ఉత్తరప్రదేశ్

13:33 - April 16, 2018

జలం ప్రాణాధారం, జలం జీవాధానం, జలమే జీవం, జలమే ప్రాణం. జలం లేకుంటే ప్రాణికోటి సమస్తం అంతం!! ఉదయం లేచింది మొదలు రాత్రి పడుకునేంత వరకూ నీటితోనే పని. అది లేకుంటే అన్ని పనులు బంద్! అసలు మానవ మనుగడే బంద్!! మనిషి బతకాలన్నా, పంట పండాలన్నా, జీవకోటి మనుగడ సాగించాలన్నా నీరే ఆధారం! అది లేకుంటే ? అసలు ఆ మాట తలచుకునేందుకే ధైర్యం చాలదు కదూ? నీటి కోసం గ్రామాలకు గ్రామాలు, జిల్లాలు, రాష్ట్రాలు, దేశాలు కొట్టుకుంటున్నాయంటే కారణం మనుగడ, బ్రతికేందుకు ఆధారం? జీవాధానం. నీటి యుద్ధాలతో దేశాలకు దేశాలకు కొట్టుకున్న దాఖలాలు కూడా లేకపోలేదు. సాధారణంగా నీటికొరత అనేది చాలా ప్రాంతాలలో వుంది. అదీ వేసవి వచ్చిందంటే ఇక చెప్పేదేముంది. స్నేహితులుగా వుండే ఇరుగు పొరుగు వారు కూడా శతృవుల్లా మారిపోతారు. కారణం నీరు.

ప్రాణి మనుగడకు నీరు..
భూమిమీద వృక్షాలు, జంతువులు, మానవాళి మనుగడకు, వాటి పెరుగుదలకు గాలి తరువాత ముఖ్యమైనది నీరు. గ్రామాల్లో, పట్టణాల్లో నివసించే కోట్లాది ప్రజలకు త్రాగునీరు సరఫరా చేయడం ఎన్నో ప్రపంచదేశాలు ఎదుర్కొంటున్న అతిపెద్ద సమస్య. వివిధ పంటల సాగుబడికి నీటి-పారుదల సౌకర్యాలు అత్యంత అవసరమైనవి. ఏ పరిశ్రమ కూడా తగినంత నీటి సరఫరా లేకపోతే స్థాపించడంగాని, నడపడంగాని సాధ్యపడదు. ఇది ప్రకృతి సమస్త జీవులకు ప్రసాదించిన ఒక అపరూపమైన పదార్థము: నీరు ప్రకృతిలో ఉన్న సమస్త జీవులకు ప్రాణాధారము. ప్రప్రథమ జీవి పుట్టుక నీటినోనె జరిగింది. నీరు ఈ భూమండలంపే 71 శాతానికి పైగా ఆవరించి యున్నది. ఈ భూమి పై నీరు మూడు రూపములలో ఉంది. ఘన రూపము. అనగా మంచు గడ్డల రూపంలోను, ద్రవ రూపం వాయు రూపంలో అటే మేఘాలు, ఆవిరి రూపాలలో అన్నమాట. మరి నీరు ప్రాణి మనుగడను సాసిస్తోంది. 

నీటికోసం మైళ్ల దూరం కాలినడక..
నీటికోసం మైళ్లకొద్దీ దూరాలు వెళ్లి తెచ్చుకునే దుస్థితి నేటి కంప్యూటర్ యుగంలో కూడా వుంది అంటే పరిస్థితులు ఎంతటి దారుణంగా వున్నాయో ఊహించుకోవచ్చు..హలో అంటే పొలో మంటు ఇంటి ముంగిట్లో వచ్చి పడిపోయే పదార్ధాలు, వస్తువులు. కానీ వేసవి వచ్చిందంటే మాత్రం లీటరు నీరు రూ.100లు పెట్టి కొనుకునే పరిస్థితులు. బీటలు వారిని నేలమ్మ తల్లి. గంగమ్మ కోసం ఎదురు చూస్తున్న పరిస్థితి. పంటే వేసిన రైతన్న వరుణుడి కోసం ఎదురు చూస్తున్నట్లు..దాహార్తితో కటకటలాడిపోతున్న నేలమ్మను అభిషేకించేందుకు వానమ్మ కానరాని దుర్భర పరిస్థితులు.

