ఐదుగురు

08:36 - December 2, 2018

చిత్తూరు : జిల్లాలో విషాదం నెలకొంది. ఘోర రోడ్డు ప్రమాదం జరిగింది. ఈ ప్రమాదంలో ఐదుగురు మృతి చెందారు. రేణిగుంట సమీపంలోని మామండూరులో లారీ, కారు ఢీకొన్నాయి. ఈ ఘటనలో ఒకే కుటుంబానికి చెందిన ఐదురుగు మృతి చెందారు. మృతులు కడప జిల్లా సీకే దిన్నె వాసులు గంగాధరం (35), విజయమ్మ (30) ప్రసన్న(32), మరియమ్మ(25), ప్రసన్న(2)లుగా గుర్తించారు. 

22:11 - September 14, 2018

సిద్ధిపేట : కొండ గట్టు బస్సు ప్రమాద ఘటన మరువకముందే మరో ప్రమాదం చోటుచేసుకుంది. సిద్ధిపేట జిల్లాలో జిరిగిన రోడ్డు ప్రమాదంలో ఐదుగురు దుర్మరణం చెందారు. పాములపర్తి గ్రామానికి చెందిన 20 మంది ఆటోలో నాగపురి గ్రామానికి వెళ్తున్నారు. గజ్వేల్ మండలం రిమ్మనగూడ వద్ద రోడ్డు పక్కన ఆగిఉన్నటాటా ఏస్ వాహనాన్నిలారీ ఢీకొనడంతో ఆటోలోని ఐదుగురు వ్యక్తులు మృతి చెందారు. మరో 13 మంది గాయపడ్డారు. వీరిలో నలుగురి పరిస్థితి విషమంగా ఉంది. క్షతగాత్రులను ఆస్పత్రికి తరలించి చికిత్స అందిస్తున్నారు. సమాచారం అందుకున్నపోలీసులు సంఘటనా స్థలానికి చేరుకున్నారు. కేసు నమోదు చేసి, దర్యాప్తు చేస్తున్నారు.

 

08:24 - August 22, 2018

ఉత్తరప్రదేశ్‌ : అలహాబాద్‌లోని ఓ ఇంట్లో ఒకే కుటుంబానికి చెందిన ఐదుగురి మృతదేహాలు కలకలం సృష్టించాయి. మృతుల్లో భార్యా, భర్త, ముగ్గురు ఆడ పిల్లలున్నారు. భర్త ఫ్యాన్‌కు ఉరి వేసుకుని ఆత్మహత్యకు పాల్పడగా....భార్య శవం ఫ్రిజ్‌లో, అల్మారాలో పెద్ద కూతురు శవం, ఓ పెట్టె, సూటుకేసులో ఇద్దరు కూతుళ్ల శవాలు లభించినట్లు పోలీసులు తెలిపారు. ధూమన్‌గంజ్‌ ప్రాంతానికి చెందిన మనోజ్‌ కుశ్వా భార్యా ముగ్గురు కూతుళ్లతో కలిసి ఆ ఇంట్లో జీవనం సాగిస్తున్నాడు. సోమవారం ఉదయం 11 గంటలకు మూసి ఉంచిన తలుపులు అర్థరాత్రి దాటాక కూడా తెరచుకోలేదు. పైగా ఆ ఇంట్లో పెద్ద సౌండ్‌తో మ్యూజిక్‌ రావడంతో ఇరుగు పొరుగు వారికి అనుమానం వచ్చి పోలీసులకు ఫిర్యాదు చేయడంతో ఈ ఘటన వెలుగుచూసింది. పోలీసులు ఇంటి తలుపులు బద్దలు కొట్టి లోనికి వెళ్లేసరికి కుటుంబంలోని ఐదుగురి మృతదేహాలు బయటపడ్డాయి. మనోజ్‌ కుశ్వా భార్యా పిల్లలను చంపి ఆత్మహత్యకు పాల్పడి ఉంటాడని అలహాబాద్‌ ఎస్‌ఎస్‌పి నితిన్‌ తివారి వెల్లడించారు. భార్యకు వివాహేతర సంబంధం ఉందన్న అనుమానంతోనే మనోజ్‌ కుశ్వా ఈ దారుణానికి ఒడిగట్టి ఉంటాడని పోలీసులు చెబుతున్నారు. 

 

13:33 - July 24, 2018

తమిళనాడు : చెన్నై లోకల్‌ ట్రైన్‌ ప్రయాణంలో విషాదం చోటుచేసుకుంది. ఐదుగురు యువకుల ప్రాణాలు తీసింది ఫుట్‌బోర్డు ప్రయాణం. చెన్నై బీచ్ నుంచి తిరుమాల్‌పూర్‌ వెళ్తున్న లోక్‌ల్‌ ట్రైన్‌లో ఫుడ్‌బోర్డు ప్రయాణం చేస్తున్న ఐదుగురు యువకులు కరెంట్ పోల్‌కు ఢీకొన్నారు. దీంతో నలుగురు అక్కడికక్కడే మృతి చెందగా మరొకరు ఆస్పత్రిలో మృతి చెందాడు. నిన్న రాత్రి కూడా ఇదే ప్రాంతంలో ఇద్దరు మృతి చెందడం గమనార్హం.

09:46 - July 22, 2018

హైదరాబాద్‌ : ఎర్రగడ్డ వద్ద రోడ్డు ప్రమాదం జరిగింది. కారును లారీ ఢీ కొనడంతో ఈ ప్రమాదంలో కారులో ప్రయాణిస్తున్న ఐదుగురు తీవ్రంగా గాయపడ్డారు. ప్రమాదం జరిగిన వెంటనే లారీ డ్రైవర్‌ పారిపోయాడు. లారీ డ్రైవర్‌ మద్యం మత్తులో ఉండడంవల్లే ప్రమాదం జరిగినట్లు అనుమానాలు వ్యక్తమవుతున్నాయి. 

