangana Medak Dist man shot dead in usమెదక్‌ పట్టణం సీఎస్‌ఐ మిషన్‌ కంపౌండ్‌కు చెందిన ఎడ్ల సునీల్‌ దయాల్‌(60) తన భార్యా పిల్లలతో కలిసి 1987 నుంచి అమెరికాలోని వెంట్నార్‌ సిటీలో నివాసముంటున్నారు. ఉద్యోగం ముగించుకుని సునీల్ ఇంటికొచ్చాడు. అప్పటికే అక్కడున్న ఓ 16 ఏండ్ల బాలుడు సునీల్‌పై కాల్పులు జరిపాడు. సునీల్‌ తలపై కాల్చడంతో అక్కడికక్కడే మరణించాడు. అనంతరం నిందితుడు సునీల్‌ కారును తీసుకొని అక్కడి నుంచి పారిపోయాడు. సునీల్‌ వాహనంలో ఉన్న ట్రాకింగ్‌ సిస్టమ్‌ ద్వారా పోలీసులు జాడ తెలుసుకుని నిందితుడిని అరెస్టు చేశారు. హత్య ఎందుకు చేశారనే విషయం తెలియాల్సి ఉంది.

18:23 - November 14, 2018

అమెరికా :  అమెరికాలో సెనేటర్స్ గా భారత సంతతి వ్యక్తులు వుండటం జరుగుతుంటుంది. కానీ ఇప్పటి వరకూ భారత సంతతికి చెందిన వారు అధ్యక్షపదవిని అలంకరించలేదు. ఈ నేపథ్యంలో రానున్న 2020లో ఎన్నికల్లో అమెరికా అధ్యక్ష ఎన్నికల్లో పోటీచేయాలని భారత సంతతి సెనెటర్‌ కమలా హ్యారిస్‌ అనే 54ఏళ్ల  మహిళ యోచిస్తున్నట్లు తెలుస్తోంది. నెల రోజుల క్రితం కమాలా హ్యారిస్  అయోవాలో పర్యటించడం ఈ వాదనలకు బలం చేకూరుస్తోంది. 2020 అధ్యక్ష ఎన్నికల ప్రక్రియలో భాగంగా తొలి ప్రైమరీ అక్కడే జరగనుంది ఈ పర్యటనలో హ్యారిస్‌ ప్రసంగించిన తీరు మాజీ అధ్యక్షుడు ఒబామాను గుర్తుకు తెచ్చిందని మీడియా పేర్కొంది. అయితే అధ్యక్ష ఎన్నికల్లో పోటీ చేయడంపై హ్వారిస్‌ ఇంకా అధికారికంగా ప్రకటించలేదు. తాను శ్వేతసౌధంలో రేసులో ఉన్నట్టు వచ్చిన వార్తల్ని ఆమె కొట్టిపారేయలేదు, ధ్రువీకరించలేదు. భారత సంతతి నుంచి తొలి సెనెటర్‌గా ఎన్నికైన కమలా హ్వారిస్‌ను ఫిమేల్‌ ఒబామా అని పిలుస్తారు. గత రెండేళ్లలో డెమొక్రటిక్‌ పార్టీలో మంచి గుర్తింపు దక్కించుకున్న ఆమె అధ్యక్షుడు డొనాల్డ్‌ ట్రంప్‌కు దీటుగా ఎదిగారు. ఇప్పటికిప్పుడు ఎన్నికలు నిర్వహిస్తే ట్రంప్‌ను హ్యారిస్‌ సులువుగా ఓడిస్తారని ఓ సర్వేలో తేలడం విశేషం.
 

13:28 - November 14, 2018

అమెరికా : వైట్‌హౌస్‌లో దీపావళి వేడుకలు ఘనంగా జరిగాయి. వరుసగా రెండో ఏడాది అమెరికా అధ్యక్షుడు డోనాల్డ్ ట్రంప్ దీపావళి వేడుకల్లో పాల్గొన్నారు. ఈ కార్యక్రమానికి అమెరికాలోని హిందువులు హాజరయ్యారు. విశ్వాసాలు, నమ్మకాలకు విలువనిచ్చే దేశం అమెరికా అని...అలాంటి అద్భుతమైన సంప్రదాయాలను మన జీవనంలో భాగం చేసుకుంటున్నామని ట్రంప్ చెప్పారు. చీకటిపై వెలుగు గెలుపునకు, చెడుపై మంచి సాధించిన విజయానికి ప్రతీక దీపావళి అని అన్నారు. 

