ఎన్టీఆర్

14:30 - September 20, 2018

మహానటి సావిత్రి జీవిత కథ ఆధారంగా రూపొందిన మహానటి చిత్రంతో, టాలీవుడ్ లో బయోపిక్‌ల ట్రెండ్ మొదలయ్యింది..  నందమూరి బాలకృష్ణ, తన తండ్రి, స్వర్గీయ, నందమూరి తారకరామారావు జీవిత గాధని, ఎన్టీఆర్ పేరుతో తెరకెక్కిస్తున్న సంగతి తెలిసిందే.. 
క్రిష్ డైరెక్ట్ చేస్తుండగా, వారాహి చలన చిత్రం మరియు విబ్రి మీడియా సమర్పణలో, ఎన్‌బికె ఫిలిమ్స్ బ్యానర్‌పై రూపుదిద్దుకుంటున్న ఈమూవీ రెగ్యులర్ షూటింగ్ జరుపుకుంటుంది. 
ఎన్టీఆర్‌గా బాలయ్య,నారా చంద్రబాబు నాయుడుగా రానా నటిస్తుండగా, అక్కినేని నాగేశ్వరరావు పాత్రలో ఆయన మనవడు సుమంత్ కనిపించబోతున్నాడు..
ఈ రోజు  ఏఎన్నార్ జయంతి సందర్భంగా,  ఏఎన్నార్ లివ్స్ ఆన్ అంటూ, ఆయన పాత్ర పోషిస్తున్న సుమంత్ లుక్ రిలీజ్ చేసింది చిత్రబృందం.. ఈ లుక్ చూసిన అక్కినేని అభిమానుల ఆనందానికి అవధుల్లేవు.. మీసాలు తీసేసి,కళ్లజోడుతో సుమంత్ అచ్చు గుద్దినట్టు తాతగారిలా దిగిపోయాడు..ఎన్టీఆర్ సినీ,రాజకీయ విశేషాలతో రూపొందుతున్న ఈ బయోపిక్‌లో ఆయనకి అత్యంత ఆప్తుడైన 
 ఏఎన్నార్ పాత్రకూడా కీలకంగా ఉండబోతుంది.. వీళ్ళిద్దరూకలిసి 14 సినిమాల్లో నటించారు.. 
మొదట ఎన్టీఆర్‌లా బాలయ్య, చంద్రబాబుగా రానా, ఇప్పుడు  ఏఎన్నార్‌లా సుమంత్ లుక్స్‌ని రిలీజ్ చేసి, సినిమాపై అంచనాలు పెరిగేలా చేసింది చిత్రబృందం..ప్రస్తుతం సోషల్ మీడియాలో సుమంత్ లుక్ సందడి చేస్తోంది.. 
జనవరి 9వ తేదీన ఈ చిత్ర్రం విడుదల కానుంది.. 

12:41 - September 17, 2018

టాలీవుడ్ యంగ్ టైగర్ ఎన్టీఆర్ తాజా చిత్రం కోసం అభిమానులు ఎదురు చూస్తున్నారు. మాటల మాంత్రికుడు త్రివిక్రమ్ శ్రీనివాస్ కాంబినేషన్ ఈ చిత్రం రూపొందుతుండడంతో భారీ అంచనాలు నెలకొన్నయి. ఈ సినిమాలో పలు విశేషాలు ఉన్నాయని జోరుగా ప్రచారం జరుగుతోంది. చిత్రంలో ఎన్టీఆర్ సిక్్స ప్యాక్ తో కనిపిస్తుండడం అభిమానులను అలరిస్తోంది. పూజా హెగ్డే కథానాయికగా నటిస్తోంది. ప్రస్తుతం షూటింగ్ చివరి దశకు చేరుకుంది. హారిక, హాసిని క్రియేషన్్స పతాకంపై ఎస్. రాధాకృష్ణ ఈ సినిమాను నిర్మిస్తున్నారు.

