ఏచూరి

21:23 - April 18, 2018

హైదరాబాద్ : దేశంలో మతోన్మాద విధానాలు ప్రజ్వరిల్లుతున్నాయని సీపీఎం 22వ జాతీయ మహాసభల్లో నేతలు ఆందోళన వ్యక్తం చేశారు. మోదీ నేతృత్వంలోని ఎన్డీయే ప్రభుత్వం అనుసరిస్తోన్న మతోన్మాద విధానాలకు వ్యతిరేకంగా ఐక్యపోరాటాలు అవసరమని నేతలు అభిప్రాయపడ్డారు. దేశంలో పెరిగిపోతున్న అత్యాచారాలపై కూడా కమ్యూనిస్టు అగ్ర నేతలు ఆందోళన వ్యక్తం చేశారు. ఆర్టీసీ కల్యాణమంటపం ప్రాంగణం వేదికగా మహాసభలను.. సీపీఎం సీనియర్‌ నాయకురాలు, సాయుధ పోరాట యోధురాలు మల్లు స్వరాజ్యం.. పార్టీ పతాకను ఆవిష్కరించి ప్రారంభించారు. పతాకావిష్కరణ అనంతరం అక్కడే ఏర్పాటు చేసిన అమరుల స్తూపం వద్ద.. నేతలు నివాళులు అర్పించారు. సీపీఎం జాతీయ కార్యదర్శి సీతారాం ఏచూరి, పొలిట్‌బ్యూరో సభ్యులు, పార్టీ కేంద్ర కమిటీ సభ్యులు, పరిశీలకులు మొత్తం 846 మంది ప్రతినిధులు ఈ మహాసభల్లో పాల్గొంటున్నారు.

త్రిపుర మాజీ ముఖ్యమంత్రి మాణిక్‌ సర్కార్‌ అధ్యక్షతన ప్రారంభమైన మహాసభల్లో సీపీఎం జాతీయ ప్రధాన కార్యదర్శి సీతారాం ఏచూరి మాట్లాడుతూ... మోదీ ప్రభుత్వం నిర్ణయాలు ప్రజలను ఇక్కట్లపాలు చేస్తున్నాయని విమర్శించారు. ప్రభుత్వ రంగ సంస్థల్లో పెట్టుబడుల ఉపసంహరణ, విదేశీ ప్రత్యక్ష పెట్టుబడుల అనుమతి, జీఎస్‌టీ అమలు తర్వాత ప్రజలు తీవ్ర ఇబ్బందులు ఎదుర్కొంటున్నారని ఏచూరి అన్నారు. ఏటీఎంలలో నగదు లేక ప్రజలు నానా ఇబ్బందులు పడుతున్నా ప్రభుత్వం పట్టించుకోవడం లేదని విమర్శించారు.

ప్రధాని మోదీ నేతృత్వంలోని ఎన్డీయే ప్రభుత్వం అనుసరిస్తోన్న ఆర్థిక విధానాలు సమాజంలో అసమానతలను పెంచుతున్నాయని, విమర్శించారు. బీజేపీ ప్రభుత్వాన్ని ఓడించేందుకు ప్రత్యామ్నాయ రాజకీయ విధానాలు అవసరమన్న ఏచూరీ, పార్టీ 22వ జాతీయ మహాసభల్లో ఈ దిశగా నిర్దిష్ట రాజకీయ విధానంతో ముందుకు వస్తామన్నారు. వామపక్ష, ప్రజాస్వామ్య శక్తుల ఐక్యతకు ఈ మహాసభలు దోహదం చేస్తాయని ఏచూరి ఆశాభావం వ్యక్తం చేశారు. మహాసభల ప్రారంభ సమావేశానికి అధ్యక్షత వహించిన త్రిపుర మాజీ ముఖ్యమంత్రి మాణిక్‌ సర్కార్‌.. ప్రధాని మోదీ అనుసరిస్తున్న విభజించు పాలించు విధానాలతో దేశ ప్రజలు నడిరోడ్డు మీదకు వచ్చారని ఆరోపించారు. దేశ స్వాతంత్ర్యోద్యంలో ఏరకమైన పాత్ర పోషించని బీజేపీ, ఆర్‌ఎస్‌ఎస్‌ శుక్తులు విశానకర విధానాలకు తెరతీశాయని మండిపడ్డారు.

