ఆత్మహత్యలు

20:06 - July 3, 2018

ఢిల్లీ : బురారీలో 11 మంది కుటుంబసభ్యుల ఆత్మహత్యలపై విస్తుగొలిపే విషయాలు వెలుగులోకి వస్తున్నాయి. మృతుల్లో ఒకడైన లలిత్‌ భాటియాకు ఉన్న భ్రమలే అతనితో పాటు కుటుంబ సభ్యులను ఆత్మహత్య చేసుకునేలా ప్రేరేపించాయని బాటియా ఇంట్లో దొరికిన డైరీ ఆధారంగా పోలీసులు నిర్ధారణకు వచ్చారు. నారాయణ్‌ దేవి చిన్న కుమారుడు 45 ఏళ్ల లలిత్‌ భాటియాకు కొంతకాలం క్రితం ప్రమాద వశాత్తు మాట పడిపోయింది. ఇటీవలే అతడు తిరిగి మాట్లాడుతున్నాడు. తన తండ్రి గురించి కలలు కన్నట్లుగా డైరీలో రాసుకున్నాడు. పదేళ్ల క్రితమే చనిపోయిన తండ్రి నుంచి తనకు ఆదేశాలు వస్తున్నాయని డైరీలో పేర్కొన్నాడు. ఆస్తులు, వ్యాపారాలు, కుటుంబ బాధ్యతల వ్యవహారాలపై తండ్రి నుంచి ఆదేశాలు తీసుకున్నట్లు  ఇంట్లో అందరూ వాటిని పాటించాలని చెప్పేవాడు. 2015 నుంచి లలిత్‌ డైరీ రాస్తున్నట్లు పోలీసులు గుర్తించారు. జూన్‌ 25న చివరిసారిగా రాశాడు. అందులో ఒకచోట 'దేవుడు మమ్మల్ని కాపాడుతాడు' అని రాసి ఉంది. ఆత్మహత్యలు చేసుకోవడానికి ముందు రిహార్సల్స్‌ జరిపినట్లు కూడా డైరీ ద్వారా తెలిసింది. ఈ ఆత్మహత్యలకు లలిత్‌ భ్రమలే కారణమని పోలీసులు భావిస్తున్నారు. 

11:28 - July 3, 2018

ఢిల్లీలో ఒకే కుటుంబానికి చెందిన 11 మంది మృతి చెందడం మిస్టరీగా మారింది. ఇందులో ఆరుగురు ఉరి వల్లే మరణించినట్లు పోస్ట్‌మార్టం నివేదిక వెల్లడించింది. మూఢ విశ్వాసాలతో మోక్షం కోసం చనిపోయినట్లు మృతుల ఇంట్లో లభించిన కీలక పత్రాలు సూచిస్తున్నాయి. మూఢవిశ్వాసంతో వారు ఆత్మహత్యలకు పాల్పడలేదు...ఇది హత్యేనని మృతుల బంధువులు చెబుతున్నారు. ఇది సామూహిక ఆత్మహత్యా...? లేక హత్యా...? దేశ రాజధాని ఢిల్లీలోని బురారీలో ఒకే కుటుంబానికి చెందిన 11 మంది అనుమానస్పద స్థితి మృతిపై సస్పెన్స్‌ ఇంకా వీడలేదు. వీరికి మృతికి సంబంధించిన పోస్టుమార్టమ్‌ రిపోర్టులో మాత్రం ఆరుగురు కుటుంబసభ్యులు ఉరి వేసుకోవడంవల్లే మరణించినట్లు వెల్లడైంది. మృతులపై ఎలాంటి అఘాయిత్యం జరిగినట్లు ఆనవాళ్లు లేవని నివేదిక పేర్కొంది. ఈ అంశంపై 10టీవీ చర్చ..ఈ చర్చలో జనవిజ్నాన వేదిక నుండి రమేశ్, సైకాలజిస్ట్ జవహర్ లాల్ నెహ్రూ పాల్గొన్నారు.

