ఆత్మహత్యలు

09:30 - December 5, 2017

గుంటూరు : జిల్లా నరసరావుపేటలో విషాదం నెలకొంది. స్థానిక రైల్వేస్టేషన్‌ 3వ గేట్‌ వద్ద గూడ్స్‌ రైలు కిందపడి.. ఇద్దరు పిల్లలతో సహా తల్లి ఆత్మహత్య చేసుకుంది. మృతురాలు నాదెండ్ల మండలం అప్పాపురానికి చెందిన విజయలక్ష్మిగా గుర్తించారు. పిల్లలు దిగ్విజయ్‌,గణేష్ సాయి మార్టూరులో చదువుతున్నారు. మార్టూరు నుంచి పిల్లలను నరసరావుపేట కు తీసుకు వచ్చిన విజయలక్ష్మీ ఆత్మహత్యకు పాల్పడింది. ఆత్మహత్యకు కారణాలు తెలియడంలేదు. కేసు నమోదు చేసిన నర్సరావుపేట పోలీసులు దర్యాప్తు చేస్తున్నారు.

13:07 - November 30, 2017

గుంటూరు : ఎంతో మంది మహిళలు బలి కావడానికి, మరెంతో మంది మహిళలు ఆత్మహత్యలు చేసుకోవడానికి గత కాంగ్రెస్ పాలకులే కారణమని టీడీపీ ఎమ్మెల్యే పీతల సుజాత ఆరోపించారు. నేడు అలాంటి ఘటనలు జరిగితే వెంటనే చర్యలు తీసుకుంటూ ప్రభుత్వం ముందుకు వెళ్తోందన్నారు. ఏపీ అసెంబ్లీలో ఆమె మాట్లాడారు. ప్రతి డ్వాక్రా మహిళలకు కూడా నాయకత్వ లక్షణాలు కావాలని...ఆ నాయకత్వ లక్షణాలను పెంపొందించే విధంగా సపోర్ట్ చేయాలని సీఎం చంద్రబాబు చెబుతున్నారని పేర్కొన్నారు. చంద్రబాబు డ్వాక్రా సంఘాలను అభివృద్ధి చేస్తున్నారని తెలిపారు. డ్వాక్రా సంఘాలను సీఎం బలోపేతం చేస్తున్నారని పేర్కొన్నారు. డ్వాక్రా సంఘాలకు ఎన్నో అవకాశాలు ఇస్తున్నారని తెలిపారు. సీఎం చంద్రబాబు టెక్నాలజీని అందిపుచ్చుకున్నారని చెప్పారు. 'హైదరాబాద్ బిర్యానీ కంటే ఐటీ రంగం బాగుందని ఇవాంకా ట్రంప్' అన్న విషయాన్ని ఆమె ప్రస్తావించారు. హైదరాబాద్ లో ఐటీ రంగాన్నికి చంద్రబాబు బీజం వేసి.. అభివృద్ధి చేశారని తెలిపారు. సాఫ్ట్ వేర్ రంగంలో ఎంతోమంది మహిళలు స్థిరపడ్డారని పేర్కొన్నారు. 

 

07:54 - November 30, 2017

అనుమతి లేని కాలేజీలను వాటి హాస్టల్స్ పై చర్యలను వెంటనే చేపట్టాలని వక్తలు అన్నారు. కాలేజీ, వాటి హాస్టల్స్ లో విద్యార్థుల ఆత్మహత్యలపై నిర్వహించిన చర్చ కార్యక్రమంలో టీడీపీ నేత విద్యాసాగర్, సీపీఎం ఏపీ రాష్ట్ర నేత సీహెచ్. బాబురావు పాల్గొని, మాట్లాడారు. నిబంధనలు ఉల్లంఘించిన కాలేజీలపై చర్య ఎందుకు తీసుకోలేదని ప్రశ్నించారు. విద్యను కార్పొరేటీకరణ చేయడం ఆపివేయాలన్నారు. ప్రభుత్వ మాటలు తప్ప చేతలు లేవని విమర్శించారు. మరిన్ని వివరాలను వీడియోలో చూద్దాం...