వేసవి రాకముందే దేశవ్యాప్తంగా 140 జిల్లాల్లో తీవ్ర కరువు పరిస్థితులు..
నడి వేసవి రాకముందే దేశవ్యాప్తంగా 140 జిల్లాల్లో తీవ్ర కరువు పరిస్థితులు నెలకొన్నాయి. మంచి నీటి కోసం అలమటించే పరిస్థితి ఏర్పడింది. వాతావరణ శాఖ తాజా గణాంకాల ప్రకారం... 404 జిల్లాల్లో గతేడాది అక్టోబర్ తర్వాత వర్షాల్లేకపోవడంతో కరువు పరిస్థితులు కనిపిస్తున్నాయి. ఇందులో 140 జిల్లాల్లో మాత్రం పరిస్థితి మరింత తీవ్రంగా ఉంది. మరో 109 జిల్లాల్లో ఓ మోస్తరు కరువు ఉంది.

156 జిల్లాల్లో మాత్రం స్వల్ప స్థాయిలో కరువు..
156 జిల్లాల్లో మాత్రం స్వల్ప స్థాయిలో కరువు ఉంది. నిజానికి ఏటా చాలా జిల్లాల్లో ఈ పరిస్థితులు వేసవిలో కనిపిస్తూనే ఉంటాయి. కాకపోతే ఈ ఏడాది శీతా కాలంలో అసలు వర్షాలే లేకపోవడంతో పరిస్థితి మరింత తీవ్రరూపం దాల్చింది. ఈ ఏడాది జనవరి, ఫిబ్రవరి నెలల్లో దేశవ్యాప్తంగా 63 శాతం వర్షాభావం ఉంది. గతేడాది ఇదే కాలంతో పోలిస్తే రిజర్వాయర్లలో తక్కువ నీటి లభ్యత కలిగిన రాష్ట్రాల్లో తెలంగాణ, పంజాబ్, జార్ఖండ్, ఒడిశా, గుజరాత్, ఉత్తరప్రదేశ్, చత్తీస్ గఢ్ ఉన్నాయి.

20:07 - April 12, 2018

ఉత్తరప్రదేశ్ బీజేపీ ఎమ్మెల్యే కుల్ దీప్ , ఆయన సోదరుడు తనపై లైంగిక దాడి చేశారని బాధితురాలు ఆరోపించింది. ఎట్టకేలకు ఉత్తరప్రదేశ్‌కు చెందిన భాజపా ఎమ్మెల్యే కుల్‌దీప్‌ సింగ్‌ సెంగార్‌ తో పాటు సోదరుడు అతుల్ సెంగార్ ను కూడా సోలీసులు అరెస్ట్ చేశారు.ఈ కేసుపై ప్రభుత్వం సిట్ దర్యాప్తు కు ఆదేశించింది. నిందితుడు బీజేపీ ఎమ్మెల్యే కావటంతో పోలీసులు నిష్పక్షపాతంగా విచారణ జరపలేరని ఉన్నావ్ లైంగిక దాడి కేసులో సిబీఐతో విచారణ జరిపించాలని సుంప్రీంకోర్టులో పిటీషన్ వేసింది. ఈ నేపథ్యంలో దేశ వ్యాప్తంగా మహిళలపై పెరుగుతున్న నేరాలపై చర్చను చేపట్టింది 10టీవీ. ఈచర్చలో టీ.కాంగ్రెస్ అధికార ప్రతినిథి ఇందిరా శోభన్, పీవోడబ్ల్యు సంధ్య పాల్గొన్నారు.