 

14:44 - November 13, 2018

వాషింగ్టన్‌ : అమెరికా జైళ్లలో 2400 మంది భారతీయులు ఉన్నారు. అక్రమంగా సరిహద్దులు దాటి అమెరికాలోకి ప్రవేశించారనే కారణంతో దాదాపు 2,400 మంది భారతీయులు అమెరికా జైళ్లలో మగ్గుతున్నారని ఓ నివేదిక వెల్లడించింది. వారు అమెరికాలో ఆశ్రయం కోరుతూ అక్రమంగా సరిహద్దులు దాటినట్లు తెలిపింది. వీరిలో ఎక్కువ మంది భారత్‌లోని పంజాబ్‌ రాష్ట్రం నుంచి వెళ్లిన వారు ఉన్నారని నివేదిక వెల్లడించింది. పంజాబ్‌ నుంచి వెళ్లిన వారు తమ ప్రాంతంలోని హింసాత్మక పరిస్థితుల కారణంగా ఆశ్రయం కోరుతూ అమెరికా వచ్చినట్లు తెలిపారని నివేదిక తెలిపింది. అమెరికా సమాచార హక్కు చట్టం ద్వారా నార్త్‌ అమెరికన్‌ పంజాబీ అసోసియేషన్‌(ఎన్‌ఏపీఏ) అమెరికాలోని 86జైళ్లలో 2,382 మంది భారతీయులు ఉన్నారని సమాచారం తీసుకుందని సదరు నివేదిక వెల్లడించింది. 

 

18:45 - November 12, 2018

అమెరికా : మరణానంతరం జీవితం కూడా లేదు. అద్భుతమైన ఈ విశ్వ రహస్యాల్ని తెలుసుకోవాలంటే మనకు ఉన్నది ఒక్క జీవితం మాత్రమే!'' అని అంత బలంగా చెప్పిన డాక్టర్‌ స్టీఫెన్‌ హాకింగ్‌కు ఆ ఒక్క జీవితం కూడా ఎంతో దారుణంగా గడపాల్సి వచ్చిందని చాలామందికి తెలిసి ఉండక పోవచ్చు. ఆయన తన గురించి ఇలా చెప్పుకున్నారు. ''నా శరీరం నిస్సత్తువగా కుర్చీలో కూలబడి పోవచ్చు. కానీ, నా మెదడు విశ్వాంతరాళాల్ని శోధిస్తుంది'' అని, ఎంతో ఆత్మ విశ్వాసంతో చెప్పుకున్న భౌతిక శాస్త్రవేత్త హాకింగ్‌. ఆ అపర మేధావి జీవితంలో ఒక శరీర భాగంగా మారిపోయిన ఆ కుర్చీ ఇప్పుడు కోట్ల ధరకు అమ్ముడుపోయింది. ఆ కుర్చీని అడిగితే చెబుతుంది ఆయన మేథో సంపత్తి గురించి. ఆ కుర్చీని అడిగితే చెబుతుంది ఆయన పరిశోధనల పరంపర గురించి. ఆ మేధావి  మెదడులో పుట్టిన ప్రతీ ఆలోచన ఆ కుర్చీకి తెలుసు. ఆ కుర్చీ ప్రాణం లేని వస్తువులు కూడా కొందరికి అందించిన సేవలకు కీర్తి అందుకుంటాయి. అదే ఈ కుర్చీ ప్రత్యేకత. 
క్రిస్టీస్ సంస్థ నిర్వహించిన ఆన్‌లైన్ వేలంలో వీల్‌చైర్ ఏకంగా 393,000 డాలర్లకు అమ్ముడుపోయి చరిత్ర సృష్టించింది.  దీంతోపాటు 1965లో కేంబ్రిడ్జి యూనివర్సిటీలో హాకింగ్‌కు సమర్పించిన డాక్టోరల్ థీసిస్ ‘ప్రాపర్టీస్ ఆఫ్ ఎక్స్‌పాండింగ్ యూనివర్స్’‌కు కూడా భారీ ధర పలికింది. ఈ థీసిస్‌ 767,000 డాలర్లకు అమ్ముడుపోయింది. నిజానికి ఇంత సొమ్ము వస్తుందని వేలం నిర్వాహకులు ఊహించలేదు. లండన్‌లోని క్రిస్టీస్ హెడ్‌క్వార్టర్స్‌లో అక్టోబరు 31న ప్రారంభమైన ఆన్‌లైన్ వేలం గురువారంతో ముగిసింది.
 
