ఎన్నికలు

16:54 - November 20, 2018

హైదరాబాద్ : తెలంగాణ ఎన్నికల నేపథ్యంలో ప్రచారంలో బిజీబిజీగా గడుపుతున్న నేతలు జోరుమీదున్నారు. రోడ్ షోలు, బహిరంగ సభలతో వారి వారి నియోజకవర్గాలలో జోష్ గా ప్రచారాలను కొనసాగిస్తున్నారు. ఈ నేపథ్యంలో తన వాగ్ధాటితో టీఆర్ఎస్ నేత కేటీఆర్ నగరంలో పలు రోడ్ షోలతో బిజీ బిజీ కానున్నారు. ఈ క్రమంలో కేటీఆర్ రోడ్ షోల షెడ్యూల్ ఖరారయ్యింది. తెలంగాణ ఎన్నికల ప్రచారంతో టీఆర్ఎస్ దూకుడు పెంచింది. ఓవైపు కేసీఆర్ ప్రచార సభలతో హోరెత్తిస్తుంటే.. ఇటు యువనేత కేటీఆర్ కూడా బరిలోకి దిగుతున్నారు. బుధవారం నుంచి గ్రేటర్ హైదరాబాద్‌ పరిధిలోని నియోజకవర్గాల్లో ప్రచారానికి సిద్ధమయ్యారు. జంటనగరాల్లో రోడ్‌షోలతో హోరెత్తించబోతున్నారు. ఈ మేరకు కేటీఆర్ రోడ్ షో షెడ్యూల్‌ను విడుదల చేశారు. కేటీఆర్ రోడ్‌షోలు సాయంత్రం 4 గంటల నుంచి 7 గంటల వరకు.. రాత్రి 7 గంటల నుంచి 10 గంటల వరకు కొనసాగుతాయి. 

కేటీఆర్ రోడ్ షో షెడ్యూల్.. 
21- ఉప్పల్, మల్కాజ్ గిరి 
22- మహేశ్వరం, ఎల్బీ నగర్ 
23- కంటోన్మెంట్, సికింద్రాబాద్ 
24- సనత్ నగర్, జూబ్లీహిల్స్ 
26- కుత్భుల్లాపూర్, కూకట్ పల్లి 
27- గోషామహల్, ఖైరతాబాద్ 
28- శేరిలింగంపల్లి, పటాన్ చెరు 
29- అంబర్ పేట, ముషీరాబాద్ నియోజకవర్గాల్లో మంత్రి ఎన్నికల ప్రచారం నిర్వహించనున్నారు. 

 

15:48 - November 20, 2018

ఢిల్లీ : బీజేపీ సీనియర్ నేత, కేంద్ర మంత్రి సుష్మా స్వరాజ్ ఈరోజు ఓ సంచలన ప్రకటన చేశారు. పాలిటిక్స్ లో అపార అనుభవమున్న సుష్మా స్వరాజ్య వచ్చే ఏడాది జరగనున్న పార్లమెంట్ ఎన్నికలలో తాను పోటీ చేయడం లేదని  మీడియా సమావేశంలో ప్రకటించారు. వచ్చే ఎన్నికలలో పోటీ చేయాలా.. వద్దా.. అనేది పార్టీ నిర్ణయిస్తుందని కానీ, ఆరోగ్య పరమైన కారణాల వలన పోటీ చేయకూడదని ఓ నిర్ణయానికి వచ్చినట్లు ఆమె ఈ సందర్భంగా తెలిపారు. కాగా, ప్రస్తుతం సుష్మా విదిషా లోక్ సభ నియోజకవర్గం నుండి ప్రాతినిధ్యం వహిస్తున్నారు.
కాగా భారతీయ జనతా పార్టీకి చెందిన మహిళా నేతలలో అగ్రగణ్యురాలైన సుష్మాస్వరాజ్ 1952, ఫిబ్రవరి 14న హర్యానా లోని అంబాలా కంటోన్మెంటులో జన్మించారు. కేంద్రమంత్రిగాను, ఢిల్లీ ముఖ్యమంత్రిగాను పనిచేసిన సుష్మాస్వరాజ్ వర్తమాన భారతదేశపు మహిళా రాజకీయ నేతలలో ప్రముఖురాలు. 1970లో రాజకీయ రంగప్రవేశం చేసిన సుష్మా విద్యార్థి సంఘం నాయకురాలిగా ఉంటూ ఇందిరాగాంధీ ప్రభుత్వానికి వ్యతిరేకంగా ఉద్యమాలు చేపట్టి 1977లో తొలిసారిగా హర్యానా రాష్ట్ర శాసనసభలో కాలుపెట్టారు. అదే సంవత్సరంలో కేంద్రంలో ఏర్పాటైన జనతా ప్రభుత్వంలో స్థానం సంపాదించారు. 1996, 98లలో వాజపేయి మంత్రివర్గంలలో కూడా ఈమెకు చోటు లభించింది. 1998లో ఢిల్లీ ముఖ్యమంత్రిగా బాధ్యతలు చేపట్టారు. 2014 మే 26 నాడు నరేంద్రమోడి కేబినెట్‌లో కేంద్రమంత్రిగా నియమితులైనారు. సుష్మాస్వరాజ్ భర్త స్వరాజ్ కౌశల్‌ ప్రముఖ న్యాయవాది మరియు మిజోరాం గవర్నరుగా పనిచేశారు. ప్రస్తుతం ఎన్డీయే కేబినెట్ లో విదేశాంగశాఖామంత్రిగా పనిచేస్తున్న సుష్మా స్వరాజ్ నిర్ణయం బీజేపీలో సంచలన నిర్ణయమనే చెప్పవచ్చు.
 

