ఆదేశం

22:06 - December 20, 2017

ప్రకాశం : చీరాల కస్తుర్బా విద్యాలయంలో ఆకలితో అలమటిస్తున్న  బాలికలపై 10 టీవీ ప్రసారం చేసిన కథనాలకు ప్రభుత్వం స్పందించింది. ఈ వ్యవహారంపై తక్షమే విచారణ జరిపి నివేదిక ఇవ్వాలని జిల్లా విద్యాశాఖాధికారిని ప్రభుత్వం ఆదేశించింది. దీంతో డీఈవో సుబ్బారావు చీరాల కేబీవీని సందర్శించి విచారణ జరిపారు. బాలికలను అడిగి వాస్తవాలను రాబట్టారు.  బాలికలకు భోజనం పెట్టకుండా రాగి సంకటితో  సరిపెడుతున్న ఉపాధ్యాయుల చర్యపై ఆగ్రహం వ్యక్తం చేశారు.   ప్రభుత్వం నుంచి రేషన్‌ బియ్యం, ఇతర సరకులు అందకపోవడంతో రాగి సంకటి, ఉప్మా పెట్టామన్న ఉపాధ్యాయుల తీరుపై డీఈవో మండిపడ్డారు.ఇకపై ఏ లోటూ రాకుండా చర్యలు తీసుకుంటామని హామీ ఇచ్చారు. 

 

21:08 - December 8, 2017

ఢిల్లీ : గుజరాత్‌ ఎన్నికల ప్రచార సభల్లో తగ్గించిన జిఎస్‌టిని ప్రచారం చేయవద్దని ఎలక్షన్‌ కమిషన్‌ ఆదేశించింది. ఇటీవల 178 వస్తువులపై జిఎస్‌టిని తగ్గిస్తూ కేంద్రం నిర్ణయం తీసుకుంది. ఈ నిర్ణయాన్ని తనకనుకూలంగా మార్చుకోవాలని బిజెపి భావిస్తోంది. ఇది ఓటర్లను ప్రభావితం చేస్తుందని ఈసీ పేర్కొంది. వస్తువులు, సేవల పేర్లు తీసుకోకుండా పన్నును సరళీకరించినట్లు చెబితే అభ్యంతరం లేదని తెలిపింది. గుజరాత్‌ అసెంబ్లీ ఎన్నికల్లో నోట్లరద్దు, జిఎస్‌టి అంశాలపై మోది ప్రభుత్వాన్ని కాంగ్రెస్‌ టార్గెట్‌ చేసిన విషయం తెలిసిందే. ఈ రెండు అంశాలు బిజెపి నష్టం కలిగించాయి. దీంతో నష్ట నివారణ కోసం జిఎస్‌టి కౌన్సిల్‌ సమావేశం 178 వస్తువులపై టాక్స్‌ను తగ్గించింది. 

17:31 - December 5, 2017

కరీంనగర్ : రిమాండ్ ఖైదీ వెంకటేష్ మృతదేహానికి రీ పోస్టుమార్టం చేయాలని హైకోర్టు తీర్పు ఇచ్చింది. ఈనెల 10 లోపు రీ పోస్టుమార్టం జరపాలంటూ కోర్టు ఆదేశించింది. వేములవాడకు చెందిన కడమంచి వెంకటేష్ ను దొంగతనం కేసులో పోలీసులు అరెస్టు చేశారు. జిల్లా జైల్లో రిమాండ్ ఖైదీగా ఉన్న సమయంలో ఆగస్టు 3న వెంకటేష్ మృతి చెందారు. పోలీసుల చిత్రహింసల వల్లే తన భర్త చనిపోయాడంటూ మృతుడి భార్య రేణుక హైకోర్టును ఆశ్రయించింది. తన భర్తను దొంగతనం కేసులో ఇరికించి, థర్డ్ డిగ్రీ ప్రయోగించడంతో మృతి చెందాడని రేణుక కోర్టుకు తెలిపింది. రీపోస్ట్ మార్టం నిర్వహించి న్యాయం చేయాలని కోర్టును వేడుకుంది. హైకోర్టు ఆదేశాలతో రేపు వెంకటేష్ మృతదేహానికి రీ పోస్ట్ మార్టం చేయడానికి ఏర్పాట్లు చేస్తున్నారు. మృతదేహానికి రేపు రీపోస్టుమార్టం నిర్వహించనున్నారు. మరిన్ని వివరాలను వీడియోలో చూద్దాం...

 

14:20 - November 21, 2017

చెన్నై : ఆర్కేనగర్‌ ఉప ఎన్నికపై ఈసీకి మద్రాస్‌ హైకోర్టు ఆదేశాలు జారీ చేసింది. డిసెంబర్‌ 31లోగా ఉప ఎన్నిక ప్రక్రియ ముగించాలని ఆదేశించింది.  డిసెంబర్‌లో పండుగలు ఉండటంతో ఉప ఎన్నిక వాయిదావేయాలని ఈసీ కోరగా, ఈ పిటిషన్‌ను మద్రాస్‌ హైకోర్టు తోసిపుచ్చింది. 

