అసెంబ్లీ ఎన్నికలు

07:40 - May 15, 2018

బెంగళూరు : మరికొద్ది గంటల్లో కర్నాటక అసెంబ్లీ ఎన్నికల ఫలితాలు వెలువడనున్నాయి. 8 గంటలకు ఓట్ల లెక్కింపు ప్రారంభంకానుంది. అయితే కర్నాటకలో గెలుపు ఎవరిదన్న దానిపై సర్వత్రా ఉత్కంఠ నెలకొంది. అధికారంపై కాంగ్రెస్‌, బీజేపీ ధీమా వ్యక్తం చేస్తున్నప్పటికీ.... దాదాపు అన్ని ఎగ్జిట్‌పోల్స్‌ మాత్రం హంగ్‌వైపే మొగ్గుచూపాయి. ఈ నేపథ్యంలో కౌంటింగ్‌ ప్రారంభానికి ముందే తెరవెనుక మంతనాలు జోరుగా సాగుతున్నాయి. మరోవైపు కౌంటింగ్‌ కోసం భారీ భద్రత ఏర్పాటు చేశారు.
కర్నాటక ఫలితాలపై సర్వత్రా ఆసక్తి
మరికొద్ది గంటల్లో వెలువడనున్న కర్నాటక అసెంబ్లీ ఎన్నికల ఫలితాలపై దేశమంతా ఆసక్తిగా ఎదురుచూస్తోంది.  పోలింగ్‌ రికార్డు స్థాయిలో నమోదు కావడంతో గెలుపు ఎవరిదన్న ఆసక్తి సర్వత్రా నెలకొంది. హంగ్‌ ఏర్పడే అవకాశముందని  మెజార్టీ ఎగ్జిట్‌పోల్స్‌ స్పష్టం చేయడంతో.... అన్ని రాజకీయ పార్టీల్లోనూ ఉత్కంఠ మరింత పెరిగింది. మధ్యాహ్నానికిగానీ ఉత్కంఠకు తెరపడే అవకాశముంది.
తమదే అధికారమంటూ కాంగ్రెస్‌, బీజేపీ ప్రకటనలు
ఒకవైపు కాంగ్రెస్‌, మరోవైపు బీజేపీ అధికారం తమదనే ప్రకటనలు చేస్తున్నాయి. తమకంటే తమకే మెజార్టీ స్థానాలు వస్తాయన్న ధీమాను ఆ పార్టీల నేతలు వ్యక్తం చేస్తున్నారు. వీరి ధీమాలు, అంచనాలు ఎలా ఉన్నా... హంగ్‌ వస్తే పరిస్థితి ఏంటన్నది ఇప్పుడు చర్చనీయాంశంగా మారింది. కాంగ్రెస్‌, బీజేపీలు బయటకు తమకే ప్రజలు పట్టంగడతారని చెబుతున్నా.... లోలోనమాత్రం హంగ్‌ ఎలాంటి వ్యూహం అనుసరించాలన్న దానిపై సమాలోచనలు చేస్తున్నారు. 
హంగ్‌ ఏర్పడితే జేడీఎస్‌ కింగ్‌ మేకర్‌
కర్నాటకలో హంగ్‌ ఏర్పడితే జేడీఎస్‌ కింగ్‌మేకర్‌ అవుతుంది. అందుకే అటు కాంగ్రెస్‌గానీ... ఇటు బీజేపీగానీ.... జేడీఎస్‌కు గాలమేస్తున్నాయి. జేడీఎస్‌ పార్టీ అధ్యక్షుడు , మాజీ సీఎం కుమారస్వామితో ఇరుపార్టీల నేతలు అంతర్గతంగా చర్చలు కొనసాగిస్తున్నారు. కుమారస్వామి ఉన్నపళంగా సింగపూర్‌ వెళ్లడం కన్నడనాట తీవ్ర చర్చనీయాంశంగా