10:47 - April 5, 2018

ధైర్యానికి మారుపేరైన యూపీ యువతి నజియాఖాన్ గుర్తుందా? చిన్నవయసులోనే అరుదైన ఘనత సాధించింది. ఆమె ధైర్యసాహసాలు మెచ్చిన ఉత్తరప్రదేశ్ ప్రభుత్వం స్పెషల్ పోలీస్ ఆఫీసర్‌గా నియమించింది. దీంతో పిన్నవయస్కురాలైన పోలీస్ ఆఫీసర్‌గా రికార్డులెక్కింది నజియా.

సాహస బాలిక నజియా ఖాన్..
ఉత్తరప్రదేశ్ ఆగ్రాలోని సదర్‌భట్టీ ప్రాంతానికి చెందిన సాహస బాలిక నజియాఖాన్ సాహసాలకు తగిన గుర్తింపు లభించింది. ఎంతో ధైర్యంతో సంఘవిద్రోహ శక్తులను ఎదురించిన ఆమె ఆత్మవిశ్వాసానికి ప్రభుత్వం కూడా ఫిదా అయింది. అందుకే 18 యేండ్లకే స్పెషల్ పోలీస్ ఆఫీసర్‌గా నియమించింది. దీంతో పోలీస్ అధికారి అయిన పిన్న వయస్కురాలిగా నజియా ఖాన్ సరికొత్త చరిత్ర సృష్టించింది. 

మత కలహాల్లో బాలికను రక్షించిన నజియా ఖాన్..
మతకలహాల్లో కోరి కోరి కల్పించుకోవాలంటే ఉన్నతస్థాయి అధికారులే హడలెత్తిపోతారు. అటువంటిది అత్యంత ధైర్యసాహసాలు ప్రదర్శించి 2015లో ఆగ్రాలో చెలరేగిన మత ఘర్షణల్లో అల్లరిమూకల నుంచి ఓ బాలికను కాపాడి ధైర్యసాహసాలకు మారుపేరుగా పేరొందిన 'రాణి లక్ష్మీభాయ్' అవార్డు అందుకుంది నజియా ఖాన్. అంతేకాదు 2017లో జూదగాళ్లు, పందెం రాయుళ్ల మాఫియాను ఎదురించి, పోలీసుల సహాయంతో వారి ఆటకట్టించి ఎంతో ప్రతిష్టాత్మకమైన 'భారత్ అవార్డు'ను ప్రధాని నరేంద్రమోదీ చేతులమీదుగా అందుకున్నది. ఈ రెండు సంఘటనల్లో నజియా ప్రాణాలకు తెగించి పోరాటం చేసింది. వెనకడుగు వేయని ఆ ధైర్యమే నజియాకు ప్రపంచవ్యాప్తంగా గుర్తింపు తెచ్చింది. అప్పటి నుంచి ఎన్నో సమస్యలపై పోరాటం చేస్తున్న నజియా సాహసాలతో అందరి మన్ననలను అందుకుంటోంది. అటువంటి నజియా ఖాన్ యూపీ ప్రభుత్వం స్పెషల్ పోలీస్ ఆఫీసర్‌గా నియమించింది. కరడుకట్టిన నేరగాళ్లను అదుపుచేయాలంటే నజియాలాంటి తెగువు ఉన్నవారు అవసరమని, అందుకే ఆమెకు ఉన్నతస్థాయి ఉద్యోగాన్ని ఇచ్చామని యూపీ డీజీపీ ఓపీ సింగ్ చెప్పారు.

13:07 - March 24, 2018

హైదరాబాద్ : సత్య హరిశ్చంద్రుడి గురించి పురాణాలలో చదువుకున్నాం. ఇచ్చిన మాట కోసం కట్టుకున్న భార్యను, కన్నబిడ్డను నడిరోడ్టుమీద వేలం వేసిన విక్రయించిన ఘటన గురించి చదువుకుని అంతటి గొప్పవాడు లేడని సత్యం కోసం కుటుంబాన్నే త్యాగం చేసిన గొప్ప రాజు అని గొప్పలు చెప్పేసుకుంటాం. అదే ఆధునిక సమాజంలో జరుగుతుంటే మాత్రం పాలకులు దానిపై చర్యలు తీసుకున్న సందర్భాలు బహు అరుదుగా కనిపిస్తుంటాయి.