 

07:40 - July 1, 2018

ఈటానగర్ : అరుణాచల్‌ ప్రదేశ్‌లో కొండ చరియలు విరిగిపడి ఐటిబిపికి చెందిన ఐదుగురు జవాన్లు మృతి చెందారు. భారీ వర్షాలు కారణంగా అకాజన్‌ మార్గంలో పెద్ద బండరాయి జవాన్లు ప్రయాణిస్తున్న వాహనంపై పడడంతో ఈ ప్రమాదం చోటుచేసుకుంది. నలుగురు జవాన్లు అక్కడికక్కడే మరణించారు. భారత్‌ టిబెట్‌ సరిహద్దుకు ఐటిబిపి జవాన్లు బసర్‌ నుంచి లోయర్‌ సివాంగ్‌ వెళ్తుండగా ఈ ప్రమాదం జరిగింది. ఐటిబిపి మినీ బస్సులో 20 మంది సిబ్బంది  ప్రయాణిస్తున్నట్లు అధికారులు తెలిపారు. గాయపడ్డ 8 మంది జవాన్లను ఆసుపత్రికి తరలించారు. సహాయక చర్యలు కొనసాగుతున్నాయి. ఇప్పటివరకు ముగ్గురి మృతదేహాలను స్వాధీనం చేసుకున్నారు. అరుణాచల్‌ ప్రదేశ్‌లో గత ఐదు రోజుల్లో ఇది రెండో ఘటన. కొండ చరియలు విరిగి పడ్డ ప్రమాదంలో మృతుల సంఖ్య తొమ్మిదికి చేరింది.

 

19:36 - April 29, 2018

కడప : జిల్లాలోని పుల్లంపేటలో ఘోర రోడ్డు ప్రమాదం జరిగిది. వ్యాను, లారీ ఢీకొన్న ప్రమాదంలో ఐదుగురు ప్రాణాలు కోల్పోయారు. మృతులు అనంతపురం జిల్లా గుత్తి వాసులుగా గుర్తించారు.  మరో నలుగురు తీవ్రంగా గాయపడ్డారు. క్షతగాత్రులను రాజంపేట ప్రభుత్వ ఆస్పత్రికి తరలించారు. 

 

17:38 - April 16, 2018

కర్నూలు : జిల్లాలో విషాదం ఘటన చోటుచేసుకుంది. జిల్లాలోని దిన్నదేవరపడులో గ్రామంలో ఒకే కుటుంబానికి చెందిన ఐదుగురు ఆత్మహత్యాయత్నం చేశారు. అప్పులబాధతో ముగ్గురు పిల్లలకు విషం ఇచ్చి.. బోయ మధు దంపతులు ఆత్మహత్యకు పాల్పడ్డారు. ఈ ఘటనలో భర్త మృతి చెందగా, భార్యా ముగ్గురు పిల్లల పరిస్థితి విషమంగా ఉంది. చికిత్స కోసం వీరిని కర్నూలు ఆసుపత్రికి తరలించారు. 

 

08:56 - March 12, 2018

చెన్నై : తమిళనాడులోని తేని జిల్లా కురంగణి అడవుల్లో చెలరేగిన కార్చిచ్చు ఐదుగురు విద్యార్థులను బలి తీసుకుంది. మున్నార్‌ ప్రాంతంలోని సూర్యనెల్లి నుంచి పర్వతారోహణకు వెళ్లిన 39 మంది విద్యార్థుల్లో  ఐదుగురు ప్రాణాలు కోల్పోయారు. మరో 12 మంది తీవ్రంగా గాయపడ్డారు. 15 మందిని హెలికాప్టర్ల సహాయంతో  అటవీ, రక్షణ శాఖల అధికారులు రక్షించారు.  వీరందర్నీ బోడినైకనూర్‌ ఆస్పత్రికి తరలించారు.  ఇంకా ఆచూకీ తెలియని మరికొందరు విద్యార్థుల కోసం గాలింపు విస్తృతం చేశారు. కొరంగణి ప్రాంతంలో పర్వతారోహణ శిక్షణకు వెళ్లిన విద్యార్థులు కొండెక్కే సమయంలో అకస్మాత్తుగా కార్చిచ్చు రేగడంతో ఈ ఘటన జరిగింది. అధికారులు సహాయ కార్యక్రమాలను ముమ్మరం చేశారు. 

 

 

11:36 - January 23, 2018

పశ్చిమ గోదావరి : జిల్లాలో రహదారులు రక్తమోడాయి. రెండు చోట్ల రోడ్డు ప్రమాదాలు జరిగాయి. ఈ ప్రమాదాల్లో ఐదుగురు చనిపోగా... మరో ముగ్గురికి గాయాలు అయ్యాయి.  నల్లజర్ల మండలంలోని అనంతపల్లి దగ్గర కారు .. ఓ లారీ ఢీకొట్టింది. ఈ ప్రమాదంలో ముగ్గురు చనిపోగా.. మృతుల్లో ఓ చిన్నారి ఉంది. ఇక ఆకివీడు మండలం అజ్జమూరు దగ్గర ఆర్టీసీ బస్సు బైక్‌ను ఢీకొట్టింది. ఈ ప్రమాదంలో బైక్‌పై వెళ్తున్న ఇద్దరు చనిపోయారు. వీరిని షకీల్‌, నాగార్జునగా గుర్తించారు.

Pages

Don't Miss

Subscribe to RSS - ఐదుగురు