వీల్‌చైర్ వేలం ద్వారా వచ్చిన సొమ్మును స్టీఫెన్ హాకింగ్ ఫౌండేషన్‌కు, మోటార్‌ న్యూరాన్‌ డిసీజెస్‌ అసోసియేషన్‌కు విరాళంగా ఇవ్వనున్నట్టు క్రిస్టీస్‌ తెలిపింది. వేలంలో హాకింగ్‌కు చెందిన మరికొన్ని వస్తువులు కూడా ఉన్నాయి. 1988లో ఆయన రాసిన ‘ఎ బ్రీఫ్ హిస్టరీ ఆఫ్ టైమ్’ 89,750 డాలర్లు, 2016లో తనపై డాక్యుమెంటరీ చిత్రీకరించినప్పుడు ధరించిన బాంబర్ జాకెట్ 52,200 డాలర్లు, తన చివరి పుస్తకమైన ‘ది సింప్సన్స్’ ఒరిజనల్ స్క్రిప్ట్ 8,160 డాలర్లకు అమ్ముడుపోయాయి. హాకింగ్ 76 ఏళ్ల వయసులో 14 మార్చి 2018న కేంబ్రిడ్జిలోని తన నివాసంలో మరణించటంతో ఈ విశ్వం ఓ అపర మేధావిని కోల్పోయింది.

18:19 - November 8, 2018

కాలిఫోర్నియా: అమెరికాలో కాలిఫోర్నియాలోని ధౌజండ్ ఓక్స్ ప్రాంతంలోని బార్ లో గురువారం తెల్లవారు ఝూమున ఓ దుండగుడు జరిపిన కాల్పుల్లో 13మంది మరణించారు. పలువురికి  గాయాలయ్యాయి. సమాచారం అందుకున్న పోలీసులు ఘటనా స్ధలానికి చేరుకుని సహాయక చర్యలు చేపట్టారు. అగ్నిమాపక దళాలు, అంబులెన్స్లు ఘటనాస్దలానికి చేరుకుని సహయక చర్యలు చేపట్టాయి. గాయపడ్డ వారిని ఆస్పత్రికి తరలించి చికిత్స అందిస్తున్నారు. కాలిఫోర్నియాలోని బోర్డర్ లైన్ బార్ అండ్ గ్రిల్ అనే పబ్ లో ఓకళాశాలకు చెందిన సుమారు 200 మందికి పైగా విద్యార్ధులు పార్టీ చేసుకుంటుండగా ఆగంతకుడు పబ్ లోకి ప్రవేశించి విచక్షణా రహితంగా కాల్పులు జరిపాడు. పబ్ లోకి వస్తూనే పొగ వచ్చే గ్రెనేడ్లు విసిరి కాల్పులుకు తెగబడినట్లు ప్రత్యక్ష సాక్షులు చెప్పారు. సుమారు 30 రౌండ్లు కాల్పులు జరిపిన ఆంగతకుడు కూడా బార్ లోనే చనిపోయినట్లు పోలీసులు గుర్తించారు. కాల్పుల ఘటనకు సంబంధించి పూర్తి వివరాలు తెలియాల్సి ఉంది.  ఇటీవల అమెరికాలో  స్కూళ్లు, ప్రార్ధనా మందిరాలు, పబ్ లు రెస్టారెంట్లుతో సహా బహిరంగప్రదేశాలలో ఇటీవల  దుండగులుకాల్పులు జరిపే ఘటనలు ఎక్కువయ్యాయి. 

08:23 - November 4, 2018

వాషింగ్టన్ : అమెరికాలో మళ్లీ కాల్పుల కలకలం చెలరేగింది. పిట్స్‌బర్గ్‌ కాల్పుల ఘటన మరిచిపోకముందే ఫ్లోరిడా రాష్ట్ర రాజధాని టల్లహసీలోని ఓ యోగా స్టూడియోలో ఆగంతకుడు విచక్షణారహితంగా కాల్పులు జరిపాడు. ఈ ఘటనలో ఇద్దరు మృతి చెందగా ఐదుగురు తీవ్రంగా గాయపడ్డారు. అనంతరం నిందితుడు కూడా తనను తాను కాల్చుకున్నాడు. యోగా స్టూడియోలోకి తుపాకీతో ఒంటరిగా ప్రవేశించిన స్కట్‌ పాల్‌ బీర్లె ఎలాంటి హెచ్చరికలు లేకుండానే కాల్పులు ప్రారంభించాడు. దీంతో నాన్సీ వాన్‌ వెస్సెమ్‌ అనే వైద్యురాలు, మౌరా బింక్లీ అనే విద్యార్థి మృతి చెందారు. ఈ సందర్భంగా ఓ వ్యక్తి ప్రాణాలకు తెగించి ఆగంతకుడి నుంచి పిస్టల్‌ను లాక్కునేందుకు ప్రయత్నించారు. మరికొందరు అక్కడి జనాలు తప్పించుకునేందుకు సహకరించారు. లేకుంటే మరింత ప్రాణనష్టం జరిగేదని ప్రత్యక్ష సాక్షులు చెప్పారు.