యదేచ్ఛగా సాగిపోతున్న మహిళల అక్రమ రవాణా, విక్రయాలు:
దేశంలో యువతులు, మహిళలు, బాలికలు అక్రమ రవాణా, విక్రయాలు యదేచ్ఛంగా కొనసాగుతున్నాయి. కానీ ఇవేవీ పాలకుల దృష్టికి రావు. ఎన్నికల్లో మాత్రమే మహిళా సాధికారత గురించి ఊకదంపుడు ఉపన్యాలు ఇచ్చేస్తుంటారు. మహిళలను ఓటు బ్యాంకులుగా మాత్రమే వినియోగించుకునే పాలకులు వారిపై జరుగుతున్న దారుణమైన హింసలపై మాత్రం నోరు మెదపదు..ఈ నేపథ్యంలో ఓ యువతిని పంతలో పశువుని విక్రయించినట్లుగా విక్రయించిన ఘటన మహిళల అక్రమ విక్రయాలకు అద్దం పడుతోంది.

ఉత్తరప్రదేశ్‌లో యువతిని విక్రయించిన ప్రబుద్ధలు :
ఉత్తరప్రదేశ్‌లోని బాగ్‌పత్ జిల్లా, సురోర్‌పూర్ కలాన్ గ్రామంలో దారుణం చోటుచేసుకుంది. ఓ యువతిని కొందరు ఏజెంట్లు వేలంపాటలో పశువును అమ్మినట్లుగా అమ్మేశారు. ఈ నెల 16న చోటుచేసుకుంది.

రూ.22వేలకు యువతి విక్రయం
ఈ ఘటన వివరాల్లోకెళితే, ఇటుక బట్టీలో కూలీగా పనిచేసే ముకేశ్ అనే వ్యక్తికి సదరు యువతిని రూ.22 వేలకు బ్రోకర్లు వేలంపాటలో విక్రయించారు. అడ్వాన్సు కింద ముకేశ్ వారికి రూ.17,500 చెల్లించి తర్వాత ఆమెను పెళ్లి చేసుకున్నాడు. కానీ, మిగిలిన మొత్తాన్ని అతను వారికి చెల్లించలేదు. దీంతో వారు ఆమెను బలవంతంగా తీసుకెళ్లిపోయారు. ఆమె ఆచూకీ తెలియకపోవడంతో మనస్తాపానికి గురైన ముకేశ్ ఆత్మహత్య చేసుకున్నాడని యూపీ పోలీసులు తెలిపారు. ముకేశ్ ఆత్మహత్య కేసును విచారిస్తుండగా యువతి వేలంపాట విక్రయ ఘటన తమ దృష్టికి వచ్చిందని బాగ్‌పత్ సర్కిల్ అధికారి దిలీప్ సింగ్ తెలిపారు.

నిందుతులపై కేసు నమోదు ..
ముకేశ్ కుటుంబం ఇచ్చిన ఫిర్యాదు మేరకు చట్టవిరుద్ధంగా యువతుల అక్రమ రవాణా, విక్రయం వ్యాపారం చేస్తున్న సోనూ, మోను అనే ఇద్దరు ఏజెంట్లపై కేసు నమోదు చేసినట్లు ఆయన చెప్పారు. నిందితులు అమ్మాయిలను అసోం నుంచి తీసుకుచ్చి బాగ్‌పత్‍‌లో వేలంపాటలో విక్రయిస్తుంటారని ఆయన తెలిపారు. కాగా ఇటువంటి ఘటనలపై ప్రభుత్వం వెంటనే స్పందించి మహిళల, యువతులు, బాలికల అక్రమ రవాణాలపై కఠినమైన చర్యలు తీసుకోవాల్సిన అవసం ఎంతైనా వుంది.