బీజేపీ పాలనలో బలహీన వర్గాలకు రక్షణ లేకుండా పోయిందని సీపీఎం పొలిట్‌ బ్యూరో సభ్యుడు బీవీ రాఘవులు ఆందోళన వ్యక్తం చేశారు. సీపీఎం 22వ జాతీయ మహాసభల్లో స్వాగతోపన్యాసం చేస్తూ... దేశంలో మహిళలు,బాలికలపై జరుగుతున్న అత్యాచారాలు, దళితులపై దాడులను ప్రస్తావించారు. ఇలాంటి దాడులు తెలుగు రాష్ట్రాల్లో తక్కువేమీ కాదన్నారు. పార్టీకి దశాబ్దాలుగా విశేష సేవలందించిన కురు వృద్ధులు తొంభై ఏడేళ్ల శంకరయ్య, తొంభై నాలుగేళ్ల వి.ఎస్‌.అచ్యుతానందన్‌లను మహాసభల సందర్భంగా సన్మానించారు. పార్టీ ప్రధాన కార్యదర్శి సీతారాం ఏచూరి వారికి జ్ఞాపికలను అందించి గౌరవించారు. 

21:13 - April 7, 2018

హైదరాబాద్ : ప్రగతిభవన్‌లో సీఎం కేసీఆర్‌ను సీపీఎం పొలిట్‌బ్యూరో సభ్యులు బీవీ రాఘవులు, సీపీఎం రాష్ట్ర కార్యదర్శి తమ్మినేని వీరభద్రం కలిశారు. ఈనెల 18 నుంచి ఐదు రోజులపాటు జరగననున్న సీపీఎం అఖిల భారత మహాసభలకు ప్రభుత్వం నుంచి సహకారం అందించాలని కోరగా.. కేసీఆర్‌ సానుకూలంగా స్పందించారు. ఈ సమావేశాలకు కేరళ సీఎంతో పాటు పశ్చిమబెంగాల్‌, త్రిపుర మాజీ సీఎంలు హాజరుకానున్నారని కేసీఆర్‌ దృష్టికి తీసుకువచ్చారు. ఇక ఈ సమావేశంలో జాతీయ, రాష్ట్ర రాజకీయాలపై చర్చ జరిగింది. దేశంలో గుణాత్మకమైన మార్పు రావాల్సిన అవసరం ఉందని.. జాతీయ రాజకీయాలపై దృష్టి పెట్టిన నేపథ్యాన్ని కేసీఆర్‌ వివరించారు. దేశాన్ని పాలించిన కాంగ్రెస్‌, బీజేపీలు సరైన విధానాలు పాటించకపోవడం వల్ల దేశం అనేక సమస్యలతో కొట్టుమిట్టాడుతుందని సీఎం తెలిపారు. ఇక మహాసభలకు ప్రభుత్వం నుంచి పూర్తి సహకారం అందిస్తామని హామీ ఇచ్చిన కేసీఆర్‌కు సీపీఎం నేతలు కృతజ్ఞతలు తెలిపారు. 

14:49 - April 7, 2018

ఢిల్లీ : వైసీపీ ఎంపీల ఆమరణ దీక్షలు కొనసాగుతున్నాయి. ఏపీకి ప్రత్యేక హోదా, విభజన హామీలు అమలు చేయాలని కోరుతూ రాజీనామాలు చేసిన వైసీపీకి చెందిన ఐదుగురు ఎంపీలు ఆంధ్రా భవన్ ఎదుట ఆమరణ దీక్షలు చేపట్టారు. దీక్షా శిబిరాన్ని సీపీఎం జాతీయ ప్రధాన కార్యదర్శి సీతారాం ఏచూరి సందర్శించారు. ఎంపీల దీక్షకు సంఘీభావం తెలియచేశారు. ఈ సందర్భంగా ఏచూరి మాట్లాడుతూ...వైసీపీ ఆందోళనతో రాష్ట్రంలో ఉత్సాహం పెరిగిందని, రాష్ట్ర మేలు కోసం జాతీయ స్థాయిలో ఉద్యమించేందుకు సీపీఎం మద్దతిస్తుందని వెల్లడించారు. విభజన హామీలపై పార్లమెంట్ లో చర్చించకపోవడం రాజ్యాంగ విరుద్ధమని, ఇచ్చిన హామీలు అమలు చేయాలని అడిగితే కేంద్రం నిర్లక్ష్యంగా ఎందుకు వ్యవహరిస్తోందో అర్థం కావడం లేదన్నారు. 