14:03 - November 20, 2018

హైదరాబాద్ : తెలంగాణలో ఎన్నికల వేడి రోజు రోజుకు రాజుకుంటోంది. పోలింగ్ తేదీ దగ్గర పడటంతో జాతీయ పార్టీలు అధిష్టాలను రంగంలోకి దింపి ప్రచారం చేయిస్తున్నాయి. ఈ నేపథ్యంలో కాంగ్రెస్ పార్టీ సోనియా గాంధీతో ఎన్నికల ప్రచారం చేయించేందుకు సిద్ధపడుతోంది. ఈ క్రమంలో కాంగ్రెస్ పార్టీ పై కాంగ్రెస్ పార్టీ స్టార్ క్యాంపెయినర్ విజయశాంతి తీవ్ర అసహనం వ్యక్తంచేశారు. ఈ నెల 23న ఎన్నికల ప్రచారానికి సోనియాగాంధీ, రాహుల్ గాంధీలు వస్తున్నారు. ఈ నేపథ్యంలో, ఇరువురు నేతలకు స్వాగతం పలుకుతూ టీపీసీసీ ఒక పోస్టర్ ను విడుదల చేసింది. పోస్టర్ లో టీపీసీసీ సీనియర్ నేతల ఫొటోలను మాత్రమే ఉంచారని, ఒక్క మహిళా నాయకురాలి ఫొటోను కూడా లేరనీ మండిపడ్డారు. ఒక్క మహిళకు కూడా మంత్రి పదవి ఇవ్వలేదని టీఆర్ఎస్ పై మనం విమర్శలు గుప్పిస్తున్నామని... మన పోస్టర్ లో ఒక్క మహిళ ఫొటో కూడా లేకపోవడంపై ప్రజలు ఆశ్చర్యపోతున్నారని విమర్శించారు. ఈ సభలో కేవలం మగవాళ్లు మాత్రమే కాకుండా, మహిళలు కూడా పాల్గొంటారు కదా అని కాంగ్రెస్ పార్టీ పెద్దలపై రాములమ్మ మండిపడ్డారు.
 