15:04 - November 29, 2017

గుంటూరు : ఇకపై విద్యాసంస్థలో విద్యార్థులు ఆత్మహత్యలు చేసుకుంటే కఠిన చర్యలు తీసుకుంటామన్నారు సీఎం చంద్రబాబు. విద్యాసంస్థల్లో విద్యార్థుల ఆత్మహత్యలపై అసెంబ్లీలో చర్చ జరిగింది. ఒత్తిడి తట్టుకోలేక విద్యార్థులు ఆత్మహత్యలకు పాల్పడుతున్నారన్నారు. కార్పొరేట్‌ విద్యాసంస్థలు పోటీని తట్టుకునేందుకు... విద్యార్థులకు ఎలాంటి క్రీడలు, మానసిక ఉల్లాసం లేకుండా చదివించడం వల్ల ఒత్తిడితో ఆత్మహత్యలకు పాల్పడుతున్నారన్నారు చంద్రబాబు. ఇకపై విద్యాసంస్థల్లో విద్యార్థులు ఆత్మహత్య చేసుకుంటే... విచారణ చేపట్టి కఠిన చర్యలు తీసుకుంటామన్నారు సీఎం. 

 

19:06 - November 24, 2017

చెన్నై : తమిళనాడు రాష్ట్రం వేలూరు జిల్లా మనపాకం వద్ద విషాదం జరిగింది. లెక్చరర్ మందలించాడని నలుగురు ప్లస్ వన్ (11వ తరగతి) విద్యార్థినులు ఆత్మహత్య చేసుకున్నారు. మరింత సమాచారం కోసం వీడియో క్లిక్ చేయండి.

18:16 - November 17, 2017

హైదరాబాద్ : కేంద్ర, రాష్ట్ర ప్రభుత్వాల వ్యతిరేక విధానాల వల్లే దేశంలో రైతుల ఆత్మహత్యలు పెరిగాయని జస్టిస్‌ చంద్రకుమార్‌ ఆరోపించారు. ప్రభుత్వాలు మారకపోతే ప్రజలే ప్రభుత్వాలను గద్దెదింపుతారని హెచ్చరించారు. కార్పొరేట్ల చేతిలో ప్రభుత్వాలు కీలుబొమ్మలుగా మారాయని జస్టిస్‌ చంద్రకుమార్‌ ఆరోపించారు. నవంబర్‌ 20న అఖిల భారత రైతాంగ పోరాట సమన్వయ కమిటి ఆధ్వర్యంలో.. పార్లమెంట్‌ ముందు చేపట్టే కిసాన్‌ ముక్తి సంసద్‌లో రైతులు పెద్ద ఎత్తున పాల్గొని విజయవంతం చేయాలన్నారు.

09:11 - November 13, 2017

విజయవాడ : ఏపీ అసెంబ్లీ సమావేశాలు ప్రారంభమయ్యాయి. ప్రతిపక్షం లేకుండానే ఈ సమావేశాలు జరుగుతున్న సంగతి తెలిసిందే. ఫిరాయింపు ఎమ్మెల్యేలపై చర్యలు తీసుకోవాలని డిమాండ్ చేస్తూ వైసీపీ సభ్యులు సభకు హాజరు కావడం లేదు. సోమవారం ప్రారంభమయ్యే ఈ సమావేశాల్లో ఐదు బిల్లులను ప్రవేశ పెట్టాలని ప్రభుత్వం నిర్ణయించింది. 344 నిబంధన కింద విద్యార్థుల ఆత్మహత్యలపై సభ్యులు చర్చించనున్నారు. చేనేత కార్మికుల రుణాలు..కల్తీ ఆహార పదార్థాలు..ఉద్యోగులకు ఫించన్ భద్రత..మూత్ర పిండాల వ్యాధితో మృతుల సంఖ్య పెరుగుతుండడం..గిట్టుబాటు ధర..ఇతరత్రా వాటిపై సభ్యులు పలు ప్రశ్నలను ప్రస్తావించనున్నారు.

బోటు ప్రమాద ఘటనపై ఉదయం 10.30గంటలకు ఉప ముఖ్యమంత్రి చిన రాజప్ప సభలో ఒక ప్రకటన చేయనున్నారు. కొచ్చిన్ పర్యటనను ముగించుకుని నేడు ఏపీకి సీఎం చంద్రబాబు నాయుడు రానున్నారు. బోటు ప్రమాదంలో మృతి చెందిన కుటుంబసభ్యులు..క్షతగాత్రులను ఆయన తొలుత పరామర్శించనున్నారు. అనంతరం సభకు చేరుకుని సంతాపం తెలియచేయనున్నారు. 