ఇప్పటికే సినిమాకు సంబంధించిన పోస్టర్లు విడుదలై అలరిస్తున్నాయి. తాజాగా ఓ లిరిక్ సాంగ్ ను కూడా విడుదల చేశారు. చిత్ర టీజర్ కు విశేష స్పందన కూడా వస్తోంది.కానీ చిత్రం షూటింగ్ దశలో ఉండగానే ఎన్టీఆర్ తండ్రి హరికృష్ణ హఠాన్మరణం చెందడంతో ఆ కుటుంబంలో తీవ్ర విషాద ఛాయలు అలుముకున్నాయి. సినిమా ఆడియో ఈ నెల 20వ తేదీన జరుగనుంది. కానీ వేడుకలా కాకుండా ఆన్ లైన్ లోనే విడుదల చేయనున్నారు. ఈ విషయం చిత్ర యూనిట్ సోషల్ మాధ్యమం ద్వారా తెలియచేసింది. ‘అరవింద సమేత ఆడియో సెప్టెంబర్ 20న నేరుగా మార్కెట్ లోకి విడుదలవుతోంది. అనంతరం ప్రీ రిలీజ్ వేడుకను నిర్వహిస్తారు’ అని వెల్లడించింది. జగపతిబాబు, సునీల్, నాగబాబు తదితరులు కీలక పాత్రలు పోషిస్తున్నారు. ఈ సినిమాను దసరా కానుకగా విడుదల చేసేందుకు ప్రయత్నాలు జరుగుతున్నాయి. 

11:29 - September 6, 2018

అమరావతి : పార్టీ విషయంలో క్రమశిక్షణను ఉల్లంఘించివారు ఎంతటివారైనా వారిపై సీఎం చంద్రబాబు ఉపేక్షించరు. తాను పాటించే క్రమశిక్షణ అందరు పాటించాలని తరచు ఆయన నేతలకు చెబుతుంటారు. దీనిపై ఎటువంటి రాజీ లేదని చంద్రబాబు పలుమార్లు చెప్పినా కొందరు వాటిని పాటించకపోవటంపై ఆయన ఆగ్రహం వ్యక్తం చేస్తుంటారు. ఈ క్రమంలోనే చంద్రబాబు మంత్రులు, ఎమ్మెల్యేలు, ఎమ్మెల్సీల వ్యవహారశైలి ముఖ్యమంత్రి చంద్రబాబుకు తీవ్ర ఆగ్రహం తెప్పించింది. వివరాల్లోకి వెళ్తే, అసెంబ్లీ సమావేశాల తొలి రోజున పార్టీ వ్యవస్థాపక అధ్యక్షుడు దివంగత ఎన్టీఆర్ కు నివాళి అర్పించడం ఆనవాయతీగా వస్తోంది. హైదరాబాదులో సమావేశాలు జరిగినప్పుడు ఎన్టీఆర్ ఘాట్ కు వెళ్లి నివాళి అర్పించేవారు. అసెంబ్లీ అమరావతికి మారాక... వెంకటపాలెంలోని ఎన్టీఆర్ విగ్రహానికి నివాళి అర్పిస్తున్నారు. అయితే, ఈ రోజు వర్షాకాల సమావేశాల ప్రారంభం సందర్భంగా నివాళి అర్పించాల్సిన బాధ్యతను టీడీపీ ప్రజాప్రతినిధులు విస్మరించారు.

నివాళి అర్పించే కార్యక్రమానికి చంద్రబాబుతో పాటు మంత్రులు నారా లోకేష్, దేవినేని ఉమా, అచ్చెన్నాయుడు, జవహర్, ఎమ్మెల్యేలు యామినీబాల, చాంద్ బాషా, రాధాకృష్ణ, శ్రవణ్ కుమార్, పీలా గోవింద్, గణబాబు, మాధవనాయుడు, ఎమ్మల్సీలు కరణం బలరాం, పోతుల సునీత, గౌరుగాని శ్రీనివాస్, టీడీ జనార్ధన్ మాత్రమే హాజరయ్యారు. మిగిలిన వారు హాజరుకాకపోవడంతో చంద్రబాబు సీరియస్ అయ్యారు. పార్టీకి ఇచ్చే గౌరవం ఇది కాదని మండిపడ్డారు. 