మారింది. వైద్య పరీక్షల కోసమని పార్టీ శ్రేణులు చెబుతున్నా... సింగపూర్‌ నుంచే ఆయన రాజకీయ పార్టీలతో చర్చలు జరుపుతున్నట్టు తెలుస్తోంది. ఓవైపు సిద్ధరామయ్య జేడీఎస్‌తో పొత్తు విషయంపై సంకేతాలు ఇవ్వగా... మరోవైపు బీజేపీ కూడా దోస్తీకోసం ప్రతిపాదన పంపింది. అయితే గత అనుభాల దృష్ట్యా బీజేపీతో పొత్తు వద్దని కుమారస్వామి తండ్రి దేవేగౌడ ఇదివరకు హెచ్చరించారు. అయితే కుమారస్వామి మాత్రం ఈ విషయంలో వ్యూహాత్మక మౌనం పాటిస్తున్నారు. మరోవైపు ఇరు పార్టీలతో మంతనాలు కొనసాగిస్తున్నారు. నేటి ఫలితాల్లో హంగ్‌ ఏర్పడితే... జేడీఎస్‌ మద్దతు ఎవరికన్నది కీలకంగా మారింది. 
ఓట్ల లెక్కింపునకు భారీ భద్రత
కర్నాటక అసెంబ్లీ ఎన్నికల ఓట్ల లెక్కింపుకు ఈసీ భారీ భద్రతా ఏర్పాట్లు చేసింది. రాష్ట్ర వ్యాప్తంగా 38 కౌంటింగ్‌ కేంద్రాల్లో లెక్కింపు జరుగనుంది.  అన్ని జిల్లా కేంద్రాల్లోనూ లెక్కింపు కేంద్రాలను ఏర్పాటు చేశారు.  బెంగళూరు నగరంలో ఐదు కేంద్రాలను ఏర్పాటు చేశారు. పోలింగ్‌ కేంద్రాల దగ్గర మూడంచెల భద్రతను ఏర్పాటు చేశారు.  స్ట్రాంగ్‌రూమ్‌ల దగ్గర పారామిలటరీ బలగాలను ఏర్పాటు చేశారు. ప్రతి కౌంటర్‌ దగ్గర 100 మంది సిబ్బంది విధుల్లో ఉంటారు. ఉదయం 8 గంటల నుంచే లెక్కింపు మొదలుకానుంది.
చెలరేగిపోతున్న బెట్టింగ్‌ రాయుళ్లు
కర్నాటక ఎన్నికల ఫలితాల నేపథ్యంలో బెట్టింగ్‌ రాయుళ్లు చెలరేగిపోతున్నారు. మంత్రుల స్థానాలతోపాటు కీలక అసెంబ్లీ స్థానాలపై  బెట్టింగ్‌ జోరుగా సాగుతోంది.ఏ పార్టీకి మెజార్టీ వస్తుంది.. ఏ పార్టీ అధికారం చేజిక్కించుకుంటుంది.. కీలక నేతల్లో ఎవరు గెలుస్తారు.. ఎవరు ఓడిపోతారు.. అనే అంశాలపై పందెం రాయుళ్లు బెట్టింగ్‌లు కడుతున్నారు.  వాహనాలు, నగదు, ఆస్తులు, భూములు ఇలా అన్నింటిపైనా బెట్టింగ్‌లు కాస్తున్నారు. కర్నాటకతోపాటు తెలుగురాష్ట్రాలు, మహారాష్ట్రలో ఈ బెట్టింగ్‌లు వందకోట్లలో జరుగుతున్నట్టు తెలుస్తోంది. రంగంలోకి దిగిన పోలీసులు పదుల సంఖ్యలో బెట్టింగ్‌రాయుళ్లను అరెస్ట్‌ చేశారు.