 

15:51 - November 11, 2017


ఢిల్లీ : దేశ రాజధాని ఢిల్లీలో సరి...బేసి సంఖ్య విధానాన్ని పాటించాలని ఇవాళ నేషనల్ గ్రీన్ ట్రిబ్యునల్ ఆదేశించింది. సరి సంఖ్య నెంబర్ ప్లేట్ ఉన్న వాహనాలు ఒకరోజు.. బేసి సంఖ్య ఉన్న వాహనాలు మరో రోజు బయటకు వెళ్లాలని ఎన్జీటీ కోర్టు ఆదేశించింది. ద్విచక్రవాహనదారులు, ప్రభుత్వ ఉద్యోగులు, మహిళలు కూడా ఈ నిబంధనను తప్పనిసరిగా పాటించాలని ఎన్జీటీ స్పష్టం చేసింది. సోమవారం నుంచి ఈ విధానాన్ని అమలు చేయాలని కోర్టు ఆదేశించింది. జస్టిస్ స్వతంత్ర కుమార్ నేతృత్వంలోని ధర్మాసనం ఈ తీర్పును వెలువరించింది. 15 ఏళ్లు నిండిన పాత కాలం నాటి వాహనాలను కూడా ప్రభుత్వం రద్దు చేయాలని కోర్టు తన తీర్పులో ఆదేశించింది. నగరాన్ని మింగేస్తున్న వాయు కాలుష్యాన్ని నియంత్రించాలంటే ఈ స్కీమ్‌ను పాటించాల్సిందేనని గ్రీన్ ట్రిబ్యునల్ స్పష్టం చేసింది.

 

15:41 - October 10, 2017

కృష్ణా : జిల్లాలోని నూజివీడు ఎస్ఐ వెంకటకుమార్‌ తనను లైంగికంగా వేధించారంటూ ఓ మహిళ చేసిన ఫిర్యాదుపై  జిల్లా ఎస్పీ యాక్షన్‌లోకి దిగారు. ఆరోపణలు ఎదుర్కొంటున్న ఎస్సైపై చర్యలకు ఆదేశించారు. కేసులో స్వయంగా విచారణ చేపట్టారు. నిందితుడు ఎస్సైను సెలవులపై వెళ్లాల్సిందిగా ఆదేశించారు. అంతకు ముందు తమ ఆఫీసులోని ఓ ఫైలు కనిపించడం లేదని భార్యా, భర్తలు పోలీసు స్టేషన్‌లో ఫిర్యాదు చేశారు. కేసు విచారణలో భాగంగా కలిసిన మహిళపై ఎస్ ఐ వెంకటకుమార్‌ కన్ను పడింది. లాడ్జికి రావాలంటూ ఫోన్‌లో తనను లైంగికంగా వేధించారని ఎస్ ఐపై మహిళ ఫిర్యాదు చేసింది.  

11:14 - September 19, 2017
10:51 - September 19, 2017

హైదరాబాద్ : సామాజికవేత్త కంచె ఐలయ్యపై కేసు నమోదుకు ఏపీ డీజీపీ ఆదేశించారు. తమ సామాజిక వర్గాన్ని కించపరిచేలా పుస్తకం రాశారంటూ ఆర్యవైశ్యు సంఘాలు ఫిర్యాదు చేశాయి. దీంతో ఐలయ్యపై కేసు నమోదు చేయాలని సీఐడీ అధికారులను డీజీపీ ఆదేశించారు. సీఎం చంద్రబాబుతో చర్చించిన తరువాత డీజీపీ ఈ నిర్ణయం తీసుకున్నారు. మరిన్ని వివరాలను వీడియోలో చూద్దాం....

 

21:59 - September 13, 2017

భోపాల్ : మధ్యప్రదేశ్‌లోని ప్రభుత్వ పాఠశాలలు ప్రయోగాలకు నిలయాలుగా మారుతున్నాయి. తరగతి గదిలో విద్యార్థులు హాజరు పలికేటపుడు 'యస్‌ సార్‌, ప్రజెంట్‌ సార్‌' అని చెప్పడం సాధారణం. ఇక మీదట దీనికి బదులు 'జై హింద్‌ సర్‌' అని పలకాలని ఆ రాష్ట్ర విద్యాశాఖ మంత్రి విజయ్‌ షా ఆదేశాలు జారీ చేశారు. ప్రయోగాత్మకంగా సత్నా జిల్లాలోని అన్ని పాఠాశాలలో ఈ విధానం అక్టోబర్‌ 1 నుంచి అమలులోకి రానుంది. దీనివల్ల విద్యార్థుల్లో దేశభక్తి పెరుగుతుందని మంత్రి సెలవిచ్చారు. త్వరలోనే ఈ విధానాన్ని రాష్ట్రవ్యాప్తంగా అమలు చేస్తామని తెలిపారు. అంతకు ముందు ప్రభుత్వ స్కూళ్లకు పెద్దమొత్తంలో విరాళాలిచ్చే కంపెనీలు, వ్యక్తుల పేర్లు పెడతామని విద్యామంత్రి చెప్పారు. 

19:04 - August 17, 2017

చెన్నై : జయలలిత మృతిపై విచారణకు తమిళనాడు సీఎం పళని స్వామి ఆదేశించారు. ఈ ఘటనపై రిటైర్డ్ జడ్జితో విచారణ జరిపిస్తామని తెలిపారు. అంతే కాదు.. పోయెస్ గార్డెన్‌ను స్మారక కేంద్రంగా మార్చాలని కూడా నిర్ణయించారు. 

 

Pages

Don't Miss

Subscribe to RSS - ఆదేశం