ఆవిష్కరణ

07:21 - April 10, 2018

హైదరాబాద్ : సీనియర్‌ జర్నలిస్టు విరాహత్‌ అలీ ఉద్యమాల ప్రస్తానంపై రూపొందించిన కలం సైనికుడు డాక్యుమెంటరీ ఆవిష్కరణ జరిగింది. ఇందిరా ప్రియదర్శిని ఆడిటోరియంలో జరిగిన కార్యక్రమంలో మంత్రి హరీశ్‌రావు సీడీని విడుదల చేశారు. ఎమ్మెల్యేలు గీతారెడ్డి, రసమయి బాల్‌కిషన్‌, సోలిపేట రామలింగారెడ్డితోపాటు పలువురు ప్రముఖులు, జర్నలిస్టులు కార్యక్రమంలో పాల్గొన్నారు. పాత్రికేయవృత్తిలో విరాహత్‌ అలీ కృషిని ప్రశంసించారు. 

22:05 - April 5, 2018

విజయవాడ : ఏపీ రాజధాని అమరావతిపై ఆ రాష్ట్ర ప్రభుత్వ మాజీ ప్రధాన కార్యదర్శి ఐవైఆర్‌ కృష్ణారావు రాసిన పుస్తకాన్ని జనసేన అధినేత పవన్‌ కల్యాణ్‌ ఆవిష్కరించారు. విజయవాడంలో జరిగిన ఈ కార్యక్రమంలో పవన్‌ కల్యాణ్‌తోపాటు సీపీఎం రాష్ట్ర కార్యదర్శి మధు, మాజీ మంత్రి వడ్డే శోభనాద్రీశ్వరరావు తదితరులు పాల్గొన్నారు. హూజ్‌ క్యాపిటల్‌ అమరావతి? పేరుతో ఇంగ్లీషులో, ఎవరి రాజధాని అమరావతి ? పేరుతో తెలుగులో ఈపుస్తకాన్ని ప్రచురించారు. వడ్డే శోభనాద్రీశ్వరావుకు ఈ పుస్తకాలను అంకితం ఇచ్చారు.  మాజీ ఎంపీ ఉండవల్లి ఈ పుస్తకాన్ని పరిచయం చేశారు. ఏపీ రాజధాని అమరావతి ... మయన్మార్‌ కొత్త రాజధాని నైపైడ తరహాలో దెయ్యాల నగరంగా మారే అవకాశం ఉందని ఆందోళన వ్యక్తం చేశారు. 

 

20:18 - April 5, 2018

విజయవాడ : ఏపీ రాజధాని అమరావతిని.. గోస్ట్ సిటీ గా చేయకండని ఉండవల్లి అరుణ్ కుమార్ అన్నారు. ఐవైఆర్ కృష్ణారావు రంచించిన 'ఎవరి రాజధాని అమరావతి' అనే పుస్తకాన్ని పవన్ కళ్యాణ్ ఆవిష్కరించారు. అనంతరం ఉండవల్లి మాట్లాడుతూ 33వేల ఎకరాల భూమిని రైతులు త్యాగం చేశారని చంద్రబాబు అన్నారని ఆయన గుర్తు చేశారు. డెవలప్ మెంట్ పేరుతో తీసుకుని త్యాగం చేశారంటే ఎలా అని అన్నారు. త్యాగం అంటే డెవలప్ మెంట్ కు ఇచ్చిన ఇచ్చిన భూములు పోయినట్లేనని అన్నారు. రైతుల చేత భూములను చంద్రబాబు త్యాగం చేయించారని అన్నారు. 'కాకినాడ వెళ్లినా.. మాదీ ఉండవల్లే' అని... ఇక్కడి భూములు రిచ్ ల్యాండ్స్ అని తెలిపారు. దేశమంటే మట్టికాదోయ్ దేశమంటే మనుషులోయ్ అన్నట్లు జన్మభూమి అంటే మట్టికాదు..మనుషులు అని పేర్కొన్నారు. మయన్మార్ లోని న్యాపిడాలో పెట్టారని. న్యాపిడాలోని ఫొటోలు అమరావతి గ్రాఫిక్స్ లాగా ఉన్నాయని తెలిపారు. ప్రపంచం మొత్తం న్యాపిడాకు గోస్ట్ సిటీగా పేరు పెట్టారని పేర్కొన్నారు. మయన్మార్ జనాభా మన జనాభా ఒకటేనని... మయన్మార్ పేరు తీసి అమరావతి పేరు పెడితే మనం కరెక్టుగా సరిపోతామని ఎద్దేవా చేశారు. అమరావతిని గోస్ట్ సిటీ గా చేయకండని వేడుకున్నారు. 33 వేల ఎకరాల్లో బిల్డింగులు కట్టినా...అందులో మనుషులుంటేనే దేశం అంటారని...బిల్డింగ్ లు, మట్టి ఉంటే దేశం అనరని తెలిపారు. రెండేళ్లలో మయన్మార్ లో 9 లక్ష 26 వేల జనాభా వచ్చిందన్నారు. 'నీవు చేస్తున్నది తప్పు అని శివరామకృష్ణ చంద్రబాబుకు చెప్పారని గుర్తు చేశారు. నిజాయితీగా ఉన్న వ్యక్తి ఐవైఆర్ కృష్ణారావు అన్నారు. కృష్ణారావుపై టీడీపీ నేతలు ఫైర్ అవుతున్నారని... నిజం మాట్లాడితేనే కోపం ఎవరికైనా కోపం వస్తుందన్నారు. పవన్ కళ్యాణ్ ఎం మాట్లాడినా సర్రుమని ఎగబాకుతుందన్నారు. అవిశ్వాస తీర్మానాలకు పవన్ కళ్యాణ్ కారణమని తెలిపారు. ఆయన మూలంగానే వైసీపీ, టీడీపీ పార్టీలు పార్లమెంట్ లో అవిశ్వాస తీర్మానాలు ఇచ్చాయని తెలిపారు. ఈ సమయంలో పవన్ కళ్యాణ్ పెద్ద రిస్క్ తీసుకున్నారని.. ఇలాంటి వారికి మద్దతు ఇవ్వాలన్నారు. 

