అమెరికా

21:54 - September 20, 2017

ప్రిన్స్ టన్ : యుపిఏ వైఫల్యాలను కాంగ్రెస్‌ ఉపాధ్యక్షుడు రాహుల్‌ గాంధీ అంగీకరించారు. రోజుకు 30 వేల ఉద్యోగాలను సృష్టిస్తామని ఇచ్చిన హామీని నెరవేర్చలేకపోయామని రాహుల్‌ అన్నారు. ప్రస్తుత అవసరాలకు తగినవిధంగా ఉద్యోగాల సృష్టిలో ఎన్డీయే ప్రభుత్వం కూడా విఫలమవుతోందని తెలిపారు. తమ మీద ఆగ్రహం వ్యక్తం చేసినవారు ప్రస్తుత మోదీ ప్రభుత్వంపై కూడా ఆగ్రహంతో ఉన్నారని రాహుల్‌ చెప్పారు. నిరుద్యోగం భారత ఆర్థికవ్యవస్థకు పెను సవాల్‌గా మారిందన్నారు. అమెరికాలోని ప్రిన్స్‌టన్‌ యూనివర్సిటీ విద్యార్థుల నుద్దేశించి మాట్లాడుతూ మోది సర్కార్‌ను టార్గెట్‌ చేశారు. విద్య, ఆరోగ్యంపై కేంద్రం నిధులు వెచ్చించడం లేదని విమర్శించారు. మేక్‌ ఇన్‌ ఇండియాను పెద్ద పారిశ్రామికవేత్తలకే పరిమితం చేశారని... చిన్న వ్యాపారులను ప్రోత్సహించేలా చూడాలని అభిప్రాయపడ్డారు.

19:45 - September 20, 2017

చిలీ: మెక్సికోను భారీ భూకంపం కుదిపేసింది. భూకంపం ధాటికి అనేక భవనాలు పేక మేడల్లా కూలిపోయాయి. మరికొన్ని భవనాలు భూ ప్రకంపనలకు చెట్లలా ఊగాయి. భూకంపానికి బోట్లు ఊగిపోయాయి. బోటింగ్‌ షికారు చేస్తున్న టూరిస్టులు బెంబేలెత్తిపోయారు. ప్రకంపనలతో భయాందోళనకు గురైన వేలాదిమంది ప్రజలు ఇళ్లు, ఆఫీసుల నుంచి బయటకు పరుగులు తీశారు. చాలామంది గంటల తరబడి రోడ్లపైనే ఉండిపోయారు. మంగళవారం మధ్యాహ్నం 1-14 నిముషాలకు భూకంపం సంభవించినట్లు యుఎస్‌ జియోలాజికల్‌ సర్వే పేర్కొంది. భూకంప తీవ్రత రెక్టార్‌ స్కేలుపై 7.1గా నమోదు అయింది. మెక్సికో సిటీకి 123 కిలోమీటర్ల దూరంలో ప్యూబెలా రాష్ట్రంలోని రబొసొ వద్ద భూకంపం కేంద్రం ఉన్నట్లు అధికారులు గుర్తించారు.

కుప్పకూలిన ఐదంత‌స్థుల భ‌వ‌నం
మెక్సికో న‌గ‌రం న‌డిబొడ్డున ఉన్న కాండెసా ప్రాంతంలోని ఓ ఐదంత‌స్థుల భ‌వ‌నం కుప్పకూలింది. శిథిలాల కింద చిక్కుకున్న కొందరిని సహాయక సిబ్బంది రక్షించింది. భూకంపానికి మెక్సికో సిటీలోని ఎన్రిక్‌ రెబ్‌సామెన్‌ పాఠశాల స్కూలు పైకప్పు కూలిపోయి 20 మంది విద్యార్థులు మృత్యువాత పడడం కలచివేసింది. మృతుల్లో ఇద్దరు టీచర్లు కూడా ఉన్నారు. శిథిలాల కింద మరో 30 మంది, 8 మంది సిబ్బంది ఉంటారని అంచనా వేస్తున్నారు. 44 చోట్ల భవనాలు కూలిపోయాయని మెక్సికో మేయర్ మిగేల్ తెలిపారు. 60 మందిని శిథిలాల నుంచి సురక్షితంగా వెలికి తీశామని, 70 మంది ఆసుపత్రుల్లో చికిత్స పొందుతున్నారని ఆయన పేర్కొన్నారు. ప్యూబ్లా, మొర్లస్‌, మెక్సికో సిటీలో భూకంప తీవ్రత ఎక్కువ ఉందని... శిథిలాల కింద అనేక మంది చిక్కుకుపోయారని, సహాయక కార్యక్రమాలు పూర్తయితే కానీ పూర్తి వివరాలు అందుబాటులోకి రావని అధికారులు తెలిపారు.