 

10:46 - May 12, 2018

బెంగళూరు : కర్నాటకలో అసెంబ్లీ ఎన్నికలకు పోలింగ్‌ కొనసాగుతోంది. మొదల మందకొడిగా ప్రారంభమైన పోలింగ్‌ నెమ్మదిగా పుంజుకుంటోంది. ఉదయం 7 నుంచి 9 గంటల వరకు 11.5 పోలింగ్ శాతం నమోదు అయింది. అయితే ఫ్రెష్ వాటర్లు... యంగ్ జనరేషన్ ఓటర్లు కనపడడం లేదు. ఓటింగ్ శాతాన్ని పెంచేందుకు ఈసారి పోలింగ్ ను సాయంత్రం 5 నుంచి 6 గంటల వరకు పెంచారు. మొత్తం 224 అసెంబ్లీ సీట్లకు గాను 222 సీట్లకు ఎన్నికలు జరుగుతున్నాయి. బీజేపీ అభ్యర్థి మృతితో జయనగర్‌ స్థానానికి ఎన్నికలు వాయిదా పడ్డాయి. ఫేక్‌ ఓటర్‌ ఐడీ కార్డులు బయట పడటంతో ఆర్‌ ఆర్‌ నగర్‌ ఎన్నికలు వాయిదా పడ్డాయి. సాయంత్రం ఉదయం ఏడు గంటలకు ప్రారంభమైన పోలింగ్‌ సాయంత్రం ఆరుగంటల వరకు కొనసాగనుంది. మొదటి సారిగా ఈసీ గంట సమయాన్ని పెంచింది.  ఈ ఎన్నికల్లో బిజెపి 222, కాంగ్రెస్‌ 220, జెడిఎస్‌ 200 స్థానాలకు పోటీ చేస్తున్నాయి. మొత్తం 2,636 మంది అభ్యర్థులు బరిలో ఉన్నారు.  ఈ  నెల 15న ఎన్నికల ఫలితాలు వెలువడనున్నాయి. 

 

09:51 - May 12, 2018

బెంగళూరు : కర్నాటకలో అసెంబ్లీ ఎన్నికలకు పోలింగ్‌ కొనసాగుతోంది. 4, 5 చోట్ల ఈవీఎంలు మొరాయించాయి. అక్కడ అర్ధ గంట ఆలస్యంగా పోలింగ్ ప్రారంభం అయింది. మిగిలిన చోట్ల పోలింగ్ ప్రశాంతంగా కొనసాగుతోంది. 80 వేల ఈవీఎంలు ఏర్పాటు చేశారు. 80 వేల ఓటర్ వెరిఫైడ్ కేంద్రాలను ఏర్పాటు చేశారు. వికలాంగులు, వృద్ధులకు 800 పోలింగ్ కేంద్రాలను ఏర్పాటు చేశారు. మొత్తం 224 అసెంబ్లీ సీట్లకు గాను 222 సీట్లకు ఎన్నికలు జరుగుతున్నాయి. బీజేపీ అభ్యర్థి మృతితో జయనగర్‌ స్థానానికి ఎన్నికలు వాయిదా పడ్డాయి. ఫేక్‌ ఓటర్‌ ఐడీ కార్డులు బయట పడటంతో ఆర్‌ ఆర్‌ నగర్‌ ఎన్నికలు వాయిదా పడ్డాయి. ఆర్‌ ఆర్‌ నగర్‌ స్థానానికి ఈ నెల 28న పోలింగ్‌ జరుగనుంది. మొత్తం 4 కోట్ల 96 లక్షల 82 వేల 357  మంది ఓటర్లు తమ ఓటు హక్కును వినియోగించుకోనున్నారు. వీరిలో పురుషులు 2,52,5,825 మంది, మహిళా ఓటర్లు 2,44,71,480 ఉన్నారు. ఎన్నికల కోసం 56 వేల 696 పోలింగ్‌ కేంద్రాలు ఏర్పాటు చేశారు. ఈ ఎన్నికల్లో బిజెపి 222, కాంగ్రెస్‌ 220, జెడిఎస్‌ 200 స్థానాలకు పోటీ చేస్తున్నాయి. మొత్తం 2,636 మంది అభ్యర్థులు బరిలోకి దిగారు. బాదామి, చాముండేశ్వర స్థానాల నుంచి సీఎం సిద్దరామయ్య పోటీ చేస్తున్నారు. షికారిపుర నుంచి బీజేపీ ఎంపీ, మాజీ సీఎం యడ్యూరప్ప పోటీలో ఉన్నారు. ఈ  నెల 15న ఎన్నికల ఫలితాలు వెలువడనున్నాయి.