18:59 - June 5, 2018

చదువుల ఒత్తిడి మరో విద్యార్థిని చిదిమేసింది. నీట్‌లో మార్కులు తక్కువ వచ్చాయన్న వేదనతో.. ఓ యువతి బలవన్మరణానికి పాల్పడింది. ఏడంతస్తుల భవంతిపైనుంచి దూకి.. ఆత్మహత్య చేసుకుంది. ఇదే అంశంపై నిర్వహించిన విశ్లేషణ కార్యక్రమంలో బాబు గోగినేని పాల్గొని, మాట్లాడారు. మరిన్ని వివరాలను వీడియోలో చూద్దాం... 

07:56 - May 15, 2018

హైదరాబాద్ : అధికారుల నిర్లక్ష్యానికి రైతుల ప్రాణాలు బలి అవుతూనే ఉన్నాయి. రైతుల కోసం ఎంతో చేస్తున్నామని పాలకులు చెప్పుకుంటున్నా.. రైతుల ఆత్మహత్యలు మాత్రం తగ్గడం లేదు. ఇందుకు నిదర్శనంగా సిద్దిపేట, నల్గొండ జిల్లాలో రైతుల భూముల విషయంలో జరిగిన అవకతవకలు మరో ఇద్దరు రైతులు ఆత్మహత్యప్రయత్నానికి పురిగొల్పాయి. రైతన్నల కోసం ఎన్నో అభివృద్ధి పనులు చేస్తున్నామని పాలకులు చెబుతున్నా రైతుల కష్టాలు మాత్రం తీరడం లేదు. అధికారుల తీరుతో నిత్యం రైతులు అవస్థలు పడుతూనే ఉన్నారు. నిత్యం ఏదో ఒక సమస్యతో రైతన్నలు బలవంతంగా తనువు చాలిస్తున్నారు. 

సిద్దిపేట జిల్లా ఎల్లాయిపల్లిలో తమ భూమిలో ప్రభుత్వం డబుల్ బెడ్‌రూమ్‌ ఇళ్ల నిర్మాణం చేపడుతుండడంతో మనస్తాపం చెందిన ఓ మహిళా రైతు ఆత్మహత్యాయత్నం చేసింది. తమకు చెందిన 8 ఎకరాల భూమి గతంలో ప్రాజెక్ట్‌ కోసం ప్రభుత్వం సేకరించింది. అయితే.. ఆ తర్వాత డిజైన్‌ మార్చడంతో 4 ఎకరాల భూమి మిగిలింది. ఆ భూమి ఆ ఎనిమిది కుటుంబాలకు చెందినవారు సాగు చేసుకుని జీవనం సాగిస్తున్నారు. అయితే.. తాజాగా ఆ భూమిలో ప్రభుత్వం డబుల్‌బెడ్‌రూమ్‌ ఇళ్లు నిర్మిస్తోంది. దీంతో ఆగ్రహించిన రైతులు... ఆ నిర్మాణాలను అడ్డుకుని ఆందోళన చేపట్టారు. అయితే రంగంలోకి దిగిన పోలీసులు వారిని అరెస్ట్‌ చేసి చిన్నకోడూరు పీఎస్‌కు తరలించారు. అధికారుల తీరుతో మనస్తాపం చెందిన   భూలక్ష్మీ అనే వృద్ధురాలు పురుగుల మందు తాగి ఆత్మహత్యాయత్నం చేసింది. పరిస్థితి విషమంగా ఉండడంతో ఆస్పత్రికి తరలించారు. ప్రభుత్వం మా భూముల్లో బలవంతంగా డబుల్‌బెడ్‌రూమ్‌ ఇళ్లు నిర్మిస్తుందని.. అందుకే భూలక్ష్మీ ఈ ఘాతుకానికి పాల్పడిందని బంధువులు ఆరోపిస్తున్నారు. తమ స్థలం తమకే ఇవ్వాలని డిమాండ్‌ చేస్తున్నారు. 

