ఉగ్రవాదులు

12:00 - December 9, 2018

జమ్మూ కాశ్మీర్ : మరోసారి ఉగ్రవాదుల కలకలం రేగింది. భారత బలగాలకు..ఉగ్రవాదులకు మధ్య కాల్పులు కొనసాగుతున్నాయి. డిసెంబర్ 8వ తేదీ నుండి ఈ కాల్పులు జరుగుతున్నాయి. ఇప్పటివరకు ఇద్దరు ఉగ్రవాదులు మృతి చెందగా ఐదుగురు జవాన్లకు గాయాలయ్యాయి. గాయాలైన వారిని ఆసుపత్రికి తరలించి చికిత్స అందిస్తున్నారు. 
భారత బలగాల సెర్చ్ ఆపరేషన్...
డిసెంబర్ 8వ తేదీ సాయంత్రం ఉగ్రవాదులు నక్కారనే సమాచారం మేరకు భారత బలగాలు ముజ్గుంద్ అటవీ ప్రాంతంలో సెర్చ్ ఆపరేషన్ నిర్వహించారు. ఉగ్రవాదులు కాల్పులు జరపగా వీటిని భారత బలగాలు తిప్పికొట్టారు. రాత్రి కాల్పులకు బ్రేక్ ఇచ్చిన ఉగ్రవాదులు డిసెంబర్ 9వ తేదీ తెల్లవారుజామున మళ్లీ కాల్పులకు తెగబడుతున్నారు. ఇదిలా ఉంటే కాశ్మీర్‌లో మిలటరీ వాహనాలపై రాళ్లు రువ్వడం...శాంతిభద్రతలకు విఘాతం కలిగిస్తున్నారని పేర్కొంటూ శ్రీనగర్‌లో ఇంటర్ నెట్ సేవలను నిలిపివేశారు. బందిపోరా..శ్రీనగర్ మార్గంగుండా ఉగ్రవాదులు పారిపోకుండా అదనపు బలగాలు మోహరించాయి. 

12:04 - November 26, 2018

బెంగుళూరు: ముంబైలో లష్కరే తోయిబా ఉగ్రవాదులు దాడులు జరిపి నేటికి పదేళ్లు పూర్తయి, ఆరోజు అసువులు బాసిన అమాయక ప్రజలకు శ్రధ్దాంజలి ఘటించే సమయంలో కేంద్ర ఇంటిలెజెన్స్ వర్గాలు మరో పిడుగులాంటి వార్త పేల్చాయి. పాకిస్తాన్ కు చెందిన జైషే మహమ్మద్ ఉగ్రవాదులు 6గురు ఉగ్రవాదులు దేశంలోకి ప్రవేశించారని తెలిపారు. కేంద్ర హోంశాఖ ఆదేశాల మేరకు ఢిల్లీ పోలీసులు, ఆంధ్రప్రదేశ్ ఉగ్రవాద నిరోధక పోలీసులు ముందు జాగ్రత్త చర్యలో భాగంగా బెంగుళూరు వెళ్లి స్ధానిక పోలీసుల నుంచి కొన్ని వివరాలు సేకరించారు. పరప్పణ అగ్రహార జైలులో ఉన్న ఉగ్రవాదులను కూడా విచారించి కొంత సమాచారం సేకరించినట్లు తెలుస్తోంది. ఉగ్రవాదులు ప్రస్తుతం దేశంలో ఏప్రాంతంలో దాక్కోని ఉన్నారో తెలుసుకునే ప్రయత్నంలో నిఘా వర్గాలు ఉన్నాయి.  

