ఉద్యోగులు

08:28 - May 12, 2018

హైదరాబాద్ : తెలంగాణలో ఉద్యోగ, ఉపాధ్యాయుల డిమాండ్లు, సమస్యల పరిష్కారం దిశగా మరో ముందడుగు పడింది. ఈ అంశంపై ఏర్పాటైన మంత్రుల కమిటీ తన కసరత్తు పూర్తి చేసి, ముఖ్యమంత్రి కేసీఆర్‌కు నివేదిక అందజేసింది.
మంత్రల కమిటీ ఉద్యోగ, ఉపాధ్యాయ సంఘాలతో విడివిడిగా చర్చలు  
ఆర్థికమంత్రి ఈటల రాజేందర్‌ నేతృత్వంలో మంత్రులు కేటీఆర్‌, జగదీశ్‌రెడ్డితో ఏర్పాటు చేసిన మంత్రల కమిటీ ఉద్యోగ, ఉపాధ్యాయ సంఘాలతో విడివిడిగా చర్చలు జరిపింది. ఈ వివరాలతో కూడిన నివేదికను ముఖ్యమంత్రి కేసీఆర్‌కు అందజేసింది. కేటీఆర్‌ అందుబాటులో లేకపోవడంతో ఈటల, జగదీశ్‌రెడ్డి కేసీఆర్‌ను కలిసి నివేదిక సమర్పించారు. 
మొత్తం 18 డిమాండ్లను ప్రభుత్వం ముందు ఉంచిన జేఏసీ 
ఉద్యోగుల సమస్యలపై ముఖ్యమంత్రికి అందజేసిన నివేదికలో పలు అంశాలను చేర్చారు. బదిలీలపై నిషేధం ఎత్తివేత, వేతన సవరణ సంఘం ఏర్పాటు, సీపీఎస్‌ ఎత్తివేసి, పాత పెన్షన్‌ విధానం పునరుద్ధరణ, ఉద్యోగుల కేటాయింపుల్లో భాగంగా ఏపీకి పంపిన తెలంగాణ నాల్గవ తరగతి  నాలుగో తరగతి ఉద్యోగులను ఆంధ్రా నుంచి వెనక్కు తీసుకురావడం సహా మొత్తం 18 డిమాండ్లను ఉద్యోగ సంఘాల జేఏసీ ప్రభుత్వం ముందు ఉంచింది. ఉపాధ్యాయ సంఘాలు కూడా ఉద్యోగ సంఘాలు లేవనెత్తిన అంశాలతో పాటు మరికొన్నింటిని  ప్రభుత్వం ముందు ఉంచాయి. ఇందులో ఏకీకృత సర్వీసు నిబంధనల అంశం సహా 34 డిమాండ్లు ఉన్నాయి. వీటన్నిటిపై ఆయా సంఘాల ప్రతినిధులతో మంత్రుల కమిటీ చర్చించింది.
పలు డిమాండ్లపై మంత్రుల కమిటీ సానుకూల స్పందన
సాధారణ బదిలీలపై నిషేధం ఎత్తివేత, వేతన సవరణ సంఘం ఏర్పాటు సహా పలు డిమాండ్లపై మంత్రుల కమిటీ పూర్తి సానుకూలంగా స్పందించింది. ఉద్యోగ, ఉపాధ్యాయ సంఘాలు లేవనెత్తిన డిమాండ్లను మంత్రుల కమిటీ మూడు రకాలుగా వర్గీకరించింది. ఎలాంటి ఇబ్బందులూ లేని తక్షణమే పరిష్కరించేందుకు అవకాశం ఉన్న సమస్యలను ఒక కేటగిరీగా గుర్తించారు. న్యాయ వివాదాలతో ముడిపడి ఉన్న అంశాలను మరో రకంగా వర్గీకరించారు. ఇప్పటికిప్పుడు పరిష్కరించలేని డిమాండ్లను మూడో రకంగా వర్గీకరించారు. ఉద్యోగులు కష్టించి పనిచేస్తుండటంతోనే తెలంగాణ ప్రభుత్వం అన్ని రంగాల్లో ముందుకు దూసుకుపోతోందని  ఆర్థిక మంత్రి ఈటల చెబుతున్నారు. ముఖ్యమంత్రి కేసీఆర్‌ ఈనెల 16న ఉద్యోగ, ఉపాధ్యాయ సంఘాలతో సీఎం  సమావేశమై, నివేదికలోని అంశాలపై చర్చించి కీలక నిర్ణయాలు తీసుకుంటారు.
 