మరో వైపు సూర్యాపేట జిల్లా కలెక్టరేట్‌ కార్యాలయంలో రైతు ఆత్మహత్యాయత్నం ఘటన కలకలం రేపింది. తన భూమి పట్టా విషయంలో స్థానిక వీఆర్ వో రికార్డులు మార్పిడి చేయకుండా ఇబ్బందులకు గురి చేయడంతో మనస్థాపం చెందిన లింగయ్య  పురుగుల మందు తాగి ఆత్మహత్యాయత్నం చేశాడు.  లింగయ్య పరిస్థితి విషమంగా ఉండడంతో చికిత్స చేయించారు. ప్రభుత్వం చేపట్టే కార్యక్రమాలు తమ అభివృద్ధికి తోడ్పడాలే కానీ... ఉన్న జీవితాలు రోడ్డున పడేయం ఏంటని రైతులు ఆవేదన వ్యక్తం చేస్తున్నారు. 

16:54 - May 7, 2018

భారతదేశంలోని యువతీ, యువకులలో అధికశాతం మానసిక సమస్యలతో బాధపడుతున్నారని ప్రపంచ ఆరోగ్య సంస్థ వెల్లడించింది. ప్రపంచ యువ జనాభాలో ఎక్కువ శాతం భారత్ లోనే వున్నారని ప్రపంచ నివేదిక పేర్కొంది. యువత ఎక్కువగా మానసిక సమస్యలతో నిరాశ, నిస్పృహ, ఒత్తిడికి లోనై కుంగి కృషించి పోతున్నారని తెలిపింది. ప్రపంచ జనాభాలో 32 కోట్ల మంది యంగస్టర్స్ మానసిక ఒత్తిడికి లోనవుతుండగా.. వాళ్లలో 5 కోట్ల మంది భారతీయులు ఉన్నారంటే.. యువత ఎంతలా ఆందోళనకు లోనవుతున్నారో ఊహించుకోవచ్చు..అంతర్జాతీయ ఆరోగ్య సంస్థ-2015 నివేదికలో ఈ విషయాలను ప్రచురించింది డబ్ల్యుహెచ్వో సంస్థ.

అభివృద్ధి చెందుతున్న దేశాల్లోనే ఒత్తిడి..
ఆత్మహత్యల్లో ఎక్కువ శాతం భారత వంటి అభివృద్ధి చెందుతున్న దేశాల్లోనే జరుగుతున్నాయని వెల్లడించింది. వీళ్లలో ఎక్కువ మంది ఆగ్నేయాసియా, పశ్చిమ పసిఫిక్‌ ప్రాంత దేశాలవారేనని తెలియజేసింది. ప్రపంచ యువకులలో చోటు చేసుకుంటున్న మానసి రుగ్మతలను 2005 నుంచి 2015 వరకు డబ్ల్యుహెచ్వో అధ్యయనం చేయగా ఆసక్తికర సంఘటనలు బయటపడ్డాయి.

యువతలో 18.4 శాతం పెరిగిన మానసిక రుగ్మతలు..
యువకుల్లో మానసిక రుగ్మతలు 18.4 శాతం పెరిగాయని వెల్లడించింది. దేశ జనాభా అంటే 2015లో 4.5 శాతం కుంగుబాటుకు లోనవగా… 3 శాతం మంది ఆందోళనకు గురయ్యారని ప్రపంచ ఆరోగ్య సంస్థ పేర్కొంది.

ఒత్తిడితో 7.8 శాతం మంది ఆత్మహత్యలు..
దేశంలో ప్రతి పది మందిలో ఒకరు మానసిక సమస్యలతో చిధ్రమవుతున్నారంది వాల్డ్ నివేదిక. ఈ ఏడాది ఒత్తిడి వల్ల 7.8 లక్షల మంది ఆత్మహత్యలు చేసుకున్నారని తెలిపింది. ఆత్మహత్య చేసుకున్నవాళ్లలో పురుషులతో పోల్చితే మహిళలే ఎక్కువగా ఉన్నారని తెలియజేసింది.

