ఆర్టీసీ

07:03 - November 18, 2017

కరీంనగర్/సిరిసిల్ల : జిల్లా కేంద్రంలోని పాత బస్టాండ్‌‌లో ప్రయాణికుడికి ఆర్టీసీ కండక్టర్‌కు మధ్య వాగ్వాదం జరిగింది. తనతో పాటు తన పెంపుడు జంతువుకి కూడా టికెట్‌ తీసుకుంటానని బస్సులో అనుమతించాలని కోరగా కండక్టర్ అభ్యంతరం తెలిపాడు. దీంతో ఇరువురి మధ్య వాగ్వాదం చోటు చేసుకుంది. అక్కడికి చేరుకున్న మరో కండక్టర్‌ శంకర్‌ను ఆర్టీసీ కంట్రోల్‌ రూంలో నిర్భందించి పోలీసులకు సమాచారం అందించారు. ప్రయాణికుడు మద్యం సేవించి ఉండటంతో ఘటనా స్థలికి చేరుకున్న పోలీసులు అతన్ని స్టేషన్‌కు తరలించారు

08:25 - November 12, 2017

విజయవాడ : రాష్ట్రవ్యాప్తంగా ఆర్టీసీ స్థలాలు అన్యాక్రాంతం కాకుండా..భూ కబ్జా దారుల చేతుల్లోకి వెళ్లకుండా చూడాలని అనంతపురం కదిరి ఎమ్మెల్యే చాంద్ బాషా పేర్కొన్నారు. ఆయన ఏపీ అసెంబ్లీ సమావేశాల్లో మాట్లాడారు. ఖాళీ స్థలాల్లో గదులు నిర్మించి అద్దెకు ఇవ్వాలని..ఫంక్షన్ హాల్ నిర్మించి లీజుకు ఇవ్వాలని కోరారు. దీనివల్ల ఆర్టీసీకి లాభాలు వస్తాయని..ప్రభుత్వ ఆస్తులను పరిరక్షించడమే ధ్యేయంగా ఉండాలని..కదిరి ఆర్టీసీ డిపోకు చెందిన రెండెకరాల ఖాళీ స్థలం ఉందని..ఇందులో ఫంక్షన్ హాల్ నిర్మించి లీజుకు ఇవ్వాలని కోరారు. కదిరిలో బస్టాండును ఆనుకుని దుర్వినియోగం అవుతోందని..దీనిని అభివృద్ధి చేయాలని గత నాలుగు నెలకంటే ముందు ఆర్టీసీ ఛైర్మన్ ను కోరడం జరిగిందన్నారు. రాష్ట్ర వ్యాప్తంగా ఆర్టీసీ డిపోలకు స్థలాలున్నాయని..కాంప్లెక్స్ లు కట్టి లీజుకు ఇస్తే ఆర్టీసీకి లాభాలు వస్తాయన్నారు. 

19:50 - October 22, 2017

హైదరాబాద్ : గ్రేటర్‌ హైదరాబాద్‌లో పట్టాలెక్కడానికి సిద్ధమవుతోన్న మెట్రో రైలు టికెట్‌ ధరలపై చిక్కుముడి వీడలేదు. చార్జీలు ఎల్‌అండ్‌టీని సంప్రదించిన తరువాతే నిర్ణయిస్తామని హెచ్‌ఎంఆర్ అధికారులు చెబుతున్నా.. ఎల్అండ్‌టీ నుంచి ఎలాంటి స్పందన రాలేదని తెలుస్తోంది. మెట్రో హెచ్ఎంఆర్‌, ఎల్ అండ్ టీ మధ్య టికెట్ ధరల నిర్ణయంపై కోల్డ్ వార్‌ నడుస్తున్నట్లు తెలుస్తోంది.