15:30 - November 19, 2018

హైదరాబాద్ : తెలంగాణ రాష్ట్రంలో ఎన్నికల తంతులో ఒక ఘట్టం పూర్తయ్యింది. నామినేషన్ దాఖలు నవంబర్ 19వ తేదీ సోమవారం సాయంత్రం మూడు గంటలకు ముగిసింది. చివరి రోజు..కార్తీక మాసం రెండో సోమవారం..అదే రోజున ఏకాదశి కావడంతో చాలా మంది నామినేషన్ దాఖలుకు మంచి ముహూర్తంగా నిర్ణయించారు. ఆయా ఎన్నికల కార్యాలయాల వద్ద సందడి నెలకొలంది. భారీగా కార్యకర్తలు..అనుచరులు..అభిమానుల మధ్య నేతలు నామినేషన్ దాఖలు చేశారు. నామినేషన్ దాఖలులో అధికార, ప్రతిపక్షాలకు చెందిన ప్రముఖులున్నారు. 
ఈ నెల 20న నామినేసన్ల పరిశీలన.
22 వరకు నామినేషన్ పరిశీలన ఉపసంహరణ గడువు.
డిసెంబర్ 7న తెలంగాణ రాష్ట్రంలో పోలింగ్.
డిసెంబర్ 11న ఫలితాలు.

తెలంగాణ రాష్ట్రంలో నామినేషన్ ఆఖరి గడవు..చివరి వరకు ఉత్కంఠ. ఆయా పార్టీలు వ్యూహాలు రచిస్తూ చివరి రోజు వరకు పార్టీలు జాబితాలు ప్రకటించాయి. ప్రధానంగా మహాకూటమిలోనున్న పార్టీలు కేటాయించిన దానికన్నా అధిక సంఖ్యలో పోటీ పడుతున్నాయి. 94 స్థానాల్లో పోటీ చేస్తామని చెప్పిన కాంగ్రెస్ ఏకంగా 100 స్థానాల్లో అభ్యర్థులు నామినేషన్ దాఖలు చేయగా టీజేఎస్ 14 స్థానాల్లో, టీడీపీ 13 స్థానాలకు వారి వారి పార్టీ అభ్యర్థులు నామినేషన్ ప్రమాణ పత్రాలు దాఖలు చేశారు. సీపీఐ మాత్రం 3 స్థానాలతో సరిపెట్టుకుని అభ్యర్థులతో నామినేషన్ పత్రాలు దాఖలు చేశారు. అయితే కొన్ని స్థానాల్లో ఫ్రెండ్లీ పోటీ ఉంటుందని ఆయా పార్టీలు ప్రకటించాయి. ఈ నెల 20వ తేదీన నామినేషన్లను అధికారులు పరిశీలించనున్నారు. నామినేషన్ ఉపసంహరణ ఈ నెల 22లోపు చేసుకోవచ్చు.

15:37 - November 18, 2018

హైదరాబాద్ : తెలంగాణ రాష్ట్ర శాసనసభ ఎన్నికల్లో టీ.కాంగ్రెస్ 94 స్థానాల్లో పోటీ చేయనుంది. మహాకూటమిలో భాగంగా సీపీఐ, టీటీడీపీ, తెలంగాణ జనసమితికి పలు స్థానాలను కేటాయించింది. కూటమి పొత్తులో భాగంగా 94 స్థానాలకు పోటీ చేస్తున్న కాంగ్రెస్ శనివారం వరకూ 88 నియోజకవర్గాలకు అభ్యర్థులను ప్రకటించింది. మరో ఆరు స్థానాలకు అభ్యర్థులను ఖరారు చేయాల్సి ఉంది. సోమవారం నామినేషన్‌లు దాఖలు చేయడానికి చివరి గడువు. 
కాంగ్రెస్ ఇప్పటి వరకు విడుదల చేసిన జాబితాల్లో మహిళలకు 11 మందికి అవకాశం కల్పించారు. ఏడు స్థానాల్లో మైనార్టీ అభ్యర్థులను పోటీ చేయిస్తుండడం విశేషం. 

  • 12 ఎస్టీ నియోజకవర్గాల్లో పదింటిలో కాంగ్రెస్, ఒక చోట టీడీపీ,  మరోస్థానం నుండి సీపీఐ పోటీ చేస్తున్నాయి. 
  • 19 ఎస్సీ రిజర్వుడు స్థానాలకు గాను రెండు స్థానాల్లో మిత్రపక్షమైన టీజేఎస్, ఒక స్థానంలో సీపీఐ, మిగిలిన 16 స్థానాల్లో కాంగ్రెస్ పోటీ చేస్తున్నాయి. 
    కూటమిలో ఎవరికెన్నిసీట్లు
మొత్తం స్థానాలు  119
కాంగ్రెస్  94
టీడీపీ  14
టీజేఎస్  8
సీపీఐ  3
ప్రకటించాల్సివని  కాంగ్రెస్ 6, టీడీపీ 1, టీజేఎస్ 2
09:56 - November 17, 2018