ఇదే రోజు మెక్సికోలో భూకంపం
మెక్సికోలో వారం రోజుల క్రితమే భారీ భూకంపం సంభవించింది విద్యుత్‌ లైన్లు, ఫోను లైన్లు అనేకచోట్ల ధ్వంసమయ్యాయి. స‌రిగ్గా 32ఏళ్లక్రితం 1985 సెప్టంబ‌రు 19న‌ ఇదే రోజు మెక్సికోలో భూకంపం సంభవించి 10 వేల మంది చనిపోయారు. ఈ సందర్భంగా మంగ‌ళ‌వారం నగరంలో ప్రజలను అప్రమత్తం చేస్తూ అధికారులు మాక్‌డ్రిల్స్‌ నిర్వహించారు. అది పూర్తయిన కొన్ని గంటలకే భూకంపం సంభవించడం గమనార్హం. భూకంపం ఎంత తీవ్రంగా ఉందంటే ఆ భయం నుంచి 2 కోట్ల మంది ప్రజలు తేరుకోలేక పోతున్నారు. మెక్సికోకు అండగా ఉంటామని అమెరికా అధ్యక్షుడు డొనాల్డ్‌ ట్రంప్‌ ప్రకటించారు.

13:33 - September 19, 2017

అమెరికా : ఇర్మా హరికేన్‌ నుంచి ఇంకా కోలుకోని కరీబియన్‌ దీవులకు మరో ప్రమాదం ముంచుకొస్తోంది. సాధారణ తుపానుగా ప్రారంభమైన మారియా హరికేన్‌-గ్రేడ్‌ ఫైవ్‌ స్థాయికి చేరుకుంది. మరికొద్ది గంటల్లో కరీబియన్‌ దీవులపై హరికేన్‌ విరుచుకుపడే అవకాశం ఉంది.  డొమినికా వద్ద తీరాన్ని తాకే అవకాశం ఉందని వాతావరణ శాస్త్రవేత్తలు తెలిపారు. మారియా హరికేన్‌ తీరం దాటే సమయంలో గంటకు 209 కిలోమీటర్ల వేగంతో గాలులు వీస్తాయని హెచ్చరికలు జారీ అయ్యాయి. దీంతోపాటు భారీ వర్షాలు, వరద ముప్పుకూడా ఉందని అధికారులు హెచ్చరిస్తున్నారు. ప్రధానంగా లీవార్డ్‌, మార్టినిక్‌, పోర్టారికో, యూఎస్‌, బ్రిటిష్‌వర్జిన్‌ ఐల్యాండ్స్‌పై మారియా హరికేన్‌ ప్రభావం చూపనుంది. ముందుజాగ్రత్త చర్యల్లో భాగంగా ఇప్పటికే లక్షల మందిని సురక్షిత ప్రాంతాలకు తరలిస్తున్నారు. 

 

08:12 - September 15, 2017

నల్లగొండ : అమెరికాలో జాత్యహంకారానికి బలైన కూచిభొట్ల శ్రీనివాస్‌ హత్య మరచిపోక ముందే కాన్సాస్‌లో మరో దారుణం జరిగింది. నల్గొండ జిల్లా మిర్యాలగూడ సమీపంలోని సీతారాంపురంకు చెందిన వైద్యుడు అచ్యుత్‌రెడ్డి హత్యకు గురయ్యాడు. కాన్సాస్‌ రాష్ట్రంలోని విచితలో డాక్టర్‌ అచ్యుత్‌రెడ్డి నిర్వహిస్తున్న హోలిస్టిక్‌ క్లినిక్‌లోనే ఈ దారుణం జరిగింది. చికత్సి కోసం వచ్చిన రోగే అచ్యుత్‌రెడ్డిని కత్తితో పొడిచి సంపాడు. అచ్యుత్‌రెడ్డి ప్రాథమిక విద్య నుంచి ఇంటర్‌ వరకు మిర్యాలగూడలోనే చదివాడు. హైదరాబాద్‌ ఉస్మానియా మెడికల్‌ కాలేజీలో 1986లో ఎంబీబీఎస్‌ పూర్తి చేశారు. ఆ తర్వాత అమెరికా వెళ్లి, అక్కడ సైకియాట్రీ చేశారు. 1989 నుంచి కాన్సాస్‌లోని విచితలో హోలిస్టిక్‌ క్లినిక్‌ నిర్వహిస్తున్నారు. ఈ నెల 13న క్లినిక్‌కు వచ్చిన ఒక వ్యక్తి డాక్టర్‌ అచ్చుత్‌రెడ్డితో వాగ్వాదానికి దిగాడు. ఇద్దరి మధ్య మాటా మాటా పెరిగింది. దీంతో కోద్రిక్తుడైన ఆ వ్యక్తి తన వద్ద ఉన్న కత్తినీ తీసుకుని అచ్యుత్‌రెడ్డిని పొడిచాడు. దీంతో అచ్యుత్‌రెడ్డి రక్తమడుగులోపడి విలవిలాకొట్టుకుని అక్కడికక్కడే ప్రాణాలు విడిశాడు. నిందితుణ్ని కాన్సాస్‌ పోలీసులు అరెస్టు చేసి, కేసు దర్యాప్తు చేస్తున్నారు.