మియాపూర్‌ టూ అమీర్‌పేట్‌.. నాగోల్‌ టూ అమీర్‌ పేట్‌ వరకు మెట్రో రైలు ప్రయాణం 30 కిలోమీటర్ల మేర సిద్ధమవుతోంది. కానీ మెట్రో రైలు టికెట్‌ ధరలపై మాత్రం సందిగ్ధత కొనసాగుతూనే ఉంది. మొదట కనిష్టంగా 10 రూపాయలు.. గరిష్టంగా 50 రూపాయలు టికెట్ ధర ఉంటుందని హైదరాబాద్ మెట్రో రైలు అట్టహాసంగా ప్రకటించింది. కానీ ప్రాజెక్ట్ నిర్మాణం సమయంతో పాటు ఖర్చు కూడా భారీగా పెరగడంతో మెట్రో రైలు టికెట్ ధరలపై హెచ్‌ఎంఆర్‌ కొన్ని నెలలుగా మౌనం పాటిస్తోంది. నవంబర్ 28, 29 తేదీల్లో ప్రధాని మోదీ చేతుల మీదుగా ప్రారంభించేందుకు.. అన్ని పనులు వేగంగా జరుగుతున్నాయి.

దేశవ్యాప్తంగా ఢిల్లీ, కోల్‌కత్తా, ముంబాయి, బెంగళూరు, గుర్‌గావ్‌, జైపూర్‌, చెన్నై, కొచ్చి తాజాగా లక్నోలో మెట్రో రైలు సర్వీసులు నడుస్తున్నాయి. అత్యల్పంగా చార్జీలు వసూలు చేస్తోంది మాత్రం ఢిల్లీలోనే. డీఎంఆర్‌ కిలోమీటర్‌కు యాభై పైసలు వసూలు చేస్తోంది. అత్యధికంగా చెన్నైలో కిలోమీటర్‌కు నాలుగు రూపాయలు చొప్పున చార్జీలున్నాయి.

మెట్రో రైల్వే యాక్ట్‌ 2002, సెక్షన్‌ 33 ప్రకారం మెట్రో రైలు అడ్మినిస్ట్రేషన్‌ శాఖ మెట్రో టికెట్‌ ధరలు నిర్ణయిస్తుంది. ఒక వేళ టికెట్ ధరలు పెంచాలనుకుంటే ఫేర్ ఫిక్షేషన్‌ కమిటీ రివ్యూ చేసి నిర్ణయిస్తుంది. రివ్యూ సమయంలో ప్రధానంగా 3 అంశాలు పరిగణలోకి తీసుకుంటుంది. విద్యుత్‌ చార్జీల ప్రకారం 22 శాతం, మెయింటెనెన్స్‌ ఇతర ఖర్చులు 21 శాతం, వినియోగదారులు ధరల సూచీ 57 శాతం ప్రకారం టికెట్‌ ధరలు నిర్ణయిస్తారు. ఒకవేళ ప్రాజెక్ట్‌ నిర్మాణం వ్యయం పెరిగితే పదిశాతం అదనంగా పెంచుకునే వెసులుబాటును ఎంఆర్‌ఏ చట్టం ఇస్తుంది.

ప్రపంచంలోనే 72 కిలోమీటర్లు నిర్మాణమవుతోన్న అతిపెద్ద ప్రైవేట్, పబ్లిక్‌ ప్రాజెక్ట్‌ హైదరాబాద్‌ మెట్రో రైలు. తాజా పరిణామాల ప్రకారం మినిమమ్ చార్జ్ 10 రూపాయల నుంచి మాగ్జిమమ్ చార్జ్‌ 70 రూపాయల వరకు ఉండే అవకాశం ఉంది. లాభాలు రాకపోయినా ఫరవాలేదు కానీ మరిన్ని నష్టాలు రాకుండా ఉండటానికి టికెట్‌ ధరలపై స్పష్టమైన విధానంతో ముందుకు వెళ్లాలని ఎల్‌ అండ్ టీ భావిస్తున్నట్లు తెలుస్తోంది. 

