అమెరికా

20:46 - September 21, 2018

అమరావతి : ఏసీ సీఎం చంద్రబాబు నాయుడికి ఐక్యరాజ్యసమితి అరుదైన గౌరవాన్ని అందించింది. ఐక్యరాజ్యసమితిలో ప్రసగించాల్సిందిగా చంద్రబాబును కోరుతు ఐక్యరాజ్యసమితి ఆహ్వానంపంపిన విషయం తెలిసిందే. ఈ నేపథ్యంలో ఏపీ ముఖ్యమంత్రి చంద్రబాబు 22న అమెరికా పర్యటనకు బయల్దేరుతున్నారు. 28వ తేదీ వరకు ఆయన పర్యటన కొనసాగనుంది. 24వ తేదీన ఐక్యరాజ్యసమితి ప్రధాన కార్యాలయంలో ఆయన ప్రసంగించనున్నారు. 'సుస్థిర వ్యవసాయాభివృద్ధిలో ప్రపంచంలో ఎదురవుతున్న సవాళ్లు-ఏపీలో సహజ వ్యవసాయాభివృద్ధి విధానాలు' అనే అంశంపై ఆయన ప్రసంగించనున్నారు. 
అనంతరం 25న వరల్డ్ ఎకనామిక్ ఫోరం-ఏపీ ఎకనామిక్ డెవలప్ మెంట్ బోర్డులు సంయుక్తంగా ఏర్పాటు చేసిన రౌండ్ టేబుల్ సమావేశంలో పాల్గొంటారు. 26న కొలంబియా యూనిర్శిటీలో 'గవర్నెన్స్ ఇన్ ది ఏజ్ ఆఫ్ టెక్నాలజీ అనే అంశంపై ప్రసంగిస్తారు. అమెరికాకు చంద్రబాబుతో పాటు మంత్రి యనమల, ముఖ్యమంత్రి కార్యాలయ ప్రత్యేక ప్రధాన కార్యదర్శి సతీష్ చంద్ర, ముఖ్య కార్యదర్శి సాయిప్రసాద్, మరో ఆరుగురు అధికారులు కూడా వెళ్తున్నారు.

 

17:18 - September 20, 2018

ఢిల్లీ : మనిషి మనిషి దారుణంగా, అత్యంత కిరాతకంగా చంపివేసేంత క్రౌర్యం గల ఉగ్రవాదలు చెరలో మగ్గిపోతున్న దేశాలు ఆసియాలోనే ఎక్కువ అని ఓ నివేదిక వెల్లడించింది. ఉగ్రదాడులతో రక్తసిక్తమవుతున్న దేశాల జాబితాను ఈ నివేదిక తెలిపింది. ఉగ్రదాడులకు బలైవుతున్న దేశాల లిస్ట్‌ను చూసి తల్లడిల్లిపోవాల్సిన పరిస్థితి నెలకొంది. నెత్తురోడుతున్న దేశాలను ఈ నివేదిక హెచ్చరించింది. 
ఉగ్రదాడులు ఎక్కువగా జరుగుతూ, నెత్తురోడుతున్న దేశాలు మరింత జాగ్రత్తగా ఉండాలని అమెరికాకు చెందిన కౌంటర్ టెర్రరిజం కోఆర్డినేషన్ డిపార్ట్ మెంట్ తన నివేదికలో హెచ్చరించింది. ప్రపంచంలో జరుగుతున్న ఉగ్రదాడుల్లో ఆసియా దేశాల్లోనే 59 శాతం దాడులు జరుగుతున్నాయని చెప్పింది. ఇండియా, పాకిస్థాన్, ఆఫ్ఘనిస్థాన్, ఇరాక్, ఫిలిప్పీన్స్ దేశాలు ఉగ్రదాడులకు బలి అవుతున్న టాప్ ఫైవ్ దేశాల జాబితాలో ఉన్నాయని వెల్లడించింది. గతంలో పోల్చితే 2017లో ఉగ్రదాడులు 23 శాతం తగ్గాయని... మృతుల సంఖ్య కూడా 27 శాతం తగ్గిందని తెలిపింది. ఆసియా దేశాలే ఉగ్రదాడులకు ఎక్కువగా టార్గెట్ అవుతున్నాయని చెప్పింది. 