హైదరాబాద్ : తెలంగాణ రాష్ట్రంలో నామినేషన్ల దాఖలుకు గడువు ముంచుకొస్తోంది. సోమవారంతో నామినేషన్ల ప్రక్రియ ముగియనున్న సంగతి తెలిసిందే. దీనితో ఆయా పార్టీల అభ్యర్థుల్లో నరాలు తెగే ఉత్కంఠ నెలకొంది. దీనికి ప్రధాన కారణం ఎంపిక ప్రక్రియ ఇంకా కొన..సాగూ..తూనే ఉంది. తెలంగాణ రాష్ట్రంలో 119 నియోజకవర్గాలకు డిసెంబర్ 7వ తేదీన పోలింగ్ జరుగనుంది. ముందస్తు ఎన్నికలకు తెరలేపిన గులాబీ బాస్ ముందే 105 మంది అభ్యర్థులను ప్రకటించేసి అభ్యర్థులను అయోమయంలో పడేశారు. అనంతరం ఇతరా అభ్యర్థులను కూడా ప్రకటించేశారు. 117 అభ్యర్థులను ప్రకటించిన టీఆర్ఎస్ కేవలం రెండు నియోజకవర్గాలకు (ముషీరాబాద్, కోదాడ) మాత్రం అభ్యర్థులను ప్రకటించలేదు. ప్రకటించిన అభ్యర్థులు ప్రచార పర్వంలో దూసుకపోతున్నారు. 
ఇక ప్రధాన ప్రతిపక్షమైన కాంగ్రెస్ మహాకూటమి పేరిట ఇతర పార్టీలను కలుపుకుంది. కానీ సీట్ల సర్దుబాటు..పొత్తులు ఇంకా ఖరారు కాలేదు. భాగస్వామ్య పక్షాల మధ్య సీట్లు, స్థానాల్లో ఏకాభిప్రాయం రావడం లేదు. ఉదయం నుండి అర్ధరాత్రి వరకు తెగ చర్చలు జరుగుతున్నాయి. మొత్తంగా కాంగ్రెస్ 94, తెలంగాణ జనసమితి 8, టీ.టీడీపీ 14, సీపీఐ 3 స్థానాల్లో పోటీ చేయడానికి సూత్రప్రాయంగా అంగీకారం మాత్రం కుదిరింది. ఇప్పటికే కాంగ్రెస్ రెండు జాబితాలు (75) ప్రకటించేసింది. అభ్యర్థులకు నవంబర్ 17వ తేదీ శనివారం నుండి బీ ఫారాలు అందచేయనుందని తెలుస్తోంది.
శుక్రవారానికి తెలంగాణలో మొత్తం 854 నామినేషన్లు దాఖలయ్యాయి. 
ఐదో రోజు 304 నామినేషన్లు దాఖలు.
ఇప్పటివరకూ టీఆర్‌ఎస్‌-112, కాంగ్రెస్‌-108, బీజేపీ-86, సీపీఎం-24, సీపీఐ-1, ఎన్‌సీపీ-3, బీఎస్‌పీ-30, టీడీపీ-16, ఎంఐఎం-6, స్వతంత్రులు-468 నామినేషన్లు దాఖలు.

కొన్ని నియోజకవర్గల్లో టికెట్ ఆశించి భంగపడిన కాంగ్రెస్ నేతలు అధిష్టానంపై కారాలు మిరియాలు నూరుతున్నారు. వీరంతా ఏకమై రెబెల్స్ గా బరిలోకి దిగేందుకు సన్నాహాలు చేస్తున్నారు. కూటమి పార్టీలకు సంబంధఇంచి 30 స్థానాల్లో ఎవరెక్కడ పోటీ చేస్తారనేది శుక్రవారం రాత్రి వరకు ఖరారు కాలేదు. 
ఇక బీజేపీ విషయానికి వస్తే ఇప్పటి వరకు 93 స్థానాలను ప్రకటించింది. మిగిలిన వాటి కోసం నేతలు లెక్కలు వేస్తున్నారు. అభ్యర్థుల ఎంపిక మరో రెండు రోజుల సమయం పడుతుందని తెలుస్తోంది. ప్రకటించిన అభ్యర్థులు వారి వారి నియోజకవర్గాల్లో ప్రచారం చేపడుతున్నారు. ఇంకా రెండు రోజులే మిగిలి వుండటంతో, దాఖలు చేసేవారి సంఖ్య పెరిగే అవకాశం ఉందని సమాచారం.