21:50 - October 9, 2017

నిజామాబాద్ : తాను ఉద్దేశపూర్వకంగా ఎవరిని కించపరుస్తూ ఫేస్‌బుక్‌లో కామెంట్స్‌ పోస్ట్‌ చేయలేదన్నాడు ఆర్‌డబ్ల్యూఎస్‌ రాష్ట్ర కార్యదర్శి సంజీవ్‌. సీఎం కేసీఆర్‌ను కించపరుస్తూ ఫేస్‌బుక్‌లో కామెంట్స్‌ పోస్ట్‌ చేశాడని కండక్టర్‌ అయిన సంజీవ్‌పై ఆర్టీసీ విజిలెన్స్‌ విచారణకు ఆదేశించింది. అయితే... కార్మికుల సమస్యపై స్పందించిన తనపై అకారణంగా విజిలెన్స్‌ విచారణ చేపట్టారన్నారు.

08:00 - September 29, 2017

హైదరాబాద్ : తెలంగాణ ఉద్యమ చరిత్రలో సకలజనుల సమ్మెకు ఓ ప్రత్యేకత ఉంది. ఆ పోరాటంలో ఆర్టీసీ కార్మికుల పాత్ర వెలకట్టలేనిది. అయితే తెలంగాణ రాష్ట్రం వచ్చినా... ఆర్టీసీ కార్మికులకు మాత్రం నేటికీ న్యాయం జరగలేదు. ఉద్యమంలో ప్రత్యక్షంగా పాల్గొనని ఇతర శాఖల ఉద్యోగులు సకల జనుల సమ్మె కాలానికి వేతనంతో కూడిన సెలవును పొందారు. పోరును ముందుండి నడిపిన ఆర్టీసీ కార్మికులకు ఆ భాగ్యం దక్కలేదు.

మిగతా వారికి సమ్మె కాలానికి వేతనాలు దక్కాయి
ప్రభుత్వ, సింగరేణి, విద్యుత్‌ ఉద్యోగులకు సకల జనుల సమ్మె కాలానికి వేతనాలు దక్కాయి. రోజుకు రెండు వందల చొప్పున కన్సాలిడేటెడ్ పే పేరుతో వేతనం ఇచ్చారు. అయితే సమ్మెలో ప్రత్యక్షంగా పాల్గొని అనేక ఇబ్బందులు ఎదుర్కొన్న ఆర్టీసీ కార్మికులను మాత్రం ప్రభుత్వం విస్మరించింది. సకల జనుల సమ్మె కాలంలో ఆర్టీసీ కార్మికులు కోల్పోయిన వేతనాన్ని.. సెలవులను తిరిగి ఇస్తామని సీఎం కేసీఆర్‌ గతంలో హామీ ఇచ్చారు. ఆర్టీసీ గుర్తింపు సంఘాల ఎన్నికల సమయంలోనూ ఇదే విషయాన్ని అధికార పార్టీ నేతలు చెప్పారు. ఎన్నికలు ముగిసి ఏడాదిన్నర కావస్తున్నప్పటికీ సమ్మెకాల వేతనంపై ఏ రకమైన స్పష్టత రాలేదు. దీంతో ఆర్టీసీ కార్మికులు ప్రభుత్వ వైఖరిపై ఆగ్రహం వ్యక్తం చేస్తున్నారు. సకల జనుల సమ్మె కాల వేతనమే కాదు.. ప్రస్తుతం ఇస్తున్న తెలంగాణ ఇంక్రిమెంట్ విషయంలోనూ మార్పులు చేయాలని కార్మికులు కోరుతున్నారు. 