 

15:26 - September 20, 2018

అమెరాకా :  వేడి వేడి వాతావరణంలో చల్ల చల్లని ఐస్‌క్రీమ్ తింటే ఆ మజాయే వేర కదా. కానీ చల్లటి వాతావరణ వున్న దేశాలవారు ఐస్‌క్రీమ్స్ తినరా? అంటే ఎందుకు తినరు? తింటారు. అసలే భూతల స్వర్గంగా పేరొందిన అమెరికాలో చల్లచల్లని వాతావరణంలో ఐస్‌క్రీమ్ తినాలంటే కొంచెం ధైర్యం చేయాల్సిందే. కానీ తినే ఐస్‌క్రీమ్ కూడా వెరీ వెరీ స్పెషల్‌‌గా వుంటే ఆ కిక్ మరింత రంజుగా వుంటుంది. మరి ఇప్పుడు అటువంటి ఐస్‌క్రీమ్ గురించి తెలుసుకుందాం. సాధారణంగా ఒక ఐస్‌క్రీమ్ క్రీమ్ తినాలంటే మహా ఐతే రెండు వందలవుతుంది. కానీ మనం చెప్పుకునే ఈ వెరీ వెరీ స్పెషల్ ఐస్‌క్రీమ్ మాత్రం లక్షల్లో వుంటుందంటే నమ్ముతారా? నమ్మి తీరాల్సిందేనండీ..
ప్రపంచంలోనే అత్యంత ఖరీదైన ఐస్‌క్రీమ్ ధర 60 వేల డాలర్లు అంటే భారత కరెన్సీలో సుమారు రూ. 42 లక్షలు మాత్రమే. ఐస్‌క్రీమ్‌ను కాలిఫోర్నియాకు చెందిన 'త్రీ ట్విన్స్' అనే సంస్థ అందిస్తోంది. 
ఈ ఐస్‌క్రీమ్ తినాలనుకుంటే ముందుగానే డబ్బు చెల్లించాల్సి వుంటుంది. మిగతా కథంతా 'త్రీ ట్విన్స్' నడిపిస్తుంది. మిమ్మల్ని ఫస్ట్‌క్లాస్ విమాన ప్రయాణంతో టాంజానియా తీసుకెళ్లి లగ్జరీ రిసార్టులో బస ఏర్పాటు చేసి.. అనంతరం ప్రపంచంలో అత్యంత ఎత్తయిన పర్వతాల్లో ఒకటైన కిలిమంజారో పైకి తీసుకెళతారు. కస్టమర్‌తో పాటు గైడ్‌ను కూడానే వుంటాడు. తరువాత త్రీ ట్విన్స్ యజమాని గోటిబ్ వచ్చి పర్వతంపై గడ్డకట్టుకుని ఉన్న హిమనీ నదాల నుంచి మంచును సేకరించి కిందకు తీసుకువచ్చి ఐస్‌క్రీమ్ ను తయారు చేసి మీచేతికి అందిస్తారు.
దీని తయారీలో  కూడా ఓ ప్రత్యేక వుంది. అదే ఈ ఐస్‌క్రీమ్ స్పెషల్. ఎవరైనా వచ్చి ఈ ఖరీదైన ఐస్‌క్రీమ్ తిని వెళితే.. అందులో రూ.7 లక్షలను ఆఫ్రికా పర్యావరణ పరిరక్షణకు కృషి చేసే సంస్థకు ఇస్తామని కూడా గోటిబ్ చెబుతున్నారు. ఒకరికి అయితే, రూ. 42 లక్షల వరకూ ఖర్చయ్యే ఈ కాస్ట్ లీ ఐస్‌క్రీమ్, ఇద్దరికయితే, రూ. 60 లక్షలకే లభిస్తుందట.

09:56 - September 15, 2018

గోవా : రాష్ట్రానికి కొత్త ముఖ్యమంత్రి రానున్నారా ? గత కొన్ని రోజులుగా సీఎం పారికర్ క్లోమా సంబంధ సమస్యలతో బాధ పడుతున్న సంగతి తెలిసిందే. మెరుగైన చికిత్స కోసం ఇటీవలే అమెరికాకు వెళ్లి వచ్చిన పారికర్ మరలా అస్వస్థతకు గురయ్యారు. తిరిగి ఆయన ఆసుపత్రిలో చికిత్స పొందుతున్నారు. మెరుగైన చికిత్స కోసం మరలా అమెరికాకు వెళ్లాలని పారికర్ యోచిస్తున్నట్లు సమాచారం. 