పార్టీ  పోటీ చేసే స్థానాలు ప్రకటించినవి
కాంగ్రెస్ 94 75
టీఆర్ఎస్  119  117
టీడీపీ  14  12
బీజేపీ  119  93
టీజేసీ 8 ---
సీపీఐ   3 3
20:30 - November 16, 2018

హైదరాబాద్ : రాజకీయాల్లో వినూత్న శైలిని అనుసరిస్తేనే టీఆర్ఎస్ ఓటమి సాధ్యమవుతుందని తెలంగాణ జన సమితి అధ్యక్షుడు కోదండరాం పేర్కొన్నారు.ఎన్నికల్లో ఓడితే రాజకీయ సన్యాసం చేస్తామని ప్రకటించిన నేతలు అందుకు సిద్ధంగా ఉండాలని టీఆర్ఎస్ నేతలకు కోదండరామ్ పిలుపునిచ్చారు. ఢిల్లీ పర్యటనలో ఉన్న కోదండరామ్ శుక్రవారం సాయంత్రం మీడియాతో మాట్లాడుతు ఈ వ్యాఖ్యలు చేశారు.  
మహాకూటమిలో జరుగుతున్న రాజకీయ పరిణామాలు తనకు నచ్చడం లేదన్నారు. సీట్ల సర్దుబాటులో కాంగ్రెస్ జాప్యంతో ఇప్పటికే టీజేఎస్‌కు చాలా నష్టం జరిగిందని పేర్కొన్నారు. సీట్ల సర్దుబాటులో 8 సీట్లలో 6 సీట్లపై స్పష్టత వచ్చిందన్నారు. ఈ క్రమంలో నవంబర్ 16న టీజేఎస్ ఆరుగురు అభ్యర్థుల జాబితాను విడుదల చేస్తామని వెల్లడించారు. మరో రెండు స్థానాల్లో టీజేఎస్ స్నేహపూర్వక పోటీ ఉంటుందన్నారు. కాగా పీసీసీ మాజీ అధ్యక్షుడు, మాజీ మంత్రి పొన్నాల లక్ష్మయ్యకు జనగామ స్థానం ఖరారు చేసినట్లు కాంగ్రెస్ తెలంగాణ వ్యవహారాల ఇన్‌ఛార్జ్ కుంతియా తెలిపారు. అయితే జనగామ స్థానం విషయంలో కోదండరాం ఇంతవరకూ అధికార ప్రకటన చేయలేదు. ఈ నేపథ్యంలో 6 సీట్లపై స్పష్టత వచ్చిందనీ..నవంబర్ 16న టీజేఎస్ ఆరుగురు అభ్యర్థుల జాబితాను విడుదల చేస్తామని వెల్లడించారు. మరో రెండు స్థానాల్లో టీజేఎస్ స్నేహపూర్వక పోటీ ఉంటుందని కోదంరాం తెలిపటం గమనార్హం.
 

 