07:38 - September 28, 2017

ఆర్టీసీ అత్యంత ప్రజోపయోగ రవాణ సంస్థ. ఈ సంస్థకు ఆయువుపట్టు సంస్థ కార్మికులే. మరి ఆ కార్మికుల సంక్షేమం పట్ల యాజమాన్యానికి, ప్రభుత్వానికి ఉన్న చిత్తశుద్ధి ఎంత ? అసలు ఆర్టీసీ పట్ల ప్రభుత్వానికి ఉన్న విధానం ఏంటి ? తెలంగాణ సాధనకై ఎన్నో ఉద్యమాలు చేశామని, మూడున్నర ఎళ్లలో ఒక్క ఆర్టీసీ ఉద్యోగం ఇవ్వడంలేదని, సకలజనుల సమ్మెలో పాల్గొన్న సింగరేణి కార్మికులకు, ప్రభుత్వ ఉద్యోగులకు జీతాలు ఇచ్చారని, కానీ ఆర్టీసీ కార్మికులను సీఎం విస్మరించడం జరిగిందని ఆర్టీసీ ఎంప్లాయిస్ యూనియన్ నాయకులు రాజిరెడ్డి అన్నారు. ఆర్టీసీ ఎదుర్కొంటున్న ప్రధాన సమస్య పని భారమని, ప్రభుత్వ విధానంలో భాగంగా 2017 కార్మికులకు రావాల్సింది ఒక నెల ముందుగానే ఇస్తామని సీఎం అన్నారని ఎస్ డబ్ల్యూఎఫ్ నేత విఎస్ రావు అన్నారు. పూర్తి వివరాలకు వీడియో చూడండి.

07:34 - September 28, 2017

మహబూబ్ నగర్ : జిల్లాలో ఇద్దరు మహిళా ఉద్యోగుల మధ్య ఘర్షణ జరిగింది. బస్సులో ఎక్కిన మహిళా కానిస్టేబుల్‌ టికెట్‌ తీసుకోలేదు... దీంతో ఐడీ కార్డు చూపించాలని కండక్టర్‌ అడిగింది. దీనికి ఆమె నిరాకరించింది. దీంతో వారిద్దరి మధ్య వాగ్వాదం పెరిగి... పరస్పరం దాడికి దిగారు. ఈ దృశ్యాలన్నీ బస్సులో ఉన్న ఓ ప్రయాణికుడు సెల్‌ఫోన్‌లో చిత్రీకరించడంతో విషయం బయటకొచ్చింది. 

08:09 - September 15, 2017

హైదరాబాద్ : సమీపిస్తోన్న దసరా పండుగ..సెలవుల్లో సొంతూళ్లకు వెళ్లేందుకు నగరవాసుల సన్నాహాలు..దోపిడికి తెరలేపిన ప్రైవేటు ట్రావెల్స్‌ ఆపరేటర్లు..దసరా పండుగ సమీపిస్తుండటంతో.. నగరజీవులు.. సొంతూళ్లకు వెళ్లేందుకు సమాయత్తమవుతున్నారు. ఇప్పటికే చాలామంది ఆర్టీసీ, రైల్వే సర్వీసులపై ఆధారపడి టికెట్లు బుక్‌ చేసుకున్నారు. దసరా స్పెషల్‌ సర్వీసుల పేరిట.. ప్రభుత్వరంగ సంస్థలు కూడా సుమారు 50 శాతం అదనంగా చార్జీలు గుంజేస్తున్నాయి. అయినా.. సరే ఎలాగోలా ఊరెళదామనుకున్న వారికి.. చాలా చోట్ల టికెట్లు దొరకని పరిస్థితి ఎదురైంది.

