అరెస్ట్

18:50 - November 14, 2018

కర్ణాటక : పుడమి తల్లి కడుపు కొల్లగొడుతున్న కన్నడ మైనింగ్ కింగ్ గాలి జనార్దన్‌రెడ్డికి ఎట్టకేలకు బెయిల్ మంజూరయ్యింది. పోన్జీ స్కామ్‌లో ఇరుక్కున్న ఈ మైనింగ్ మాఫియా కింగ్  ను పట్టుకునేందుకు పోలీసులు తీవ్రంగా యత్నించగా పరారీలో వుండి బెయిల్ కు అప్లైచేసుకున్నా కుదరక పోవటంతో తప్పనిసరి పరిస్థితుల్లో లొంగిపోయాడు. దీంతో అతనికి రిమాండ్ విధించటంతో మరోసారి బెయిల్ కు యత్నించగా బుధవారం బెంగళూరు 6వ అదనపు మెట్రోపాలిటన్ మేజిస్ట్రేట్ కోర్టు గాలికి బెయిల్ మంజూరు చేసింది. రూ.లక్ష పూచీకత్తుతో బాండ్.. ఇద్దరి షూరిటీ కోరింది. బాండ్, షూరిటీ ఇస్తామని గాలి సన్నిహితులు తెలపడంతో.. కోర్టు బెయిల్ ఇచ్చింది. దీంతో గాలి గురువారం సాయంత్రం జనార్దన్ రెడ్డి విడుదలయ్యే అవకాశం ఉంది. 

బెంగళూరుకు చెందిన అంబిడెంట్ మార్కెటింగ్ కంపెనీకి చెందిన కేసు విషయంలో ఈడీ అధికారికి గాలి జనార్దన్ రెడ్డి రూ. కోటి లంచం ఎరవేశారని ఆరోపణలు ఎదుర్కొంటున్నారు. అంబిడెంట్ సంస్థ రూ.500 కోట్ల అక్రమాలకు పాల్పడినట్లు 2014లో వెలుగులోకి వచ్చింది. నాటి నుంచి సీసీబీ, ఈడీ అధికారులు ఆ సంస్థ చైర్మన్ ఫారిద్‌ను విచారిస్తూ వచ్చారు. అయితే.. ఈ కేసు నుంచి ఫరిద్‌ను తప్పించేందుకు గాలి జనార్దన్ రెడ్డి రూ. కోటికి డీల్ చేసుకున్నట్లు పోలీసుల విచారణలో తేలింది. 

డీల్‌లో భాగంగా అంబిడెంట్ కంపెనీ నుంచి బళ్లారికి చెందిన రాజ్మాహల్ జ్యుయెల్లర్‌కు గాలి జనార్దన్ రెడ్డి రూ.18.5 కోట్లతో పాటు రూ.2 కోట్ల నగదు ముట్టజెప్పినట్లు సీసీబీ పోలీసులు చెబుతున్నారు. ఈ మొత్తం లావాదేవీల్లో అంబిడెంట్‌తో పాటు బెంగళూరుకు చెందిన అంబికా జ్యుయెల్లర్స్‌, జనార్దన్‌ రెడ్డికి చెందిన ఎనేబుల్ ఇండియా సంస్థలు కూడా భాగస్వాములని అనుమానిస్తున్నారు.

ఈ కేసు నుంచి తప్పించే డీల్‌లో భాగంగా గాలి జనార్దన్‌ రెడ్డి ఈడీ అధికారికి రూ. కోటి లంచం ఇచ్చినట్లు వెలుగులోకి వచ్చింది. అంబిడెంట్ కేసులో తనను అరెస్ట్ చేస్తారని ముందుగానే పసిగట్టిన గాలి జనార్దన్‌ రెడ్డి ముందస్తు బెయిల్ కోసం ప్రయత్నిస్తున్నారు. ఈ కేసులో గాలిని విచారించేందుకే పోలీసులు ప్రయత్నించగా.. ఆయన కనిపించకుండా పోయారు. 

