ఎఫెక్ట్

19:45 - September 6, 2017

విజయవాడ : ఇంద్రకీలాద్రిపై కొలువై ఉన్న దుర్గమ్మ దర్శనం అంటే భక్తులకు ఎంతో ఇష్టం. ఆ తల్లి దర్శనం చేసుకుంటే.. అంతా మంచే జరుగుతుందని ఓ నమ్మకం. కానీ దేవస్థానంలో అంతరాలయ దర్శనం టికెట్‌ ధరలు ఎక్కువగా నిర్ణయించడం.. భక్తులను ఇబ్బందుల్లోకి నెట్టింది. విజయవాడ కనకదుర్గమ్మ దేవస్థానంలో నెలకొన్న వివాదాల విషయంలో.. ఇప్పుడిప్పుడే చిక్కుముడులు వీడుతున్నాయి. దుర్గమ్మ దర్శనం టికెట్‌ ధరలు కాస్ట్‌లీ అంటూ గతంలో 10టీవీ కథనాలు ప్రసారం చేసింది. దర్శనం టికెట్ల ధరలు పెరగడంతో గుడికి భక్తుల రాక తగ్గింది. దీంతో ఆలయ ఆదాయానికి గండి పడింది.

10 టీవీ వెలుగులోకి తీసుకొచ్చింది
దుర్గమ్మ దేవాలయంలో ఉన్న సమస్యలను 10 టీవీ వెలుగులోకి తీసుకొచ్చింది. అయితే పాలక మండలి కూడా అమ్మ దర్శనం టికెట్లు తగ్గించేందుకు ప్రయత్నాలు చేసింది. దర్శనం టికెట్ల విషయంలో ఉన్న ఇబ్బందులను మంత్రికి తెలిపింది. మంత్రి దేవినేని ఉమ టికెట్ల ధరలను తగ్గించాలని ఈవో సూర్యకుమారిని కోరారు. అందుకు ఆమె వీలుపడదని చెప్పడం, మంత్రి ఆలోచిస్తాననడంతో వివాదం తార స్థాయికి చేరింది. ఈ విషయంపై ఆలయంలో పంచాయతీ జరగడం గురించి కూడా 10 టీవీ కథనాలు ప్రసారం చేసింది. దీంతో ప్రభుత్వ యంత్రాంగంలో కదలిక వచ్చింది. ఆలయంలో జరుగుతున్న రాద్దాంతంపై సీఎం చంద్రబాబు ఆరా తీశారు. వెంటనే ఆలయ అధికారులు, ఈవో, పాలక మండలికి మధ్య నెలకొన్న విబేధాలపై సీరియస్‌ అయ్యారు. ప్రభుత్వం కూడా దర్శనం టికెట్ల గొడవపై.. ఆరుగురు సభ్యులతో తాత్కాలికంగా కమిటీని నియమించారు. ఈ కమిటీలో గౌరంగబాబు, ఈవో సూర్యకుమారి, ఇద్దరు సభ్యులతో పాటు, దేవాదాయ శాఖ ముఖ్య కార్యదర్శి, కమిషనర్‌ను నియమించారు.

300 నుంచి 150 రూపాయలకు తగ్గించాలని తీర్మానం
సెప్టెంబర్‌ 4న దేవస్థానంలో ఆలయ చైర్మన్‌ గౌరంగబాబు, ఈవో సూర్యకుమారి ఆధ్వర్యంలో.. పాలకమండలి సమావేశం నిర్వహించారు. దర్శనం టికెట్‌ ధరను 300 నుంచి 150 రూపాయలకు తగ్గించాలని తీర్మానించారు. అలాగే 100 రూపాయలున్న ముఖ మండప దర్శనం టికెట్‌ ధరను కూడా.. 50 రూపాయలకు తగ్గించాలని తీర్మానం చేశారు. ప్రభుత్వ ఆమోదం కోసం ప్రతిపాదనలు పంపారు. మొత్తానికి 10 టీవీ వరుస కథనాలతో అధికారుల్లో చలనం వచ్చింది. దీంతో భక్తులు ఎంతగానో సంతోషిస్తున్నారు. 

 

21:53 - August 12, 2017

ప్రకాశం : జిల్లా పర్చూరు మండలం దేవరపల్లిలో దళితుల భూముల్లో చెరువు తవ్వకంపై ప్రభుత్వం వెనక్కి తగ్గింది. నీరు, ప్రగతి కార్యక్రమంలోభాగంగా దళితుల భూముల్లో చెరువు తవ్వేందుకు అధికారులు ప్రయత్నించారు. దీనిపై 10 TV వరుస కథనాలు ప్రసారం చేసింది. దీనిపై స్పందించిన ప్రభుత్వం... దళితుల భూముల్ని తిరిగి వారికే ఇచ్చేస్తామని హామీ ఇచ్చింది. సర్కారు ప్రకటన స్థానికుల్లో సంతోషం నింపింది.. తమకు మద్దతుగా నిలిచిన 10 TVకి గ్రామస్తులు ధన్యవాదాలు తెలిపారు.