18:31 - November 16, 2018

హైదరాబాద్ : అనుకోకుండా అదృష్టం వరించి రావటమంటే ఇదే. ఏమాత్రం రాజకీయ అనుభవం లేదు..అసలు ఆమె ఎవరో ప్రజలకు తెలీదు. ఎన్నికల్లో సీట్ కోసం నేతలు నానా పాట్లు పడుతుంటే  రాత్రికి రాత్రే ఎమ్మెల్యే అభ్యర్థిగా అవతంరించింది దివంగత నేత, టీడీపీ మాజీ ఎంపీ, ఏపీ సీఎం నారా చంద్రబాబు నాయుడుకు స్వయానా బావమరిది అయిన నందమూరి హరికృష్ణ కుమార్తె సుహాసిని. చంద్రబాబు ఆమెను కుకట్ పల్లి సీట్ కేటాయించటంతో సుహాసిని ఎన్నికల బరిలోకి దిగుతున్న సంగతి తెలిసిందే. ఈ నేపథ్యంలో, టీడీపీ ప్రతినిధులు ఆమెకు నామినేషన్ పత్రాలను అందించారు. రేపు ఉదయం తాత ఎన్టీఆర్, నాన్న హరికృష్ణలకు నివాళి అర్పించిన అనంతరం ఆమె నామినేషన్ వేయనున్నారు. మరోవైపు, సుహాసిని సడన్ ఎంట్రీతో కూకట్ పల్లి నియోజకర్గ ఎన్నికల పర్వం వేడెక్కింది. టీడీపీ శ్రేణుల్లో జోష్ పెరిగింది. ఆమె తరపున ప్రచారానికి ఆమె సోదరులు ఎన్టీఆర్, కల్యాణ్ రామ్ లు కూడా వచ్చే అవకాశం ఉంది. 
 

17:51 - November 16, 2018

హైదరాబాద్ : జాతీయ కాంగ్రెస్ అధ్యక్షుడు రాహుల్ గాంధీ సైకిల్ ఎక్కనున్నారు. సైకిల్ అంటే టీడీపీ పార్టీ ఎన్నికల గుర్తు అనే విషయం తెలిసిందే. అంటే మహాకూటమితో ఒక్కటైన కాంగ్రెస్ - టీడీపీలు తెలంగాణ ఎన్నికలను ప్రతిష్టాత్మకంగా తీసుకుంటున్నాయి. ఎలాగైనా విజయం సాధించి.. రానున్న ఎన్నికల్లో కూటమి బలాన్ని చూపించాలని భావిస్తున్నాయి. ఈ నేపథ్యంలో టీడీపీ అధినేత చంద్రబాబు నాయుడు, ఏఐసీసీ అధ్యక్షుడు రాహుల్ గాంధీలు కలిసి తెలంగాణలో  ‘రోడ్ షో’లు చేయనున్నట్లుగా సమాచారం. అంతేకాదు తెలంగాణలో ఎన్నికల ప్రచారానికి సోనియా గాంధీ కూడా వస్తారనే వార్తలు వస్తున్నాయి. 

Image result for rahul gandhi and chandrababuతెలంగాణలోని 18 అసెంబ్లీ నియోజకవర్గాల్లో నవంబర్ నెలాఖరులో ఈ రోడ్ షోలు నిర్వహించాలనేది మహా కూటమి భావిస్తోంది.  2019లో జరిగే ఎన్నికల్లో బీజేపీయేతర పార్టీలన్నీ ‘మహాకూటమి’గా ఏర్పడేందుకు సిద్ధమవుతున్న నేపథ్యంలో తెలంగాణలో జరిగే ఈ ఎన్నికలను రాహుల్, బాబులు ఓ  ప్రయోగంగా భావిస్తున్నారు. కాగా ఈ ప్రచారానికి ముందుగానే చంద్రబాబు, రాహుల్ గాంధీలు ఈ నెల 22న ఢిల్లీలో జరిగే బీజేపీయేతర పార్టీల శిఖరాగ్ర సమావేశంలో పాల్గొని భవిష్యత్ కార్యక్రమాన్ని రూపొందించేందుకు ఈ వేదిక కీలకం కానుంది. 
ఇప్పటికే ఒక విడత రాహుల్ గాంధీ తెలంగాణలో ప్రచారాన్ని పూర్తి చేశారు. మరోపక్క తెలంగాణలో మహాకూటమి తరఫున ప్రచారం చేస్తానని చంద్రబాబు నాయుడు తెలిపారు. ఈ క్రమంలో 17వ తేదీ శనివారం నాడు కాంగ్రెస్ అభ్యర్థుల తుది జాబితాను కూడా ప్రకటించి వారికి  బీ-ఫారాలు అందించనున్నారు. నామినేషన్ల పర్వం ముగియగానే కాంగ్రెస్ అభ్యర్థుల ప్రచారం మొదలుకానుంది. 
 