ఈ నెల 07-11-2018న అజ్ఞాతంలోకి వెళ్లిన గాలి జనార్దన్ రెడ్డి నాటకీయ పరిణామాల మధ్య.. తన లాయర్‌ను వెంటబెట్టుకొని శనివారం అనగా 10-11-2018న సీసీబీ కార్యాలయానికి వచ్చారు. అక్కడ గాలిని పోలీసులు విచారించారు. అనంతరం ఆదివారం మధ్యాహ్నం బెంగళూరు సెంట్రల్ క్రైమ్ బ్రాంచ్ పోలీసులు అదుపులోకి తీసుకున్నారు. ఆయనకు ఆస్పత్రిలో వైద్య పరీక్షలు నిర్వహించి.. మెజిస్ట్రేట్ ముందు హాజరపరచగా రిమాండ్ విధించింది. ఈ నేపథ్యంలో మరోసారి బెయిల్ కు యత్నించగా బెంగళూరు కోర్టు గాలి జనార్థన్ రెడ్డికి బెయిల్ మంజూరు చేసింది.
 

10:11 - November 7, 2018

తమిళనాడు : దేశ అత్యున్నత న్యాయస్థానం అయిన సుప్రీంకోర్టు ఆదేశాలను కూడా బేఖాతరు చేసినందుకు వారంతా అరెస్ట్ అయ్యారు. కాగా దీపావళికి బాణాసంచా కాల్చుకోవటాన్నిరాత్రి 8 గంటల నుండి 10 గంటల వరకు 2గంటలకు పరిమితంచేస్తూ తీర్పు చెప్పింది.  వాస్తవానికి గత ఏడాది బాణాసంచా విక్రయాలపై సుప్రీం కోర్టు నిషేధం విధించింది. ఈ నేపథ్యంలో దీపావళి పండుగ వేళ తమిళనాఢు అంతటా టెన్షన్, టెన్షన్ వాతావరణం నెలకొంది. పండుగ సందర్భంగా నిన్న ఉదయం 6 గంటల నుంచి 7 వరకూ.. తిరిగి రాత్రి 7 నుంచి 8 గంటల మధ్యలో బాణసంచా కాల్చుకోవడానికి ప్రభుత్వం అనుమతి ఇచ్చింది. అయితే ఈ ఉత్తర్వులను చాలాచోట్ల ప్రజలు పట్టించుకోలేదు. పండుగ సందర్భంగా కుటుంబ సభ్యులతో కలిసి బాణసంచా కాల్చుతూ సంబరాలు చేసుకున్నారు. దీంతో పోలీసులు కొరడా ఝులిపించారు. తమిళనాడు వ్యాప్తంగా 1,000 మందిపై కేసులు నమోదుచేశారు. వీరిలో 600 మందిని పోలీసులు అరెస్ట్ చేయగా, 400 మంది ప్రజలు బెయిల్ పై బయటకు వచ్చారు. మిగతావారిని కోర్టులో హాజరుపర్చి డిమాండ్ కు తరలించారు. 
 