17:51 - March 12, 2018

ఉత్తరప్రదేశ్ : ప్రధానమంత్రి నరేంద్ర మోది, ఫ్రాన్స్‌ అధ్యక్షుడు ఇమాన్యుయల్‌ మాక్రాన్‌లు కలిసి ఉత్తరప్రదేశ్‌లోని మిర్జాపూర్‌లో సోలార్‌ పవర్‌ ప్లాంట్‌ను ప్రారంభించారు. ఉత్తర ప్రదేశ్‌లోనే అతి పెద్ద సౌర విద్యుత్‌ ప్లాంట్‌ కావడం విషేషం. ఇక్కడ 75 మెగావాట్ల విద్యుత్‌ ఉత్పత్తి కానుంది. ఫ్రాన్స్‌కు చెందిన సోలార్ పవర్ గెయింట్ ఇంజీ సోలార్ సంస్థ సహకారంతో ఈ ప్రాజెక్టును నిర్మించారు. మీర్జాపూర్‌కు 25 కిలోమీటర్ల దూరంలో ఇంటర్నేషనల్ సోలార్ అలియెన్స్ ప్రోగ్రామ్‌కు కింద చేపట్టారు. నాలుగు రోజుల పర్యటనకు వచ్చిన మాక్రన్ వారణాసిలో పర్యటిస్తున్నారు.

20:26 - February 5, 2018

లక్నో : ఉత్తరప్రదేశ్‌లో రౌడీయిజాన్ని అణగదొక్కడానికి పోలీసులు ఎన్‌కౌంటర్లు చేస్తున్నా వారి ఆగడాలు ఇంకా కొనసాగుతూనే ఉన్నాయి. లక్నోలో గూండాల నుంచి తన భర్తను రక్షించుకోవడానికి ఓ ఇల్లాలు చూపిన తెగువపై ప్రశంసలు వెల్లువెత్తుతున్నాయి. కాకోరీ పిఎస్‌ పరిధిలో నివసిస్తున్న ఆబీద్‌ అలీని ఇంట్లో నుంచి బయటకు పిలిచారు. అనంతరం అతనిపై కర్రలతో బాదారు. ఈ దృశ్యాన్ని చూసిన ఆ ఇల్లాలు ఇంట్లో నుంచి అపర కాళిలా మారింది. ఇంట్లో నుంచి లైసెన్స్‌డ్‌ రివాల్వర్‌ తెచ్చి తన భర్తపై దాడి చేస్తున్న రౌడీలపై  కాల్పులు జరిపింది. ఆ కాల్పులకు భయపడి గూండాలు పారిపోయారు.  రివాల్వర్‌లో కాల్పులు జరిపిన ఆ మహిళ ఓ న్యాయవాది. ఈ ఘటనకు సంబంధించిన విజువల్స్‌ సిసిటివీలో రికార్డ్‌ అయ్యాయి. పోలీసులకు ఫిర్యాదు చేసిన పట్టించుకోలేదని ఆబిద్‌ దంపతులు ఆరోపించారు. 

 

17:06 - January 31, 2018

ఉత్తరప్రదేశ్ : రిపబ్లిక్‌ డే రోజున ఉత్తరప్రదేశ్‌లోని కాస్‌గంజ్‌ ప్రాంతంలో చోటు చేసుకున్న మత ఘర్షణలకు సంబంధించిన వీడియో సోషల్‌ మీడియాలో హల్‌చల్‌ చేస్తోంది. తిరంగా యాత్ర సందర్భంగా చందన్‌ గుప్తా స్నేహితులతో కలిసి బైక్‌పై వెళ్తున్న దృశ్యం ఇందులో ఉంది.  ముస్లింలు అధికంగా ఉండే ప్రాంతం నుంచి తిరంగా ర్యాలీగా వెళ్తుండగా కాల్పులు జరిగాయి. దీంతో ఇరు వర్గాల మధ్య తీవ్ర ఘర్షణలు చోటు చేసుకున్నాయి. ఈ కాల్పుల్లో చందన్ గుప్తా మృతి చెందాడు. ఆ సమయంలో కొందరు యువకులు తుపాకులు, కత్తులు, కర్రలు, రాళ్లతో వీధుల వెంట హల్‌చల్‌ చేస్తూ వెళ్లారు. ఈ దృశ్యాలను ఓ వ్యక్తి పై అంతస్తుపై నుంచి తీయగా అది  వైరల్‌గా మారింది. ఈ ఘటనలో ఏడుగురిపై ఎఫ్‌ఐఆర్‌ నమోదైంది. 114 మందిని పోలీసులు అరెస్ట్‌ చేయగా...33 మందిపై కేసు నమోదైంది. కాస్‌గంజ్‌లో ప్రస్తుతం పరిస్థితి అదుపులో ఉంది.