16:32 - November 16, 2018

హైదరాబాద్ : తెలంగాణలో ఎన్నికలు రోజురోజుకు  రసవత్తరంగా మారుతున్నాయి. ఆయా పార్టీలు..నేతలు, సీట్లు, కేటాయింపులు, జంపింగ్ జిలానీలు వంటి పలు అంశాలపై వేడి వేడిగా కొనసాగుతు ఎన్నికల స్టంట్ కొనసాగుతోంది. ఈ నేపథ్యంలో ఇప్పుడు తాజాగా మరో అంశం హాట్ టాపింగ్ గా మారింది. రాజకీయ వ్యూహాలలో కేసీఆర్ దిట్ట. అతనికంటే  ఇంకో పైమెట్టుగానే వుండే ఏపీ సీఎం చంద్రబాబు చాణక్య వ్యూహాలకు కేరాఫ్ అడ్రస్ గా వుంటారు. ఈ నేపథ్యంలో తెలంగాణ ఎన్నికల్లో చంద్రబాబు రాత్రికి రాత్రే ఓ నిర్ణయం తీసుకుని రాజకీయాలలో మరింత వేడిని రాజేశారు. అదే! దివంగత నేత, చంద్రబాబు బావమరిది, టీడీపీ మాజీ ఎంపీ అయిన హరికృష్ణ కుమార్తెకు కుకట్ పల్లి సీటును కేటాయించటం. ఇదిప్పుడు హాట్ టాపిక్ గా మారిపోయింది. ఆ సీటును ఆశించిన టీడీపీ నేతలకు కూడా మారు మాట్లాడలేని పరిస్థితి. బాబు వ్యూహం అటు సెంటిమెంట్ ను ఇటు రాజకీయ లబ్ది రెండు నెరవేర్చేలా వుండటం గమనించాల్సిన విషయం. 
Image result for kcr and chandrababuఈ నేపథ్యంలో రాష్ట్ర ఎన్నికల్లో ఏర్పడిన మహాకూటమిలో భాగస్వామిగా వున్న టీడీపీపై టీఆర్ఎస్ పార్టీ ఏకధాటిగా విమర్శిస్తూ వస్తోంది.. చంద్రబాబు తెలంగాణను అస్థిర పరిచేందుకు కుట్రలు చేస్తున్నాడంటూ చెప్పుకొస్తోంది.. తెరాస  విమర్శలకు బలం చేకూరేలా కూటమిలో బాబు పావులు కదుపుతున్నాడేందుకు కూకట్ పల్లి సీటే నిదర్శనం.. అమరావతిలో కూర్చుని చర్చల మీద చర్చలు జరిపి.. నయానో - భయానో అందరినీ ఒప్పించి మరీ కూకట్ పల్లి టిక్కెట్ హరికృష్ణ కూతురు సుహాసినికి దక్కేట్టు చేసుకున్నాడు..కానీ అసలు కథ ఇక్కడే ఉంది..

Image result for harikrishna death kcr talasaniహరికృష్ణ దుర్మరణం పాలైనప్పుడు తెరాస  ప్రభుత్వం చేసిన హంగామా అంతా ఇంతా కాదు.. హరికృష్ణ మృతి నుండి అంత్యక్రియలవరకూ అంతా తానే అయి కార్యక్రమాలను దగ్గరుండి మరీ జరిపించింది టీఆర్ఎస్ ప్రభుత్వం. అంతేకాదు ఇప్పుడు అపద్ధర్మ ముఖ్యమంత్రిగా వున్న కేసీఆర్ అప్పుడు ముఖ్యమంత్రి హోదాలో హరికృష్ణ కోసం ప్రత్యేకంగా ప్రభుత్వ స్థలాన్ని కేటాయించారు. స్మారక స్థూపానికి కూడా ప్రామిస్ చేశారు..టీడీపీ అంటేనే గిట్టని టీఆర్ఎస్ ఇదంతా ఎందుకు చేసినట్లు? టీఆర్ఎస్ మంత్రులే కాదు సాక్షాత్తు సీఎం కేసీఆరే స్వయంగా వెళ్లి చంద్రబాబును, ఎన్టీఆర్, కళ్యాణ రామ్ లను పరామర్శించారు. అప్పట్లో చర్చనీయాంశం కూడా అయ్యింది. జనం మరిచిపోయింటారులే అని అంత తేలిగ్గా తీసేయటానికి కూడా లేదు. ఈ క్రమంలో తెలంగాణ ఎన్నికల్లో సరిగ్గా ఇప్పుడే చంద్రబాబు చాణక్య వ్యూహాన్ని అమలు చేశారు. అదే హరికృష్ణ కుమార్తె సుహాసినికి కుకట్ పల్లి సీటు ఖరారు చేయటం!!.ఈ అంశం టీఆర్ఎస్ ను కూడా ఇరుకున పెట్టేలా వుండటం మరో విశేషంగా చెప్పుకోకతప్పదు. అదెలాగో చూద్దాం...