09:49 - May 12, 2018

బెంగళూరు : కర్నాటకలో అసెంబ్లీ ఎన్నికలకు పోలింగ్‌ కొనసాగుతోంది. మొత్తం 224 అసెంబ్లీ సీట్లకు గాను 222 సీట్లకు ఎన్నికలు జరుగుతున్నాయి. బీజేపీ అభ్యర్థి మృతితో జయనగర్‌ స్థానానికి ఎన్నికలు వాయిదా పడ్డాయి. ఫేక్‌ ఓటర్‌ ఐడీ కార్డులు బయట పడటంతో ఆర్‌ ఆర్‌ నగర్‌ ఎన్నికలు వాయిదా పడ్డాయి. ఆర్‌ ఆర్‌ నగర్‌ స్థానానికి ఈ నెల 28న పోలింగ్‌ జరుగనుంది. మొత్తం 4 కోట్ల 96 లక్షల 82 వేల 357  మంది ఓటర్లు తమ ఓటు హక్కును వినియోగించుకోనున్నారు. వీరిలో పురుషులు 2,52,5,825 మంది, మహిళా ఓటర్లు 2,44,71,480 ఉన్నారు. ఎన్నికల కోసం 56 వేల 696 పోలింగ్‌ కేంద్రాలు ఏర్పాటు చేశారు. ఈ ఎన్నికల్లో బిజెపి 222, కాంగ్రెస్‌ 220, జెడిఎస్‌ 200 స్థానాలకు పోటీ చేస్తున్నాయి. మొత్తం 2,636 మంది అభ్యర్థులు బరిలోకి దిగారు. బాదామి, చాముండేశ్వర స్థానాల నుంచి సీఎం సిద్దరామయ్య పోటీ చేస్తున్నారు. షికారిపుర నుంచి బీజేపీ ఎంపీ, మాజీ సీఎం యడ్యూరప్ప పోటీలో ఉన్నారు. ఈ  నెల 15న ఎన్నికల ఫలితాలు వెలువడనున్నాయి.
బళ్లారి జిల్లాలో మందకోడిగా పోలింగ్‌  
కర్నాటకలోని బళ్లారి జిల్లాలో పోలింగ్‌ మందకోడిగా సాగుతోంది. 7 గంటలకు ప్రారంభమైన పోలింగ్‌లో ఓటు వేసేందుకు ప్రజలు ఆసక్తి చూపడంలేదు. మధ్యాహ్నం వరకు పోలింగ్‌ సరళిని అంచనా వేయలేని పరిస్థితి నెలకొంది. బళ్లారిలో పోలింగ్‌పై మరింత సమాచారాన్ని వీడియోలో చూద్దాం.. 

 