ఏప్రిల్ 7.. ప్రపంచ ఆరోగ్య దినోత్సవం...
ఏప్రిల్ 7.. ప్రపంచ ఆరోగ్య దినోత్సవం.డిప్రెషన్ లెట్స్ టాక్”ను 2017 సంవత్సరం నినాదంగా ప్రకటించింది డబ్ల్యుహెచ్వో. కుంగిపోతున్న యువతను… చైతన్యవంతం చేసే దిశగా అడుగులు వేయాలని పిలుపునిచ్చింది. నిరాశ, నిస్పృహలను తరిమేయాలని… ఆశావాదంతో డిప్రెషన్ నుంచి బయటపడాలని చెబుతున్నారు వైద్యులు. ప్రపంచ ఆరోగ్య సంస్థ గణాంకాల ప్రకారం ప్రస్తుతం 300 మిలియన్ల మంది డిప్రెషన్ తో బాధ పడుతున్నారు. అందుకే ఈ ఏడాదిని ”డిప్రెషన్ లెట్స్ టాక్” గా నిర్వహించాలని నిర్ణయించింది.

మారుతున్న జీవనపరిస్థితులే కారణంగా..
నవ్వుతూ పలకరించు.. ప్రేమగా మాట్లాడు.. ఆత్మీయతను పంచు.. డిప్రెషన్ తో బాధపడేవారికి ఇదే మందు అంటున్నారు డాక్టర్లు. మారుతున్న జీవన పరిస్థితుల్లో పక్కవాళ్లతో ప్రేమగా మాట్లాడటం కూడా ఆరోగ్య సందేశంగా మారిపోయింది. ఈ సందేశాన్ని మరింత విస్తృత పరచాల్సిన బాధ్యత అందరిపై ఉంది. తన సైకత శిల్పం ద్వారా ఇదే పని చేస్తున్నారు.. తరణి ప్రసాద్ మిశ్రా. ఏపీ శ్రీకాకుళం జిల్లాలోని వంశధార నదీతీరంలో ఈ సైకతశిల్పి చెక్కిన శిల్పం ద్వారా.. ఈ సందేశాన్నే వినిపిస్తున్నారు.

ఆత్మవిశ్వాసంతోనే గెలుపు..
ఏది ఏమైనా ఆత్మవిశ్వాసం అనేది మనిషిని బతికిస్తుంది. గెలిపిస్తుంది. పోరాడేపటిమను అలవరిస్తుంది. అందుకే మేధావులు, అనుభవజ్నులు చెప్పిన మాటలను వల్లె వేసుకుందాం. ఒత్తిడిని జయిద్దాం..ఆత్మవిశ్వాసాన్ని పెంపొందించుకుందాం..ఆత్మవిశ్వాసం ఉన్న కొందరి చరిత్రే ప్రపంచ చరిత్ర. ఆ విశ్వాసం వ్యక్తిలోని దివ్యత్వాన్ని, చైతన్యాన్ని వెలికి తీస్తుంది. మీరు దేనినైనా సాధించగలరు. ఒక వ్యక్తి గానీ, జాతి గానీ తనపై తాను విశ్వాసాన్ని కోల్పోతే అది మృత్యువుతో సమానం.

10:22 - April 27, 2018

గుంటూరు : జిల్లాలో అత్యంత విషాదకర ఘటన చోటు చేసుకుంది. భార్య మృతిని తట్టుకోలేక భర్త..కుమారులకు విషం ఇచ్చి ఆత్మహత్యకు పాల్పడ్డాడు. మంగళగిరి కొప్పుల రావు కాలనీలో లక్ష్మీనారాయణ...భార్య..ఇద్దరు కుమారులు తేజేశ్వర్, అమరేశ్వర్ లతో నివాసం ఉంటున్నారు. అనారోగ్య కారణాలతో భార్య నెల రోజుల క్రితం చనిపోయింది. దీనితో లక్ష్మీ నారాయణ తీవ్ర మనోవేదానికి గురయ్యారు. భార్య చనిపోవడాన్ని అతను జీర్ణించుకోలేకపోయారు. ఆత్మహత్య శరణ్యం భావించిన ఆయన ఇద్దరు పిల్లలకు విషమిచ్చి తాను విషం సేవించారు. శుక్రవారం విగతజీవులుగా పడి ఉన్న వారిని చూసి కుటుంబసభ్యులు కన్నీరుమున్నీరుగా విలపించారు. భార్య లేని జీవితం ఎందుకని భావించి ఉండవచ్చునని, పిల్లలు ఒంటరి అవుతారని భావించే ఆత్మహత్యకు పాల్పడి ఉండవచ్చునని స్థానికులు పేర్కొంటున్నారు. 