ఈ నేపథ్యంలో బీజేపీ నాయకత్వం తాత్కాలిక సీఎం కోసం ఏర్పాట్లు చేస్తున్నట్లు సమాచారం. అక్కడ పరిణామలను పరిశీలించేందుకు బీజేపీ అధిష్టానం పరిశీలకులను పంపించినట్లు తెలుస్తోంది. తాత్కాలిక సీఎం ఎవరనే విషయాన్ని తేల్చేందుకు పార్టీ సీనియర్ల బృందం గోవాకు వచ్చి చర్చలు జరుపనున్నట్లు టాక్. సంకీర్ణ కూటమిలో భాగంగా ఉన్న మహారాష్ట్రవాదీ గోమంతక్ పార్టీకి చెందిన రామకృష్ణ సుదిన్ ధవలికర్‌ సీఎం అయ్యే అవకాశాలు ఉన్నాయని ప్రచారం జరుగుతోంది. కానీ ఈ విషయంలో బీజేపీ ఎలాంటి నిర్ణయం తీసుకోలేదని సమాచారం. 

గోవా అసెంబ్లీ ఎన్నికల్లో బిజెపి రెండోస్థానంలో ఉన్నప్పటికీ స్థానిక మిత్ర పక్షాలు, ఇండిపెండెంట్ అభ్యర్థుల మద్దతుతో పారికర్ కొత్త ప్రభుత్వాన్ని ఏర్పాటు చేసిన సంగతి తెలిసిందే. 

06:51 - September 14, 2018
అమెరికా : ప్రపంచంలో అగ్రరాజ్యం అంటూ పేర్కొంటున్న అమెరికాలో గన్ కల్చర్ పెరిగిపోతోంది. పిచ్చొడులా మారిపోతూ విచక్షణా రహితంగా కాల్పులు జరుపుతున్నారు. ఈ కాల్పుల్లో ఎంతో మంది ప్రాణాలు కోల్పోతున్నారు. ఈ కాల్పుల్లో భారత పౌరులతో మాత్రం..తెలుగు రాష్ట్రాలకు చెందిన వారు కూడా విగతజీవులుగా మారిన సంగతి తెలిసిందే. తాజాగా ఓ వ్యక్త జరిపిన కాల్పుల్లో 5గురు ప్రాణాలు కోల్పోవడం ఆయా కుటుంబాల్లో తీవ్ర విషాదం నింపింది. 
దక్షిణ కాలిఫోర్నియాలోని బేకర్స్‌ ఫీల్డ్‌ సిటీలో ఓ ఉన్మాది కాల్పులకు తెగబడ్డాడు. ఈ ఘటనలో ఐదుగురు మృతి చెందారు. మృతుల్లో అతని భార్య కూడా ఉంది. అనంతరం తనని తాను కాల్చుకున్నాడు. అమెరికాలో వారం రోజుల్లో ఇది రెండో ఘటన. వెంటనే పోలీసులు అక్కడకు చేరుకుని మృతదేహాలను స్వాధీనం చేసుకున్నారు. దుండగుడు కాల్పులకు తెగబడానికి గల కారణాలపై పోలీసులు ఆరా తీస్తున్నారు.
09:35 - September 11, 2018

సెప్టెంబర్ 11...అందరికీ ఈ తేదీన ఏం జరిగిందో అందరికీ గుర్తుండే ఉంటుంది. ఎందుకంటే ఇదే రోజున దాడి జరిగింది. ఈ దాడిలో ప్రజలు ఉలిక్కి పడ్డారు. నాలుగు విమానాలాతో అమెరికా వరల్డ్ ట్రేడ్ సెంటర్‌ దాడికి పాల్పడడంతో మూడు వేల మంది దుర్మరణం చెందగా మరో ఆరు వేల మంది ఇప్పటికీ అక్కడి వాసులు ఈ దారుణ ఘటనను మరిచిపోవడం లేదు. అమెరికన్లే కాదు...ప్రపంచ ప్రజలు కూడా ఈ విషాద ఘటనను మరిచిపోలేరు. గాయాలపాలయ్యారు. డబ్యూటీవో పై జరిగిన దాడిని అమెరికా తీవ్రంగా పరిగణించింది. 