జేబులకు చిల్లులు పడేలా..
ప్రయాణికుల అవసరాలే అదనుగా ప్రయివేట్‌ ట్రావెల్స్‌ నిర్వాహకులు దోపిడికి తెరలేపారు. విజయవాడ, గుంటూరు నుంచి హైదరాబాద్‌కు, హైదరాబాద్‌ నుంచి విజయవాడ, గుంటూరు అలాగే బెంగుళూరుకి ప్రయాణించే ప్రయాణికుల జేబులకు చిల్లులు పడేలా.. టికెట్‌ ధరలు నిర్ణయిస్తున్నారు. దసరా పండగ సందర్భంగా సాధారణ రోజుల కంటే మూడింతల అధిక ధరకు టికెట్లను అమ్ముతూ ప్రయాణికులను నిలువుదోపిడి చేస్తున్నారు. దసరా సరదాను ప్రజలకు దూరం చేస్తూ.. ప్రైవేటు బస్‌ ఆపరేటర్లు టికెట్ల ధరలను ఇబ్బడిముబ్బడిగా పెంచేశారు. సాధారణంగా విజయవాడ నుంచి బెంగళూరుకు ఏసీ టిక్కెట్ రూ.1300 ఉండగా, దసరా కావడంతో ఈ నెల 22 నుంచి రూ.3 వేలకు విక్రయిస్తున్నారు. హైదరాబాద్ కు సాధారణ రోజుల్లో ఏసీ సర్వీసుకు రూ.600లు ఉంగా, రూ.వెయ్యి నుంచి రూ.1500ల వరకు విక్రయిస్తున్నారు. ప్రైవేటు ఆపరేటర్లపై ఎలాంటి నియంత్రణ లేకపోవడంతో ఒక్కో ట్రావెల్స్ సంస్థ ఒక్కో ధరను ప్రకటిస్తోంది. దసరా నవరాత్రులు సెప్టెంబర్ 21 నుంచి 30వ తేదీ వరకూ జరగనున్నాయి. పాఠశాలలకు సెప్టెంబర్ 19 నుంచే సెలవులు ప్రకటించేశారు. దీంతో ప్రజలు ఆ తేదీల్లో టికెట్లు బుక్‌ చేసుకునేందుకు ఆసక్తిని కనబరుస్తున్నారు. దీన్ని ఆసరాగా చేసుకుని, ప్రత్యేక సర్వీసుల పేరిట ప్రైవేటు టూర్‌ ఆపరేటర్లు టికెట్‌ల పేరిట ప్రరయాణికుల నుంచి వేలాది రూపాయలను దోచుకునేందుకు ప్రయత్నిస్తున్నారు. అలాగే దసరా పండగ సెలవులు సెప్టెంబర్ 30తో ముగుస్తున్నాయి. అక్టోబర్ 1వ తేదీ ఆదివారం కావడంతో ఆ రోజున ప్రయాణించే వారి నుంచి భారీగా టికెట్‌ ధరలు వసూలు చేసేందుకు ప్రైవేటు ఆపరేటర్లు సన్నాహాలు చేస్తున్నారు.

ఆర్టీసీకి దీటుగా ప్రైవేట్ ట్రావెల్స్
ఆర్టీసీ బస్సులను సైతం తేదీల ప్రాధాన్యాన్నిబట్టి ఏర్పాటు చేస్తున్నా ప్రస్తుతం ప్రైవేట్ ట్రావెల్స్ డిమాండ్ తో ఆర్టీసీ బస్ లు సరిపోయే పరిస్థితిలేదు. ఈ అవకాశాన్ని అందిపుచ్చుకోవాలనే ఉద్దేశ్యంతో కొన్ని ప్రైవేట్ ట్రావెల్స్ ఆర్టీసీకి దీటుగా కొత్త కొత్త బస్సులను దింపుతున్నాయి. ప్రయాణికులు కూడా ప్రైవేట్ ట్రావెల్స్ లో ప్రయాణానికే మొగ్గు చూపుతున్నారు. ధరలు ఎక్కువగా చెబుతున్నప్పటికీ తప్పని పరిస్థితుల్లో ప్రయాణికులు ప్రైవేట్ ట్రావెల్స్ బస్ లను ఆశ్రయిస్తున్నారు. దసరా రోజుల్లో ప్రైవేటు ఆపరేటర్ల దోపిడి నుంచి రక్షించేందుకు.. ఆర్టీసీ, తగినన్ని సర్వీసులను నడపాలని ప్రయాణికులు కోరుతున్నారు.