12:00 - October 18, 2018

ఢిల్లీ : అధిక వడ్డీలు ఇస్తామంటూ ఆశ చూపి దేశవ్యాప్తంగా భారీగా డిపాజిట్లు సేకరించి మోసం చేసిన కేసులో హీరా గోల్డ్ ఛైర్మన్ నౌహెరా షేక్‌ను పోలీసులు అరెస్ట్ చేసిన విషయం తెలిసిందే.కొంతకాలం క్రితం మహిళా ఎంపవర్‌మెంట్ పార్టీ పెట్టిన నౌహెరా షేక్.. కర్నాటక ఎన్నికల్లో టికెట్లు ఇవ్వడానికి భారీగా డబ్బు వసూలు చేసిన నౌహీరా రెండు తెలుగు రాష్ట్రాల్లో కూడా అధిక వడ్డీ ఇస్తామని ఆశ చూపి పెద్ద ఎత్తున మోసాలకు పాల్పడినట్టుగా నౌహెరా షేక్‌పై ఫిర్యాదులు రావటంతో ఆమెను అరెస్ట్ చేశారు. హైదరాబాద్, తిరుపతి, బెంగళూరు, ముంబైలలో ఆమెపై పలు కేసులు నమోదయ్యాయి. నౌహెరా మోసాల గురించి పోలీసులు ప్రస్తుతం విచారణ కొనసాగుతున్న నేపథ్యంలో నౌహీరా దోపిడీ ప్రస్థానం ఇలా ప్రారంభమయ్యింది.  
నౌహీరా నేపథ్యాన్ని పరిశీలిస్తే, తిరుపతికి చెందిన ఓ చిన్న కూరగాయల వ్యాపారి కుమార్తె నౌహీరా. కేవలం 10వ తరగతి వరకూ చదువుకున్న నౌహీరాకు, చిన్న వయసులోనే మరో కూరగాయల వ్యాపారితో వివాహం జరిగింది. ఆపై అతన్ని వదిలేసిన ఆమె, మరో వ్యక్తిని వివాహం చేసుకుంది. అతన్ని కూడా వదిలించుకుంది. తన తెలివితేటలను పెట్టుబడిగా పెడుతూ, చిన్నచిన్న వ్యాపారాలు చేస్తూ వచ్చింది. దుబాయ్ యూనివర్శిటీ తనకు డాక్టరేట్ ఇచ్చిందని చెబుతూ, ప్రకటనలు ఇచ్చుకుంది. హీరా గ్రూప్ ఆఫ్ కంపెనీస్ స్థాపించి, 15 అనుబంధ సంస్థలను ఏర్పాటు చేసుకుని తన దందాను సాగించింది. ఈ క్రమంలో ఆమె మరో వివాహం చేసుకుంది.
రూ. లక్ష పెట్టుబడిగా పెడితే, నెలకు రూ. 3,300 వడ్డీ ఇస్తానని పేదలకు ఆశ చూపింది. తన సంస్థలో వాటాలు ఇస్తానని బాండ్ రాసిచ్చింది. నెలనెలా సక్రమంగా వడ్డీ పడుతూ ఉండటంతో, ప్రజలు ఆమె వలలో పడ్డారు. రూ. 2 వడ్డీపై అప్పు తెచ్చి మరీ ఆమె సంస్థల్లో పెట్టుబడులు పెట్టారు. ఆమె కస్టమర్లలో 90 శాతం మంది ముస్లింలే ఉండటం గమనార్హం. ఆమెను మరింత లోతుగా విచారించాల్సి వుందని పోలీసు అధికారులు తెలిపారు. ఆమె భర్తను అదుపులోకి తీసుకుని ప్రశ్నిస్తామన్నారు.
చిన్న చిన్న వ్యాపారాలు చేసిన అనుభవంతో 2010లో హీరా గ్రూప్ ఆఫ్ కంపెనీస్ ను స్థాపించిన ఆమె, మొత్తం 15 అనుబంధ సంస్థలను ఏర్పాటు చేసింది. బంగారం వ్యాపారం చేస్తున్నామని ఆమె చెప్పుకున్నప్పటికీ విదేశాల్లో శాఖలున్న హీరా గ్రూప్ మనీ ల్యాండరింగ్ కు కూడా పాల్పడిందని చెబుతున్న పోలీసులు, తమకు అందిన సమాచారం మొత్తాన్ని ఆదాయపు పన్ను శాఖ, ఎన్ ఫౌర్స్ మెంట్ డైరెక్టరేట్, ఎస్ఎఫ్ఐఓ లతో పంచుకుంటున్నట్టు తెలిపారు.
2010-11లో రూ. 27 లక్షలుగా ఉన్న హీరా గ్రూప్ వార్షిక టర్నోవర్ ఆరు సంవత్సరాల్లో అంటే... 2016-17లో రూ. 800 కోట్లకు పెరిగింది. హీరా గ్రూప్ సీఈఓ నౌహీరా షేక్ అరెస్ట్ తరువాత, కేసును విచారించిన సీసీఎస్ పోలీసులు, ఈ డబ్బుకు లెక్కలు లేవని, పూర్తిగా హవాలా సొమ్మేనని తేల్చారు. 
    

08:38 - September 28, 2018

హైదరాబాద్ : రేవంత్‌రెడ్డి విషయంలో పక్కాగా స్కెచ్ వేసింది ఐటీ శాఖ. ఫిర్యాదులు వచ్చినప్పటి నుంచే పని మొదలుపెట్టింది. అన్ని ఆధారాలనూ సేకరించి.. ఎటాక్ చేసింది. రేవంత్‌రెడ్డి తన పేరిటే కాక, బినామీల పేరిట ఉన్న ఆస్తుల గుట్టును కూడా లాగింది. ఇక ఐటీ ఉచ్చు నుంచి రేవంత్‌ తప్పించుకోవడం దాదాపుగా అసాధ్యం లానే కనిపిస్తోంది. అన్నింటికీ మించి విదేశాల్లో ఆస్తుల కొనడం అమ్మడం.. ఆ విషయాలను దాచి ఉంచడాన్ని ఈడీ కూడా చాలా తీవ్రంగా పరిగణిస్తోంది. 

