ఏసీబీ

17:36 - February 15, 2018

సిద్దిపేట : జిల్లా పంచాయతీరాజ్‌ ఇంజనీర్‌ ఏసీబీకి చిక్కాడు. లంచం తీసుకుంటుండగా దాడిచేసిన ఏసీబీ అధికారులు రెడ్‌హ్యాండెడ్‌గా పట్టుకున్నారు. చేర్యాల మండల కేంద్రానికి చెందిన కాంట్రాక్టర్‌ రహీం ఫిర్యాదు మేరకు డీఈఈ చంద్రప్రకాశ్‌ను ఏసీబీ పట్టుకుంది. బిటీ రోడ్డు నిర్మాణానికి సంబంధించి 74 లక్షల బిల్లును ఇచ్చేందుకు డీఈఈ లక్షా 20వేల లంచం డిమాండ్‌ చేశాడు. అయితే తాను అంత ఇవ్వలేనని.. ఓ 50వేలు ఇస్తానన్నాడు కాంట్రాక్టర్‌. చివరికి 85వేలకు ఒప్పందం కుదిరిందని కాంట్రాక్టర్‌ రహీం తెలిపాడు. విషయాన్ని కాంట్రాక్టర్‌... ఏసీబీ దృష్టికి తీసుకెళ్లడంతో డీఈఈ చంద్రప్రకాశ్‌ను రెడ్‌హ్యాండెండ్‌గా పట్టుకున్నారు. 

22:03 - February 4, 2018

హైదరాబాద్‌ : నగరంలో ఏసీబీ అధికారులు అనూహ్యంగా దాడులు నిర్వహించారు. హెచ్‌ఎండీఏ డైరెక్టర్‌ కట్టా పురుషోత్తమ్‌ రెడ్డి డ్రైవర్‌  ఇంట్లో  సోదాలు చేశారు. ఎల్లమ్మబండలోని ఆగమయ్య ఇంట్లో జరిపిన తనిఖీల వ్యవహారాన్ని అధికారులు గోప్యంగా ఉంచారు. ఈ దాడుల్లో కీలక సమాచారం లభించినట్లు తెలుస్తోంది. 

 

11:09 - January 31, 2018
09:36 - January 31, 2018

విజయవాడ : ఏపీ రాష్ట్రంలో లంచగొండి అధికారులు పెరిగిపోతున్నారు. గత కొన్ని రోజులుగా ఏసీబీ అధికారులు అవినీతి ఆరోపణలు వస్తున్న అధికారుల ఇళ్లపై దాడులు చేస్తూ కూడబెట్టిన సొమ్మును స్వాధీనం చేసుకుంటున్నారు. లక్షలు..కోట్లు అక్రమంగా సంపాదిస్తుండడం కలకలం రేపుతోంది. తాజాగా కమర్షియల్ టాక్స్ కమిషనర్ లక్ష్మీ ప్రసాద్ నివాసంపై ఏసీబీ అధికారులు బుధవారం సోదాలు నిర్వహించారు. విజయవాడ, గుంటూరు, విశాఖ, శ్రీకాకుళం, హైదరాబాద్ అశోక్ నగర్ లో ఉన్న నివాసాల్లో తనిఖీలు కొనసాగుతున్నాయి. ఏపీ, తెలంగాణ రాష్ట్రంలోని 20 ప్రాంతాల్లో ఈ సోదాలు కొనసాగుతున్నట్లు సమాచారం. విశాఖ -3, గుంటూరు -3, శ్రీకాకుళం -3 చోట్ల ఏసీబీ తనిఖీలు కొనసాగిస్తోంది. మొత్తంగా ఈ సోదాల్లో రూ. 50కోట్లు అక్రమాస్తులు బయటపడినట్లు సమాచారం. పూర్తి వివరాలు తెలియాల్సి ఉంది. 