18:35 - April 6, 2018

ఢిల్లీ : వైసిపి ఎంపీల రాజీనామాలు రాజకీయ సంక్షోభానికి దారితీస్తుందన్నారు సీపీఎం జాతీయ ప్రధాన కార్యదర్శి సీతారాం ఏచూరి. ఓడిపోతామన్న భయంతోనే బీజేపీ లోక్‌సభలో అవిశ్వాసంపై చర్చను చేపట్టలేదని విమర్శించారు. పార్లమెంటు సమావేశాలు నిర్వహించడంలో కేంద్రం వైఫల్యం చెందిందని అన్నారు. ఏపీకి ప్రత్యేక హోదా ఇస్తామని చెప్పి.. అమలు పరచకపోవడంతో ప్రజలలో వ్యతిరేకత పెరిగిందన్నారు సీతారాం ఏచూరి. విభజన చట్టంలో హామీలన్నీ నెరవేర్చాల్సిన బాధ్యత ప్రధాని మోదీపై ఉందన్నారు సీపీఐనేత డి రాజా. 

07:12 - March 16, 2018

ఢిల్లీ : ఉత్తరప్రదేశ్‌, బిహార్‌ లోక్‌సభ ఎన్నికల ఫలితాలు బిజెపి పాలన పట్ల ప్రజల వ్యతిరేకతను ప్రతిబింబిస్తోందని సిపిఎం జాతీయ ప్రధాన కార్యదర్శి సీతారాం ఏచూరి అన్నారు. యూపీ ఎన్నికల్లో సమాజ్‌వాదీ పార్టీకి సిపిఎం మద్దతివ్వడంపై అఖిలేష్‌ కృతజ్ఞతలు తెలిపారని పేర్కొన్నారు. మతతత్వానికి వ్యతిరేకంగా దేశ వ్యాప్తంగా లౌకిక శక్తుల్లో అవగాహన పెరుగుతోందన్నారు. మోది ప్రభుత్వం అనుసరిస్తున్న విధానాల పట్ల ప్రజల్లో తీవ్ర వ్యతిరేకత పెరిగిందని ఏచూరి చెప్పారు. బిజెపి పాలిత రాష్ట్రాల్లో ప్రజా వ్యతిరేకత స్పష్టంగా కనిపిస్తుందనడానికి ఇటీవల జరిగిన ఉపఎన్నికల ఫలితాలే నిదర్శనమన్నారు.

 

20:58 - February 10, 2018

పశ్చిమగోదావరి : బీజేపీ-టీడీపీ మిత్రబంధం వల్ల సాధించిందేమీ లేదని సీపీఎం జాతీయ ప్రధాన కార్యదర్శి సీతారాం ఏచూరి విమర్శించారు. స్పెషల్‌ స్టేటస్‌.. ప్యాకేజీల పేరుతో ఆంధ్రప్రదేశ్‌ను ఈ రెండు పార్టీలూ మోసం చేశాయని విరుచుకుపడ్డారు. భీమవరంలో జరుగుతున్న సీపీఎం 25వ రాష్ట్ర మహాసభల్లో పాల్గొన్న ఏచూరి, కేంద్ర ప్రభుత్వం కార్పొరేట్లకే కొమ్ముకాస్తోందని మండిపడ్డారు. రాష్ట్రంలో దళితులకు రక్షణ లేకుండా పోయిందని పార్టీ రాష్ట్ర కార్యదర్శి మధు మండిపడ్డారు. అల్లూ‌రు సీతారామ‌రాజు న‌గ‌ర్‌ ప్రాంగ‌ణంలో జరిగిన బ‌హిరంగ స‌భలో సీపీఎం జాతీయ ప్రధాన కార్యదర్శి సీతారాం ఏచూరి పాల్గొని ప్రసంగించారు. బీజేపీ-టీడీపీ మిత్రబంధంతో సాధించిందేమిటని ఆయన ప్రశ్నించారు. ఏపీకి స్పెషల్‌ స్టేటస్‌.. ప్యాకేజీ పేరుతో కేంద్ర రాష్ట్ర ప్రభుత్వాలు మోసం చేశాయని విమర్శించారు. కేంద్రంలోని బీజేపీ ప్రభుత్వం.. కార్పొరేట్లకు కొమ్ముకాస్తూ పేద ప్రజలపై మరింత భారాలు మోపుతుందని ఏచూరి మండిపడ్డారు. 73 శాతం ధనం ఒక్క శాతం ప్రజల వద్దే ఉందని.. పేదవాళ్లు మరింత పేదవాళ్లుగా మారుతున్నారని అన్నారు. ఆకలి చావులు, రైతుల ఆత్మహత్యలు పెరుగుతున్నాయని ఏచూరి ఆందోళన వ్యక్తం చేశారు. బీజేపీ, కాంగ్రెస్‌కు ప్రత్యామ్నాయ ప్రభుత్వం అవసరమని ఏచూరి అన్నారు.