 

15:29 - February 17, 2018

కృష్ణా : అహర్నిశలు ప్రజాసేవకు జీవితాన్ని అంకితం చేసిన గొప్ప  మనిషి  కామ్రేడ్ సురనేని విజయసారధిరావు అని సీపీఎం ఏపీ రాష్ట్ర కార్యదర్శి మధు అన్నారు. కృష్ణాజిల్లా మైలవరంలో విజయసారధిరావు కాంస్య విగ్రహాన్ని ఆవిష్కరించిన ఆయన ఘన నివాళులు అర్పించారు. ఈ కార్యక్రమంలో పెద్ద ఎత్తున సీపీఎం నేతలు, కార్యకర్తలు పాల్గొన్నారు. 

 

07:07 - February 9, 2018

హైదరాబాద్ : రాష్ర్టాన్ని ఆరోగ్య తెలంగాణాగా తీర్చిదిద్దేందుకు అహర్నిశలూ కృషి చేస్తున్నామని  వైద్య ఆరోగ్య శాఖ మంత్రి లక్ష్మారెడ్డి అన్నారు. హైదరాబాద్‌లో మెడికల్‌ అండ్ హెల్త్  గెజిటెడ్ ఆఫీసర్స్ డైరీని ఆయన ఆవిష్కరించారు. రాష్ర్టంకోసం ఉద్యమ సమయానికి మించి  కష్టపడుతున్నామన్నారు. ప్రతి ఒక్కరికీ మెరుగైన వైద్యం అందించడంలో... ఎన్ని అవాంతరాలు ఎదురైనా లెక్కచేయకుండా ముందుకు సాగుతామన్నారు. 

 

09:57 - January 26, 2018

హైదరాబాద్ : సికింద్రాబాద్ పరేడ్ గ్రౌండ్స్ లో గణతంత్ర దినోత్సవ వేడుకులు జరుగుతున్నాయి. జాతీయ పతాకాన్ని గవర్నర్ నరసింహన్ ఆవిష్కరించారు. సైనిక, పోలీసుల గౌరవవందాన్ని స్వీకరించారు. అంతకముందు అమరవీరులకు సీఎం కేసీఆర్ నివాళులర్పించారు. 

20:11 - January 25, 2018

సంగారెడ్డి : జిల్లాలోని నారాయణఖేడ్ పట్టణంలో మాజీ ఎంపీ సురేష్‌ షెట్కార్‌  టెన్‌టీవీ క్యాలెండర్‌ను ఆవిష్కరించారు.  ఆరో వసంతంలోకి అడుగుపెడుతున్న టెన్‌టీవీ సమస్యల పరిష్కారానికి ఎంతగానో కృషి చేస్తోందని కొనియాడారు. ఈ కార్యక్రమంలో కాంగ్రెస్ నాయకులు కె.శ్రీనివాస్, తాహెర్, శంకరయ్య స్వామి, బాల్‌కిషన్, ఆనంద్‌స్వరూప్ షెట్కార్‌తోపాటు పలువురు కార్యకర్తలు పాల్గొన్నారు.

 

14:02 - January 23, 2018

హైదరాబాద్ : 10 టీవీ క్యాలెండర్‌ను తెలంగాణ పర్యాటక శాఖ కార్యదర్శి బుర్రా వెంకటేశం ఆవిష్కరించారు. తెలంగాణ పర్యాటక విశేషాలతో రూపొందించిన క్యాలెండర్‌ అన్ని విధాల బాగుందని ప్రశంసించారు. ఇది అందరి ఇళ్లలో ఉండాల్సిన క్యాలెండర్‌ అని బుర్రా వెంకటేశం చెప్పారు. 
 

20:49 - January 22, 2018

పశ్చిమగోదావరి : జిల్లాలోని పోలవరం 10 టీవీ క్యాలెండర్‌ను స్థానిక ఎమ్మెల్యే మొడియి శ్రీనివాసరావు ఆవిష్కరించారు. క్యాలెండర్‌ను అందంగా తీర్చిదిద్దిన 10 టీవీ యాజమాన్యాన్ని శ్రీనివాసరావు అభినందించారు. ప్రజాసమస్యలను వెలికితీయడంలో 10 టీవీ ముందుందని చెప్పారు. వాస్తవాలను చూపించడం ద్వారా 10 టీవీ వీక్షకాదరణ పొందిందని పోలవరం ఎమ్మెల్యే  శ్రీనివాసరావు చెప్పారు. 

07:54 - January 15, 2018

సంగారెడ్డి : ప్రజల పక్షాన నిలుస్తున్న టెన్‌టీవీ ప్రజల్లో మరింతగా దూసుకుపోవాలన్నారు.. కాంగ్రెస్‌ ఎమ్మెల్యే జె. గీతారెడ్డి. సంగారెడ్డిజిల్లా జహీరాబాద్‌లో 10టివి నూతన సంవత్సర కేలండర్‌ను ఆమె ఆవిష్కరించారు.  5వసంతాలు పూర్తి చేసుకున్న సందర్భంగా టెన్‌టీవీకి గీతారెడ్డి శుభాకాంక్షలు తెలిపారు. 

 

Pages

Don't Miss

Subscribe to RSS - ఆవిష్కరణ