11:26 - January 29, 2018

విశాఖ : విశాఖ ఆర్బన్ డెవలప్ మెంట్ అథారిటీ(వుడా) ఏవో ప్రదీప్ కుమార్ నివాసంపై ఏసీబీ దాడులు జరిపింది. ఆదాయానికి మించి ఆస్తులు కలిగివున్నారన్న అభియోగం ఆయనపై ఉంది. ఈ నేపథ్యంలో విశాఖలోని ప్రదీప్ కుమార్ స్నేహితులు, బంధువుల ఇళ్లల్లో ఏసీబీ అధికారులు సోదాలు చేస్తోంది. ప్రదీప్ కుమార్ కు సబంధించి హైదరాబాద్, అనంతపురం, ఒంగోలు, విశాఖలో సోదాలు నిర్వహించారు. విశాఖ, విజయవాడలోని ప్రదీప్ కుమార్ ఇళ్లల్లో ఏసీబీ సోదాలు కొనసాగుతోంది. మొత్తం 12 చోట్ల అధికారులు సోదాలు జరుపుతున్నారు. మరిన్ని వివరాలను వీడియోలో చూద్దాం... 

20:29 - January 25, 2018

శ్రీకాకుళం : జిల్లాలోని ఎచ్చెర్ల మండలంలో అవినీతి చేప ఏసీబీ వలకు చిక్కింది. పాపులేషన్‌ సర్టిఫికేట్‌ జారీ చేసేందుకు లంచం డిమాండ్‌ చేసి అడ్డంగా బుక్కయ్యాడు కుశాలపురం పంచాయితీ కార్యదర్శి కుర్మారావు. ఎచ్చెర్ల మండలం ఫరీదుపేట పంచాయితీకి చెందిన సీపాన దిలీప్‌ కుమార్‌ పాపులేషన్‌ సర్టిఫికేట్‌ కోసం దరఖాస్తు చేసుకోగా కుర్మారావు పదివేలు లంచం డిమాండ్‌ చేశాడు. దీంతో దిలీప్‌ కుమార్‌ ఏసీబీ అధికారులకు ఫిర్యాదు చేశారు. ఏసీబీ అధికారులు కుర్మారావును లంచం తీసుకుంటుంగా పట్టుకున్నారు. ఇతనితో పాటు గుమస్తాను కూడా అదుపులోకి తీసుకొని ఆరువేల రూపాయల నగదును స్వాధీనం చేసుకున్నారు. వీరిని విశాఖలోని ఏసీబీ కోర్టులో హాజరుపరుస్తామని ఏసీబీ అధికారులు తెలిపారు. 

 

14:00 - January 23, 2018

నిజామాబాద్ : మరో అక్రమార్కుడు ఏసీబీకి చిక్కాడు. నిజామాబాద్‌ జిల్లా ఆర్మూర్‌ ఆర్డీవో శ్రీనివాస్‌ 40 వేల రూపాయల లంచం తీసుకుంటూ ఏసీబీకి అడ్డంగా దొరికిపోయాడు. మినరల్ వాటర్‌ ప్లాంట్ యజమానుల నుంచి  డబ్బులు తీసుకుంటుండగా ఏసీబీ అధికారులు రెడ్‌ హ్యాండెడ్‌గా పట్టుకున్నారు.

10:49 - January 20, 2018

హైదరాబాద్ :  ఇరిగేషన్‌శాఖ డిప్యూటీ ఇంజనీర్‌ శ్రవణ్‌కుమార్‌ ఇంటిపై ఏసీబీ దాడులు కొనసాగుతున్నాయి. సుచిత్రలోని ఆయన నివాసంతో పాటు మరో 6 ప్రాంతాల్లో అధికారులు తనిఖీలు నిర్వహిస్తున్నారు. 