11:03 - November 23, 2018

శ్రీనగర్‌ : అందాల  కశ్మీరంలో ఉగ్రవాదుల అలజడి సర్వసాధారణంగా మారిపోయింది. ఉగ్రవాదులను మట్టుపెట్టేందుకు భద్రతా దళాలు ఎప్పటికప్పుడు పోరాడుతునేవున్నాయి. ఈ నేపథ్యంలో ఎందరో జవాన్లు  తమ ప్రాణాలను పోగొట్టుకుంటున్న ఘటనలు జరుగుతునే  వున్నా వీర జవాన్లు మాత్ర దేశ భద్రత కోసం ఉగ్రవేటను కొనసాగిస్తునే వున్నారు. గత కొన్ని నెలలుగా జమ్ములో ఉగ్రవాద కార్యకలాపాలు అధికంగా ఉండడంతో భద్రతా దళాలు నిర్బంధ తనిఖీలు చేపట్టి ఉగ్రవాదులను ఏరివేస్తున్న సంగతి తెలిసిందే. మంగళవారం షోపియన్‌ జిల్లా నదిగామ్‌ గ్రామంలో జరిగిన ఎన్‌కౌంటర్‌లో భద్రతా దళాలు నలుగురు ముష్కరులను హతమార్చాయి. ఈ ఘటనలో ఓ జవాను సైతం ప్రాణాలు కోల్పోయాడు.
ఈ క్రమంలో చల్లని..పచ్చని జమ్ము కశ్మీర్ లో అనంత్‌నాగ్‌ జిల్లాలో జరిగిన ఎన్‌కౌంటర్‌లో భద్రతా బలగాలు ఆరుగురు ఉగ్రవాదులను మట్టుబెట్టాయి. శుక్రవారం తెల్లవారు జామున జమ్ము కశ్మీర్‌ పోలీసులు, భద్రతా దళాలు సంయుక్తంగా బిజ్‌భేరా పట్టణంలోని సెకిపోరా ప్రాంతంలో నిర్బంధ తనిఖీల నేపథ్యంలో జరిగిన ఎదురు కాల్పుల్లో ఆరుగురిని హతమార్చినట్లు అధికారులు వెల్లడించారు. వారి నుంచి మారణాయుధాలు, పేలుడు పదార్థాలు స్వాధీనం చేసుకున్నామని, ఆపరేషన్‌ ఇంకా కొనసాగుతోందని పేర్కొన్నారు.
 

22:05 - November 20, 2018

కాబూల్‌ : అఫ్ఘనిస్థాన్‌లో ఉగ్రవాదులు రెచ్చిపోయారు. ఆత్మాహుతి దాడికి తెగబడ్డారు. ఈ దాడిలో 40 మందికి పైగా మృతి చెందారు. ఇస్లాం మత ప్రవక్త మొహ్మద్‌ జయంతి సందర్భంగా కాబూల్‌లోని విమానాశ్రయం రోడ్డులో ఉన్న ఉర్నాస్‌ వెడ్డింగ్‌హాల్‌లో ప్రత్యేక కార్యక్రమాన్ని ఏర్పాటు చేశారు. అనేకమంది ఈ కార్యక్రమానికి హాజరయ్యారు. అయితే పేలుడు పదార్థాలతో వచ్చిన ఉగ్రవాది హాల్‌ లోపల తనను తాను పేల్చేసుకున్నాడు. ఈ దాడిలో దాదాపు 40 మందికి పైగా ప్రాణాలు కోల్పోయారు. 80 మందికి పైగా గాయపడినట్లు ఆ దేశ అంతర్గత మంత్రిత్వ శాఖ వెల్లడించింది. మృతుల సంఖ్య మరింత పెరిగే అవకాశం ఉన్నట్లు అధికారులు తెలిపారు. దీంతో ఆ ప్రాంతమంతా భీతావహంగా మారింది. 
విషయం తెలుసుకున్న వెంటనే భద్రతా సిబ్బంది ఘటనా స్థలానికి చేరుకున్నారు. క్షతగాత్రులను హుటాహుటిన చికిత్స నిమిత్తం దగ్గర్లోని ఆస్పత్రులకు తరలించారు. దాడి జరిగే సమయంలో హాల్‌లో వెయ్యి మంది వరకు ఉన్నట్లు ప్రత్యక్ష సాక్షి తెలిపారు. 

 

12:40 - October 22, 2018

హైదరాబాద్‌ : దేశ భద్రతకు ముప్పు తెచ్చే హై ప్రొఫైల్ ఉగ్రవాదుల జాబితాను..మోస్ట్ వాటెండ్ మావోయిస్టుల జాబితాను నేషనల్ ఇన్వెస్టిగేషణ్ సంస్థ ఎన్ఐఏ విడుదల చేసింది. లష్కర్ తొయిబా చీఫ్ హాషీజ్ సయీద్ తో సహా నవంబర్ 26 పేలుళ్లలో ప్రధాన సూత్రధారి జాకీర్ వంటి 258 మందితో సహా ఎన్ఐఏ విడుదల చేసింది. ఈ నేపథ్యంలో పాకిస్థాన్ ఉగ్రవాదులపై ఎటువంటి రివార్డు ప్రకటించిన ఎన్ఐఏ తెలంగాణ మావోయిస్టులపై ఎన్ఐఏ రివార్డు ప్రకటించింది. ముప్పాళ్ల లక్ష్మణరావు అలియాస్ గణపతిపై రూ.15లక్షల రివార్డును, నంబాల కేశవ్ రావు అలియాస్ బసవరాజుపై రూ.10లక్షల రివార్డులను ప్రకటించింది. 
 