13:43 - March 12, 2018

హైదరాబాద్ : రాష్ట్రంలో 4 వేల మంది రైతుల ఆత్మహత్యలు చేసుకున్నారని..అవి కేసీఆర్ ప్రభుత్వ హత్యలేనని కాంగ్రెస్ చీఫ్ ఉత్తమ్ కుమార్ రెడ్డి అన్నారు. రైతుల ఆత్మహత్యలపై గవర్నర్ మాట్లాడకపోవడం విడ్డూరంగా ఉందన్నారు. గవర్నర్ ప్రసంగంలో అనేక ప్రాధాన్యత కల్గిన అంశాలను మెన్షన్ చేయలేదన్నారు. ముస్లీం, మైనారిటీల రిజర్వేషన్ల విషయాన్ని గవర్నర్ ఎందుకు ప్రస్తావించలేదని ప్రశ్నించారు. నిరుద్యోగ యువత పట్ల ప్రభుత్వం నిర్లక్ష్యం ఉందని... వారి ప్రస్తావనే ప్రసంగంలో లేదన్నారు. దళితులకు మూడెకరాలు, వ్యవసాయం విషయంలో అన్యాయంగా మాట్లాడారు. రైతు రుణమాఫీ టోటల్ గా ఫెయిల్ అయిందని.. ఎవరికీ రుణమాఫీ చేయలేదన్నారు. ప్రజాస్వామ్య హక్కులను కాలరాశారని పేర్కొన్నారు. తమపైకి పోలీసులను ఎగదోశారని తెలిపారు. తమను తొక్కి, అణచివేసే ప్రయత్నం చేశారని వాపోయారు.

07:30 - February 12, 2018

హైదరాబాద్ : భాగ్యనగర మణిహారం హుస్సేన్ సాగర్ పర్యాటకంగానే కాదు బతుకుపై విరక్తి చెందిన వారికి చివరి మజిలీగా కూడా మారుతోంది. నిత్యం వేలాది మంది పర్యాటకులు, ఏదో ఒక సాంస్కృతిక, క్రీడా సంరంభాలు జరిగే స్థలమిది. వీటన్నిటి పర్యవేక్షణ, రక్షణ కోసం లేక్‌ పోలీస్‌ స్టేషన్‌ ఏర్పాటు అయింది. ఇక్కడి పోలీసులు సాగర్‌ పరిధిలో ఉన్న ప్రాంతానికే పరిమితమై శాంతి భద్రతలతో పాటు సాగర్‌లో ఆత్మహత్యకు పాల్పడే వారిని రక్షిస్తున్నారు.

అనేక కారణాలతో
ఆర్థిక కారణాలతో, పిల్లలు ఆదరించలేదని తల్లిదండ్రులు, భర్త, అత్తమామల వేధింపులు భరించలేక మహిళలు, ప్రేమ వైఫల్యం ఇలా కారణాలేవైనా సాగర్‌లోకి దూకి ఆత్మహత్యకు పాల్పడుతోన్న వారి సంఖ్య రోజు రోజుకీ పెరిగిపోతుంది. ఇలా బలవన్మరణానికి పాల్డడేందుకు వస్తున్న వారిని గుర్తించి పోలీసులు అడ్డుకుంటున్నారు. తాజాగా హుస్సెన్ సాగర్ లో ఓ యువతి ఆత్మహత్యయత్నానికి పాల్పడగా కానిస్టేబుల్, స్థానికుడు కాపాడారు. ఓ యువకుడిని ప్రేమించిన యువతి... ఇంట్లో వాళ్లు బలవంతంగా వేరే పెళ్లి చేస్తుండడంతో మనస్థాపానికి గురై హుస్సెన్ సాగర్‌లో దూకి ఆత్మహత్యం చేసింది. దీనిని గమనించిన కొందరు యువతిని కాపాడి... లేక్ పోలీసులకు అప్పగించారు. యువతికి కౌన్సిలింగ్ ఇచ్చారు పోలీసులు.