తెలంగాణ కాంగ్రెస్ వర్కింగ్ ప్రెసిడెంట్ రేవంత్‌రెడ్డి అక్రమాలపై ఐటీ శాఖ అధికారుల దగ్గర పక్కా ఆధారాలను సేకరించాకే దాడులకు దిగినట్లు తెలుస్తోంది. ఫెరా చట్టాన్ని ఉల్లంఘించడం, విదేశాల్లో ఆస్తుల క్రయవిక్రయాలు చేయడంతో.. ఈడీ అధికారులను కూడా రంగంలోకి దించారు. ఐటీ శాఖ ఇప్పటికే సేకరించిన ఆధారాలకు సంబంధించిన కీలక వివరాలను టెన్‌ టీవీ ఎక్స్‌క్లూజివ్‌గా సేకరించింది. రేవంత్‌రెడ్డి లెక్కల్లో చూపిస్తున్న ఆదాయానికి.. వాస్తవంగా సంపాదించిన ఆస్తులకు ఏమాత్రం పొంతన లేదంటున్నారు ఆదాయపన్ను శాఖ అధికారులు. రాజకీయాల్లోకి వచ్చిన అతి తక్కువ కాలంలోనే వెయ్యి కోట్లకు పైగా ఆస్తులను రేవంత్‌రెడ్డి కూడబెట్టారని చెబుతున్నారు. ప్రధానంగా ల్యాండ్ సెటిల్‌మెంట్లు, బ్లాక్‌ మెయిలింగ్‌ ద్వారా ఆస్తులు సంపాదించినట్లు రేవంత్‌పై ఆరోపణలున్నాయి.  2009 ఎన్నికల్లో అఫిడవిట్‌లో కేవలం 3.6 కోట్ల ఆస్తులు ఉన్నాయని చూపించిన రేవంత్‌.. 2014  ఎన్నికల్లో 13.12 కోట్లు ఉన్నట్లు ప్రకటించారు. అయితే ఐటీ రిటర్న్స్‌లో మాత్రం ఎప్పుడూ పది లక్షల రూపాయలకు మించి ఆదాయాన్ని చూపించలేదు రేవంత్‌. ఏడాదికి పది లక్షల ఆదాయం కూడా లేని రేవంత్‌... ఇన్ని వందల కోట్ల ఆస్తులను ఎలా సంపాదించారు..? ఖరీదైన ప్రాంతాల్లో స్థలాలు, భవనాలను ఎలా కొన్నారన్న అనుమానంతో రంగంలోకి దిగిన ఐటీ శాఖకు.. దిమ్మదిరిగే ఆధారాలు దొరికాయి. అందుకే, ఈడీని కూడా రంగంలోకి దింపి సోదాలు మొదలుపెట్టింది. 

కేవలం  హైదరాబాద్ చుట్టు పక్కలే కాదు.. రేవంత్ రెడ్డి అక్రమాలు విదేశాలకూ పాకినట్లు ఐటీ అధికారులు గుర్తించారు. అమెరికా, హాంకాంగ్‌, మలేషియాల్లోనూ రేవంత్‌రెడ్డి ఆస్తులు సంపాదించినట్లు కనిపెట్టారు.  2014కు ముందే బ్లాక్‌మనీతో మలేసియాలో ఆస్తులు కొన్నట్లు  రేవంత్‌పై ఆరోపణలున్నాయి.  మలేషియాలో ఆస్తులను ఐటీ రిటర్న్‌లో గానీ, ఎన్నికల అఫిడవిట్‌లో గానీ పేర్కొన లేదంటున్నారు ఐటీ అధికారులు. దీనికి సంబంధించి లోతుగా కూపీ లాగిన ఐటీ అధికారులు.. రేవంత్‌రెడ్డికి చెందిన రెండు విదేశీ బ్యాంక్ అకౌంట్లను కనిపెట్టారు.  హాంకాంగ్‌లోని బ్యాంక్‌ ఆఫ్ ఈస్ట్‌ ఆసియాలో ఓ అకౌంట్, కౌలాలంపూర్‌లోని ఆర్‌హెచ్‌బి బ్యాంక్‌లో మరో అకౌంట్‌ రేవంత్‌ రెడ్డికి ఉన్నట్లు గుర్తించారు. 2014..  ఫిబ్రవరి 25న కౌలాలంపూర్‌లోని రఘువరన్‌ మురళి  అకౌంట్‌ నుంచి .. ఈ రెండు బ్యాంక్ అకౌంట్లకు దాదాపు 20 కోట్లు బదిలీ అయ్యాయి. మలేషియాలోని ఓ ఆస్తిని కొనుగోలు చేసినందుకు ఈ డబ్బును చెల్లిస్తున్నట్లుగా మురళి బ్యాంక్ పత్రాల్లో పేర్కొన్నాడు.  అయితే, ఈ అకౌంట్ల గురించి గానీ, లావాదేవీల గురించి గానీ ఐటీ అధికారులకు రేవంత్‌రెడ్డి ఎలాంటి సమాచారం ఇవ్వలేదు.. దీంతో ఇదంతా బ్లాక్‌మనీగానే అనుమానిస్తున్నారు అధికారులు.  పైగా ఈ మురళి కూడా రేవంత్‌ రెడ్డి బినామీ కావచ్చని భావిస్తున్నారు. ఈ రెండు అకౌంట్లలో జరిగిన లావాదేవీలతో పాటు.. అసలు ఇంకా ఎన్ని ఆస్తులు విదేశాల్లో ఉన్నాయన్న వివరాలను సేకరిస్తున్నారు. 