16:41 - September 3, 2018

'ఎన్టీఆర్' బయోపిక్ సినిమాకు సంబంధించిన షూటింగ్ స్పీడ్ గా జరిగిపోతోంది. ఈ సినిమాకి సంబంధించిన కీలక సన్నివేశాల్ని అబిడ్స్ లోని ఎన్టీఆర్ పాత ఇంట్లో షూట్ చేశారు. అసెంబ్లీ సమావేశాలకు సంబంధించిన సన్నివేశాలను చిత్రీకరించడానికి అన్ని ఏర్పాట్లు జరుగుతున్నాయి. 'ఎన్టీఆర్' సినిమాలో శ్రీదేవిగా ఇప్పటికే రకుల్..జయప్రద పాత్రలో రాశిఖన్నా నటించనుందనే టాక్స్ హల్ చల్ చేస్తున్నాయి.

ఇక ఎన్టీఆర్ సినిమాలో అలనాటి మేటి నటుడు..నిలువెత్తు విశ్వరూపం అయిన ఎస్వీ రంగారావు పాత్ర చాలా కీలకమైనది. ఈ పాత్రలో 'నాగబాబు'ను తీసుకోనున్నారనే టాక్ బలంగా వినిపిస్తోంది. ఎందుకంటే అంతటి భారీకాయానికి నాగబాబు సరిపోతాడని ఆయనతో సంప్రదించినట్లుగా తెలుస్తోంది. 'మహానటి' సినిమాలో ఎస్వీరంగారావు పాత్రను మోహన్ బాబు అద్భుతంగా పోషించారు. ఎన్టీఆర్ తో మోహన్ బాబుకి గల ప్రత్యేకమైన అనుబంధం కారణంగా, 'ఎన్టీఆర్' బయోపిక్ లోను ఎస్వీఆర్ పాత్రలో మోహన్ బాబు కనిపించే అవకాశం ఉందని కూడా అనుకున్నారు. కానీ బయోపిక్ లో కొత్తదనాన్ని ఆడియన్స్ మిస్ అవుతారనే ఉద్దేశంతో నాగబాబును సంప్రదిస్తున్నట్టుగా తెలుస్తోంది. ఈ పాత్రకి నాగబాబు సరిగ్గా సరిపోతారనీ .. ఇటీవల ఆయన గొంతు సమస్యతో ఇబ్బంది పడుతుండటంతో వేరే వారితో డబ్బింగ్ చెప్పించ వచ్చని కూడా సిని వర్గాల సమాచారం. 

13:42 - August 29, 2018

హైదరాబాద్ : నందమూరి హరికృష్ణ మృతికి సిని, రాజకీయ రంగ ప్రముఖులు తీవ్ర సంతాపం తెలియచేశారు. గురువారం మెహిదీపట్నంలో అంత్యక్రియలు నిర్వహించనున్నారు. నల్గొండ జిల్లా అన్నేపర్తిలో జరిగిన ఘోర రోడ్డు ప్రమాదంలో హరికృష్ణ దుర్మరణం చెందిన సంగతి తెలిసిందే. నార్కట్ పల్లి కామినేని ఆసుపత్రిలో పోస్టుమార్టం నిర్వహించిన అనంతరం హైదరాబాద్ కు తరలించారు. మెహిదీపట్నంలోని హరికృష్ణ నివాసంలో ఆయన మృతదేహాన్ని ఉంచనున్నారు.

ఈ సందర్భంగా ఆయన అంత్యక్రియలను అధికారిక లాంఛనాలతో నిర్వహించాలని సీఎస్ కు సీఎం కేసీఆర్ ఆదేశించారు. కుటుంబసభ్యులతో మాట్లాడి అంత్యక్రియలకు ఏర్పాట్లు చేయాలని ఆదేశించారు. కాసేపట్లో సీఎం కేసీఆర్ మెహిదీపట్నంకు వెళ్లనున్నారు. అక్కడ హరికృష్ణ మృతదేహానికి నివాళులర్పించి కుటుంసభ్యులను పరామర్శించనున్నారు. 