 

11:47 - October 22, 2018

ఢిల్లీ: పరారీలో ఉన్న మోస్ట్‌వాంటెడ్ నిందితుల జాబితాను జాతీయ దర్యాప్తు సంస్థ ఎన్ఐఏ విడుదల చేసింది. కరుడుగట్టిన ఉగ్రవాదులు, నేరస్తులు, మావోయిస్టులు.. ఇలా 258మందితో కూడిన జాబితాను విడుదల చేసింది. ఎన్ఐఏ విడుదల చేసిన ఈ జాబితాలో కరుడుగట్టిన పాకిస్తాన్ ఉగ్రవాది.. హిజ్బుల్ ముజాహిదీన్ చీఫ్ సయీద్ సలావుద్దీన్, లష్కరే తోయిబా-జమాత్ ఉద్ దవా చీఫ్ హఫీజ్ సయీద్, ఇస్లాం మతబోధకుడు జాకిర్ నాయక్, లష్కరే తొయిబా ఉగ్రవాది రెహ్మాన్ లఖ్వీ, నవంబర్ 26 పేలుళ్ల సూత్రధారి జకీవుర్ రెహ్మాన్ సహా పలువురి నిందితుల వివరాలు, ఫోటోలు ఉన్నాయి. ఉగ్రవాద కార్యకలాపాలు, సాయుధ శిక్షణ ఇవ్వడం, పేలుడు పదార్దాలు అమర్చడం లాంటి చర్యలకు పాల్పడిన వారి వివరాలను ఎన్ఐఏ రూపొందించింది. ఈ జాబితాలో 57మందిపై రివార్డు సైతం ప్రకటించింది. కాగా పాకిస్తాన్ ఉగ్రవాదులపై ఎలాంటి రివార్డు ప్రకటించని ఎన్ఐఏ.. తెలంగాణకు చెందిన మావోయిస్టు ముప్పాల లక్ష్మణ్‌రావు అలియాస్ గణపతిపై రూ.15లక్షల రివార్డు, ముప్పాల అనుచురుడు నంబాల కేశవ్‌రావు అలియస్ బసవరాజుపై రూ.10లక్షల రివార్డు ఎన్ఐఏ ప్రకటించింది. 

వీరి ఆచూకీ కనిపెట్టేందుకు ఎన్ఐఏ ప్రజల సాయం కోరింది. ‘‘మీకు వీరి గురించి ఏమైనా సమాచారం తెలిస్తే దయచేసి 011-24368800 నెంబర్‌కు కాల్ చేయండి లేదా assistance.nia@gov.in అడ్రస్‌కు ఈ మెయిల్ పంపండి. మీ వివరాలు గోప్యంగా ఉంటాయి. దేశ భద్రత కోసం సహకరించండి ’’ అని ఎన్ఐఏ ట్వీట్ చేసింది. నిందితుల వివరాల తెలుసుకునేందుకు అధికారిక వెబ్‌సైట్ లింకును కూడా ట్విట్టర్‌లో పోస్టు చేసింది.

13:32 - October 17, 2018

శ్రీనగర్‌ : జమ్ముకశ్మీర్‌లో భద్రతాబలగాలు, ఉగ్రవాదులకు మధ్య ఎదురుకాల్పులు జరిగాయి. ఈ కాల్పుల్లో ముగ్గురు ఉగ్రవాదులు హతమయ్యారు. మరోవైపు ఓ పోలీసు కూడా ప్రాణాలు కోల్పోయారు. ఫతేహ్‌హడల్‌ ప్రాంతంలో ఉగ్రవాదులు దాగి ఉన్నారన్న సమాచారంతో బుధవారం ఉదయం ఈ ఆపరేషన్‌ నిర్వహించారు. ముష్కరులు కాల్పులు జరపడంతో ఎదురు కాల్పులు జరపాల్సి వచ్చిందని పోలీసులు తెలిపారు. ఈ ఘటనలో మరికొందరు పోలీసులు గాయపడినట్లు ఓ ఉన్నతాధికారి వెల్లడించారు.

 

17:17 - October 1, 2018

ఢిల్లీ : బీజేపీ సీనియర్ నేత సుబ్రహ్మణ్య స్వామి మరోసారి తన నోటికి పని పెట్టారు. ఎప్పుడు వివాదాస్ప వ్యాఖ్యలు చేస్తు వార్తల్లో నిలిచే సుబ్రహ్మణ్యస్వామి ఈసారి పాకిస్థాన్ ప్రధాని ఇమ్రాన్ ఖాన్ పై పడ్డారు. ఇమ్రాన్‌ఖాన్‌పై తనదైన శైలిలో వ్యంగ్యాస్త్రాలు విసిరారు. ‘‘ఇమ్రాన్ ఖాన్ ఓ ‘చప్రాసీ’ మాత్రమే. ఎందుకంటే ఇప్పుడు పాకిస్తాన్‌లో అక్కడి సైన్యం, ఐఎస్ఐ, తీవ్రవాదులే పరిపాలన సాగిస్తున్నారు. అక్కడి ప్రభుత్వంలో ఇమ్రాన్ ఖాన్ ఓ నౌకరు మాత్రమే. ఆయనను పేరుకు ప్రధాని అని పిలుస్తున్నారు.. వాస్తవానికి ఆయన ఓ ‘చప్రాసీ’...’’ అని సుబ్రమణ్యస్వామి వివాదాస్ప వ్యాఖ్యలు చేశారు. 