విషాదంలో కుటుంబ సభ్యులు
అచ్యుత్‌రెడ్డిక భార్య బీనారెడ్డి, పిల్లలు రాధ, లక్ష్మి, విష్ణు ఉన్నారు. తల్లిదండ్రలు, భద్రారెడ్డి పారిజాత మిర్యాలగూడలో ఉంటున్నారు. విషయం తెలుసుకున్న అచ్యుత్‌రెడ్డి కుటుంబ సభ్యులు విషాదంలో మునిగిపోయారు. అచ్యుత్‌రెడ్డి హత్యకు కారణాలు తెలియాల్సి ఉంది. మృతదేహాన్ని భారత్‌కు తీసుకొచ్చేందుకు కుటుంబ సభ్యులు ఏర్పాట్లు చేస్తున్నారు.

 

22:11 - September 14, 2017

హైదరాబాద్ : అమెరికాలోని కాన్సాస్‌లో దారుణం జరిగింది. తెలంగాణకు చెందిన డాక్టర్ అచ్యుత్ రెడ్డి దారుణ హత్యకు గురయ్యారు. నల్లగొండ జిల్లా మిర్యాలగూడకు చెందిన అచ్యుత్ రెడ్డి.. కాన్సాస్‌లో సైక్రియాటిస్ట్‌గా పని చేస్తున్నారు. దుండగులు అచ్యుత్‌ రెడ్డిని కత్తితో పొడిచి చంపారు. హత్యకు సంబందించి ఓ అనుమానితున్ని.. పోలీసులు అదుపులోకి తీసుకుని విచారిస్తున్నారు.  

21:56 - September 12, 2017

వాషింగ్టన్ : అమెరికాలో రెండు వారాల పర్యటనకు వెళ్లిన కాంగ్రెస్‌ ఉపాధ్యక్షుడు రాహుల్‌ గాంధీ మోది ప్రభుత్వంపై ధ్వజమెత్తారు. భారత్‌లో ప్రస్తుతం అసహన పరిస్థితులు నెలకొన్నాయని... గోరక్షణ, బీఫ్‌ పేరిట మైనారిటీలు, దళితులపై దాడులు పెరిగిపోయాయన్నారు. మోది ప్రభుత్వం తీసుకున్న  పెద్ద నోట్ల రద్దు, జిఎస్‌టి నిర్ణయం వల్ల భారత ఆర్థిక వృద్ధిరేటు తగ్గిపోతోందని రాహుల్‌ ఆందోళన వ్యక్తం చేశారు.  వచ్చే సార్వత్రిక ఎన్నికల్లో ప్రధాని పదవికి పోటీ చేసేందుకు తాను సిద్ధంగా ఉన్నట్లు రాహుల్‌ స్పష్టం చేశారు. కాలిఫోర్నియాలోని బర్క్‌లీ యూనివర్సిటీలో విద్యార్థులను ఉద్దేశించి రాహుల్‌ మాట్లాడారు. మాది సంస్థాగత పార్టీ...దీనిపై పార్టీ నిర్ణయం తీసుకుంటుందని ఓ విద్యార్థి అడిగిన ప్రశ్నకు సమాధానంగా ఆయన చెప్పారు. తాను వారసత్వంగా రాజకీయాల్లో వచ్చానని అనుకోవద్దన్నారు. అఖిలేష్‌ యాదవ్‌, స్టాలిన్‌ కూడా వారసత్వంగా వచ్చినవారేనని రాహుల్‌ గుర్తు చేశారు. 