07:28 - May 12, 2018

బెంగళూరు : కర్ణాటక అసెంబ్లీ ఎన్నికలకు కాసేపట్లో పోలింగ్‌ ప్రారంభంకానుంది. పోలింగ్‌కు సంబంధించి ఎన్నికల అధికారులు అన్ని ఏర్పాట్లు పూర్తి చేశారు. ఎలాంటి అవాంఛనీయ ఘటనలు జరగకుండా పోలింగ్‌ కేంద్రాల వద్ద పటిష్టమైన బందోబస్తు ఏర్పాటు చేశారు.
222 నియోజకవర్గాలకు ఎన్నికలు 
కర్ణాటక అసెంబ్లీ ఎన్నికలకు శనివారం పోలింగ్‌ జరగనుంది. కర్ణాటకలో మొత్తం 224 అసెంబ్లీ స్థానాలకు గాను 222 నియోజకవర్గాలకు ఎన్నికలు జరగనున్నాయి. జయనగర్ బిజెపి అభ్యర్థి బిఎన్‌.వినయ్‌కుమార్‌ మృతితో ఆ ఒక్క స్థానానికి ఎన్నిక వాయిదా పడింది.  ఫేక్‌ ఓటర్‌ ఐడీ కార్డులు బయటపడడంతో ఆర్‌ ఆర్‌ నగర్‌ అసెంబ్లీ స్థానానికి ఎన్నిక ఈ నెల 28కి వాయిదా పడింది.
4 కోట్ల 96 లక్షల 82 వేల మంది ఓటర్లు 
కర్ణాటకలో 4 కోట్ల 96 లక్షల 82 వేల మంది ఓటర్లు తమ ఓటుహక్కు వినియోగించుకోనున్నారు. ఇందులో పురుష ఓటర్లు 2 కోట్ల 52 లక్షల 5 వేల 825 మంది కాగా, మహిళా ఓటర్ల సంఖ్య 2 కోట్ల 44 లక్షల 71 వేల 480. ఈ ఎన్నికల్లో బిజెపి 223, కాంగ్రెస్‌ 221, జెడిఎస్‌ 200 స్థానాల్లో పోటీ పడుతున్నాయి. మొత్తం 2,636 మంది అభ్యర్థులు తమ అదృష్టాన్ని పరీక్షించుకోనున్నారు. ఇందులో మహిళా అభ్యర్థులు 217 మంది ఉన్నారు. 
56 వేల 696 పోలింగ్‌ కేంద్రాలు ఏర్పాటు 
ఎన్నికల కోసం అధికారులు 56 వేల 696 పోలింగ్‌ కేంద్రాలను ఏర్పాటు చేశారు. మహిళలకు ప్రత్యేకంగా 600 కేంద్రాలు... దివ్యాంగులు, ఇతరులకు 28 కేంద్రాలు ఏర్పాటు చేసినట్లు రాష్ట్ర ఎన్నికల అధికారి సంజీవ్‌ కుమార్‌ వెల్లడించారు. ఈ ఎన్నికల్లో వీవీపాట్‌ యంత్రాలతో పాటు ఈవీఎంలను వినియోగించనున్నారు.
పోలీసులు పటిష్ట బందోబస్తు ఏర్పాటు 
రాష్ట్రంలో 20 శాతం పోలింగ్‌ బూతులు సమస్యాత్మకంగా ఉన్న నేపథ్యంలో పోలింగ్ కేంద్రాల వద్ద పోలీసులు పటిష్ట బందోబస్తు ఏర్పాటు చేశారు. ఎలాంటి అవాంఛనీయ ఘటనలు చోటు చేసుకోకుండా 82,157మంది పోలీసులు, 585 కేంద్ర బలగాలతో భద్రతా చర్యలు చేపట్టారు. రాష్ట్రంలో ఇప్పటివరకు ఎలాంటి హింసాత్మక ఘటనలు చోటుచేసుకోలేదు.
మే 15న ఎన్నికల ఫలితాలు 
కర్ణాటక అసెంబ్లీ ఎన్నికల కోసం గత నెల రోజులుగా కాంగ్రెస్‌, బిజెపి, జెడిఎస్‌ తదితర పార్టీలు హోరా హోరీగా ప్రచారం నిర్వహించాయి. ఎన్నికల ప్రచారం గురువారంతో ముగిసింది. కర్ణాటకలో అధికారంలో ఉన్న కాంగ్రెస్ తిరిగి అధికారాన్ని నిలబెట్టుకుంటామన్న ధీమాతో ఉంది. మోది మేజిక్‌తో అధికారం తమనే వరిస్తుందని బిజెపి చెబుతోంది. సర్వేలు మాత్రం కర్ణాటకలో హంగ్‌ తప్పదని జోస్యం చెప్పాయి. కాంగ్రెస్‌ అతిపెద్ద పార్టీగా అవతరిస్తుందని, ప్రభుత్వ ఏర్పాటులో జెడిఎస్‌ కింగ్‌మేకర్‌గా చక్రం తిప్పుతుందని సర్వేలు వెల్లడించాయి. కొన్ని సర్వేలు మాత్రం బిజెపి ప్రభుత్వాన్ని ఏర్పాటు చేస్తుందని పేర్కొన్నాయి. ఆయా పార్టీల అభ్యర్థుల జాతకాలు కన్నడ ఓటర్ల చేతిలో నిక్షిప్తమై ఉన్నాయి. ఓటరు ఎవరిని కరుణిస్తారన్నది మే 15న ఎన్నికల ఫలితాలు వచ్చేవరకు వేచి చూడాల్సిందే మరి.