 

10:15 - September 30, 2018

జమ్మూ కాశ్మీర్ : మరోసారి ఉగ్రవాదులు రెచ్చిపోయారు. పోలీసులను టార్గెట్ చేస్తున్నారు. గ్రనైడ్లు, తుపాకులతో దాడులకు తెగబడుతున్నారు. ఆదివారం షోపియాన్ పీఎస్‌పై దాడికి పాల్పడ్డారు.  ఒక్కసారిగా గుంపులుగా వచ్చిన ఉగ్రవాదులు పీఎస్‌పై గ్రనైడ్లు విసురుతూ..తుపాకులతో కాల్పులకు తెగబడ్డారు. కొద్దిసేపటి అనంతరం పోలీసులు తేరుకుని ప్రతిగా కాల్పులు జరిపారు. కానీ ఓ కానిస్టేబుల్‌కు తీవ్రగాయాలు కావడంతో అతడిని ఆసుపత్రికి తరలించారు. కానీ మార్గమధ్యంలోనే అతను మృతి చెందాడు. అనంతరం అడవుల్లోకి పరారయ్యారు. సమాచారం అందుకున్న ఉన్నతాధికారులు పీఎస్‌కు చేరుకుని పరిస్థితిని ఆరా తీశారు. అడవుల్లో నక్కిన ఉగ్రవాదుల కోసం గాలింపులు చేపడుతున్నారు. షోపియాన్ జిల్లాలో పట్టు సాధించేందుకు ఉగ్రవాదులు ప్రయత్నిస్తున్నారు. పోలీసులే టార్గెట్ చేస్తున్నారు. నెల రోజుల క్రితం నలుగురిని పోలీసులును ఉగ్రవాదులు మట్టబెట్టారు. దాడులు చేసిన అనంతరం పోలీసుల ఆయుధాలను ఎత్తుకెళుతున్నారు. 

11:57 - September 26, 2018

జమ్ము కశ్మీర్ : అందాల కశ్మీరం మరోసారి హెచ్చరికల నిఘాలోకి వెళ్లిపోయిందా? పోలీసుల విధులకు అడ్డుతగులతు..ఉగ్రవాదులు పోలీసులపై బెదిరింపులకు పాల్పడతున్నారు. తమ హెచ్చరికలు ఖాతరు చేయకుంటే  ఖతం చేస్తాం..ఉద్యోగాలకు రాజీనామా చేసి, ఇంటికి పరిమితం కాకుంటే మరణం తప్పదంటూ హిజ్బుల్ ముజాహిద్దీన్ ఉగ్రవాదులు ట్వీట్ చేసిన తరువాత, నాలుగు రోజుల వ్యవధిలో 40 మంది పోలీసులు రిజైన్ చేసినట్టు తెలుస్తోంది. దీనిపై స్పదించిన జమ్ము కశ్మీర్ చీఫ్ సెక్రెటరీ బీవీఆర్ సుబ్రమణియమ్  మాత్రం కాశ్మీరు లోయలో 30 వేల మందికి పైగా ఎస్పీఓ ఉన్నారని, ఆ సంఖ్యతో పోలిస్తే రిజైన్ చేసినవారు తక్కువేనన్నారు. కశ్మీర్ లోయలో పోలీసు అధికారులను దొరికినవారిని దొరికినట్టు ఉగ్రవాదులు హత్యలు చేస్తున్నారు. గత వారంలో ముగ్గురు పోలీసులను వారి ఇళ్ల నుంచి కిడ్నాప్ చేసిన ఉగ్రవాదులు దారుణంగా చంపేశారు. వారిపై బులెట్ల వర్షం కురిపించారు. ఆపై సోషల్ మీడియాలో పోలీసులు రాజీనామా చేస్తున్న వీడియోలను ఉగ్రవాదులు వైరల్ చేసారు. దీన్ని ప్రభుత్వ వర్గాలు ఖండించాయి.

 

Pages

Don't Miss

Subscribe to RSS - ఉగ్రవాదులు