 

10:23 - November 3, 2018

అమెరికా : హెచ్‌-1బి వీసా ప్రక్రియ మరింత కఠినతరమవుతోంది. ఈ వీసాలపై ఆధారపడే ఉద్యోగ సంస్థలే లక్ష్యంగా అమెరికా అధ్యక్షుడు డొనాల్డ్‌ ట్రంప్‌ కొత్త నిబంధనలు తీసుకొచ్చారు. హెచ్‌-1బి కిందవచ్చే కొత్త విదేశీ నిపుణులను ఉద్యోగాల్లోకి తీసుకోవడం కష్టతరమయ్యేలా వీటిని సిద్ధం చేశారు. భారత ఐటీ నిపుణులపై ఇవి తీవ్ర ప్రభావం చూపే అవకాశముంది. వీటి ప్రకారం ప్రస్తుతం తమ దగ్గర పనిచేస్తున్న విదేశీ ఉద్యోగుల లెక్కలు తప్పనిసరిగా ఉద్యోగ సంస్థలు వెల్లడించాల్సి ఉంటుంది. కార్మిక శాఖ కోరుతున్న తాజా సమాచారం అత్యంత కీలకంగా మారనుంది. దీని ఆధారంగానే కొత్తగా హెచ్‌-1బి వీసాదారులను తీసుకొనేందుకు ఉద్యోగ సంస్థలకు అనుమతి ఇస్తారు. దేశీయంగా ఆ ఉద్యోగానికి ఎవరూ అందుబాటులో లేరని శాఖ ధ్రువీకరించిన తర్వాతే విదేశీ నిపుణుల నియామకాలకు సంస్థలకు అవకాశం కల్పిస్తారు. దీనికి అనుగుణంగా కార్మిక నిబంధనల దరఖాస్తులో మార్పులు చేశారు. హెచ్‌-1బి నిపుణుల ఉద్యోగ స్థితిగతులు, వారు ఎక్కడెక్కడ పనిచేస్తున్నారు? ఎంత కాలం నుంచి కొనసాగుతున్నారు? ఒక్కో కార్యాలయంలో ఎంత మంది ఉన్నారు? లాంటి వివరాలన్నీ సమగ్రంగా సేకరించేలా దరఖాస్తులో మార్పులు చేశారు. హెచ్‌-1బి లపై ఆధారపడుతున్న సంస్థలు, అవి అందిస్తున్న సేవలను వినియోగించుకుంటున్న ద్వితీయ పక్ష సంస్థలను స్పష్టంగా గుర్తించేలా కొత్త నిబంధనలు తీసుకొచ్చారు. 

 

18:20 - November 1, 2018

అరిజోనా (అమెరికా): రోడ్డు ప్రమాదం జరిగిన తర్వాత ఓ మహిళ 6 రోజులపాటు కారులోనే ఉండిపోయింది. వివరాల్లోకి వెళితే.. అమెరికాలోని అరిజోనాలో అక్టోబర్ 12న మహిళ ఒక్కతే డ్రైవ్ చేస్తూ ఉండగా కారు అదుపుతప్పి రైలింగ్‌ను ఢీ కొట్టి 17 మీటర్ల లోతు ఉన్న లోయలోకి పడిపోయింది. కారు చెట్టు కొమ్మలో ఇరుక్కుపోవడంతో ఆరు రోజులపాటు కారులోనే ఉండిపోయింది. అక్టోబర్ 18న రైలింగ్ డ్యామేజీని గమనించిన భద్రతా సిబ్బంది చెట్టుపై ఉన్న కారును గమనించి కిందకి దిగారు. కానీ కారులో ఎవరూ లేకపోవడంతో వెనుతిరిగారు. ఆ మహిళ చిన్నగా చెట్టుపైనుంచి పైకి వచ్చి రైల్-రోడ్డుకు చేరుకొనేందుకు ప్రయాసపడింది. అయితే శరీరంలో నీరు తక్కువ కావడంతో అక్కడికి చేరుకోలేకపోయింది. స్థానికులు కొందరు ఆ మహిళను గమనించడంతో ఆసుపత్రిలో చేర్చడంతో కోలుకుంటోంది. 
 