 

19:39 - May 4, 2018

హైదరాబాద్ : ఉద్యోగ సంఘాల నేతలతో తెలంగాణ కేబినెట్ సబ్ కమిటీ భేటీ అయింది. ఉద్యోగుల బదిలీలు, సీసీఎస్ రద్దు, కొత్త పీఆర్సీపై చర్చించింది. సెక్రటేరియట్‌లో మంత్రి ఈటెల రాజేందర్ నేతృత్వంలో ఉద్యోగ సంఘాల నేతలతో సబ్‌కమిటీ చర్చలు జరిపింది. సానుకూలంగా చర్చలు జరిగాయని.. మరోసారి టీచర్లతో ప్రత్యేకంగా భేటీ కానున్నట్లు ఈటల తెలిపారు. ఉద్యోగ సంఘాలతో జరిపిన చర్చల నివేదికను సీఎం కేసీఆర్‌కు అందజేస్తామన్నారు. ఆదివారం సీఎం సమక్షంలో మరోసారి ఉద్యోగ సంఘాలతో భేటీయ అయ్య అవకాశం ఉందన్నారు. సబ్‌ కమిటీకి నాలుగేళ్ల నుంచి తాము ఎదుర్కొంటున్న సమస్యలన్నీ వివరించామని ఉద్యోగ సంఘాల నేతలు తెలిపారు. మొత్తం 18 డిమాండ్లపై భేటీలో చర్చించామని... అన్నింటిపై ప్రభుత్వం సానుకూలంగా ఉందన్నారు. 

06:42 - April 12, 2018

తెలంగాణలో ఉద్యోగ, ఉపాధ్యాయ సంఘాలు ఆందోళన బాట పట్టాయి. వెంటనే పీఆర్సీ ఏర్పాటు చేయాలని, బకాయిపడ్డ డీఏలను చెల్లించాలని, కంట్రిబ్యూటరీ పెన్షన్‌స్కీమ్‌ నుంచి వైదొలిగేందుకు నిర్ణయం ప్రకటించాలని వారు తెలంగాణ రాష్ట్ర ప్రభుత్వాన్ని డిమాండ్‌ చేస్తున్నారు. ఎంప్లాయ్‌ ఫ్రెండ్లీ అని చెప్పుకునే ప్రభుత్వం... తాము లేవనెత్తుతున్న సమస్యలపై మెతకవైఖరి ప్రదర్శించడమేంటని వారు ప్రశ్నిస్తున్నారు. ఈ విషయాలపై టెన్ టివి జనపథంలో యూటీఎఫ్‌ తెలంగాణ రాష్ట్ర ప్రధాన కార్యదర్శి చావ రవి విశ్లేషించారు. పూర్తి వివరాలకు వీడియో క్లిక్ చేయండి. 

19:39 - April 2, 2018

విశాఖ : ఆంధ్రప్రదేశ్ మెడికల్ అండ్ సేల్స్ రిప్రజెంటేటివ్ ఉద్యోగులు విశాఖ కార్మిక శాఖ ఆఫీసును ముట్టడించారు. కేంద్ర ప్రభుత్వం బహుళజాతీ కంపెనీలకు అనుగుణంగా చట్టాలను మారుస్తూ... కార్మికుల హక్కులను కాలరాస్తున్నారని మెడికల్ రిప్రజెంటేటీవ్స్ వాపోయారు. కేంద్ర కార్మిక చట్టాలను మార్చి,  ఫస్ట్ టర్మ్ ఎంప్లాయిమెంట్  పేరుతో ఉద్యోగులను నియమించడం హేయమైన చర్య అని వారు ఆరోపించారు. తక్షణమే కేంద్ర ప్రభుత్వం కార్మిక వ్యతిరేఖ చట్టాలను ఉపంహరించుకోకపోతే పెద్ద ఎత్తున  ఆందోళన  చేస్తామని వారు హెచ్చరించారు.