2001 సెప్టెంబర్ 11వ తేదీన అల్ ఖైదా ఉగ్రవాదులు ఈ మారణ హోమానికి తెగబడ్డారు. ఈ దాడికి నేటితో 17 ఏళ్లు. అందుకే సెప్టెంబర్ 11 అంటే చాలు అమెరికన్లు ఉలిక్కి పడుతుంటారు. ఈ సందర్భంగా తమ వారిని కోల్పోయిన వారిని తలుచుకుంటూ కుటుంబసభ్యులు నివాళులర్పిస్తుంటారు. అక్కడి ప్రభుత్వం కూడా పలు కార్యక్రమాలు నిర్వహిస్తుంటుంది. 

ఈ భీకర విధ్వంసం ఘటన నుండి తేలుకోవడానికి అమెరికాకు చాలా ఏళ్లే పట్టంది. అనంతరం ఉగ్రవాద ఏరివేత చర్యలకు అమెరికా ఉపక్రమించింది. అమెరికా బలగాలు ఉగ్రమూకలను హతమార్చింది. కానీ అల్ ఖైదా కీలక నేత ఒసామా బిన్ లాడెన్ ను తుదముట్టించేందుకు అమెరికా తీవ్ర ప్రయత్నాలు జరిపింది. సరిగ్గా న్యూయార్కు పై దాడులు జరిగిన పదేళ్లకు లాడెన్ ను అమెరికా తుదముట్టించింది. 

21:50 - September 4, 2018

అమెరికా : చేపల్ని పెంపకంపై ఇప్పుడు కోట్లాది రూపాయలు టర్నోవర్ అవుతున్నాయి. చేపల్ని ఎక్కువగా తినమని వైద్యులు కూడా చెబుతుంటారు. ఒకప్పుడు కాలువల్లోను, నదుల్లోను, సముద్రాల్లోను పెరిగిన చేపల్నే తినేవారు. కానీ గత కొంతకాలంగా చేపల చెరువుల్లో ఒక వ్యాపారంగా మారిపోయాయి. ఇక అసలు విషయానికి వస్తే చేపల్ని ఒకచోటి నుండి మరొక చోటికి తరలించేందుకు సాధారణంగా రోడ్డు మార్గాలను..లేదా నీటి మార్గాల ద్వారా కానీ విమానం ద్వారా చేపల్ని ఒకచోటి నుండి మరొకచోటికి తరలించటం కూడా జరుగుతోంది. వాటికి తీసుకెళ్లి అతి ఎతైన ప్రదేశం నుండి ఆ చేపల్ని గాల్లోంచి కొండ ప్రాంతాలలో వుండే చెరువుల్లోకి జారవిడుస్తున్నారు. ఆశ్చర్యం కలిగించే విషయం ఏమిటంటే..అంత ఎత్తునుండి జారవిడిచినా మీనాలు చక్కగా చెరువుల్లోకి క్షేమంగా చేరిపోతున్నాయి.

అమెరికాలోని యుటా రాష్ట్రంలో అక్కడి వైల్డ్‌లైఫ్ రీసోర్సెస్ ఈ పని చేస్తున్నది. కొండ ప్రాంతాల్లోని చెరువుల్లో చేపల పెంపకానికి ఈ పద్ధతి ఈజీగా ఉండటంతో అక్కడి అధికారులు కొన్నాళ్లుగా ఇదే ఫాలో అవుతున్నారు. విమానం కింది భాగంలో ఉన్న భారీ రంధ్రం నుంచి వేలాది చేపలను కింద ఉన్న చెరువులోకి జార విడుస్తున్నారు. దీనికి సంబంధించిన వీడియో ఇప్పుడు వైరల్‌గా మారిపోయింది. గతంలో పాల క్యాన్లలో చేపలను వేసి, వాటిని గుర్రాలపై పైకి తరలించి చెరువుల్లో వేసేవారు. కానీ దానికి సమయం ఎక్కువ, సుదీర్ఘ ప్రక్రియ కావడంతో విమానంతో చేపల్ని తరలించటం సునాయాసంగా మారిపోవటం..పైగా తక్కువ సమయంలోనే పని పూర్తి కావటంతో దీన్నే కొనసాగిస్తున్నామని సదరు విమాన చేపల తరలింపుదారులు తెలిపారు. కాగా ఇవన్నీ చిన్నచిన్న చేప పిల్లలు కావడంతో అంత ఎత్తు నుంచి కింద పడినా వాటిలో 95 శాతం వరకు బతికే ఉంటున్నాయంటున్నారు సదరు నిర్వాహకులు.