2015 సంవత్సరంలో 207 మంది
ఇలా ఆత్మహత్యకు పాల్పడిన వారిని 2015 సంవత్సరంలో 207 మందిని కాపాడారు లేక్‌ పోలీసులు. 2016 లో 222 మందిని, 2017లో 168 మందిని, ఈ ఏడాది ఇప్పటి వరకు 24 మందిని కాపాడారు. 2015లో 47 మంది సాగర్‌లో దూకి ఆత్మహత్య చేసుకున్నారు. 2016లో 39 మంది, 2017లో 28 మంది, ఈ ఏడాది ఇప్పటి వరకు ఒకరు ఆత్మహత్య చేసుకున్నారు.అయితే 7 చదరపు కిలోమీటర్ల ప్రాంతంలో విస్తరించిన సాగర్‌ చుట్టూ శాంతి భద్రతలను పర్యవేక్షించేందుకు కేవలం 39 మంది సిబ్బందే ఉన్నారు. ఇప్పుడున్న పరిస్థితుల్లో ఈ సిబ్బందిని మరింత పెంచుకోవాల్సిన అవసరం ఉంది. ఇందుకోసం చర్యలు కూడా చేపట్టినట్లు ఉన్నతాధికారులు తెలిపారు. 

19:34 - February 6, 2018

ప్రేమలు కరవవుతున్నాయి.... బంధాలు భారమవుతున్నాయి. కంటికి రెప్పలా కాపాడాల్సిన వారే కిరాతకులుగా మారుతున్నారు. కన్నపేగు ప్రేమను మరచి తమలోని కర్కశత్వాన్నిబయటపెడుతున్నారు. ఇటీవల విశ్వనగరంలో వెలుగు చూసిన హృదయవిదార ఘటనలు సభ్య సమాజం తలదించుకునేలా చేస్తున్నాయి. ఇంతకు ఎందుకీ అప్యాయతలు గాడితప్పుతున్నాయి... పైశాచిక హత్యలు పెరిగిపోటానికి కారణమేంటి... రోజురోజుకు పెరుగుతున్న బలవన్మరణాలను ఆపేదెలా... ఈ నగరానికి ఏమైంది అనే దానిపై టెన్ టివి ప్రత్యేక చర్చ చేపట్టింది. ఈ చర్చలో దేవి (సామాజిక కార్యకర్త), రెడ్డన్న (మాజీ పోలీస్ అధికారి), నగేష్ (సైకాలజిస్టు) పాల్గొని అభిప్రాయాలు వ్యక్తం చేశారు. పూర్తి వివరాలకు వీడియో క్లిక్ చేయండి. 

09:32 - December 15, 2017

కరీంనగర్ : కుటుంబ సమస్యలు..ఆర్థిక సమస్యలు..ఇతరత్రా కారణాలతో మహిళలు ఆత్మహత్యలకు పాల్పడుతున్నారు. వారితో పాటు కుమారులు..కుమార్తెలను కూడా తీరని లోకాలకు తీసుకెళుతున్నారు. కరీంనగర్ జిల్లాలోని మానకొండూరు మండలం ఊటూరులో విషాదం చోటు చేసుకుంది. తల్లి, ఇద్దరు కుమారులు ఆత్మహత్యలకు పాల్పడ్డారు. ఇంటి నుండి దుర్వాసన రావడంతో స్థానికులు పోలీసులకు సమాచారం అందించారు. వీరు ఐదు రోజుల క్రితం ఆత్మహత్యకు పాల్పడినట్లు తెలుస్తోంది. మృతులు లక్ష్మి, వెంకటరమణ, శ్రీనివాసులుగా గుర్తించారు. వీరు స్థానికంగా బంగారు నగలకు మెరుగు పరుస్తూ జీవనం సాగిస్తుంటారు. శ్రీనివాస్ మానసికస్థితి సరిగ్గా లేకపోవడం..వెంకటరమణ వైవాహిక జీవితం సరిగ్గా లేకపోవడం..కుటుంబసమస్యలు ఏర్పడడంతో వీరంతా ఆత్మహత్యకు పాల్పడినట్లు తెలుస్తోంది. పూర్తి వివరాలు తెలియాల్సి ఉంది. 

Pages

Don't Miss

Subscribe to RSS - ఆత్మహత్యలు