ఆసుపత్రి

16:35 - July 15, 2018

విజయవాడ : కానూరులోని సోమనాథ్‌ ఆసుపత్రిలో క్యాన్సర్ రోగులను హీరో జగపతి బాబు పరామర్శించారు. రూట్స్ హెల్త్‌ ఫౌండేషన్‌ ఆధ్వర్యంలో క్యాన్సర్‌కి ఉచిత వైద్యం చేయడాన్ని ఆయన అభినందించారు. బాధితులను అన్ని విధాలా అదుకోవడం మంచి పరిణామమని, ఈ తరహా వైద్యాన్ని అందించడం ద్వారా వారికి ఎంతో మేలు జరుగుతుందని జగపతి బాబు అన్నారు. ప్రజలందరూ కాలానుగుణంగా అనారోగ్యానికి గురికాకుండా అప్రమత్తంగా ఉండాలని సూచించారు. అనంతరం క్యాన్సర్‌ బాధితులతో కాసేపు మాట్లాడారు. 

11:27 - July 5, 2018

వరంగల్ : అక్కను పొగొట్టుకున్న చెల్లి..తల్లిని పొగొట్టుకున్న కొడుకు..తమ్ముడిని పొగొట్టుకున్న ఓ చెల్లి...ఇలా ఒక్కరు కాదు..ఇద్దరు కాదు...12 మంది కుటుంబాల్లో తీవ్ర విషాదం నెలకొంది. భద్రకాళి ఫైర్ వర్క్స్ లో జరిగిన భారీ అగ్నిప్రమాదంలో 12 మంది మృతి చెందడం తీవ్ర విషాదాన్ని నింపింది. కానీ 15 మంది మృతి చెందినట్లు తెలుస్తోంది. మృతి చెందిన వారికి ఎంజీఎం ఆసుపత్రికి తరలించి పోస్టుమాస్టం నిర్వహిస్తున్నారు. దీనితో తమ వారిని పొగొట్టుకున్న కుటుంబ సభ్యుల ఆర్తనాదాలతో మిన్నంటిపోయింది. పలువురు ఆసుపత్రిలో ప్రాణాలతో కొట్టుమిట్టాడుతున్నట్లు సమాచారం. ఎంజీఎం వద్ద పరిస్థితిని తెలుసుకొనేందుకు టెన్ టివి ప్రయత్నించింది. ఈ సందర్భంగా పలువురితో మాట్లాడింది. వారంతా కన్నీటి పర్యంతమయ్యారు. కన్నీళ్లు తెప్పించే ఈ ఘటనపై మరింత సమాచారం కోసం వీడియో క్లిక్ చేయండి. 

11:37 - July 3, 2018

హైదరాబాద్‌ : కోఠీ ప్రసూతి ఆసుపత్రిలో పసిగందు ఆదృశ్యమైన ఘటన కలకలం రేపింది. టీకా ఇప్పిస్తానంటూ చెప్పి శిశువును తీసుకెళ్లింది ఓ గుర్తు తెలియని మహిళ. ఎంతసేపటికీ ఆ మహిళ బిడ్డను తీసుకురాకపోవడంతో ఆస్పత్రికి సిబ్బందికి తెలియజేసింది. దీంతో అపహరణకు గురైన చిన్నారి ఆచూకీ కోసం పోలీసులు గాలింపు చేపట్టారు. రంగరెడ్డి జిల్లా మంచాల మండలం ఎల్లమ్మ తండాకు చెందిన విజయ... ప్రసూతి కోసం గతవారం కోఠి సుల్తాన్‌ బజార్‌లోని ప్రభుత్వ ఆసుపత్రికి వచ్చింది. ఆరు రోజుల క్రితం ఆమె ఓ పాపకు జన్మనిచ్చింది. తల్లి కదల్లేని స్థతిలో ఉండటంతో పక్కనే ఉన్న ఓ గుర్తుతెలియని ఓ మహిళ శిశువుకు టీకా ఇప్పిస్తానని తీసుకెళ్లింది.సిసీ ఫుటేజి ఆధారంగా మహిళ కోసం గాలిస్తున్న నేపథ్యంలో సదరు మహిళ ఎంజీబీఎస్ బస్ స్టాండ్ నుండి బీదర్ బస్ ఎక్కినట్లుగాను..బస్ కండక్టర్ తో కన్నడలో మాట్లాడిన ఆధారంగా పోలీసులు బృందాలు పసిబిడ్డ ఆచూకీ కోసం బీదర్ పోలీసులతో చర్చలు జరిపాయి. ఈ గాలింపులో ఎన్డీఆర్ ఎఫ్ బృందాలు కూడా పాల్గొన్నట్లుగా తెలుస్తోంది. 