20:09 - November 3, 2017

తెలంగాణ రాష్ట్రంల ఎక్వ తెర్లు తెర్లైనోళ్లు ఎవ్వలంటే రైతులే.. పత్తి వంచిండిన రైతు పస్తులు వంటున్నడు.. మిర్చి వండించిన రైతు పుర్గుల మందు మింగుతున్నడు.. మక్కలు వండించిన రైతు మట్టిల గల్చిపోతున్నడు.. దుక్కిదున్నెకాడికెళ్లి.. కాంటకేశెదాక అడ్గుగడ్గున దగాపడుతున్నడు.. లీడర్లు మారుతున్నరుగని.. రైతుల బత్కుమాత్రం మార్తలేదు.. తెలంగాణ రాష్ట్రంల తెర్లైన ఎవుసం కథ ఇది..గీ విషాద ముచ్చట కోసం వీడియో సూడుండి.

19:34 - November 2, 2017

హైదరాబాద్ : నారాయణ విద్యాసంస్థలు మరోసారి వివాదాల్లోకి ఎక్కాయి. నారాయణ కాలేజీల్లో అనైతిక కార్యకలాపాలు జరుగుతున్నాయంటూ బయటకి వచ్చిన ఆడియో టేప్‌ హల్‌చల్‌ చేస్తోంది. సహచర లెక్చరర్‌తో కళాశాల ప్రిన్సిపాల్‌ జరిపిన సంభాషణలు ఇప్పుడు బయటపడ్డాయి. కళాశాలలో విచ్చలవిడి వివాహేతర సంబంధాలు.. కళాశాల మహిళా ప్రిన్సిపాల్‌ ఆత్మహత్య విషయాలతో పాటు.. పెద్దనోట్ల రద్దు సమయంలో నోట్ల మార్పిడి అంశాలు ఆడియో టేపుల్లో ఉన్నాయి. 'శ్రమయేవ జయతే' క్యాప్షన్‌తో వచ్చిన నారాయణ విద్యాసంస్థలు అక్రమాలకు అడ్డాలుగా మారాయా? అనైతిక కార్యకలాపాలు, మహిళా సిబ్బందికి వేధింపులు ఈ సంస్థల్లో కామనా అంటే అవుననే సమాధానం వస్తోంది... అందులో పనిచేసే ఉద్యోగుల మాటలు వింటుంటే. నారాయణ విద్యాసంస్థల్లో జరుగుతున్న అనైతిక కార్యకలాపాలపై బయటపడ్డ ఆడియో టేపులు ప్రస్తుతం తెలుగు రాష్ట్రాల్లో కలకలం సృష్టిస్తున్నాయి.
 

ఆడియో టేపు సంభాషణలో లెక్చరర్‌ నవీన్‌ గౌడ్‌తో నారాయణ ప్రిన్సిపాల్‌ అనితా అగర్వాల్‌గా అనుమానం వ్యక్తమవుతోంది. పెద్దనోట్ల రద్దు సమయంలో భారీగా నగదు మార్పించినట్లు ప్రిన్సిపాల్‌ టేపుల్లో వెల్లడించారు. సంస్థలో విచ్చలవిడి వివాహేతర సంబంధాలను ఈ టేపుల్లో ప్రధానంగా చర్చించారు. ఈ క్రమంలోనే ఓ మహిళా ప్రిన్సిపాల్‌ ఆత్మహత్యకు పాల్పడినట్లు చెప్పారు. ఆమె పోస్టుమార్టం రిపోర్టునూ మార్చేశారన్నారు. దీనంతటికీ సంస్థలోని రెండో ర్యాంక్‌ ప్రముఖుడే కారణమని తెలిపారు. సంస్థలో ఏదో జరగబోతోందంటూ ఆ మహిళా ప్రిన్సిపాల్‌ ఆందోళన వ్యక్తం చేశారు.