 

18:56 - May 10, 2018

బెంగళూరు : కర్నాటక అసెంబ్లీ ఎన్నికల ప్రచారానికి తెరపడింది. మైకులు మూగబోయాయి. సాయంత్రం 5 గంటలకు ఎన్నికల ప్రచారం ముగిసింది. చివరి రోజు ప్రచారంలో బీజేపీ, కాంగ్రెస్ టాప్ లీడర్లు పాల్గొన్నారు. సిద్ధరామయ్య నియోజకవర్గం బాదామిలో అమిత్ షా ప్రచారం చేశారు. చివరి రోజు రాహుల్ గాంధీ సుడిగాలి క్యాంపెయిన్ చేశారు. అబద్ధపు ప్రచారంలో బీజేపీ ఓటర్లను మోసం చేస్తోందని కాంగ్రెస్ జాతీయ అధ్యక్షుడు రాహల్ గాంధీ విమర్శించారు. కాంగ్రెస్, బీజేపీ, జేడీఎస్ లు పోటాపోటీగా ప్రచారంలో పాల్గొన్నాయి. ఓటర్లను ఆకట్టుకునేందుకు నేతలు వరాల జల్లు కురిపించారు. కర్నాటకలో ఆయా పార్టీల టాప్ లీడర్లు మోహరించారు. కాంగ్రెస్, బీజేపీలు విజయంపై ధీమా వ్యక్తం చేస్తున్నాయి. 21 నుంచి 22 మంది వరకు కేంద్రమంత్రులు, ముగ్గురు నుంచి నల్గురి వరకు ముఖ్యమంత్రులు ప్రచారంలో పాల్గొన్నారు. సోనియాగాంధీ, రాహుల్ గాంధీ ప్రచారంలో పాల్గొన్నారు. రాష్ట్రంలోని 233 స్థానాలకు ఈనెల 12న ఎన్నికలు జరుగనున్నాయి. ఈనెల 15న కర్నాటక అసెంబ్లీ ఎన్నికల ఫలితాలు విడుదల కానున్నాయి. మరిన్ని వివరాలను వీడియోలో చూద్దాం... 

 

20:08 - May 9, 2018

కర్నాటక అసెంబ్లీ ఎన్నికలపై వక్తలు వాడీవేడి చర్చ చేశారు. కర్నాటక ఎన్నికల ఫలితాలపై భిన్నాభిప్రాయాలు వ్యక్తం చేశారు. ఇదే అంశంపై నిర్వహించిన చర్చా కార్యక్రమంలో విశ్లేషకులు నగేష్ కుమార్, బీజేపీ నేత ప్రకాశ్ రెడ్డి, సీపీఎం ఏపీ రాష్ట్రకార్యదర్శివర్గ సభ్యులు సీహెచ్.బాబురావు, కాంగ్రెస్ అధికార ప్రతినిధి ఇందిరా శోభన్ పాల్గొని, మాట్లాడారు. మరిన్ని వివరాలను వీడియోలో చూద్దాం... 