 

10:02 - September 12, 2017

ఫ్లోరిడా : కరీబియన్‌ దీవుల్లో విధ్వంసం సృష్టించిన హరికేన్‌ ఇర్మా.. ఫ్లోరిడా తీరాన్ని తాకింది. ఆదివారం ఫ్లోరిడాలోని కీస్‌ వద్ద దక్షిణ తీరాన్ని తాకిన ఇర్మా.. సోమవారం పశ్చిమ తీరానికి చేరుకోవడంతో తగ్గుముఖం పట్టి కేటగిరి 1గా మారింది. ప్రతి గంటకు 85 కిలోమీటర్ల వేగంతో గాలులు వీచే అవకాశం ఉన్నట్లు వాతావరణ శాఖ పేర్కొంది. పశ్చిమ తీరంలోని మార్కో ద్వీపంలో హరికేను ప్రతాపాన్ని చూపించింది. ఈ తుపాను కారణంగా గంటకు 177 కిలోమీటర్ల వేగంతో పెనుగాలులు వీచాయి. క్రమంగా ఇర్మా స్థాయి తగ్గుతున్నట్లు కన్పిస్తోందని వాతావరణశాఖ అధికారులు చెబుతున్నారు. ఫ్లోరిడాలోని చాలా ప్రాంతాల్లో ఇప్పటికీ హెచ్చరికలు కొనసాగుతున్నాయి. ఇర్మా భయంతో ఫ్లోరిడాలో దాదాపు 60 లక్షల మందిని సురక్షిత ప్రాంతాలకు తరలించిన విషయం తెలిసిందే. ఇర్మా తుపాను ధాటికి విద్యుత్‌ సరఫరా పూర్తిగా నిలిచిపోయింది. లక్షాలాది మంది ప్రజలు చీకట్లో మగ్గుతున్నారు. ఇళ్లలోకి నీరు చేరడంతో ప్రజలు ఇబ్బందులకు గురయ్యారు.

భారీగా ఆస్తినష్టం...
హరికేన్‌ ఇర్మాతో ఫ్లోరిడాకు భారీగా ఆస్తినష్టం సంభవించింది. ఫ్లోరిడా వంద బిలియన్‌ డాలర్లు నష్టపోయిందని నిపుణులు అంచనా వేస్తున్నారు. పర్యాటక రంగంపై ఇర్మా తీవ్ర ప్రభావాన్ని చూపనుందని చెబుతున్నారు. శీతాకాలంలో పర్యాటకుల సంఖ్య ఎక్కువగా ఉంటుంది. పర్యాటక ప్రాంతాలు చాలావరకు దెబ్బతినడంతో ఈసారి పర్యాటకుల సంఖ్య భారీగా తగ్గిపోనుందని విశ్లేషకులు అంచనా వేస్తున్నారు. డిస్నీ వరల్డ్‌కు చెందిన మ్యాజిక్‌ కింగ్డమ్‌, యునివర్శల్‌ స్టూడియోస్‌, లెగో ల్యాండ్‌, సీ వరల్డ్‌లాంటి ప్రముఖ పర్యాటక ప్రదేశాలను తాత్కాలికంగా మూసివేశారు. గత ఏడాది 113 మిలియన్ల మంది ఇక్కడ పర్యటించారు. ఇటీవల వచ్చిన హార్వే హరికేను అమెరికా చరిత్రలోనే అత్యంత నష్టదాయకమైంది. ఈ హరికేను కారణంగా అమెరికాకు 190 బిలియన్‌ డాలర్ల నష్టం వాటిల్లింది. ఇర్మా ధాటికి కరేబియన్‌ తీరంలో ఇప్పటికే 25 మంది ప్రాణాలు కోల్పోగా.. ఫ్లోరిడాలో ముగ్గురు చనిపోయినట్లు సమాచారం. ఇర్మా పశ్చిమ దిశగా కదులుతుండటంతో చాలా వరకు ముప్పు తప్పిందని అమెరికా అధ్యక్షుడు ట్రంప్‌ అన్నారు.

19:15 - September 11, 2017

టెక్సాస్ : టెక్సాస్‌లో కాల్పులు మరోసారి కలకలం రేపాయి. ఈ కాల్పుల్లో మొత్తం 8 మంది మృతి చెందారు. డల్లాస్‌కు 20 మైళ్ల దూరంలోని ప్లానోలో ఆదివారం సాయంత్రం ఈ ఘటన చోటుచేసుకుంది. సాయుధుడైన దుండగుడు ఓ ఇంట్లో ఏడుగురిని కాల్చి చంపాడు. కాల్పుల సమాచారం అందుకుని ఘటనా స్థలానికి చేరుకున్న పోలీసులపై కూడా ఆ దుండగుడు కాల్పులు జరిపాడు. దీంతో పోలీసులు ఎదురు కాల్పులు జరపడంతో అతడు అక్కడికక్కడే హతమయ్యాడు. కాల్పుల్లో గాయపడ్డ ఇద్దరిని ఆసుపత్రికి తరలించారు. ఈ ఘటన సంబంధించిన కారణాలు తెలియాల్సి ఉంది.