12:34 - September 1, 2018

సండే వచ్చిందంటే చాలు ముక్కలేనిదే ముద్ద దిగన నాన్ వెజ్ ప్రేమికుల సంఖ్య నానాటికి పెరిగిపోతోంది. ఏ విందుకైనా ముక్కతో కూడిన ఆహారం వుండాల్సిందే. అలా మారిపోతోంది నేటి ఆహార వినియోగం పరిస్థితి. తినే కంచంలో చిన్న చికెన్ ముక్క వుంటే చాలా వారం వర్జం పక్కన పెట్టి లొట్టలేసుకుంటు తినేస్తారు. మాంసాహార వంటకాలతో విందు రుచే మారిపోతుంది. ఒకప్పటి కంటే ఇప్పుడు ప్రపంచంలో మాంసాహార వినియోగం బాగా పెరిగిందని ముక్కమీద ఒట్లేసి చెప్పకతప్పదు.

మాంసాహార ప్రియులు అమెరికన్లు..
93 కేజీల మాంసాహార వినియోగంతో గత మూడేళ్లుగా ఆస్ట్రేలియా ముందుండేది. రోజుకు పావు కేజీ మాంసాన్ని అవలీలగా తినేస్తు అమెరికన్లు ఆస్ట్రేలియా స్థానాన్ని ఆక్రమించారు. అమెరికాలో మాంసం ప్రియులు 97.1 శాతం తినగా..ఆస్ట్రేలియాలో 94.8గా వుంది. ఇక అర్జెంటీనా, ఉదుగ్వే, ఇజ్రాయిల్,బ్రెజిల్, చైనా, కెనాడా, న్యూజిలాండ్ దేశాలు ఇంచుమించు 86, ..85,70,65 శాతానికి ఇంచుమించుగా వున్నాయి.

మాంసాహారంతో ముంచుకొస్తున్న ముప్పు..
పోషకాహారంగా మాంసానికి ప్రాధాన్యం ఉన్నా ప్రపంచంలో మాంసం వినియోగం ఎంత పెరిగితే మన పర్యావరణానికి అంత హాని అని పర్యావరణ వేత్తలంతా హెచ్చరికల్ని కూడా గమనించాల్సిన అవసరముంది. మాంసం కోసం పెద్దఎత్తున పెంచుతున్న పశువుల నుంచి భారీగా మీథేన్‌ వాయువులు వెలువడుతుండటంతో అవి భూమిలో వేడిని పెంచుతున్నాయని నిపుణులు గుర్తించారు. కాగా పశువుల నుండి కంటే కాయగూరల పెంపకం నుంచి వెలువడే మీథేన్‌ వాయువు చాలా తక్కువగా వున్నట్లు కూడా నిపుణులు గుర్తించారు. మాంసం కోసం పెంచుతున్న జంతువులన్నింటినీ చూస్తే పశువులు, గొర్రెలు, మేకల నుంచే మీథేన్‌ వంటి పర్యావరణ హానికర వాయువులు అత్యధికంగా వెలువడుతున్నాయి.

పండ్లు, కూరలు, పప్పు ధాన్యాలతో మేలు..
పొలాల్లో విరివిగా పండించే పండ్లు, కూరలు, పప్పు ధాన్యాల పంటల నుంచి వెలువడే హానికర పదార్ధాలు బహు తక్కువగా వుంటాయట. కాబట్టి పర్యావరణం పచ్చగా మానవ మనుగడ..జీవ పరిణామం సక్రమంగా వుంటుంది. అలా వుండాలంటే మాంసాహారం తగ్గించుకుని పండ్లు, కూరగాయలు, పప్పుల వైపు ఎక్కువుగా వినియోగించటం..అలవాట్లను పెంచుకోవటం శ్రేయస్కరమని శాస్త్రవేత్తలు నొక్కిచెబుతున్నారు.