15:19 - August 20, 2018

ఓ స్టార్ హీరో.. స్టార్ డైరక్టర్..ఇంత వరకు మనం చూడని క్రేజీ కాంబినేషన్ ఎప్పుడూ తను టచ్ చేయని కొత్త ఎలిమెంట్ ను టచ్ చేశాడు దర్శకుడు. తనకు అలవాటు అయిన సబ్టెక్స్ ను ఇంకా కొత్తగా చూపించడానికి రెడీ అయ్యాడు హీరో.. రీసెంట్ టీజర్ తో అందరికి క్లారిటీ కూడా ఇచ్చారు. యంగ్ టైగర్ 'ఎన్టీఆర్', మాటల మాంత్రికుడు 'త్రివిక్రమ్ శ్రీనివాస్'.. వీరిద్దరి కాంబినేషన్ లో 'అరవింద సమేత' మూవీ వస్తున్న సంగతి తెలిసిందే. అయితే అంతకు మందు కొరటాల శివ డైరక్షన్ లో జనతా గ్యారేజ్ లో సాఫ్ట్ గా చెప్పి.. వినకపోతే హార్డ్ వేరు పరితనం చూపించాడు తారక్.. తరువాత కిందటి ఏడాది బాబి దర్శకత్వంలో వచ్చిన 'జై లవకుశ'లోమూడు పాత్రలలో మూడు వేరియేషన్స్ చూపించి అభిమానుల మతిపోగొట్టాడు యంగ్ టైగర్. దాంతో త్వరలో రాబోయే సినిమాపై అభిమానుల్లో భారీ అంచనాలు ఏర్పడ్డాయి.

త్రివిక్రమ్, తారక్ కలయికలో 'అరవింద సమేత' టైటిల్ తో వస్తున్న మూవీ టీజర్ విడుదలై మంచి రెస్పాన్స్ ను తెచ్చుకొంటోంది. త్రివిక్రం మొదటిసారిగా యాక్షన్ సెగ్మెంట్ ను టచ్ చేశాడు. జూనియర్ కు ఈ మూవీస్ కొత్త కాకపోయినా.. త్రివిక్రం డైరక్షన్ లో ఈమూవీ సరికొత్తగా ఉండబోతోందంట. టీజర్ లో ఎన్టీఆర్ చాలా కొత్తగా, హ్యాండ్ సమ్ లుక్ తో ఉన్నారు. స్ట్రాంగ్ సీమ డైలాగ్స్ ను న్యూ మాడిలేషన్ తో చెప్పాడు ఎన్టీఆర్. ఇక ఈ మూవీలో ఎన్టీఆర్ 15నిముషాల పాటు సిక్స్ ప్యాక్ ఎక్స్ పోజ్ చేస్తాడని టాక్ వినిపిస్తుంది. 'టెంపర్' మూవీకి అప్పుడే సిక్స్ ప్యాక్ చేసిన తారక్ ఆ మూవీలో సరిగ్గా ఎక్స్ పోజ్ చేయలేకపోయాడు. ఇక 'అరవింద సమేత'లో యాక్షన్ ఎపిసోడ్స్ ఈ మూవీకి హైలెట్స్ అవ్వనున్నాయట. ఇక చాలా రోజుల తరువాత ఫుల్ యాక్షన్ ఎంటర్టైనర్ గా ఈ చిత్రాన్ని తెరకెక్కిస్తున్నాడు మాటల మాంత్రికుడు త్రివిక్రమ్. పూజా హెగ్డే కథానాయికగా నటిస్తున్న ఈ చిత్రంలో నాగబాబు , జగపతి బాబులు ముఖ్య పాత్రలు పోషిస్తున్నారు. హారిక హాసిని క్రియేషన్స్ నిర్మిస్తున్న ఈ చిత్రానికి తమన్ సంగీతం అందిస్తున్నారు. మరి త్రివిక్రమ్ కు ఈ సినిమా కలిసి వస్తుందా ? లేదా ? అనేది చూడాలి. 