07:34 - January 20, 2018

కృష్ణా : ఏపీ ఏసీబీ అధికారులు వేగం పెంచారు. అవితినీతి చేపలు, జలగలు, తిమింగలాను వరుసగా పట్టుకుంటున్నారు. అన్ని స్థాయిల్లో అవినీతిని కూకటివేళ్లతో పెకలించేందుకు సోదాలు, దాడులు విస్తృతం చేస్తున్నారు. ఏసీబీ దాడులతో అక్రమార్కులు హడిలిపోతున్నారు. ప్రజలను జలగల్లాపటుకుని పీడించి సంపాదించిన అవినీతి సొమ్ముతో కట్టిన మేడలు, కొనుగోలు చేసిన కార్లు, బంగారు ఆభరణాలను స్వాధీనం చేసుకుంటూ అక్రమార్కులు గుండెల్లో గుబులు పుట్టిస్తున్నారు. గతంలో గ్రామ రెవెన్యూ అధికారులు, గ్రామ పరిపాలనాధికారులు, కార్యదర్శలు వంటి చిన్న చేపలను పట్టుకున్న ఏసీబీ అధికారులు ఇప్పుడు పెద్ద చేపలపై గురిపెట్టారు. కృష్ణా జిల్లాలో గత ఏడాది పట్టుబడ్డ 15 కేసుల్లో 13 లంచం కేసులు. మిగిలిన రెండూ ఆదాయానికి మించిన ఆస్తులు కేసులు.

16 కోట్ల రూపాయలు...
విజయవాడ ప్రభుత్వ పారిశ్రామిక శిక్షణా సంస్థ అధికారి ఇంట్లో ఆదాయానికి మించి 16 కోట్ల రూపాయల ఆస్తులు బయటపడ్డాయంటే అవినీతి ఏ స్థాయిలో ఉందో అర్థం చేసుకోవచ్చు. పొలం నుంచి హెచ్‌టీ విద్యుత్‌ స్తంభం తొలగించేందుకు ఒక రైతు నుంచి అసిస్టెంట్‌ ఇంజినీర్‌ వరప్రసాద్‌ రెండు లక్షల లంచం తీసుకుంటూ ఏసీబీకి పట్టుపడ్డాడు. విజయవాడ నగర పాలక సంస్థలో 18 లక్షల రూపాయల బిల్లు చెల్లించేందుకు కాంట్రాక్టర్‌ నుంచి లక్ష లంచం తీసుకుంటూ ముఖ్య గణాంకాధికారి శివశంకర్‌ ఏసీబీకి అడ్డంగా దొరికిపోయాడు. తూర్పుగోదారి జిల్లాలోని ఓ ఆలయ ఈవో చీమలకొండ సాయి లంచం తీసుకొంటూ ఏసీబీకి చిక్కాడు. అక్రమార్కుల ఆస్తుల స్వాధీనానికి కొత్త చట్టం అమల్లోకి వచ్చిన తర్వాత ఏసీబీ అధికారులు దాడులు విస్తృతంచేసి... అవినీతిపరులు ఆటలు కట్టించేందుకు ప్రయత్నిస్తున్నారు. ఈ విషయంలో ప్రజలను కూడా చైతన్యం చేస్తోంది. 

21:14 - January 12, 2018

విజయవాడ : సాధారణంగా ప్రభుత్వ అధికారులు లంచం తీసుకుంటుండగా ఏసీబీ అధికారులు పట్టుకునే మొత్తం లక్ష వరకు ఉంటుంది. కానీ విజయవాడలో జరిగిన దాడి విషయం తెలిస్తే మీరు ఆశ్చర్యపోకమానరు. లక్ష కాదు.. 2లక్షల కాదు.. ఏకంగా 22లక్షల 50వేల రూపాయలతో ఏసీబీ కొత్త రికార్డ్ సృష్టించింది. విజయవాడలో తన కార్యాలయంలో ఇంత భారీ మొత్తాన్ని లంచంగా తీసుకుంటూ వాణిజ్యపన్నుల శాఖ డిప్యూటీ కమిషనర్‌గా పనిచేస్తున్న ఏడుకొడులు ఏసీబీకి చిక్కారు. ప్రస్తుతం ఏడుకొండలు చెక్‌పోస్టులకు ఇన్‌చార్జ్‌గా వ్యవహరిస్తున్నారు. ఏసీబీ డీజీ ఠాకూర్ పర్యవేక్షణలో ఈ దాడులు జరిగాయి. ఇంత భారీ మొత్తంలో రెడ్ హ్యాండెడ్‌గా పట్టుకోవడం ఏసీబీ చరిత్రలో ఇదే ప్రథమం. 

Pages

Don't Miss

Subscribe to RSS - ఏసీబీ