హరికృష్ణకు అంత చేసిన టీఆర్ఎస్ పౌ టీడీపీ నేతలకు కాస్తో కూస్తో అభిమానం ఏర్పడకపోదు. ఒక వేళ అది కనుక జరిగి వుంటే టీడీపీ  ఓట్లు చేజారతాయనే నేపథ్యం..హరికృష్ణ గౌరవం ఇచ్చినట్లుగాను వుంటుంది..మరోపక్క అతనికి సరై గుర్తింపు ఇచ్చినట్లుగాను వుంటుంది. అలాగే వారి కుటుంబాల పరంగా చూస్తే అందరినీ ఒకతాటిపైకి తెచ్చినట్లుగా వుంటుంది. అంతేకాదు..హరికృష్ణ కుటుంబంలో పురుషులు వున్నాగానీ..అటు కుటుంబంలోను..ఇటు సమాజంలోను మహిళ సెంటిమెంట్ ను గౌరవించినట్లుగా..ఇలా చెప్పుకుంటు పోతే చంద్రబాబు ఒక దెబ్బకు అంటే ఒకే ఒక్క ఆలోచనకు...సముచిత నిర్ణయానికి ఒకే దెబ్బకు ఎన్ని ప్రయోజనాలో లెక్క వేసుకోవాలంటే ఎన్నైనా వుంటాయి..

Image result for chandrababi suhasiniహఠాత్తుగా వెలుగులోకొచ్చిన సుహాసిని..ఎమ్మెల్యే అభ్యర్థి..
నిన్నటి దాకా ఆమె ఎవరో కూడా ఎవరికీ తెలీదు.. ఇంకా చెప్పాలంటే హరికృష్ణకు కూతురున్న సంగతి కూడా చాలా మందికి తెలీదు.. ఇప్పుడామె ఎమ్మెల్యే అభ్యర్థి.. అదీ టీడీపి తరుపున.. గెలుపు కోసం ఆమె ఈ ఎన్నికల్లో ఏమని ప్రచారం చేస్తుంది.. అధికార పార్టీని విమర్శిస్తూ ప్రచారం చేయగలదా..? చేసి ఓట్లు రాబట్టగలదా? ఒక వేళ అదే చేస్తుందనుకుంటే.. మరి తెరాస  వాళ్ళ రియాక్షన్ ఎలా ఉంటుంది? హరికృష్ణ అవటానికి చంద్రబాబుకు బామ్మర్ది అయినా.. తమ సొంత బామ్మర్ది అయినంతగా స్పందించిన తెరాసను నందమూరి సుహాసిని ఘాటుగా విమర్శించగలదా? కోరి స్నేహ హస్తం చాచిన గులాబీతో తెగదెంపులకు సిద్ధ పడగలదా? ఇప్పుడు సిటీ జనాలందరినీ ఇదే ప్రశ్న తొలుస్తోంది.. నామినేషన్ ఇంకా వేయలేదు కానీ.. వేశాక ఏంటి పరిస్థితి? అనేదే హాట్ టాపిక్ గా మారింది. మొత్తానికి పెద్ద చిక్కొచ్చి పడిందే అని అటు టిడిపి క్యాడరు - ఇటు గులాబీ క్యాడరు పైకి చెప్పలేక..మనస్సులో దాచుకోలేని లోలోపలే ఆందోళన పడుతున్నట్లుగా తెలుస్తోంది.

-మైలవరపు నాగమణి

 
 
 
 

Pages

Don't Miss

Subscribe to RSS - ఎన్నికలు