 

11:24 - July 24, 2017

వరంగల్ : నగరంలోని మత్తు మాఫియాపై పోలీసులు సీరియస్ యాక్షన్ తీసుకుంటున్నారు. టన్ టివి కథనాలతో వరంగల్ సీపీ సుధీర్ బాబు స్పందించారు. సీపీ మాఫియా కార్యకలాపాలపై నేరుగా రంగంలోకి దిగారు. డ్రగ్స్ అడ్డాలపై సమగ్ర ప్రణాళిక తో దాడికి సీపీ ముందుకు వెళ్తున్నారు. పోలీసులు అవేర్ నెస్, ఆపరేషన్, యాక్షన్ పద్ధతులను అమలు చేస్తున్నారు. ఇంటెలిజెన్స్ నెట్ వర్క్ ను అప్రమత్తం చేశామని సీపీ తెలిపారు. రైల్వేస్టేషన్లు, బస్ ష్టేషన్ల వద్ద నిఘా పెంచామని ఆయన తెలిపారు. మరింత సమాచారం కోసం వీడియో చూడండి.

21:38 - July 11, 2017

నెల్లూరు : 10టీవీ చొరవతో కువైట్‌లో నిర్బంధంలో ఉన్న రవికి విముక్తి లభించింది. కువైట్‌ అరబ్‌ సేఠ్‌ల నిర్బంధంలో నెల్లూరు యువకుడు రవి చిక్కుకున్నాడన్న వార్తను టెన్‌ టీవీ ప్రసారం చేసింది. దీనికి స్పందించిన ఏపీఎన్‌ఆర్‌టీ అసోసియేషన్‌ సభ్యులు రవిని విడిపించి భారత ఎంబసీకి తీసుకువెళ్లారు. రవి 20 రోజుల్లో భారత్‌ చేరుకుంటారని ఏపీఎన్‌ఆర్‌టీ అసోసియేషన్‌ సభ్యులు తెలిపారు. 

18:38 - July 11, 2017

నెల్లూరు : 10టీవీ చొరవతో కువైట్‌లో నిర్బంధంలో ఉన్న రవికి విముక్తి లభించింది. కువైట్‌ అరబ్‌ సేఠ్‌ల నిర్బంధంలో నెల్లూరు యువకుడు రవి చిక్కుకున్నాడన్న వార్తను టెన్‌ టీవీ ప్రసారం చేసింది. దీనికి స్పందించిన ఏపీఎన్‌ఆర్‌టీ అసోసియేషన్‌ సభ్యులు రవిని విడిపించి భారత ఎంబసీకి తీసుకువెళ్లారు. రవి 20 రోజుల్లో భారత్‌ చేరుకుంటారని ఏపీఎన్‌ఆర్‌టీ అసోసియేషన్‌ సభ్యులు తెలిపారు.టెన్ టివి ఎఫెక్ట్

 

15:40 - June 30, 2017

నల్లగొండ : జిల్లాలోని మిర్యాలగూడలో జూన్ 1న అదృశ్యమైన స్పప్న (14) టెన్ టీవీ వరుస కథనాలతో జిల్లా ఎస్పీ స్పందించారు. స్వప్న అదృశ్యం పై ఎస్పీ ప్రకాష్ రెడ్డి ఆరా తీశారు. బాలిక కోసం 4 బృందాలు గాలిస్తున్నాయని ఆయన తెలిపారు. 

14:55 - June 27, 2017

పశ్చిమ గోదావరి : జిల్లా పాలకోడేరు మండలం గరగపర్రు దళితుల బహిష్కరణ విషయాన్ని టెన్ టివి వెలుగులోకి తెవడంతో ప్రభుత్వంలో చలనం వచ్చింది. దళితుల బహిష్కరణలో నిర్లక్ష్యంగా వ్యవహరించిన పాలకోడేరు ఎమ్మార్వో రత్నమణి, ఎస్సై రాంబాబు, వీఆర్వో లను కలెక్టర్ సస్పెండ్ చేశారు. గరగపర్రు గ్రామంలో మంత్రులు నక్కా ఆనంద్ బాబు, జవహర్ పర్యటించారు. మరో వైపు దోషులను రేపు ఉదయం 9గంటలలోపు అరెస్ట్ చేయ్యాలని, లేకుంటే నీరహాదీక్షకు దిగుతానని మాజీ ఎంపీ హర్షకుమార్ హెచ్చరిస్తున్నారు. పూర్తి వివరాలకు వీడియో చూడండి. 