రైతాంగం పోరాటాల్లోకి రావాలని సీపీఎం పొలిట్‌బ్యూరో సభ్యులు రాఘవులు పిలుపునిచ్చారు. బడ్జెట్లో ప్రజల సమస్యలను పట్టించుకోలేదని ఆయన విమర్శించారు. రైతుల అప్పులను రద్దు చేయాలని డిమాండ్‌ చేశారు. కేంద్రం విభజన హామీలను విస్మరించి ప్రజలను మోసగించిందని రాఘవులు మండిపడ్డారు. వామపక్ష ప్రజాతంత్ర శక్తులను ఐక్యం చేయాలన్నారు.

రాష్ట్రంలో దళితులకు రక్షణ లేకుండా పోయిందని సీపీఎం ఏపీ రాష్ట్ర కార్యదర్శి మధు ఆందోళన వ్యక్తం చేశారు. తుందుర్రు ఆక్వా పరిశ్రమ, యనమదుర్రు డ్రెయిన్‌, గరగపర్రు, పెద్దగొట్టిపాడు దళితులపైదాడుల వంటి సమస్యలపై సీపీఎం ఉద్యమాలు చేసిందన్నారు. టీడీపీ ప్రభుత్వం పోలీసులతో ఉద్యమాలను అణచి వేయాలని చూస్తోందని మండిపడ్డారు. రొయ్యల చెరువుల వల్ల కాలుష్యం పెరుగుతుందని ఏయూ ప్రొపెసర్లు నివేదిక ఇచ్చినా ప్రభుత్వ చర్యలు తీసుకోవడం లేదని మధు మండిపడ్డారు.

రాష్ట్రంలో కార్మిక వ్యతిరేక ప్రభుత్వం కొనసాగుతుందని సీపీఎం కేంద్రకమిటీ సభ్యులు ఎం.ఎ గఫూర్‌ మండిపడ్డారు. సరళీకరణ విధానాలకు వ్యతిరేకంగా రానున్నకాలంలో కార్మిక, కర్షక, దళిత, బహుజన, ప్రజాతంత్ర శక్తులను ఏకం చేసే వేదికగా ఈ మహాసభలు జరగనున్నాయ‌ని చెప్పారు. కార్మిక హక్కులను కాలరాస్తే కాలగర్భంలో కలవడం ఖాయమని గఫూర్‌ హెచ్చరించారు.

రాష్ట్రాలు వేరైనా తెలుగు ప్రజలందరూ ఒక్కటేనని.. వారి సమస్యలూ ఒకేలా ఉన్నాయని సీపీఎం తెలంగాణ రాష్ట్ర కార్యదర్శి తమ్మినేని వీరభద్రం అన్నారు. తెలంగాణ వచ్చినా ప్రజలు భూమి కోసం భుక్తి కోసం ఇప్పటికీ పోరాటం చేస్తూనే ఉన్నారన్నారు. అన్ని పోరాటాల్లోనూ సిపిఎం ప్రజలకు అండగా ఉంటోందన్నారు. ప్రత్యామ్నాయ విధానాలు అమలు చేసేది ఎర్రజెండా మాత్రమే అని తమ్మినేని స్పష్టం చేశారు.

అంతకు ముందు భీమవరం పట్టణంలో సీపీఎం పార్టీ భారీ ర్యాలీ నిర్వహించింది. దాదాపు 20 వేల మంది కార్యకర్తలు ఈ ర్యాలీలో పాల్గొన్నారు. కామ్రేడ్స్‌ కదం తొక్కడంతో.. భీమవరం వీధులన్నీ అరుణ వర్ణాన్ని సంతరించుకున్నాయి. సీపీఎం రాష్ట్ర మహాసభలు సోమవారం వరకూ సాగనున్నాయి. 