17:56 - August 31, 2018

ముంబై : అంతర్జాతీయ మార్కెట్ పరిస్థితులు, ముడిచమురు ధరల్లో పెరుగుదల వెరసి రూపాయి పతనం కొనసాగుతోంది. తాజాగా డాలరుకు రూపాయి మారకం విలువ రూ.71కి పడిపోయింది. అంతర్జాతీయ మార్కెట్ లో డాలర్ కు డిమాండ్ పెరగడంతో పాటు పశ్చిమాసియాలో నెలకొన్న పరిస్థితుల దృష్ట్యా ముడిచమురు ధరలు పెరిగాయి. ఈ నేపథ్యంలో ఫారెక్స్ మార్కెట్ లో రూపాయి విలువ 26 పైసలు పడిపోయింది. ట్రేడింగ్ సెషన్ లో రూ.70.74 వద్ద ముగిసిన రూపాయి విలువ తాజాగా మరో 26 పైసలు కోల్పోయి తొలిసారిగా రూ.71కు దిగజారి ఆల్ టైం గరిష్టానికి చేరుకుంది. చమురు సెగకు తోడు అమెరికా చైనా వాణిజ్య యుద్ధం భయం, దేశంలో ద్రవ్యోల్బణంపై ఆందోళనలు నెలకొన్న వేళ రూపాయి పతనం ఈ రోజు కూడా కొనసాగింది. కాగా ప్రస్తుతం రూపాయి విలువ అంతర్జాతీయ ఫారెక్స్ మార్కెట్ లో డాలర్ కు రూ.70.94 వద్ద ట్రేడ్ అవుతుంది. దీంతో భారత కరెన్సీ రూపాయి విలువ రికార్డ్‌ స్థాయిలో పతనమైంది. డాలర్‌తో పోలిస్తే 26 పైసలు పతనమై అత్యంత కనిష్ట స్థాయి 71 రూపాయలకి చేరింది. క్రూడాయిల్‌ ధరలు పెరుగుతుండడం, అమెరికా డాలర్‌కు విపరీతమైన గిరాకీ ఏర్పడడమే రూపాయి పతనానికి కారణమని ఆర్థిక నిపుణులు చెబుతున్నారు.

09:58 - August 14, 2018

సూర్యుడిపై మిస్టరీలను ఛేదించేందుకు నాసా ప్రయోగించిన పార్కర్ సోలార్ ప్రోబ్ నింగికెగిసింది. షెడ్యూల్ ప్రకారం ఈ ప్రయోగం ఒకరోజు ముందే జరగాల్సి ఉన్నప్పటికీ…చివరి నిమిషంలో వాయిదా పడింది. లక్ష కోట్ల రూపాయల ఖర్చుతో చేపట్టిన పార్కర్ సోలార్ ప్రోబ్ ప్రయోగాన్ని ఫ్లోరిడాలోని కెన్నడీ స్పేస్ సెంటర్ నుంచి చేపట్టారు. డెల్టా -4 హెవీ రాకెట్‌ ద్వారా అంతరిక్షంలోకి పార్కర్‌ చేరుకుంటుంది. కానీ నేరుగా సూర్యుడి వద్దకు వెళ్లదు. బుధుడి చుట్టూ కనీసం ఏడు చక్కర్లు కొట్టిన తర్వాత 2024 డిసెంబర్‌ 19 నాటికి తొలిసారి సూర్యుడికి అత్యంత సమీపంలోకి అంటే.. కేవలం 40 లక్షల కిలోమీటర్ల దూరానికి చేరుతుంది. సూర్యుడిపై ఏర్పడే తుపాన్లతో పాటూ రసాయనిక చర్యలపై పార్కర్ సోలార్ ప్రోబ్ పరిశోధనలు చేయనుంది. ఈ అంశంపై ప్లానిటోరి సొసైటీ ఇండియా డైరెక్టర్ రఘునందన్ కుమార్ విశ్లేషణలో వింతలు..విశేషాలను తెలుసుకుందాం...

Pages

Don't Miss

Subscribe to RSS - అమెరికా