06:34 - September 28, 2018

హైదరాబాద్ : ఫెమా, మనీ లాండరింగ్ చట్టాలను రేవంత్ ఉల్లంఘించినట్లుగా స్పష్టమైంది. బ్లాక్ మనీ, ఇన్ పొజిషన్ ఆఫ్ ట్యాక్స్ యాక్ట్-2015 సెక్షన్ 49, సెఓన్ 50ల కింద కాంగ్రెస్ నేత రేవంత్ రెడ్డిపై కేసులు నమోదు చేయబడ్డాయి. ది ప్రివెన్షన్ ఆఫ్ మనీ లాండరింగ్, యాక్-2002 సెక్షన్ 3,4 సెక్షన్ కింద కూడా రేవంత్ పై అధికారులు కేసులు నమోదు చేశారు. ఆఫ్ బినామీ ట్రాన్జాక్షన్ యాక్ట్1988, ప్రివెన్షన్ ఆఫ్ కరప్షన్ యాక్టు 1988 కింద రేవంత్ పై అధికారులు అభియోగాలు మోపారు. రేవంత్ రెడ్డికి అమెరికా, హాంకాంగ్, మలేషియాలలో ఆస్తులున్నట్లు ఆరోపణలు. కౌలాలంపూర్ లోని ఆర్ హెచ్ బీ బ్యాంక్ లో రేవంత్ రెడ్డి ఖాతాలో ఒకే రోజు 20 లక్షల సింగపూర్ డాలర్లు, హాంకాంగ్ లోని బ్యాంక్ ఆఫ్ ఈస్ట్ ఏసియాలో ఉన్న రేవంత్ అకౌంట్ లో 2014లో ఒకే రోజు 60 లక్షల మలేషియా రిగ్గెట్లు జమైనట్టు ఈ సోదాల్లో తెలిసింది.
కాగా, ఐటీ అధికారుల సమాచారం మేరకు కొడంగల్ నియోజకవర్గంలో ఎన్నికల ప్రచారం ముగించుకున్న రేవంత్ రెడ్డి జూబ్లీహిల్స్ లోని తన నివాసానికి చేరుకున్నారు. రేవంత్ కోసం ఎదురుచూస్తున్న అధికారులు ఆయన రాగానే నివాసంలోకి తీసుకెళ్లారు. కాగా హైదరాబాద్ లోని జూబ్లీహిల్స్ సహా 15 చోట్ల ఈరోజు ఉదయం నుంచి సోదాలు కొనసాగుతున్నాయి. రేవంత్ పై ఈడీ కోర్టులో కేసు ఇన్ ఫర్మేషన్ రిపోర్టును ఈడీ దాఖలు చేసింది. రేవంత్ ఆదాయానికి, ఆస్తులకు ఏమాత్రం సంబంధం లేనట్లుగా అధికారులు గుర్తించారు. సోదాలలో లభించిన పత్రాల ఆధారంగా దాదాపు రూ.1000 కోట్లకు పైగానే ఆస్తులు వున్నట్లుగా అధికారులు అంచనా వేస్తున్నారు. దాదాపు 23 గంటలుగా సోదాలు కొనసాగుతున్నాయి. దీంతో ఈడీ రేవంత్ ను విచారణ నిమిత్తం అరెస్ట్ చేసే అవకాశాలు పక్కాగా వున్నట్లుగా తెలుస్తోంది. సోదాల్లో దాదాపు రూ.కోటి నగదు, పలు కీలక డాక్యుమెంట్లను అధికారులు స్వాధీనం చేసుకున్నారు. 
ఓటుకు నోటు కేసుతో సంబంధం వున్న సెబాస్టియన్, ఉదయసింహ ఇళ్లలో కూడా ఐటీ, ఈడీ అధికారులు సోదాలను కొసాగిస్తున్నారు. 
 