మరోవైపు టేప్‌ వెల్లడికి బాధ్యుడంటూ లెక్చరర్‌ నవీన్‌గౌడ్‌పై నారాయణ సిబ్బంది దాడికి పాల్పడ్డట్లు సమాచారం. ఈమేరకు నవీన్‌గౌడ్‌ ఉప్పల్‌ పోలీసు స్టేషన్‌లో ఫిర్యాదు చేశారు. తనకు ప్రాణహాని ఉందంటూ ఫిర్యాదు పత్రంలో పేర్కొన్నారు. నారాయణ లాంటి కార్పొరేట్‌ విద్యాసంస్థలు.. ప్రాణాంతక బోధనతో విద్యార్థులను బలిగొంటున్నాయన్న ఆరోపణలు ఈ మధ్య బాగా ఎక్కువగా వెలువడుతున్నాయి. తాజాగా.. ఈ సంస్థల్లో పనిచేస్తున్న సిబ్బంది కూడా.. మానసిక ఒత్తడికి గురవుతున్నట్లు వార్తలు వస్తున్నాయి. గతంలో ఈ కార్పొరేట్‌ సంస్థల్లో పనిచేసి.. పైవారి ఒత్తిళ్ల కారణంగా కొలువులు మానేసిన వారూ ఎందరో ఉన్నారు. నారాయణ విద్యాసంస్థల్లో తాము చాలా ఒత్తిడికి వేధింపులకు గురయ్యామని ఓ మాజీ ప్రిన్సిపాల్‌ తెలిపారు.

నారాయణ విద్యాసంస్థల్లోని అక్రమాలు, అనైతిక వ్యవహారాల గురించి సోషల్‌మీడియాలో చక్కర్లు కొడుతోన్న ఆడియో.. తెలుగు రాష్ట్రాల్లో కలకలం సృష్టిస్తోంది. దీంతో.. ఈ అంశంపై విచారణ జరిపించాలని కోరుతూ.. తెలంగాణ బీసీ సంక్షేమ సంఘం, సోషల్‌ జస్టిస్‌ ఫ్రంట్‌, బీసీ విద్యార్థి సంక్షేమ సంఘం, రంగారెడ్డి బీసీ మహిళాసంఘం.. హైదరాబాద్‌ పోలిస్‌ కమిషనర్‌ మహేందర్‌రెడ్డికి ఫిర్యాదు చేశారు. నారాయణ విద్యాసంస్థల్లోని ఆత్మహత్యలు, అక్రమాలు, చట్టవ్యతిరేక విషయాలపై సమగ్ర దర్యాప్తు చేయాలని ఆయా సంఘాల నేతలు వినతి పత్రంలో అభ్యర్థించారు. నారాయణ విద్యాసంస్థల్లో జరుగుతున్న అనైతిక కార్యకలాపాలపై రెండు తెలుగు రాష్ట్రాలు విచారణ జరుపుతాయో.. లేక ఇలాంటివి కామనే అంటూ వదిలేస్తారో చూడాలి. 

09:10 - October 27, 2017

హైదరాబాద్ : రైతు సమస్యలు పరిష్కరించాలంటూ టి.కాంగ్రెస్ చలో అసెంబ్లీకి పిలుపునిచ్చింది. కాసేపటి క్రితం గాంధీ భవన్ నుండి కాంగ్రెస్ నేతలు ర్యాలీగా బయలుదేరారు. రైతులకు ఇచ్చిన హామీలను అమలు చేయాలని, కేసీఆర్ ఇచ్చిన మాటలను నిలబెట్టుకోవాలని టి.కాంగ్రెస్ డిమాండ్ చేస్తోంది. జిల్లాల నుండి పార్టీ శ్రేణులను నేతలు తరలిస్తున్నారు. కాంగ్రెస్‌ శ్రేణులను ఎక్కడికక్కడ పోలీసులు అడ్డుకుంటున్నారు. పోలీసులు ముందస్తు అరెస్టుల పర్వానికి తెరలేపారు. పలు జిల్లాల్లో కాంగ్రెస్ నేతలను అదుపులోకి తీసుకుంటున్నారు. పలువురిని గృహనిర్భందం చేస్తున్నారు. అసెంబ్లీ పరిసరాల్లో మూడంచెల భద్రతను ఏర్పాటు చేశారు. మూడు వేల మంది పోలీసులు భద్రతను పర్యవేక్షిస్తున్నారు. అసెంబ్లీ ముట్టడికి బయలుదేరిన నేతలపై కఠిన చర్యలు తీసుకుంటామని సీపీ హెచ్చరించారు. అసెంబ్లీకి వెళ్లే వారిని క్షుణ్ణంగా తనిఖీ చేసి లోనికి అనుమతినిస్తున్నారు. 

Pages

Don't Miss

Subscribe to RSS - ఆత్మహత్యలు