07:30 - June 24, 2017

పశ్చిమగోదావరి : జిల్లా గరికపర్రు గ్రామంలో దళితుల వెలివేతపై టెన్‌టీవీ ప్రసారం చేసిన వరుస కథనాలతో జాతీయ, రాష్ట్ర ఎస్సీ,ఎస్టీ కమిషన్‌లు సీరియస్‌గా స్పందించాయి. సమగ్ర విచారణకు ఆదేశాలు జారీ చేశాయి. ఎస్సీ,ఎస్టీ కమిషన్‌ ఆదేశాలతో జిల్లా అధికారుల్లో ఉరుకులు పరుగులు మొదలయ్యాయి. ఇప్పటికే పశ్చిమగోదావరి జిల్లా సబ్‌కలెక్టర్‌ గరికపర్రు గ్రామాన్ని సందర్శించగా.. ఈనెల 25న విచారణకు జిల్లా కలెక్టర్‌, ఎస్పీలు కూడా హాజరుకావాలని ఏపీ ఎస్సీ,ఎస్టీ కమిషన్‌ ఆదేశించింది. అటు కమిషన్‌ చైర్మన్‌ కారెం శివాజీ కూడా ఆదివారం గరికపర్రును సందర్శించి పరిస్థితిని స్వయంగా తెలుసుకోనున్నారు.

దళిత సంఘాల ఆగ్రహం
గరికపర్రులో దళితుల వెలివేతపై ఏపీ, తెలంగాణల్లో దళిత సంఘాలు ఆగ్రహం వ్యక్తం చేస్తున్నాయి. హైదరాబాద్‌, కర్నూలు, కాకినాడ, విశాఖ నుంచి దళిత సంఘాల నేతలు శనివారం గ్రామాన్ని సందర్శించనున్నారు. అటు ఏపీ ఎస్సీ కార్పొరేషన్‌ చైర్మన్‌ జూపూడి ప్రభాకర్‌ కూడా ఇవాళ గరికపర్రుకు వస్తున్నారు. రెండు నెలలుగా గ్రామంలో దళితుల వెలివేత కొనసాగుతున్నా.. అధికారం యంత్రాంగం పట్టించుకోకపోవడంపై దళితసంఘాలు మండిపడుతున్నాయి. సమస్యను జాతీయస్థాయికి తీసుకెళ్లి.. దళితుల పట్ల కొనసాగుతున్న వివక్షను ప్రపంచానికి చూపిన టెన్‌టీవీని అభినందిస్తున్నారు.

 

15:30 - June 11, 2017

భూపాలపల్లి : జిల్లా తడ్వాయి మండలం ముసలమ్మపేట లో గిరిజన బాలికపై అత్యాచారం చేసిన ఘటనలో పోలీసులు ఇద్దరు నిందితులను అరెస్ట్ చేశారు. 10టీవీ వరుస కథనాలతో జిల్లా యంత్రంగం స్పందించింది. భారత్ దేశ్ క్యాంప్ నకు చెందిన విజయ్, సంతోష్ లను పోలీసులు మీడియా ముందు ప్రవేశపెట్టారు. టెన్ టివి సామాజిక బాధ్యతతో గిరిజన అడవుల్లో జరిగిన ఘోరాన్ని టెన్ టివి బయటపెట్టింది. కథనాలతో జిల్లా కలెక్టర్ స్పందించి వెంటనే విచారణకు ఆదేశించారు. సమాజానికి టెన్ టివి అండగా ఉంటుందని మరోసారి నిరూపించింది. అయితే అటవీ శాఖ అధికారుల మాత్రం నిందితులను తప్పించే యత్నం చేశారు. 

14:36 - March 2, 2017

నల్గొండ : సీపీఎం మహాజన పాదయాత్ర 137వ రోజు కొనసాగుతోంది. కాసేపటి క్రితం సూర్యపేట జిల్లా నుండి నల్గొండ జిల్లాలోకి ప్రవేశించింది. ఈసందర్భంగా సీపీఎం నేతలు, స్థానికులు ఘన స్వాగతం పలికారు. ఉప్పర్ పాడు స్టేజి వద్ద తమ్మినేని బృందానికి పూలతో స్వాగతం పలికారు. పాదయాత్ర ఫలితంగా ప్రభుత్వం ఇప్పుడిప్పుడే కొన్ని పనులు చేస్తోందని, ఇంకా అట్టడుగు వర్గాలకు న్యాయం చేయాలని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం పేర్కొన్నారు. ఇందుకు ప్రభుత్వంపై వత్తిడి తీసుకరావాల్సినవసరం ఉందన్నారు.

Pages

Don't Miss

Subscribe to RSS - ఎఫెక్ట్