 

14:19 - February 21, 2018

విజయవాడ : ఏపీ కేబినెట్ సమావేశంలో కీలక నిర్ణయాలు తీసుకున్నారు. బుధవారం ఉదయం కేబినెట్ భేటీ అయ్యింది. ఈ భేటీలో ఏపీ సీఎం చంద్రబాబు నాయుడు, మంత్రులు, అధికారులు పాల్గొన్నారు. ఉద్యోగులకు 2.096 శాతం డీఏ చెల్లింపునకు ఆమోదం తెలిపింది. ఏసీబీ శాఖలో 350 పోస్టుల భర్తీకి గ్రీన్ సిగ్నల్...300 పోస్టులు రెగ్యులర్..50 పోస్టులు ఔట్ సోర్సింగ్ ద్వారా భర్తీకి ఆమోదం తెలిపింది. పోలవరం కాంట్రాక్టు పనులు చేపట్టేందుకు సబ్ కాంట్రాక్టు పొందిన నవయుగ కంపెనీకి రూ. 1244 కోట్ల పనుల అనుమతికి మంజూరు చేసింది. 

06:36 - February 15, 2018

హైదరాబాద్ : తెలంగాణ రాష్ర్టం కోసం అలుపెరగని పోరాటం చేశారు... ఉద్యోగం ఊడినా.. ఉపాధి పోయినా సరే... ప్రత్యేక రాష్ర్టం కావాల్సిందేనని పెన్‌డౌన్‌ చేశారు... కేంద్ర, రాష్ర్ట ప్రభుత్వానికి ముచ్చెమటలు పట్టించిన తెలంగాణ ప్రభుత్వ ఉద్యోగులు... తమ సమస్యలపై స్పందించే నాథుడే లేక ఆందోళన చెందుతున్నారు.. మూడున్నళ్లుగా సర్కార్‌ ఉద్యోగుల సమస్యలు ఎక్కడ వేసిన గొంగళి అక్కడే అన్న చందంగా మారింది.

ప్రభుత్వ ఉద్యోగులు తెలంగాణ ఉద్యమంలో కీలక పాత్ర పోషించారు. సకలజనుల సమ్మెలో పిడికిలి బిగించి చరిత్ర సృష్టించారు. ప్రభుత్వ ఏర్పాటులోనూ కీలక పాత్ర పోషించారు... సంక్షేమ కార్యక్రమాలు ప్రజలకు చేర్చడంలో కూడా వారిదే ముఖ్య పాత్ర . అలాంటి ఉద్యోగులు నేడు తీవ్ర అసంతృప్తితో రగిలిపోతున్నారు.. తమ సమస్యల పరిష్కారానికి సర్కార్‌పై పోరాటానికి వారంతా సిద్ధపడుతున్నారు.

తెలంగాణ ఏర్పాటైన కొత్తలో ఇచ్చిన ఫిట్‌మెంట్‌ తప్ప ప్రభుత్వం తమకేమీ చేయలేదని ఉద్యోగులు ఆరోపిస్తున్నారు. కానీ ప్రజల్లో మాత్రం అన్ని సర్కార్‌ ఉద్యోగులకే అన్న ప్రచారం సాగుతుందంటున్నారు. కొత్త జిల్లాలకు ఉద్యోగులను కేటాయించిన ప్రభుత్వం... ఇంతవరకూ పర్మినెంట్‌ విధులు కేటాయించలేదంటున్నారు. అలాగే హెచ్‌ఆర్‌ కూడా ఫైనల్‌ చేయలేదంటున్నారు. ఈ సమస్యను ప్రభుత్వం వెంటనే పరిష్కరించాలని టీఎన్జీవో నాయకులు డిమాండ్‌ చేస్తున్నారు.

మరోవైపు ఉద్యోగులకు హెల్త్‌ స్కీమ్‌ అంటూ అట్టహాసంగా హెల్త్‌ కార్డులు పంపిణీ చేశారు. కానీ ఆ కార్డ్‌ పట్టుకునిపోతే కార్పొరేట్‌ ఆసుపత్రుల్లో వైద్యం చేయడం లేదని ఆరోపిస్తున్నారు ఉద్యోగులు. హెల్త్‌ మినిస్టర్‌ మాత్రం ఈ సమస్య ఏ మాత్రం పట్టనట్లు వ్యవహరిస్తున్నాడని విమర్శలు గుప్పిస్తున్నారు.. ఆసుపత్రుల యాజమాన్యంతో మాట్లాడి వెంటనే సమస్యను పరిష్కరించాలని ఉద్యోగ సంఘాల నేతలు కోరుతున్నారు.