17:23 - July 2, 2018
20:15 - June 29, 2018

కొమరం భీం : ఆసిఫాబాద్ జిల్లా ఎస్సీ ఎస్టీ హాస్టల్ విద్యార్థులు తీవ్ర అస్వస్థతకు గురయ్యారు. హాస్టల్ లో చదువుకుంటున్న విద్యార్థులు శుక్రవారం మధ్యాహ్న భోజనంలో తోటకూర పప్పు తిన్నారు. తిన్న 60 మంది విద్యార్థులు తీవ్ర అస్వస్థతకు గురయ్యారు. వీరిని వాంకిడి ఆసుపత్రికి తరలించగా అక్కడ చికిత్స అందించేందుకు సరియైన ఏర్పాట్లు లేకపోవడంతో ఆసిఫాబాద్ ప్రభుత్వాసుపత్రికి తరలించారు. విద్యార్థులకు వైద్యులు చికిత్స అందించారు. కానీ ప్రకాష్ అనే విద్యార్థి పరిస్థితి విషమంగా ఉండడంతో మంచిర్యాల ఆసుపత్రికి తరలించారు. ఘటన జరిగి గంటలవుతున్నా అధికారులు స్పందించలేదని తెలుస్తోంది. నీటి వల్ల జరిగిందా ? ఫుడ్ పాయిజనింగ్ జరిగిందా ? అనేది తెలియరాలేదు. 

16:51 - April 19, 2018
16:04 - April 9, 2018
17:37 - March 12, 2018

శ్రీకాకుళం : వేతనాలు చెల్లించాలంటూ శ్రీకాకుళం జిల్లా రిమ్స్‌ వైద్యశాలలో పని చేస్తున్న సెక్యూరిటీ గార్డ్స్‌ సీఐటీయూ ఆధ్వర్యంలో వంటావార్పు కార్యక్రమం చేపట్టారు. ఆరు నెలలుగా వేతనాలు చెల్లించకుండా నిర్లక్ష్యం వహిస్తోన్న జై బాలాజీ కాంట్రాక్టర్‌పై ప్రభుత్వం తక్షణమే చర్యలు తీసుకోవాలని డిమాండ్‌ చేశారు. ఈ సమ్మెకు కాంగ్రెస్‌ నాయకులు మద్దతు పలికారు. కార్మికుల సమస్యలు పరిష్కరించే వరకు సమ్మె కొనసాగిస్తామని సీఐటీయూ, కాంగ్రెస్‌ నాయకులు హెచ్చరించారు. 

12:58 - March 4, 2018

హైదరాబాద్ : గాంధీ ఆస్పత్రిలో డాక్టర్ల నిర్లక్ష్యం మరోసారి వెలుగుచూసింది. లేవలేని స్థితిలో ఉన్న తన భార్యను వైద్యం కోసం తీసుకువచ్చాడు ఓ భర్త. అత్యవసర పరిస్థితిలో ఉన్న వృద్ధురాలిని ఆస్పత్రి వర్గాలు అడ్మిట్‌ చేసుకోలేదు. చాలా సేపటి తర్వాత రోగి పరిస్థితి తెలుసుకునేందుకు ఎక్స్‌రే తీసుకురావాలని వైద్యులు చెప్పగా రేపటి వరకు తీయమని ఎక్స్‌ రే సిబ్బంది చెప్పారు. దీంతో భర్త నిస్సహాయ స్థితిలో ఉండిపోయాడు.

18:43 - February 18, 2018

విశాఖ : బీచ్‌ రోడ్డులో లివ్‌ లైఫ్‌ హాస్పటల్ ఆధ్వర్యంలో స్థూలకాయంపై అవగాహనా కార్యక్రమం జరిగింది. ఈ కార్యక్రమానికి ముఖ్య అతిథిగా మంత్రి గంటా శ్రీనివాసరావు హాజరయ్యారు. స్థూలకాయం పట్ల చిన్నతనం నుంచే పిల్లలకు అవగాహన కల్పించాల్సిన బాధ్యత తల్లిదండ్రులపై ఉందని మంత్రి గంటా అన్నారు. ప్రజల ఆరోగ్యాన్ని కాపాడే విధంగా ప్రభుత్వం పనిచేస్తోందని ఆయన తెలిపారు. ఈ కార్యక్రమంలో లివ్‌ లైఫ్ హాస్పటల్ ఎండి నందకిషోర్‌ మరియు ఏపీ చాంబర్స్ అసోసియేషన్ అధ్యక్షులు సాంబశివరావు పాల్గొన్నారు. 

Pages

Don't Miss

Subscribe to RSS - ఆసుపత్రి