18:12 - November 1, 2018

అమెరికా : పాప్ ప్రపంచంలో అతనికి సాటి ఎవ్వరూ లేరు. రారు. అంతటి పేరు ప్రఖ్యాతులు తన స్వయంకృషితోనే సంపాదించుకున్న గొప్ప సింగర్ మైఖేల్ జాక్సన్. అతని పేరే ఓ ప్రభంజనం, ఓ సంచలనం, ఓ అభిమానం, ఓ వైబ్రేషన్. నల్లజాతీయుడై మైఖేల్ తన జీవితంలో తెల్లటి శరీరంకోసం కోట్లాది డాలర్లలను ఖర్చు పెట్టాడంటారు. అతని  శరీరానికి ఎన్ని ప్లాస్టిక్ సర్జరీలు జరిగాయో లెక్కే లేదు. ఓ సంగీత సామ్రాజం కూలిపోయిన వేళ అభిమానులు తట్టుకోలేకపోయారు. అతని పేరు చరిత్రలో చిరస్థాయిగా నిలిచిపోయింది. ఈ నేపథ్యంలో సంగీత సామ్రాజ్యం కూలిపోయినా..అతను చరిత్ర సృష్టిస్తునే వున్నాడు. 

Image result for forbes death celabrites listపాప్‌ రారాజు మైఖెల్‌ జాక్సన్‌ చనిపోయి కొన్నేళ్లవుతున్నప్పటికీ అత్యధికంగా సంపాదిస్తున్న డెడ్‌ సెలబ్రిటీల జాబితాలో మొదటి స్థానంలో నిలిచారు. ప్రముఖ అమెరికన్‌ బిజినెస్‌ మ్యాగజైన్‌ ఫోర్బ్స్‌.. చనిపోయిన తర్వాత కూడా డబ్బులు సంపాదిస్తున్న సెలబ్రిటీల జాబితాను విడుదల చేసింది. అందులో మైఖెల్‌ జాక్సన్‌ మొదటి స్థానంలో ఉన్నారు. జాక్సన్‌ గతేడాది 400 మిలియన్‌ డాలర్లు సంపాదించారు. అదెలాగంటే.. లండన్‌కు చెందిన ఈఎంఐ మ్యూజిక్‌ కంపెనీలో జాక్సన్‌కు వాటాలు ఉన్నాయి.జాక్సన్‌ మ్యూజిక్‌ ఆల్బమ్స్‌ అన్నీ దాదాపు ఈఎంఐ సంస్థే కొనుగోలు చేసింది. జాక్సన్‌కు చెందిన ప్రైవేట్‌ ఏజెంట్ల ద్వారా ఈ మ్యూజిక్‌ ఆల్బమ్స్‌ను సోనీ సంస్థ 287 మిలియన్‌ డాలర్లకు కొనుగోలు చేసింది. ఈ మ్యూజిక్‌ ఆల్బమ్స్‌ అమ్మకాల ప్రక్రియ ద్వారా జాక్సన్‌ పరోక్షంగా దాదాపు 400 మిలియన్‌ డాలర్లు సంపాదించారు. అలా 2009లో చనిపోయిన జాక్సన్‌ ఇప్పటివరకు 1.8 బిలియన్‌ డాలర్స్‌ను సంపాదించారు. 

  • Image result for forbesమైఖేల్ జాక్సన్      : 1.8 బిలియన్‌ డాలర్స్ 
  • మ్యూజిక్‌ లెజెండ్‌ ఎల్విస్‌ ప్రెస్లే: 31 మిలియన్‌ డాలర్స్  
  • గోల్ఫ్‌ క్రీడాకారుడు ఆర్నాల్డ్‌ పామర్: 27 మిలియన్‌ డాలర్స్ 
  • ప్లేబాయ్‌ సంస్థ వ్యవస్థాపకుడు హ్యూగ్‌ హెఫ్నర్‌: 11.7 మిలియన్‌ డాలర్స్ 
  • ఆ తర్వాతి స్థానాల్లో ప్రముఖ గాయకుడు బాబ్‌ మార్లే, రచయిత స్యూస్‌, గాయని మార్నిల్‌ మన్రో ఉన్నారు.

 

 


 

Pages

Don't Miss

Subscribe to RSS - అమెరికా