20:54 - March 2, 2018

ఇప్పటికిప్పుడు ఓట్లొస్తె జేఏసీకి ఇర్వై సీట్లు..కోదండరాం జేపిచ్చుకున్న ప్రత్యేక సర్వే, జానాబాబా నల్పైమంది దొంగల పంచాది...కేటీఆర్ను ఉతికి ఆరేస్తున్న కాంగ్రెసోళ్లు, పన్నెండు మంది మావోయిస్టుల ఎన్ కౌంటర్..పోస్టు మార్టాలకే సరిపోతున్న భద్రాచలం దావఖాన, టీఆర్ఎస్ పార్టీతోని పొత్తువెట్టుకోవాల్సిందేనట...మొత్తుకుంటున్న మోత్కుపల్లి నర్సింహులు, అసెంబ్లీ ఎన్నికలకు ఆత్మలతోని ప్రచారాలు...బయోపిక్ లను దించుతున్న టీడీపీ.. వైసీపీ, వెంకట స్వామి కొడ్కు మీద చీటింగ్ కేసట..ఉప్పల్ పోలీసు స్టేషన్ల అన్మంతన్న ఫిర్యాదు.. ఈ అంశాలపై మల్లన్నముచ్చట్లను వీడియోలో చూద్దాం... 

 

12:26 - December 27, 2017

కర్నూలు : జిల్లాలోని స్థానిక సంస్థల ఎన్నికల బరి నుంచి ప్రతిపక్ష వైసీపీ వైదొలగడం ఆ పార్టీ దివాలాకోరుతనానికి నిదర్శనమని ఉప ముఖ్యమంత్రి కేఈ కృష్ణమూర్తి విమర్శించారు. టీడీపీ నాయకత్వం కేఈ ప్రభాకర్‌ను అభ్యర్థిగా నిర్ణయించడంతో ఫలితాలు వేరుగా ఉంటాయన్న భయంతోనే వైసీపీ పోటీకి దూరంగా ఉందని వ్యాఖ్యానించారు. ఎమ్మెల్సీ ఎన్నిక ఫలితం ప్రభావం 2019 ఎన్నికలపై ఉంటుందని కేఈ కృష్ణమూర్తి  చెప్పారు. 

14:10 - December 18, 2017

సిమ్లా : హిమాచల్ ప్రదేశ్ లో సీపీఎం విజయబావుటా ఎగరవేసింది. రాష్ట్రంలో సీపీఎం బోణి కొట్టింది. థియోగ్ నియోజకవర్గంలో విజయదుందుభి మోగించింది. సిమ్లా జిల్లాలోని థియోగ్‌ నియోజవకర్గం నుంచి సీపీఎం అభ్యర్థి రాకేష్ సింఘా ఘన విజయం సాధించారు. 3వేల ఓట్లకు పైగా మెజారిటీతో గెలుపొందారు. దేశంలో కాంగ్రెస్, బీజేపీ పార్టీలకు ప్రత్యామ్నాయం సీపీఎం పార్టీ ఉందని నిరూపించింది. రాకేశ్‌ సింఘా సామాజిక కార్యకర్త, వ్యవసాయదారుడు. సీపీఎం సెంట్రల్‌ కమిటీ సభ్యుడు కూడా. వాంగ్‌టూ కార్చమ్‌ హైడ్రాలిక్‌ సంస్థ కార్మికుల సమ్మెకు మద్దతుగా పోరాటం చేస్తుంటే కొన్ని శక్తులు ఈయనపై దాడికి దిగాయి. 1993..96 మధ్య కాలంలో సింఘా హిమాచల్‌ ప్రదేశ్‌ అసెంబ్లీలో సిమ్లా నియోజకవర్గం ఎమ్మెల్యేగా కొనసాగారు. హిమాచల్‌ ప్రదేశ్‌ వర్సిటీ నుంచి ఎల్‌ఎల్‌బీ పట్టా తీసుకున్నారు. 

Pages

Don't Miss

Subscribe to RSS - అసెంబ్లీ ఎన్నికలు