18:09 - February 10, 2018

పశ్చిమగోదావరి : రాబోయే రోజుల్లో ఏపీ రాష్ట్రంలో పెద్దమార్పు వస్తుందని..మరో ప్రత్యామ్నాయం వస్తుందని సీపీఎం జాతీయ ప్రధాన కార్యదర్శి ఏచూరి పేర్కొన్నారు. నూతన ఆంధ్రప్రదేశ్ ఏర్పాటుకు...దోపిడి..దౌర్జన్యం లేని సమాజాన్ని సృష్టించేందుకు ముందుకు రావాలని ఆయన పిలుపునిచ్చారు. భీమవరంలో సీపీఎం 25వ రాష్ట్ర మహాసభలు శనివారం ఘనంగా ప్రారంభమయ్యాయి. మూడు రోజుల పాటు ఈ సభలు జరుగనున్నాయి. ఈ సందర్భంగా ఏర్పాటు చేసిన సభలో ఆయన మాట్లాడారు.

నాలుగేళ్ల క్రితం తాము ఇలాంటివి జరుగుతాయని ఊహించడం జరిగిందన్నారు. కేంద్రంలో మోడీ ప్రభుత్వం..ఏపీలో టిడిపి ప్రభుత్వం ఉంటుందని..తామిద్దరం కలిసి అభివృద్ధి సాధిస్తామని ఆనాడు పేర్కొనడం జరిగిందని గుర్తు చేశార. కానీ ప్రస్తుతం అలాంటిది జరుగుతుందా ? అని ప్రశ్నించారు. ఈ అంశాలను పార్లమెంట్ లో లేవనెత్తాలని టిడిపి తమకు సూచించడం జరుగుతోందని, కానీ కేంద్రంలో మిత్రపక్షం ఉంది కదా అని తాము తెలపడం జరిగిందన్నారు. ఇప్పటి వరకు నాలుగేళ్లు గడిచిపోయాయని..ఇప్పటి వరకు ఏం జరగలేదని..జరగబోదని తేల్చిచెప్పారు. ప్రభుత్వాలు చేసిన వాగ్ధానాలపై వెనక్కి వెళ్లేందుకు పాలకులు మొగ్గు చూపుతున్నాయని, వాగ్ధానాలను ఎందుకు అమలు చేయడం లేదని కేంద్రం..ఏపీ ప్రభుత్వంపై వత్తిడి తేవాలని పిలుపునిచ్చారు. ఆంధ్ర రాష్ట్రంలో ప్రజా ఉద్యమాలు బలపడితే ఇవన్నీ సాధ్యమని నొక్కి చెప్పారు. ప్రజలపై పడుతున్న భారాలు..దాడులు..ఇతరత్రా వాటిని ప్రారదోలాలంటే ఉద్యమాలే శరణ్యమని ఏచూరి తెలిపారు. 

14:32 - February 10, 2018

పశ్చిమగోదావరి : మోడీ పాలనలో మతోన్మాద దాడులు పెరిగిపోయాయని సీపీఎం జాతీయ ప్రధాన కార్యదర్శి సీతారం ఏచూరి పేర్కొన్నారు. భీమరంలో జరుగుతున్న 25వ సీపీఎం రాష్ట్ర మహాసభలో ఆయన పాల్గొని ప్రసంగించారు. ప్రజాస్వామ్య హక్కులపై దాడులు జరుగుతున్నాయని, అన్ని రంగాల్లో సంక్షోభం పెరిగిపోయిందన్నారు. ప్రజలు దోపిడికి గురవుతున్నారని తెలిపారు. మూడు సంవత్సరాలు..నాలుగు సంవత్సరాల్లో అమెరికన్ సామ్రాజ్యవాదానికి దాసోహం అయ్యిందని విమర్శించారు. 

21:42 - February 8, 2018

ఢిల్లీ : కేంద్రం ఇచ్చిన హామీల నుంచి వెనక్కి తప్పుకుంటుందని సీపీఎం జాతీయ ప్రధాన కార్యదర్శి సీతారాం ఏచూరి అన్నారు. ఏపీకి ఐదేళ్లు కాదు పదేళ్ల హోదా ఇవ్వాలన్న బీజేపీ ఇప్పుడు మాటమార్చి ద్రోహం చేసిందన్నారు. ఇప్పటి వరకు ఏపీకి ఎలాంటి స్పష్టమైన హామీ ఇవ్వలేదన్నారు. ఈ విషయంలో బీజేపీతో పాటు మిత్రపక్షమైన టీడీపీ కూడా సమాధానం చెప్పాలని ఏచూరి అన్నారు. 

12:50 - February 3, 2018

Pages

Don't Miss

Subscribe to RSS - ఏచూరి