11:24 - September 11, 2017

అమెరికా : ఇర్మా తుపాను అమెరికా చరిత్రలో కనీవినీ ఎరుగని బీభత్సం సష్టించింది. ఇర్మా ధాటికి ఫ్లోరిడా చివురుటాకుల వణికిపోయింది. కరీబియన్‌ దీవులను కకావికలం చేసిన హరికేన్‌ ఇర్మా... ఫ్లోరిడా కీస్‌ వద్ద తీరం దాటినా.. ఫ్లోరిడా తూర్పు తీరం మీదుగా ఇంకా బీభత్సం కొనసాగిస్తోంది. ఇర్మా ప్రభావంతో ఫ్లోరిడాలోని పలు ప్రాంతాల్లో భారీ వర్షాలు కురుస్తున్నాయి. ఇప్పటివరకు తుపాను ధాటికి కరీబియన్ దీవుల్లో 25 మంది మృతి చెందారు. ఇర్మా తుపానును కేటగిరి 4 నుంచి కేటగిరి 2గా అధికారులు ప్రకటించారు. ఇర్మా ప్రభావంతో మయామీలో ఎమర్జెన్సీ విధించారు. క్యూబాలోనూ ఇర్మా విధ్వంసం సృష్టించింది. తూర్పు , ఉత్తర క్యూబాలో వేలాది ఇళ్లు, విద్యుత్ స్తంభాలు, చెట్లు నేలకూలాయి. 20 లక్షల మంది చిమ్మచీకట్లో మగ్గిపోతున్నారు. అమెరికా అధ్యక్షుడు ట్రంప్ ఎప్పటికప్పుడు పరిస్థితిని సమీక్షించారు. వరద ముప్పు పొంచి ఉండటంతో ఎవరూ బయటకు రావొద్దంటూ అధికారుల ఆదేశాలు జారీ చేశారు. ఫ్లోరిడాలోని భారతీయ అమెరికన్లను సురక్షిత ప్రాంతాలకు తరలించారు. తుపానులో చిక్కుకున్న భారతీయులకు పలు సంఘాలు సహాయ సహకారాలు అందిస్తున్నాయి. 

 

10:40 - September 11, 2017

అమెరికా : ఇర్మా తుపాను అమెరికా చరిత్రలో కనీవినీ ఎరుగని బీభత్సం సష్టించింది. ఇర్మా ధాటికి ఫ్లోరిడా చివురుటాకుల వణికిపోయింది. కరీబియన్‌ దీవులను కకావికలం చేసిన హరికేన్‌ ఇర్మా... ఫ్లోరిడా కీస్‌ వద్ద తీరం దాటినా.. ఫ్లోరిడా తూర్పు తీరం మీదుగా ఇంకా బీభత్సం కొనసాగిస్తోంది. ఇర్మా ప్రభావంతో ఫ్లోరిడాలోని పలు ప్రాంతాల్లో భారీ వర్షాలు కురుస్తున్నాయి. ఇప్పటివరకు తుపాను ధాటికి కరీబియన్ దీవుల్లో 25 మంది మృతి చెందారు. ఇర్మా తుపానును కేటగిరి 4 నుంచి కేటగిరి 2గా అధికారులు ప్రకటించారు. ఇర్మా ప్రభావంతో మయామీలో ఎమర్జెన్సీ విధించారు. క్యూబాలోనూ ఇర్మా విధ్వంసం సృష్టించింది. తూర్పు , ఉత్తర క్యూబాలో వేలాది ఇళ్లు, విద్యుత్ స్తంభాలు, చెట్లు నేలకూలాయి. 20 లక్షల మంది చిమ్మచీకట్లో మగ్గిపోతున్నారు. అమెరికా అధ్యక్షుడు ట్రంప్ ఎప్పటికప్పుడు పరిస్థితిని సమీక్షించారు. వరద ముప్పు పొంచి ఉండటంతో ఎవరూ బయటకు రావొద్దంటూ అధికారుల ఆదేశాలు జారీ చేశారు. ఫ్లోరిడాలోని భారతీయ అమెరికన్లను సురక్షిత ప్రాంతాలకు తరలించారు. తుపానులో చిక్కుకున్న భారతీయులకు పలు సంఘాలు సహాయ సహకారాలు అందిస్తున్నాయి. 

 

Pages

Don't Miss

Subscribe to RSS - అమెరికా