రాష్ర్ట విభజన సమయంలో 600 మంది స్థానిక ఫోర్త్‌ క్లాస్‌ ఉద్యోగులను ఏపీకి కేటాయించారు. వారంతా మూడున్నరేళ్లనుంచి ఏపీ రాజధానిలో పనిచేస్తున్నారు. ఇందులో 238 మంది సెక్రటేరియట్‌కు చెందిన ఉద్యోగులు ఉన్నారు. వారంతా చాలా సార్లు సెక్రటేరియట్‌ ముందు ధర్నా, ఆందోళన కార్యక్రమాలు చేశారు. అయినా ప్రభుత్వం స్పందించ లేదని విమర్శిస్తున్నారు. 

సర్కార్‌ ఉద్యోగుల సమస్యలపై ఎంతగా ఆందోళన వ్యక్తం చేస్తున్నా... ప్రభుత్వం, అధికారులు  స్పందించడం లేదన్న  ఆరోపణలు తీవ్రంగా వినిపిస్తున్నాయి.  ఇవి ఎప్పటికి పరిష్కారం అవుతాయో వేచి చూడాల్సిందేనన్న అభిప్రాయం సర్వత్రా వ్యక్తమవుతోంది.

18:52 - February 10, 2018

కర్నూలు : సీపీఎస్ నూతన పెన్షన్ విధానాన్ని రద్దు చేయాలని ఉద్యోగ జేఏసీ డిమాండ్ చేసింది. ఈ మేరకు కర్నూలులో ఉద్యోగ, ఉపాధ్యాయ, కార్మిక పెన్షనర్ల ఐక్య కార్యాచరణ సమితి ఆధ్వర్యంలో..కర్నూలు కలెక్టరేట్ ఎదుట ఉద్యోగులు నిరసన కార్యక్రమం చేపట్టారు. సీపీఎస్ విధానాన్ని రద్దు చేసి... ఓపీఎస్ సిస్టమ్ అమలు చేయాలని ఉద్యోగులు డిమాండ్ చేస్తున్నారు. లేకుంటే తీవ్ర పరిణామాలు ఉంటాయని కర్నూలు ఉద్యోగ జేఏసీ నేతలు హెచ్చరిస్తున్నారు. పూర్తి వివరాలకు వీడియో క్లిక్ చేయండి.

సీపీఎస్‌ను రద్దు చేయాలంటూ.. పెన్షన్‌ సాధన సమితి ఆధ్వర్యంలో... విజయవాడ అలంకార్‌ ధర్నా చౌక్‌లో మహాధర్నాచేపట్టారు. ఈ కార్యక్రమంలో ఏపీ ఎన్జీవో అధ్యక్షుడు అశోక్‌బాబు, పీడీఎఫ్‌ ఎమ్మెల్సీ బొడ్డు నాగేశ్వరరావు, వెస్ట్ కృష్ణా ఎన్జీవో అధ్యక్షుడు విద్యాసాగర్‌ పాల్గొన్నారు. రాష్ర్టంలో లక్షా 86వేల మంది ఉద్యోగులు సీపీఎస్‌ విధానం వల్ల భద్రత కోల్పోయారన్నారు. పాత విధానాన్నే కొనసాగిస్తూ అసెంబ్లీలో తీర్మానం చేయాల్సిన అవసరం ఉందన్నారు. కేంద్ర, రాష్ర్ట ప్రభుత్వాలు స్పందించకుంటే పెద్దఎత్తున ఉద్యమిస్తామని వారు హెచ్చరించారు. 