12:45 - September 24, 2018

ఛత్తీస్‌గఢ్ : రాష్ట్రంలో మావోయిస్టుల అరాచకాలు సర్వసాధారణంగా మారిపోయాయి. దీంతో కూంబింగ్ పోలీసుల దినచర్యగా మారిపోయింది. అడవుల్లో తుపాకుల తూటాల శబ్ధంతో దద్దరిల్లుతో సామాన్యుల జీవనాలను ప్రశ్నార్థకంగా మార్చివేస్తున్న ఘటనలు ఛత్తీస్ గఢ్ లో సాధారణంగా మారిపోతోంది. ఈ క్రమంలో  ప్రజాప్రపతినిథులను టార్గెట్ చేస్తు మావోలు మందుపాతరలు, పైప్ బాంబ్స్ అమర్చారు. పక్కా సమాచారంతో కూబింగ్ చేపఃట్టిన పోలీసులు ఏడుగురు మావోలను అరెస్ట్ చేశారు. భారీగా డంప్ ను కూడా స్వాధీనం చేసుకున్నారు.

17:44 - September 3, 2018

ముంబై : కేంద్ర ప్రభుత్వంపై ప్రముఖ బాలీవుడ్ నటి సంచలన విమర్శలు చేశారు. జాతిపిత మహాత్మాగాంధీని హత్య చేసిన వారు దేశాన్ని పాలిస్తున్నారంటూ బాలీవుడ్ ప్రముఖ నటి స్వర భాస్కర్ కేంద్రంపై నిప్పులు చెరిగారు. పౌరహక్కుల నేత వరవరరావుతో పాటు మరికొందరిని కేంద్రం ప్రభుత్వం అరెస్ట్ చేయించిన విషయం తెలిసిందే. ఈ అరెస్టును ఖండించిన నటి స్వర భాస్కర్ కేంద్రంపై నిప్పులు చెరిగింది.

నీరవ్ మోదీ, మెహుల్ చోక్సీ వంటి వారి కేసుల్లో ఈ ప్రభుత్వం ఏం చేసిందంటు ప్రశ్నించింది. వేల కోట్ల ప్రజా ధనాన్ని దోచేసి..విదేశాలకు పారిపోతున్న వారిని ఏమీ చేయలేని ప్రభుత్వం..నిరు పేదల కోసం, వారి హక్కుల కోసం పోరాడుతున్న వారిని మాత్రం అరెస్టులు చేసి జైళ్లకు పంపిస్తోందని స్వరభాస్కర్ ఆవేదన వ్యక్తం చేసారు. కాగా ప్రధాని నరేంద్రమోదీ హత్యకు కుట్ర పన్నారన్న ఆరోపణలపై ఇటీవల మహారాష్ట్ర పోలీసులు విరసం నేత వరవరరావుతోపాటు మరో నలుగురు హక్కుల నేతలను అరెస్ట్ చేసినన విషయం తెలిసిందే. 