16:31 - January 31, 2018

ఉత్తరప్రదేశ్ : గ్రేటర్‌ నోయిడాలో దారుణం జరిగింది. ఓ యువకుడు ఇద్దరు యువకులు మరో యువతిని కర్రతో చికతబాదిన ఘటన సోషల్‌ మీడియాలో వైరల్‌గా మారింది. ఈ వ్యవహారంతో సంబంధం ఉన్న ఇద్దరు యువకుల్ని నోయిడా పోలీసులు అరెస్టు చేశారు. 

 

22:04 - November 29, 2017

ఉత్తరప్రదేశ్ : సమాజ్‌వాదీ పార్టీ సంరక్షకుడు ములాయం సింగ్ యాదవ్ కోడలు అపర్ణ యాదవ్ పద్మావతి సినిమా పాటపై డాన్స్‌ చేయడం వివాదంగా మారింది. లక్నోలో జరిగిన ఓ ఫంక్షన్‌లో గూమర్ సాంగ్‌కు దీపికా పదుకునేను తీసిపోకుండా అపర్ణ స్టెప్పులేశారు. అపర్ణ డ్యాన్స్ వీడియో సామాజిక మాధ్యమాలలో వైరల్‌గా మారింది. ఈ డ్యాన్స్‌పై సోషల్‌ మీడియాలో బెదిరింపులు వచ్చాయి. అపర్ణా యాదవ్‌ డాన్స్‌ను రాజ్‌పుత్‌లు తీవ్రంగా వ్యతిరేకిస్తున్నారు. ములాయం కుటుంబానికి చెందిన కోడలు ఇలా చేయడం సరికాదన్నారు. ఏ పాటనైతే తాము వ్యతిరేకిస్తున్నామో ఆ పాటపై అపర్ణ డాన్స్‌ చేయడం ద్వారా తమను అవమాన పరచారని కొందరు వ్యాఖ్యానించారు. బాలీవుడు దర్శకుడు సంజయ్ లీలా భన్సాలీ తెరకెక్కించిన ఈ చిత్రం వివాదాస్పదంగా మారిన విషయం తెలిసిందే.

 

13:31 - November 2, 2017

యూపీ : ఉత్తరప్రదేశ్‌ రాయ్‌బరేలీలోని ఎన్టీపీసీ విద్యుత్‌ కేంద్రంలో జరిగిన బ్రాయిల్‌ పేలుడు ఘటనలో మృతుల సంఖ్య 26కు పెరిగింది. 66 మంది గాయాలయ్యాయని అధికారులు లెక్కలు తేల్చారు. క్షతగాత్రులను ఉన్నావ్‌, బలరామ్‌పూర్‌, ప్రతాప్‌గఢ్‌ ఆస్పత్రుల్లో చికిత్స అందిస్తున్నారు. గాయపడినవారిలో మరికొందరి పరిస్థితి ఆందోళనకంగా ఉంది. కాంగ్రెస్‌ ఉపాధ్యక్షుడు రాహుల్‌ గాంధీ గుజరాత్‌లో ఎన్నికల ప్రచారాన్ని వాయిదా వేసుకుని.. రాయ్‌ బరేలీలో పర్యటించారు. బాధిత కుటుంబాలను పరామర్శించారు. 

Pages

Don't Miss

Subscribe to RSS - ఉత్తరప్రదేశ్