15:00 - August 20, 2018

మన స్టార్ హీరోల సినిమాలు ఇతర భాషల్లోకి డబ్బింగ్ అవ్వడం కామన్.. కథ నచ్చితే అప్పుడుప్పుడు రీమేక్ లు కూడా అవుతాయి.. అయితే టాలీవుడ్ స్టార్ హీరో మూవీ హిందీలో రీమేక్ అవుతుంది.. ఈ కథకు తగ్గ హీరోతో షూటింగ్ సూపర్ ఫాస్ట్ గా వెళ్తుందట. యంగ్ టైగర్ ఎన్టీఆర్ నటించిన 'టెంపర్' టాలీవుడ్ లో మంచి సక్సెస్ ను సాధించిన విషయం తెలిసిందే. పూరి జగన్నాథ్ దర్శకత్వం లో వచ్చిన ఈ మూవీలో ఎన్టీఆర్ డిఫరెంట్ రోల్ చేశారు.. పోలీస్ ఆఫీసర్ గా, విలన్ షేడ్స్ ఉన్న క్యారక్టర్ నుండి పాజిటీవ్ క్యారక్టర్ కు కన్వర్ట్ అయిన పాత్రకు ప్రాణం పోశాడు ఎన్టీఆర్. ఆయన విలక్షణమైన నటనతో 'టెంపర్' మూవీని సక్సెస్ వైపు నడిపించాడు తారక్. సరికొత్త కథాంశంతో రూపొందిన ఈ మూవీలో జూనియర్ సరసన 'కాజల్' ఆడిపాడింది.

'టెంపర్' మూవీ టాలీవుడ్ తో పాటు బాలీవుడ్ కూడ ఎట్రాక్ట్ చేసింది. ప్రజంట్ ఈ మూవీని బాలీవుడ్ లో 'సింబా' పేరుతో రీమేక్ చేస్తున్నారు. టెంపర్ మూవీలో ఎన్టీఆర్ పాత్రను సింబా మూవీలో 'రణవీర్ సింగ్' నటిస్తున్నాడు. 'ఎన్టీఆర్' పాత్రలో 'రణవీర్ సింగ్' అద్భుతంగా నటిస్తున్నాడట. టెంపర్ ఫస్ట్ హాఫ్ లో వెటకారం ఎక్కువ ఉన్నా పోలీస్ ఆఫీసర్ గా ఎన్టీఆర్ కనిపిస్తాడు. ఆ నటన రణవీర్ సింగ్ బాడీ లాంగ్వేజ్ కరక్ట్ గా సరిపోయిందని టాక్ రోహిత్ శెట్టి దర్శకత్వంలో వస్తున్న ఈ మూవీలో 'సారా అలీ ఖాన్' హీరోయిన్ గా నటిస్తోంది. 