12:25 - December 8, 2017

విజయవాడ : 'మేము ప్రభుత్వ ఉద్యోగులం..అయిన్నంత మాత్రనా ప్రభుత్వం తమను రాసుకుందా ? ప్రభుత్వం ప్రకటించే సంక్షేమ పథకాలు..వివిధ పథకాలు అమలు చేయాలంటే ప్రభుత్వ ఉద్యోగులు కీలకం..రాత్రింబవళ్లు..మొగుడు..పిల్లలు లేకుండా పని చేస్తున్నాం..ఇంత చేస్తున్నప్పుడు తమ సమస్యలపై ప్రభుత్వం ఎందుకు స్పందించదు'..అంటూ ఓ ప్రభుత్య ఉద్యోగురాలు ప్రశ్నించింది. విజయవాడలో జనసేన అధినేత పవన్ కళ్యాణ్ తో సీపీఎస్ ఉద్యోగులు భేటీ అయ్యారు. తమ సమస్యలు పరిష్కరించే విధంగా ప్రభుత్వంపై వత్తిడి చేయాలన్నారు. 18 రాష్ట్రాల్లో సీపీఎస్ రద్దు చేయాలనే పోరాటాలు కొనసాగుతున్నాయని ఉద్యోగులు పేర్కొన్నారు. సీపీఎస్ విధానంపై తాను అధ్యయనం చేయాల్సినవసరం ఉందని..ఇందుకు తగిన నిపుణులతో భేటీ అయి వివరాలు సేకరించడం జరుగుతుందన్నారు. 1.80వేల కుటుంబాలకు సంబంధించిన అంశమన్నారు. ఆయా విషయాల్లో సీఎం అయితే తాము అది చేస్తామని..ఇది చేస్తామని చెబుతారని ఒకవేళ 2019లో జగన్ సీఎం అయితే ఇదే చెబుతారని..వ్యక్తులు మారితే వ్యవస్థలో మార్పు రాదని..వ్యవస్థలో మార్పు రావాలని పవన్ పేర్కొన్నారు. పూర్తి వివరాలకు వీడియో క్లిక్ చేయండి. 

17:30 - December 6, 2017

విశాఖ : డీసీఐ ప్రైవేటీకరణకు వ్యతిరేకంగా ఉద్యోగులు చేపట్టిన ఆందోళన ఉధృతమవుతోంది. జీవీఎంసీ ఎదుట ఉన్న గాంధీ విగ్రహం దగ్గర ఉద్యోగులు ధర్నా చేపట్టారు. ఈ ధర్నాలో ఉద్యోగులతోపాటు వెంకటేష్ కటుంబసభ్యులు పాల్గొన్నారు. తమవాడి మృతితో అయినా డీసీఐ ప్రైవేటీకరణ ఆగాలని వెంకటేష్ కుటుంబ సభ్యులు ఆకాంక్షించారు. 

 

12:15 - December 6, 2017

విశాఖపట్టణం : డ్రెడ్జింగ్ కార్పొరేషన్ ను ప్రైవేటీకరించవద్దంటూ ఉద్యోగులు చేపడుతున్న ఆందోళన తీవ్రతరమౌతోంది. గత నెల 27వ తేదీ నుండి రిలే నిరహార దీక్షలు చేపడుతున్న సంగతి తెలిసిందే. దురదృష్టవశాత్తు తీవ్ర మనస్థాపానికి గురైన డ్రెడ్జింగ్ కార్పొరేషన్‌ ఉద్యోగి వెంకటేష్ ఆత్మహత్య చేసుకోవడంతో ఒక్కసారిగా పరిస్థితులు మారిపోయాయి. ఈ నేపథ్యంలో జనసేన అధినేత పవన్ కళ్యాణ్ ఆందోళన చేపడుతున్న ఉద్యోగులతో మాట్లాడడానికి జిల్లాకు వచ్చారు. ఆత్మహత్య చేసుకున్న వెంకటేష్ కుటుంబాన్ని ఆయన పరామర్శించనున్నారు.

ఈ సందర్భంగా ఆందోళన చేపడుతున్న ఉద్యోగులతో టెన్ టివి మాట్లాడింది. ప్రైవేటీకరణపై కేంద్ర ప్రభుత్వం వెనక్కి వెళ్లే అవకాశం ఉందని ఉద్యోగులు పేర్కొంటున్నారు. లాభాల్లో ఉన్న డీసీఐ ఎలా ప్రైవేటీకరిస్తారని ప్రశ్నిస్తున్నారు. మరి జనసేనాని ఎలా స్పందిస్తారు ? కేంద్రానికి ఎలాంటి అల్టిమేటం..డిమాండ్లు ఇస్తారనేది వేచి చూడాలి. 

Pages

Don't Miss

Subscribe to RSS - ఉద్యోగులు