 

08:00 - September 15, 2017

హైదరాబాద్ : ఏపీ, తెలంగాణ విడిపోయి మూడేళ్లు గడచిపోయింది. ఆర్టీసీ సిబ్బంది విభజన జరిగినా.. ఇంకా సంస్థ ఆస్తుల విభజన కొలిక్కిరాలేదు. దీనిపై ఢిల్లీ నుంచి రాష్ట్ర స్థాయి వరకు భేటీలు జరిగినా సమస్యల పరిష్కారం కాలేదు. ఎక్కడ ఆస్తులు అక్కడే అన్న విషయంలో సూత్రపాయ అంగీకారానికి వచ్చినా, ఆర్టీసీలోని కొన్ని ఆస్తులను ఉమ్మడి జాబితాలో చేర్చారు. దీంతో బస్‌ భవన్‌తో పాటు మరికొన్ని ఆస్తుల విభజనకు ఆటంకం ఏర్పడింది. ఇప్పుడు ఈ సమస్యను సామరస్యంగా పరిష్కరించుకోవాలని ఏపీ, తెలంగాణ నిర్ణయించాయి. ఆర్టీసీ ఆస్తుల పంపకాలపై ఇవాళ విజయవాడంలో రెండు రాష్ట్రాల ఉన్నతాధికారులు సమావేశం కానున్నారు. దీనిపై ముఖ్యమంత్రి కేసీఆర్‌ ఉన్నత స్థాయి సమీక్షా సమావేశం నిర్వహించారు. భేటీలో చర్చించాల్సిన అంశాలపై అధికారులకు దిశా, నిర్దేశం చేశారు. రాష్ట్ర విభజన జరిగిన విధంగానే ఆర్టీసీ ఆస్తుల పంపకాలు చేసుకోవాల్సి ఉందని సూచించారు. రాష్ట్ర విభజన నిబంధనలే ఆర్టీసీ ఆస్తుల పంపకానికి కూడా వర్తిస్తాయన్న విషయాన్ని అధికారుల దృష్టికి తెచ్చారు. విజయవాడలో జరిగే సమావేశంలో ఇదే అంశాన్ని ప్రస్తావించాలని సూచించారు.

పొరుగు రాష్ట్రాలతో స్నేహపూర్వక సంబంధాలు
ఇరుగు పొరుగు రాష్ట్రాలతో స్నేహపూర్వక సంబంధాలు కొనసాగించాలన్నది తెలంగాణ మౌలిక విధానమని కేసీఆర్‌ గుర్తు చేశారు. దీనికి అనుగుణంగానే విభజన సమస్యలను విజ్ఞతతో పరిష్కరించుకోవాలని సూచించారు. దేశంలో ఇతర రాష్ట్రాలు విడిపోయిన సమయంలో అమలు చేసిన నిబంధనలే ఏపీ విభజనకు కూడా పాటించిన అంశాన్ని సమీక్షలో కేసీఆర్‌ ప్రస్తావించారు. సమస్యలు తలెత్తితే రెండు రాష్ట్రాలు పరస్పర అంగీకారంతో పరిష్కరించుకోవాలని సూచించారు. అలా సాధ్యంకాని పక్షంలో కేంద్రం జోక్యం చేసుకునే అవకాశాన్ని తోసిపుచ్చలేమన్న అధికారుల దృష్టికి తెచ్చారు. కేంద్ర స్థాయిలో కూడా పరిష్కారం కాకపోతే ఏంచేయాలన్న అంశంపై సుప్రీంకోర్టు ఇచ్చిన మార్గదర్శకాలను అనుసరించాల్సి ఉంటుందన్న అంశాన్ని ప్రస్తావించారు. ఉన్నత విద్యా మండలి ఆస్తుల పంపిణీ విషయంలో సుప్రీంకోర్టు ఇచ్చిన మార్గదర్శకాలు స్పష్టంగా ఉన్న విషయాన్ని కేసీఆర్‌ ప్రస్తావించారు. పార్లమెంటు చట్టానికి లోబడి పంపకాలు చేసుకోవాలని, ఇందులో ఆర్టీసీ బోర్డులకు ఎలాంటి అధికారం ఉండదని అధికారుల దృష్టికి తెచ్చారు. విజయవాడలో జరిగే సమావేశంలో ఇదే వైఖరి అనుసరించాలని సూచించారు. 

09:17 - September 13, 2017

Pages

Don't Miss

Subscribe to RSS - ఆర్టీసీ