13:19 - August 16, 2018

తారక్ తన స్వశక్తితో స్టార్ హీరోగా ఎదిగాడు. ఎమోషన్, యాక్షన్, డాన్స్, డైలాగ్ వంటి పలు షేడ్స్ లో అద్భుతమైన నటుడుగా పేరు సాధించుకున్నాడు. ఇండ్రస్ట్రీలో కసిగా ఎదిగి స్టార్ హీరోల స్థాయికి ఎదిగాడు. నందమూరి వంశం నుండి వచ్చినా..తనకంటు ఓ బ్రాండ్ ఇమేజ్ ను సాధించుకున్న యువ స్టార్ హీరో తారక్. త్రివిక్రమ్ దర్శకత్వంలో అరవింద సమేత సినిమా విడుదలకు సిద్ధంగా వుంది. మరి తారక్ రాబోయే సినిమా కోసం కూడా తారక్ అభిమానులు త్వరపడుతున్నారు. ఈ క్రమంలో కొరటాలతో తారక్ సినిమా ఖరారైనట్లుగా సమాచారం..వీరిద్దరి కాంబినేషన్లో వచ్చిన 'జనతా గ్యారేజ్' వసూళ్లతో సరికొత్త రికార్డులను కొల్లగొట్టింది. ఎమోషన్..యాక్షన్ తో కూడిన ఈ సినిమా, ఎన్టీఆర్ కెరియర్లో చెప్పుకోదగినదిగా నిలిచింది. ఎన్టీఆర్ అభిమానులకు ఈ సినిమా ఎంతో సంతృప్తిని ఇచ్చింది. అలాంటి ఈ కాంబినేషన్లో మరో సినిమా రానున్నట్టుగా కొన్ని రోజులుగా ఒక వార్త షికారు చేస్తోంది. ఈ కాంబినేషన్లో మరో ప్రాజెక్టు ఓకే అయిపోయినట్టేననేది తాజా సమాచారం. ఇటీవల కొరటాల .. ఎన్టీఆర్ ను కలిసి ఒక లైన్ చెప్పారట. వినోదానికి సందేశాన్ని జోడించి కొరటాల చెప్పిన లైన్ నచ్చడంతో, ఎన్టీఆర్ గ్రీన్ సిగ్నల్ ఇచ్చేశాడని అంటున్నారు. ఇంతవరకూ తాను చెయ్యని పాత్ర కావడంతో ఎన్టీఆర్ చాలా హ్యాపీగా వున్నాడని చెబుతున్నారు. అయితే ఈ ప్రాజెక్టు కంటే ముందుగా చిరంజీవితో కొరటాల ఒక సినిమా చేయవలసి వుంది. డిసెంబర్లో ఈ సినిమా షూటింగ్ మొదలై .. వచ్చే ఏడాది ప్రథమార్థంలో ప్రేక్షకుల ముందుకు రానుంది. ఆ తరువాతనే ఎన్టీఆర్ .. కొరటాల కాంబినేషన్ సెట్స్ పైకి వెళుతుంది.  

12:07 - August 16, 2018

దివంగత నేత ఎన్.టి.రామారావు జీవిత కథ ఆధారంగా తెరకెక్కుతున్న చిత్రం "ఎన్టీఆర్ బయోపిక్". ఈ చిత్రంలో అన్ని విశేషాలే.ఈ చిత్రానికి క్రిష్ జాగర్లమూడి దర్శకత్వం వహిస్తున్న విషయం..ఎన్టీఆర్ పాత్రలో ఆయన కుమారుడు బాలకృష్ణ హీరోగా నటిస్తున్న విషయం తెలిసిందే. ఈ సినిమాకు సంబంధించి ఇప్పటికే షూటింగ్ లో పలు అంశాలు చిత్రీకరణ జరిగింది. చిత్రంలో పలు కీలక పాత్రలకు పలువురు సీనియర్ నటీనటులతో పాటు తాజా ఎంట్రీ ఇచ్చిన నటీమణులను కూడా ఎంపిక చేస్తున్నారు.

ఇందులోభాగంగా, ఎన్టీఆర్ అల్లుడు, టీడీపీ అధినేత, సీఎం చంద్రబాబు నాయుడు పాత్రలో రానా దగ్గుబాటి నటించనున్నారు. అలాగే, చంద్రబాబు భార్యగా మంజిమా మోహన్ నటించనుంది. అక్కినేని నాగచైతన్య హీరోగా వచ్చిన చిత్రం "సాహసం శ్వాసగా సాగిపో" అనే చిత్రంలో హీరోయిన్‌గా నటించింది. ఈమెను చంద్రబాబు భార్య భువనేశ్వరి పాత్రకు ఎంపిక చేసినట్టు వార్తలు వస్తున్నాయి.