21:24 - August 31, 2018

ఢిల్లీ : 1991లో మాజీ ప్రధాని రాజీవ్‌గాంధీ హత్య తరహాలోనే ప్రధాని మోదిని హత్య చేసేందుకు మావోయిస్టులు కుట్ర పన్నారని మహారాష్ట్ర అడిషనల్‌ డైరెక్టర్‌ జనరల్ పరమ్‌బీర్‌ సింగ్‌ తెలిపారు. మావోయిస్టులతో సంబంధాలున్నాయన్న ఆధారాలతోనే పౌర హక్కుల నేతలను అరెస్ట్‌ చేసినట్లు మీడియా సమావేశంలో ఎడిజి స్పష్టం చేశారు. శాంతి భద్రతలకు విఘాతం కల్పించడం ద్వారా కేంద్ర ప్రభుత్వాన్ని కూల్చేందుకు వారు కుట్ర పన్నారని, మావోయిస్టులు వేసిన ప్రణాళికలకు పౌర హక్కుల నేతలు సహకరించారని ఎడిజి వెల్లడించారు. ఈ కుట్రలో ఓ ఉగ్రవాద సంస్థకు కూడా ప్రమేయం ఉందని చెప్పారు. మానవ హక్కుల నేతలు మావోలతో సంభాషణలు జరిపిన కొన్ని లేఖలను ఏడీజి మీడియా ముందు ప్రదర్శించారు. గ్రనేడ్లు కొనేందుకు డబ్బులు ఇవ్వాల్సిందిగా ఆ లేఖలో ఉంది. భీమా-కోరేగావ్‌లో జరిగిన అల్లర్లతో సంబంధాలు ఉన్నాయన్న ఆరోపణలతో పౌర హక్కుల నేతలు వరవరరావు, సుదా భరద్వాజ్, గౌతమ్ నవలక, అరుణ్ ఫెరిరా, వెర్నన్ గొంజాలెజ్‌లను ఆగస్టు 28వ తేదీన పుణె పోలీసులు అరెస్టు చేశారు. సుప్రీంకోర్టు ఆదేశాల మేరకు వాళ్లను గృహనిర్బంధంలో ఉంచారు.

17:55 - August 30, 2018

హైదరాబాద్ : భీమా కొరెగావ్ విచారణ కేసుతో సంబంధం ఉందంటూ విరసం నేత వరవరరావుతో పాటు మరికొందరిని పోలీసులు అరెస్ట్ చేసిన విషయం తెలిసిందే. అయితే ఈ అరెస్ట్‌ అక్రమం అంటూ సుప్రీం కోర్టులో పలువురు పిటిషన్ దాఖలు చేశారు. దీంతో అరెస్ట్‌ను నిలిపివేయాలంటూ సుప్రీం మధ్యంతర ఉత్తర్వులు జారీ చేసింది. అయితే పోలీసులు వీరిని గృహా నిర్భందంలో ఉంచారు. గృహా నిర్భందంలో ఉన్నవారిని కలవటానికి పోలీసులు ఎవ్వరినీ అనుమతించటం లేదు. ఈ నేపథ్యంలో అడ్వకేట్‌ ప్యానల్‌ తరపున జలిల్‌ లింగయ్య యాదవ్‌, మరికొందరు అడ్వకేట్స్‌ వరవరరావును కలిశారు. దీనికి సంబంధించిన మరింత సమాచారం కోసం ఈ వీడియో చూడండి..

16:38 - August 7, 2018

బెంగళూరు : దేశంలో పలు ప్రాంతాలలో విధ్వంసానికి పాల్పడుతున్నారనే సమాచారంతో ఎన్ ఐఏ అధికారులు పలు కీలక ప్రాంతాలపై కన్ను వేశారు. ఈ నేపథ్యంలో నిన్న హైదరాబాద్ నగరంలోని పాతబస్తీలో ఇద్దరిని అరెస్ట్ చేసిన ఎన్ ఐఏ అధికారులు నేడు బెంగళూరులో సోదాలు నిర్వహించారు. ఈ సోదాలలో పలు కీలక పత్రాలతో పాటు కౌసర్ మున్నాను అనే వ్యక్తిని అదుపులోకి తీసుకున్నారు. సెల్ ఫోన్, పెన్ డ్రైవ్, ల్యాప్ టాప్ లను సీజ్ చేశారు. సోషల్ మీడియాలో వీడియో అప్ లోడ్ చేసే లింక్, ఫేస్ బుక్ ఫేక్ ఐడీ, లాగిన, పాస్ వర్డ్ లను అధికారులు గుర్తించారు. భారత్ లోని పలు ప్రాంతాలలోని పలు ప్రాంతాలలో విధ్వంసాలను కౌసర్ మున్నా కుట్ర పన్నినట్లుగా ఎన్ ఐఏ అధికారులు గుర్తించారు. కౌసర్ కు సహకరించిన మరో తీవ్రవాది ముస్లాఫిజర్ రెహ్మాన్ అనే వ్యక్తిని కూడా అధికారులు అరెస్ట్ చేశారు. వీరిద్దని అధికారులు కోర్టులో హాజరుపరిచారు. 

Pages

Don't Miss

Subscribe to RSS - అరెస్ట్