అలాగే, అక్కినేని నాగేశ్వర రావు పాత్రలో ఆయన మనుమడు సుమంత్‌ నటిస్తుండగా, ఎన్టీఆర్ సతీమణి బసవతారకం పాత్రలో విద్యాబాలన్, సావిత్రిగా కీర్తి సురేష్‌లను ఎంపిక చేశారు. అంతేకాకుండా, మరికొన్ని కీలక పాత్రల్లో ప్రకాష్ రాజ్, కైకాల సత్యనారాయణ, రవి కిషన్, మురళీ శర్మ, సచిన్ ఖేదేకర్‌లు నటిస్తుంటే, ఈ చిత్రాన్ని బాలకృష్ణ, విష్ణు ఇందూరిలు కలిసి నిర్మిస్తున్నారు. ఎంఎం కీరవాణి సంగీత బాణీలు సమకూర్చుతున్నారు. ఈ సినిమా 2019 సంక్రాంతికి ప్రేక్షకుల ముందుకురానుంది. 

11:19 - August 16, 2018

తారక్ తన స్వశక్తితో స్టార్ హీరోగా ఎదిగాడు. ఎమోషన్, యాక్షన్, డాన్స్, డైలాగ్ వంటి పలు షేడ్స్ లో అద్భుతమైన నటుడుగా పేరు సాధించుకున్నాడు. ఇండ్రస్ట్రీలో కసిగా ఎదిగి స్టార్ హీరోల స్థాయికి ఎదిగాడు. నందమూరి వంశం నుండి వచ్చినా..తనకంటు ఓ బ్రాండ్ ఇమేజ్ ను సాధించుకున్న యువ స్టార్ హీరో తారక్. త్రివిక్రమ్ దర్శకత్వంలో అరవింద సమేత సినిమా విడుదలకు సిద్ధంగా వుంది. మరి తారక్ రాబోయే సినిమా కోసం కూడా తారక్ అభిమానులు త్వరపడుతున్నారు. ఈ క్రమంలో కొరటాలతో తారక్ సినిమా ఖరారైనట్లుగా సమాచారం..వీరిద్దరి కాంబినేషన్లో వచ్చిన 'జనతా గ్యారేజ్' వసూళ్లతో సరికొత్త రికార్డులను కొల్లగొట్టింది. ఎమోషన్..యాక్షన్ తో కూడిన ఈ సినిమా, ఎన్టీఆర్ కెరియర్లో చెప్పుకోదగినదిగా నిలిచింది. ఎన్టీఆర్ అభిమానులకు ఈ సినిమా ఎంతో సంతృప్తిని ఇచ్చింది. అలాంటి ఈ కాంబినేషన్లో మరో సినిమా రానున్నట్టుగా కొన్ని రోజులుగా ఒక వార్త షికారు చేస్తోంది. ఈ కాంబినేషన్లో మరో ప్రాజెక్టు ఓకే అయిపోయినట్టేననేది తాజా సమాచారం.

ఇటీవల కొరటాల .. ఎన్టీఆర్ ను కలిసి ఒక లైన్ చెప్పారట. వినోదానికి సందేశాన్ని జోడించి కొరటాల చెప్పిన లైన్ నచ్చడంతో, ఎన్టీఆర్ గ్రీన్ సిగ్నల్ ఇచ్చేశాడని అంటున్నారు. ఇంతవరకూ తాను చెయ్యని పాత్ర కావడంతో ఎన్టీఆర్ చాలా హ్యాపీగా వున్నాడని చెబుతున్నారు. అయితే ఈ ప్రాజెక్టు కంటే ముందుగా చిరంజీవితో కొరటాల ఒక సినిమా చేయవలసి వుంది. డిసెంబర్లో ఈ సినిమా షూటింగ్ మొదలై .. వచ్చే ఏడాది ప్రథమార్థంలో ప్రేక్షకుల ముందుకు రానుంది. ఆ తరువాతనే ఎన్టీఆర్ .. కొరటాల కాంబినేషన్ సెట్స్ పైకి వెళుతుంది.

 

Pages

Don't Miss

Subscribe to RSS - ఎన్టీఆర్